Indholdsfortegnelse for April 2019 i Weg! Ry & Sleep

Freeline Campers het sy eerste woonwa, die Maverick, gebou. Francois Kotzé, ’n mede-eienaar, verduidelik dit was ’n uitvloeisel van hulle veselglas-agtergrond. Francois en sy pa, Hennie, bou onder meer bote en swembaddens en het ’n jaar gelede koppe bymekaar gesit en met ’n paar voorvereistes vir ’n woonwa vorendag gekom: Uiteraard moes dit van veselglas wees; dit moes sterk genoeg wees vir die grondpad; die bed moes koningingrootte wees; en die badkamer moes ten minste ’n stort en toilet hê. Die Maverick met sy vaste dak bestaan van voor tot agter uit veselglas – insluitend die vloer. Die panele van die romp is 35 mm dik met ’n veselglaslaag binne en buite met hoëdigtheidskuimrubber in die middel. AL-KO het die onderstel ontwerp. Die ys-vrieskas trek saam met die tweebrandergasstoof en…

Die eienaars van Midland Caravans het die teardrop-wavervaardiger Vagabond Caravans gekoop en stel nou twee modelle bekend. Die twee waens staan bekend as die Roamer en Drifter, en teen R98 950 is die padmodel R31 000 goedkoper as die grondpadmodel. ’n Teardrop-wa is eintlik maar ’n dubbelbed-op-wiele met ’n kombuis in die stert – en die Vagabond wyk nie veel van dié resep af nie, maar ’n mens sien nie aldag ’n hangkas in so ’n wa nie. Jy slaap met jou voete na die stert se kant toe, en dan is die twee groot kasdeure by jou kop. Die Vagabond het ’n deur aan elke kant, en omdat die kombuis in die stert is, is die deel bo die bed nader aan die matras. Dis wel hoog genoeg sodat…

Okto het met ’n tweede model op die vloer gespog. Die Cabana is amper ’n meter korter as die vervaardiger se eerste padwa, die Villa, maar as jy hom so vinnig kyk, lyk hulle identies. Woody Loftus, een van die handelaars van Okto, sê een van die voordele van die Cabana is dat hy makliker in ’n motorhuis pas as die Villa se lang lyf. Die woonwaens is wel dieselfde toegerus. Die Cabana se mikrogolfoond is egter na buite geskuif en pas in die onderste hoek van die buitekas. Omdat die Cabana korter is, weeg hy ook 100 kg minder. Sy brutovoertuigmassa is egter dieselfde as die Villa s’n, wat beteken jy kan 100 kg meer laai. Die Cabana is ook R20 000 goedkoper as die Villa. Die syfers 5,88…

Imagine se vlagskipwa, die Cruiservan, wat twee jaar gelede sy buiging gemaak het, spog nou net soos sy twee kleinboeties, die Trailvan en Comfortvan, met ’n meer unieke ontwerp. Die hele dak lyk soos die romp van ’n boot en word met ’n elektriesbeheerde skroefstelsel gelig. Die vorige model se noodwiele het oop weerskante van die neus gesit, maar nou word dit met ’n deur toegemaak. Dié ruimte is boonop groot genoeg vir die buite-eenheid van ’n lugreëlingseenheid as jy nie ’n tweede noodwiel nodig het nie. Net soos die ander modelle sit die kombuis in die linkerpaneel. Die kombuisdeur van die vorige Cruiser het platgeslaan, maar dit is verander en maak nou soos die ander boontoe oop en vorm ’n dak bo die kombuis. Die Cruiservan se badkamer is…

Armadillo se nuutste wa, die Lite, wat nog net ’n prototipe was, is nou nog ’n tree nader daaraan om ’n produksiemodel te word. Fanie Botha, die eienaar, sê hy moet nog een of twee klein sakies uitpluis, onder meer die gewig van die dak. Die Lite laat ’n mens dink aan die outydse opslaanwoonwaens waar die platgeslaande wa laer as die dak van die sleepvoertuig is. Die Lite het ’n dubbelbed binne wat in die breedte dubbeld vou sodat ’n mens op die twee bankies kan sit. Fanie sê hulle gaan ook ’n tafelblad inbou wat van die opgeslaande bed se kant af tussen die twee bankies oorslaan. Die syfers 4,4 (l) x 1,8 (b) x 1,55 m (h); tarragewig 860 kg; BVM 1,6-1,8 t (die BVM en tarragewig…

