Indholdsfortegnelse for February 2016 i Weg!

Dit brand in die paradys! Ons het September verlede jaar die vyf dae lange Walvisroete in die De Hoop-natuurreservaat gestap. Ongelukkig is ons staptoer op dag 4 afgelas weens die veldbrande, wat deur die donderweer veroorsaak is. Ons moes die Vaalkranshut ontruim. Ek het dié foto geneem terwyl ons vir die reddingspan gewag het. Die veldbrand het die landskap in ’n onnatuurlike rooi gloed gebaai. MICHAEL GREEN, Durban Nog ’n puik getypoel vir kruipslagswem Ek was opgewonde oor die getypoelestorie in Weg #134. Ek was seker Margate se opgeknapte getypoel sou deel wees van die lys, maar helaas nie. Ek was vir ’n week op Margate en het elke dag in die perfekte getypoel geswem – die getypoel by Marina-strand verder suid kan gaan slaap! JANET KENNEDY, Johannesburg Vinnige karre…

Wat behels jou werk? By die Sterrewag (of die Suid-Afrikaanse Astronomie-observatorium, SAAO) in Observatory het ons goed toegeruste werkswinkels, laboratoriums en “skoonkamers” waar ons die kameras, instrumente en beheerstelsels ontwerp en bou vir ons teleskope in Sutherland. Ek stel ook baie belang in die geskiedenis van die Sterrewag (die Kaapse Sterrewag is die oudste wetenskaplike instelling in Suid-Afrika – dis in 1820 gestig). Ek lei gereeld historiese toere van die Sterrewag en doen dikwels sterrekundige aanbiedings vir skoolgroepe. Wat is die lekkerste deel daarvan? Om die voltooide eindproduk, soos ’n nuwe kamera, te sien en veral om dit uiteindelik op die teleskoop te monteer om te sien hoe goed dit werklik werk! Waar kom jou liefde vir die sterrehemel vandaan? Kort nadat ek in Sutherland begin werk het (voor ek…

Die landskap aan die binnelandkant van Durban is ’n mengsel van heuwels, woude en plase. Dis ook gewoonlik koeler en minder winderig. Hier is jou gids as die kinders rooi gebrand is. OGGEND Indien jy op ’n Saterdag hier is, stel jou wekker vir ’n  vroegoggendbesoek aan die Shongweni-plaasmark ( 031 777 4686; shongwenimarket.co.za) sowat ’n halfuur binneland toe, naby die Hillcrest-buurt. Die mark is oop vanaf 6.30 vm. tot 10.30 vm. – bring ’n mandjie en laai dit vol vars organiese produkte en ander tuisgemaakte lekkernye soos kaas en brood wat nog oondwarm is. Jy kan ook bier proe, as dit jou soort ding is seweuur in die oggend... Hier is natuurlik ook varsgemaalde koffie. Laat die kinders op die wipmatte spring terwyl jy aan ’n spek-en-eier-broodjie smul. Honde…

DEON NAUDÉ Canon EOS 60D Canon EF 100-400 mm-lens TOAST SÊ: Deon se netjiese olifantfoto is tipies van die wildfotogeleenthede op die leserstoer. Dis geneem op ’n sonsondergangvaart op die Choberivier. Die meeste van die diere is gewoond aan die toeristebote; dus kan jy nogal naby aan hulle kom. Deon het in elk geval sy zoemlens gebruik (ingezoem tot 235 mm), maar dikwels is die diere só naby dat jou wyehoeklens eerder nodig raak. Dis ’n klassieke foto dié. Olifante langs (en in) die Choberivier pluk watergras af en skud dit om dit te “was”. Met ’n relatief vinnige sluiterspoed – 1/500ste van ’n sekonde – kon Deon die aksie goed vries. ALMA HOON Canon EOS 1100D Canon EF 75-300 mm-lens ALMA VERTEL: Ek het min ervaring van voëls afneem…

Dis al donkiejare sedert bakkies beperk was tot harde arbeid. Deesdae koop mense dit as daaglikse rygoed en die afwerkingsvlakke is dikwels net so luuks as dié van sedanmotors. Die Ranger is geen uitsondering nie – die 2016-model is netjies genoeg om jou dogter na haar matriekafskeid te neem. Wat’s nuut? Die eerste ding wat ’n mens opmerk, is die nuwe luginlaat wat geskoei is op die reusagtige F-reeks bakkies uit Amerika. Ander veranderings sluit in nuwe buffers, ’n breër treeplank en nouer hoofligte wat die Ranger nóg groter as tevore te laat lyk. Daar is nie veel verander aan die kleuropsies nie, maar die Wildtrak-model het ’n ekstra druppel rooi in sy verfblik gekry wat tot ’n donkerder oranje skakering lei. Die binneruim is heeltemal herontwerp en spog nou…

