Indholdsfortegnelse for March 2017 i Weg!

Min dinge is droewiger as die Carte Blanche-kenwysie op ’n Sondagaand... As jy daai eerste note hoor, weet jy jou naweek is amptelik in sy kanon en dis môre terug werk toe. Toe M-Net sowat drie jaar gelede die temaliedjie wou skrap, was ek stilweg verheug. Baie mense het egter só ’n bohaai opgeskop dat die ikoniese kenwysie ’n maand later heringestel is... tot my spyt. Dis ’n goeie voorbeeld van klassieke kondisionering. Nes Pavlov se hond die gelui van ’n klokkie met vleispoeier vereenselwig het (en die hond se mond begin water het), raak ek knorrig met die aanhoor van die kenwysie omdat ek weet ek sit oor ’n paar uur in Maandagoggend se spitsverkeer. Elkeen van ons se ganse lewe is lesse deur assosiasie. Sigaretrook laat my aan…

Rambling Rose, Montagu As jou maag op die R62 begin grom, is dit die moeite werd om uit te hou tot by hierdie padstal-deli-en-restaurant in Montagu se hoofstraat. Cay en Sergio Fernandes bly al vyf jaar op Montagu en het dié besigheid sedertdien saam met Cay se ouers ontwikkel tot ’n gewilde kuierplek vir smulpape. Hulle het oorspronklik in Houtbaai gebly, waar Sergio in die visvangbedryf was. Hulle draaispithoenders – gaar teen middagete – verkoop blitsvinnig uit op Saterdae en Sondae (R99 elk). Op Vrydae, Saterdae en Sondae kan jy weglê aan ’n buffet-middagete (R20 per 100 g) waar jy kan kies uit tot 20 warm en koue geregte. Kry sommer ’n bottel van hulle tuisgemaakte rissiesous (R48) ook. “Ons verkoop 100 bot-tels per maand,” sê Cay. Hulle bak ook…

VRYSTAAT Lush Hierdie nuwe fees moet haarself nog bewys, maar ’n mens kan nie met die ligging fout vind nie – die plaas Linwood naby Clarens in die Oos-Vrystaat. Dié jaar tree kunstenaars soos Jeremy Loops, Karen Zoid, Francois van Coke, Shortstraw en Koos Kombuis op. Let wel Geen kinders jonger as 18 mag op die perseel kamp nie, maar kinders kan wel as dagbesoekers kom kuier onder volwasse toesig. Datum 13-16 April (dis dieselfde naweek as Splashy, maar Lush is nader aan Gauteng – dis dus ’n goeie alternatief ). Kaartjies Vanaf R495 p.p. (kamp ingesluit) of R445 p.p. (naweekkaartjie, geen kamp) Kontak lushfestival.com Kaartjies Sowat R1 000 p.p. vir die hele naweek, maar hou jou oë oop wanneer die kaartjieverkope begin – gewoonlik vroeg in Mei…

Goed, voor hierdie storie verder gaan, eers ’n belangrike stukkie inligting: Presies 10 dae voordat die Wild Corridor-bergfietstoer begin het, is ek gevra of ek dit wou doen. Jon Minster (hy werk vir Weg se sustertydskrif go!), wat dit eintlik sou doen, was só blikners gery ná ’n ander uitdagende fietstoer deur die Tankwa-Karoo dat hy nie meer kans gesien het nie. Al het ek maande laas getrap, stem ek in en ry ek drie keer ’n 18 km-roete ter voorbereiding. Met 54 km op my ritmeter en biddende vriende en familie se ondersteuning ry ek af Plettenbergbaai toe om die Wild Corridor te gaan kafdraf. Of eerder, plat te trap. Die groep fietsryers – 26 mense van regoor die land – het op Plettenbergbaai bymekaargekom waar die gidse van…

Alle berge is indrukwekkend, maar die Drakensberg is dramaties. Dis die hoogste (van die pieke is hoër as 3 000 m) en die langste (die reeks strek meer as 1 000 km van Limpopo tot in die Oos-Kaap) in die land. Die KwaZulu-Natalse deel van die bergreeks is waar ’n mens die Drakensberg se bekendste bakens en die beste staproetes kry. Die Johannesburgse landskap- en natuurlewe-fotograaf Mark Dumbleton gaan draai gereeld hier – elke seisoen het unieke eienskappe wat hom aantrek. Hy hou die meeste van die noordelike dele van die KZN-platorand, veral die Amfiteater en die Mnwenigebied. “Ek hou van die avontuur daarvan om dae lank te stap met alles wat jy nodig het op jou rug,” sê hy. “Maar ek geniet veral die berg self: die stroompies, watervalle,…

