Indholdsfortegnelse for Weg Namibie 2025 i Weg!

Wat is die welwitschia se behoud? Hoe verstaan ’n mens dat hierdie hoop verrinneweerde kartels leef? Stééds leef – moontlik reeds vir vyf eeue? My eie aardse hierwees is te vlietend om hierdie wonderplant se stagnante bestaan te kan begryp. Dis sulke tye dat Namibië onder my vel inkruip. Hierdie plek waar alles voortdurend verweer, maar nooit vergaan nie. Waar jy jou idee van wat ’n seisoen is, van hoe tyd werk, moet laat vaar. Want ’n droë winter kan vir ’n dekade aanhou, en ’n ganse somer se storms kan hulleself in ’n paar weke leeg woed. Toe ek einde laasjaar soontoe is, was die land beendroog. Al vir hóé lank. In Etosha het dit naderhand so warm geword dat iéts moes meegee. Toe donderweer dit eensklaps, en die…

Jy koop vir oulaas padkos by die Spar in Lüderitz, maak jou bakkie se brandstoftenk en ’n paar waterkanne vol, strop sakke hout op die dakrak vas en sluit dan aan by die konvooi wat noord uit die dorp mik. Vir die volgende paar dae sien jy nie ’n winkel, verkeerslig óf kennisgewing op jou selfoon nie. Koebaai, beskawing! En: hallo, woestyn! Gewoonlik mag ’n mens nie verby Lüderitz se Agaatstrand verken nie, want van hier af verder noorde toe strek ’n myngebied. Maar ook: een van die wêreld se grootste sandputte – die legendariese Namibwoestyn. Albei verbode vir Jan Publiek. Gelukkig is daar ’n troefkaart wat jou toestemming gee om verder te ry: Rudolf Dausab is die konsessiehouer vir ’n kusgebied van sowat 60 km (soos die kraai vlieg)…

Jy kan Lüderitz se toerismetrekpleisters omtrent op jou een hand se vingers tel – die Felsenkirche, Goerke-huis en ander ou Duitse geboue, die Bogenfels-rotsformasie, Kolmanskopmyndorp... Tog is dit besienswaardighede wat jy net in dié afgeleë kusdorpie sal aantref. En nou spog die dorp ook met die land se eerste museum wat spesifiek fokus op alles wat met die Atlantiese Oseaan te make het. Die Namibiese Maritieme Museum (NMM) in ’n ou kragstasie in Diasstraat het in November verlede jaar sy deure oopgemaak. Die museumkurator, Eino Ngesheya, verduidelik dat die gebou self geskiedkundig is: “Dit dateer uit die Duitse koloniale era. Nadat diamante in 1908 by Kolmanskop ontdek is, is daar besluit dat die dorp elektrisiteit nodig het en hierdie kragstasie is in 1911 gebou. Destyds was dit een van die…

Toe my ma, Phia (78), hoor ek gaan vir ’n maand Namibië toe om artikels in te samel, wil sy dadelik saamry. “Dis láng dae op die pad,” waarsku ek. “Dis niks. Ek vat my breiwerk,” sê die bejaarde tante. “Ons gaan gereeld moet kamp, nè? In sand,” probeer ek die ongerieffaktor weer beklemtoon. “Ek skrik nie vir sand nie.” Ek gun haar die trippie. Sy was in 1971 laas in Namibië toe sy en my pa as jong verloofdes saam met sy ouers van Caledon in die Overberg reguit noorde toe gemik het – tot in Etosha, en terug. Die res van die land het sy nog nie beleef nie. Ek begin lys al die mooi dinge wat ’n mens per motor kan bereik. Maar saam met die reisplan…

PARKTARIEWE Namibië se (heelwat!) nasionale parke word almal deur die ministerie van omgewing, bosbou en toerisme bestuur; dus geld dieselfde tariewe bykans oral. Tans betaal SAOG-lede R100 p.p., R50 per kind jonger as 16 jaar en R50 per voertuig (met tien sitplekke of minder) in die |Ai|Ais-, Etosha-, Namib-Naukluft-, Dorob-, Waterbergplato- en Skedelkus- nasionale park, Sperrgebiet en die Kaap Kruis-reservaat. By die nasionale parke BwaBwata, Mudumu, die Khaudum, Nkasa Rupara, Mangetti, en die wildparke Popa-waterval, Daan Viljoen, Hardap, Naute en Von Bach is die parktarief R70 p.p., R30 per kind en R50 per voertuig. Onthou dus om ook vir dié bedrae per dag te begroot wanneer julle in ’n nasionale park oornag. KRY ’N KAART! NAMLEISURE Met ’n NamLeisure-kaart kry Suid-Afrikaners 25% afslag op Namibia Wildlife Resorts se blyplekke (kamp…

