Indholdsfortegnelse for October 2024 - January 2025 i Baba & Kleuter

Daar is twee skooljare wat mens nooit vergeet nie: graad 1 en matriek. Die tien jaar in die middel word gou ’n moeras van herinneringe, maar die eerste en laaste jaar se herinneringe bly vir ewig helder. Of so voel dit vir my. Ek onthou dat ek op my eerste skooldag kaalvoet gegaan het. Ek was baie opgewonde. Die ma’s het in ’n groot kring gestaan en gesels en ek het dwarsdeur die middel gehardloop. Ek kan nou nog die parfuumreuk onthou! As ek nou so na ons skoolgereedheidartikels kyk, dan dink ek graad 1 was beslis in die ou dae makliker. Wat die kinders nie alles moet weet nie, en dit nog voor hulle begin?! In my dae het ons baie geverf, baie gespeel, baie stories geluister, legkaarte gebou…

JOU FOTOBLAD E45 het pas ’n gesigreeks bekendgestel. Die volledige reeks is te kry by Clicks, Dis-Chem en onafhanklike apteke. Wen alles op die foto: die leersakkie, E45 Lips & Dry Skin Balm (30ml), E45 Hydrating Face Serum (30 ml), E45 Face Foaming Cleanser (150 ml), E45 Face Daily Protect Moisturiser (50 ml) en E45 Face Night Cream (50 ml). Voer velsorg na nuwe hoogtes om jou vel vogtig, sag en soepel te hou. Die mammas agter ál agt foto’s wen die eksklusiewe E45-geskenkpak.…

Daar is byna agt miljard mense op aarde, en elkeen is uniek. Jou kind se eie draadwerk is natuurlik vir die familie eindeloos fassinerend, maar dis soms ook nodig om ’n bietjie te werk aan van sy verskuilde eienskappe sodat hy eendag as ’n volronde volwassene kan funksioneer. Die idee is nie om sy persoonlikheid te probeer verander nie, maar om al die dele van sy menswees te ontsluit. Niemand hou daarvan om in ’n boks gedruk te word nie – kinders ook nie. Kies self uit die lysie voorstelle hieronder en kyk of jy jou kind kan lei om soms sy eie lewe uit ’n ander hoek te benader. Op die ou end maak dit hom meer weerbaar en meer kreatief en sal sy selfkennis uitbrei. LAAT HULLE ALLEEN…

KAFEÏEN Wees op die uitkyk vir kafeïen omdat dit ’n bestanddeel van baie produkte is soos koffie, tee, kola en sjokolade. Baie medisyne soos hoesgoed en hoofpynpille bevat ook groot hoeveelhede kafeïen. ’n Mens moet versigtig wees vir kafeïen omdat dit die sentrale senustelsel stimuleer. Dit kan jou en jou baba onrustig laat voel en julle selfs hartkloppings gee. Dit beïnvloed jou en baba se vermoë om kalsium op te neem. Vier koppies koffie ’n dag (800 mg kafeïen) kan jou baba se geboortegewig beïnvloed en selfs veroorsaak dat baba met ’n kleiner kop gebore word! Lees die etikette van kos, koeldranke en toonbankmedisyne baie versigtig om die hoeveelheid kafeïen te bepaal. Skakel dit uit waar moontlik. GEMORSKOS Die meeste geriefskosse drup gewoonlik van versadigde vette en kalorieë sonder dat…

E-pos jou vrae na SHARING@YPBMAGAZINE.COM Vrae kan ongelukkig nie persoonlik beantwoord word nie. V My baba is vroeg gebore en is nou in die NISE terwyl ons tuis is. Ek weet regtig nie wat om te verwag nie. Help! A LINÉ HALL ANTWOORD: Om die verskeidenheid risiko’s wat met vroeë geboortes gepaardgaan te versag, kan dit nodig wees dat ’n baba en ma na ’n neonatale intensiewesorgeenheid (NISE) verwys word. ’n Deurslaggewende deel van die grootmaak van ’n gesonde baba is dat die regte behandelings toegedien word en dat jy toegang het tot kundige inligting oor hoe om ’n vroeë geboorte en ander komplikasies te hanteer. Die hoofdoel van die NISE is om babas sterk genoeg te kry om op hul eie te voed, goed te groei, in staat te…

