Indholdsfortegnelse for March - April 2021 i SARIE

2020 Deel II. Hoe dikwels is dít nie die antwoord as jy deesdae vra hoe dit gaan nie! Soos ’n fliek waarvan die intriges bekend is, die spelers ook, en ons angstig wag vir die storie om verder te ontvou. Een toneel ná die ander. Hoe die storielyn ontknoop en hoe dit lewens, óns lewens, verder gaan raak. Want met dié movie is ons nie net kykers nie, maar ook spelers. Min mense – nie eens die grootste optimis onder ons nie – het seker geglo dat hierdie ’n blinknuwe jaar gaan wees. Dat ’n wonderwerk, met ’n vingerklap, tussen 31 Desember 2020 en 1 Januarie 2021 sou plaasvind en als weer “normaal” sou wees. Selfs al het jy op Oujaarsaand ’n vonkelprop of twee geskiet en saam met familie…

DIE AASVOËL EN DIE SARIE KOS-SAK . . . Ek, my ouers en my twee woelwaters het in Desember ’n wildrit by die Dronfieldnatuurreservaat buite Kimberley gedoen saam met ons gids Jaco Powell van Fox Tours. Soos met elke geleentheid is kos betrokke: twee groot koelsakke vol. Al twee SARIE KOS-sakke. Ná ’n heerlike toer, besigtiging en ons piekniek het ons opgepak, reg om huis toe te gaan. Net om op ’n aasvoël af te kom wat teen ’n kragdraad vasgevlieg het en nie verder kon vlieg nie. Jaco het dadelik besluit om te help. Ons het die aasvoël gevang. Goeie spanpoging gewees! Maar hoe nou gemaak? Sy kan nie sommer net vasgehou word nie, daai snawel en pote sal ernstige skade aanrig. Ons het die plaaslike veearts geskakel, wat…

Dit laat my bruis van opwinding dat ons in ’n era leef waar vroue hul ding kan doenMarciel Hopkins Kleintyd, hoog in die bome – sy was vreesloos – het sy groot drome gedroom. “Ek het gevisualiseer hoe ek eendag ’n model, aktrise en TV-aanbieder gaan wees. Maar ek moes geduldig wag. Dit het nie oornag gebeur nie . . .” Marciel Hopkins, die sesde aanbieder van kykNET se werklikheidsreeks Boer soek ’n vrou, nou in die dertiende seisoen, lyk die ene sofistikasie in ’n swart denimbroek en bypassende baadjie, roomkleurige T-hemp en wit sneakers. Sy drink ’n energiedrankie in ’n koffiewinkel in Kaapstad. Haar lang hare blink, haar vel is vlekkeloos en sy dra ’n smeerseltjie pienk lipglans (Dior!) en maskara. Sy gesels gemaklik en daardie blou oë kyk…

Jy kan teruggaan in tyd en vir een kunstenaar sê, ‘jy is genoeg’. Wie sou dit wees? Ingrid Jonker. Ek sou vir haar ’n bietjie meer leeftyd wou gee, sodat ek kon sien watter mooi nog uit haar sou kom. Sy het soveel gehad wat sy nog kon gee. En is dit nie ook die boodskap wat ons soms self moet hoor nie? Jy is genoeg. Jy dink dalk jy maak geen verskil of impak nie. Jy is doelloos. Maar kom ons kyk net . . . jy weet nie watter mooi nog uit jou gaan borrel nie. Karoliena Kapp kon nooit die Knysnabos van haar lyf en siel afskud nie. Watter impak het die bos op jou gehad? Kom spook Toorbos dalk nog by jou? Spook? Nee. Maar die…

40's Die meng van verskillende geruite patrone was ’n groot treffer by Burberry se Herfs/Winter 2020-’21-vertoning tydens die Londense Modeweek. 50's Fromay Besançon wys by die Flying Solo-vertoning tydens die New Yorkse Modeweek in 2020 watter staatmaker ’n bruin romp is. 60's Oorvourokke in verskillende kleure en patrone was in Tuvanam se reeks by die Istanboelmodeweek in 2020 te sien. 70's Die koning van snyerspakkies, Hugo Boss, het selfs ’n bruin broekpak ingesluit by sy Herfs/Winter 2020-’21-vertoning tydens die Milaanse Modeweek…

