Indholdsfortegnelse for Jan/Feb 2024 i SARIE

Nou hoe sal 2024 lyk? Baie kan ons net oor raai, voor wens en bid. Dit sal ontvou soos die dae en weke hul loop neem. Soms sal ons sê: Ja, dis goed so. Ander kere: Kan jy nou glo! En heel dikwels: Dít het ek nie sien kom nie . . . Eintlik maar soos die wêreld nog altyd gewerk het. Maar hierdie wéét ons – 2024 gaan goed blou wees. Nie blou soos hartseer of terneergedruk nie. Nie soos ’n Blou Maandag of ’n bloutjie loop nie. Maar mooiblou soos die lug en oseaan. Daardie oopblou wat die kleursielkundiges sê ons geïnspireerd laat voel en vertroue ’n hupstoot gee. Die wye blou wat ons so lief maak vir ons land en Afrika. Dis juis blou, is al bevind,…

SUID-AFRIKA, BOU WEER OP! Ek blaai onlangs deur my reisjoernaal. My laaste oorsese skoolhoupos was in Taiwan. Ek ontdek toe die bladsy waar die sikloon Megi die land getref het. Dit was die derde sikloon in twee weke en die grootste een in tien jaar. Die hele stad Taichung waar ons gewoon het, het tot stilstand gekom. Megi was ’n woedende draak wat haar stert geswaai-swiep het oor die stad. Haar grommende onaardse geraas het my en Lara, my woonstelmaat, vreesbevange onder die naaste tafel laat skuiling soek. My dierbare neef Johan Fourie het net voor die sikloon sou tref, doodbekommerd uit Stellenbosch gebel. Ek onthou tot vandag toe sy woorde: “Bly weg van vensters en deure. Nig, ek bid vir julle.” Kort daarna het ons alle verbinding met die…

Eendag, nie so lank gelede nie, het Jacobus Petrus Adriaanse, of sommer net Cobus, Beer geword. ’n Skoolbynaam waarteen hy eers geskop het, was soos ’n nuwe baadjie wat hy kon aantrek. Dít besef hy in retrospek. Cobus? Dit roep beelde van ’n aktuaris op, ’n ou wat met “nommers” werk. “Nommers” was nooit Beer se ding nie. Beer? Daar’s krag in die naam. Ook ’n speelsheid. “Die antieke mense, Eerste Nasies van Amerika, het bere gelykgestel met mense,” sê hy. Nou ja, hy erken hy is dalk meer soos die vriendelike beer Baloo in Jungle Book as ’n grommende grys- of kille ysbeer. Lief vir lag, goedgeaard en goedhartig, volgens sy vriende. Nes Baloo, swem en eet hy graag. Hy is harig ook, waarskynlik die rede vir sy bynaam.…

Haar troudag was een van die twee grootste hoogtepunte in haar lewe, sê Tatjana Schoenmaker, Suid-Afrika se Olimpiese swemkampioen. Die ander groot oomblik? Nee, toe nié daardie Goud wat sy in 2021 by die Spele in Tokio verower het nie, maar haar eerste ontmoeting met Joel Smith, ’n sportbestuurder van Pretoria. “Ek het al wonderlike dinge bereik met swem, maar aan die einde van die dag val swem weg en dit is met wie jy die res van jou lewe gaan spandeer wat belangrik is,” vertel Tatjana. “Niks kom by daardie gevoel nie.” Die paartjie het in November verlede jaar in die natuurskoon van die Pat Busch-bergreservaat buite Robertson ewige trou aan mekaar beloof. Meer as 100 geliefdes het die bruilof saam met hulle gevier en tot laatnag by romantiese…

Bekyk jy haar werk van naby, lyk dit asof van die impasto-kwashale uit plek is. Staan jy so ’n paar treë terug, praat die geheelbeeld met jou. Daar is tasbare beweging in SA kunstenaar Mies de Jager se natuurtonele en rou emosie in die portrette. Mies se werk word aan haar kleurgebruik en waagmoed geken. “Ek dink dis wat my kuns en persoonlikheid gemeen het: Dis nie versigtig nie. Ek heg groot waarde aan spontaniteit en eerlikheid, ek hou daarvan om met elke kwashaal intensioneel te wees. My werk bestaan uit verskeie vlakke wat van naby af nie sin maak nie, maar soos met alles in die lewe kom dit mooi in perspektief as jy net ’n bietjie terugstaan.” Beperkings ken sy nie, haar werk is vry. “Ek het…