Kruip word beskou as een van die belangrikste mylpale in normale ontwikkeling. As ’n kind een mylpaal misloop, is dit nie noodwendig ’n krisis nie – maar as jou kind meer as een mylpaal nie binne die “normale” tydkurwe haal nie, is dit soms nodig om vrae te vra. OOR DIE ALGEMEEN LYK ’N BABA SE ONTWIKKELINGSPATROON SÓ: ■ Sy druk haar met haar hande op (van vier maande af); ■ Sy stoot haar lyf agtertoe en begin in die rondte beweeg; ■ Sy gaan op haar hande en knieë en begin kruip (ses tot 10 maande); ■ Sy trek haar teen dinge op (sowat 11 maande); en ■ Sy begin loop (12 tot 14 maande). Kenners reken ’n mens kan maar bekommerd wees as jou kind nie kruip nie.…

Slaap is ’n belangrike deel van ’n gesonde leefstyl. Dit is nodig vir fisieke herstel en neurologiese verwerking en is dus kritiek vir kinders se liggaamlike en breinontwikkeling. Die Nasionale Slaapstigting beveel aan dat babas onder drie maande 14 tot 17 uur en ouer babas 12 tot 15 uur per dag slaap. Peuters het 11 tot 14 uur nodig en kleuters 10 tot 13 uur, terwyl volwassenes sewe tot nege uur behoort te slaap. Te min slaap kan kinders se breinontwikkeling, emosionele regulering en algemene gesondheid aantas en kan ook die rede wees vir hiperaktiewe gedrag en aandaggebrek. Kinders wat te min slaap, eet en drink meer en het ’n groter kans om oorgewig te wees. Die verband tussen min slaap en hoër liggaamsmassa geld vir almal, van peuters tot…

E-pos jou vrae na SHARING@YPBMAGAZINE.COM Vrae kan ongelukkig nie persoonlik beantwoord word nie. V My tweejarige slaap op ’n bed. As baba het sy baie goed in haar kot geslaap, maar vandat sy in ’n bed slaap, slaap sy regtig sleg. Sy kom klim kortkort by my en my man in die bed, of roep na my. Wat moet ek doen? PETRO THAMM ANTWOORD: A Ouers is soms geneig om hul peuters te vroeg na ’n groot bed te skuif, soms omdat hulle dink dit sal slegte slaapgewoontes oplos. Partykeer het hulle egter nie ’n keuse nie, soos wanneer daar ’n tweede kleinding op pad is en die bababed vir die nuweling nodig is. ’n Ander algemene rede is dat die peuter uit die bababed begin klim. As dié twee…

Kom ons skop af met ’n skokkende statistiek. Teen jou 20ste verjaardag het jou vel reeds 80% van die sonskade opgedoen wat jy in jou lewe sal kry. Dit maak sin as jy in gedagte hou dat kinders elke dag buite speel, meestal ook wanneer die son op sy felste is. Dermatoloë waarsku dat selfs ’n paar keer se erg brand as kind jou kans verhoog om in die toekoms velkanker te kry. Velkanker se oorsprong lê in die kinderjare ... “Die vel vergeet nie. Selfs al oorkom jy van die skade, bly daar altyd skade agter,” sê dr. Robert Weiss, ’n Johannesburgse dermatoloog. Kinders móét dus leer hoe belangrik beskerming is, veral in ’n sonskynland soos Suid-Afrika. Robert meen babas moet geheel en al uit die son gehou word,…

KIETSIE, KIETSIE MIAAU Dis ’n binnehuise en rustiger speletjie. Al die deelnemers (katte) sit op stoele in ’n kring. Die een wat aan is, word geblinddoek nadat hy probeer het om te onthou presies waar elkeen sit. Nadat hy geblinddoek is, word hy twee keer in die rondte gedraai en die katte probeer om so ongemerk moontlik plekke te ruil. Die geblinddoekte kind neem ’n kussing en loop voel-voel tot hy ’n skoot voel. Hy plaas dan die kussing op die skoot, gaan sit bo-op die kussing en sê: “Kietsie, kietsie”. Die “kat” moet dan “miaau” antwoord. As die kind reg raai op wie se skoot hy sit, is die kat weer aan, maar as hy verkeerd raai, gee die kat hom ’n knypie en weet hy moet aanbeweeg na…