1 KOLLAGEEN Stimuleer die vervaardiging van nuwe kollageen en verbeter fermheid, soepelheid en hidrasie 2 MSM (METIELSULFONIELMETAAN) Help jou liggaam om gesonde, sterk kollageen te vervaardig 3 VITAMIENE C EN E Help saam om jou vel te beskerm teen sonskade, terwyl vitamien C ook noodsaaklik is vir kollageenvervaardiging 4 KURKUMIEN EN SINK Beveg inflammasie (langdurige inflammasie in die vel breek kollageen af) 5 SEEDORING (’N TIPE BESSIE) ’n Bron van vitamiene, minerale en omega-vetsure, wat ’n gesonde velstruktuur handhaaf en kragtige antioksidantvoordele bied…

Die meeste van ons volg ’n gesigsorgroetine, maar vergeet soms ons lyf word aan dieselfde eksterne faktore blootgestel. Van die grootste kwessies is sonskade en dehidrasie wat jou vel grof, geïrriteerd en sensitief laat. iS Clinical se Youth Body Serum (R2 436 vir 200 ml) bevat die suiwerste vorm van hialuronsuur, wat tot 1 800 keer sy gewig in water kan absorbeer vir intense bevogtiging, asook ’n ekstrak wat help om jou vel se DNS teen vry radikale weens sonblootstelling te beskerm. Die superligte vloeibare tekstuur laat jou vel heerlik verfris voel. By uitsoek- estetiese salonne en -spa’s of besoek isclinicalskincare.co.za Sedert Alessandro Michele kreatiewe direkteur van Gucci geword het, het hy vir ’n omwenteling by dié Italiaanse luuksemodehuis gesorg. Eers met sy treffende geek-sjiek ontwerpe en in 2020 met…

A @home 086 083 4834 home.co.za Accessorize accessorize.com Aldo aldoshoes.co.za B Block & Chisel 010 593 9308, 011 442 0809, 021 712 5193 blockandchisel.co.za byCara bycara.co.za C Country Road 086 002 2002 woolworths.co.za E Europa Art 011 455 0917 europaart.co.za H H&M 086 069 0707 hm.com/za Haus by Hertex 021 914 3390, 086 043 7839 hertexhaus.co.za I Incanda incanda.co.za K K.Light 021 552 4370 klight.co.za L Levi’s 086 144 4353 levi.co.za Love Shouts instagram.com/love.shouts Lovisa 011 268 0257, 021 551 1051 M Mandatory mandatorystore.co.za Mango shop.mango/za Matter of Fakt matteroffakt.com MMXMS 079 893 8652 mmxms.co.za Mr Price 080 021 2535 mrp.com O Old Khaki 086 044 4429 oldkhaki.co.za P Pichulik 072 104 9544 pichulik.com Poetry 086 055 5529 poetrystores.co.za S Scotch & Soda scotch-soda.co.za Sunglass Hut 086 100 0850 sunglasshut.com/za…

“In 2020 het ek baie aan myself gewerk om ’n sterker mens te wees. Sterker geestelik, maar óók as aktrise.” Robyn Rossouw, die Arendsvlei-karakter Monique Ross, glo dít het gehelp om ’n goeie grondslag vir 2021 te lê. Sy is nou ook as Cindy Avontuur in die SABC2-drama Swartwater se derde seisoen te sien. “Ek het geleer hoe om nee te sê en my stem te gebruik . . . dat ek ook waarde het. Dit gee vir my die selfvertroue om alles voluit aan te pak.” Sy hoop om ook vir ander mense ’n stem te kan wees. “Met ’n goeie oefenroetine, ’n gesonder leefstyl, om voortdurend my vaardigheid as aktrise te verfyn, met goeie verhoudings met geliefdes en my geloof, glo ek, is 2021 my jaar, my plek.…

Kies kos so na aan sy oorsprong as moontlik, bv. piesang pleks van piesangbrood. Moenie bang wees om te eet nie. Eet vyf etes – drie maaltye en twee peuselhappies. Bly weg van verwerkte kosse of eet matige hoeveelhede daarvan. Ek stel altyd voor dat kliënte by elke maaltyd groente en proteïene moet sit, en na gelang van hul doelwit werk ons uit hoeveel koolhidrate en vette moet bykom. Mense sukkel met proteïene omdat hulle moet beplan, maar jy moet dit prakties en volhoubaar hou: Maak bv. die vorige aand ’n ekstra porsie vleis wat jy vir middagete kan saamneem werk toe. Baie vroue gee menopouse die skuld vir oorgewig. Maar as ek hulle uitvra, eet hulle dikwels meestal koolhidrate: koek, brood, skyfies, wyn – omdat hulle “cravings” het. Met…

