Indholdsfortegnelse for Spring 2024 i Weg! Platteland

WES-KAAP Namakwalandblommefees VANRHYNSDORP 6-8 September Die Namakwaland in sy lentejas is die hoofattraksie by dié wegbreek-naweek by die Gifberg-rusoord waar feesgangers self die pas en atmosfeer bepaal. Die amptelike program is meer ontspanne met genoeg tyd vir kamp, swem, dans, sterrekyk, joga, middagslapies en ’n prettige open mic met stories en sang. Kaartjies R750 p.p. by Quicket. Kontak namaqualandflowerfestival.co.za Namaqualand Flower Festival Waterblommetjiefees WINDMEULKELDER & RHEBOKSKLOOF-WYNLANDGOED, PAARL 7 September Geniet dié inheemse kos in al wat vorm is, kyk wie wen vanjaar die beroemde potjiekosbeker, probeer ’n spesiale waterblommetjie-en-wynproe, of skaf vars waterblommetjies aan om jou eie bredie te maak. Toegang Gratis, maar ’n donasie vir liefdadigheid is welkom. Kontak waterblommetjiefees.com Waterblommetjiefees @waterblommetjiefees 083 448 0810 LANDWYD Tuindag 20 Oktober Nooi jou groenvinger-en vierbeenvriende oor vir ’n partytjie of piekniek…

Creative Air Bonsai bestaan uit ’n Tillandsia butzii-lugplant wat aan ’n koperstafie in ’n handgemaakte kiaatraamwerk hang R450 Evok evok.co.za Handgemaakte seep in die geure laventel, olyfolie, granaat-en-salie en blom, en Farmhouse-seep R42 elk Lyfbalsem met byewas en laventel R110 Queen Bee Soap Co queenbeesoapco.co.za Veeldoelige mandjies R90-R140 elk Pep Home pepstores.com Happy Culture Kombucha – in die geure framboos-en-hibiskus, pynappel-en-lemmetjie, gemmer-ensuurlemoen en bloubessie-en-basilie – is suikervry en bevat medies erkende probiotika (12 blikkies) R300 Happy Culture happyculture.co.za Sunbird-organiese rooibos in die geure vanielje, suiwer, chai, boegoe, kamille en speseryryke lemoen (geskenkboks met 6 pakkies) R360 Sunbird sunbirdrooibos.com Handgemaakte opdienbord R400 Doopbakkies R100 elk Kate Malan Creative katemalancreative Black Mountain Karoo Dry Gin is trippel gedistilleer in ’n ou Kaapse stookketel en bevat sitrus-en Karoobotaniese geure (750ml) R430 Grundheim grundheim.co.za Nie-GM sitroensuur vir skottelgoedwassers…

Drie jaar gelede het Carien Hugo Waring nooit gebak nie en heimlik gedink brood is sleg vir jou. Maar toe ontdek sy suurdeegbrood en die wonders van ’n lang fermentasietydperk waarin die meeste van die gluten afgebreek en die brood gesonder en makliker verteerbaar word. Wat Carien wél drie jaar gelede gehad het, is ’n visie wat só helder was dat sy dit neergeskryf het: Ek wil eendag op ’n plattelandse dorp woon met ’n drieslaapkamerhuis vir ons, ’n kleiner huis vir my ouers, en ’n erf wat groot genoeg is om diere aan te hou. Ek wil volhoubaar leef en terselfdertyd ander mense se lewe verander… DIT IS MEI 2021. Carien, haar man, Craig, en hulle dogter, Grace, woon in ’n meenthuis in Durbanville. Die telefoon lui. Aan die…

Ek staan onder die drie reusagtige kareebome agter die huis en lei tuin nat. Dis ons “woud” en spesiale plek waar ons van die wêreld daarbuite vergeet. Hier floreer spesiale plante – viooltjies, boslelies, varings, orgidieë en maanblomme – saam met lugplante en oumansbaard. Saans is dit waar blikslanerpaddatjies in ’n koor lostrek. En dit is die speelplek van die huis se katte. Skielik gewaar ek hoog bo my die parmantige bruin voëltjie. Die helder sonlig dans liggies deur die takke. Hy vlieg ál nader, van tak tot tak… Hy’s geen onbekende hier op die werf nie. Dit is ’n janfrederik, deel van ’n gesin wat al twee maal, ondanks die teenwoordigheid van vier katte, op die stoep in die wasplant se pot eiers gelê en kuikens uitgebroei het. Deesdae…