Kombi’s met branderplanke op die dak, draairoomyse, putt-putt, die waterwurm... ál my (en waarskynlik baie Oos-Kaapse kinders se) vakansieherinneringe is op Jeffreysbaai gemaak. In die jare tagtig was dit ’n ander prentjie as nou: Wanneer jy van Port Elizabeth af met die N2 oor die “nek” gery het waar jy die eerste keer die see sien, moes jy jou oë op skrefies trek om Jeffreysbaai, oftewel J-Bay, se paar strandhuisies te gewaar. In die negentigs was hier ’n opbloei en dit het ’n gewilde aftreeplek geword. Maar ondanks die woonbuurte, malls, en ’n nuwe hospitaal het J-Bay sy sjarme behou, met steeds net een verkeerslig in Da Gamastraat, wat “Die Robot” genoem word. Dalk is dit die surf-kultuur wat steeds gedy. Jeffreysbaai is een van die vyf top-branderplankkolle ter wêreld.…

Marí van Bosch van Potchefstroom skryf: My ouers, Vonnie (82) en Nila (81) Lombard, is in 1965 die eerste keer saam met my ouma Nellie, my ouer broers, Herman en Schalk, en suster, Ronel, Krugerwildtuin toe. (Al wat ouma Nellie glo wou sien, was ’n kameelperd!) Van toe af was dit ’n instelling en ons gesin het elke Junievakansie wildtuin toe gegaan. Sedert my pa in 1995 afgetree het, het hulle gereeld meer as twee keer per jaar soontoe gegaan. Ek het toe in Nelspruit gewoon en my pa het geglo ’n mens ry nie uit Welkom Nelspruit toe sonder om ’n draai in die Krugerwildtuin te maak nie! Deur die jare het ons in al die kampe behalwe Roodewal en Boulders gebly. In die beginjare het my ouers Malelane…

Sophia Daar is soveel tonele waarheen ek wil terugkeer: Loxton in die Groot-Karoo met sy lamppale in die middel van die strate, die Kamdeboo se angoras met hulle krulkuiwe... En ek wil die manne van die Veldbul-klub in die Oos-Vrystaat ontmoet, dié ouens wat ’n ent noord van Bethlehem op ’n advertensiebord vra: “Kan jy bekostig om NIE ’n Veldbul te gebruik NIE?” Martjie Ek het baie daarna uitgesien om wonderlike mense én baksters landwyd te ontmoet en om nuwe paaie te verken. Ons het opvallend baie roofvoëls langs die pad gesien. En ook leë plaashuise. Dit was maar ’n dolle gejaag om elke dag ’n groot afstand af te lê – volgende keer wil ek meer aftrek en langs die pad sit en koffie drink. En ek wil terugkeer…

LESLIE HOBSON van die Strand skryf: Ons het op dié toneel afgekom in die Addoolifant- nasionale park. Die kraai het weggevlieg met een van die bergskilpad se eiers. Die skilpad het hom op sy pote gelig en hard geblaas. Net voordat ons wou ry, kom sit die kraai weer op die skilpad se rug. Die skilpad lig weer sy pote en blaas hard, seker om die kraai weg te jaag. Maar kraai spring af en gryp nog ’n eier. Dié oefening het ses keer voor ons afgespeel. Die sewende keer het hy met ’n leë snawel teruggevlieg. Het die kraai die eiers gesteel vir sy kuikens of gebêre vir later? Die wildlewekenner L.D. VAN ESSEN antwoord: Bergskilpaaie lê tussen Oktober en Mei 6-18 eiers in verskeie neste, afhangend van die…