1 Gidgitzwaterdigte kapsule Haak hierdie kapsule aan jou motorfiets se sleutel waar paramedici dit kan raaksien. Dis groot genoeg vir chroniese medisyne en antihistamientablette vir wanneer ’n perdeby jou onverwags in die nek bykom. Prys R30 by rammountain.co.za  en buitelewewinkels 2 360°-opvoubeker Dié koppie weeg aansienlik minder as ’n blikbeker (110 g) en is kleiner as ’n paar opgerolde sokkies wanneer hy opgevou is. Prys R50 by Sportsmans Warehouse; sportmanswarehouse. co.za 3 Gidgitz-fluitjie ’n Mens lees gereeld van stappers wat in die berge verdwaal. Selfs met ’n kaart gebeur dit makliker as wat jy dink – en dit gebeur dalk eendag met jou ook. Haak hierdie fluitjie aan jou rugsak en blaas hom asof jy ’n Franse skeidsregter is wat nie van die Bokke…

‘Die Hel-poel? Wat, waar is dit?” wonder jy. Hoekom het ek nog nooit daarvan gehoor nie?! Dié rotspoel lê in ’n koel kloof hoog bo in die Groot-Winterhoekberg agter die dorpie Porterville. Kaapse Natuurbewaring sê dit is die grootste en diepste natuurlike rotspoel in die Suidwes-Kaap. Kyk op Google Earth (GPS S33.08835 E19.087231)– jy sal hom daar sien lê. Anders as ander wonderlike plekke, verklap ek maklik dié een se ligging, want mense gaan steeds nie daarheen stroom nie. Hoekom nie? Omdat jy 18km soontoe moet stap. Maar haal diep asem en sit een voet voor die ander. Die Hel gaan nêrens heen nie. DAG 1: 23km “Groot-Winterhoekbeampte kom in,” roep my man, Tobie Marnewick, ’n paar keer oor die radio buite die ontvangskantoor van die Groot-Winterhoek-wildernisgebied. Dis sesuur die…

Wie’s jou held? ’n Mens kan op prinse nie vertrou nie, maar hierdie laaste paar maande in die Wes-Kaap het bewys dat ons waarlik op ons brandweermanne kan staatmaak. Daar het omtrent nie ’n week verbygegaan waarin dié dapper mans en vroue nié geswoeg het om veldbrande teen ons mooi Bolandse berge te bestry nie, en daarom gaan Weg se redaksie op die 27 Februarie met bakkievragte melktert by brandweerstasies opdaag – om dankie te sê. En ons wil jou graag aanmoedig om dieselfde te doen! Verras vanjaar op Nasionale Melktertdag jou held met ’n melktert. Dalk is dit die verpleegsters by ’n hospitaal se ongevalle-eenheid. Of die menseredders by jou naaste strand. Wat van die paramedici wat lang ure werk, of jou dorp se polisielede? Die straatveërs, skoonmakers, winkeltrolliestoters…

Wat maak Sacred Nature anders as julle vorige werk? Baie van ons boeke was diereboeke van sowat 80 000 woorde, waar die foto’s gekies word om by die teks te pas. Dié keer het Angie gesê: “Ek wil minstens een keer in ons lewe ’n boek doen waar die foto’s groot genoeg is, waar die woorde nie die foto’s beïnvloed nie, maar die foto’s self die storie vertel en op hulle eie staan.” Die ontstaan van die boek was haar visie – sterk fotografies en goed uitgelê. Sou jy dit beskryf as ’n koffietafelboek? Kyk, ek is self effens skepties oor koffietafelboeke – ons het hope daarvan by die huis wat ek byna nooit oopmaak nie. Een onderhoudvoerder het dit “ ’n koffietafelboek op opkikkers” genoem en ’n ander het…

Hoekom ’n episode oor stede in ’n natuurreeks? Dis die habitat wat die vinnigste groei en diere is besig om daarby aan te pas. Ons wou wys watter diere dit goed regkry – van luiperds in Mumbai, Indië, tot swerfvalke in New York, Amerika. Watter unieke uitdagings het die stede? Om in die stad te verfilm is baie moeiliker as op enige ander plek. Gewoonlik werk ons in natuurreservate en het jy net een permit nodig vir ’n hele verfilming, maar nou moes ons toegang kry tot die dak van 30 verskillende wolkekrabbers in New York. Ons kon ook nie sommer net hommeltuie gebruik in die stede nie – netnou val dit en beskadig ’n motor of maak iemand seer. Ons moes ook anders dink om stories te kry oor…