WAAR KOM HAAR NAAM VANDAAN? Sy is gedoop Anna Eleonora Debora, maar almal noem haar Nané. Sy is die sesde geslag wat die name dra! Slegs die oudste of eerste dogter het die eer om die naam te kry. Ons is tans nog geseën om vier geslagte te wees wat die name het: Oumagrootjie Anneke, Ouma Nanneke, Mamma Anneke en ons klein Nané. Die noemnaam is ’n kombinasie van my twee oumas: Nanneke (Anna Eleonora Debora) en Elené (Anna Eleonora). Dit beteken God se gunsteling. DIE BETEKENIS IS BAIE GEPAS, NÈ? Ja, Nané is God se gunsteling, want Hy het haar so lief dat Hy haar ekstra spesiaal geskape het. Sy het ’n uitgebreide portwynvlek op haar bors, rug, hele linkerarmpie asook drie vingers. WAT IS ’N PORTWYNVLEK NOU EINTLIK?…

BOLOGNESE MET GROENTE Vickie voeg soveel groente moontlik by dié bolognese, want dit vorm die grondslag van baie van haar gesin se maaltye. GENOEG VIR 5-6 MENSE (MET EKSTRA VIR MIDDAGETES) BESTANDDELE ■ 45 ml (3 e) klapperolie ■ 2 uie, fyngekap ■ 30 ml (2 e) gekapte knoffel ■ 4 klein selderystingels, dun gesny ■ 3 middelslag-wortels, geskil en grofgerasper ■ 3 middelslag-murgpampoentjies, grofgerasper ■ 2 kg beesmaalvleis ■ 2 blikke (400 g elk) heel, geskilde tamaties ■ 45 ml (3 e) tamatiepasta ■ 1 bouquet garni: 2 lourierblare, 1 klein bossie tiemie + 1 klein bossie pietersielie, saamgebind ■ ’n groot hand vol babaspinasieblare GAAN SO TE WERK 1. Verhit 2 eetlepels olie in ’n groot, diep kastrol en braai die uie en knoffel tot sag en deurskynend.…

Is hooikoors ’n allergie of ’n gewone verkoue? Dis soms moeilik om te onderskei, maar dokters sê ’n eenvoudige dog doeltreffende manier om te bepaal wat die genies, geswelde oë en toe neus veroorsaak, is om te kyk hoe lank die toestand duur. ’n Verkoue duur drie tot 14 dae terwyl ’n allergie nie sal verdwyn terwyl die allergeen aanwesig is nie, wat soms ’n hele seisoen lank is. Allergieë veroorsaak ook nooit koors nie, terwyl verkoue die liggaamstemperatuur kan laat styg. “ALLERGIEË VEROORSAAK OOK NOOIT KOORS NIE, TERWYL VERKOUE DIE LIGGAAMSTEMPERATUUR KAN LAAT STYG” Die lys simptome van hooikoors oftewel allergiese rinitis is lank en verskil ook nie veel van die simptome van chroniese neusontsteking nie, maar dit word nie deur dieselfde allergene veroorsaak nie. In laasgenoemde geval is…

Sekondêre infertiliteit – waar ’n mens al ’n kind of twee het maar sukkel om weer swanger te raak – is aan die toeneem en is vir meer as die helfte van alle infertiliteitsgevalle verantwoordelik. En as jy in dié bootjie is, is die kans goed dat jy nie weet of jy hulp moet soek nie. Feite kan help: Sowat 15 persent van Suid-Afrikaanse vroue ly aan sekondêre infertiliteit (SI), sê dr. Johannes van Waart, ’n verloskundige en fertiliteitspesialis by die Wijnland-fertiliteitseenheid op Stellenbosch. Tog ken min mense die term en nog minder verstaan dit waarskynlik. Vir baie paartjies wat daaronder gebuk gaan, is die wete dat hulle nie die enigstes is wat sukkel nie én dat dit ’n naam het, soms ’n troos. Maar is daar enige ander troos…

E-pos jou vrae na SHARING@YPBMAGAZINE.COM Vrae kan ongelukkig nie persoonlik beantwoord word nie. V Hoe gaan ek weet ek is in kraam en nie in “vals kraam” nie? ’n Kollega is onlangs twee keer hospitaal toe: Haar kontraksies was in albei gevalle sterk genoeg om die verpleegpersoneel te oortuig sy is wel aan die kraam maar ná ’n paar uur het dit net opgehou. Hoe sal ek weet of ek regtig kraam of nie? DR. JP DU BUISSON ANTWOORD: A Kom ons kyk eers na die tekens wat definitief vir jou gaan sê dat jy nou hospitaal toe behoort te gaan: As jou water breek, is dit belangrik om in te gaan. Dit is onwaarskynlik dat hulle jou dan huis toe sal stuur. Onthou, jy sal nie noodwendig dadelik met…