Die enigste ding waaroor ons seker kan wees, is verandering. Dit staar ons voortdurend in die gesig. Tog is die meeste van ons ongemaklik daarmee, of selfs vreesbevange. Soms het ons nie beheer daaroor nie. ’n Natuurramp tref ons, of ons salaris word gesny, of ons verloor iemand deur die dood. Ons vrees dalk ook die moontlike effek wat kunsmatige intelligensie (KI) op ons werk kan hê. Ander kere laat ons sélf verandering gebeur, soos wat Esperance Potgieter en Roxanne Gebhardt gedoen het. Esperance (“Essie”) was in die teater- en modebedryf, maar haar liefde vir Pilates het bly wink. Verlede jaar het sy haar “stabiele leefstyl” prysgegee en haar eie ateljee, Essie’s Pilates, in die Habitus Wellness-sentrum in Kaapstad begin. Roxanne, ’n netto-inkomstebestuurder by PepsiCo, het onlangs vir ’n oorplasing…

BLOUER AS BLOU Wees op die uitkyk vir helderkleurige bykomstighede vir ’n verfrissende aanslag op die eenkleurige eenstuk. Blou strooihandsak (R299), Me&B. Blou patroonserp (R270), Lovisa. Beige visnettop met blinkers (R899), Zara. Wit eenstuk van katoen met vallemoue (vanaf R920), Pretpakkie. Silwerkleurige haksandale (R579), Woolworths. GROOTTES Top: S – L Eenstuk: S – XXL SONSTRAALTJIE ’n Gemaklike benadering met glansryke aksente is hoe ons hierdie somer in die moet-hêsnyerskortbroek wil lyk. Geel snyerskortbroek van herwinde poliëster (R769), Zara. Wit katoenbloes (R429), H&M. Goue bytjie-halssnoer met kunspêrels en diamanté-detail (R300), Lovisa. GROOTTES Broek: XS – XXL Bloes: XS – XL UITGEPOF Kry ’n groot dosis sonskyn in ’n prettige suurlemoenpatroonrok met die pofmou waarvan modeliefhebbers net nie genoeg kan kry nie. Lospassende kort suurlemoenpatroonrok (R950), Mareth | Colleen. Diamanté-oorbelle (R400), Lovisa.…

MOOI Ons pamperlang die vel op ons gesig met sorgvuldige roetines en duur produkte, maar skeep maklik die vel op ons lyf af. Gelukkig is dié gewoonte besig om te verander, want al hoe meer skoonheidshuise lê klem op die versorging van jou lyf met gehalteprodukte wat harder werk as ooit tevore. “Daar’s ’n groter bewustheid van die belangrikheid van algehele velgesondheid,” sê dr. Des Fernandes, stigter en wetenskaplike hoof van die plaaslike velsorgreeks Environ. “Ons vel is ons lyf se grootste orgaan en speel ’n belangrike rol om ons lyf teen eksterne aggressors te beskerm. Deur ewe goed vir die vel oor jou hele lyf te sorg verseker jy jou vel bly gesond, bevog en beskerm teen verskeie toestande.” Speel vandag nog klaar met ’n vaal, growwe lyf met…

As jy sukkel met bros, kort en yl wimper of wenkbrouhaartjies, kan ’n serum help. ’n Wimperserum bevat aktiewe bestanddele wat die haartjies se natuurlike groeisiklus ondersteun sodat dit digter en langer groei. Dit versterk ook die haartjies en seël vog in. Jy moet die produk egter aanhoudend gebruik om resultate te sien Die veganistiese RefectoCil Lash & Brow Booster (R1 010) bevat biotien en ’n olie verkry uit koraal ryk aan lipiede wat haartjies voed en bevog. Dis die eerste veganistiese serum in sy soort. Wend dit soggens en saans op jou wenkbroue en teenaan jou wimperlyn aan. By Takealot of besoek refectocil.co.za Swemdrag met ’n missie – om ons seelewe te beskerm. Die luuksehandelsmerk Copenhagen Cartel maak hul swemklere van herwonne visnette, wat seediere andersins kon verstrengel, vermeng…