Land Rover is wêreldwyd sinoniem met veldry-avonture, en onder al die Land Rovers wat tot op hede vervaardig is, geniet die klassieke ouer geslag – die Series 1, 2 en 3 – sekerlik die meeste aansien. Die Land Rover Classic-juigkommando (want hulle is veel meer as blote aanhangers...) bied van 5-7 April vanjaar die Land Rover Series-fees aan by die Rust de Winter All-Wheel Drive Club se 4x4-hindernisbaan in Limpopo. Hierdie byeenkoms, wat die oorspronklike Land Rover Series-voertuie vier, word deur LRclassic.com aangebied en deur Leimer’s Land Rover geborg. Eienaars kamp die naweek langs hulle rygoed op die klub se gronde en moet vir hulle eie kamptoerusting sorg. Die eienaars gaan aan ’n verskeidenheid aktiwiteite deelneem wat ontwerp is om die vermoëns van mens en masjien op die proef te…

Die Knysnawoud, Baviaanskloof en Addo-gebied kan elkeen maklik ’n vakansiebestemming op sy eie wees. Dié streke is ongelooflik ryk aan geskiedenis én plant-en dierelewe, maar daar is ook ’n paar skouspelagtige grondpaaie wat hulle met mekaar verbind, en tussenin is daar boonop ’n paar weggesteekte skatte waarvan min mense weet. Ons het vir ’n week saam met Bhejane 4x4 Adventures hierdie hoek van die land gaan verken. Deur die ou-ou woude Die toerspan ontmoet mekaar op ’n effens winderige namiddag by ’n strandhuis in Buffelsbaai. Ons toerleier is Douwe Vlok van Beaufort-Wes se wêreld, daar in die Groot-Karoo. Sy regterhand, Vermaak Senosi van Zeerust, het as sjef ’n ewe belangrike rol vir ’n suksesvolle toer. Die res van die groep bestaan uit Elsa en Abré Roux van Caledon, Izak en…

“Ek en my vrou, Cara, het albei ons eie mooi herinneringe van Yzerfontein se munisipale kampterrein. Ons ruil soms stories uit van daai eerste soen en kattekwaad in die skoolvakansie. Dit is seker 15 jaar sedert ek óf sy laas daar was en daarom het ons besluit om weer daar te gaan kamp en te sien hoe die kampterrein verander het sedert ons jongdae – vir ’n bietjie nostalgie. Vertel ons meer oor die kampterrein Die kampterrein is baie soos ons dit onthou, selfs deur die rooskleurige bril van ons herinneringe. Ons het ’n staanplek naby aan die see gekry met genoeg bome vir koelte. Dit was maklik om kamp op te slaan, want jy sukkel nie om jou penne in die sand-en-skulpiesgrond in te slaan wat die meeste van…

Nadat Nissan se Hardbody ’n ronde nul in die Global­NCAP-botstoets gekry het, is hy die laaste ruk weer op almal se lippe. Die Hardbody word sedert sy ontstaan in 1988 in Pretoria gebou en het al ’n instelling geword. Kyk maar na sy verkoopsyfers: In Suid-Afrika is al amper 200 000 NP300’s sedert 2002 verkoop. En wanneer jy hom voor ’n woonwa inspan, voel dit of jy die horlosie weer terugdraai na sy jonger dae. Stewige agterstewe Jy gebruik die Hardbody se agterbuffer as ’n trappie as jy van agter af op die bak wil klim. Dié soort buffer is omtrent so oud soos bakkies self en word, net soos bakkiesleepstange, aan die leerraamonderstel vasgebout. Hier is ook plek op die buffer om die bol van ’n stang vas te…

