Indholdsfortegnelse for Februarie 2018 i Weg! Ry & Sleep

“Sommige ou hande hou daarvan om ’n nuweling bang te ry. Soms ry die nuwelinge jóú bang, soos my kollega Kyle Kock ontdek toe ’n bloedjong motorskrywer met hom in die passasiersitplek in ’n rivier injaag.” Lank gelede het ek my joernalistieke tande geslyp by ’n gemeenskapskoerant in Parys in die Vrystaat. Jy sal verbaas wees hoe baie nuus ’n dorp soos Parys kan oplewer. Daar was nou wel nie elke week ’n transitorooftog of politieke skandaal nie, en wanneer die dorp se rugbyspan verloor het, was dit altyd weens “onnodige hanteerfoute en swak beslissings deur die skeidsregter”. Maar daar was wel ’n ooraanbod nuus waarvoor die inwoners gesorg het – van die Rapportryers, Rotariërs, rolbaluitslae, skolenuus en enorme groente wat in mense se agterplase gekweek is, tot hofsake, troues,…

“Hy het weer eens op die sypaadjie opgeëindig en met tollende bande homself voor die taxi gekry.” Daar is ’n sekere mate van bevrediging wanneer jy met ’n groot en sterk 4x4 in spitsverkeer ry. Daar is heelwat yster om jou vir beskerming, en daardie 33”-tekkies, die veringstelsel wat ’n entjie gelig is en die bosbreker sorg vir ’n gevoel van onoorwinlikheid. Voeg die 300 W-LED-ligstaaf hierby en jy die die vermoë om enigiemand wat voor jou wil indruk, ordentlik die skrik op die lyf te jaag. Ek het onlangs skokkende gedrag van ’n mede-Ranger-bestuurder in die verkeer gesien. Dié man het sy trokkie gebruik om die oorhand oor ’n jong ma en haar kinders in ’n klein luikrugmotor te kry. Hulle was waarskynlik op pad skool toe. Die spitsverkeer…

As jy met die R60 uit Swellendam of die R62 uit Robertson koers kies Montagu toe, weet jy jy’s naby jou bestemming wanneer jy by die bekende rotstonnel kom. Maar hoeveel van ons het al hier stilgehou of meer oor dié tonnel probeer uitvind? Thomas Bain, waarskynlik Suid-Afrika se bekendste padbouer, was die man agter dié tonnel. (Selfs al weet jy nie wie Bain was nie, is die kans so te sê 100% dat jy al op ’n pad gery het wat deur hom gebou is – hy was in die negentiende eeu dié padbouer.) Dis in 1877 voltooi om die lewe vir reisigers deur die Cogmanskloof makliker te maak. In die jare vyftig van die vorige eeu is die tonnel vergroot om plek te maak vir vragmotors, wat beteken…

“Ons het amper twee jaar probeer om ’n naweekstaanplek te kry by die gewilde Bendito Ranch, sowat 25 km van Mokopane af. Toe ons uiteindelik ’n plek kon bespreek, het ons sommer vir Mercia en Pieter Jacobson en hulle twee dogters ook saamgenooi. Ons het ons Jurgens Safari Xplorer aan ons Ford Ranger 2.2-dubbelkajuitbakkie gehaak en koers gekies Limpopo toe. Ons het van Sasolburg af met die R59, N1 en die R101 gery en was omtrent 4½ uur op die pad. Hoe sal julle Bendito Ranch beskryf? Hierdie is ’n boskamp in die ware sin van die woord; moet dus nie lopende water of kragpunte verwag nie. Hier is groot dromme by die staanplekke waarin die oordpersoneel water tap terwyl jy hier kamp. Jy kry ook hout by hulle. Hoe…

