Indholdsfortegnelse for Mar/Apr 2023 i SARIE

In die wêreld van tydskrifte is ’n voorblad ’n stukkie goud. Dis die mooi strik wat gebind word om die 100+ bladsye van uitsoek-stories en -foto’s. Die seël wat sê: Spesiaal vir jóú. Dis die glanspapier waarin die tydskrif-inhoud mooi toegedraai word, soos ’n geskenk. Vir ons wat aan hierdie pakkie werk, is die voorblad die einde van ’n intensiewe proses van minstens drie maande – van die oomblik wat die eerste blink idees op die tafel beland en die kreatiewe proses wild en wonderlik begin, totdat dit uiteindelik, genadiglik, ’n tydskrif op die rak is. Maar o, die voorblad . . . tegelyk opwindend en angswekkend. Een van die moeilikste dinge om rég te kry. Want dis hier waar emosie en kleur, vorm en fatsoen in harmonie moet wees.…

WORTELRING, JOU LEKKER DING! Vir my is die heel lekkerste deel van ’n Kersmaal die vooraf beplanning. Ek begin reeds vroeg in Desember, dan word resepteboeke afgestof, Pinterest deurgeblaai en if all else fails, is daar Google. Hierdie jaar is my Engelssprekende skoonfamilie by ons. Ek besluit om terug te gaan na my spreekwoordelike Afrikaanse wortels en ’n kans te vat met ’n gestolde wortelring. Ek wys vir my dogter ’n prentjie op Google en haar gesig spreek boekdele. Ek is benoud, want wat as dit te retro is of as dit ’n siek oranje kleur anderkant uitkom? Maar ek het klaar my hart daarop gesit en ek sien in my geestesoog hoe ek die bleek beigekleurige skakerings van koue vleise op my Kerstafel met ’n wortelring ophelder. Ek krap…

Dis soos dit is met Edwin van der Walt: Hy’s bal-befonk. “Rol ’n stuk papier in ’n bal en gooi dit vir hom. En ’n halfuur se pret volg,” vertel Nina Swart, regisseur van verskeie TV-reekse waarin hy gespeel het. En hoor hier: Nes hy ’n bal gryp, takel hy die lewe, sê sy. “Met ’n jeugdige energie, uitbundigheid, lewenslus . . .” Bennie Fourie, wat saam met hom branderplank leer ry het vir hul rolle in die fliek Die Pro, stel dit só: “Hy het die wakkerste oë wat ek nog gesien het.” Edwin het ’n Peter Pan-sjarme waarmee hy jou as kyker om sy pinkie draai. Selfs al speel hy ’n bliksem wat op die verkeerde plekke jeuk, soos Schalk in die kykNET-reeks Fraksie (later vanjaar op ShowMax).…

Hy is maar die tweede Suid-Afrikaner, naas Miriam Makeba, wat as individu met ’n Grammytoekenning kan spog. Fluitspeler Wouter Kellerman sê dié prestasie in 2015 het ’n groot verskil in sy loopbaan gemaak. “Mense neem jou bietjie meer ernstig op.” By die Grammys in Februarie vanjaar is hy weer vereer, hierdie keer vir die lied “Bayethe” saam met Nomcebo Zikode (stem van die trefferlied “Jerusalema”) en Zakes Bantwini in die kategorie beste internasionale musiekuitvoering. “Dit is nog altyd my missie om SA musiek oorsee uit te voer, want die wêreld weet nie eintlik van die skatte wat ons hier het nie.” As uitblinker wat ook al in New York se Carnegie Hall en by die 2010-Sokkerwêreldbeker opgetree het, erken hy hy werk hard. Hy glo juis Suid-Afrikaners presteer op…

