Indholdsfortegnelse for Tuis Opknap 2019 i Tuis

REDAKTEUR Wicus Pretorius • redakteur@tuis.co.za Kaapstad-kantoor 20ste Vloer, Media24-gebou, Heerengracht 40, Kaapstad Kaapstad-posadres Posbus 1802, Kaapstad 8000 Kantoorbestuurder Amina Essop 021 406 2401 Johannesburg-kantoor Media Park-gebou, Kingswayweg 69, Auckland Park REDAKSIE Artikelredakteur Shané Barnard • shane.barnard@media24.com Kreatiewe redakteur Marian van Wyk Kosredakteur Johané Neilson • johane.neilson@tuis.co.za Ontwerpredakteur Andrew Maritz Uitlegkunstenaar Jade Cupido Teksredakteurs Desiree Hartney en Johletta Brits Multimediajoernalis Suné Esterhuizen Fotograaf Francois Oberholster Foto-opknapper René Nortjé MEDEWERKERS Kim Arendse, Shelly Bergh, Simone Borcherding, Candice Botha, Sally Chance, Elza Cooper, Greg Cox, Deon de Goede, Paula Dubois, Suretha Jansen van Rensburg, ER Lombard, Marlene Malan, Beatrice Moore-Nöthnagel, Misi Overturf, Elna van der Merwe, Amanda van Wyngaardt, Pamela Whitby, Henrique Wilding Bemarkings-en-funksiebestuurder Andile Nkosi Produksiebestuurder Kerry Nash Algemene navrae Donvé Myburgh 021 406 2387 ADVERTENSIES Hoof: Advertensieverkope (Kaapstad en KZN) Sarah Curtis-Bowles 021 461 2396 Sleutelklantbestuurder (Kaapstad) Charlene Meyer 082 928 5970 Verkoopbestuurder (Johannesburg) Susan Pienaar 083 281 7300 Toonvenster-advertensies Evonne…

Inez de Vries is g’n vreemdeling as dit by oormaakprojekte kom nie – sedert sy haar huis meer as 10 jaar gelede gekoop het, het sy die badkamer in ’n stylvolle spatkamer omskep, ’n stoep en braaikamer aangebou, die garage in ’n gastesuite verander, die hoofslaapkamer opgeknap en nuwe vloere in die oopplan-leefarea gelê. Volgende aan die beurt was die donker, beknopte kombuis. Die kookvlak was ingedruk tussen die yskas en wasmasjien, wat haar min toonbankruimte gegee het. Outydse melamienkaste en donkergrys vloerteëls het ook nie veel kreatiwiteit agter die potte aangewakker nie. Die teëls is reeds ’n paar jaar gelede uitgehaal toe Inez nuwe betonvloere laat giet het. Daarna het sy ’n meer praktiese uitleg vir die kombuis begin beplan. Sy het besef as sy die agterdeur, wat sy…

Nelia de Wet het haar huis in Somerset-Wes in 2004 gekoop, en dit was alles waarvoor sy kon droom. Dié grande dame het tonne karakter gehad – iets wat geld nie kan koop nie. Die buitegebou op die erf was ook die ideale plek vir haar werkswinkel en haar welbekende winkel Gister, wat vintage-meubels en -dekor verkoop. Maar so ’n ou huis kom nie sonder probleme nie – soos klein, donker vertrekke. Oor die jare is binnemure uitgebreek, ’n stoep aangebou en die kinders se en suite-slaapkamers na die tweede verdieping geskuif, sodat die tieners privaatheid kon hê. Vandag is die wit Oregondennehout- en sementvloere die agtergrond vir Nelia se pragtige Franse dekor. Dié huis met sy drie slaapkamers en badkamers is ’n weerspieëling van haar kreatiwiteit – van die…