63% Dis met hoeveel plantheinings langs besige paaie of hoofweë swartkoolstof-lugbesoedeling kan verminder, het Britse navorsers bevind. Indien jy naby ’n besige pad woon en aan lugbesoedeling blootgestel is, kan dit verskeie gesondheidsprobleme veroorsaak. Bome is te hoog om ’n filter of versperring op asemhalingsvlak (1,5 m tot 1,7 m) te vorm, is ook bevind. Bron: surrey.ac.uk VOGGIES STRAF JOU DAN MÉÉR Dis nie jou verbeelding nie . . . jou babelas ís erger as in jou twintigs. Ons lewerensieme verminder met die jare en die liggaam metaboliseer alkohol dan minder doeltreffend. Die alkohol talm dus langer in jou lyf en verleng babelas-simptome soos hoofpyn en naarheid. Bron: mentalfloss.com KAN NIE SLAAP NIE? Haal asem! Dis so maklik soos 1, 2, 3. Of 4, 7, 8. Asem 4 sekondes in,…

Innie Shadows , Olivia M. Coetzee (Modjaji Books, R220) “Roek djy maa net jou pyp en los vi my uit! Sê Nique soes sy vi Gershwin staan en wag voorie toe koebuisdeur.” Innie Shadows speel op die Kaapse Vlakte af en is in Kaaps (soos die sin hierbo) geskryf. Dis nie net die skryfwyse wat jou tref nie, dis ook die karakters aan wie die skrywer jou bekend stel en die dinge wat jy hier beleef. As jy ligte leesstof verkies of by hardebaard-vertonings uitstap, soek maar iets anders. Olivia Coetzee skram nie weg van kwessies soos geweld, gay-wees, smokkelary, dwelmverslawing en seksmisdade nie. Nique, ’n haarkapster wat ’n geslagsveranderingsoperasie ondergaan het, is verlief op ’n “gangste”. Eers verdwyn haar tikverslaafde vriend Carl en dan word haar tjom Gershwin…

5 gelukkige SARIElesers kan elk Rudie van Rensburg se boek Hartedief (Quellerie, R295) wen. ’n Berugte reeksmoordenaar slaan in stormweer op vroue in die Kaap toe, en dis Rooi en Kassie wat hom moet vastrek. Maar hoe spoor jy ’n miljoenêr-ontsnapte op wat die polisie al jare ontglip, geen digitale spoor los nie – en boonop sy slagoffers se hart steel deur hulle net een kyk te gee? Die Hartedief kom met moord weg, en dan is Kassie se volle aandag ook nie eintlik by die saak nie, want hy is smoorverlief op ’n aanvallige mede-seëlversamelaar. Om sake vir hom en Rooi te vererger word hul baas by die Spesiale Spookeenheid verdink dat sy hul ondersoek doelbewus in die wiele ry. Kassie weet hy moet haar onskuld bewys. Intussen word…

So het ons “perfekte” familie ook ’n bakleiery agter die rug. Asof 2020 nog nie genoeg drama opgelewer het nie. Daar was glurende oë, dun lippies, stywe nekkies en natuurlik swaaiende wysvingers. Dit oor vroumense se kosbaarste besitting: hul kinders. Almal was in trane, eers dae later het ons weggestap met harte vol liefde. Maar dit daar gelaat. Ek reflekteer oor alles wat gebeur het en kom tot die besef dat die hart ’n ongelooflik komplekse orgaan is. Maar belangriker nog, dat dit definitief die uitvoerende hoof van ons liggaam is. My hart was bitter en kwaad. My kop was logies en het die feite mooi uitgepak. Ek het geweet wat om te doen. Ek het geweet een woordjie, “jammer”, gaan alles regmaak, maar my hart het eenvoudig gaan vassteek…

