Indholdsfortegnelse for August 2019 i SARIE

Mense vra my gereeld wié die SARIE-leser is. Sy’s die vrou wat sáámgesels, antwoord ek. Iemand wat gesond nuuskierig is oor die wêreld. Wat luister en leer. Dinge wil weet en dinge wil ervaar. Wat floreer op inligting en inspirasie. Lief is vir Afrikaans, die land. En áltyd voeg ek by . . . sy’s ’n sterk vrou. Met die beplanning van die Augustus-uitgawe vra ’n redaksielid: Wat ís ’n sterk vrou? Die vraag vang my onkant. Want wát bedoel ek wanneer ek sê SARIE-lesers is “sterk vroue”? Die woord “sterk” het vir seker ’n manlike konnotasie. Is dít dan ’n sterk vrou – iemand wat gefokus vorentoe beur, emosies oënskynlik netjies onder beheer? En wat as jy nie sterk is nie – in jou eie oë of dalk in…

’N NUWE GENERASIE LESER Ek sit op ’n Maandagmôre op die stoep en lees my nuwe SARIE. Oor naweke neem drie woelwaters, werk, kerk en sosiale opvangsessies my tyd in beslag. Dis ’n prentjiemooi oggend en ek probeer nét daarop fokus, maar agter in my kop maal dit. My man, nog ’n jong, aantreklike 35-jarige wat plekplek begin grys word, sukkel met angs, hoofpyne en moontlik depressie. My geduld is op, my simpatie min en my mooi woorde het die pad gevat. Ek probeer die probleem analiseer en oplos met min sukses. Wat kan ek doen? Ek moet myself, die huis, my kinders, my werk, die kospotte en, helaas, my liewe man aan die gang hou. Die lewe is soms genadeloos, veral vir jong mans. Soveel druk en soveel verwagtinge.…

Wanneer sy praat, sit die Afrikason in haar stem. Haar oë straal die eerlikheid van die veld uit en sy waai om haar skoon, soos die wind wat ritsel deur haar geliefde Wildernisbos. Dáár waar sy tussen “woud-drakies” (verkleurmannetjies), skilpaaie en die “katedrale van die natuur” (bome) ín die Tuinroete Nasionale Park woon. SARIE se agterbladskrywer, Riana Scheepers, ’n bekroonde jeugboek-, kortverhaal-, romanskrywer en digter, het verlede jaar Stormkind (Tafelberg) uitgereik ná ’n stilte van sewe jaar. Net soos in baie van haar ander werke, het dié verhaal sterk vrouekarakters. “Stormkind is eenvoudig. Ek het langer as tien jaar daaraan geskryf. Dit is eerlik, gestroop. Die hoofkaraktertjie verloor haar ma. Dít was die dryfkrag vir die storie.” Agterna het sy besef dit verwys op ’n manier na haar eie verhaal.…

JOHAN Kleinzee, stowwerige, slapende diamantdorpie aan die Weskus. En die tuiste van ’n donkerkop-dromertjie met note in sy kop. Op ses het Johan Stemmet by tannie Rita Rich klavierklawers begin tokkel. Op elf eien hy hom die ou basviool uit die 1920’s of 1930’s toe wat onder die verhoog in die vermaaklikheidsaaltjie lê. Dis dubbel sy grootte, groter as ’n tjello en hy net maar ’n tjokker. Maar hy leer homself om die lae, ryk klanke daaruit te tower. “Ons het 78 RPM-plate by die huis gehad en ek het geluister wat die basviool doen.” En: “Ek was maar net lief vir musiek en as ’n ou lief is vir iets, doen jy dit.” So maklik soos fietsry, man! Nou was daar ’n tweeman-orkessie op Kleinzee. Reginald Boynton-Lee, ’n jong…