In die natuur word ou en swakker diere uitgestoot en die prooi van roofdiere. Hierdie mag dalk na ’n harde werklikheid klink, maar as eienaar moet ’n mens dan soms die besluit neem dat jy (die trop!) nie meer die dier kan versorg na die beste van die dier se belang nie – let wel, nie jou eie nie. Om dié rede is daar ’n paar riglyne om te besluit of dit tyd is al dan nie: 1 Is daar pyn? Daar is heelparty hedendaagse pynprotokolle om diere op verskeie metodes te help om pynvry te wees. As al die opsies uitgeput is, dan is die besluit naby. 2 Kandie dier eet? Uit die aard van die saak moet ’n dier kan eet en drink om aan die lewe te…

Lente, liewe lente. Dis altyd die jasmynrank by ons voorhekkie wat op ’n reëndag laat in Augustus dié vrolike seisoen aankondig. Eers met ’n paar skamerige trossies voor dit uitbars en dan, soos die dae aangaan, die ranonkels en die res van die tuin saamnooi. Die uitbundige kleur-en geurspel spoel oor na die tafel toe, en die kos is ligter om die tong uit te vars. Vir ons huiskokke is dit die kans om ons lyf Paul Cézanne te hou, met die houtlepel as skilderkwas en die bord as palet. Dié kunstenaar was heel profeties toe hy gesê het: “Die dag gaan kom dat ’n enkele geelwortel die geboorte van ’n revolusie inlui.” Die Spaanse baanbrekersjef Ferran Adrià bevestig dit met sy opvatting dat daar vir hom nie ’n verskil…

Ná meer as ’n eeu se verfyning is die KWV-naam sinoniem met tradisie en uitmuntende wyn en spiritualieë. By vanjaar se Investec Trophy-wynskou het dié kelder verskeie top 10-pluimpies gekry én die algehele trofee vir die suksesvolste wynprodusent by die kompetisie. Uit 640 inskrywings het net 19 wyne trofees ontvang – en twee hiervan is uit KWV se The Mentorsreeks. Die 2022 The Mentors Chenin Blanc het ’n algehele punt van 98/100 behaal en is as die beste chenin blanc aangewys. Aromas van ryp mango, appelkoos en soet perske en ’n romerige palet met sweempies pikante lemmetjie maak dit ’n puik pasmaat vir groentegeregte, ryk vis of romerige hoender. Die ander uitblinker was die 2020 The Mentors Canvas. Met ’n punt van 97/100 is dit aangewys as die beste rooiwyn…

Hogsback 3-10 Oktober & 7-10 November (Donderdae tot Sondae) Toegang R150 p.p. (gratis vir o.16’s) Kontak Hogsback Open Gardens 082 934 3474 Barrydale en Smitsville 18-20 Oktober Toegang Kaartjies by Quicket. Kontak barrydaleinbloom.com Barrydale in Bloom terrydevries22@gmail.com Bedford 25-27 Oktober & 8-10 November Kontak Bedford Garden Festival bedfordgardenfestival@gmail.com Helderberg-hospies 25-27 Oktober Toegang R120 p.p. (R60 vir pensioentrekkers; gratis vir o.12’s). Kontak Helderberg Hospice 076 062 5855 Tokara (Stellenbosch) en skaarsplantefees 26 Oktober Toegang R50 per motor. Kontak tokara.com @TokaraWine Grahamstad 2 November Kontak grahamstown.co.za/events Makana Tourism Elgin 2-3 November & 9-10 November Kontak elginopengardens.co.za Elgin Open Gardens 021 844 0154 Stellenberg Gardens, Kenilworth Vanaf 7 November Kaartjies R100 p.p. (R50 vir kinders) by Webtickets. Kontak stellenberggardens.co.za Stellenberg Gardens 021 761 2948 Franschhoek 15-17 November Kontak franschhoekopengardens.co.za Franschhoek Open Gardens 083 231 5976 Benoni-Noord 23-24 November Kontak Benoni…

Moet tog om hemelsnaam nie na Soetmelksvlei vlug op een van daardie dae wat jy behoorlik keelvol is vir jou haastige, gemaklike, tegnologies gevorderde verbruikersleefstyl nie. Hier kan jy jou vir sewe salige uur verbeel jy leef in 1897, die jaar wat as historiese verwysingspunt gebruik is vir die restourasie van die plaas. Laatmiddag klim die meeste besoekers met ’n loodsware hart in die safarivoertuig wat jou weer na die wrede werklikhede van 2024 terugvoer. Maar nee, skaars oor die eerste hobbel pluk ’n vrou haar selfoon uit en begin binnensmonds swets oor die halsstarrige selfoonsein: “Twáálf missed calls!” Sy moet nou dádelik ’n ou pin opspoor om te WhatsApp na ’n verdwaalde koerier wat na haar huis in die voorstede soek! ’n Mens wonder skielik: Sal dit ’n groter…

