Indholdsfortegnelse for March 2020 i Weg!

Onthou jy The Buggles se treffer “Video Killed the Radio Star”? In 1980 het ons op Vrydagaande in die Padvindersaal op my tuisdorp woes los gedans op dié liedjie, min wetend dat dit eintlik ’n nostalgiese aanklag teen snelle tegnologiese vooruitgang was. Dis ironies dat radio 40 jaar later steeds pomp terwyl VHS en Betamax lankal bokveld toe is. Vandeesweek lees ek dat boekverkope wêreldwyd aan die toeneem is – spesifiek boeke wat op papier gedruk word. In die Verenigde State van Amerika is $26 miljard se boeke in 2018 verkoop. Die verkope van digitale boeke was skaars 10% hiervan en is aan die afneem. Daar is wel plek vir albei, maar die gevoel van ’n mooi boek of tydskrif in jou hande moet nooit onderskat word nie. Nie net…

Bel-en-bestel ’n piekniek Almal hou van ’n piekniek, maar nie almal is lus om in Woolies se gange te stap op soek na kase en peuselhappies nie. Bel Dial-a-Picnic. Dié mense pak jou piekniekmandjie(s) vir jou! Ja, van ’n romantiese Valentynspiekniek vir twee tot ’n verlowingspartytjie of verjaardagmakietie. Hulle lewer af binne ’n radius van 25 km van Kaapstad, Durban, Pretoria of Johannesburg af. Koste Vanaf R130 p.p. vir die Titbit-piekniekmandjie. Hulle het ook vegatariese én veganistiese piekniekmandjies teen R230 p.p. Meer inligting dialapicnic.co.za – Kyra Tarr KRY DIE APP Reis met ’n doel Die meeste mense hou daarvan om te reis en die wonderlike mense van ons land te ontmoet. Met die app Pack for a Purpose kry jou vakansies nog meer betekenis. Tik jou reisbestemming in die app…

Marnitz is, soos hulle grappenderwys sê, “mar niks,”maar by dié jolige padstal (wees op die uitkyk vir die geel windpomp) van Henk en Anél Malan gaan jy geholpe raak indien jou maag knor. Biltong en droëwors kos R240/kg en chilli bites R300/kg. Hou stil onder ’n kremetart en maak jou tuis op die stoep. Hier is skoon badkamers en speelplek vir die kinders. Die tuisgemaakte pasteie word saam met skyfies én slaai bedien, en is groot genoeg vir ’n groot aptyt. Die hoenderpastei kos R54 en wildspastei R52. Jy kan ook bevrore pasteie koop en huis toe vat sodat jy eers weer oor ’n week of wat hoef te kook. Burgers en skyfies kos tussen R58 en R79. Roosterkoek met maalvleis kos R50, met kaas en konfyt R25, of sonder…

Azille Coetzee het in 2017 ’n doktorsgraad verwerf in filosofie aan die Vrije Universiteit van Amsterdam. Haar eerste boek, In my vel – ’n Reis, het onlangs verskyn. Sy skryf op ’n verrassende en vermaaklike manier oor haar tyd in die vreemde en bepeins haar Suid-Afrikanerskap in Europa én by die huis. Sy vertel meer. Waar het jou belangstelling in reis en skryf begin? My ma is ’n Frans-onderwyseres wat elke jaar haar geld spaar om ’n tydjie in Frankryk deur te bring. Ons doen dit dus al van kleins af. Maar ek is nie ’n natuurlike reisiger nie; ek is nie nomadies genoeg nie. Wanneer ek reis, hou ek daarvan om terug te gaan na dieselfde stede om hulle opnuut in meer diepte te ervaar. Dis dalk daardie selfde…

HOEKOM? Ons plaas elke maand ’n keur van lesersfoto’s. Moenie skaam wees nie – krap ’n bietjie daai foto’s uit wat jy op jou rekenaar opgaar en stuur hulle vir ons! WAT? Ons hou van omtrent énigiets: natuurlewe, landskappe, portrette, vakansiefoto’s of goggas en blomme in jou tuin. HOE? Stuur jou beste foto’s na menseselense@weg.co.za Moenie lêers stuur wat groter as 4 MB is nie – as ons ’n groter weergawe soek, sal ons daarvoor vra. Gee die fotograaf se naam, van, tuisdorp en kontaknommer. Stuur ook inligting oor waar en hoe die foto geneem is en watter toerusting gebruik is. As jy die foto op enige manier gemanipuleer het, vertel ons wat jy gedoen het. DIE FYNSKRIF Ons behou die reg voor om jou foto’s elders in die tydskrif, op…

