Indholdsfortegnelse for October 2018 i Weg!

Onlangs stap ek en my vriend Anthonie deur die veld; halfpad tussen Piketberg en Elandsbaai op die rand van die Verlorenvlei. Ons groep vriende het die naweek weggebreek na die soort plek waaroor Weg skryf. Hier is ’n paar losstaande selfsorghuisies in die middel van nêrens met geen kind of kraai om ons te pla nie. Wel, hier ís kraaie... Vanoggend is ons twee op ’n sending, en gestewel in stapskoene en bewapen met ’n verkyker elk. Ons soek ’n voëltjie wat ons tot dusver nog net gehoor het. Toe ons vroeër met ’n beker koffie en beskuit vir die eerste sonstrale dag gesê het, het ’n vinnige klak-klakklakgeluid, gevolg deur ’n lang fluit (“poeeeieeee”) ons aandag getrek. Later stap ons deur plate Namakwalandse daisies vol in blom en ons…

JOZI-KOSTOERE, JOHANNESBURG Kry ’n paar vriende bymekaar en verken twee Johannesburgse buurte eet-eet saam met Gilda Swanepoel van Eenblond-toere. • Op die Melville Food, Booze and Stories-toer eet julle ’n viergangmaaltyd by vier verskillende restaurante in dié boheemse buurt. Van dié restauranteienaars eet saam en gesels oor hulle liefde vir Melville. Julle drink ook ’n sopie by Hell’s Kitchen en ’n mengeldrankie by Mootee Bar. Koste R630 p.p. Dit sluit koffie, twee drankies, ’n viergangmaaltyd, en ’n begeleide toer in. Wanneer? 20 Oktober en 24 November, 10 vm.-3.30 nm. Waar? Ontmoet by The Moral Kiosk, h.v. 2de Laan en 7de Straat, Melville • Op die Fordsburg Street Food and History-staptoer verken jy die Moslembuurt Fords-burg saam met jou gids. Julle eet ’n verskeidenheid kulturele straathappies, ontmoet van die locals en sit aan…

Hierdie is die hoogwatertye vir Kaapstad. Vir ander plekke tel jy die minute by of trek dit af (let wel, hierdie is benaderde tye): Saldanha: +5; Hermanus: -4; Port Elizabeth: +19; Durban: +26 Bron Gety-inligting met die vergunning van die Hidrograaf, SA Vloot. Die Hidrograaf is nie verantwoordelik vir enige transkripsiefoute nie. sanho.co.za SONOP & SONONDER (16 OKTOBER) Kaapstad 6.04 vm. en 7.00 nm. Bloemfontein 5.37 vm. en 6.25 nm. Johannesburg 5.32 vm. en 6.15 nm. Durban 5.17 vm. en 6.06 nm. Bron saao.ac.za…

BUTTERFLY’S BISTRO, HOGSBACK Die bergdorpie Hogsback is enige tyd van die jaar ’n mooi plek om te besoek. In die lente en somer sorg donderstorms vir watervalle in die woud, in die herfs ontplof elke tweede boom in vurige rooi en oranje, en in die winter val hier gereeld sneeu. Butterfly’s Bistro is net langs die hoofpad (R345) naby die suidelike punt van die dorp. Afhangend van wat die weergode uitdeel, kan jy buite in skaduwee sit of binne naby die kaggel. Ontbyt wissel van ’n eenvoudige eier-en-spek-broodrolletjie (R40) tot die Full Monty (R80) – eiers, spek, worsies, gebraaide tamatie, sampioene, bros aartappelwiggies... Hier is ook vegetariese (groenteschnitzel, spinasie en sampioene, met of sonder feta en ’n eier – vanaf R70) en veganistiese opsies. Vir middagete kan jy weglê aan…