Dertien jaar gelede het die eerste wenner van SARIE Voorbladgesig op ons voorblad gepryk – Alrie Velleman van Gqeberha. Verlede jaar was Brittany Smith ons wenner. En nou is dit tyd om ons 13de Voorbladgesig te kies. Dalk is dit jou jaar! Dit is ook die vierde jaar dat ons SARIE Nuwe Gesig, spesiaal vir leerders van gr. 10 tot gr. 12, aanbied. Ons vennoot van die afgelope vyf jaar, die Isa Carstens Akademie, kry boonop ’n nuwe spanmaat, African Extracts, en sáám is ons opgewonde om te sien wie vanjaar met die voorblad wegstap. Gryp die geleentheid aan om deel te wees van iets besonders! * 2016 en 2017 het elk twee wenners opgelewer. DOEN DIT SÓ Inskrywings vir ALBEI wedstryde is SLEGS aanlyn op voorbladgesig.sarie.com Drie foto’s moet…

In Michelle Obama se nuwe boek, The Light We Carry: Overcoming in Uncertain Times, skryf sy oor haar stryd om haar voorkoms en lengte (1,8 meter) te aanvaar. Sy lewe daarom met angs. Die voormalige Amerikaanse presidentsvrou skryf dat sy baie oggende die badkamerlig aanskakel om na haarself in die spieël te kyk, maar dit net so weer wil afsit. Sy is nie alleen in haar stryd nie. Jou vrees vir die spieël kan so erg raak dat dit in ’n erkende psigiese versteuring, dismorfie – oftewel liggaamsdismorfiese steuring – kan ontaard. Volgens die DSM-5, ’n handleiding wat internasionaal deur gesondheidspraktisyns vir die diagnose van geestesgesondheidsprobleme gebruik word, is dismorfie ’n beheptheid met een of meer “defekte” in jou voorkoms. Die “fout” is óf so klein dat mense dit nie…

KOS SOET, SAGTE VERLEIDING 1701 is ’n SA handelsmerk wat nougat van hoë gehalte maak. Die geur pistasieneutamandel-en-rooswater is eksklusief beskikbaar by Yuppiechef en in dié mooi boks die perfekte geskenk. R119 vir ’n 120 g-boks MARZANNE HOU VAN Die dramatiese blomtema van die Dahlia Daze-reeks uit Maxwell & Williams se Teas & C’s-versameling is deur mode en die natuur geïnspireer en ’n lieflike manier om jouself te bederf. Die tee-vir-een-stelletjie wat ’n koppie, piering en bypassende potjie insluit, is veral mooi. R699 by maxwellandwilliams.co.za VIR TEELIEFHEBBERS As jy van aarbeie hou en boonop mal is oor jou tee, probeer gerus die jongste toevoeging tot die Lize Mouton Collection-rooibostees. Dié aarbeien-room-tee is veral verfrissend as ystee, wat jy met vars aarbeie en kruisement kan garneer vir ’n prentjiemooi drankie.…

Met treffers soos “Skobbejak” (saam met Refentse), waarvan die video begin vanjaar reeds 1,4 miljoen keer gekyk is, is Richann Brüssow en Nolene Spinks van die musiekduo Reën opgewonde dat hul musiek by Suid-Afrikaners aanklank vind. “Om nuwe musiek uit te reik is baie soos boer. Jy sit alles in wat jy kan, maar die uitkoms is nie in jou eie hande nie,” sê Richann. Nolene het ’n jaar gelede by René de Klerk oorgeneem. “Dinge kon baie anders vir Reën uitgedraai het, maar te danke aan ons aanhangers is ons steeds hier. Ek is baie trots om ’n Suid-Afrikaner te wees en dankbaar vir die platform wat ons land vir ons geskep het,” sê Nolene. Ondanks die opdraandes waarteen Suid-Afrikaners daagliks moet uitbeur, is die onstuitbare…

Maandagoggend het sy die e-pos begin skryf. Ywerig, vol geesdrif en planne. Vrydag wou sy dit afrond en stuur, maar eensklaps was sy vol vertwyfeling. “Ek het sinne begin uitvee en krities na alles gekyk. Hoe kan ek dit sê, het ek myself afgevra. Dis veels te optimisties . . . Skielik het dit my getref: Dis asof ek twee mense is. Maandag positief en opgewek . . . en vyf dae later somber en onseker.” Dit het Desirée de Villiers van George verwar. Hoe kan jy sommige dae ernstig oorweeg om jou eie lewe te neem? Net om drie, vier dae later energiek terug te bons? Maar drie weke later is alles weer te veel. “Op donker dae sou dit kompleet voel asof al my senupunte buite my vel…