Wat is ’n sterk vrou? Mans en vroue moet vry voel om sensitief te wees. En om sterk te wees . . . dis tyd dat ons geslag op ’n spektrum sien en nie as twee teenoorgestelde stelle idees nie– aktrise Emma Watson Ons praat nie van trillende biseps soos Serena Williams s’n nie. Tik “strong female characters in movies” op Google se soekveld in en die kuber-Einstein kom met name vorendag soos Maggie (Hilary Swank) in Million Dollar Baby, Jules (Keira Knightley) in Bend It Like Beckham en Scarlett (Vivien Leigh) in Gone with the Wind. Maar wag. Emilia Clarke, die “draak-fluisteraar” Daenerys Targaryen in Game of Thrones, trek juis te velde teen die verwysing na sekere vroulike fliekrolle as “sterk”. “Niemand verwys ooit só na ’n manlike akteur…

Hoe het jy op Madagaskar beland? Dit het alles begin toe my lewensmaat, Gary [Saayman; oorspronklik van Pretoria], kleintyd ’n program deur sir David Attenborough oor Madagaskar gekyk het. Sy woorde was glo dat dié land die mees ongerepte bereikbare plek ter wêreld is. Hierdie stelling het nog altyd in sy agterkop vasgesteek. In Oktober 2013 het ons drie maande op Nosy Komba kom vakansie hou. Dit is ’n baie klein eiland met ’n deursnee van agt kilometer aan die noordweskus van Madagaskar. Die hoogste piek is op 622 meter en word deur ’n digte tropiese woud bedek. Nosy Komba beteken Lemur-eiland en dit is ook die bynaam vir die eilandjie. Die oorspronklike naam, Nosy Ambariovato, beteken “omring deur klippe”. Die eiland is ’n vulkaan en dus sirkelvormig. Eeue se…

Ons troudag was meer as waarvoor ons gehoop het, dit was béter as ’n droom. Ons kom al ’n lang pad. In 2012 het ons op die sportveld ontmoet, aan die einde van daardie jaar begin uitgaan en van verlief na méér verlief gegaan. Toe ons mekaar die eerste keer op ons troudag sien, kon ons nie ons trane of emosies keer nie. Hand in hand het ons onder die gazebo gestaan. Die see was blou, die son het warm geskyn en ’n briesie het die wit draperings en my hare lig laat waai. Met ons troubeloftes was dit asof tyd stilgestaan het. By die onthaal kon ons die see deur die venster sien, gordyne van liggies het bygedra tot die warmte en vreugde, en op die dansbaan was daar…

2000 Die vrou agter INOAR, Inocência Manoel. Sy het die maatskappy in 1999/ 2000 begin. Die naam INOAR is ’n samevoeging van haar bynaam “Inô” en die “ar” van arganolie. Arganolie was en is vandag steeds die sterbestanddeel in byna elke INOAR-produk en -behandeling. Die olie word verkry van die arganboom en is ryk aan vitamien E en essensiële vetsure wat hare van binne af herstel. Die molekules is fyn genoeg om die haarskag binne te dring en het uitstekende bevogtigende eienskappe. 2009 Hendrien Kruger, entrepreneur van Pretoria, bring INOAR in 2009 na Suid-Afrika. “Die ooreenkoms tussen SA en Brasiliaanse hare maak INOAR perfek vir Suid-Afrika.” 2015 INOAR gaan groen! Respek vir mense, diere en die omgewing is die kern van hul waardes. Sedert 2015 word baie van die produkte…

Morgan Taylor Forever Fabulous Marilyn Monroe-naelreeks (R163 elk) Marilyn Monroe is die inspirasie van dié nuwe naelreeks van Gelish en Morgan Taylor. Kies uit 12 klassieke skakerings, waaronder ’n sagte blou, ’n glinsterende silwer en ’n helderrooi, om jou naels dié Vrouemaand treffend af te rond. La Roche-Posay Effaclar H Derma-Soothing Hydrating Cleansing Cream (R200) Vroue met ’n olierige vel gebruik dikwels harde reinigers wat die vel van alle olie stroop. Dit kan jou vel sensitief en gedehidreerd laat en veroorsaak dat jou vel net nog meer olie vervaardig. Dié reiniger van die Franse velsorghuis La Roche-Posay verwyder oortollige olie en kalmeer inflammasie, maar het ’n bevogtigende roomformule wat nie jou vel sal irriteer nie. By Dis-Chem of www.dermastore.co.za Elizabeth Arden Prevage Progressive Renewal Treatment (R2 100 vir 4 ampules)…