Lee:“Ons was seker al by 20 Splashys; ek en Sonia kom al sedert ons jong dae.” Kate-Lyn:“Ek was al by 17 feeste. My eerste Splashy-herinnering is van mense wat om ’n groot kampvuur sit en musiek speel – die band se naam was die Hairy Legged Lentil Eaters!” Chad:“Ek’s 11 en was al by 11 Splashys! Ek onthou toe ek klein was, het ek almal se leë plastiekbierkoppies versamel en ’n hoë toring daarmee gebou wat amper aan die dak van ons tent geraak het! ” Sonia: “Ons is nie die beste kampeerders nie, maar ons is baie lief daarvoor. Dis maklik om as ’n gesin by Splashy te kamp. Hier’s baie sekuriteit en die kinders kan dus vroeg bed toe gaan en dan kan jy nog uitgaan om na…

Colin Cormac van Colin’s Showers “Ek het nog nie een misgeloop nie – ek was al by al 27 Splashys. “Ek het nog altyd met my hande gewerk. Ek werk op ’n suiwelplaas naby Boston. Ek het gewoonlik vir my ’n stort by die fees opgerig, maar toe het die oorspronklike eienaar, Peter Ferraz, van my gehoor en gevra dat ek dit vir feesgangers kom doen. Ek doen dit nou al 14 jaar. “Ek kom ’n week voor die fees om alles op te rig. Ek gebruik my 1997 Isuzu KB en ’n sleepwa. Dit kos omtrent ses keer se ry om alles hier te kry. Dan rig ek 16 storthokkies op wat water van ’n stroompie hier naby gebruik. Die water is skoon, ons het dit laat toets. Ek…

Michaela Reuvers “Dit is ’n groot uitdaging, maar die gees op die toer is ongelooflik en die mense ondersteunend. En alles is puik gereël.” John Wilkinson “Ek het die toer baie geniet. Veral dag vier en vyf. Maar as jy dit wil aanpak, moet jy regtig fiks wees.” Helen Brown “Ek het al heelwat toere gedoen, en op hierdie een het ek die beste kameraadskap en vriendskap beleef. Die idee van ’n trekroete vir diere is oulik, maar ek kan nie dink waarom die arme olifante deur daai warm wêreld en oor al daardie bulte sal wil loop nie.” Jamie Marais “Dit was ’n lewensveranderende belewenis, en ek het vriendskappe gesmee wat lank gaan hou.”…

LESER VERTEL JOHAN HOSTEN Tuisstad Pretoria Beroep Landskapargitek Ek is ’n ywerige natuurfotograaf en was al by baie nasionale parke dwarsoor Suider- en Oos-Afrika, maar dis steeds die Manapoelenasionale park in Zimbabwe wat my hartsnare roer. Dié plek lok jou keer op keer terug en mense wat die plek goed ken, raak skoon emosioneel daaroor. Sommige wil nie eens daaroor praat nie sodat dit “hulle s’n” kan bly, hoewel die Facebookblad “Friends of Mana Pools” reeds meer as 8000 vriende het – en dit groei daagliks! Die Manapoele is weggesteek in die noordwestelike hoek van Zimbabwe, tussen die Zambiese eskarp en die Groot-Zambesirivier, met Zambië aan die oorkantste oewer. Die park is meer as 1 400 km van Gauteng af. Systap die Beitbrug-grenspos (dit kos naels byt) en ry verder…

Dis laatmiddag in die Makana-distrik. Die hitte van die dag het sagte cumulusklossies na die helderblou lug gebring. As jy die Oos-Kaap binnery, word die reuke soeter en die bos digter – en die Albany-struikgewasse en hoë wildheinings herinner jy is nou in grenswêreld. Grahamstad is op die N2, sowat 130 km noord van Port Elizabeth. Dis 37 ºC as ek aankom en die woeste hitte bring die strate tot stilstand. Die paaie in die dorp lyk dalk saai en onversorg, maar kultuur, geskiedenis, politiek en kuns is steeds ryk hier. Grahamstad lê my na aan die hart. Ek het vier jaar aan die Rhodes-universiteit gestudeer en keer terug na ’n dorp wat baie anders lyk as die een wat ek geken het. Die verskillende gesigte van die provinsie is…

150201 Bo-op Tafelberg Dit is net-net meer as in Desember 2015. In die hele 2016 was daar altesame 1 102 189 mense – 14% meer as in 2015. 49738 Robbeneilandmuseum Dié museum het 4% meer besoekers gehad as in Desember 2015. 79000 Groot-Constantiawynlandgoed Dis 25% meer as in Desember 2015. 118699 Kirstenbosch Dis die meeste besoekers wat die botaniese tuin nóg in Desember gekry het. Die vorige beste maand was Desember 2014 (116 986 besoekers). 129039 Kaappunt Dis 15% meer as in Desember 2015. In die hele 2016 was daar altesame 1 095 270 besoekers. Bron: Kaapstad-toerisme capetown.travel…