WOON Sally het al in van Europa se mooiste stede gewoon, maar hierdie huis op Prins Albert aan die rand van die Groot-Karoo het die spesiaalste plek in haar hart. Dis skaapwêreld, maar ook bekend vir olywe, vrugteboorde en wingerd. Die landskap is onbeskryflik mooi. Die boustyle ’n mengelmoes van Kaaps-Hollands en Victoriaans met ’n goeie skeut werkershuise. Teen die draai van die eeu het Sally in Luxemburg gewoon en een van die werkershuise gekoop met die plan dat dit ’n stoorplek vir haar kunswerke kon wees. Dit was egter nie lank voor die plek in haar kop begin draai het nie. Dit sou darem lekker wees om ’n vakansiehuis in die Karoo te hê. Die hulp van haar argiteksvriend Derick de Bruyn is ingeroep. Haar voorwaarde was dat die…

Om weer betrokke te raak by ’n eks, sê hulle, is soos om ’n boek oor en oor te lees – jy weet reeds wat aan die einde gaan gebeur. Tog is dit ’n algemene verskynsel. Wanneer ’n verhouding eindig en jy nog hartseer en alleen voel, is dit so maklik om te wonder of jy dalk ’n fout gemaak het. Dan begin jy dink aan al die goeie tye wat julle gehad het, aan hoe jou vorige geliefde jou aan die begin laat lag het, en kort voor lank is julle weer aan die gesels. Deesdae word dit backsliding genoem, en Hollywoodbekendes Jennifer Lopez (54) en Ben Affleck (51) is die plakkaatpaartjie. Die twee het meer as twintig jaar gelede, in 2001, vir die eerste keer begin uitgaan nadat…

A Aldo 010 300 6888, aldoshoes.co.za B Bash bash.com Birkenstock 021 461 7426, bashafrica.com Block & Chisel 010 593 9308, 011 442 0809, 021 712 5193, blockandchisel.co.za BLUM South Africa 087 352 4232, 011 444 8118, 021 555 2282, 031 579 2620, 041 581 0219, blum.com C Call It Spring callitspring.co.za Converse converse.co.za F Foschini 0861 111 761, bash.com H H&M 0860 690 707, hm.com/za I Incanda 021 863 1965, incanda.co.za L Lovisa 010 143 0780, lovisajewellery.co.za M Mango shop.mango.com Mareth | Colleen 078 707 0655 marethcolleen.com Me&B 072 611 1979, meandb.shop Mungo 021 201 2374/044 533 1395, mungo.co.za P Poetry 086 055 5529, poetrystores.co.za Pretpakkie 082 784 5251, pretpakkie.co.za S Steve Madden 087 351 0634, stevemadden.co.za Sunglass Hut 086 100 0850, za.sunglasshut.com Superbalist 087 362 7300, superbalist.com T That…

Die man wat voor my staan is dalk jonger as ek, maar sy gesig wys dat hy ’n ou siel is. Hy lyk nes my pa gelyk het toe ek ’n kind was. Hy het ’n outydse baadjie aan, sy gesig is vriendelik en gekreukel, maar hy het ’n mooi, ernstige kyk in sy oë. Ons kyk na die bome wat bokant ons uittroon. Die oeroue bome maak ’n koepel bo ons, ons staan in ’n katedraal deurspoel van groen lig. Hierdie man voor my leef al sy hele lewe lank in die woud, die bome en plantegroei en die Tsitsikamma se skugter wildlewe is deel van sy hartklop, sy bloed. Ek het hom toevallig ontmoet op my wandeltog in die bospad. Ons beide het gaan staan, gegroet, ’n klein…