Koraal is een van die min kleure wat koel en warm kan wees. Dis ideaal vir dekor, aangesien dit nie te vroulik of manlik is nie, en in elke vertrek, van die voorportaal tot die badkamer, gebruik kan word. Dit het vele variasies, van sagte koraalpienk, terracotta en oranje tot ’n lewendige koraalrooi. Hier is ’n paar idees as jy koraal jou huis wil binnenooi. Dis nie verniet Pantone* se kleur van die jaar nie – Living Coral. Vorige blad links ’N SPATSEL KLEUR Al het jy ’n konvensionele kleurskema, kan jy byhou by nuwe kleure en tendense. Hier tel die enkele kussing in koraal die kleure in die kelimmat op en laat die vertrek vars en modern lyk. Kleuranaliste voorspel dat bruin die volgende groot kleur gaan wees. Ons…

Daar is mense wat oënskynlik ongeskonde is ná hul ouers se egskeiding. Ilse Jordaan sê indien die ouers hul egskeiding op ’n volwasse manier hanteer, hul kinders nie by hul stryery betrek of hulle laat kant kies nie, kan die kind inderdaad relatief emosioneel gesond anderkant uitkom. “Dit hang ook af of die kind altyd ’n ‘veilige hawe’ gehad het – hy kan ernstige emosionele skade ly wanneer sy hele lewe tydens die egskeiding ontwrig word, soos as hulle verhuis en hy ‘verloor’ sy troeteldiere, maats, kontak met een ouer of hulle sukkel skielik finansieel . . .” Dr. Morkel voeg by: “Egskeidings per se het nie negatiewe implikasies nie, dis veel eerder die manier waarop ouers uitmekaar gaan, die redes vir hul egskeiding en die omstandighede daarna wat ’n…

Vir ’n goeie CBD-aanvulling moet jy dit benader nes enige ander gesondheidsaanvulling wat jy aanskaf. Begin eerstens by die geloofwaardigheid van die verskaffer en produk. Koop by ’n goeie en professionele apteek, gesondheidswinkel of praktisyn bevoeg om so ’n produk te verkoop. Loop jy dit raak by ’n plaaslike mark of vriend van ’n vriend in ’n parkeerterrein, wees versigtig. Is die vervaardiger ’n professionele maatskappy wat gekontak kan word met ’n fisieke adres, of ’n swendelbesigheid? Daar is goeie maatskappye en produkte, en dan is daar cowboys en skelms. Bron: Kevin Coyne van Coyne Healthcare (coyne-healthcare.com)…

Watter emosies het jy ervaar toe jy besef jy gaan jou hare verloor? Ek het besluit ek sal nie toelaat dat kankerbehandeling my hare neem nie. Kanker verwag van jou om te ween en tande te kners oor die verlies van jou hare, daarom het ek besluit ek sal die teenoorgestelde doen. Nadat ek vir my twee lieflike pruike en ’n spul kostuumpruike aangeskaf en ’n pruikpartytjie gereël het, het ek so half uitgesien na D-dag. Niks kan jou voorberei vir die oomblik dat jy met die skêr in jou een hand en ’n homp hare in jou ander hand sit nie. Niks is egter lekkerder as wanneer jy jouself in die spieël bekyk en tong uitsteek vir die siekte wat gedink het hy gaan jou van jou hare beroof…