Versekering, net soos ander blink uitvindsels soos papier, buskruit en die sambreel, is oorspronklik deur die Chinese uitgedink. Die praktyk het ontstaan toe Chinese handelaars ’n manier gesoek het om te verseker dat hulle nie katastrofiese verliese sou ly as die noodlot hulle tref nie. Hier is ’n kort tydlyn. 3000 v.C. Chinese handelaars verseker die vrag op hulle bote by finansierders. 1754 v.C. ’n Babiloniese teks met die titel Die Kode van Hammurabi bespreek die bepalings en voorwaardes van standaardversekering. 1898 Die eerste toegewyde motorversekering – met aanspreeklikheid – word uitgereik aan die Amerikaner Truman J. Martin. 1879 In Suid-Afrika word onsuksesvol gepoog om die Romeins-Hollandse versekeringsregulasies met Engelse wetgewing te vervang. 1930 Derdepartyversekering word verpligtend vir motoreienaars in Brittanje. 1972 Motorversekering word verpligtend in Massachusetts, Amerika, maar dit…

Jong mense soek rygoed van hulle eie. Op skool is dit ’n fiets of bromponie, en as jou ouers welvarend is, kry jy dalk ’n blinknuwe motortjie wanneer jy skool verlaat om verder te gaan studeer. Ek is wel vas oortuig ’n mens se eerste ryding móét tweedehands wees, want ’n ouer motor het ’n soort siel wat jou lief maak vir hom, en dít is belangrik. En as jy ’n hegte band met jou ryding gevorm het, is die kans goed jy gaan ’n waaksame bestuurder wees. Boonop kweek dit ’n waardering vir jou ryding, want jy moet hom diens en oppas – jy kan nié staatmaak op ’n fabriekswaarborg en diensplan nie. En dalk, as jou karretjie se siel sterk genoeg deurslaan, kry hy ’n bynaam, iets soos…

Echo4x4 is bekend vir sy veselglasboswoonwaens, maar volgens Willie Grobler, die eienaar, werk hy die afgelope twee jaar al aan sy nuutste model, die Kunene. Dié nuweling vervang die Kavango as die vervaardiger se vlagskipmodel en is ook vir die Australiese mark bestem. Die Kunene spog met ’n hele klompie nuwighede. Waar die Kavango se bed agter van muur tot muur strek, kry die Kunene ’n bed met ’n gang langsaan. Die stortgedeelte is steeds buite die deur oorkant die deur waar jy inklim, maar Willie sê dis ’n unieke stort wat glad nie lyk soos dié wat in die Kavango is nie. (Dit was egter nog nie op die skou te sien nie.) Buiten die bed agter, slaan een ook oor die A-raam oop. En onder die matras is…

Bush Lapa se Geitjie is die eerste keer sedert 2012 terug en is gemik op kode Bslepers. Die eienaar, Jannie Oeschger, is bekend vir sy woonwapatente en ’n mens sien sy slim planne in die nuwe Geitjie. Dit lyk soos ’n groot sleepwa waarvan die dak hoog genoeg lig sodat jy by die stert kan inklim en regop staan in die wa. Die dak lig binne oomblikke met ’n unieke hefboomaksie en gasstutte. Jannie het ook ’n variant op sy Ratel 4 uitgebring. Die standaardmodel het twee dubbelbeddens: een slaan oop oor die A-raam en die ander een uit die regterpaneel. Die nuwe Ratel 4i se regterbed sit nou binne en word ’n dubbelbed wat kan opslaan om ’n groot tafel en twee bankies te skep. Vier mense kan maklik…