As sy ogies nog maar skeel kyk en sy handjies skaars jou groot wysvinger kan vasvat, kan ’n mens jou kwalik indink dat jy met ’n pasgebore babatjie kan speel. Maar ja, jy kan. En boonop is dié eerste speletjies net so belangrik soos wanneer hy ’n bietjie ouer is. Selfs die eenvoudigste speletjies help jou baba om vinniger bewus te raak van jou, homself en die omgewing om hom. Aanvanklik gaan jou piepklein bondeltjie heeltemal van jou afhanklik wees vir sy daaglikse porsie speletjies, maar namate die dae aanstap sal jy stelselmatig besef dat hy ál meer in staat is om vir klein rukkies vir sy eie vermaak te sorg terwyl hy meer van die groot wêreld om hom leer. Ons wys jou watter speletjies en speelgoed die beste…

E-pos jou vrae na SHARING@YPBMAGAZINE.COM Vrae kan ongelukkig nie persoonlik beantwoord word nie. ONS KENNERS V My baba is ses maande oud. Hoe lank moet sy gedurende die dag slaap? Ek bad haar saans om 17:30 en sy is 18:00 in die bed. Is dit te vroeg? Sy word omtrent 06:00 wakker. A PETRO THAMM ANTWOORD: Daar is ’n baie wye spektrum van wat as normaal beskou word wanneer dit kom by die aantal ure wat babas slaap. Elke baba is anders en jy moet die regte hoeveelheid slaap vir jóú baba vind. Let op na die volgende tekens: Word sy snags onrustig, is sy oorsensitief en kry sy te maklik skeidingsangs? Vryf sy gereeld haar ogies en sukkel sy om haar emosies te hanteer? Dit is alles tekens van…

AAPSTREKE IN DIE KOMBUIS Dis nou wel in Engels, maar hierdie plaaslike kookboek vir kinders is ’n fees wat jy maar kan aanskaf – ons kinders is mos almal tweetalig! Daar is 50 resepte wat so reg in kleingoed se kraal pas, en elke resep word vergesel van ’n passende en prettige avontuurverhaal. Dis bedoel vir kinders vanaf ses jaar oud, waar jy dalk nog ’n bietjie sal moet hand bysit met die kookslag, tot 12 jaar oud, wanneer hulle onafhanklik sal kan kook. Do not feed the monkey! deur Marleen Lammers met illustrasies deur Anja Stoeckigt, R300, Penguin Random House. “KOOK LEES LUISTER & KUIER Met ’n kleuter in die huis, is die lewe sommer interessanter.” EENVOUDIG FANTASTIES! Babbelkous is ’n Afrikaanse stroomdiens vir kinders. Besoek babbelkous.com om toegang…

E-pos jou vrae na SHARING@YPBMAGAZINE.COM Vrae kan ongelukkig nie persoonlik beantwoord word nie. V My kleuter het vanjaar met voorskool begin, en dis al van dag een af ellendig. Sy hou eenvoudig nie van skool nie. Daar is niks fout met die skool of die kinders of die juffrou nie. Dis nie iets spesifieks wat haar pla nie – sy wil maar net eerder by die huis wees. Sy was nooit voorheen in ’n speelskool nie, wat dalk ’n fout was. Ek wag al heel jaar dat sy dit ontgroei, maar elke oggend moet ek haar weer van voor af oortuig om te gaan. Ek moet bieg, af en toe is ek so moeg van die gesukkel dat ek haar maar tuis laat bly, terwyl ek goed weet haar maag…

WENBRIEF STORIE VAN MOED & VREUGDE Klein Amelie is gebore op 13 Junie 2022, met ’n geboortegewig van 2,27 kg. Sy weeg nou eers 9 kg en die poppie staan 79 cm hoog! Wat ’n voorreg om Amelie in die lewe te kon verwelkom. Soos mammas oor die wêreld heen dink ons natuurlik sy is die oulikste dingetjie, en met ’n stralende persoonlikheid begroet sy nuwe gesigte oral waar sy kom met ’n vrolike en uitbundige high five. Maar laat my toe om eers ’n bietjie te vertel van my eie stryd om oorlewing. Van geboorte af het my ouers vermoed daar is fout met my omdat my ontwikkeling en gesondheid in kontras gestaan het met dié van my tweelingsussie, Lisa. So is ek op drie jaar oud deur ’n…