5 SARIE-lesers kan elk die VLV-kookboek: Resepte van toe & nou deur die Vrouelandbouvereniging van Kaapland (Human & Rousseau, R350) wen. Dié kookboek bevat ’n versameling flatervrye resepte deur lede van die VLV van Kaapland ter viering van hul 90ste bestaansjaar. Trakteer jou gesin op ou gunstelinge soos lewerkoekies, bobotie en skaapboud in die Toe-gedeelte, of geniet weer die lekkerte van melktert, gemmerkoekies en gemmerbier om enkeles te noem. As jou tyd beperk is, wend jou tot die kortpadresepte in die Nou-gedeelte waar die mikrogolfoond ingespan word, met onder meer resepte vir ’n sjokoladekoek wat in net sewe minute gemaak word, asook gesonder geregte soos spinasiegebak, pampoenmuffins, bobotie met ’n appellaag en eiervrugslaai. Nog 5 SARIE-lesers kan elk Lize Albertyn-du Toit se boek Die kinders van Spookwerwe (Human & Rousseau,…

Gisteraand het ek die soveelste dokumentêre film oor die skokkende gevolge van goedkoop modes – “quick fashion” – op my rekenaar raakgeloop. Tieners en studente is uitgevra oor hulle kleredrag, die druk om by elke partytjie in ’n nuwe uitrusting te verskyn, hoeveel kledingstukke aangekoop maar nooit gedra word nie. Hulle het grappies gemaak, verbouereerd verduidelik dat hulle nie geld mors nie (hulle staan tou by uitverkopings), gegril vir die idee van klere herhaaldelik dra, geglimlag oor die aanbidding van gesogte handelsname en bleek geraak toe daar gevra is of stukkende klere ooit herstel word. Tonne en tonne klere word elke jaar weggegooi, die meeste hiervan is bitter min gedra, nie altyd weens die koper se hoogmoed nie, dikwels omdat dit van so ’n swak gehalte was dat dit ná…

Folklore is die nuwe gonswoord in die modewêreld. Kyk uit vir die tuniek en kaftan, wat kurwes wegsteek, bloese met klokmoue en rondomtalie-rompe . . . Die nuwe folklore-voorkoms stem ooreen met dié van die vroeë sewentigs, geskoei op die toegeknoopte plaasrok en -bloes met wye oopklok-moue. Die Italiaanse ontwerpers Dolce & Gabbana en Valentino en die Franse modehuis Givenchy het reeds op die loopplank gewys hoe húlle inspirasie uit dié neiging put, terwyl een van die wêreld se voorste tendenskenners, die Nederlander Li Edelkoort, reken folklore is een van dié grootste trends vir 2020. Hiermee sáám word vroue dikwels ook gehul in ’n wolk van misterie met toeknoop-bloese. Trouens, die Victoriaanse silhoeët gedy met somber “begrafnisrokke” in donker kleure, afgewerk met delikate kant en stywe voile, gedra met tuisgemaakte…

HIER LÊ MY HART . . . Charicke Carolus van Kaapstad, kategoriewenner* van SARIE Voorbladgesig 2018, het vanjaar geleer om sag te wees met haarself en geduldig te wag dat haar drome waar word. Sy het planne gehad om as model oorsee te werk. “Dit het nog nie uitgewerk nie, máár ek droom elke dag, en ek hou aan droom.” Sy wil graag vir haar ouers ’n mooi huis koop, sien hoe haar suster se kinders eendag hoërskool klaarmaak. “En ek droom om aan myself te werk, te groei. ’n Sukses in my eie oë te wees.” Ten spyte van teleurstellings het sy geleer om op te staan en vorentoe te kyk. “Want dalk, net dalk, is vandag my dag.” – Liani Jansen van Rensburg * Vanjaar se SARIE Voorbladgesig…

Dis lankal nie meer ’n luukse nie. Vandag is dit ’n noodsaaklikheid dat handelsmerke begrip toon vir die sosiale en omgewingsimpak van hul produkte en vervaardigingsmetodes op die planeet, en ingryp om die skade te beperk. Wêreldwyd ervaar ons aardverwarming en dat ons natuurlike waterbronne wegkwyn. Ons sien hoe koraalriwwe, seelewe, voëls en wilde diere sterf aan die hand van plastiekbesoedeling, ontbossing en die gebruik van skadelike chemiese middels. Gelukkig staan individue én organisasies ál meer saam om iets hieraan te doen. Suid-Afrikaners is baie bewus van die bestanddele in hul skoonheidsprodukte, sê Deshi Moodley, wat aan die stuur staan van gehalte, innovasie en die aanskaffing van skoonheidsprodukte by Woolworths. Hulle vereis deursigtigheid en wil sien dat handelsmerke, groot en klein, ’n poging aanwend om meer volhoubare bestanddele en verpakkings…

