Indholdsfortegnelse for February 2017 i SARIE

Februarie, die jaar se kortste maand met sy skrale 28 dae. Jy’t skaars nuwe jaar gesê en ook dié maand is verby. Maar, Februarie eien Valentynsdag, die 14de, en dít maak dit groot. Liefde word gevier – die restaurante is vol, rose onbetaalbaar duur en winkels speel saam met van sexy onderklere tot luukse sjokolade en sagte teddiebere. Verstommend hoe die gewildheid van Valentynsdag in SA gegroei het. Die ongelukkiges wat bly mompel dat dit net nóg ’n kommersiële foefie is, word stilgemaak deur ’n tsoenami van liefdesverklarings en rooi harte wat daarmee saamkom. Dis maar soos dit is, dink ek elke keer. Ons het duidelik ’n behoefte om één spesifieke dag van die jaar uit te sonder om vir geliefdes te wys hoe ons oor hulle voel. Toe google…

Ek vat hoop se hand! Dis weer tyd vir bestekopname! Oor ’n koppie tee, met my SARIE langs my, pak ek 2016 se letsels, gebeure en foute op die tafel uit soos kosbare eetservies en koperware wat skoongemaak moet word. Aan my krake kan ek nie veel doen nie, want hoe anders sal die sonlig in my lewe deurkom? Nou is my gisters afgewas en blinkgevryf sodat ek die môres beter daarin kan raaksien. Ek het “ek kán” blinkgevryf en van “ek-kan-nie!” ontslae geraak. As ek bereid is om “hoop” se hand te vat, kan ek mos baie ver kom. Ek sien nie net probleme raak nie, maar ook geleenthede. Elke minus is nou vir my ’n plus. En ek dra my letsels waardig. Die afgelope jaar was daar verskeie…

Olivia is ’n ou siel in ’n klein lyfie Diaan Die weggaan by 7de Laan was ’n tree in die donker Diaan My kinders is wonderlik en vreemd Diaan Houtbaai. Vissersbote, ooraktiewe meeue en net so móói. Maar op dié vaal wintersdag lyk die drie figuurtjies op die windgeteisterde strand bra verlate. Diaan Lawrenson en die kleine Thomas (3) en Olivia Rose (6) soos kokonne in komberse toegewikkel. Net hulle en die mistroostige see. Terwyl trane oor Olivia se wange spoel. In Mei verlede jaar het hulle uit Johannesburg Kaap toe getrek, Olivia die minste van haar ma se bekommernis. ’n Flambojante kind, vol selfvertroue, spraaksaam; nes haar pa, die akteur Jody Abrahams. Maar toe onverwags ontroosbaar oor wat sy moes agterlaat. Dae lank het sy net gelê,…

Wanneer ek sing, voel dit nie soos werk nie Leah Wanneer het jy besef sang is in jou bloed? Ek en my tweelingbroers, Daneel en Ignus, het kleintyd op die tafels geklim en vir die grootmense konsert gehou. Ná matriek het ek BCom (regte) aan die Universiteit Stellenbosch geswot en besef dit is nie vir my nie, maar ek moes iets hê om op terug te val. Toe ek vir my ma, Christa, sê ek is aanvaar by die Waterfront-teaterskool in Kaapstad, was sy nie verbaas nie. Wanneer ek sing, voel dit nie soos werk nie. Op die verhoog voel alles reg. En toe word een van jou grootste drome waar, nè? Ja, my eerste CD, Wonderwerk, is in 2015 uitgereik. Eintlik was daar baie klein wonderwerke in my lewe.…

‘BORDUURWERK HET ’N STADIGE, MEDITATIEWE RITME’ Danielle Clough, eienaar van Sew Far Sew Good van Kaapstad Van die grootstes het al oor haar berig – die internasionale televisienetwerk CNN, die modewebtuiste Vogue.com, die gesaghebbende dagblad The New York Times, om maar net ’n paar te noem. Danielle Clough – haar pêlle noem haar Dee – ’n millenniër (28) van Kaapstad wie se borduurwerk op Instagram bekend geword het, is nou ’n groot naam in die borduurwêreld. En sy dink dit is nogal cool om ’n stokperdjie te hê wat in die verbeelding van die publiek eerder by ’n ouer vrou pas. “My gunstelingplek is my knus rusbank in my ateljee in Tuine, Kaapstad, waar ek met my kleurryke garingdrade kan speel. Borduurwerk het ’n stadige, meditatiewe ritme.” As kind wou…