SPIF-padstal, Mookghopong, Limpopo Hierdie padstal is langs ’n hoenderboerdery, ook genaamd SPIF – dit staan vir Saam, Piet, Isak en Fred. Die drie Earl-broers het voorheen saam hier geboer, maar die laaste paar jaar behoort die onderneming aan Kevin Traviss. Dis ’n bedrywige padstal wat jou meer bied as net die gewone – agter is daar byvoorbeeld ’n konferensielokaal, asook ’n klereboetiek en haarsalon. Die voorste gedeelte is tipies padstal met gebak, handgemaakte geskenkies en ingelegde goed, maar die fokus is op die plaas se hoenderprodukte. Vars hoendervleis kos R29/kg, maar probeer gerus die hoenderespetada (basies ’n hengse sosatie...) teen R50 p/kg of die hoenderboerwors (gemaak van borsvleis en hoendervelletjies) teen R50 p/kg. In die ruim, netjiese restaurant-en-teetuin – wat uitkyk oor die plaas – kan jy aansit vir ’n…

In Afrika is wegbreek om die buitelewe te geniet so maklik soos 1, 2, 3! Selfs stedelinge bly selde meer as ’n paar uur weg van ’n plek waar jy jou tent kan opslaan in rus en vrede, jou braaivuur kan aansteek en tjop-tjop gehaltetyd met jou vriende kan deel. Maar net omdat jy in die gramadoelas is, beteken dit nie jy moet swaarkry nie. Om van jou vakansie ’n klassieke een te maak het jy net ’n handvol kamptoerusting-staatmakers nodig. Wanneer die Afrikason begin byt, moet jy seker maak jou Instant Shade 100-gazebo staan klaar – dan het die kinders speelplek in die skaduwee (en die roomyse sal nie so vinnig smelt nie). Ja, ’n klip wat in die son warm gebak het, sit vir ’n kort rukkie lekker,…

Durban bied genoeg avontuur as jy weet waar om te kyk. Probeer iets nuuts en jaag daai endorfienvlakke ’n bietjie hoër. OGGEND Die Umgenirivier mond noord van die Moses Mabhidastadion uit in die see. Die suidekant van dié riviermonding (ook bekend as die Blue Lagoon) is ontwikkel in ’n “groen strook”. Parkeer by die Green Hub Café ( 031 322 6026; durbangreencorridor.co.za ) en bestel ’n muffin (R10) en ’n cappuccino (R18). Hier is dikwels markies en ander lekker dinge aan die gang. Jy kan ook kano’s en fietse huur (vanaf R50 per uur). Vee die cappuccino-skuim van jou bolip af en mik vir die Beachwood Mangroves-natuurreservaat ( 082 559 2839) by die mond van die Umgenirivier. Dis nou as jy op ’n Saterdag hier is –…

Daar staan ’n rondloperhond op die aanloopbaan van die Maya Maya- internasionale lughawe in Brazzaville toe ons land. Langs die aanloopbaan staan twee passasiersvliegtuie en roes, en by die militêre vliegveld langsaan het ’n boom deur die wrak van ’n vragvliegtuig begin groei. Wrakke is iets wat jy gereeld sien in Brazzaville, die hoofstad van die Republiek van die Kongo. Dié land moet nie verwar word met die Demokratiese Republiek van die Kongo (DRK) langsaan nie. Die Republiek van die Kongo is – in vergelyking met die onstabiele DRK – ’n relatief vreedsame land. Brazzaville lê teen die Kongorivier, reg oorkant Kinshasa, die hoofstad van die DRK. Die DRK was eers Zaïre, maar aangesien die name so na aan mekaar is, praat inwoners van Kongo-Brazzaville en Kongo-Kinshasa. Die stad is…

Pak jou kamera, ’n kampstoel en jou avontuurlus en kom saam met Weg op ’n selfryfototoer deur Botswana! In samewerking met Mpafa en Bhejane gaan ons in April op ’n epiese fotoreis deur Botswana en die Caprivi. Jy gaan die Okavangodelta, die Makgadikgadipan, die Caprivi, Chobe én die Victoriawaterval sien. Boonop sal Weg se fotoredakteur, Shelley Christians, en Toast Coetzer, reisredakteur, aan jou sy wees om jou fotoneemvaardighede tot die volgende vlak te neem. Met hulle aandag en Mpafa en Bhejane se ervare begeleiding gaan jy dié land op ’n unieke manier beleef. DÍS WAT JY MOET WEET Hoe lank? 11 dae, 10 nagte. Wanneer? 8-18 April 2016. Waarvandaan vertrek die toer? Die Nata Lodge, Botswana. Waar gaan ek slaap? Almal bly in tente. Prys R12 650 p.p. DIE TOERPRYS…