MODE JOU DING? Skryf nóú in en wen! Hul invloed is groot, en hulle weet net hoe om hul persoonlike styl en inspirasie met volgelinge te deel. Dis die wêreld se fashion influencers , die mode-smaakmakers. Is jy een? SARIE is deel van Netwerk24 se Smaakmaker-toekennings. Daar’s 14 kategorieë (elke kategoriewenner wen R25 000), en mode is die een wat SARIE opgewonde maak. As jy met mode op sosiale media woeker, of iemand ken wat die modebewustes inspireer, skryf nóú in! Vul die inskryfvorm op Netwerk24.com in, of volg SARIE op sosiale media vir die skakels na die vorm. Slegs jou sosialemediablad se Afrikaanse inhoud word beoordeel, jy moet die eienaar van die blad wees en net een platform (TikTok, Facebook of Instagram) word in ag geneem. Jy moet ook…

Behalwe melktertvulsel met ekstra kaneel, roomyskoek met Armagnac, die nuus dat ’n vertoning uitverkoop is of iemand wat vra of jy gewig verloor het, wat maak ’n sanger vreeslik gelukkig? Die wilde genot, die heerlike voorreg om die woord “Mercy!” tydens ’n lied te kan gil. Maak nie saak in watter konteks dit gebruik word nie, “Mercy!” is ’n emosionele, sensasionele en vokale ontploffing. Nie Aretha Franklin, Patti LaBelle, Gladys Knight, Jennifer Hudson of Yolanda Adams kan (of kon) dit weerstaan nie. Of die woord deel is van die geskrewe lirieke of nie, dit sal gehoor word. Ek het gaan dwaal op die internet om te kyk hoeveel liedere daar is met dié woord as deel van die titel, binne minute was daar ’n lys van byna tweehonderd. Daar moet…

IN ONS WÊRELD Die palet van woestynkleure, ’n venue soos ’n oase in die dor landskap van die Noord-Kaap, en die prentjie van die bruid en bruidegom wat skitter teen die aardse agtergrond is wat Nicole en Ryno Eksteen ons Bruidspaar van die Jaar maak. “Van my ma wat my rok en die papierblomme gemaak het, my susters wat van oorsee af gekom het om daar te wees, my pa se trane toe ons die paadjie afstap . . . die kleure van die landskap wat saamgespeel het, dit was alles en nog meer,” sê Nicole, 2021 se Survivor SA: Immunity Island-wenner. Sy en Ryno, tot onlangs ’n professionele rugbyspeler, was vir twee jaar in ’n langafstand-verhouding terwyl hy by die Vrystaatse Cheetahs was. Hy het haar in 2022 op…

HIEROOR PRAAT ONS Sy is dalk net 1,42 meter lank, maar die Amerikaanse gimnas Simone Biles is ook die G.O.A.T. – Greatest of All Time. ’n Generasie Z-term, wat verwys na die allerbeste van die beste. Haar generasie. En een waarop Simone trots is. Gen Z is die groep wat gebore is tussen die middel-1990’s en die vroeë 2010’s. Hulle is tegnologie-boffins, sosiale aktiviste, TikTok-verbruikers, sosialemedia-ghoeroes, fuifkykers, slengskeppers, voorstanders van geestesgesondheid, aanlyn kopers, aanhangers van die kanselleerkultuur, en uitdagers van gender-voornaamwoorde. Hulle is ook die eerste groep wat met selfone grootgeword het, en nes die millenniërs het hulle al twee resessies beleef – 2008 en 2020. Volgens Jo Munnik, ’n Suid-Afrikaanse filmregisseur en voormalige CNN-joernalis, kan hierdie generasie nie ingeboks word nie. “Hulle is letterlik ’n uit-die-boks-generasie. Forward thinkers. Ek…