•Teen die tempo wat die pizzas by Tower of Pizza uit die kombuis gedra word, is dit duidelik waarom dié plek se reputasie hom vooruit loop. Die kors is dun en bros. Betalings slegs per krediet- of debietkaart – geen kontant nie. Oop Dinsdag tot Donderdag van 12 vm.- 8.30 nm., Vrydae en Saterdae tot 9 nm. en Sondae van 10 vm. tot 9 nm. 036 438 6480; towerofpizza.co.za • Sowat 3 km voor Bergville uit die noorde is die groot uithangbord na die Bingelela-restaurant. As jy dit mis, het jy nie mooi geluister na die plaaslike inwoners se aanbevelings nie. Hier eet jy lékker aan groot porsies. Oop Maandag tot Saterdag vir ontbyt, middagen aandete. Sondae sluit die kombuis om 3 nm. 036 448 1336; bingelela.co.za…

• Die Olde Duck Coffee Shop op Underberg is ook die tuiste van Sani Spoors met ’n magdom roetes vir bergfietsryers wat van hier af uitwaaier. Oop Maandae van 9 vm.-4 nm. en Dinsdae tot Sondae van 8 vm.-4 nm. 074 141 3135; the-oldeduck.business.site •Val in by Stonehouse Cafe op Himeville vir ontbyt of ’n ligte middagete. Hier is ook ’n antiekwarewinkel. Elke dag oop van 8 vm.-3 nm.; 033 702 1154 •Vir ’n skeut geskiedenis is ’n inloer by die Himeville Arms Hotel se The Arms-kroeg ’n moet. Hier word al sedert 1904 gekuier. 033 702 1305; premierhotels.co.za…

EERSTE EN TWEEDE WATERVAL, JONKERSHOEKNATUURRESERVAAT, STELLENBOSCH Mense is soms skaam vir hulle agterplaas, maar dis nie die geval met Stellenbossers nie. Stellenbossers se agterplaas is immers die Jonkershoeknatuurreservaat. Die locals ry elk naweek bergfiets teen die berge se hellings, stap diep die klowe in en swem in die Eersterivier se poele voordat hulle in die middedorp brekfis eet... Dié speelplek lê aan die einde van die Jonkershoekpad wat verby wynplase en kampterreine kronkel deur die gelyknamige vallei. Talle stap- en bergfietspaadjies loop kruis en dwars deur die reservaat. As jy heeldag het en taamlik fiks is, takel die amptelike Panorama-(17 km) of Swartboskloof-staproete (18 km). Die korter roete na Eerste en Tweede Waterval bied waarskynlik die minste inspanning en meeste beloning. Jy kan die roete heen…

Hoekom ’n resepteboek? Weg se eerste resepteboek, Naweekkos , het in 2012 verskyn. Ons het gedink dis hoog tyd vir ’n tweede een, wat al Weg se lekkerste en gewildste braai- en potjiekosresepte van die afgelope sewe jaar insluit. Die grootste uitdaging? Om net 120 uit 800 resepte te kies! Hoe verskil dié resepteboek van ander in die mark? In die Weg- kombuis probeer ons kosmaak sonder te veel moeite en fieterjasies. Oor die afgelope sewe jaar het daar beslis ’n verskuiwing plaasgevind in hoe ons lesers kosmaak. Winkels het allerhande nuwe bestanddele: Mexikaanse en Oosterse geure is groot nuus en speserye soos gerookte paprika en chipotle-rissies en sriracha-sous maak mense lus om te eksperimenteer.…

Ek hou altyd ’n flits byderhand om te kyk wat ek ná donker in ’n kampplek kan opspoor. Ek was al ’n paar keer gelukkig genoeg om ’n marmerslang te gewaar. Slange ontlok sulke uiterste reaksies by mense – óf hulle gril hulle dood, óf hulle word geboei. Die marmerslang is seker een van die mooiste slange in Suid-Afrika en heeltemal skadeloos... Ek hoop dit kan dus ’n soort ambassadeur vir hierdie reptiel wees! Dié voorbladgesig het relatiewe groot oë en vertikale pupille, wat hulle deel van die groep katoogslange maak. Hoewel hulle tot sowat 85 cm lank kan raak, is die gemiddelde lengte maar slegs sowat 40-60 cm. Dit maak dit maklik om hulle mis te kyk – veral aangesien hulle vel bruin met dowwe wit kolletjies is. Dis…