Maxmo bou vier ryhuismodelle waarvan sy nuwe Tourer die spogmodel is. Die Tourer is enig in sy soort – Leon Ras van Maxmo verduidelik die binneruim van die Fiat Ducato is ontwerp soos ’n eersteklasvliegtuigkajuit. Die dubbelbed sit in die agterkant van die Ducato en slaan met die druk van ’n knoppie op tot ’n rusbank. Dit laat ’n oop ruimte in die middel van die ryhuis. Die kombuis slaan ook met die druk van ’n knoppie uit van onder die bed. Die blad, met onder meer ’n induksieplaat daarin, skuif na die middelste gedeelte, en wanneer jy die volgende knoppie druk, lig die werkblad heuphoogte. Dieselfde geld vir die keramiektoilet wat onder die ander helfte van die bed inpas. Druk die knoppie en die toilet skuif onder die bank…

Die Tonga is ’n nuwe klein woonwa wat amper lyk of hy in ’n toekomsfiksiefliek ’n rol kan kry. Die Tonga het in sy visier die mark vir slepers met ’n ligtevoertuigrybewys (kode B), want sy BVM is op 750 kg vasgestel en leeg weeg hy net 380 kg. Eintlik is die Tonga ’n dubbelbed-op-wiele wat op paartjies gemik is. Hy word van veselglas gebou – ’n verskeidenheid soortgelyke woonwaens is op die mark, maar die Tonga kom met drie nuwighede. Eerstens is die hele stert ’n deur wat na bo oopswaai sodat jy kan inklim, maar aan die teenoorgestelde kant is ’n laai wat uit die binnekant oor die A-raam trek. Dis ’n toe kas met twee rakkies en ’n deurtjie elk aan die kante. Die deurtjies slaan plat…

Die Kaapse boswavervaardiger Infanta Trailers het nog ’n klomp veranderinge aan sy Enkulu 2-model aangebring. Dié boswoonwa het nou meer geronde hoeke, waarvoor die bestuurder, Jurie Swart, spesiaal aluminiumstroke laat invoer. Buiten die Enkulu 2 se bykomende standaardtrappie is hy ook effens langer sodat ’n enkelbed agterin die wa kan pas. Soos die vorige model lig die dak steeds elektries, maar nou aan die linkerkant en nie meer aan die stertkant nie. Die buitestort werk ook makliker en sit buite naby die stert in die regterpaneel. ’n Plat klap slaan boontoe op en vorm die stort se dakkie, en die seilkante hang dan af grond toe om dinge privaat te hou. Die syfers 5,5 (l) x 2,05 (b) x 2,2 m (h); tarragewig 920 kg; dravermoë 680 kg; BVM 1…

Jaguar 4x4 Trailers het twee nuwe boswoonwamodelle bekend gestel: die Inkwe 4 en die Kovu 4. Dié waens se uitleg is dieselfde, maar die boumateriale verskil, en teen 4 m is die Kovu se romp 50 cm langer as die Inkwe. Die Kovu het dus ’n bietjie meer ruimte in die kombuis. (Die ys-vrieskas en gasstoof op die glyraam is wel dieselfde.) By albei waens klim ’n mens by die stert in. Een dubbelbed slaan dan regs uit die paneel en die dubbelbed voor jou slaan oop oor die A-raam. Die Inkwe se hele opwipdak lig horisontaal met die romp en die wa word hoofsaaklik van aluminium gebou. Die Kovu se beddens slaan dieselfde uit, maar waar ’n mens op die voorste bed klim, moet jy deur ’n opening klouter,…

E en keer per jaar gooi Namakwaland ’n kleurryke blommekleed oor die landskap wat besoekers soos swerms bye lok. En dan, wanneer die blommetjies taan, verdwyn die toeriste ook soos mis voor die son. Dit is dus maklik om die streek ander tye van die jaar oor te sien of bloot net deur te ry op pad na elders waar dit minder vaal is. Namakwaland is egter ’n plek waar jy jou tyd moet vat en die landskap van nader bekyk. Dán begin jy sy unieke eienskappe sien. Die 4x4-roete  in die Goegap-natuurreservaat buite Springbok is ’n goeie voorbeeld: Dit is een van die beste blommekykroetes, maar ook ’n uitstekende roete die res van die jaar. Veral as jy die vlaag van toeriste wil vermy... Só ry jy Wanneer jy…