Wys vir ons As jy wil hê jou kinder- of ooievaarspartytjie moet op hierdie blad verskyn, stuur gerus ’n e-pos met foto’s van ’n goeie gehalte en ’n kort beskrywing van die partytjie na sharing@ypbmagazine.com…

JOU INSPIRASIE JANUARIE Daar is twee blywende stukkies erfenis wat ons ons kinders kan gee. Die een is wortels, die ander is vlerke. HODDING CARTER (JR.) FEBRUARIE ’n Baba word gebore met ’n behoefte aan liefde – en ontgroei die behoefte nooit nie. FRANK A. CLARK MAART Die gesin is een van die natuur se meesterstukke. GEORGE SANTAYANA APRIL Om môre in jou kinders se herinneringe te wees, moet jy vandag in hul lewe wees. BARBARA JOHNSON MEI Om ’n kind op die regte pad te plaas, moet jy self op dié pad reis. JOSH BILLINGS JUNIE Om swanger te wees is om die lewensvonk te voel, volkome vrou te voel en ook die kommer van ’n klein inwoner in jou te ervaar. Siel en gees word gerek, saam met…

Sodra jy daaraan begin dink om swanger te raak, kan jy maar begin om jou lyf gereed te kry. As jou swangerskap ’n verrassing was, het jy ook nie tyd om te verloor nie. Baie van wat jy in die maande voor die geboorte doen, kan jou ervaring van jou kraamdag beïnvloed. In ’n neutedop: Hanteerbare kraam is nie net geluk nie, dis die samekoms van klomp dinge wat begin gebeur sodra jy uitvind jy is swanger. EERSTE TRIMESTER KIES JOU SPAN Begin sommer vroeg al oor jou geboorteopsies dink. Jy het 260 dae om ’n paar groot besluite te neem en jy moet vooraf goeie raad inwin. Moenie toelaat dat ander mense se menings, ervarings of vrese jou beïnvloed nie. Raadpleeg solank ’n paar sorggewers voor jy iemand kies…

NAARHEID Byna die helfte van alle swanger vroue beleef naarheid, veral soggens. Vroue met ’n tekort aan sekere voedingstowwe is meer geneig tot naarheid, hoewel swangerskapverwante hormone die eintlike sondaars is. Dié hormone skiet die hoogte in gedurende week nege en tien van jou swangerskap en dis wanneer vroue op hul slegste voel. Onthou, naarheid kan ook jou liggaam se manier wees om ontslae te raak van gifstowwe. Troos jou daaraan dat die meeste gevalle van mislikheid net in die eerste trimester voorkom. RAAD ■ Eet gesonde kos waarvan jy hou. As jy nooit ’n Brusselse spruitjie oor jou lippe kon kry nie, is die kans skraal dat jy nou daaraan gaan smul. Eet gereeld, want dit stabiliseer jou bloedsuikervlak. ■ Vroue het meer vitamien B6 en B1 2, foliensuur,…

BABA SIEK? 1 Wees net so omsigtig met oor-die-toonbank-medisyne as met medisyne wat jy op voorskrif gekry het. 2 Volg aanwysings noukeurig. 3 Vertrou jou instink. Hoe siek jy dink jou kind is, is belangriker as koors. Moenie huiwer om dokter toe te gaan nie, al het jou kind nie koors nie. 4 Probeer jou bes met jou kind se immuunstelsel. Hou inentings op datum en borsvoed so lank jy kan. 5 Vra jou pediater tydens ’n roetine-ondersoek wat jy in ’n noodgeval moet doen. Mag jy bel? 6 Dosisse word volgens gewig aangedui. Maak dus seker jy weet wat jou kind weeg. MAAK JOU EIE STORTBOM Die winter is verby en daar’s oorskiet-borssmeer. Hier’s ’n lekker plan. Meng jou Karvol Vapour Rub met koeksoda en water om ’n dik…