SIEN KOOPGIDS OP BL. 133 ESPADRILLE Die altyd-ewige somerskoen. En vanjaar is dit groter as ooit met groot name soos Gucci en Stella McCartney wat dit in hul reekse het. BONKIGE TEKKIES Sit jou voete in die kollig met ’n bonkige tekkie. Veelsydig en perfek saam met van ’n broekpak tot ’n somersrok. SILWER HAKKE Hierdie hakskoene is nie net vir die aand nie, dit gee ook oemf aan jou alledaagse uitrusting. Metaalkleurige skoene is wer is groter. INSTEEKSANDALE Kom in die somergees met insteeksandale wat die aandag trek. Kies en keur uit groot gespes, vlegdetail, strikke en ’n mengsel van metaalkleure. DIKKERSOOL-SANDALE As jy hou van hoogte, maar gemak kraai koning, dan is dit die skoen vir jou. Jou someruitrusting kan nie daarsonder nie. Het jygeweet? Die Spaanse espadrille…

VERMY DIÉ ONDERLAAGFOUT Lyk dit soms vir jou asof jou onderlaag in jou fyn lyntjies, plooie en porieë gaan lê en dit juis beklemtoon? Onderlaag met ’n matformule is geneig om velveroudering makliker te wys. “Die beste raad is om ’n glansryke, bevogtigende basislaag (primer) te gebruik voor jy onderlaag aanwend,” sê Alicia Buckle, grimeerkunstenaar en haarstileerder van Kaapstad. “Dit versag die matformule en vorm ’n lagie wat keer dat die onderlaag in die vel penetreer.” DINK WEER OOR VOL LIPPE Dat estetiese behandelings soos botoks en vullers ál meer in aanvraag is, is geen geheim nie. Oor die ideale resultate van nie-indringende estetiese prosedures is daar minder sekerheid. Dr. Reza Mia, estetiese dokter en eienaar van die Anti-Aging Art-kliniek in Johannesburg, gebruik die konsep van “tydlose elegansie” om te…

BANANA SPLIT (bl. 90) Meer nostalgies as roadhouse-piesangroomys kry jy nie maklik nie! As jy nie die klassieke bakkie met sy lang vorm het nie, kan jy ook net die piesang in skywe sny en dit in gewone poedingbakkies voorsit. genoeg vir 8 ROOMYS ■ 400 g bevrore aarbeie, ontdooi■ 3 x eenliterbakke vanieljeroomys■ 100 g donkersjokolade, gerasper■ 60 ml kakaopoeier POEDING ■ 8 baie groot piesangs■ 300 ml gekoopte sjokoladesous■ 1 blik spuitroom■ 24 vars kersies hand vol kleurstrooisels■ 100 g-pakkie grondboontjiebroslekker (peanut brittle), fyngekap ROOMYS Verwerk aarbeie tot fyn puree in voedselverwerker. Plaas 1 liter vanieljeroomys in die bak van ’n elektriese menger en gebruik die mengspaan (K-beater) om die roomys op medium spoed tot sag maar nie gesmelt nie te klits. Meng aarbeipuree by en skep mengsel…

Sy doen wat háár bekoor, kiés om die mooi in die wêreld raak te sien. “Alles wat ek aanpak, is met selfvertroue. Ek steur my glad nie daaraan om vir ander cool te probeer wees nie,” sê interieurontwerper Gera de Wet. Sy vergelyk haar styl met ’n tydlose skemerkelkie wat altyd met ’n onverwagte, soms stoute element versier is. Dis vir haar al tweede natuur om voortydig tendense in die ontwerpwêreld te identifiseer. “Ek kombineer elemente daarvan en sit my eie ‘Gera Era’-stempel daarop om dit tydloos oor te dra.” “Lelik” is nie deel van haar verwysingsraamwerk nie. Sy stel funksionaliteit wat mooi gestileer is, voorop. “Om ‘mooi te strooi’ is die kern van my bestaan en dis hoe ek leef. Daar is soveel lelik in die wêreld. Ek kies…