Op jou woonwa se plaatjie staan twee belangrike syfers: die tarragewig en die brutovoertuigmassa (BVM). Die tarragewig is wat jou spesifieke woonwa as standaardmodel op die vertoonvloer van die vervaardiger weeg, en die BVM is hoe swaar die woonwa in totaal mag weeg nadat jy hom gelaai het. As ’n mens dus die twee syfers van mekaar aftrek, weet jy hoeveel jy in die wa mag laai. Kom ons kyk byvoorbeeld na ’n gewilde padwa soos Jurgens se Penta (die 2013-model): die tarragewig is op 1 220 kg vasgestel en die BVM op 1 400 kg. Jy kan dus 180 kg in die Penta laai sonder om die BVM-perk te oorskry. Drie jaar gelede het daar oor die Paastyd ’n klein storm by weegbrûe losgebars, want wetstoepassers het ’n hele…

2016 TreasuryONEtydrenmotor JAAGBAKKIE! Dit lyk dalk soos ’n Volkswagen Amarok, maar in die Pretorianer HENNIE DE KLERK se TreasuryONE-tydrenmotor skuil meganika wat jy in geen leefstylbakkie sal vind nie. “Ek het van kleins af geglo ek is ’n renjaer, veral wanneer ek met my pa se bakkie op die plaas gery het. Ek was egter al diep in die dertig toe ek op ’n baan begin jaag het – met ’n Porsche 924. Ná 4 jaar het ek oorgeskuif na veldtydrenne. Ek en Gerhard het aan die 2018 Dakarveldtydren deelgeneem. Daar was 105 spanne in die motorkategorie waarvan 17 vir die eerste keer vir die Dakar ingeskryf het. Uit die 17 het slegs 2 nuwe spanne klaargemaak, en ek was eerste onder hulle. Dit het aan my die trofee Nuweling…

“Ons het tot twee jaar gelede in ’n tent gekamp – tot ons op ’n besoek aan die ATKV-Goudini-spa besluit het dis tyd vir ’n verandering. Een van daardie klein veselglaswoonwaens, die Sherpa Tiny, het ons oog getref en die eienaar het ons vertel hulle vriende het ’n soortgelyke een wat hulle wil verkoop. Die woonwa is nie meer vandag se kind nie en amper 30 jaar oud. Volgens sy plaatjie is hy in 1990 deur Paragon Fibreglass in Durban gebou. Hy weeg net 260 kg en het ’n BVM van 550 kg. Ons besluit dis die een vir ons... en teen R21 000 kry ons ons eerste woonwa, nogal met die naam Tiny daarop. Tiny het twee deure: Een links en die groot dubbeldeur agter. Die agterdeur se onderdeel…

Conqueror se toekomsblik Die boswoonwavervaardiger Conqueror het sy bestaande modelle met ’n hipermoderne reeks aangevul. Conqueror se boswaens word hoofsaaklik van staal gemaak, maar die romp van die nuwe UEV-reeks – dit staan vir Urban Escape Vehicle – word hoofsaaklik van ’n nuwerwetse materiaal gemaak wat in die lugvaart gebruik word. ’n Hele paar vervaardigers gebruik deesdae soortgelyke panele, maar dié wat Conqueror gebruik, is solied en sonder lae. En dié materiaal, sê Clive Cox, die man wat saam met sy span gestalte gegee het aan die UEV-reeks, maak die waens rondom 15% ligter. Die panele is 20 mm dik, en dit sluit die vloer in. Conqueror het egter nie van sy kenmerkende rompvorm afgewyk nie en gebruik soortgelyke aluminiumhoekstroke om die panele te las. Danksy die nuwe materiaal beoog…