Wat maak mens as jou land uitmekaar val? Jy draai jou rug dat jou familie kan opklim Uit die gedig “vrae met die bloedlyn af” deur Antjie Krog in die bundel Plunder (Human & Rousseau, R260) Kevin Atkinson, Art and Life redakteur Marilyn Martin (The Kevin and Patricia Atkinson Trust & Print Matters Heritage, R700) Die invloed en bydrae van ’n kunstenaar tot die kunste en die gemeenskap word dikwels eers nadoods besef. Dié omvangryke boek gee ’n diepte-oorsig oor die legendariese Kaapse kunstenaar, leermeester, kulturele aktivis en filosoof Kevin Atkinson (1939-2007). Atkinson was sy tyd vooruit, dikwels omstrede in sy verkenning en soeke na betekenis en patrone in die kompleksiteit van die sosiale struktuur in die Suid-Afrikaanse samelewing. Internasionale kunsgemeenskappe het sy kunsinstallasies en moderne abstrakte kunswerke hoog geag,…

B Birkenstock 021 461 7426, bashafrica.comBlock & Chisel 011 442 0809, 010 593 9308, 021 712 5193, blockandchisel.co.za C Country Road 086 002 2002, woolworths.co.zaCrocs crocssa.co.za F Forever New 087 164 8549, forevernew.co.zaFoschini 086 083 4834, foschini.co.zaFreedom of Movement 066 185 8879, freedomofmovement.co.za G Guess 010 300 6888, guess.co.za H H&M 086 069 0707, hm.com/za K KLûK CGDT 083 377 7780, klukcgdt.com L Lovisa 011 268 0257, 021 551 1051 M Mango shop.mango.comMMXMS 063 683 0680, mmxms.co.zaMungo 021 201 2374, 044 533 1395, mungo.co.za O Office London 087 285 9401, officelondon.truworths.co.za Q Queenspark 086 178 3367, queenspark.com S Superbalist 087 362 7300, Superbalist.com T That Shoe Lady 087 149 4069, thatshoelady.co.za W Witchery 086 002 2002, woolworths.co.zaWoolworths 086 002 2002, woolworths.co.za…

Diana SE KRUIS, MARILYN SE ROK Kim Kardashian word duidelik betower deur mode-items van ikone. Pas het sy die Attallah-kruis wat prinses Diana gedra het, vir meer as R3 miljoen op ’n Sotheby-veiling gekoop. Dié smarag-en-diamantkruis dateer uit die 1920’s. In 2022 het Kim by die Met Gala in New York in een van die wêreld se bekendste rokke verskyn: die sytabberd wat Marilyn Monroe gedra het toe sy in 1962 vir pres. John F. Kennedy van Amerika “Happy Birthday, Mr. President” gesing het. Dit is destyds deur die Ripley’s Believe It or Notmuseum gekoop, en vir Kim geleen vir haar vyf minute op die rooi tapyt. Kim moes 7 kg afskud om in die rok te pas! AFRIKA-SKAT Robyne, toermalyne, smaragde, pienk diamante . . . Die wêreldbekende juwelier…

My skottel het geroes en vir weke kon ek nie televisie kyk nie. ’n Jaar gelede moes ek honderde DVD’s weggee, daar was eenvoudig nie meer stoorplek nie, maar gelukkig is daar nog baie mense en biblioteke wat, soos ek, dit verkies om ’n DVD, ’n CD of ’n langspeelplaat vas te hou en te kyk na die inligting en grafiese ontwerp. Dus moes ek ’n paar terughou, genoeg om een groot laai vol te maak. En wanneer die televisie moeg raak, kan ek na iets uitstekends kyk. Verlede week was dit Ralph Fiennes se baie mooi rolprent The Invisible Woman. Felicity Jones vertolk die rol van Charles Dickens se jong minnares. Anders as sy wettige vrou, begryp en bewonder sy die beroemde skrywer se werk en kan intellektueel haar…