DAARVOOR Sowat 86% van jongmense dink nie tatoes en ringetjies/ knopies deur ’n liggaamsdeel verminder hul kans om werk te kry nie. (Indiese navorsing) Professionele kleredrag en netheid speel ’n belangriker rol in die besluit om iemand aan te stel as tatoes en ringetjies/knopies deur liggaamsdele.(Amerikaanse studie) Werknemers met swaar tatoes reken dit maak hulle toegankliker vir jonger kollegas. (Kanadese studie) DAARTEEN Sigbare tatoes het ’n oorwegend negatiewe effek op aanstellings, weens die personeelbestuurder se persepsie van kliënte se verwagtinge. (Britse navorsing) Daar word dikwels in die werkplek op ’n ongewenste manier aan getatoeëerde werknemers gevat. (Kanadese studie) Kliënte gee voorkeur aan personeel sonder tatoes. (Amerikaanse studie) Maak dus jou tatoe(s) toe as jy dink dit gaan teen jou tel!…

Waar woon jy en waarom juis daar? My oupa, wat as vliegtuigmeganikus deel van die VN-mag in die Koreaanse Oorlog was, is lid van die Vereniging vir Koreaanse Oorlogsveterane in Suid-Afrika. Pas ná hoërskool het die Suid-Koreaanse regering vir my ’n studiebeurs in Seoel aangebied. Dis hul manier om dankie te sê vir die hulp wat hulle destyds ontvang het. Sonder om twee keer te dink het ek dit aanvaar en alleen op ’n vliegtuig halfpad oor die wêreld gevlieg na ’n wildvreemde land. Ek studeer internasionale handel en sake-administrasie. Hoe verskil jou lewe van die een in SA? Ek is van Scottburgh, ’n klein dorpie aan die KwaZulu-Natalse Suidkus. Seoel is een van die grootste stede ter wêreld en die stad slaap nooit nie. Jy is byna nooit alleen…

In 2015 het ’n 24-jarige donkerkop van die klein gemeenskap Eldoradopark, Johannesburg, met die gesogte titel van Mej. SA weggestap. Die geleenthede wat daarna gevolg het, het Liesl Laurie met albei hande aangegryp. Verlede jaar het sy by Jacaranda FM as omroeper aangesluit en pas is sy as ’n ambassadeur van die internasionale velsorghuis Vichy aangewys. Haar gesig sal voortaan in media-advertensies in Suid-Afrika, Brasilië en Amerika verskyn. Liesl is passievol oor SA se jongmense én oor opvoeding, daarom het sy besluit om eers haar BCom-graad te voltooi voordat sy vir Mej. SA ingeskryf het. Sy glo jy moenie wag dat iemand anders vir jou deure oopmaak nie. Jy moet dinge vir jouself laat gebeur! Bykomende bron: www.702.co.za…

GEBRUIK ’N BASISLAAG voordat jy jou onderlaag aanwend, sê Alicia Schutte, opleidingshoof van die grimeerhuis Bobbi Brown. Dit maak jou vel mooi glad sodat jou onderlaag eweredig aanwend én dit help dat die onderlaag op jou vel hou. Kies ’n produk vir jou spesifieke veltipe. As jy met erge olierigheid sukkel, soek ’n basislaag met ’n matafwerking (mattifying). Wenk As jy nie ’n afsonderlike basislaag wil koop nie, soek ’n vogroom met ’n ingeboude basislaag KIES DIE REGTE ONDERLAAG ’n Olievrye onderlaag werk goed in die somer, veral vir ’n olierige vel. As jy ’n droë veltipe het, kan jy steeds hierdie tipe onderlaag gebruik, maak net seker jy bevog jou vel goed voordat jy dit aanwend, sê Alicia. Wenk Kyk uit vir die woorde oil-free…