Destination, wat bekend is vir sy swierige padwoonwaens, het sy Wonder-model se uitleg aangepas. Die eilandbed het voorheen in die lengte by die neus gesit, maar die eienaar, André van Helsdingen, sê die bed is dwars gedraai sodat die koppenent teen die linkerpaneel sit. Die uitglybuitekombuis trek dus nou van onder die bed uit, waar dit voorheen nader aan die stert was. Teen ’n verdere R20 000 kan ’n mens die Wonder laat opgradeer tot ’n Wonder All Terrain-model. Die All Terrain het ’n versterkte onderstel met vering wat spesiaal aangepas is. André-hulle gebruik ’n Roadque-onderstel. Die Wonder het ook ’n dubbelas, wat beteken die All Terrain het ’n kronkelveer by elke wiel en agt skokbrekers – twee by elke wiel. Dié onderstel maak die tarragewig sowat 150 kg meer…

Die Vrystaatse woonwabouer Bennie Cilliers het pas sy eerste boswoonwa, die Nayela Okapi, ontwerp en gebou. En dié wa sorg sommer vir ’n hele paar nuwighede in die boswoonwawêreld. Die hele romp bestaan uit veselglas en het ’n ingeboude aluminiumraamwerk. Die vorm tref dadelik die oog, veral die ronde voorkant. Die Okapi het ’n dubbelas en Bennie, ’n argitek van Bethlehem, sê dit het groot voordele. Eerstens sorg dit vir ekstra veiligheid omdat jy met ’n dubbelas nie aan een band per kant uitgelewer is nie. Verder sleep ’n dubbelaswoonwa makliker. Wanneer ’n mens byvoorbeeld oor ’n spoedhobbel of slaggat ry, weet jy nie daarvan nie, want die gewig word tussen die vier wiele verplaas en nie na die sleepvoertuig nie. Buiten dat die Okapi in jou standaardmotorhuis pas, slaan…

Motor King & Marine, wat al meer as 40 jaar in Pretoria sake doen, het nou sy besigheid uitgebrei en verkoop voortaan ’n nuwe reeks woonwaens wat hy Crown Caravans noem. Jy kan kies tussen twee boswoonwamodelle: die Trax en die Venture. Die Trax is bedoel vir twee mense en die Venture het plek vir tot vier. Die Trax se deur sit in die regterpaneel, iets wat ’n mens nie sommer onder plaaslikgeboude woonwaens sien nie. Dis net voor die wiel, met die res van die paneel wat soos ’n laai uit die romp trek – saam met die ruimte in die wa vorm dit ’n dubbelbed. Die Venture het twee sulke beddens wat uit die regterpaneel trek. Dit is uniek in die land. Aan die linkerkant is die deur…

Met ’n lengte van 7,5 m en ’n tarragewig van minder as 1 300 kg is Hoefer se Azzero All Terrain-woonwa die ligste wa van sy grootte op ons paaie. Die Amerikaner Charles Hoefer se aanleg is in Swaziland, en dis die eerste woonwa wat hy na Suid-Afrika uitvoer. Die panele bestaan uit veselglasbuitelae met ’n isolasiemateriaal binne. Die panele word van aaneenlopende stroke veselglas gemaak, en volgens Charles is dit tot 10 keer sterker as gelapte panele. Die onderstel is van vliegtuigaluminium gebou en die dubbelas van die Azzero is spesiaal deur AL-KO ontwerp. Die Azzero het ’n buitekombuis, en die yskas regs van die deur sien ’n mens nie aldag op woonwaens nie. Dis ’n gewone yskas wat omtrent halflyf hoog staan. Die tweebrandergasstoof met die wasbak trek…

’n Swierige nuwe dubbelaswoonwa, die Gray, is deur Fred Oosthuizen van Custom Campers in Meyerton bekend gestel. Dié wa is nie net vir teerpaaie bedoel nie, maar ook gerat vir grondpad. Omdat die romp ’n kromming maak tot op die A-raam, lyk die Gray heeltemal anders as ander padwaens. Die prototipe se neuspaneel is een stuk, maar Fred sê hier kom ’n neuskas, en die wa kry ook in die stert ’n kas. Die neus, dak en stert is een aaneenlopende strook. Die kromming is ’n deurlopende tema en ’n mens sien dit ook in die uittrekgedeelte van die buitekombuis. Die gesig van die laai op die kant is nie reguit nie, maar loop met ’n boog. Die wasbak en induksieplaat is in die blad versink. Ook die deure van…