’n Gewone wit muur kry ’n nuwe voorkoms met paneelwerk en ’n verfkleur wat dit statig sal laat lyk. Fyn beplanning vooraf is nodig vir eweredige blokke. Trek die blokke op die muur met ’n sagte potlood en lang liniaal. Besoek ’n groot ysterwarewinkel om ’n idee te kry van die dado-relings wat beskikbaar is. Daar is byvoorbeeld hout-, polistireen- en sintetiese opsies. Kies een wat stewig is. Om dit professioneel te laat lyk, saag hoeke van 45 grade waar dadorelings van elke blok bymekaarkom. Dit kan suksesvol met gom soos No More Nails op die muur geplak word. Verf daarna die hele muur en al die blokke een kleur, soos Dulux se Pebble Drift 1.…

Hier is hulle – die finaliste in SARIE Voorbladgesig nommer 11. Een van dié 10 gesigte gaan ons Oktober-voorbladster wees. Van hier neem ons elke finalis op haar reis – met ’n velanalise en behandeling deur die Isa Carstens Akademie, ’n haarbederf met INOAR, en ’n lyfpamperlang met Kalahari se spa-produkte. Alles om hulle gereed te maak vir hul professionele SARIE-fotosessie. Die nuutste Jimmy Choo-geur sal hulle altyd herinner aan die unieke ervaring en vriendskappe gesmee. 2019, wanneer ons SARIE se 70ste verjaardag vier, is die eerste jaar wat ons die finaliste Kaapstad toe bring om die voorbladspan hier te ontmoet. In September sal almal voorbladmooi in die tydskrif verskyn: die SARIE Voorbladgesig Top-10!…

• Moet nooit van jou kind verwag om kant te kies nie. Moenie sleg praat van die ander ouer nie. • Wees eerlik met jou kind oor wat hy kan verwag. Moenie vir hom jok nie, maar moet ook nie intieme verhoudingsdetail bespreek nie. • Moenie van jou kind verwag om die ouer te speel nie. Jy is die ouer en jou kind is die kind. Besoek ’n kliniese sielkundige vir indiepte-psigoterapie om deur jou eie probleme te werk. Neem jou kind na ’n sielkundige indien hy enige emosionele of persoonlikheidsveranderinge toon. • Werk aan jou verhouding met jou kind. Kinders wat goeie verhoudings met albei ouers het en geborge voel deur die verhouding (m.a.w. of die ouers nou bymekaar is of nie), het dikwels nie soveel langtermyn- onverwerkte emosies…

Toe die Pil in die 1960’s op die mark kom, was daar nie moderne swangerskaptoetse nie. Jou urine is onder ’n vroulike platanna se vel gespuit, en as sy binne 24-48 uur eiers lê, was dit ’n teken jy’s swanger. Jy het ook geweet jy is nie swanger nie as jy menstrueer. Die Pil, revolusionêr soos dit was, het egter ’n probleem geskep. Sodra jy dit gebruik, hou jy op menstrueer. En die veiligheidsmeganisme van menstruasie (wat beteken jy is nie swanger nie) val skielik weg. Daarom die plasebo’s, bloot ’n bemarkingsfoefie om vroue veilig te laat voel. Dit het dus geen kliniese, ginekologiese of fisiologiese waarde nie en kan met veiligheid gelos word. ’n Vrou op die Pil hoef nie te menstrueer nie. Bron: prof. Leon Snyman…