Toe ek onlangs die geleentheid gekry het om een van die Gary Rom-haarsalonne te besoek het ek besluit om my hare in ’n bob te sny. Om lang hare kort te sny is vreesaanjaend, maar ek is effens gerusgestel toe ek hoor dié salon het ’n stilis wat ’n “bob-kenner” is. My nuwe styl lyk pragtig en die hele ervaring van begin tot einde was heerlik. Eers is ek na ’n spesiale klankdigte kamer geneem (dié behandelingskamers is net by uitsoeksalonne van Gary Rom beskikbaar) waar ek ’n ontspannende haarbehandeling en -massering gekry het. Die stilis het toe my hare in ’n basiese bob gesny voordat sy verder aan die styl gesnipper het sodat dit by my gesigvorm en die tekstuur van my hare pas. So tussendeur het haar assistent…

KAAS-EN-HAM-ROOSTERBROOD Vir dié broodjie sal jy nie kan nee sê nie – dis die botter waarin jy dit braai wat dit so lekker maak! genoeg vir 6 Verhit oond tot 180 °C. Sny 1 suurdeegbrood in 12 snye . Verhit 115 g (125 ml) botter tot warm in groot braaipan. Braai broodsnye aan een kant tot goudbruin. Dreineer op kombuispapier en hou eenkant. Sny 300 g mozzarellakaas in 12 skywe. Draai broodjie om sodat die gebraaide kant na bo wys. Smeer die broodjies met 100 ml Dijon-mosterd . Pak helfte van kaas op broodjies gevolg deur 6 snye parmaham (1 per broodjie). Pak oorblywende kaas op broodjies. Maak toe met res van broodsnye met botterkant na buite. Pak broodjies op oondroosterplaat en bak vir 10 minute of tot kaas gesmelt…

Tian Kretsenger, ’n apteker van Kaapstad, reken dat byna 90% van sy kliënte wat oor-die-toonbank-medisyne misbruik, aan middels met kodeïen verslaaf is. Kodeïen is ’n opiaat wat help met die behandeling van ligte tot matige pyn. Dit skuil dus in pynmiddels, asook in hoesstrope en middels wat help met die behandeling van diarree. Die res blyk afhanklik te wees van ander middels, veral slaap- en kalmeermiddels wat bensodiasepien bevat. “Ons weet dat die misbruik van oor-die-toonbank-medikasie wêreldwyd toeneem,” sê dr. Sybrand de Vaal van die Valkenberg Psigiatriese Hospitaal in Kaapstad. “Suid-Afrika is geen uitsondering nie, maar dis moeilik om akkurate plaaslike statistieke oor die ware omvang van die probleem te kry.” ’n Bydraende faktor is dat die middels eenvoudig té maklik hier bekombaar is. Die meeste middels wat kodeïen bevat,…

A @home 0860 576 576 www.home.co.za Aldo 011 884 4141, 021 421 5674 www.aldoshoes.com/za B Block & Chisel 010 593 9308, 011 442 0809, 021 712 5193 www.blockandchisel.co.za C Caslazur www.caslazur.com Cotton On 011 268 3700 www.cottonon.co.za Country Road 0860 022 002 www.woolworths.co.za Country Road Home 0860 022 002 www.woolworths.co.za D Diesel 011 783 0882, 012 368 1936, 011 555 2582 Dulux 0860 330 111 www.dulux.co.za F Forever 21 021 555 3324 Forever New 011 465 1829, 012 997 0575, 021 419 2376 Foschini 021 938 1911 www.foschini.co.za Fossil 021 418 0045 www.watchrepublic.co.za G Gonsenhausers Fine Rugs 021 425 8998 www.finerugs.co.za H H&M 021 826 7300 www.hm.com/za L Luxco Jewellery 011 448 2210 www.luxco.co.za M Mango 011 783 7907, 021 418 0916 www.mango.co.za Mevrou & Co 072 802 5658 www.mevrouandco.myshopify.com…