EKSKLUSIEF En toe stap ‘die een’ in my lewe inEben oor Anlia Ek is nie verlief en verlore. Ek’s verlief en tuisAnlia Eben Etzebeth en Anlia van Rensburg se liefdesverhaal klink soos ’n moderne Suid-Afrikaanse sprokie: Hy die rugbyheld met die breë skouers wat op 2,03 m lank bo teenstanders uittroon; sy die pragtige aktrise en sangeres wat in ’n roomwit rok die volkslied gesing het by haar verloofde se honderdste toetswedstryd in Kaapstad. Hul oë glinster wanneer hulle kort-kort vir mekaar kyk tydens ons Zoom-onderhoud skaars drie weke voor hul troue vroeg in Februarie. Sy kan nie wag om Anlia Etzebeth te wees nie, vertel sy vanaf die rusbank in hul huis in Ballito, waar sy styf teen Eben sit. “Dis my droomman, my droomrok, my droomtroue. Ek sien…

“’n Spektakel van skoonheid.” Só het beoordelaar Franz Gräbe dié jongste reeks van Die groenste vingers op kykNET beskryf. Nuwe temas, ongewone blomkeuses, moeilike konstruksies, uit-die-boks-uit-opdragte en selfs ’n paar lokvalle . . . 15 bloemiste van 24 tot 60 jaar het in die tweede seisoen van die bloemistewerklikheidsreeks voor al dié uitdagings te staan gekom – en met hul passie, aanslag en talent almal se asems weggeslaan. Die laaste drie finaliste, Stefan Smuts van Pretoria, Monique Ritson van Bellville en Willem van Schalkwyk van Franschhoek, moes in die laaste episode elkeen ’n blomrok (’n tutu met ’n gedetailleerde korset) skep. Stefan het as wenner uit die stryd getree. Fanie Cronjé, SARIE se stylredakteur wat in dié episode ’n gasbeoordelaar was, sê: “Dit verskaf my baie vreugde wanneer mense kreatief…

Dié naam het dalk voorheen nie ’n klokkie gelui nie, maar is nou op almal se lippe. Só goed is aktrise Jenna Ortega as Wednesday Addams in Netflix se swartkomedie-reeks Wednesday, dis asof die rol vir haar geskryf is. Maar om in die skoene te klim van hierdie Addams Family-karakter uit die 1990’s (destyds deur Christina Ricci vertolk), het sy selfs leer boog skiet en tjello speel. Die 20-jarige Jenna is in Coachella, Kalifornië, gebore as een van ses kinders van Mexikaanse ouers. Haar loopbaan het op ’n jong ouderdom begin, met rolle in onder meer die TV-komediereeks Jane the Virgin (2014–2019) en Disney se Stuck in the Middle (2016-2018). Sy was ook die stem van prinses Isabel in die animasiereeks Elena of Avalor (2016-2020). Rolle het gevolg in…

mooi Velsorg is sonder twyfel die grootste en gewildste kategorie in die skoonheidsbedryf. Innovasie en vooruitgang geskied teen die spoed van lig, en byna daagliks vind jy nuwe produkte op die winkelrakke asook aanlyn wat beloof om harder, beter en vinniger te werk. Dié fokus op velsorg word toegeskryf aan verbruikers wat ál meer ’n goeie velsorgroetine prioritiseer soos wat hulle besef dat ’n gesonde vel een van die vernaamste boustene van gesondwees, mooilyk en goedvoel is. Met al die vooruitgang kom daar ook nuwe riglyne en tegnieke om die impak van jou roetine te maksimaliseer. Ons het dié ses beproef. DUBBEL SO SKOON Goeie reiniging bly die eerste stap tot ’n mooi, gesonde vel. Deesdae benadruk verskeie skoonheidshuise en-kenners egter dat dit saans nodig is om jou vel twee…