VOORDELE VAN KOUGOM KOU Jou konsentrasie en geheue verbeter omdat bloedvloei na die brein vermeerder Kou dit ná ’n maaltyd as jy met sooibrand sukkel, maar vermy peperment en groenment (spearmint) Die kouery verminder die streshormoon kortisol en dus ook angs, stres en uitputting Ná ’n maaltyd verbeter dit jou spysvertering Bevry jou van oorwurms. Die herhalendheid van kougom kou kan afleiding wees vir die deel van jou brein wat die liedjie oor en oor herhaal Bron: www.wrigley.com GEHEUE SOOS ’N SIF? Bang jy vergeet jou man se verjaardag, of die kruideniersware wat jy later vir vanaand se ete moet gaan koop? Gryp ’n potlood en papier en . . . teken dit. Dis meer doeltreffend as die neerskryf daarvan, het navorsers aan die Universiteit van Waterloo in Kanada bevind.…

Promising Young Women , Caroline O’Donoghue (Little Brown, R265) In die bedankings sê die skrywer: “This book is about women and work, and how women work together.” Die 26-jarige Jane Peters werk in die dag vir ’n advertensieagentskap en in haar vrye tyd is sy ’n troosskrywer met ’n blog. Ná ’n kantoorpartytjie eindig sy in die bed met haar veel ouer baas. Dit laat haar beland op ’n pad wat sy nie verwag het nie – vinnige bevordering by die werk en meer verantwoordelikhede met groter advertensierekeninge. Sy behoort gelukkig te wees, tog is sy nie. Haar baas het die hef in die hand omdat sy toegelaat het dat sy die ander vrou in sy huwelik word. Al wat Jane red, is die onderskraging en begrip van ander…

Ek, wat baie dae lank met stilte om my kan leef, verwonder my dat sommige mense dit nié kan doen nie. Altoos moet daar by hierdie mense ’n radio aan wees. Die hele dag. Sommer snags ook. Of jy nou luister of nie, die ding moet aan die gang wees. Of daar moet ’n TV wees wat blêr en gesels. Elke oomblik van die dag. Sielsalige stilte is te verskriklik vir hierdie siele. Ek het al dikwels gewonder hoekom dit so is dat iemand nie stilte kan hanteer nie. Die enigste slotsom waartoe ek kan kom, is die skrikwekkende moontlikheid dat hierdie mense nie self wil dink nie. Met ’n konstante gepraat om jou, hoef jy nie een oorspronklike gedagte te bedink nie. Op ’n trein tussen Milaan en Venesië…

HIER LÊ MY HART . . . Sy is dieselfde, maar tog ook nie. Want sy het iets geleer, bieg sy, wat haar uitkyk op die lewe verander het. “Élke vrou is sterk, uit eie reg,” sê Emari Gieselbach van Centurion, die kunsonderwyseres met die vreeslose kort haarstyl, wat verlede jaar as SARIE se 10de Voorbladgesigwenner aangewys is. “Daar is nie iets soos ’n ‘gewone’ vrou nie, vroue is sterker as wat hulle ooit kan dink.” Deesdae herken mense haar op straat. “Ek dink nie enigiemand kan daaraan gewoond raak om hulself op ’n voorblad te sien nie. Veral nie vier* nie!” lag sy. Maar dié ma van twee is nie vir ’n oomblik spyt nie. “Ek het met soveel meer uitgestap as ín. Ek het nuwe vriendinne en vriende…

’n Dag voor hul troue het ’n stormwind op die Griekse eiland Santorini getier. Niemand het gedink dit sal bedaar nie, en selfs die troubeplanners het hulle op teleurstelling voorberei. Die onvoorsiene gure weer kon egter nie die opwinding in Blitsbok Werner Kok se hart smoor nie. “My grootste droom het waar geword, ek kon met Zanyika trou. Net ons, geen familie of vriende nie. Ek en sy en die eiland.” ’n Eiland en ’n weglooptroue waaroor albei so lank gedroom het. “Ons wou op mekaar fokus, weg van al die afleiding wat met ’n groot troue gepaardgaan.” En soos die nuwe dag oor die geboue met die kenmerkende blou koepeldakke gebreek het, het die wind ook gaan lê. Die see was spieëlglad en die son het geskyn – ’n…