Siena sit in die skemer. Dertig jaar reeds sit sy met elke weeksaand se sonsak en wag. En wanneer die son sak, begin dit lig word in haar binneste. Want Soon kom huis toe. Ai, dié Soon van haar. Hoe sou sy as jongmeisiekind kon dink dat die liewe Heer haar dan nou só sou oorlaai met sy grote genade deur Soon na haar hart se kant toe te stuur. Soon wat nie saam met die gangsters geloop het nie. Soon wat van die plaas af gekom het. Soon wat enigeen van die dorp se jongens in die aarde in kon werk. Hulle met hulle sagte handjies kon nie bybly nie. Nee, nie by haar Soon nie. Werk kon hy werk. Al was hy kleinerig van postuur, was hy in…

LIEFDE VAN NOG ALTYD . . . Al sedert die Middeleeue is die hart die simbool van emosie, passie en romantiese liefde. Dié balletstyl skoene van rooi suède en harte in goue draad, sê dit als in Valentynsmaand. Prys: R3 800 Meer: 011 325 5411 www.prettyballerinas.com Kyk hoe lyk Olivia Rose nou! In 2010 op SARIE se voorblad (met haar engelvlerkies) vas aan die slaap op haar ma, Diaan Lawrenson, se skoot. Twee jaar later met ’n wonderlike krullebol. En nou, dié maand, ’n volle ses jaar oud en ’n prinses so mooi soos haar ma! FOTO’S Leana Clunies-Ross Koel hartsname ’n Stroom van anderste babaname is wat 2017 gaan bring. Kenners voorspel ’n hele omwenteling: Ouers sal wegbreek van die gewone en boonop sterk name vir hul…

Dis ’n luukse wat ’n vrou nie elke dag kan bekostig nie. Om lank en lui en skuimend in die bad te lê . . . Maak nie saak hoe arm nie, ’n vrou in ’n skuimbad is ryk en sonder sorge. Met of sonder kerse. Sy tap net nou en dan nog warm water by met haar toon. Weg uit al die wêreld se gewoel. Die water troos. Sy voel sommer gewigloos – as sy nog meer ontspan, gaan sy begin dryf. Al wat kortkom, is ’n glasie sjampanje, maar só ryk is sy nou ook nie. Ná ’n uur gaan kyk jy. “O, het jy vir my kom kuier?” vra sy verbaas. Jy’t eintlik net kom inloer, ’n subtiele draai kom maak. Om te kyk. Of alles nog…

Lesse geleer Behandel verskaffers, drukkers en die poskantoor altyd met respek. Dokumenteer jou werk so goed as moontlik en probeer georganiseerd wees. Luister altyd na jou instink as dit kom by groot besluite. Grootste uitdagings Tydbestuur. Ek sukkel veral met die werk-lewe-balans. Dit is ’n daaglikse leerproses om by spertye aan te pas en mense nie teleur te stel nie. Hoe het Instagram jou gehelp? Ek bestuur my besigheid daarmee (met die handvatsel @fiance_knowles) vir aankondigings oor nuwe produkte. Die produkte verkoop ek deur my webtuiste www.danielleclough.com/shop Sosiale media is belangrik vir bemarking, maar jy moet weet watter boodskap jy wil uitstuur. Verstaan dus jou produk, wees passievol daaroor. Volg eenvoudige reëls: plaas konsekwent gehaltefoto’s. Dan trek jy die regte aanhangers. Wenk vir voornemende entrepreneurs Wanneer jy jou eie baas…

“Moenie slaap nie, kyk! Agter die gordyne begin die dag dans met ’n pouveer in sy hoed” Ingrid Jonker (Versamelde Gedigte, Human & Rousseau, R260) South Africa’s Wildest Places: The 30 Finest National Parks and Nature Reserves SCOTT RAMSAY (LOVE WILD AFRICA, R890) Wat ’n ongelooflike mooi boek. Ja, sê Scott Ramsay, dis ’n paar jaar van liefde, sweet, trane en stof wat in die boek is! Drie jaar lank het hy die land deurkruis om 30 van ons nasionale parke en natuurreservate te besoek en te dokumenteer. Ek is bekend gestel aan van die minder bekende parke soos die Kogelberg-natuurreservaat in die Wes-Kaap, en die Ndumo-wildtuin, Tembe-olifantpark en iSimangaliso-vleilandpark, al drie in KwaZulu-Natal. Ramsay se liefde vir diere, die landskap en plante is sigbaar in die asemrowende…