Warmbrakke met spek en jalapeño Genoeg vir 4 Bereidingstyd 10 minute Gaarmaaktyd 10 minute In my huis is dit ’n gebruik om Saterdae hotdogs vir middagete te maak. Vir spesiale geleenthede kikker ek egter die broodjies op dié manier op. Ek maak gewoonlik baie van die stroperige jalapeño’s, want dis lekker op alles! Jy benodig • ¼ koppie suiker • ¼ koppie kookwater • 4 ingelegde jalapeñorissies, in skyfies gesny • 4 repe spek • 4 frankfurterworsies van goeie gehalte • ½ koppie roomkaas • 1 wiel feta, gekrummel • ’n bietjie melk • 4 rolletjies, met botter gesmeer Só maak jy 1Verhit die suiker en water saam in ’n kastrol totdat die suiker gesmelt het. Verhit die mengsel tot kookpunt en prut dit vir ongeveer 5 minute. Roer die jalapeñoskyfies by en kook dit tot stroperig. Verwyder dit…

iHandy Carpenter Ongelukkig is dié app nie gratis nie (dis ongeveer R50), maar die vyf digitale toerustingstukke vergoed vir die geld: ’n oppervlakwaterpas, skietlood, gradeboog, liniaal en ’n waterpas. Beskikbaar vir iOS en Android. IFixIt.com Hierdie is ’n uitgebreide aanlynhandleiding met duisende oplossings vir huistake. Kundiges is ook aanlyn, sou jy hulp nodig hê. WikiHow.com Koebaai, YouTube! Hierdie is wêreldwyd die bekendste sómaakmens-webwerf. Jy leer om byna enigiets rondom die huis reg te maak. Houzz.com Dié is Pinterest vir mense wat hulle huis in ’n paleis wil omtower. Roomscan Pro Hiermee kan jy binne minute ’n vloerplan optrek. Net vir iOS-gebruikers.…

FRANSE CAMINO IN SPANJE Wanneer? 3 tot 12 April 2020 Wat? Die Franse Weg is die gewildste van al die roetes op die Camino de Santiago. Op hierdie toer loop jy die laaste sowat 115 km van Sarria af tot by die katedraal in Santiago de Compostela – genoeg sodat jy jou Compostela (jou sertifikaat van voltooiing) kan gaan afhaal. Die roete is nie te moeilik nie en die afstande per dag nooit te ver nie (die kwaaiste dag is 25 km). Beginners is welkom. Weg sê Jy gaan verskeie outentieke Spaanse dorpe langs die pad sien, tradisionele Spaanse kos eet en pelgrims van die wêreld oor op hierdie roete ontmoet. Die laaste dag, wanneer jy die “Berg van Vreugde” (dis eintlik ’n heuweltjie) na Santiago oorsteek, is ’n groot…

* Ons begin in die Krugerwildtuin en reis oos na Mosambiek, oor die magtige Limpopo en die kusvloedvlakte. Die roete neem ons ooswaarts na die dorpie St. Jorge de Limpopo en in die rigting van Machaila. Op pad geniet ons ’n ligte middagete en slaan kamp op op die oewer van die Chefurivier vir die nag. * Vanoggend is ons vroeg op pad en reis na Machaila. Ons vat ’n tweespoorpad en ry steeds ooswaarts na die dorp Mabote, waar ons noord draai in die rigting van Vilankulos. * Soos ons reis, verander die grasvlaktes and woude in ’n smal strandstrook besaai met palmbome. Dié roete neem ons na ’n vissersdorpie reg oorkant die die noordelike punt van die Bazaruto-skiereiland en Inhassoro – ons gaan hier tuis by die Estrela…

REDWOODS ROAD, GROOTVADERSBOSCH Jy gaan nie sommer verby die Grootvadersboschnatuurreservaat ry nie. Dié reservaatjie lê weggesteek in ’n vou van die Langeberg tussen Heidelberg en Barrydale. Hoekom ’n reservaatjie hier in die middel van nêrens? Wel, dié een huisves die laaste stuk inheemse woud in die Langeberg. Hier’s verskeie paadjies deur hierdie klein woud (net 2,5 km²), maar op die sirkelroete, wat die Redwoods Road en Stinkhoutsirkel insluit, verdwyn jy diep in die bos én kan jy in ’n voëlskuiling hoog bo in die blaredak sit. Stap van die ontvangslokaal af na die woud, draai regs op die tweede tweespoorpad by ’n bordjie waarop staan: “Bushbuck Trail / Redwoods Road / Bird Hide”. Skaars drie treë ná die bordjie swenk ’n paadjie links bos-in. Vat hom. Jy’s eensklaps in die…