Járe gelede, met die internet nog in sy kinderskoene, kom ek op ’n artikel oor die OvaTjimba-bevolking af. Sogenaamde wilde mense wat diep in die Kaokoveld se Baynes- en Otjihipaberg woon. Volgens hulle donkerder gelaatskleur, stewiger liggaamsbou en kleiner hande en voete, ’n eiesoortige groep – verwant tot, maar definitief anders as, die OvaHimba en die OvaHerero. Hierdie mense leef steeds soos in die Steentydperk en gebruik die sap van die vetstam pylgifplant (Adenium boehmianum) vir die jag van wild. Tot in die sestigerjare was hulle bestaan vir baie maar net ’n legende. Droomstories saans rondom die vuur. Maar op ’n dag kom twee voedingkundiges, bygestaan deur die Nasionale Museum van Namibië, egter op ’n groepie jagter-versamelaar Tjimbas af waar ’n man, ene Kaupatana Tjambiru, wys hoe hy ’n bok…

Foto’s van hierdie verlate diamantdorp is bekend vir tonele van die woestyn wat soos golwe deur die huise se gebarste mure en stukkende vensters spoel. Binne-in is vertrekke vol sand, deure wat afskilfer, vensterrame wat skeef hang en eens helder mure nou verbleik deur die son. Stilte hang swaar oor dié plek, en word slegs onderbreek deur die sagte geruis van sandkorrels wat onophoudelik voortvreet… Hier is lankal nie meer meubels, motors, winkels of tuine nie. En behalwe vir ’n rooijakkals of twee, ook geen inwoners nie. Kolmanskop se kortstondige maar weelderige bestaan was heeltemal afhanklik van blink klippies. En toe dié opdroog, het die wind die inwoners ook elders heen gewaai. Die ontstaansjare August Stauch was ’n 30-jarige Duitser van Turinge met ’n gesondheidsprobleem. Stauch het as landmeter vir…

BEKOSTIGBAAR BEKOSTIGBAAR (Sien bl. 10) SKEDELKUS EN HENTIESBAAI 1 St Nowhere Spa and Campsite Hierdie oord en visvangkol is sowat 110 km noord van Henties. Kamp vanaf R910 p.n. vir 5 mense. Kamp met ’n see-uitsig: vanaf R1 040 p.n. vir 5 mense. Gemeenskaplike ablusieblok met warm storte en spoeltoilette. Staanplekke teen die see met ’n private badkamer en windskerm is R1 290 p.n. vir 5 mense. Alle staanplekke het ’n kragpunt. ’n Selfsorg-bungalow met slaapplek vir 4 is R1 940 p.n., een met slaapplek vir 6 is R2 780 en ’n bungalow met plek vir 10 is R3 890. Die bungalows het die nodigste, maar jy moet jou eie braairooster en beddegoed bring, of beddegoed huur – vra as jy bespreek. Die kiosk verkoop basiese benodigdhede. Hier is nie…

G’N TJOPPIES OOR DIE ROOILYN NIE! Die sogenaamde Rooilyn wat oor die breedte van Namibië loop, dateer uit die 1960’s toe die noorde van die land se buffels met bek-en-klouseer besmet was en die siekte ook na ander vee versprei het. Dié veeartsheining is steeds in plek en verhoed dat vleis en ander diereprodukte uit die noorde na die suide en ook plekplek van wes na oos “gedra” word. Daar’s beheerpunte waar die Rooilyn groot paaie kruis en by só ’n padblokkade sal jy jou Coleman moet oopmaak en soms ook jou motor deur ’n diptrog met ontsmettingsmiddel ry, asook jou skoensole in ’n vlak badjie daarvan doop. Dis wet – moenie met die ouens stry of steaks onder jou noodwiel probeer wegsteek nie.…