Dié luukse-parfuumreeks bring hulde aan Armand Petitjean, stigter en parfumeur van die Franse skoonheidshuis Lancôme. Hy was passievol oor fyngeure en daarom is die nuwe Maison Lancômereeks ’n ode aan sy vakmanskap en meesterlike geurkombinasies. Daar is ses parfuums om uit te kies wat die bekoring van Franse tuine sowel as die Franse platteland as inspirasie vasvang. Maison Lancôme Rose Peonia (R3 600 vir 100 ml EDP) is ’n asemrowende blomgeur met roos, pioenroos en delikate muskus. By uitsoektakke van Edgars “Ciao, Kim!” is die naam van Dolce & Gabbana se Lente/Somer 2023-reeks, wat geïnspireer is deur Kim Kardashian se styl. Dit sluit in stropsnoere (chokers), stywe bustiers, nousluitende rokke, geskeurde jeans, oorgroot jasse en deurskynende materiale. Tydens die modevertoning in Milaan is ’n video geprojekteer van Kim wat onder…

woon DEUR ANITA ROSSOUW & LOUNETTE FOURIE arossouw@sarie.comlfourie@sarie.com FOTO’S WARREN HEATH VIR BUREAUX Amy Kropman is ’n gedugte sakevrou. Sy was al die eienaar van ’n bekroonde boetiekherberg vir rugsakreisigers in Kaapstad, en tans is sy die eienaar van ’n juweliersonderneming, nog een wat speelmatte vir kinders verkoop, asook mede-eienaar van Camp Canoe. Toe sy ’n jaar of wat gelede die uitdaging kry om ’n paar vaal, oninteressante tente op die plaas ’n nuwe lewe te gee om as wegbreek vir die minder avontuurlike kampeerder te dien, het sy nie teruggedeins nie. Amy het die hulp ingeroep van Megan Bond en Rotem Shachar van MR. Design Studio. Hul grootste uitdaging was om die koue, kleurlose seilmure warm en verwelkomend te laat lyk. Elke “muur” het toe een of ander afwerking…

MENSE IS GEFASSINEER DEUR BYE Ilse Fourie van Jus Liè Collection Toe ’n swerm bye hulle in April 2020 tydens die grendeltyd reg by die voordeur van haar huis in Polokwane kom tuismaak, het Ilse Fourie nooit kon dink dat hulle ’n besonderse rol in haar besigheid sou speel nie. Ilse, wat voltyds argitek is maar saans dikwels tot laataand sit en illustreer vir haar “tweede” besigheid, Jus Liè Collection, was juis aan’t teken toe sy ’n gezoem op die stoep hoor. Tien dae lank het die bye daar gewoeker . . . totdat sy een skemeraand skielik besef het dis tjoepstil. “Hulle was weg, maar het vir my die mooiste geskenkie agtergelaat – ’n volmaakte liggeel heuningkoek. Ek was so geïnspireer dat ek die aand ’n bytjie begin teken…

Hoekom Hongkong? Ek wou nog altyd oor die waters gewerk en gereis het. In Oktober 2020 het ek die geleentheid gekry om hier te kom skoolhou. Baie mense het gevra hoekom, jy vlieg dan nou na die virus toe. Om eerlik te wees, ek het self nie geweet wat op my wag nie. Ek het nie eens geweet Hongkong was voorheen ’n Britse kolonie en as spesiale administratiewe streek van China amper ’n land op sy eie nie, totdat ek navorsing gedoen het. Ek het saam met ’n vriend oorgevlieg, wat dit darem minder vreemd gemaak het. Dit was stresvol, want jy het net drie dae gehad om in Hongkong uit te kom voor jou Covid-toets verval. Ons het in Addis Abeba geland om Bangkok en dan Hongkong toe te…

Het jy al probeer om ’n doodse moegheid te oorkom met ’n lang nagrus – net om meer uitgeput te voel? Hier is die rede: Rus bestaan uit meer as net slaap, hoewel ons dikwels die twee in dieselfde asem gebruik, sê dr. Saundra Dalton-Smith, mediese dokter en skrywer van Sacred Rest: Recover Your Life, Renew Your Energy, Restore Your Sanity (FaithWords), in ’n TED-praatjie. “Menslike gedrag is veelsydig, kompleks en holisties – en bestaan uit baie dele. Só is dit ook met rus . . . Dis nie net een enkele ding nie, maar ’n kombinasie,” beaam dr. Annemarie Lombard, stigter van Sensory Intelligence® en kenner en pionier van sensoriese prosessering vir beter geestesgesondheid, welstand en produktiwiteit. Dr. Dalton-Smith onderskei sewe soorte rus wat jy nodig het. Identifiseer die…