Waar het jy van die staptog gehoor? Ek het jare gelede die Grand Raid-ultramarathon op die eiland voltooi. Dele van die 162 km-roete het die GR R1-voetpad gekruis. Die resies was fantasties, maar ek het ná die tyd gevoel die eiland se natuurskoon verdien meer aandag. Dis moeilik om jou omgewing in te neem wanneer jy mooi moet kyk waar jy trap, of wanneer jy die langste stuk van die marathon eers in die aand klaarmaak. Dié keer wou ek teruggaan om in die dorpies rond te drentel, kaas te eet en wyn te proe! Wat was die hoogtepunt? Die dag waarop ons Piton des Neiges geklim het, het ons vroeg opgestaan om die spits teen sonopkoms te bereik. Die eiland se hoogste piek (3 070 m) het ’n asemrowende…

Thanks for the Dance deur Leonard Cohen R70 op Googe Play Store Drie jaar ná Leonard Cohen (1934-2016) se dood is sy miljoene aanhangers onlangs verras met ’n postuum album, Thanks for the Dance. Cohen se 15de album is voltooi deur sy seun Adam, wat ook saam met hom gewerk het aan You Want It Darker (2016). Die 9 snitte, skaars 29 minute lank, is ’n totale meesterstuk. Van die openingsnote van “What Happens to the Heart” tot die laaste versreël in “Listen to the Hummingbird” (“Listen to the hummingbird / don’t listen to me”) voel dié album soos ’n kosbare geskenk uit die graf. Adam het met die musiekverwerkings van die halfvoltooide liedjies en lirieke ’n album samgestel waarop sy pa trots sou wees. Wat ’n voorreg om die…

Jy kan volgende maand ’n Weg- kamerasak ter waarde van R520 wen! Enige fotograaf wat sy sout werd is, sorg dat sy toerusting beskerm word. Jy kan jou kamera en lense veilig hou in hierdie sak van seil met ’n sagte binnevoering. Een gelukkige Weg-leser kan volgende maand só ’n sak wen. Hoe? Stuur eenvoudig jou beste reis- en natuurfoto’s na menseselense@weg.co.za – ons kies die wenner, wat dan in “Mense se lense” gepubliseer word. Dié produk is beskikbaar by winkel.weg.co.za…

Almal van ons hou van ’n lekker worsie... of dit nou boerewors, varkwors of iets meer uitheems is. Dis ’n goeie manier om vleis en speserye bymekaar te bring. En of die wors sterk, gerook of gestoom is, is daar ’n wyn wat dit kan komplementeer. Maak seker die wyn het ’n redelike mate van suurheid aangesien die meeste wors nogal vetterig is. Hier is ’n paar voorstelle: Klassieke Suid-Afrikaanse boerewors bevat geurige eerder as sterk speserye. Ewenaar koljander en swartpeper met Riebeek Cellars Shiraz (R75) – dit pas by omtrent enigiets wat jy braai. Die sagte, rokerige swartvrugtegeure met ’n tikkie vanielje is lekker by enige soort wors saam met ’n verpligte bakkie blatjang of chakalaka. Die meeste mense dink rooiwyn is die beste pasmaat vir kaas, maar daar…

1 Ni-Glo Glowstick Hierdie klein selfherlaaibare gloeistok werk met sonkrag en help jou gou om jou sleutels in die donker te vind. Jy kan dit ook aan jou rugsak vasknip, of aan jou hond se leiband. Óf aan jou tentritssluiter as ’n nagliggie. R100 by adventureinc.co.za 2 LED Lenser K4R Hierdie is ’n goeie sleutelringflitslig. Hy is taai en waterbestand en bied 60 lumens lig oor ’n radius van 10 m. Die battery hou omtrent ’n uur en ’n half. Jy kan dit met ’n USB-kabel herlaai. R310 by Cape Union Mart 3 PicQuic Stubby Dié is dalk die beste klein katoeter ooit! Jy kry ses skroewedraaierpunte en ’n magnetiese skag. Dis kompak en goedkoop. R140 by Trappers 4 Baladeo Barrow Keychain Knife Al is dié dingetjie piepklein, het hy…