Opnaaisel-detail (pintuck) Fyn detail soos plooie gee aan ’n mou daardie ekstra vroulikheid vir ’n #dromerige voorkoms. Boheemse lang top met opnaaisel-detail op moue (R829), Zara. Afskouertop (R829), Topshop. Wyepypbroek met splete (R749), Mango. Silwerkleurige insteekhakskoene (R429), H&M. GROOTTES Top: XS – XL Afskouertop: 8 – 16 Broek: XS – XL Afskouers Sensuele skouers is die seisoen se modefokus. Laat die mooiste deel van ’n vrou vir jou werk. Gestreepte afskouertop (R299), Cotton On. Wyepyplangbroek van fluweel (R899), H&M. Patroonserp met tossels (R899), Mimco. GROOTTES Top: XS – XL Broek: 34 – 44 Strikke Gee nuwe lewe aan ’n wit hemp deur ’n top met ’n strikmou bo-oor te dra. Ligblou top met strikke as moue (R649), Topshop. Wit hemp (R2 325), Caslazur. Blinker-jeans (R1 399), Topshop. Goue blokhakskoene (R180),…

1 As ek oefen, het ek meer energie en is ek gelukkiger. Dít motiveer my om 5 dae ’n week te oefen. Dit hoef nie eens lank te wees nie. As ek min tyd het, spring ek net vir 10 minute tou. Dis hoë-intensiteit-kardiooefening vir jou hele lyf. 2 Ek is baie lief vir sjokolade en is oortuig dit maak nie vet nie! Meeste van die tyd eet ek donkersjokolade, maar ek sal nie ’n hele plak op een slag eet nie.Net ’n bietjie om my lus te blus. Ek glo in “have it, but halve it” – as jy lus is vir iets, eet dit, maar net ’n gedeelte daarvan. 3 Ek borsel my hare baie min, veral as dit nat is. Ek glo dit breek my hare. Nadat…

Raak ontslae van ongewenste hare onder jou arms, jou bikinilyn, bolip en ken met dié slim elektriese knipper. Dit het verskillende bykomstighede soos skeerkoppe en kammetjies om haartjies op sensitiewe dele van jou lyf maklik te verwyder Verlede jaar het die parfuum Marc Jacobs Decadence se bottel in die vorm van ’n handsak ons hart gesteel. ’n Nuwe weergawe sprankel met sjampanje-, lemoenbloeisel- en katjiepiering-note. Perfek vir die somer! Wil jy voller lippe hê sonder die naald? Dié lipproduk bevat hialuronsuur, ’n stof wat natuurlik in jou vel voorkom. Elke molekule kan tot 1 000 keer sy gewig in water hou. Wanneer jou lippe dus die hialuronsuur absorbeer, trek dit water soos ’n magneet aan en stoor dit. Sodoende lyk jou lippe vir ’n paar ure voller. Kies uit 12…

Nou op die rak! OORDADIG & LEKKER Oorgroot melkskommels en sagte doughnuts wat smelt in jou mond, is ’n groot bederf vir kinders en grootmense. As jy gaan oortree, kan jy dit netsowel ordentlik doen. Kry jou Februarie/Maart 2017-uitgawe van SARIE KOS met resepte vir 4 oorgroot melkskommels en 4 doughnuts om van te kies. Kry dit landwyd teen R45, vanaf 20 Januarie. Om jou eie groente te kweek klink na ’n goeie idee, maar dit verg nogal moeite om aan die gang te kry. Met Sow Delicious se produkte breek jy gewoon blokkies los van die plak en druk dit in die grond. Die blokkies is vol kompos en vog wat die plant sterker en vinniger help groei. Vanaf R59 by www.sowdelicious.co.za Nuut Nostalgie is roosgegeurde Turkse…