BESTE PLAASLIKE REEKSE Die Byl S2 Baasspeurder Piet van der Bijl en sy span is terug vir nog ’n naelbyt-seisoen van moordsake wat opgelos moet word. Hierdie keer is dit die ondersoekspan self wat die teiken word . . . Die tweede seisoen van dié trefferreeks het in Julie vanjaar op Showmax afgeskop en alle episodes kan gestroom word. Die Spreeus S1 Plaaslike kykers kan nie genoeg kry van dié kykNETgruwelreeks nie. ’n Spesiale ondersoekeenheid, bekend as Die Spreeus, ondersoek sake wat ander polisiemanne se nekhare sal laat rys. Saam ondersoek Bas en Beatrice misdade waarby spoke, die tokkelossie en ander bonatuurlike wesens betrokke is. Jy kan nou die hele seisoen van Die Spreeus op Showmax stroom. EERSTE EN SLEGS OP SHOWMAX Younger S6 Platsak en moedverlore gee die 40-jarige…

JEANS-EN-T-HEMPMEISIE TANA VAN ROOYEN  Illustreerder, grafiese kunstenaar en SARIE Voorbladgesig 2012 Dis buite die boks vir my. En dikwels iets roois, al is dit net my lippe. Dit maak die vervelige interessant ’n Wynrooi baret is tans Tana se gunsteling – “die onverwagse by enige uitrusting”. EKSENTRIEK LIESEL PIENAAR  SARIE-kantoorbestuurder en samesteller van SARIE-Kuberkuier (sien bl. 69) Ek snuffel rond in winkeltjies op soek na interessante kopies. Ek’s mal oor detail, say no more! Die halssnoer is Liesel se handewerk en geskep met allerhande interessante “blinkgoedjies”. KREATIEWE ‘VINTAGE’- LIEFHEBBER JUANDI ANDRAG  Stigter en ontwerper van Mantua Silkwear, mantua.co.za Juweelkleure, drama en vintagevir my. Ek hou van ’n rok se baie lap en beweging; ek verkies dit byna altyd bo ’n broek Die serp is Juandi se eie produk. Haar skilderwerk…

BEHANDEL KNOPPIES GOU Hoewel ek nie uitermate sukkel met aknee nie, kry ek tog soms knoppies op my gesig. Hiervoor is die plaaslike velsorghuis Kalahari se Phytic Clay Maskgesigbehandeling perfek, veral as jy min tyd het. Die masker word ná reiniging en afskilfering deur ’n velsorgterapeut vir 10 minute op jou gesig gelos. Dit bevat glikolen amandelsuur en sojaboon-ekstrak, wat die vel afskilfer en inflammasie kalmeer. My vel was agterna stralend en ’n paar uur later was die meeste knoppies weg. Vanaf R400 by uitsoeksalonne en -spa’s VELSORGMITE ONTMASKER MITE: JY KAN NIE ’N OLIEREINIGER OP ’N OLIERIGE VEL GEBRUIK NIE As jy sukkel met ’n olierige vel, is ’n produk wat olie bevat die laaste ding wat jy op jou gesig wil gebruik. Maar volgens die Isa Carstens Akademie…

Die storie van malvapoeding Ons nagereg-repertoire loop oor van gebakte poedings met name mooier as die poeding self: fluweelpoeding, skrikkeljaarpoeding, sondagpoeding, kabinets- en koalisiepoeding, halfbetaal- en halftwaalfpoeding. Maar die gesalfde onder almal is malvapoeding – SA se simbool van soetigheid met wêreldroem. Soos baie ander bruinpoedings kry dit appelkooskonfyt, asyn en koeksoda in die beslag, maar die groot verskil is die ryk roomsous wat agterna oorgegiet en deur die gaar, warm poeding opgeslurp word. Die lekker maak haar tuis in die stroperig-taai, sponsige malvalekker-tekstuur, saam met die intrige van haar herkoms en misterie van haar naam. Al verskil koshistorici oor haar stamboek, is daar nie twyfel oor wie haar ware beskermengele is nie: die huiskokke wat die poeding al jare bak. Sy skuil agter troetelname vir resepte wat hierdie sterk…