“Ek’t nooit in ’n boks gepas nie; ek wil nooit geëtiketteer word nie. Mense kyk na jou en maak ’n aanname oor wie jy is. Lank, blond en loud, die meeste mense voel reeds geïntimideer. Dan is ek boonop met ’n ouer man getroud, so ek’s sekerlik agter sy geld aan. Daai een hoor ek baie. Dan sou ek mos iemand op ’n suurstofmasjien gesoek het!” Vanes-Mari du Toit skuif daai blonde hare agter haar ore in, wys met haar handpalms na bo. Alles word met haar hande beaam – vinnige, energieke bewegings. “Dit het my gepla, ja . . . want ek wil ook hê mense moet my like, ons almal wil mos maar. Toe kom ek agter ander mense se menings het eintlik niks met my te doen…

Wat is in ’n syfer, vra jy. Wel, ons SARIE Voorbladgesig-wedstryd is vanjaar 11 jaar oud en ons soek ons 13de* wenner. Ons opwindende SARIE Nuwe Gesig-wedstryd vra ’n 2de wenner. En die eeu het mondig geword: 2021! Vra jy wat’s in ’n naam, sê ons Nicqie en Jonadrie, ons 2020-wengesigte, en Schané, Emari, Nadia en Yolani, Elmaré en Nicola, Carlize, Monique, Marike, Tana en Alrie. Almal SARIE-lesers, almal voorbladwenners. Nou’s dit jóú kans, of ’n vriendin of jou dogter s’n, om ’n SARIE-glansvoorblad te wen. Word een van daardie name – hierdie is twee unieke wedstryde en ’n kans van ’n leeftyd. * Twee jaar, 2016 en 2017, het elk twee wenners opgelewer. NÓÚ’S JOU KANS Inskrywings vir ALBEI wedstryde is SLEGS aanlyn by voorbladgesig.sarie.com Drie foto’s…

“Ek gaan Mej. Heelal toe, dis méér as my jaar!” Natasha Joubert, wat in Oktober by die Mej. Suid-Afrika-wedstryd as tweede prinses gekroon is, berei haar tans voor om later vanjaar haar plek op die internasionale verhoog in te neem. “Ek floreer met alles wat die proses behels.” Volgens haar wil sy graag wys dat sy hardwerkend, doelgerig en passievol is en bo haar omstandighede kon uitstyg. “Die uitdagings wat jou laat wonder ‘hoekom ek’, is wat jou motiveer en sterker maak,” sê sy. As tiener het haar pa sy werk verloor en moes die gesin afstand doen van die huis waarin sy grootgeword het. Saam met haar pa se ontydige dood daarna was dít ’n draaipunt in haar lewe. “Ek het modelwerk begin doen om myself finansieel te ondersteun,…

‘Baie van ons haak vas in ’n groef oor hoe ons uitrustings meng en pas en watter kleure ons dra, bloot omdat ons bang is om te eksperimenteer. Maar ek wil jou inspireer om anders te dink. Vra jouself: Wat is my stylpersoonlikheid? Dit gaan bepaal hoeveel jy bereid is om te waag wanneer jy met interessante en unieke kleurkombinasies begin speel. Juis omdat die Pantone-geel so helder is, kan jy as jy versigtig is, begin deur ’n kledingstuk te koop wat ver van jou gesig is.’ WENK  Voor jy ’n item koop, moet dit by minstens drie ander in jou klerekas pas STILERING NICQIE ROBINSON FOTO’S NERETTE BOTHA VAN ZOOMINK GRIMERING BRONWEN HURNDALL VAN BH MAKE-UP STUDIO MET MUD HARE JACKIE PELSER VAN HAIR WORX…

Wenkbroue speel ’n belangrike rol in eerste indrukke. Dikwels kry ons dit reg . . . of baie verkeerd. Daar is ’n fyn lyn tussen wenkbroue wat yl en onversorg lyk, en donker, oordadige wenkbroue wat jou gesig oorweldig. “Goedversorgde wenkbroue raam jou gesig en kan jou jonger laat lyk. Die regte wenkbrouvorm met ’n boog wat geleidelik oploop, trek jou oë oop,” sê Suna Robberts, grimeerkunstenaar en modestilis van Johannesburg. DÍT MAAK ’N VERSKIL AAN JOU VOORKOMS Een van die grootste foute wat ons maak wanneer dit by ons wenkbroue kom, is om van die wenkbrouvorm te vergeet en net die bestaande haartjies in te kleur, sê Suna. “Die sleutel is om ’n natuurlike vorm te kry wat vir jóú oë werk.” Die regte vorm komplementeer en aksentueer jou…