Vra jy opknappers of hulle raad het vir ander kom die antwoord in ’n koor: Begroot een en ’n half keer die geld, en twee keer die tyd. Ek het ’n derde stuiwer vir dié armbeurs: Verwag die minste as dit by dienslewering kom; dan kan jy net (aangenaam) verras word pleks van teleurgestel … Ek meen dis soos brei: knit one, slip one. My 100 jaar oue huis was ’n ware winskoop, die verval ’n meulsteen om die verkoopprys se nek. Ná my intrek het my bouer Paul ywerig weggespring, en nuwe probleme het daagliks opgeduik. Een ding het ek gou geleer: ’n Suksesvolle opknap in die somer beteken nie jy gaan ’n kommervrye winter hê nie … Met die eerste reën het die nuut geverfde mure begin afdop…

Nadat Harald en Mpho Vackier in 2014 na ’n groter huis in hul kompleks getrek het, was hul plan om dit net op te kikker met ’n klein opknap. Die uitleg het goed gewerk, maar daar was hier en daar elemente wat die paartjie wou verander. “Maar toe ons eers begin, het ons lysie net al hoe langer geword!” sê Mpho, ’n interieur-enmeubelontwerper. “Die baie donker hout was vir my regtig lelik. En als in die badkamers: die kleur, die teëls en die vorm van die baddens. Op die ou end het ons besluit om eenvoudig alles uit te haal!” Binne vier maande het die hele ruimte ’n gedaantewisseling ondergaan. Hulle het nuwe vensters ingesit en die motorhuis vergroot om ’n gim en kuierarea bo-op te huisves. Luukse vinielplanke het…

1 Staalraamvensters en -deure Hoekom dit gewild is Staalraamvensters en -deure verleen ’n klassiek industriële gevoel aan ’n huis en dit word deesdae oral gebruik – van skuifdeure wat oopplanruimtes meer knus laat voel tot stortafskortings. “Staalrame is sterk, maar die dun stawe verseker beter uitsigte en laat meer natuurlike lig in,” sê Wynand Smit van Jambmax. Dis nie net gewild vir nuwe bouprojekte nie, dit word dikwels ook bestel vir opknapprojekte, voeg Johan Kriel van JM Steel Construction by. “Dis veral gewild wanneer huiseienaars ouer rame wil vervang wat nie goed onderhou is nie,” sê hy. “Die rede is dat dit ’n eenvoudige, tydlose voorkoms skep. Dit pas ook by ’n verskeidenheid style en kan op verskillende maniere ontwerp word; pleks van standaard-vierkante vir ’n industriële styl kan jy…

#1 SEMENT ’n Vloer met ’n sement-afwerking is duursaam, higiënies en maklik om skoon te maak. Daarom is dit ’n praktiese keuse wat by amper enige dekorstyl pas. Sementvloere vra ook die minimum onderhoud. Hoekom sement? Danksy die byvoeging van kleurstof en verhardingsmiddels kan ’n sementvloer die apploustrekker in jou huis wees. Die opsies is legio en pryse wissel van spotgoedkoop tot taamlik duur, afhangend van die dekoratiewe afwerking. Voordele Goed verseëlde sementvloere kan enige vullis, sand, vlekke en glipse hanteer. Al wat nodig is om dié vloere in ’n goeie toestand te hou, is ’n besem en klam mop. Spesiale kleurstowwe, verhardingsmiddels en sementagtige bolae lewer afwerkings in ’n groot reeks natuurlike kleure. Nadele Of jy nou van die gedagte hou of nie, selfs perfek geïnstalleerde vloere kan mettertyd…

VERSKAFFERS Annie Sloan anniesloansa.co.za Block & Chisel 087 015 0181, blockandchisel.co.za Coricraft 011 611 8700, coricraft.co.za Dulux 0860 330 111, dulux.co.za Duram 0800 500 222, duram.co.za Eight Degrees South 076 766 9842, eightdegreessouth.com Eurolux 021 528 8400, eurolux.co.za MRP Home 0800 212 535, mrphome.com Plascon 0860 20 40 60, plascon.com Poetry 0860 55 55 29, poetrystores.co.za Sheet Street 0800 212 535, sheetstreet.com Sofaworx 021 418 0363, sofaworx.co.za Tjhoko Paint 073 206 3104, tjhokpaint.co.za…