BOEKUITTREKSEL Sien bl. 142 Mias Mulder, die hoofkarakter in Hulle noem haar Carminda, is ’n skipper wie se lewe geskoei is op dié van Willie Kotze, Sussie (die skrywer se noemnaam) se oorlede man. Vir haar was dit belangrik om die moeilike omstandighede waaronder vissermanne werk as agtergrond vir dié eg menslike verhaal te gebruik. “Hulle is aan die noodlot blootgestel, ja, maar ’n goeie visserman ken die see en hy ken die manier van die vis. My Willie was ’n goeie visserman, maar die werk het hom baie weggeneem van die huis. As vrou maak jy die kinders maar alleen groot en jy is maar begaan oor sy welsyn daar op die see. Tog het ek altyd vertroue in Willie gehad, omdat ek geweet het hoe goed hy die…

Hy is besig om sy planne agtermekaar te kry vir die volgende seisoen. Die eienaar van die skuit waarmee hy tans werk, het hom voor ’n keuse gestel: Hy kan óf aanbly, nog ’n jaar hier in Walvis vasbyt, óf hy verloor die skuit. Maar voor hy besluit, wil hy eers gaan kyk wat op Ei-Land aangaan. Trein haal of vlieg? Dis die vraag. Tussen wik en weeg, toe hy nog vir ’n toevallige geleentheid huis toe uitkyk, kom soek Kuifie Bergh hom op. “Ek hoor jy is op pad Ei-Land toe. Ek het gewonder, wil jy nie my baaik afvat soontoe nie? Die ding staan en roes net op hier in die mistigheid,” soebat hy. Onverantwoordelik is Mias nie; as skipper het hy al kanse gewaag, het hy soms…

SUDOKU NR. 2 Voltooi die rooster sodat elke ry dwars, elke kolom afwaarts en elke vierkant van 9 blokkies die syfers 1 tot 9 bevat – sonder dat een van die syfers herhaal of uitgelaat word in die ry, kolom of vierkant. Oplossing onder. BLOKRAAI 5 OPLOSSING & WENNERS 5 SARIE-lesers wen elk die boek Die verkeerde vrou deur Irma Venter (Tafelberg, R310): Yolandie Niemand, Schmidtsdrifweg 17D, Kimberley; Deon Moggee, Keurboomlaan 17, Proteahoogte, Brackenfell; Ernest Kapp, Witfield Park 110, Kettlesstraat, Ravensky, Boksburg; Nicolette Pienaar, Gilfillanstraat 16, Middelburg, Mpumalanga; Margaret Rabie, Rabesingel 1, De Doorns. Nog 5 SARIE-lesers wen elk die boek Flora deur Engela Ovies (Human & Rousseau, R320): M. van der Zwan, Monumentlaan 7, Lyttelton, Centurion; Johanie van Sittert, Trans-50 Witfield Park 110, Kettlesstraat 73, Boksburg; Wessel Strydom, Tomeros-woonstel…

5 gelukkige SARIE-lesers kan elk die boek Marinda kook met blikkies en pakkies deur Marinda Engelbrecht (Human & Rousseau, R290) wen. Staan jy gereeld voor jou oop koskas en kopkrap vir inspirasie? Pak met jou volgende kruideniersware-aankope ’n paar blikkies tamaties, peulgroente, sampioene, vis, vleis en natuurlik ingedampte melk en kondensmelk in jou inkopiemandjie, en saam met Marinda kan jy feitlik enige smulgereg berei. Met net ’n paar koskasbestanddele en gekoopte skilferdeeg kan jy onder meer ’n geurige pastei maak, plus jy hoef nie meer ure lank te swoeg met vleis, hoender- of visgeregte nie, terwyl min sal agterkom jou boontjiesop is nie die ware jakob nie. Nog 5 SARIE-lesers kan elk Ver in die wêreld saamgestel deur Frederik de Jager (Tafelberg, R320) wen. In dié boek is 23 lekkerleesstories…