Van waar die liefde vir die natuur? Ek was voorheen ’n liggaamlikeopvoeding-onderwyser by ’n hoërskool in Londen, Engeland. Ek het min met wilde diere te doen gekry, buiten op ’n paar safari-vakansies. Op ’n 2004-vakansie het ek besef die lewe gaan oor veel meer as skoolhou en besluit om iets anders te doen. Ek het in 2006 na Suid-Afrika gekom om as vrywilliger by bewaringsorganisasies soos die Trust vir Bedreigde Natuurlewe (EWT) te werk en ’n loopbaan in bewaring na te streef. Ek het saam met navorsers gewerk en vir leeus en luiperds radiohalsbande aangesit sodat ons hulle bewegings en gedrag kon dophou en leer verstaan. Om saam met ander bewaringsgesindes en navorsers te werk het my laat besef wilde diere is my passie. Mense sê“Afrika klim onder jou vel…

ONTMOET DIE SKRYWER In 2005 het die joernalis en skrywer Elkarien Fourie saam met haar man, Tienie, in China gaan woon om vir ’n jaar of twee skool te hou. Hulle het op die ou end amper ’n dekade gebly. Sy het ’n puik memoir en reisboek, Vat jou hele hart – kom saam na die Middelkoninkryk, geskryf wat China se geskiedenis, kultuur en alledaagse lewe vir Afrikaanse lesers ontsluit. As jy ooit China wil besoek, is hierdie boek verpligte leesstof. Elkarien vertel vir ons meer. Wanneer het jy besluit om die boek te skryf? Ek het algaande besef hierdie kultuur is besig om só vinnig te verander en te ontwikkel nadat dit in die vorige anderhalwe eeu ’n laagtepunt bereik het, dat ek die tyd waarin ons daar was,…

Slingsby se Visrivierstapkaart is van onskatbare waarde – veral as niemand in julle groep die roete al gestap het nie. Die kortpaaie, bakens en moontlike kampplekke word aangedui en die afstand-aanduidings is ook meer akkuraat as die merkbakens wat ’n mens in die canyon teëkom (dié bakens word óók op die kaart aangedui). Die agterkant van die kaart bevat die eerste gedetailleerde geologiese kaart van dié oerlandskap. Prys R190 by slingsby-maps.myshopify.com . Kry die lys van ander verskaffers ook hier.…

• KwaZulu-Natal Weavers & Candles vir handgeweefde matte 036 488 1657; kwazuluweavers.com • Kry van kaas tot sjokolade tot brandhout by Cedarwood Village Centre. Oop Maandae tot Saterdae van 9 vm. tot 4.30 nm. en Sondae tot 2 nm. In die sentrum is The Cheese Shop waar jy ’n wegneemkaasbord kan bestel vir R100 met vyf verskillende kase ( 071 125 6790; facedoniacheeseco@gmail.com ) en ook Chocolate Memories vir ’n dekadente sjokfondue of -proe ( 072 310 3376; chocolate memories.co.za)…

Die toer begin in Sentraal-Botswana – by Kubu-eiland op die Makgadikgadipan – en eindig by Kasane-Chobe in die noorde. Dit is nadat ons tot in Namibië se Zambesistreek (vroeër die Caprivistrook) en by die Zambesirivier en die Victoriawaterval gaan draai het. WANNEER? 15-25 MAART 2019 ;14-24 JULIE 2019 HOE LANK IS DIE TOER? 11 dae, 10 nagte HOEVEEL KOS DIT? R15 750 per persoon (verblyf in tente) DIE TOERPRYS SLUIT IN WAARVOOR SORG EK? EK IS ’N AMATEUR... Dit maak nie saak of jy en jou miken-druk nog huiwerig is en of jy al gekonfyt is nie; dié fototoer kan jou vaardighede slyp.…