Elke dag staan Jan Mentoor op by sy huis in Wynruitstraat op Malmesbury. Dan maak hy reg vir die dag, pak sy voorraad, groet sy vrou van langer as 30 jaar en vat die pad werk toe. Dit klink dalk na ’n doodgewone voorstedelike bestaan, maar Jan se huis is in Wesbank, ’n woonbuurt aan die dorp se buitewyke, en sy voorraad is ’n klomp welige handgemaakte strooibesems wat hy pak op ’n waentjie wat hy ook self gemaak het. Dan stóót hy die hele spul tot by sy “werkplek”, byna 4km verder in Malmesbury se middedorp, daar waar Fordstraat oor Voortrekkerweg sny. Merkwaardig genoeg is Jan volgens sy ID-kaart 73 jaar oud, al het ’n plaaslike koerant in 2016 geskryf hy was destyds 54 (dus vandag 62). Maar selfs…

Die eerste stap ná die dood van ’n dier is om dit as ’n verlies te erken en jouself toestemming te gee om ’n rouproses te ervaar, sê Heleen. Die volgende help ook: • Huil soveel as wat nodig is.• Gesels met ander mense wat jou pyn verstaan en jou dier geken het, en deel jou emosies en herinneringe met hulle.• Hou ’n begrafnis of strooi die as op ’n spesiale plek.• Plant ’n boom ter ere van die dier.• Bou ’n herinneringsplek (of shrine).• Brand ’n kers.• Skryf ’n brief of huldeblyk aan jou dier.• Gaan spreek ’n sielkundige – dit is algemeen vir spesifieke traumaberading ná die verlies van ’n troeteldier, sê Ronell. “Sielkundiges is baie meer bewus van die erns van hierdie verlies en behoort dit in…

Albertus sê dit is van die grootste belang dat kinders deel van die afskeidsproses moet wees en die realistiese aspek van die dier se dood moet besef. “In hulle lewe gaan hulle telkemale daarmee gekonfronteer word. Om dit weg te steek of kinders van hierdie soort smart weg te hou is nie reg nie. Dis ongelukkig een van die dinge van troeteldiereienaarskap. Ons oorleef hulle (meestal).” Ronell beveel aan kinders maak ’n “herinneringsboks”. “Versier die boks met foto’s of prentjies en skryf briefies aan die diertjie wat julle dan daarin plaas. Ek verduidelik gewoonlik die dood aan kinders aan die hand van ’n papie waaruit ’n skoenlapper ontwikkel: Die papie is net die liggaam wat agterbly en die dier se siel is die skoenlapper wat vry vlieg.”…

Al die veldblomme is vrolik Wanneer die veld ná die winterreën ontwaak, vaar vrywilligers van Clanwilliam die berge in om blomme te versamel. Vele hande maak ligte werk van die formidabele veldblom-uitstalling in die dorp se ou NG kerkgebou, deesdae bekend as die “Blommekerk”. Danksy dié toegewyde gemeenskapspoging het die Clanwilliamveldblommeskou oor dekades ’n gunstelingbestemming vir blomkykers en botaniste geword. Die streek is besonder spesieryk omdat vier van die agt distrikte van die Kaapse blommeryk hier bymekaarkom. En die maklikste manier om meer as 360 van dié spesies op een plek te sien is by die einste Blommekerk. “Dit het lekker gereën hier en dinge lyk goed vir ’n goeie blomseisoen,” vertel die skoubemarker, Alicia Erasmus. Vanjaar se skou-uitleg is deur Boeta Genis ontwerp en beloof weer om besoekers met…

Woolworths se 10 maande beleë gouda het meer as ’n 1000 ander inskrywings uitgestof om as Suid-Afrika se suiwelproduk van die jaar bekroon te word – by die grootste en oudste nasionale suiwelkompetisie in Afrika, Agri-Expo se SA Suiwelkampioenskappe. Dit is die vierde keer dat dié topkaas, wat Lactalis Suid-Afrika spesiaal vir Woolworths maak, as produk van die jaar aangewys is. “Soos die kaas verouder, ontwikkel geure van karamel, neute en selfs ’n effense pikantheid. Teen hierdie tyd is die kaas al goed afgebreek, wat beteken dit smelt in die mond, met ’n bietjie brosheid danksy die kaaskristalle wat kan vorm,” sê Arnold Nieuwoudt, aanlegbestuurder by Lactalis. Hy voeg by die kaas verdien ’n ereplek op enige kaasbord, maar is ook heerlik met pasta of ’n steaksous. Kontak cheesesa.co.za…