KOMBUIS Danksy nuwe Swedish Style-kaste in Ice White van Milestone Kitchens het die kombuis ’n vars, kontemporêre voorkoms. Die rugkante van die oop rakke is blou geverf vir ’n mooi fokuspunt en om die kleur in die spatpaneel te herhaal. EETAREA Die kombuis is uitgebrei na die eetdeel langsaan, waar onder meer die yskas nou staan; die wasmasjien is na die badkamer geskuif. “Dit het heelwat ruimte in die knap kombuis beskikbaar gestel,” sê Tiyon. TOTAAL: R95 425 Kombuiskaste 82 709 Loodgieter 2 500 Kraan 750 Vloerteëls 400 Nuwe gas-kookblad 3 600 Gas-installasie 2 250 Viniel-muurteëls 1 116 Verf 600 Skroewe, verseëlaar, ens. 1 500 Dié sjarmante huisie in Harfield Village, Kaapstad, is alles wat die verloofde paartjie Tiyon Loubser en Sipho Evans in hul eerste tuiste wou hê: Dis…

Toe Carin Kruger haar huis in 2009 koop, het sy geweet die plek het skete, maar regmaak moes eers wag. Sy was ’n jong weduwee en dit sou ’n rukkie neem voordat sy genoeg geld vir dié soort uitgawe bymekaar kon kry. In 2012 het sy weer getrou, na haar nuwe blyplek getrek en dié huis verhuur. Maar dis eers so vier jaar gelede dat sy haar droom-huurders ontmoet het. “Daniela en Llewellyn Greyling en hul dogter, Hannah, is wonderlike mense wat baie mooi na my huis omsien,” vertel Carin. “Hulle is duidelik trots op hul ruimte en hou my altyd op die hoogte van enige instandhoudingswerk wat nodig is sodat ek dadelik daaraan aandag kan gee.” In die knyp Op ’n dag in 2017 laat weet Daniela die krane…

Toe Saskia en Neal Bekker in 2015 besluit het om Kaapstad se helder liggies en bedrywige leefstyl vir ’n rustiger bestaan op Onrusrivier te verruil, was Ouma en Oupa se strandhuis die perfekte keuse. Die twee seniors wou juis verkoop. Saskia en Neal kom albei oorspronklik van Onrus en wou graag hul eie kinders – toe nog net ’n droom – in die Overberg-distrik grootmaak. “Die huis is in ’n goeie deel geleë, naby die strand en in ’n kompleks wat dit vir ons veilig maak,” vertel Saskia. “Natuurlik is dit ook ’n goeie belegging, sou ons in die toekoms wil verkoop.” Omdat die huis as vakansieplek gebou en benut is, het dit hier en daar te kort geskiet as permanente woning. “Daar was nie genoeg pakplek en hangkaste nie…

PROJEK 1 GEE ’N OU RAK NUWE POTE Projeknotas • Kyk by tweedehandswinkels en skrootwerwe vir ou pote en staalrakke. Kaspote is in verskillende style te koop; ons het Queen Anne-pote gekies. • Staal-rakeenhede kom in verskillende groottes. Ons rak is 920 mm breed x 460 mm diep. Pas jou hout-basisraam aan volgens die grootte van jou staaleenheid. • Boor altyd gidsgate waar nodig. WAT JY NODIG HET • staal-rakeenheid • 22 x 96 mm- geskaafde dennehout, gesaag in: twee lengtes van 910 mm twee lengtes van 420 mm • Alcolin Ultra-houtlym • 120-grint-skuurpapier • ± vier en twintig 8 mm x 40 mm-spaanderbordskroewe • verf • houtvuller • vier houtpote GEREEDSKAP • figuursaag • koordlose boor en 3 mm-boorpunt • maatband • potlood • kwas 1 Gebruik die 8…