Feta-entamatiegarnale Vir 6 Voorbereityd 15 minute Gaarmaaktyd 20 minute Ek hou daarvan om my Paasmaaltyd met ’n ligte seekosvoorgereg te begin, veral as die hoofgereg taamlik gewigtig is. Hierdie gereg kan in die oond óf in ’n pan oor die kole gemaak word en is propvol geur en tekstuur. Jy benodig • 2 eetlepels olyfolie • ½ ui, gekap • 1 knoffelhuisie, gekap • vars rissie na smaak, gekap • 200 g rosatamaties, gekap (of gebruik ’n 410 g-blik gekapte tamaties) • 400 g garnale, ontdooi, koppe verwyder en skoongemaak (los die dop en stert aan indien jy dit verkies) • sout • gemaalde swartpeper • 2 wiele feta • ’n hand vol vars pietersielie, gekap Só maak jy 1 Verhit die olie in ’n pan en roerbraai die ui, knoffel, rissie en tamaties daarin totdat dit prut en die…

NOU TE KOOP! Meer as 100 toeganklike resepte met houding! Dit was nog nooit so maklik om jou geliefdes te beïndruk nie! JOHANÉ NEILSON is die kosredakteur van die gewilde tydskrif Tuis | Home. As kosskrywer en -stilis ontwikkel sy al meer as 10 jaar lank smullekker resepte wat boonop maklik is om te maak en indrukwekkend lyk wanneer dit voorgesit word. Johané strewe daarna om kookkuns toeganklik te maak en haar lesers iets te leer én te inspireer. Beskikbaar by alle goeie boekwinkels of koop aanlyn by takealot.co.za.…

DAG 1 Ons avontuur begin in Himeville, KwaZulu-Natal, waar ons by die Stone House Cafe bymekaarkom. Die res van die dag bring ons in die voertuie deur met ’n rit teen die ontsagwekkende Sanipas uit. Nadat ons deur die Suid-Afrikaanse grenspos is, eet ons ’n piekniekmiddagete en kruie op ons tyd teen die pas uit. Op die kruin gaan ons Lesotho binne. Ons blyplek vir die nag is die knus Sani Mountain Lodge op die rand van die Drakensberg. Die lodge bied verruklike uitsigte oor KwaZulu-Natal. DAG 2 Ons roete na die Katsedam neem ons oor die hoogste paaie in Suider-Afrika. Ons steek die Senqurivier oor (wat die Oranjerivier word wanneer dit Suid-Afrika binnegaan). By Katse bly ons in huise met ’n uitsig oor die dam. Ons eet aandete in…

SO SLIM SOOS ’N… KRAAI? Hoe slim is voëls? Almal weet ’n voëlbrein is so groot soos ’n grondboontjie. Sekerlik is ingewikkelde goed soos wiskunde, spraak, geheue en gesigsherkenning ver bo hulle intelligensievlak? Dalk moet ons vra: Hoe meet ’n mens intelligensie? ’n Hofsanger wat elke jaar dwars oor die planeet vlieg om weer by dieselfde bossie in onderskeidelik Siberië en Suid-Afrika uit te kom of die besluit wat ’n valk in ’n oogwink neem wanneer hy teen 350 km/h vlieg... Sulke talente moet sekerlik tel. Maar selfs met menslike intelligensietoetse is daar een groep voëls wat slimmer is as al die ander: die Corvidae-spesies , soos kraaie en rawe. Kraaie maak ingewikkelde gereedskap uit blare en stokkies. Hulle het gereedskapstukke om verskillende stukkies prooi uit allerlei…