FRANK RAUTENBACH ‘MY DROOM TOE GROTER AS HOLLYWOOD’ Hy moes baie storms trotseer voordat hy sy voete weer kon vind. “Geen mens kan dit vermy nie. Maar dis waar jou keuse inkom: Jy kan jou hele lewe in die hawe bly dobber, of uitgaan op die see waar storms én mooiweer teenwoordig is.” Die akteur en vervaardiger Frank Rautenbach behoort te weet. Sy tyd oor die waters in Los Angeles in die VSA was by tye stormagtig. Tog sou hy dit weer so doen. Hy kies die geleefde storie. Sý storie. Die een wat hom rock bottom agter die stuur van ’n taxi laat beland het. “Ek het klippe gekou,” erken hy. Toe die pandemie oor die wêreld heen versprei, het Frank en sy vrou, Leigh, soos fikse atlete gevoel.…

“Maak nie saak hoeveel geld jy het nie, ons almal gebruik dieselfde cheap plastiekhangers om ons klere op te hang,” is een van die skerpsinnige waarnemings wat Janey (Jana Jooste) van Janey en Waney-faam op TikTok maak ná episode twee van Die Real Housewives van Pretoria. En die weelde, plastiekhangers ten spyt, was een van die redes hoekom die land behoorlik aan die gons was oor die kykNET-werklikheidsreeks wat wentel om die lewens – en dramas – van ses welaf vroue in Pretoria. Diamantringe, ontwerperuitrustings en Ferrari’s is net so volop soos die geskinder, skewe kyke en katgevegte. Lisa van Rooyen, nog ’n gewilde sosialemediapersoonlikheid wat video’s oor die reeks gemaak het, sê presies wat baie kykers dink wanneer die eerste “huisvrou”, Renske Lammerding, in die reeks voorgestel word: “Jy…

mode TREFFENDE TRANSFORMASIE Gee jou eenvoudige wit hemprok ’n nuwe voorkoms deur te speel met slim oorvoutegnieke met die moue. Wit hemprok van katoen (R459), Foschini. Silwerkleurige bloes (R1 799), Witchery. Goue en kunspêrelhalssnoere (R130 per stel), Queenspark. Goue oorbelle (R300), Lovisa. GROOTTES Hemprok: XXS – XXL Bloes: XXS – XXXL BL. 70 DENIM, JOU DORING ’n Wit hemp saam met jou jeans is klassiek, maar oorweeg ’n denimrok, veral ’n skouerlose een vir impak, daarby. Wit katoenhemp (R1 199), Witchery. Skouerlose denimrok van mengsel van volhoubare en herwinde katoen (R1 899), H&M Studio – slegs aanlyn beskikbaar by Superbalist.com. Goue belt (R199), Foschini. Pienk tweedskouersak (R399), Foschini. GROOTTES Hemp: 4 – 20 Rok: XS – L PRET MET PATRONE Kombineer ’n hemprok met tekstuur, soos broderie anglaise, met…

MOOI ETOETS DEUR MONICA VIR FERM, JEUGDIGE VEL Growth Factor-Induced Therapy (GFIT) met die AQ Skin Solutions Skin Stamp Met die AQ Skin Solutions Skin Stamp-behandeling word kragtige groeifaktore (proteïene wat die gesonde vernuwing en herstel van selle reguleer) aan jou vel gelewer. Tydens die behandeling wend ’n terapeut ’n mengsel wat groeifaktore bevat op jou vel aan en gebruik dan ’n stensil met honderde mikronaalde om fyn gaatjies in jou vel te druk. Só skep dit mikrokanale waardeur die groeifaktore doeltreffend in jou vel in kan penetreer. ’n Verdowingsmiddel word vooraf op die behandelingsarea aangesmeer omdat die proses pynlik is. Gelukkig duur die behandeling net sowat 15 minute vir jou hele gesig. Jy kan ná die tyd rooiheid verwag, wat binne ’n uur of twee sal kalmeer. PRYS: Vanaf…