BMW noem dit ’n avontuurtoerfiets, maar met die eerste oogopslag gaan jy wonder of dit ’n akkurate beskrywing is. ’n Reguit-viersilinderenjin hoort eerder in ’n superfiets, dan nie? En daai sitplek lyk te smal om op te toer, en waar is die groot windskerm? Dis eers wanneer jy hom ry dat BMW se stelling begin sin maak. Yamaha het 25 jaar gelede hierdie einste paadjie gestap met die TDM 850. Dit was ’n aangename motorfiets wat ongelukkig nie in sy tyd erkenning gekry het nie. Later het die Kawasaki 1000 Versys en die Ducati 1200 Multistrada die TDM nageboots. Nes ’n dobermann onder meer ’n kruising tussen ’n windhond en ’n rottweiler is, so het die S1000XR se stamboom baie vertakkings. Daar’s eienskappe van die haastige S1000RR en die avontuurlustige…

’n Visserman maak lyn nat naby die suidooskus van Madagaskar. Vele dorpies langs dié kus is afhanklik van die vissermanne wat elke dag uitroei om kos op die tafel te sit. Of dit nou reën en of die son skyn, hulle is op hulle pos, dikwels alleen. Die fotograaf Greg Ewing het hierdie man se portret op ’n branderplankvakansie geneem. Greg se huurboot het anker gegooi by ’n rif twee dae se seil noord van die dorpie Toliara. Die branderplankryers het ’n blaaskans geneem en in ’n stil strandmeer gesnorkelduik. “Ek het van die visserman se sonbril gehou” sê Greg. “Dit was die enigste moderne item in ’n toneel wat andersins outyds gelyk het.”…

As regstudent het ek met ’n staatsdiensbeurs van R800 per jaar studeer. Om hierdie bedrag aan te vul het ek vakansies by die landdroskantoor op Louis Trichardt as klerk van die hof gewerk. Een Desember het die plaaslike staatsaanklaer met vakansie gegaan en ek moes waarneem. Dit was ’n lewenservaring wat ek vir niks sou wou verruil nie. Ek het mense in hulle swaarkry leer ken, maar het ook komiese oomblikke beleef. As enigste aanklaer op die dorp het ek alle sake hanteer – van piepie op straat tot roof. Ja, piepie op straat was ’n misdryf en die boete was gewoonlik R1 (deesdae is dit blykbaar R200). Ek het in ’n losieshuis in die onderdorp gebly teen R50 per maand – wat drie etes per dag ingesluit het. My…

Die Noordkus is minder bedrywig as die stad en dis waar jy Durban se beste strande sal kry. Gooi die strandsambreel in die kattebak en mik noord! OGGEND Pak ’n piekniek-ontbyt en begin jou dag met ’n wandeling  deur die Umhlanga Lagoonnatuurreservaat aan die einde van Lagoonrylaan. Dis ’n kleinerige reservaat met ’n kindervriendelike paadjie wat sowat 90 minute vat om te stap. Hou jou oë oop vir blouape en blou- of grysduikers terwyl jy deur die duinewoud stap. En spits jou ore vir die roep van ’n visarend as jy met die plankiespad oor die Umhlangastrandmeer stap. Die ouens by Breakers Resort ( 031 561 2271) langsaan bied drie begeleide stappe daagliks aan (9 vm., 11 vm.en 3 nm.; R30 per volwassene en R15 per kind). Die strand net…

Gereelde Weg-lesers ken al die werk van Michael Poliza: Sy natuurlewefoto’s het al baiekeer op dié bladsye – en op die voorblad – verskyn. Nou kry sy Afrika-lugfoto’s ’n beurt om jou asem weg te slaan. Hierdie Duitsgebore fotograaf noem dit “geokuns ” ’n raak beskrywing vir die patrone, fatsoene en teksture van die landskap wat duidelik word as ’n mens bo-oor sweef. “As iets jou emosioneel roer, sal jy hopelik baklei om dit te bewaar” sê Michael. “Ek probeer hierdie gevoelens by mense aanwakker deur my fotografie ” Ná 13 jaar se rondreis het hy in 2009 na Hamburg teruggekeer. Hy is oorval met vrae oor sy gunstelingplekke in Afrika en het toe begin om pasgemaakte safarireise vir vriende te reël. Die idee het gewerk en hy het onlangs…