MY STORIE “Het jy daai tannie se mooi handsak gesien?” “Ja, maar ek dink sy boer rêrig, want het jy gesien hoe vol stof haar klere is?” is wat Veralda Mazzone in die koöperasie hoor met die uitstap na haar bakkie toe. Soos haar werkstewels en hoed op die kop ook verklap, ís sy ’n boer – al laat die rooi lipstiek, perfek gemanikuurde naels en ontwerpershandsak jou wonder. Dié bokboer se lewe het wye draaie geloop sedert sy op 20 April 1970 in Pretoria as Veralda Bezuidenhout gebore is – presies op die dag wat die dokter vir haar ma gesê het die baba gaan kom. “Stiptelikheid is van geboorte af een van my kenmerke,” sê Veralda. Sy gaan skool in Pretoria, waar die huishoudkundejuffrou gou agterkom sy’s ook…

kom die lug is uitbundig ’n koninkryk sipresse groei uit die hart uit op roerige engele met aandagtige gesigte van duiwe sal jou heilig Uit Hilda Skkmits se gedig “Koringlande met sipresse, Van Gogh” in die bundel Mag die diep slaap jou dan (Protea Boekhuis, R220) Bruce Murray Arnott: Into the Megatext geredigeer deur Mari Lecanides-Arnott en Sven Christian (Print Matters Heritage, R790) Die boek gee ’n wonderlike oorsig oor Bruce Arnott se kunsloopbaan. Sy invloed as beeldhouer, vakkundige, ontwerper, kurator en leermeester het ’n beduidende verskil aan die kunstoneel gemaak. Nie net met sy uitstallings nie, maar ook as dosent het hy baie jong kunstenaars gehelp om hul eie kreatiwiteit te ontgin en hul plek in kuns te vind. Arnott het inspirasie uit die geskiedenis, mitologie, sielkunde, ekologie, opvoedkunde…

Maandag 23 Maart Net sy en Ebbe het in die oopte onder die hemel beskroei van sterre oorgebly. ’n Brulpadda kraak deur die donker. Die vleipaddatjies hervat hulle gegil in die pieringdam. “Hulle maak my ore seer.” En heelwat sagter: “Kom ons gaan praat in jou chalet. Ek het jou iets kom sê.” Uiteraard. “Ek vir jou ook. Oor Donkerhoek.” Onder Kgobaboloko se buitelantern buk hy. Iets by sy stewel in die lantern se melkerige lig. ’n Swart lyfie glim in die flitsstraal toe hy dit aanskakel. Oukei. Weer ’n riethaanoomblik. Hy kom darem altyd gou weer by die punt uit. Sy sak op haar hurke langs hom neer. “Wel, hy is ten minste by die regte chalet.” ’n Nietige miskruier wat ook sy pad byster is ná die President…

NÁ 10 JAAR WEER ’N JA VIR liefde Wanneer “twee romantiese wesens wat glo in die ” liefde ná tien jaar hul huweliksbeloftes hernu, kan jy iets betowerends verwag. En só was dit toe Lourens en Esté Rabé van die musiekduo RAAF onlangs hul troufees saam met 100 gaste by L’Atrium, Grand Roche, die Paarl, gehou het. Die twee het hul eie troubeloftes geskryf. “As jy saam werk, sien jy die beste en slegste van mekaar. Eers dan besef jy hoe belangrik die beloftes is . . . ons kon nie ophou huil toe ons dit lees nie,” sê Esté. Dit was spesiaal dat hul ouers en familie – hul grootste ondersteuners – daar was. Lourens onthou “’n magiese oomblik toe enigiemand met ’n instrument – selfs lepels! – op…

Ons is opgewonde, maar speletjies gaan dit nie wees Lea en André se woonstel in Kaapstad is tans ’n “ontploffing van bubble wrap”. En hul emosies is nie ver agter nie. Lea som dit só op: “Opwinding, antisipasie en ongeloof vibreer in elke sel van ons liggame!” Dis twee en ’n half weke voor die paartjie sak en pak na Portugal verhuis – trouens, ses sakke van 23 kilogram elk tussen die twee van hulle. Die einde van ’n “beplanningsmarathon van 18 maande” en die begin van hul nuwe avontuur. “Ek weet ek gaan my nog sát huil, dit sal seker eers insink wanneer ons almal finaal groet. Maar dis ook ’n droom wat realiseer,” sê Lea, ’n smoothie in die hand – een van haar gunstelingdrankies by The Ladder,…