VIA FRANCIGENA (DIE LAASTE 100 KM) Die Via Francigena is Italië se weergawe van die Camino de Santiago. Die hele roete strek oor meer as 2 000 km, maar met dié pakket spring jy weg in Viterbo en stap jy die laaste 112 km – ver genoeg dat jy jou Testimonium (sertifikaat) by die Vatikaan in Rome kan gaan afhaal. Wanneer? Jy kan jou pakket vir enige tyd in Augustus 2020 bespreek. Wat kos dit? R27 500* p.p. wat deel Wat sluit dit in? Toer van agt nagte, retoervlugte tussen Johannesburg en Rome, alle verblyf, ses nagte op die Via Francigena (en suite-hotelkamer, ontbyt en die vervoer van jou sak na die volgende oornagdorp is ingesluit). VIA FRANCIGENA (VAN SAN MINIATO TOT SIËNA) Op hierdie deel van die Via Francigena…

Die tierende Suidooster pluk aan my motor die oggend toe ek Kaapstad uitry. Dis ’n vreemde tyd van die jaar vir sulke onweer. Met kneukels wit om die stuurwiel probeer ek die gedruis van die wind met musiek verdryf en my gedagtes dwaal na die paar dae op van Suid-Afrika se voorste wynplase wat voorlê. ’n Bietjie opleeswerk vóór my vertrek vertel dat Robertson ’n eeu gelede danksy ’n ander bron rykdom geniet het. Die dorp is in 1853 gestig en genoem na ’n NG dominee, ene dr. William Robertson, wie se gemeente ook Swellendam en die omliggende gebiede ingesluit het. In daardie dae was die inwoners meestal wamakers en bestaansboere, maar ná die Anglo-Boereoorlog het dinge verander: In Europa was dit skielik hoogmode vir vroue om ’n pluimveer in…

VISCACHA Viscachas hou hoog in die berge van Suid-Amerika. Hulle lyk soos hase, maar het bene soos ’n kangeroe en ’n stert soos ’n eekhoring. Die sterk agterbene help die dier om teen hoë kranse van klip tot klip te spring. Sy dik pels beskerm hom teen ysige bergwinde. QUOKKA Die quokka is ’n buideldier (soos die kangeroe), maar net so groot soos ’n huiskat. En hy glimlag heeltyd! Quokkas kom op die Rottnest-eiland wes van Australië voor. Hulle kan goed klim en leef van gras en blare. Nadat die quokka geëet het, bring hy sy kos op, kou dit nog ’n keer en sluk weer – dit help dat hy alle voedingswaarde uit sy kos kry. VEELVRAAT Die vreesaanjaende veelvraat woon in die ysige Noordpoolwoude. Sy pels bestaan uit…

Hoekom spoeg sekere slange? Dis eenvoudig: selfverdediging. Die slang probeer om gif in sy aanvaller se oë te kry. Dit veroorsaak tydelike blindheid wat Ta kans gee om weg te kom. Die rinkhals is bekend vir sy spoegvermoë. Wanneer hy bedreig voel, lig hy sy lyf van die grond af en maak sy kop bak sodat die twee wit strepe op sy bors sigbaar word. Dan gooi hy blitsvinnig sy kop vorentoe en spoeg. Ander bekende spoegslange sluit in die sebraslang en swartspoegkobra; albei kom voor in die suide van Namibië. Die Mosambiekse spoegkobra (foto bo) maak ook bakkop as hy bedreig voel, maar daar was al gevalle waar hulle mense sonder waarskuwing uit ’n skuilplek pik. Slange se spoegaksie is ingewikkeld. Ander giftige slange soos die mamba of boomslang…

Swim Wild deur Jack Hudson Yellow Kite, R200 by loot.co.za Jack, Calum en Robbie Hudson is drie broers wat gereeld die stadsgedruis verruil vir oopwaterswem in ongerepte en dikwels gevaarlike plekke. Hulle staan bekend as die Wild Swimming Brothers. Swim Wild, geskryf deur Jack en met bydraes van sy twee broers, is ’n lywige boek vol avontuur en inspirasie. Dit begin met ’n dramatiese Noordpoolekspedisie waartydens hulle die Saltstraumen in Noorweë – die wêreld se sterkste draaikolk – aandurf. Hulle het net 12 minute se swemtyd voordat die maalstroom sy gang gaan en ’n nietige mens tot ’n diepte van 200 m in 3 sekondes kan insluk! Te midde dié fisieke uitdaging vind Jack rustigheid: “My mind had found the stillness that we swimmers treasure. It’s that sweet…