Die bekoring van kondensmelk is soveel meer as net ’n blikkie vol afgekookte melk. Dis nostalgies, maak emosies en herinneringe van mooi wakker en laat jou vir ’n rukkie vergeet van die wêreld se sorge Soetste HERINNERINGE Die vraag op my Facebook-blad was eenvoudig: Praat met my kondensmelk! Waaraan laat die woord jou dink? ‘Die gesteelde blikkies uit die kas. Pynappelyskastert, soet koffiekondensmelk maak alles net lekkerder’ - HENNA KOTZE -‘Die blikkie met twee gaatjies in die yskas nadat Mamma aartappelslaai gemaak het. En as sy weer wil maak, is die ander helfte van die blik skielik net op, maar niemand weet wat daarvan geword het nie’ - FREDALAINE HARMSE -‘Aan my ouma. Melktert en mosterdsous . . . Maar die beste was kondensmelkkoffie! Elke Saterdag sou ons gaan kuier,…

Kate en Michael Lorentz was op soek na ’n nuwe huis in Kaapstad. Toe die eiendomsagent hulle na ’n huis in Nuweland neem, was Kate maar teësinnig. Al was daar buiten die huis ook ’n historiese kothuis wat uit die vroeë negentiende eeu dateer en ’n rivier wat deur die erf loop, was die hoofhuis te klein vir hul gesin – hulle het vier kinders (’n volwasse dogter en drie besige seuntjies). Maar daar gekom, het die kalm rivierstroom en koel bome op die oewer Kate, ’n botanis, en Michael, die eienaar van ’n maatskappy vir eksklusiewe safari’s, Passage to Africa (passagetoafrica.com), oorrompel. Dit het veral hul drie seuns se hart gesteel. Hier kon jy vergeet jy woon eintlik in die stad. Die egpaar is passievol oor bewaring en het…

Susan het op 56 ’n affair aangeknoop. Die laaste mens van wie jy dit sou verwag – mense het gereeld haar en haar man se verhouding besing, en beny. Ná 25 jaar se getroude lewe het Leon haar steeds op die hande gedra, tee geskink nog voordat sy daarvoor gevra het, haar deur die dag kom opsoek vir drukkies en hulle het mekaar gedurig ge-“Liefie” en ge-“Skatlam” . . . Maar saans het Susan alleen kamer toe gegaan. Sy het in hul groot dubbelbed geslaap, Leon op die rusbank voor die televisie waar hy elke aand ingedommel het en eers die volgende oggend wakker geword het. Jy maak jouself later allerhande dinge wys, vertel Susan, ’n aantreklike handelsmerkkonsultant van Pretoria. Dat dit net tydelik is – hy was immers vroeër…

Wanneer ons uiteet saam met vriende en kennisse, is party gaste baie vinnig om te sê: “Ons verdeel [split] sommer die rekening gelykop.” Ek kom dikwels sleg tweede omdat ek gewoonlik lig eet of nie wyn drink nie, maar dan is daar byvoorbeeld mildelik wyn “vir die tafel” bestel. Ek wil ook nie met die rekening sit en elke item afmerk en optel nie – dit lyk so kleinlik. Maar ons inkomste is nie wat dit was nie. Hoe nou? Nataniël, etiketkenner Twee woorde: eerlikheid en vooraf. Wanneer jy genooi word na ’n situasie wat jy wéét tot ongemak en frustrasie gaan lei, bespreek dit onmiddellik met die betrokke persoon of persone. Maak dit duidelik dat jy gereeld in soortgelyke situasies beland, dat jy nie drink of rooivleis eet of…

Die dood van ’n geliefde is nooit maklik nie, of dit skielik of ná ’n lang siekte is. Maar die rouproses nadat iemand hul eie lewe geneem het, het eiesoortige probleme, verduidelik dr. Beatrix Jansen van Rensburg, kliniese maatskaplike werker van Somerset-Wes wat in kinderterapie (met speelterapie) en ouerafrigting spesialiseer. 1 DIE GROOT STILTE Ouers vrees dikwels veroordeling en selfs ’n vorm van stigmatisering. Hulle probeer die selfdood doodswyg weens emosies soos vrees vir verwerping deur die gemeenskap, skaamte en skuldgevoelens. Daar word net nooit oor die trauma gepraat nie en dit kan die rouproses in die wiele ry. Belangrike emosionele ervarings word nooit verwerk nie en daar is geen positiewe groei om sin te maak van die gebeure nie. Dié stilte kan die gesin van die res van die…