BEESVLEIS-BIELIEBROODJIE Vleis vir die vlees Hou ’n bevrore pakkie hiervan byderhand en gebruik dit as ’n pastasous of ’n broodjievulsel van formaat. Jy benodig (genoeg vir 10) 1 kg beesborsstuk (brisket) 2 soetrissies, gekap 1 blikkie (410 g) tamatiesmoor 1 koppie water 1 teelepel fyn komyn 1 teelepel rooipeper 1 teelepel gerookte rissievlokkies 1 teelepel droë origanum 2 knoffelhuisies, fyngedruk sout en swartpeper na smaak Vir die broodjie 2 snye suurdeegbrood botter ¼ koppie gerasperde cheddarkaas 2 agurkies, in dun skryfies gesny Só maak jy 1 Sit die vleis en al die ander bestanddele (behalwe die broodjie) in ’n swartpot met ’n deksel en bak dit vir 1 uur teen 150 ºC. Sit die oond af, maar moenie die oonddeur oopmaak nie. Los die pot met die vleis oornag in…

Oggendberaad Wanneer sy in die Kgalagadioorgrenspark draai, is sy vroegoggend saam met die voëls uit die vere, sê Elsie van der Walt van Witbank . “Ons het die Kgalagadi-oorgrenspark besoek en aan die Botswanakant gekamp. Een oggend is ons weer vroeg op en ry verby ’n dooie boom langs die pad waarin ’n klompie aasvoëls sit. Die son het nét opgekom toe ons stilhou, en ek was gereed met my kamera. Soos die son sy kop verder lig, vroetel die aasvoëls kop onderstebo aan hulle vere terwyl hulle rustig in die takke sit. Soos hulle doenig is met die vere, kan ’n mens hulle buitelyne as aasvoëls nie te duidelik onderskei teen die sonsopkoms nie. Ek het dus gewag dat van hulle weer hulle kop lig en het ’n paar…

Ons hoor graag wat jy op die hart het! Skryf vir ons by rysleep@weg.co.za  of Weg Ry & Sleep, Posbus 740, Kaapstad 8000. Onthou asseblief om jou volledige adres en kontakbesonderhede te gee. Weg Ry & Sleep behou hom die reg voor om briewe te redigeer en verkort – en na goeddunke in die tydskrif, op die webwerf en elders te gebruik. SOVEEL HULP MET ’N MANK JEEP Ons Jeep se waterpomp gee op ’n dag moeilikheid en ons laat dit vervang. Ons laat ook sommer die termostaat vervang. Hierna kook die Jeep se enjin nóg ’n keer, en ’n paar sogenaamde Jeep-kenners sê die fout lê by die verkoeler se prop. Ek vervang dié met ’n deftige een met sy eie kleppie en al. Dis einde April…

“Deur die dag wemel die bome van veral spreeus, en snags is dit die vrugtevlermuise wat in die takke baljaar – en almal doen hulle besigheid op jou tent.” Vir die eerste keer in baie jare sleep ek die afgelope Desembervakansie af na die KwaZulu-Natalse Suidkus. Vriende het op die nippertjie gevra of ons hulle bespreking wil oorneem en ons moes vinnig spring. ’n Kamplys vir ’n seevakansie is aansienlik ingewikkelder as een vir ’n naweekkamp buite Pretoria – dis vanselfsprekend, en daar was dadelik ’n hand vol items boaan my lys. ’n Ordentlike blink seil is ononderhandelbaar, selfs al het jy lugreëling in jou woonwa. Ek het, terloops, nog nie in laasgenoemde belê nie. In KwaZulu-Natal dra sommige bome vrugte in Desember, en as dié vruggies op jou tentdak…

Die sesde geslag Patrol is in 2010 al in Dubai bekend gestel, maar Nissan Suid-Afrika het onlangs eers besluit om hom hierheen te bring. As hy bekend lyk, is dit omdat hy tot onlangs plaaslik as die Infinity QX80 bemark is. Jy het die Patrol ook dalk op TV en YouTube gesien as die VN-magte se gunstelingpatrollievoertuig en ryk Midde-Oosterse oliebaronne se gunstelingsandspeelding. Die QX80 het luukser afwerkingsvlakke en ’n ander sierrooster as die Patrol gehad, maar verder was hy basies dieselfde ryding. Buitelangs Die Patrol lyk makker as sy voorgangers, maar jy moet hom beslis nie vlak kyk nie. Die stilering mag dalk effens futloos wees, maar onder daai logge lyf skuil ’n Herkuleaanse leerraamonderstel en fris dubbele mikvering op elke wiel wat verbasend baie artikulasie en beweegruimte toelaat.…