OP SOEK NA ’N ‘PICATHARTES’ IN DIE KAMEROEN Al ooit van ’n picathartes gehoor? Dis een van die ontwykendste Afrika-voëls om op jou lys af te merk. Daar is min bekend oor dié bedreigde voël wat net in die reënwoude van Wes- en Sentraal-Afrika voorkom. (’n Mens spreek dit uit pieka-thaar-ties en hy word ook soms ’n rotsvoël genoem omdat hy modderneste op rotswande in die woude bou). Daar is net twee spesies in die Picathartidae-familie: die witnek- en grysnek-picathartes. ’n Mens kan die grysnek-picathartes in die Korupnasionale park in die Kameroen te siene kry. Ek was onlangs daar op vakansie om dié voël en ’n hele rits ander ongelooflike spesies wat ek nog net in dokumentêre natuurfilms gesien het te gaan soek. Die Kameroen het…

DANKIE, BYE  Ten minste ’n derde van die kos wat ons eet, is te danke aan die harde werk van bye! Bye bestuif blomme wanneer hulle van een blom na ’n ander vlieg om nektar in te samel en daarsonder sal daar nie vrugte of sade wees nie. DAAR IS 2 SOORTE BYE Kaapse bye en Afrika-bye. Die Kaapse bye is besig om Afrika-bye te verdring en dit is nie ’n goeie ding nie: Afrika-bye is taaier en beter daarmee om plante te bestuif. Hierdie is ’n Afrikaby. Hulle onderlyf is meer geel as die Kaapse by s’n. HELP!  Bygetalle neem af. Ons byspesies word bedreig deur vernietiging van die natuurlike omgewing, siektes van ander lande en die gebruik van insekdoders om oeste te beskerm. Kontak sabio.org.za  as…

Bring jou fiets saam vir ’n aktiewe gesinsuitstappie in die Kaap. Die Kaapstadse munisipaliteit wil van die stad ’n voorste fietsrybestemming maak en een van die inisiatiewe is ’n fietsryroete van byna 6 km tussen Big Bay naby Bloubergstrand en Melkbosstrand. Dié roete volg ’n fietsbaan langs die M14-kuspad wat met ’n randsteen van die padverkeer geskei word. Die baan is 3 m breed sodat fietse in albei rigtings kan ry. Die baan is ’n verlenging van die bestaande fietsroete – dié met langer asems kan die hele 40 km-roete ry. Hou by Big Bay stil en ry tot in Melkbosstrand (dis 5,85 km tot daar) vir ’n laatontbyt of koffie voordat julle weer terugry. Of pak eetgoed in ’n rugsak en hou by die Blaauwberg-natuurreservaat stil vir ’n piekniek…

Met Venus wat binnekort in die gloed van die Son gaan verdwyn en Mercurius wat vinnig kom gesig wys, kry ons in die eerste twee weke van Oktober die geleentheid om al vyf die planete wat met die blote oog sigbaar is, gelyktydig te siene te kry. Mense het al sedert antieke tye opgelet dat die patrone wat deur die sterre gevorm word, onveranderd bly, maar dat daar vyf “swerwers” (die Griekse woord vir planete) is wat langs ’n strook rondbeweeg. Vandag weet ons dié strook, bekend as die ekliptika, is dieselfde pad waarlangs die Son en Maan ook beweeg. Die afgelope maand of wat al kon ’n mens Venus, Jupiter, Saturnus en Mars sien (sien “Sterreweg”, Weg #166), maar vir ongeveer twee weke in Oktober is…

TOT SIENS, PLASTIEKSTROOITJIES! Wanneer jy klaar jou melkskommel gedrink het en die plastiekstrooitjie weggooi, dra jy by tot een van ons planeet se grootste uitdagings: plastiekbesoedeling. Die Verenigde Nasies se Omgewingsprogram (UNEP) skat dat daar teen die huidige besoedelingstempo teen 2050 meer plastiek in die see gaan wees as visse. Dis egter maklik om ’n verskil te maak: Al meer mense en winkels begin nee sê vir plastiekstrooitjies. En maatskappye soos The Bamboo Project bied omgewingsvriendelike alternatiewe soos bamboesstrooitjies wat meer as een keer gebruik kan word. Bamboes is liggewig en duursaam en jy kan die strooitjies weer en weer gebruik as jy dit oppas. Wanneer dit tyd is om die strooitjies te vervang, kan jy dit knip en by jou kompos gooi – dit is bio-afbreekbaar. Die ouens van…