Hy was nog altyd mal oor die geskiedenis en die lewensverhaal van Alexander die Grote het hom aan die dink gekry oor erotomanie, oftewel liefdeswaansin, en obsessiewe vroue, sê Chris Karsten. Hy vertel dat erotomanie teruggespeur kan word na die tyd van dié Masedoniese koning. “Een van die goed wat my opgeval het, was van twee generaals van Alexander die Grote wat ná sy dood konings geword het toe die ryk opgedeel is. Toe is daar ’n geval van ’n seun van een van die konings wat dodelik siek geword het. Sy siekte was aanvanklik onverklaarbaar. Niemand het geweet waarom hy so siek geword het nie, totdat iemand uitgevind het hy was verlief op iemand wat buite sy bereik was.” Dit het hom laat dink dit kan ’n lekker storie…

Een van die lesse wat ek die afgelope tyd weer geleer het, is hoe kortstondig die lewe is. En ek het opnuut besef hoe betekenisvol my vriendskappe is. Die ander lekker ding wat ek ervaar het, was die vreugde van nuwe vriendskappe. Ek het min vriende, daarom verstaan ek dat daar mense is wat moeilik ’n vriendskap kan aanknoop. Dié wat skaam of onbeholpe is. Dié wat seergemaak is. Simon en Garfunkel se rotsmense. Want ’n rots, sê die liriek, is nooit eensaam nie. Ek is dankbaar dat die lewe my nog nooit só skuins geklap het nie. André P. Brink het jare gelede ’n pragtige essay geskryf oor ’n pampoen. ’n Pampoen in Frankryk. As jy nie vriende het nie, het hy agtergekom, loop net met ’n pampoen op…

Kasdeure is van die belangrikste instrumente in diens van oëverblindery, professionele towenaars, asook die skep van wanindrukke. Dis ook geliefd onder eiendomsagente, egpare met kritiese skoonouers, tuiskokke met huishoudkundige gewetes en tieners met lastige ouers. Deesdae word daar links en regs huise gebou met spierwit minimalistiese kombuise en oop rakke waarop eienaars enkele borde en bakke uitstal, op ’n eiland word ’n statement-skinkbord met vrugte vertoon en eenkant lê twee ontwerperspampoene wat eendag, ééndag gaargemaak gaan word. Daar is ’n indrukwekkende koelkas met donkergrys glasdeure, hierin lê duisende rande se wyn soos gesneuweldes in rye. Alle kookgereedskap en langleefbestanddele moet gehoorsaam in die laaie sonder handvatsels verdwyn. Binne maande word ’n skrynwerker gebel. Kom sit asseblief kasdeure in, die oop rakke werk glad nie, kom so gou as moontlik! Dit…

Haar spirit animal is ’n kameelperd. Sy het ’n kameerol, ’n volle 10,4 sekondes lank, in die fliek Griekwastad gehad. Sy is halfblind in haar een oog. Haar afrigters kon nooit verstaan hoe sy so goed netbal kan speel nie. Sy het haarself eenkeer in Durban vier uur lank in die toilet toegesluit terwyl ape die huis afbreek. Haar sportonderklerereeks, Proudfit (Proudfit Sport op Facebook), wat vormdrag in groot maat aan sportspanne verskaf het, is nou beskikbaar vir almal. Sy beplan ook ’n klerereeks en skoene vir lang vroue, want sy wéét hoe ’n gesukkel dit is om geholpe te raak. Sy self dra ’n nommer 9/10-skoen.…

Die Seychelle is ’n argipel van 115 eilande in die Indiese Oseaan. Net sowat 40 eilande word bewoon. Dis nog ’n “jong” land: Franse kolonialiste het eers teen die einde van die 18de eeu op die voorheen onbewoonde eilande kom woon. Saam met die Franse, en later Britse kolonialiste, het slawe uit verskeie dele van Afrika en Indië gekom, wat tot die Kreoolse kultuur sou lei. In 1976 het die Seychelle onafhanklik geword. Die Seychelle het ’n bevolking van minder as 100 000 mense, wat dit die kleinste onafhanklike land in Afrika maak. Engels, Frans en Kreools is die amptelike tale. Kreools word die meeste gepraat, maar inwoners verstaan ook Engels. Tradisionele kosse sluit in vars gebraaide vis, seekoskerrie, lensies en slaai met fyngekapte vrugte, speserye en klapper. En die…