Dié siekte het my geleer jy is nie in beheer van jou lewe nie Elmaré “Nóg ’n ou vroutjie wat oral pyn het – gee tog maar vir haar net ’n pamfletjie oor depressie.” Die hoeveelste rumatoloog by wie Elmaré Schutte met haar verlammende simptome aanklop. Sy en haar man, Christiaan, woon in daardie stadium net buite Londen, waar hy as tandarts en sy as oudioloog en spraakterapeut praktiseer. Hulle wou ’n nuwe fase van hul lewe in Brittanje begin, hul horisonne verbreed. Byna twee dekades later word sy aangewys as SARIE Voorbladgesig 2016. In die gepaardgaande artikel word genoem hoe moeiteloos mooi sy op die voorblad lyk, hoe sy haarself met grasie dra. Tog lewe dié Pretoriase ma met twee outo-immuunsiektes: Crohn se siekte en ankiloserende spondilitis (AS), ’n…

Ek het in my 20’s en 30’s baie gesukkel met hoof- en rugpyn. Dikwels het ek ook te veel wyn gedrink. Kodeïen was die “perfekte oplossing” – wat is makliker as om ’n paar pille te sluk vir pyn of ’n babelas? Aanvanklik was dit een of twee pille. Later vier. Maar ongelukkig laat spesifiek kodeïen jou nogal eufories voel. Veral saam met alkohol. Dit is asof jy van al jou sorge vergeet. In my laat 30’s het ek dit as susmiddel voor werk gebruik. Nie noodwendig omdat ek pyn of ’n babelas gehad het nie – maar soms ook daarvoor. Later het ek tot agt pille per dag gedrink. As ek “baie pyn” gehad het, tot tien en veertien. Groot dele van die lewe gaan by jou verby. Jy…

Ons koek en keer om die blou helium-ballonne uit die kattebak te bondel. Jakes lyk geamuseerd. Veral toe tannie Dotta agter drie wegvlieënde ballonne probeer aanhol. “Laat los maar, my tannie,” roep Jakes, “daai drie het nie mooi wense vir my nie.” Jakes sou sorg dat sy begrafnis ’n vrolike besigheid is. En dit was. Geen Tretchikoff-rose nie. Geen kerkdiens. Verassingsdiens onder die bome. Slegs familie en vriende. Net ’n handvol. As word gestrooi op my ma, pa en broer se graf. Plaatjie kan aan die agterkant van my ma se graf aangebring word. Die pastoor gryp die geleentheid aan om almal te wil bekeer. “Sien jy hoekom ek hom hier wou uithou?” fluister Jakes. “Stil nou Jakes, gee my ’n wens om jou blou ballon die wolke in te…

Intekenaanbod (bl. 87) Belê in ’n gesonde vel (bl. 107) 1. Die eerste korrekte inskrywings wat getrek word, wen die pryse. Die beoordelaars se beslissing is finaal en geen gesprek of korrespondensie sal daaroor gevoer word nie. 2. Die wenners sal telefonies verwittig word en hul name sal in ’n latere stadium op die webtuiste SARIE.com verskyn. 3. Die pryse is nie oordraagbaar nie en is nie vir kontant omruilbaar nie. 4. SARIE bied hierdie wedstryd namens Eucerin en The Spa Consultants as ’n diens vir haar lesers aan. Eucerin en The Spa Consultants voorsien en is verantwoordelik vir die pryse. SARIE aanvaar geen verpligting hoegenaamd t.o.v. die ontvangs van die pryse of gestanddoening van die voordele daaraan verbonde nie. 5. Werknemers en hul gesinne van Media24 (SARIE se moedermaatskappy),…

Dit was nog altyd ’n klein bietjie opwindend om nuus te ontvang, in my ouma se huis is die radio altyd harder gesit wanneer die nuusbulletin begin het, niemand het geluister nie, ons het net harder gepraat, dit was die klank en gevoel van geselligheid. In my eie huis word daar elke aand gebokspring van die een internasionale nuuskanaal na die volgende, daar is altyd die belofte van ’n goeie dokumentêr of onderhoud of die aankondiging van ’n mediese deurbraak, iemand se unieke prestasie of ’n nuwe wonderlike uitvindsel, selfs modes, kuns en vermaak. Ek verlustig my in ’n program met hoë produksiewaardes, ’n vaardige nuusleser, goeie taalgebruik, vreemde aksente, ’n mooi stem en ’n onverwagse sin vir humor te midde van al die erns. Ek weet dat die nuusbedryf…