“Met ons besoek was die kamp nog splinternuut – hier en daar was hulle nog besig met die finale afronding.” Secunda is nie juis ’n dorpie wat ’n mens met ’n waterfront sou vereenselwig nie. Hoëveldse vlaktes en steenkoolmyne ja, maar ’n waterfront? Nie maklik nie. Die inwoners sal egter vir jou ’n ander storie vertel. Hier aan die buitewyke van die dorp, aangrensend aan huise, motorhandelaars en myntorings op die horison, lê die dorp se gewildste uithangplek vir oud en jonk. Die Lake Umuzi-ontwikkeling is langs twee damme in die Trichardtspruit. Aan die noordekant is die Lake Umuzi-waterfront op die oewer van wat bekend staan as die “boonste dam” en aangrensend daaraan die Lake Umuzi-lodge en Merchant-hotel. Die kombinasie van restaurante, verblyf, geselligheidslokale en veral die gesinsvermaakplekke is…

Salt Rock-woonwapark Met ’n bietjie sout, ja... Die oord lê teenaan die KwaZulu-Natalse kus, regoor ’n indrukwekkende, geboude getypoel tussen die rotse. Hierdie einste poel is die lanseerplek vir jou aas om die seevisse aan die hoek te kry. Die kampplek het ’n boonste deel – links van die ingangshek – en dan die onderste kant wat teen die steilte af tot teen die see strek. Die kantoor sit net anderkant die hek en troon uit bo ’n vyf stuks terrasse met al sy staanplekke. Die onderste staanplekke is duidelik gemerk met nuutgeverfde nommers op die sypaadjie, asook ’n nommer op die vullisdrom. Van die nommers het selfs ’n pyl langsaan wat in die rigting van die staanplek wys. Hier is nie veel skeiding tussen jou en die bure nie…

Lank gelede, toe mense nog in ossewaens gery het, was vering van geringe belang. En toe die eerste binnebrandenjins ons voorsate teen meer as 60 km/h begin meesleur, het selfs goeie grondpaaie skielik in ’n onaangename geskud ontaard. Uit simpatie vir ons tande en ruggraat het die witjasse pen op papier gesit en vering ontwikkel. Maar vering op sigself is nie genoeg om skok te absorbeer nie; dit kan slegs die kinetiese energie van ’n skok berg. Die slim menere moes ’n plan beraam om die bokspringery van ’n opgewonde veringstelsel in toom te hou. C.L. Horock het in 1901 met die eerste hidrouliese skokbreker vorendag gekom, maar dit het slegs in een rigting gedemp. Meganiese skokbrekers, soos Gabriel Snubber se gekronkelde gordelmeganisme, was ook gewild, maar dit is Maurice…

Julie Hundermark As vorige kampeerders die staanplek vuil en deurmekaar agterlaat met vullis en drankbottels wat oral behalwe in die vullisdrom lê. Sandra Wiese Vir my is dit musiek wat hard genoeg blêr dat die hele kamp dit kan hoor. Neem die mense om jou in ag! Dit pla my ook as die reëls sê musiek word nie toegelaat nie, maar dan pas die oordbestuur dit nie toe nie. Deon Britz Ek kla net oor een ding: die geluid van daardie klein swart skopfietsies op ’n teerpad. Veral vóór sonop. Met die res het ek nie ’n probleem nie. Ernest Horn As jy ’n staanplek kry en die buurman kom oorgestap en sê: “Jammer, ek hou dié plek vir my vriend”. Eben de Swardt ’n Buurman wat saans meer ligte…

“Hier is heelwat wild op die terrein, waaronder elande, sebras, rooihartbeeste en swartwildebeeste, en hulle kom wei sommer tot teen jou staanplek.” HAAK AF BY DE ARK Die ooste van die Vrystaat is een van ons land se mooiste dele, maar ongelukkig is hier nie veel kampplekke nie. Nou het die De Ark-berglodge net buite Clarens, wat 25 jaar al besigheid doen, sy verblyfkeuses uitgebrei en woonwastaanplekke ingerig. De Ark lê pens en pootjies op die Rooiberg met die Caledonrivier ’n kilometer weg en Lesotho met sy Maluti’s op die agtergrond. Miguel Lage, die eienaar, sê hulle het die grond destyds gekoop as wegkomplek vir die familie, maar dit het ontwikkel tot ’n lodge. “Dit was vir my opvallend om die oplewing die laaste paar jaar in die woonwabedryf te…