BLOES-AFGUNS ’n Treffende bloes bly ’n wenner. Pleks van die gewone T-hemp, dra joune onder ’n oorbroek. Ligpienk vallebloes (R1 499), Country Road. Steenkleurige denimoorbroek (R899), Old Khaki. Beltsak (R799), Aldo. Sonbril met vierkantige lense (R2 790), Persol by Sunglass Hut. GROOTTES Bloes: 4 – 16 Oorbroek: 6 – 16 WEGBREEKBROEK In plaas van jeans, kies ’n gemaklike bruin broek vir jou naweek weg. Dra dit met iets blinks vir ’n aand om die braaivleisvuur. Bruin uitklokbroek (R799), Poetry. Blompatroon-hemp (R799), H&M. Blinkertop (R1 199), Simone Rocha X H&M. Leersandale met toubande (R1 199), Trenery. GROOTTES Broek: 6 – 16 Hemp: XS – XL Top: 34 – 42 KNUS GEVOEL (BL. 66) Slenterdrag (loungewear) het in 2020 gewild geraak. Dra breistofitems van kop tot toon, met ’n hak daarby vir…

Ek drink sink vir gesonde hare, vel en naels, én dit is ’n wonderlike aanvulling om jou immuunstelsel te versterk teen virusse Marciel Hopkins, aanbieder van Boer soek ’n vrou, nou te sien op kykNET (bl. 18) Die afgelope jaar was daar ’n ontploffing van nuwe skoonheidsaanvullings, hetsy in pilvorm of as drankie, wat beloof om jou vel van binne af ’n hupstoot te gee. Plaaslik is bekendes soos aktrise Simoné Pretorius, TV-aanbieder Therese Benade en voormalige Mej. SA en sakevrou Cindy Nell-Roberts aanhangers en drink dit graag in hul koffie, tee, vrugteskommels of net so. In die skoonheidswêreld staan die produkte bekend as “nutricosmetics”: gewoonlik ’n suiwer kollageenaanvulling of kollageen wat met ’n mengsel van ander bestanddele, soos vitamiene en minerale, antioksidante en selfs probiotika, geformuleer is. Die groei…

’n Neutrale lipstiffie een of twee skakerings donkerder as jou natuurlike lipkleur is die vleiendste Grimeerkunstenaar Bobbi Brown in haar boek Beauty Rules VIND JÓÚ kleur Sukkel jy soms om jou perfekte nude skakering lipstiffie te kry? essence se This is me!- lipstiffiereeks (R70 elk) spog met 20 neutrale skakerings om seker te maak daar’s een vir elke velkleur en -ondertoon. Die regte kleur sal jou gesig onmiddellik ophelder. KIES GROEN Goeie nuus! Skin Republic het hul hele reeks gesiglappiemaskers herontwikkel om bio-afbreekbaar te wees. Probeer met ’n geruste hart die Skin Republic Probiotic Skin Balance Biodegradable Sheet Mask (R52) om ’n vel met knoppies te behandel. MONICA HOU VAN Deesdae is ek mal oor ’n velsorgproduk met glikolsuur. Dié suur is van die doeltreffendste chemiese afskilferaars omdat dit die…

KLEIN klits(er)! KitchenAid se stylvolle handklitser is die perfekte toevoeging tot jou kombuis. Dit is lig en maklik om te hanteer en met ’n verskeidenheid van toebehore én 9 spoedstellings kan jy enigiets van melkskommels tot koekiedeeg daarmee aanmaak. Kies tussen 4 kleure: rooi, swart, room of silwer. R2 990 by kitchenaidafrica.com MARZANNE HOU VAN Hou die blink kant bo en voeg ’n tikkie elegansie by jou teetafel met MaMère se goue suiker. Of kikker jou eie dag op wanneer jy dit by jou oggendkoffie roer. R95 vir ’n 300 g-potjie by Poetry HANDIG TE PAS Beskerm jou hande in die kombuis met Le Creuset se dubbele oondhandskoene. Dit is van 100%-katoen gemaak en het ’n nylonvoering tussen die isolerende lae wat maksimum beskerming bied wanneer jy warm potte en…