Sy’s ’n tipiese millenniër – sy doen honderd dinge gelyk, sy wil mense inspireer en die wêreld verander, en haar loopbaan bestaan nie net uit een werk nie. Hildegardt Whites is dalk meer bekend as Bonita in 7de Laan, maar nou het sy ook ’n album opgeneem, die resultaat van die werklikheidsreeks Hilde se hartsklanke op VIA. Boonop is sy binnekort ma. Sy vryf stadig oor haar maag en skud haar kop byna ongelowig. Trots. Sy is vier maande swanger tydens ons onderhoud in November, en baie opgewonde oor die koms van haar en haar man, Kuba Silkiewicz, se eersteling. (Hulle weet nog nie of dit ’n seuntjie of dogtertjie is nie.) “Ons moet nog die babakamer gereed kry, maar my swangerskap maak my moeg. En ek crave ys! Ek…

My lyf is my joernaal, my tatoes vertel my storie Francois Hougaard, 10 Desember 2016 op Twitter Dis nie meer die tipiese prentjies wat al ’n cliché is nie Fanie Cronjé Aktrise Diaan Lawrenson het haar dogter, Olivia Rose, se naam op haar voet. Op David Beckham se handpalm is ’n krabbel van sy jongste, Harper. Onse Bobby van Jaarsveld het “tatta” vir syne gesê. Dis vandag byna onmoontlik om straataf te loop en nie minstens een mens met ’n tatoe te sien nie. “Selfs die rugbyhelde lyk deesdae soos goedkoop, bont, geblomde komberse,” braak iemand gal op LitNet (litnet.co.za). Haat of omarm dit, tatoes is hoofstroom. Dis nie meer die simbool van rebellie en subkulture; tronkvoëls, wilde motorfietsbendes en matrose nie. Onthou Popeye, die beroemdste matroos van almal,…

As eerstejaar betree jy ’n opwindende nuwe fase in jou lewe. Dis vir baie van julle jul eerste kennismaking met vryheid; die kans om jou eie lewe te lei waar jou ouers en onderwysers minder insae gaan hê in hoe jou dag lyk en wat jy doen met jou tyd. Kampusse het ook die plek geword waar integrasie vir die eerste keer werklik plaasvind en daar is baie kwessies en gesprekke oor transformasie, klasgelde en ander vraagstukke wat potensieel hierdie belewenis vir jou kan bemoeilik. Bewegings soos #FeesMustFall het ons kampusse oorheers verlede jaar, ’n nuwe uitdaging waarmee jy dalk vanjaar te doene gaan kry. As student is dit belangrik om nie apaties hieroor te staan nie. Wees deel van die gesprek. Sorg dat jy ’n opinie het. Maar bly…

Jy is wat jy eet en jou leefstyl het ’n groot invloed op jou vel, maar kan ’n daaglikse porsie salm ’n veluitslag laat verdwyn? Dit lyk asof die Britse modeontwerper Victoria Beckham so dink. Dié 42-jarige voormalige Spice Girl het onlangs in ’n onderhoud met die Britse tydskrif Porter onthul dat sy elke dag ’n porsie salm eet om haar glansende en gesonde vel sonder ’n veluitslag te hou. Sy vertel in die onderhoud dat sy voorheen met ’n probleemvel gesukkel het. Haar dermatoloog beveel toe aan dat sy ’n porsie salm deel van haar daaglikse dieet maak, berig Net-a-Porter aanlyn. Kos ryk aan gesonde vette, soos salm en sardiens, neute en sade en avokado is propvol omega 3-vetsure wat inflammasie en aknee beveg. Dit hou ook jou vel…

KLEURE WAT ALMAL PAS As grimering vir jou belangrik is, is die kans goed dat jy die Amerikaanse grimeerhuis Urban Decay se Nakedoogskadupalette ken. Of jy skakerings van brons, grys, goud of roosgoud vir jou oë verkies, daar is ’n palet vir jou. Die nuwe toevoeging tot die reeks, Naked Ultimate Basics (R850), bevat 12 neutrale skakerings wat alle velkleure komplementeer, elkeen met ’n matafwerking. Beskikbaar by Urban Decay in Sandton City en Foschini in East Gate, Johannesburg SONVEILIG Ons begeer ’n songoue lyf in die somer, maar enige verbruining van jou vel nadat jy in die son baljaar het, is ’n reaksie op UVA-strale wat dit beskadig het. Gebruik eerder selfverbruiningsprodukte om jou vel ’n bietjie kleur te gee en beskerm jou gesig en lyf teen die aanslae van…