ALETTA FRANCINA DE KOCK “Haai, hallo daar!” Só groet Aletta Francina de Kock haar 53 500 Instagramvolgelinge voor sy kos maak, vir hondestappies gaan, ’n eksistensiële krisis ervaar of ’n Instagram Live begin. Waarvoor lag jy? Hierdie gaan seker nou totaal bevooroordeeld klink, maar ek lag die hardste vir die nonsens wat uit my eie mond uit kom. Ek weet nooit wat om te verwag van my onderbewussyn nie, hier is altyd nog ’n absurde grap wat broei, sonder dat ek eens bewus is daarvan. Jim Carrey het gesê komedie is dood weens die kanselleerkultuur. Jou gevoel? Daar’s baie grappe wat gemaak kan word sonder om minderheidsgroepe te bespot. Ek voel nie my styl van komedie is noodwendig ongevoelig of abrasive nie, maar ek is steeds versigtig met wat ek…

Dertig jaar gelede is Los Angeles ná ’n groot aardbewing in donkerte gehul. Verskeie nooddienste en ’n plaaslike sterrewag is oorval deur oproepe van senuweeagtige inwoners: Wat is daai “reuse- silwer wolk” wat die naglug verswelg? Toe nie ’n VVV nie, maar die Melkweg, die aardbol se eie sterrestelsel. Sommige van dié siele het nog nooit in die onmeetlike uitspansel vry van enige ligbesoedeling opgekyk nie. Om met verwondering na die aandhemel te staar, “painted with unnumber’d sparks”, soos Shakespeare dit in Julius Caesar stel, gaan ons kinders dalk nie beskore wees nie. Die menslike oog kan sowat 5 000 sterre in die hemelruim waarneem. Maar die lig wat deur wolkekrabbers, straatlampe en huise uitgestraal word, versluier toenemend alles behalwe ’n handvol van die helderste sterre, volgens die webtuiste…

Sy het in ’n sportmal gesin in Texas grootgeword, maar die talentvolle Sadie Sink het dit nogtans reggekry om vanaf ’n jong ouderdom ’n loopbaan in die wêreld van uitvoerende kunste uit te kerf. Sadie was net elf toe sy in 2013 haar buiging op Broadway maak in die titelrol van die musiekblyspel Annie. Maar haar deurbraak na internasionale roem het gekom toe sy in 2017 die rol losslaan van Maxine Mayfield in die bekroonde Netflix-reeks Stranger Things. Haar uitbeelding van Max het wêreldwyd erkenning gekry en haar status as een van Hollywood se opkomende sterre versterk. Buiten haar suksesvolle akteursloopbaan het Armani haar verlede jaar as hul nuwe internasionale ambassadeur aangestel en ons sien haar in veldtogte vir die handelsmerk se onderlaag- en lipstiffiereekse. En in die skoonheidshuis se…

IN ONS WÊRELD Tussen byna duisend inskrywings, die een matriekafskeidrok so mooi en oorspronklik soos die ander, het die rooi valle-skepping van Denile Burger uitgestaan as die wen-rok. Denile was ’n leerling aan die Helpmekaar Kollege in die hartjie van Johannesburg. Denile oor haar wen-rok Ek wou ’n rok gehad het waarin ek net myself kon wees: Vurig, warm en flambojant. Ek het nie ’n idee gehad van hoe dit presies moet lyk nie, maar my ontwerper, Carike Nel, het tot my redding gekom. Nadat ek ’n paar rokke aangepas het, het ek ’n swarte in hierdie styl gekies en Carike het die wynrooi kleur voorgestel. Dit was my ideale rok, en ek was dadelik smoorverlief daarop. My gunsteling-deel van die ontwerp was die uniekheid van die romp, wat my…