• Gee ons ons daaglikse brood, verkieslik van Valley Bakery. Die organiese meel se oorsprong is die plaasmeule, en als is vars gebak. Sit aan vir ontbyt of middagete by die koffiewinkel en kunsgalery. Oop weeksdae 8 vm. tot 5 nm. en Saterdae tot 2 nm. Sondag gesluit. 036 468 1257; valleybakery@plantkar.co.za • By Common Ground buite Winterton op die R600 kan jy by Ady-Queen of Tarts Eatery (Ady Walters is ’n plaaslike kosghoeroe 082 613 3139) ’n kafeïenstop maak, vashaak by die Pickled Pot se konfyte en goed, boeke koop by Pat’s Book Nook, en weglê by die Portuguese restaurant The Black Scabbard ( 078 623 9126). • Net so ’n entjie verder is Waffle Hut and Pizzas waar jy elke dag van 8 vm. tot 4.30 nm. kan…

LESER VERTEL ZANIA VILJOEN Beroep Kommunikasiepraktisyn Tuisstad Nelspruit Indien ons vooraf verstaan het presies wat ’n via ferrata is, sou ons seker nie só gewillig saam met twee onbekende Italiaanse studente dié deel van die Alpe ingevaar het nie. Dankie tog vir ons onkunde, want anders het ons ’n wonderlike ervaring misgeloop! Ek en ’n vriendin, Tania de Jongh, het in Julie verlede jaar na die noorde van Italië gereis. Die aanvanklike plan was om die Tour du Mont Blanc te stap – ’n 170km-sirkelroete rondom dié Mont Blanc-bergreeks deur Italië, Switserland en Frankryk. Maar ons tyd was min en ons was te nuuskierig oor die res van Italië. Op die ou einde het ons ’n paar dae aan die voet van dié berg gekamp en die omgewing en ook…

HOEKOM? Ons plaas elke maand ’n keur van lesersfoto’s. Moenie skaam wees nie – krap ’n bietjie daai foto’s uit wat jy op jou rekenaar opgaar en stuur hulle vir ons! WAT? Ons hou van omtrent enigiets: natuurlewe, landskappe, portrette, vakansiefoto’s of goggas en blomme in jou tuin. HOE? Stuur jou beste foto’s na menseselense@weg.co.za  Moenie lêers stuur wat groter as 4 MB is nie – as ons ’n groter weergawe soek, sal ons daarvoor vra. Gee die fotograaf se naam, van, tuisdorp en kontaknommer. Stuur ook inligting oor waar en hoe die foto geneem is en watter toerusting gebruik is. As jy die foto op enige manier gemanipuleer het, vertel ons wat jy gedoen het. DIE FYNSKRIF Ons behou die reg voor om jou foto’s elders in…

1 The Braai Tool Dié slim uitvindsel is die breinkind van Sebastian Bosman, wat die idee gekry het terwyl hy aan die Kaapse Skiereiland Universiteit van Tegnologie studeer het. Dis vyf braai-implemente in een: tang, eierspaan, mes, vurk en botteloopmaker. Eintlik ses, want die twee halwes saam vorm slaailepels. Die geheim is die gepatenteerde magnetiese skarnier: Pas die twee rooshouthandvatsels op mekaar en dit vorm ’n braaitang. Trek die handvatsels weg van mekaar af en hulle doen al die goed wat ons hierbo noem. R400 by braaitool.com 2 Lumela Afrikablikbeker Hierdie puik beker word handgemaak by ’n werkskeppingsprojek in Gauteng deur inwoners van Sharpeville, Sebokeng en Orange Farm. Onder die porselein is hoëgraadstaal en die hele ding is teen ’n hoë temperatuur gebak, wat beteken jy kan dit…