“Dis die rustigheid wat Splashy máák – hier’s baie min aggressie. Jy kan met enigiemand gesels, niemand het issues nie.” “Ek kom al sowat sewe jaar hierheen. My vrou, Anna, hou nie so baie van die musiek nie; ek is dus alleen – hoewel daar vriende is wat ook hier kamp. Ek maak seker ek kamp langs die rivier. Hier is beperkte plek en ek vertrek dus al 7 vm. van die huis af op die fees se eerste dag, sodat ek vroeg hier is en ’n goeie plek kry. “Ek rig myself gemaklik in, met my eie yskas en stort. Ek bring die meeste van my tyd in my kamp deur, maar stap twee of drie keer per dag teen die heuwel op om na bands te kyk.”…

Wanneer? 13-16 April (Paasnaweek) Waar? Net buite Underberg in KwaZulu-Natal. Koste Algemene toegang (wat kamp plus toegang tot die bands se vertonings insluit) vir die hele naweek kos R765 p.p., met afslag vir kinders: R745 (12-17 jaar); R400 (5-12 jaar). Kaartjies by splashyfen.co.za  As jy nie toegerus is om te kampeer nie en eerder iemand anders sal betaal om alles vir jou te doen, hoef jy nie verder as die tenthotelmense by Harambee te soek nie. Dit kos R4 950 vir twee mense vir vier nagte in ’n tent met ’n bed, lampie en beddegoed. Jy kry ook ’n buffet-ontbyt, warm storte en toegang tot kragpunte waar jy jou selfoon en kamera kan laai. Die goedkoper opsie is R2 280 vir twee mense vir vier nagte –dit sluit…

Die debat oor watter stelsel die beste is (solenoïed of GS-tot-GS-laaiers) woed al jare lank. Ongelukkig doen baie verkeerde inligting hieroor die ronde, wat deur geen navorsing ondersteun word nie. Tans is daar geen toetse beskikbaar om te bewys een stelsel is beter as die ander nie. Dit moontlike rede hiervoor is dat daar soveel opsies beskikbaar is. Wat in die een voertuig werk, sal nie noodwendig in ’n ander een werk nie. Die ander is die wanopvatting dat iets noodwendig beter is omdat dit duurder is. Hierdie opvatting word deur die bedryf aangevuur, omdat baie sogenaamde kenners duurder toe-rusting aanbeveel omdat hulle meer wins daarop maak. Dikwels lei dié “kenners” ook verkeerdelik af dat duurder toerusting beter moet wees. National Luna het ’n reeks toetse (op verskeie produkte) in…

Ek het dikwels oorskietkos, maar selde oorskietwyn... Ek wonder hoe gebeur dít?! Dalk is dit omdat die wyne wat ek kies, gewoonlik veelsydig is en by die meeste palette pas – dit hou dus al my gaste gelukkig. Hier is drie sulke treffers wat by so te sê elke koskombinasie pas. ’n Delikate gehoute chardonnay is altyd ’n goeie keuse saam met kos. Solank jy dit rustig vat met die eikehout, behoort die meeste wynliefhebbers hiervan te hou. Ek geniet die Fleur du Cap Unfiltered Chardonnay 2015 (R119) saam met allerlei geregte. Die “ongefiltreerde” deel beteken die wynmaker het die wyn natuurlik laat afsak. Sodoende behou dit meer smaak en word die eikehoutdeel tot ’n minimum beperk. Heerlik. Die Swartland Limited Release Roussanne 2015 (R55) is effens meer ongewoon, maar…

Ons sustertydskrif WegSleep het die afgelope jare al verskeie innovasies in die woonwa- en kampeerwêreld bekend gestel, en het nou, saam met CaraSure, nóg ’n produk wat vir lesers van waarde kan wees: sleepversekering! Met die versekeringsproduk WegSleep Sleepseker het ons ’n spesiale tarief vir lesers beding. Die versekering dek woonwaens, boswaens en ryhuise. Daar is twee pakkette beskikbaar: SleepSeker Prestige SleepSeker-dekking SleepSeker-inhoud (van R30 000) SleepWeg-padhulp SleepSeker Ekono SleepSeker-dekking SleepWeg-padhulp Die voordele behels . Sleepdekking: Die rytuig het omvattende versekering wat ongelukke, kwaadwillige skade, stormskade, diefstal, kaping én brand dek. . SleepSeker-inhoud: Dekking vir besittings ter waarde van altesame R30 000 word by die Prestige-pakket ingesluit. Jy het die opsie om teen ’n ekstra premie jou inhoud tot R45 000 of R60 000 te verseker. Dit sluit in: beddegoed,…