NOODSAAKLIKE PAPIERE PASPOORT Dit moet vir nog ses maande of langer geldig wees ná jou vertrekdatum uit Namibië en moet minstens twee skoon bladsye hê. SERTIFIKATE Kinders jonger as 18 moet ’n oorspronklike, volledige geboortesertikaat hê behalwe as hulle ’n nuwe paspoort het wat hulle ouers se name lys. RYBEWYS Jou Suid-Afrikaanse een is geldig in Namibië – hou dit byderhand. VOERTUIGREGISTRASIEDOKUMENTE Dit moet oorspronklike dokumente of gesertifiseerde afdrukke wees. Onthou ook die dokumente vir jou sleep- of woonwa. MAGTIGINGSBRIEF As jy nog aan jou kar afbetaal, moet jy ’n brief van die bank hê wat jou toestemming gee om die kar oor die grens te neem. Indien jy iemand se ryding leen, moet jy ’n getekende toestemmingsbrief van daai persoon kry. Dié brief moet die kar se registrasienommer, die…

DIE GROOT DORS Pieter Venter, Bryanston bryanston_safaris Ek het hierdie foto in Oktober 2024 in Etosha by die Ozonjuitjs m’Bari-watergat neffens die Charl Marais-dam geneem en dit bly een van my gunstelinge. Wanneer ’n mens by só ’n drinkplek opdaag, lyk dit aanvanklik net na ’n mengelmoes van diere wat almal na dieselfde ding op soek is – lewegewende water. Maar hou hulle ’n rukkie dop en jy sal gou agterkom dat daar ’n volgorde is waarin die spesies naderstaan om te kom drink. En sommige is ook deurentyd op die uitkyk vir roofdiere terwyl hulle maters hulle dors les. DAAI VISRIVIERGEVOEL Viola Husselmann, Swakopmund viola_huss_photos In Mei verlede jaar het ek my op die Visriviercanyon-staproete begewe. Dit was ’n persoonlike toets in deursettingsvermoë en selfgeloof. Dit was van meet…

Ná ’n twee weke lange wegbreek is dit tyd om die pad huis toe aan te pak. Vir my en my verloofde, Sam, beteken dit nóg ’n voldag agter die stuurwiel. Dis immers die prys wat ’n mens betaal vir ’n ryvakansie deur Namibië – hier lê die ooptes tussen bestemmings wýd. Gister het ons van Lüderitz af tot in Keetmanshoop gery en vandag mik ons verder suid. Die volgende dorp langs die B1 is Grünau, ’n gewilde oorslaapplek 140 km van die Noordoewer-grenspos af. Kom jy met dié roete langs uit Suid-Afrika aan, is Grünau die eerste teken dat jy nou behoorlik in Namibië is. Maar met die terugkeer beteken Grünau dat ons trippie so amper-amper iets van die verlede is. Ons voel egter nog nie klaar met die…

DOENDINGE Green Market As jy op ’n Saterdag in Windhoek is, is dít die plek waar jy wil wees! Dis ’n klein maar lewenslustige saamtrek van verskeie kulture, met van vars groente tot tuisgemaakte velsorgprodukte, konfyte, tradisionele rokke, mandjies en juweliersware op aanbod. Besoekers kan ook aan plaaslike kaassoorte en Italiaanse disse smul en onverbeterlike sauerkraut en rissiesous aanskaf. Die Green Market Fundraising Café verkoop ontbyt. Elke week kry ’n ander maatskaplike of gemeenskapsprojek ’n kans om sy fondse op dié manier aan te vul. Waar? Dr. Kenneth David Kaundastraat 3, Klein Windhoek Oop? Elke Saterdag van 7.30 vm.-12.30 nm. Uncle Spike’s Book Exchange Boekwurms kan úre lank hier deurbring. Uncle Spike’s is een van daardie winkels waar die boeke tot teen die plafon gestapel staan. As ’n mens eers…

Die seepkissie van sosiale media is vir meestal twee soorte mense ’n wonderlike plek: Daar’s die vitterige ouens wat alewig redes soek om te kla. En dié wat min gepla is en net wil verkondig hoe wonderlik alles is. Selfs wanneer dit nie is nie. Die een se opinie moet jy altyd met ’n knippie sout neem; vir die ander een moet jy die soutpotjie eenvoudig net aangee, want self gaan hy nie daarvoor vra nie. En tussen dié twee groepe se uitsendings oor die toestand van Etosha, is dit moeilik om werklik agter die kap van die byl te kom. Onlangs skryf ’n oorsese toeris op Facebook: “The roads are in a very bad condition with enormous potholes. During our stay it filled up with rainwater. I would say…