Lente is haar gunstelingtyd in die tuin, sê die blomontwerper Teneale Coetzee, wat die afgelope drie jaar organiese blomme op die blomplaas Femme Pétale by die Intundlawildlodge-en-spa in Dinokeng kweek (ons het twee jaar gelede in Platteland #36 oor haar geskryf in ons storie oor die Hort Couture Flower Collective waarvan sy deel is). Blommekweek is iets wat Teneale nog altyd wou doen, veral spesifieke kleure en spesies wat nie by die markte beskikbaar was nie – en boonop sonder om enige chemikalieë te gebruik. Watter raad het jy vir tuiniers wat ’n blomtuin aan die gang wil kry? Lente is ’n besige tyd in die tuin. Die warm seisoen in Suid-Afrika is só lank dat jy in September eers aan die werk kan spring en steeds ’n manjifieke blomtuin…

40% AFSLAG* TEKEN SÓ IN OP DIE GEDRUKTE TYDSKRIF VIR NUWE INTEKENARE • 087 353 1300 (vir plaaslike oproepe) of +27 21 065 0033 (vir buitelandse oproepe) • subs@media24.com • WhatsApp 087 353 1333 • SMS “plattelandint” na 32361 en ons kontak jou (SMS’e kos R1,50; gratis minute geld nie) VIR HERNUWINGS • 087 353 1300 (plaaslik) of +27 21 065 0033 (buiteland)) • subs@media24.com ÓF LEES DIGITAAL TEKEN IN ENIGE PLEK TER WÊRELD EN KRY MAKLIKE TOEGANG! G’n posgeld, g’n gesukkel Gaan na zinio.com of magzter.com R300 VIR 4 UITGAWES * Teken in op 4 uitgawes per jaar. Die aanbod is geldig tot 21 November 2024. Bepalings en voorwaardes Dié aanbod geld slegs vir intekenare in Suid-Afrika. Jou intekening word verskaf op ’n vooruitbetaalde basis. Die tariewe kan van…

Met meer as 350 verwysings in die Bybel na brood is dit seker nie só vergesog dat ’n jong dominee van die Jakarandastad in 2021 die kansel vir haar eie suurdeegskool en -tuisbakkery verruil het nie. Oor die afgelope dekade – vernaam ná die verskyning van prof. Tim Noakes et al se Bantingbybel, The Real Meal Revolution (2013) – het brood ’n reputasie ontwikkel as die bose, boepvormende koning van die koolhidrate wat bloedsuikervlakke die hoogte in laat skiet en mense vroeg en vetsugtig graf toe stuur. Maar die kosaktivis dr. Vanessa Kimbell van Northamptonshire, Engeland, het lik bewys daar is ’n enorme verskil tussen verfynde kommersiële brood wat met kitsgis gebak word aan die een kant, en veselryke, gefermenteerde suurdeegbrood wat voedsaam én maklik verteerbaar is aan die ander.…

Hoe help ’n mens iemand wat treur oor ’n troeteldier? En, belangrik, wat moet jy eerder nié doen of sê nie? • Wees altyd ondersteunend. Met trooswoorde soos die volgende help jy baie, sê Ronell: – “Neem jou tyd.” – “Ek is hier vir jou.” – “Elke mens rou verskillend.” – “Huil soveel as wat jy wil.” – “Vertel my wat onthou jy van die dier.” – “Wat was julle mooiste tye saam?” Die volgende is dinge wat ’n mens nié moet sê nie: – “Komaan, dis net ’n dier; dis tyd om jou reg te ruk.” – “Jy moet aanbeweeg.” – “Jy huil te veel en moet nou rustig raak.” – “Dis tyd vir ’n nuwe diertjie.”Elke dier het ’n unieke plek in ’n mens se hart, sê Heleen,…

Antonie het my met blink ogies en soveel liefde ontmoet. Hy het diep nuuskierig gevoel toe ek nader tree om hom in ’n see van liefde te ontmoet. Daar was geen vrees nie – net liefde en eenvoud. Sy energieveld was gevul met die helderste goue lig – dit was amper verblindend. Hy is heel en voel so geliefd. Ek het hom laat weet dat jy my gestuur het as ’n boodskapper om uit te vind hoe hy tans die lewe ervaar. Sy ogies het opgehelder en hy het dadelik soos ’n trekkertjie begin spin en op sy rug gerol. Sy eerste woorde was: “Ek het nie te gou my jassie afgeskud nie. Ek het gedoen wat ek moes en dit was tyd om aan te beweeg.” Ek het ’n…