GEWONE VELSORG, kragtige RESULTATE Die Amerikaanse kultusvelsorgreeks The Ordinary is nou ook in SA beskikbaar! Dié velsorghuis glo in duidelike en eerlike kommunikasie op hul verpakkings en hul doel is om goed nagevorste bestanddele en formules teen bekostigbare pryse aan verbruikers te bied. Hulle is veral bekend vir hul chemiese afskilferaars wat byna oornag sorg vir ’n foutlose, stralende gelaa Probeer gerus The Ordinary AHA 30% + BHA 2% Peeling Solution (R210). Wend een keer ’n week ’n dun lagie oor jou hele gesig aan, hou 10 minute aan en kry salonresultate tuis. By ARC, Takealot en Superbalist 3 BESTE PRODUKTE VIR KNOPPIES Die gerieflike twee-in-een laat jou toe om jou wenkbroue netjies in te vul met ’n poeier én mooi te set met ’n deursigtige jel. Wet n Wild…

ALMAL VRA VIR ROOMYS (BAKKIES) Hierdie nostalgies-mooi sundae-bakkies is beskikbaar in twee pastelkleure: Pink Glo (foto) en Purple Rain. R15,99 per bakkie by MRP Home REËNBOOG pret! Rond jou kolwyntjies of roomys af met Staffords se reënboogstrooisel. Dis prettig en mooi. R60 vir ’n 250 g-boksie by Checkers ELKE ROMERIGE LEKKERTE JOUNE Bederf jouself in die warm weer met heerlike tuisgemaakte roomys, sorbet of bevrore jogurt. Krups se digitale roomysmasjien (1,6 liter, maak 1 liter roomys) werk vinnig en doeltreffend. Onthou net om reeds 24 uur vóór jy jou roomys wil maak die vrieskompartement aan te skakel sodat dit betyds koud genoeg is. R2 099 by Yuppiechef MARZANNE HOU VAN Hou jou kos en drankies koud met die klassieke Polarbox-koelboks. Dis nie net prakties nie, die retroontwerp en speelse kleure…

EK VERTEL PLAASLIKE KUNSTENAARS SE STORIESLINDA VAN DER WALT VAN PLAASLIK, PRETORIA Linda van der Walt van die winkel PLAASLIK in Pretoria sien dikwels eerstehands retail therapy in aksie – sonder dat die klant noodwendig iets koop. “Soms stap vroue hier in, en ek kan sien hulle is dalk ongelukkig of bekommerd of iets pla . . . maar dan verwyl hulle net bietjie tyd in die winkel met sy wit en pastelskakerings, unieke geure en lieflike handgemaakte goed. As hulle uitstap, is hulle vervuld en kan hulle hul dag aanpak. Om deur al daardie kreatiwiteit omring te word is terapeuties. So deel ek ’n stukkie van my kreatiewe siel met hulle,” sê sy. Linda het nog altyd daarvan gehou om die wêreld om haar mooi te maak. Haar ma…

BOEKUITTREKSEL Sien bl. 134 Haar jongste roman, Die Melkweg en die miskruier, word gedryf deur haar eie geskiedenis, asook dié van karakters uit van haar vorige boeke. Vir Jeanette gaan die geskiedenis nie oor gebeure en kennis nie, maar oor mense. “En mense laat hulle nie so maklik verklaar nie. Hier sit ons met pakke dokumente, getuienis, selfs visuele materiaal oor die verlede en tog verskil interpretasies daarvan in heelparty gevalle radikaal. Dit fassineer my.” Ná tien jaar keer Sabine terug na die Laeveld om ’n laaste keer hul familieplaas, Donkerhoek, te sien en om vrede te probeer kry oor die gewelddadige gebeure wat haar destyds verdryf het. Maar dis 2020 en die lewe soos almal dit ken, word bedreig deur die corona-virus. Sal sy dit regkry om die plaas…

blokraai Oplossing op bl. 137 sudoku Voltooi die rooster sodat elke ry dwars, elke kolom afwaarts en elke vierkant van 9 blokkies die syfers 1 tot 9 bevat – sonder dat een van die syfers herhaal of uitgelaat word in die ry, kolom of vierkant. Oplossing regs onder OM TE WEET! Ons is bly jy geniet ons gereelde blokraaie. Daar is nie meer ’n wedstryd nie, maar jy kan steeds met elke uitgawe die kopkrap geniet, met die oplossing onderstebo hiernaas. En onthou, die nuutste SARIE Blokraai met 150+ raaisels is nou op die rak. oplossings BLOKRAAI SUDOKU…