TUINROETE /BAVIAANSKLOOF/ ADDO-OLIFANTNASIONALE PARK Volg die olifantmigrasieroetes deur die Knysnawoud, oor die berge na die Baviaanskloof en Addo-olifant- nasionale park. WANNEER? 6-12 Februarie 2019 HOE LANK IS DIE TOER? 7 dae, 6 nagte HOEVEEL KOS DIT? *R14 089 p.p. wat deel TRANS-BOTSWANA Ontdek Afrika op sy wildste saam met Weg en Mpafa Travel – die Makgadikgadipanne, die Okavangodelta, Tsodiloheuwels, die BwaBwata- nasionale park en Mahango-wildreservaat, die Victoriawaterval én die Chobe- nasionale park. WANNEER? • 5-15 Mei 2019 • 28 Junie-8 Julie 2019 • 6-16 Augustus 2019 • 15-25 September 2019 HOE LANK IS DIE TOER? 11 dae, 10 nagte HOEVEEL KOS DIT? * R25 650 p.p. wat deel WAARVOOR SORG EK OP DIÉ TOERE? • Jouself, jou gesin en julle paspoorte • Brandstof • Stoele • Drankies en snoepgoed • Persoonlike toerusting • Grenspostariewe WAAR BLY…

KILIMANDJARO, 56 JAAR GELEDE Jacques Weilbach (79), Strand, vertel: Aan die einde van 1962 het ek pas klaar gestudeer as meganiese ingenieur aan die Universiteit van Kaapstad. Ek en twee vriende, Jan Kruger en Brian Shanley, het die Desembervakansie die 4 500 myl-tog van die Kaap tot in Kenia aangepak in my ou 1200 VW Kewer. Jan se ouers het sowat 120 myl noord van Nairobi geboer. Ons het vyf dae lank gery, onder meer verby die Victoriawaterval, oor die Karibadam se wal, deur die Ngorongorokraterpark, en oor die ewenaar. Jan se tweelingbroer, Paul, en hulle jonger broer Jakob het ’n week later Kenia toe gevlieg. Ons het Kersfees saam met hulle gevier en ek, Paul en Jakob het besluit om Kilimandjaro in die nuwe jaar te klim. Die roete…

“Ek het op hoërskool begin voëlskyk op my eerste reis na die Kurgerwildtuin saam met my gesin. Ons het by Pretoriuskop aangekom nadat ’n veldbrand onlangs die omgewing verwoes het. Met geen soogdiere in sig nie het ons maar voëls gesoek. Sedertdien is ek versot daarop. “Ek werk as ’n IT-spesialis met ’n fokus op die omgewing en voëls. Ek het al verskeie apps en webtuistes ontwerp wat met voëls te doen het, soos die Rare Bird Alert Southern Africaapp (saam met Trevor Hardaker) en Birds of Mauritius-app (saam met Rockjumper Tours en African Bird Club). “Ek was tot dusver gelukkig om al wyd in Afrika te kon reis. Om verskillende voëlspesies te soek is ’n lekker manier om jou op afgeleë wildernisplekke te kry waar jy andersins nooit sou…

Sedert ek in 2015 van Swakopmund af terug na my geboortestad, Windhoek, verhuis het, gaan dit nog net goed met my. Ek het net ’n verkoue gehad, verdwaal toe ek agter ’n toiletpapier-special aangery het en moes op ’n slag vir ’n week lank net mieliepap eet. Soms was daar ’n dingetjie wat amok wil maak, maar dan trap ek dood, draai sy nekkie om en gooi weg. Niks het my nog laat terugverlang (ek probeer nog uitvind na watter plek, indien ek wel moes verlang), prokureurs bel, kontantlenings maak, verbande inspan of sigarette by die kilogram koop nie. Dit was eintlik ’n fees tot dusver. Ek het nuwe mense ontmoet én vriende gemaak. Party het kennisse gebly en ander mag nou by my kom koffie drink en oorslaap. Maar…