kos DONKERSJOKOLADE Die geur van dié sjokolade laat ’n soet smaak in party mense se mond terwyl dit vir ander eerder ’n bitter smaak het. Die grênd mense noem dit couverture-sjokolade, wat beteken dit bevat meer kakaobotter en soliede kakao. Die kakao-inhoud word in persentasies gemeet en enigiets bo 70% tel as donkersjokolade. Hoe hoër die kakao-inhoud, hoe duurder en bitterder. PIENK SJOKOLADE Al gehoor van ruby sjokolade? Dis ’n natuurlike pienk sjokolade wat as die vierde sjokolade beskou word. Die kleur kom vanaf ’n sjokoladeboon-variëteit wat as Ruby bekend staan. Die sjokolade is die eerste keer in 2017 deur die Belgies-Switserse maatskappy Barry Callebaut bekend gestel. Die smaak is soet soos dié van witsjokolade met natuurlike suur ondertone. Plaaslik kan jy dit by kocotrading.co.za bestel. Jy kan dit in…

WOON Vir ’n kombuis met beperkte spasie is so ’n gaatjiesbord ’n slim plan. Die houtpenne bied hangplek en rakke kan maklik opgesit en geskuif word soos dit jou behoeftes pas. In hierdie tent van Camp Canoe (sien bl. 100) dien dit ook as ekstra muur. Kyk by selfdoenwinkels soos Builders vir iets soortgelyks. FOTO WARREN HEATH VIR BUREAUX 1. Melamienslaailepels bring ’n tikkie luuksheid na jou buitetafel (R199), Country Road Home 2. Emaljebekers is ’n prettige toevoeging tot jou kombuis (R29 vir 125 ml en R49 vir 300 ml), finegoods.co.za 3. Sit peuselhappies met ’n doopsous voor op mooi keramiekware (dienbord R579 en bakkie R149), Woolworths 4. Gekurfde staalpype en ’n houtsitplek en -rugleuning met geronde hoeke maak die stoel besonders (R2 650), pedersenlennard.co.za 5. Die kussingoortreksel van 50…

Toe Ronel Lategan haar kantoordeur agter haar toetrek om vir ’n jaar sabbatsverlof te neem, het sy nooit kon raai hoe dit haar lewensuitkyk sou verander nie. Een jaar het meer as drie geword. Sy het in Chokwe, Mosambiek, die kinders leer ken wat sy al baie jare finansieel ondersteun, Italiaans baasgeraak ná ses maande se taalklasse in Florence, ’n paar draaie deur onder meer Portugal, Frankryk, Brittanje en Nederland gemaak, en geswig voor die verslawende effek van ’n pelgrimstog. Nadat sy ’n gedeelte (sowat 300 km) van die Franse Camino gestap het ‒ wat van Saint-Jean-Pied-de-Port in Frankryk oor die Pireneë-bergreeks tot by Santiago de Compostela in Spanje strek ‒ het sy nóg twee togte aangepak. Die volle Portugese Camino (675 km van Lissabon tot Santiago de Compostela) en…

’n Mooie meisiekind in ons familie trou. Ons almal is vrolik en lag en huil ’n bietjie toe die bruid in wasige, antieke kant aan die arm van my bewoë broer binnekom. By die onthaal sien ons verras dat die tafelversierings nie blomruikers is nie, maar ’n glasbak vol dartelende goudvissies. Dié skitterende vissies is spesiaal geteel vir die geleentheid. En hier is hulle nou, tot almal se vreugde. O, die guns wat diere, visse, voëls ons aandoen om ons menslike bestaan met hul teenwoordigheid meer sinvol te maak. O, die magiese verbintenis met ’n magtige natuur wat ons deur hulle kan beleef. Amore Bekker vertel van die man wat sy in die straat sien loop, met sy kat. Eie aan haar aard stop sy net daar en dan en…