Ná 12 uur op die pad kom die konvooi uiteindelik by die oornagpunt aan. Hier is 21 voertuie in die groep en van hulle is nog besig om teen die laaste bult uit te ry. Die deelnemers is honger en moeg, maar skielik roep ’n benoude stem oor die radio: “Die Pajero het gerol!” Avontuurlustig Die Rocking Crawlers is ’n klomp hardebaard-4x4-entoesiaste en hulle jaarlikse Ultimate 4x4 Adventure is die hoogtepunt van hulle jaar. ’n Konvooi uitgesoekte motors vertrek uit Gauteng op pad na ’n onbekende bestemming waar hulle 4x4’s tot die uiterste getoets word. Hardcore , soos die Engelse sou sê. As daar ’n goeie lyn aan die regterkant van ’n hindernis is, vat hierdie menere die pad bo-oor, waar bobbejaan se…

November is ’n uitstekende tyd om die Oos-Vrystaat te besoek. Ficksburg vier Kersiefees, Clarens word in ’n vakansiedorp omskep en die Golden Gate- nasionale park is danksy die onlangse reën lowergroen. As jou tydsberekening reg is, sal jy boonop ’n lagie sneeu op die Malutiberge sien. As jy die berge wil invaar om ’n sneeuman te bou is daar ’n lekker, gesinsvriendelike 4x4-roete om die draai. Op die wildplaas Rebellie is twee 4x4-roetes, maar dis die matiger Bergroete met sy pragtige uitsigte oor die Oos-Vrystaat wat die meeste aftrek geniet. Só ry jy Van Clarens af ry jy ooswaarts in die rigting van Golden Gate. Ná sowat 14 km sien jy die padteken vir die Rebellie-wildplaas aan jou regterkant. Die plaas is in die Maluti-oorgrenspark, aan die voet van die…

DAG 1 Ons kom om 2 nm. in die kampeerterrein van die Ithala-wildreservaat bymekaar, maak ons tuis en gaan op ’n wildrit. Ithala is ’n gemaklike halfdagrit van Gauteng af en die reservaat is uniek in dié opsig dat ’n mens die KwaZulu­Natalse Drakensberge in die hoogliggende dele beleef en die gevoel van die Zoeloelandse bosveld in die valleie kry. DAG 2 Ná ’n stewige ontbyt vertrek ons op ’n ander 4x4-roete in die reservaat. Hier kan ons wild sien, onder meer wit- en swartrenosters. Ons keer laatmiddag terug na die kamp. DAG 3 & 4 Ons kies koers na die Hluhluwe-iMfolozipark wat eens die jagveld van koning Shaka was. Danksy ’n projek in samewerking met bewaringsowerhede kan ons in ’n private kampterrein op die oewer van die rivier bly…

Raakvat Ranger 2015 FORD RANGER 3.2 TDCI 4X4  Jy sal in geen opsig tekort skiet as jy vir jou ’n vyfsilinder-Ranger aanskaf nie, sê AJ Liebenberg van Durbanville. “My 2008-model Toyota Hilux (die vorige geslag) was ’n wonderlike voertuig, maar hy is mettertyd deur sy mededingers verbygesteek wat betref tegnologie en voorkoms en gevoel in die stuurkajuit. Toe dit tyd was om op te gradeer het ek ’n Dakar Edition Hilux oorweeg, maar die Ranger het uiteindelik té hard met my gepraat. Ek het die topmodel in dié reeks in 2015 nuut gekoop vir amper R500 000 en hom The Beast gedoop. Sedertdien kyk ek net vorentoe. Ek was veral op soek na ’n ryding met skaflike 4x4-vermoë en uitstaande betroubaarheid, en in die twee jaar dat ek nou al…