Hoe ons werk, ontspan en onthaal het vir ewig verander. ’n Huis is nie meer net ’n woonplek nie, maar ook kantoor, gim, kuierplek, selfs spa. En ons deel dit met familielede, ook vriende. Dié uitgawe van SARIE WOON fokus op ruimtes nou in die kollig: die nuwe tuiskantoor, die kombuis as hart van die huis, die badkamer-spa en geliefde stoep, patio of woonstelbalkon. Dit vra nie ’n nuwe huis of banklening nie, net inisiatief en oplossings wat wérk. Dis ’n nuwe leefwyse – slim, mooi en kreatief. NUUT! 12 MAART TE KOOP Sien ook bl. 4 en bl. 42 vir ons ander uitgawes tans beskikbaar…

Die scenario is bekend: Tanya is liefdevol, vriendelik, pret, tegemoetkomend, die “perfekte” meisie. Mans sê gereeld vir haar sy is dié een, die régte meisie. En tog, op nr. 99 los hulle haar en kies iemand anders. Sy wonder wát is fout met haar. Sy het dan álles gedoen om dit te laat werk, hom gelukkig te hou, selfs agteroorgebuig vir hul liefde. Gróót fout, meen die liefdeskenner Clayton Max in Infatuation Scripts, ’n aanlyn handleiding en videoreeks wat gebou is op die beginsel dat mans gefassineer word (verlief word én vir ewig bly) deur vroue wat misterieus is. Jy moenie dadelik ’n oop boek wees nie, sê hy. Jy moet hom laat besef hy het iets kosbaars beet. Hy moet hard werk om jou te behou. En hy moet…

Een Sondagoggend het die kunstenaar Yvette Beneke opgestaan, die vrolike helder blomme geskilder waarvoor sy al bekend geraak het, kos gemaak en saam met haar twee kinders middagete geëet. Toe sy dáár opstaan, het sy ’n swart engel geskilder, vir haar kinders ’n video opgesit, haar kamerdeur toegetrek en ’n klomp pille gedrink. Daardie dag het haar kop net uitgesny, sy het eenvoudig niks gevoel nie. Gelukkig het haar man vroeg huis toe gekom en haar dadelik na die trauma-eenheid geneem, vertel Yvette. Dis moeilik om te glo dat dit dieselfde vrou is wat nou voor jou sit, ’n toonbeeld van lewenslus en gesondheid, iemand wat ander vroue inspireer en motiveer op hul reis om gewig te verloor en ’n gesonde, gebalanseerde lewe te lei. Niemand het besef dat Yvette…

‘Ek, as onervare tiener, is geneig om te dink trauma en tragedie gebeur net in gemeenskappe buite my eie. Dis daarom nog moeiliker om te begryp en te aanvaar dat twee meisies wat ’n dorp en skool met my gedeel het, ’n einde aan hul lewe gemaak het. Ek kan nie voorgee om te verstaan hoe Jade en Zara se geliefdes moet voel nie. Al het ons geen nabye verbintenis gehad nie, lê hul dood tog soos lood in my hart. Mens kan nie help om te dink aan die lewe wat die meisies nog kon, móés geleef het nie. Lobke Kirsten, ’n 2020-matrikulant aan La Rochelle…

Tyd is ’n gidshond. Geheue die blinde stok in jou hand. Uit “Buiteligmusiek” deur Louis Esterhuizen in die bundel Die gladde stiltes in glas (Protea Boekhuis, R195) Street Art Africa Cale Waddacor (Thames & Hudson, R730) Die Britse graffitikunstenaar Banksy het straatkuns reg oor die wêreld geloofwaardigheid gegee. Hoewel dié kunsgenre nog nie ten volle in Afrika erken word nie, woeker menige kunstenaar op die kontinent met spuitverf. Dié pragboek plaas die kollig op straatkunsfeeste en graffitikunstenaars in die verskillende streke van Afrika. Elke streek se kuns word gekenmerk deur ’n eiesoortige vermenging van kultuur, taal, etnisiteit, godsdiens en politieke bewustheid. Interessant kan graffiti se ontstaan in Suid-Afrika herlei word na die Boesmans se grottekeninge. Boonop het die Ndebeles met hul kenmerkende geometriese muurskilderye bes moontlik die eerste openbare kuns geskep.…