HIER LÊ MY HART . . . Heelwat het verander sedert dié Standertonse boervrou in 2017 as SARIE Voorbladgesig* aangewys is. Want so saam met daardie wen-Oktobervoorblad het nuwe selfvertroue en energie gekom. Om haarself op die SARIEvoorblad op die winkelrakke te sien, was ’n vreemde gevoel, sê Nadia de Wet. “Ek raak stééds bewoë as ek net daaraan dink. My raad aan vroue wat inskryf: Doen dit vir jouself en geniet elke oomblik!” Dié ma van drie wat spog met ’n handelsgraad en haarself Russies leer praat het, het intussen haar eie organiese groentetuin op die plaas aangelê. En sommer besluit om Frans ook aan te leer. Oui, madame! “Ek geniet nuwe tale. Maar my hart sal altyd Afrikaans wees. Dis wie ek is, dis die ritme van my…

’n Pizza bedruip met dagga-olie, oftewel kannabidiol-olie (CBD). Dis die nuutste op die pizza-restaurant Col’Cacchio, met takke in al die groot stede, se spyskaart. ’n Londense entrepreneur bemark weer hennep-tampons deurweek met kannabidiol-olie vir menstruele pyn. Noem dit CBD se vyftien minute van roem. Dit duik op in van bier tot balsem vir seer spiere. En word gesmous as geneesmiddel vir siekes en voorkomende middel vir gesondes; ’n meerdoelige pynstiller vir diere en mense van alle ouderdomme. CBD is ’n bestanddeel van die daggaplant, maar laat jou nie in ’n dwelmroes versink nie. Dis beskikbaar in salwe, olies, tinkture en sproeie – as seksstimuleermiddel tot kuur vir ekseem, puisies en warm gloede. Ook ernstige toestande soos diabetes en veelvuldige sklerose. Al was dit tot baie onlangs onwettig om dit plaaslik…

Nou moet ons spore maak en iets te lese kry sodat die toekoms oper kom. Uit die gedig “Keiser, buite homself” deur Johan Myburg in sy bundel Uittogboek (Protea Boekhuis, R195) Life is Like a Kudu Horn, Margaret Jacobsohn (Jacana, R260) In dié insiggewende memoires werp dr. Margaret Jacobsohn, ’n antropoloog wat spesialiseer in gemeenskapsbewaring, lig op natuurbewaring in Namibië. Sy het jare lank tussen afgeleë Himba- en Hererogemeenskappe gewoon en werk om haar doktorale tesis oor hulle te kon skryf. Dié kennis het haar gehelp om insig te kry in die wyse waarop bewaring in hierdie gemeenskappe toegepas word. Hiermee kon sy met Namibië se onafhanklikheidwording ’n daadwerklike inset lewer met die opstel van nuwe bewaringstrukture en wetgewing rondom bewaring. Wat my getref het, is hoe Westerlinge dikwels glad…

Wanneer ’n driejarige seuntjie op ’n dag uit die wingerd gestap kom, ontwrig dit die Erasmusse se lewens. Hulle neem hom in, gee hom ’n huis, behandel hom soos ’n Erasmus, maar bly stom oor waar hy vandaan kom en wie hy nou eintlik is. Tog bly Laurens ’n buitestander tussen die Erasmusse. Dis ook die sterkste tema wat Helene de Kock ondersoek in haar roerende roman Die kind uit die wingerd (Human & Rousseau, R310) . Die grootste ligpunt in Laurens se lewe is die band wat hy met Carijn den Hagen gevorm het toe hy sy hand in hare gesit het die dag toe hy uit die wingerd gestap het. Noudat hy ’n jong man is, kwel sy herkoms hom en wil hy dié raaisel oplos voordat hy…