Varkvleisroerbraai met mentpesto en sampioene Vir 4 | Voorbereityd 15 minute Gaarmaaktyd 10 minute Hierdie resep bly een van my gunstelinge. Moenie bang wees vir die hoeveelheid mentblare nie – die geur is subtiel. Jy kan hoender of selfs beesvleis in die plek van die vark gebruik. Jy benodig Só maak jy 1 Kap die mentblare en amandels saam tot baie fyn. Meng dit dan met die parmesaan en 2 eetlepels van die olyfolie. 2 Verhit 1 eetlepel olyfolie in ’n baie warm pan en roerbraai die vleis vir 3 minute. Skep die vleis op ’n bord uit en geur dit met sout en peper. 3 Verhit 1 eetlepel olyfolie in dieselfde pan en roerbraai die ui en sampioene tot…

Larry’s Sound Eggy Beats Hierdie silikoon-eier dien as versterker vir jou slimfoon. Druk jou foon in die staander en staan ’n bietjie terug – dit verhoog die volume met tot 13 dB. Geen kabels of batterye is nodig nie; die eier se unieke vorm en hol struktuur doen die werk. Dit werk glo heel beste met ’n iPhone 5 of 6, of ’n Samsung Galaxy S6, maar daar was ook ’n merkbare toename in volume met my ou iPhone 4s. Kyk, dis nie hard genoeg om musiek te verskaf vir jou 80’s-paartie nie, maar hy sal sorg vir atmosfeer by die braai. R100 by larryslife.com – Nick Dall Senz Smart Ssambreel Hierdie bekroonde Nederlandse sambreel is ontwerp om “op die wind te dryf” en sal glo nooit omdop…

Trans-Botswana en die Caprivi DIE TOERPRYS SLUIT IN WAARVOOR SORG EK? Wou jy nog altyd Botswana en die Caprivi verken, maar Vroulief weier dat julle dit alleen aanpak? Kom dan saam met Weg en Mpafa Travel op ’n toer na dié twee ikoniese Afrika-bestemmings. Ontdek Afrika op sy wildste in onder meer die Makgadikgadipanne, die Okavangodelta, Tsodilokoppies, die Caprivi se BwaBwata- nasionale park en Mahango-wildreservaat, die Victoriawaterval én die Chobe- nasionale park. Kies uit die toere vir 2016  19-29 April 2016 28 Junie-8 Julie 2016 6-16 Augustus 2016 15-25 September 2016 Hoe lank is die toer? 11 dae, 10 nagte. Van waar vertrek die toer? Nata, Botswana. Eindpunt? Kasane, Botswana. Waar slaap ons? Formele verblyf. Hoeveel…

1 Gee jou aptyt vrye teuels Bernard en Karen Botha sou nooit kon droom dat hulle plaas, Black Horse, ’n gewilde kuierplek sou word nie, want hulle het net ’n friesstoetery beplan. En daarby het hulle dogter as bierbrouer ontpop. Ja-nee, Nuschka Botha mág maar. Sy maak ’n verskeidenheid bier in haar mikrobrouery op die perseel en hier is gewoonlik tussen vyf en nege verskillende soorte tapbiere om van te kies (’n bierproe kos R100 en sluit ’n toer van die brouery in). Haar gunsteling is die Golden Lager – ook Black Horse se topverkoper. Maar dié restaurant se disse steek ook glad nie af by sy drinkgoed nie. Wat oorspronklik perdestalle was, is nou ’n drieverdieping-eetplek vol lang tafels, romantiese hoekies en kaggels om elke draai. Die pizzas is…

Hoe kom ek daar? Jeffreysbaai is 80 km wes van Port Elizabeth. Beste tyd? In seisoenstyd is die dorp tjokvol. As jy ’n rustiger vakansie soek, kom buite die seisoen – die weer is heeljaar lekker. Die beste tyd vir surf is Junie tot Augustus. In Juliemaand vind die groot surf- kompetisie, die J-Bay Open (deel van die wêreldliga), hier plaas. Onthou die Winterfest! Saam met die J-Bay Open word die Winterfest elke Julie oor 12 dae gehou, met tot 13 sportsoorte (bergfietsry, visvang, veldloop, skaatsplankry), ’n musiekfees en ander vermaak vir vakansiegangers. Kontak jbaywinterfest.com Doen daguitstappies. Die dorp is naby St. Francisbaai (30 km), die Baviaanskloof (50 km), Addoolifant- nasionale park (120 km) en die Bloukransbrug (125 km) – dus ’n gerieflike vertrekpunt vir daguitstappies. Wat kan…