Bushwakka het ’n variant van sy kleinste wa, die Safari Weekender, gebou wat hy die Tourer noem. Die Tourer en Weekender se romp is soortgelyk, maar die slaapplek vir die Tourer is verander. Die Weekender het ’n tipiese daktent bo-op wat na die regterkant oopslaan. Die tent se hele dak is hieraan vas en vorm ook ’n vertrek regs van die wa. Dit is uiteraard ook van waar ’n mens op die Weekender se bed klim. Die Tourer kry nie ’n daktent nie – in die plek hiervan pas ’n hardedaktent (ook bo-op die wa). Jy slaap dus steeds op die wa, maar die boonste deel van die tentkas lig parallel om die dak bo jou bed te vorm. Die tent se leer is oor die A-raam – iets wat…

Die opslaanboswabouer Invader het ’n intreemodel bekend gestel wat spesifiek op ligtevoertuigslepers gemik is. Anders as met sy twee bestaande modelle, die Duo en Quattro, neig die uitleg van die Cheeky met sy daktente meer na die sleepwamark. By die Duo én Quattro klim ’n mens in die wa voor jy op die bed kan klim, maar die Cheeky se bed is bo-op en jy moet met ’n leertjie van agter af inklim. Al is die bed nou bo-op die wa, lig die dak net soos die ander modelle met ’n lugstelsel. Die Cheeky is bedoel vir twee mense en is beskikbaar in drie variante waarvan almal met ’n battery, batterylaaier en kompressor toegerus is. Die Cheeky Lite is die basismodel, die groter model se watertenk is ingesluit, en die…

Ringo Starr van die Beatles word nie algemeen beskou as die beste tromslaner ter wêreld nie – ’n grappie lui selfs dat hy nie eens die beste tromspeler in die Beatles was nie. Maar Ringo se selfbeheer en sy gevoel vir musiek het hom die ideale musikant vir sy rockgroep gemaak. Só is dit ook met die Subaru Forester. Met die eerste oogopslag is dit ’n vaal aanbieding onder sportnutsvoertuie; party mense praat selfs lelik van sy voorkoms, maar lewe ’n rukkie saam met ’n Forester en jy kom agter hy plaas – net soos Ringo – die klem op jóú eerder as op homself. Wat is nuut? Dit is 22 jaar sedert die eerste Subaru Forester na Suid-Afrika gekom het, en die resep is oor die jare relatief onveranderd…

In dié deel van die Kaap is hope aksiebelaaide doendinge, wat beteken jy kom sit nie sommer net hier op jou kampstoel en ginnegaap nie. Nee, jy kom hierheen vir ’n kampvakansie gelaai met buitelugaktiwiteite en besonderse natuurtonele. Ons het by twee kampplekke in Sanparke se Tuinroete- nasionale park kom afsaal. Die Wildernisdeel van die park strek van die Touwrivier se monding op Wildernis tot by die Swartvleiriviermonding buite Sedgefield. Ebb & Flow lê knus langs die Touwrivier tussen Wildernis en Hoekwil en beslaan twee kampe – die noord- en suidkamp – met ’n ou treinbrug wat die twee skei. Diepwalle is in die Knysnadeel van die park, en al kan jy hier net met ’n tent kamp, hoort dit steeds op jou kamplysie. Hier slaap jy diep in die…

D it verg ’n bietjie moeite om met jou wa in die Sederberg te kom kamp. Nee, seker nie moeite nie, maar eerder ’n gesonde skeut versigtigheid en geduld. Dit is ’n raps meer as 2½ uur se ry uit Kaapstad, en as jy nie vroeg genoeg by die werk wegkom nie – of Sussie het die eindronde van die vlinderslag by die skool se swemgala gehaal – gaan jy erge verkeer op die N7 noordwaarts kry. Wanneer jy uiteindelik 28 km anderkant Citrusdal afdraai, wag 18 km grondpad op jou waar jy stadig gaan moet aankruie tot jy links indraai by die Algeria-kampterrein van Kaapse Natuurbewaring. Maar wanneer jy uiteindelik jou kampstoel by waarskynlik die gewildste kampplek in dié geweste oopslaan en met ’n koel lafenis in die hand…