Trompie deur Topsy Smith Afrikaanse Pers-Boekhandel, 1950 Trompie-omnibusse by takealot.com , R135 Omtrent 30 km van Johannesburg af lê die dorpie Kwaggaberg. Dit is ’n pragtige boomryke plekkie aan die voet van die berge. Reisigers op pad na Johannesburg jaag vinnig met hulle blink motors deur die dorpie. Volgens hulle is dit ’n mooi plekkie, maar stil, afgeleë... dood. Min weet hulle! Min weet hulle dat in hierdie einste Kwaggaberg wat net aan Johannesburgers bekend is om die mooi natuurtonele, woon... Trompie! As ou inwoners van die dorpie hoor hoe smalend reisigers wat by die hotel oornag, praat van Kwaggaberg wat dan kamtig so stil en dood is, dan skud hulle net kop, kyk geheimsinnig na mekaar en sê met ’n sug: “Ja, maar die arme skepsels…

Leatherman Crunch Hierdie katoeter kan sy man staan in die kampterrein, maar kan ook ingespan word vir take rondom die huis. Hoewel dit kompak is (net 10 cm lank), bied dit ’n opvoubare knyptang en 10 stukke toerusting wat kan sluit. Die Crunch het vier verskillende skroewedraaiers, ’n metaal- en houtvyl, draadstropers, ’n draadsnyer, twee verskillende knyptange en ’n nuttige getande mes. Dis taai en duursaam. R2400 by Kloppers Cape Union Mart Scout Jy sal nie ’n beter mesmoertang vir R400 koop nie. Hierdie een is kompak, stewig en weeg net 235 g. Daarby bied dit 10 funksies insluitend ’n knyptang, ’n snylem, ’n saag en, belangrik, ’n ordentlike mes van 6,5 cm. Die Scout is ideaal vir iemand wat pas ’n kamptoerustingversameling begin. R400 by Cape Union Mart PicQuic…

Wanneer? 28 September tot 9 Oktober 2020 Wat? Die Kumano Kodo word as Japan se Camino beskou en dié antieke pelgrimstog, wat sedert die 10de eeu deur pelgrims gestap word, het ’n amptelike verbintenis met hierdie eeue oue pelgrimsreis in Spanje. Stappers wat reeds die Spaanse Camino afgelê het, kan aansoek doen om ’n spesiale sertifikaat in Japan. Maar enigiemand kan kom! Dis nie ’n verpligting dat jy voorheen die Camino moes stap nie. Weg sê Spaar gerus – dis epies! Die totale pelgrimsreis is “net” 69 km, maar moenie dit onderskat nie. Beginners is welkom, maar jy sal moet bulte oefen voor jou reis. Prys R46 500* p.p. wat deel Wat sluit dit in? Vlugkaartjies, alle verblyf (vyf nagte op die Kumano Kodo, 2 nagte in Kioto en 3…

ABRAKADABRA Iewers tussen Philippolis en Springfontein sit ek in ’n skrapse skaduwee. Dis omtrent halfdrie die middag en die kraaie gaap. Hier heers ’n stilte soos ’n mens net in die Karoo kry... Ek is stoksielalleen en verveeld. En toe sien ek ’n beweging in die yl boompie bo my en trek die verkyker nader. Eina! Die swart rubber van die ding brand my oogbanke, maar net vir ’n oomblik. ’n Draaihals gluur my aan waar hy byna verbloem teen die bas klou. Hy is meer produktief as ek in dié hitte, en is aan die opdos. Elke veer word gekam, getrek en dan weer in posisie geskud. En hoe langer ek kyk, hoe mooier raak daai veertjies. Van ver af lyk ’n draaihals maar vaal en effekleurig, maar kyk…

Ek en my twee broers was in die koshuis in Pietersburg (nou Polokwane), ’n goeie 350km en ’n grenspos ver. Saam met ’n hand vol niggies en neefs het ons net elke drie maande huis toe gekom. Wanneer jy só lank uit jou tuisdorp weg is, is dit maklik om met jou terugkeer te voel jy het nie wortels nie. Dinge kan verander in jou afwesigheid. Ek het begin lysies maak van dít wat konstant gebly het, soos sekere winkels waar ons verbygery het op pad Serowe toe, of die aantal bek-enklouseerhekke waardeur ons moes ry, en ’n paar gunsteling- semausu’s (klein kiosks). Dié lysies van bekende gesigte het my gouer laat tuis voel. Jare later, as volwassene wat in Johannesburg woon en werk, het hierdie rituele selfs belangriker geword.…