Ons het haar leer ken in kykNET se werklikheidbakreeks Koekedoor en eersdaags is sy ook as beoordelaar in Kokkedoortjie te sien. Sy en haar broer, Callie Maritz, het ’n splinternuwe bakboek oor melktert op die rak: Die Suid-Afrikaanse melktertversameling (Human & Rousseau, R365). Ons het gaan inloer by Mari-Louis. ’n Hele boek oor melktert! Ek het ’n obsessie met melktert, asook vanieljekoek en koeksisters, en het lêers vol resepte soos ek elke liewe resep toets wat oor my pad kom. Melktert is egter Suid-Afrika se mees ikoniese gebak en ons is elke keer verbaas oor hoe klein veranderinge aan die basiese vla en die kors soveel smaaksensasie teweeg kan bring. Ons kan nog drie boeke vol maak en steeds nie by die einde van die onderwerp kom nie. As ek…

OUTO-IMMUUNSIEKTE Jou immuunstelsel val verkeerdelik gesonde liggaamselle aan. Niemand is seker wat dit veroorsaak nie, maar meer vroue as mans kry dit. Dis dikwels ’n familie-kenmerk. Daar is sowat 80 soorte en die simptome stem dikwels ooreen. Daarom is dit dikwels moeilik om te diagnoseer. Die eerste simptome is dikwels moegheid, spierpyne en ’n lae koors. ’n Klassieke teken is inflammasie, wat rooiheid, hitte, pyn en swelling kan veroorsaak. (Bron: medlineplus.gov ) CROHN SE SIEKTE Segmente van die spysverteringskanaal ontsteek, verdik en raak vol sere. Dit veroorsaak dikwels gedeeltelike obstruksie van die ingewande met gevolglike pyn, swaar diarree, moegheid, gewigsverlies en wanvoeding. Stres en dieet kan dit vererger, maar is nie die oorsaak nie. Hoewel jou gene ’n rol kan speel, kom dit ook voor by mense…

Die DSM V, oftewel die Diagnostic and Statistical Manual of Mental Disorders, 5th Edition, is die diagnostiese “bybel” van psigiatriese steurings, en bied sekere kriteria vir verslawing. Gebruik dit as ’n objektiewe maatstaf: Gebruik jy groter dosisse of medikasie oor ’n langer tydperk as wat jy aanvanklik wou? Voel jy gedurig jy moet met die medisyne ophou of minder daarvan gebruik? Bestee jy te veel tyd daaraan om opioïede in die hande te probeer kry, te gebruik of om te herstel daarvan? Het jy sterk cravings ? Kom jy [weens jou misbruik] belangrike verantwoordelikhede by die werk of huis nie na nie? Hou jy aan om die medikasie te gebruik, al veroorsaak dit dikwels interpersoonlike probleme? Sal jy belangrike sosiale, werksof ontspanningsaktiwiteite mis om eerder jou medikasie…

5 gelukkige SARIE-lesers kan elk die boek Met liefde wat saamgaan en ander stories deur Annalise Wiid (Lux Verbi, R185) wen. Hoeveel kan ’n mens liefhê? Dié versameling essays van woord- en musiekmens Annalise Wiid wys weer dat sy op ’n ander manier na alles rondom haar kyk. Sy gebruik spesiaal uitgesoekte woorde wat bemoedig en inspireer, wat jou lewe verryk en wat jy weer en weer sal wil lees. Sy reflekteer die sweef en die strompelkant van ’n liefhêlewe en belewenis. In hierdie bundel weef Annalise twee van haar groot liefdes aanmekaar met hartroerende, soms komiese stories oor alledaagse dinge en gewone mense waarin ons iets van God te siene kry. Nog 5 gelukkige SARIE-lesers kan die boek Uitgerys deur Mareli…