Vis Karp, swartbaars, baber. Kampplek 36 staanplekke (13 op die rivieroewer) op welige groen gras met genoeg gelykte om gemaklik te kamp. Elke staanplek het sy eie kragpunt. Ablusiegeriewe 3 aparte badkamers met ’n warm stort, toilet en wasbak. Prys R115 p.p.p.n. (R80 vir kinders 5-12 jaar; gratis vir o.5’s). Aankoms- en vertrektyd Ná 1 nm. en vóór 10 vm. Kontak 023 004 0868 esthergriessel@breede.co.za klipkrans.co.za Naaste dorp Worcester, 12 km. Hoe lyk die pad? Teerpad tot by die plaashek en daarna 2,8 km se goeie grondpad. GPS S33.741626 E19.493448 Weg Ry & Sleep sê Al is die laaste kilometer of drie grondpad tot by die kampplek, kan jy enige tyd met ’n padwoonwa kom kamp.…

Custom Canopies het onlangs ’n luukse weergawe van sy gewilde Lion’s Den De-lux-boswoonwa bekend gestel, en as jy dié meneer so kyk, lyk dit of daar nêrens is waar jy nié met hom kan kamp nie. Jan Venter, eienaar van Custom Canopies, vertel trots van die vyf nuwighede waarmee die Lion’s Den Supreme 4x4 van die De-luxmodel verskil, waaronder die neuskas, die groter ys-vrieskas en die magdom pakplek binne. En dan is daar ’n spesiale verrassing regs agter in die wa. Ons het die Lion’s Den Supreme 4x4 aan ’n Nissan X-Trail gehaak en vir ’n klompie dae in die Bosveld gaan kamp. Begin by die begin Die Lion’s Den Supreme 4x4 het ’n dubbelneuswiel en ’n meneer van ’n neuskas op die A-raam. Die kas is 107 cm lank,…

As jou pa weer sê alle koelbokse is eintlik maar almal dieselfde, moet jy onthou hy glo ook al die Bulls se probleme gaan verdwyn “as hulle net weer wil leer laagvat”. Koelbokse het ’n wetenskap geword, en dis goeie nuus vir jou. Iewers tussen jou toebroodjie-papsakkie en die wit boksies waarin ’n lewende hart halfpad om die wêreld gevlieg word vir ’n oorplanting, is die koelboks wat net reg gaan wees vir jóú kampbehoeftes. En selfs al het jy ’n kampyskassie met al die bedrading en batterye, bly ’n koelboks ’n nuttige ding. Trouens, as jy nié daai yskassie het nie, behoort jy ’n koelboks te kan kry wat jou en jou pêlle deur die Oppikoppi-langnaweek kan sleep sonder dat jy een keer die vernederig van ’n warm bier…

Tussen gewone mense en versekeringsmaatskappye heers ’n vreemde verhouding. Versekering is soms ’n ongewenste noodsaaklikheid, en jy betaal teen wil en dank die premie. Soms is die wrok só groot dat jy méér eis as wat jou toekom wanneer die noodlot toeslaan. Daarteenoor is versekeraars nie besonder geesdriftig om jou te vergoed vir jou skade nie. As daar fout is met jou eis, gaan hulle net ’n deel – of selfs niks nie! – uitbetaal. Die meeste van ons geniet egter ’n gemoedelike verhouding met ons versekeraar. Jy begroot vir die premies en as die ongeluk jou tref, eis jy billik en die versekeraar vergoed jou volledig vir jou skade – dit is in die perfekte wêreld. Maar as jy ’n 4x4-entoesias is, moet jy waak teen ’n paar slaggate…