In die eerste week of wat drink jou baba eintlik bitter min en sal sy selfs gewig verloor. Dis normaal. Moenie moed verloor nie. Hou eenvoudig aan om op aanvraag te voed – hoe meer sy aan jou suig, hoe beter is dit vir jou melkproduksie. Soms kan jy vir tot 40 minute met haar aan jou bors sit! Ontspan en geniet die lekker koesterende bindingstyd. Die eerste dag se voedings sal skaars ’n teelepel vol maak, maar daardie teelepel kolostrum is tjokvol belangrike voedingstowwe en teenliggaampies wat jou broos babatjie beskerm. Teen die vyfde dag sal sy in binne 24 uur altesaam sowat 70 ml inkry. Onthou, haar magie is maar klein. Gelukkig sal haar kapasiteit vinnig groter word. Sy sal ook vinniger leer drink en ’n voeding kan…

Hoewel babas ’n groot deel van hul lewe omslaap, is die meeste pasgeborenes se slaapsiklus maar taamlik wisselvallig. Party slaap heerlik bedags maar is snags wawyd wakker. Namate hulle ouer word, verander hul slaapbehoeftes en ook hul slaapsiklus. Daar’s gelukkig heelwat wat jy kan doen om jou baba se slaapgewoontes te beïnvloed en van vroeg af ’n slaaproetine te kweek. Dit hoef nie ’n baie rigiede roetine te wees nie, want babas gaan hul roetine wil aanpas namate hulle nuwe ontwikkelingsfases betree. Hier is voorstelle wat jou baba – en jou – sal help om ’n goeie nag se slaap in te kry. 0-3 MAANDE Wanneer moet ’n mens met ’n slaaproetine begin? Die antwoord is voor die hand liggend: sodra jou baba te lank aaneen in die dag slaap…

Jy het seker al by baie ma’s gehoor dat hul ongebore baba beweeg wanneer hulle ’n sekere persoon se stem hoor of wanneer die ma na musiek luister. Dit hoef ook nie ’n spesifieke genre te wees of met oorfone op die maag nie! Navorsing toon dat enige blootstelling aan musiek ’n positiewe uitwerking op babas se ontwikkeling het. Maar hoe kan ek my baba in die eerste jaar blootstel? BABAS 0-24 MAANDE Babas in hierdie ouderdomsgroep leer nog om te praat; sing kom eers later! Hulle kan ook nie ’n musiekinstrument bespeel nie. Hoe stel jy jou baba dus aan musiek bloot en help hulle om musikaal te ontwikkel? Kort ná geboorte begin babas na bekende geluide in hul omgewing luister en onderskei stelselmatig dit wat hulle hoor. Elke…

IN ’n beroemde studie deur die Amerikaanse kreatiwiteitskenner George Land is gevind dat 98 persent van vier- tot vyfjariges oor “kreatiewe genialiteit” beskik, of oor ’n natuurlike vermoë om wydlopend te dink en met vernuwende oplossings vorendag te kom. Wanneer hierdie kreatiewe denkers egter volwassenheid bereik, kan net 2 persent nog ewe geniaal dink. Die vraag wat ons ons moet afvra, is: Wat gebeur tussenin? Ons kinders word daagliks blootgestel aan ’n wêreld wat ál vinniger verander. Die Wêreld-Ekonomiese Forum voorspel dat kritiese denke, kreatiwiteit en emosionele intelligensie in 2025 van die mees gesogte vaardighede in die arbeidsmag sal wees. Dit word ál duideliker dat die tradisionele onderwysstelsel – ’n stelsel wat memorisering en gestandaardiseerde toetse beklemtoon – nie ons kinders voldoende voorberei vir die uitdagings en geleenthede wat hulle…

JOU OPTREDE Hoewel swemlesse belangrik is sodra jou kind oud genoeg is, moet jy nooit op swemspeelgoed of swemlesse staatmaak om jou kind te beskerm nie. Swemlesse beveilig jou kind nie teen verdrinking nie. Kinders mag nooit sonder volwasse toesig swem of alleen by die swembad speel nie. Waarsku jou kinders ook oor te rof speel. Wanneer jy oor swemmende kinders waak, mag jy nie toelaat dat enigiets jou aandag aftrek nie. Leer hoe om KPR te doen. Laat jou kind oefen om met klere en al te dryf wanneer hy oud genoeg is. Leer hom om nooit in onbekende water te duik of spring nie, of wanneer daar mense in die pad is nie. En die bure se swembad? As die veiligheidsmaatreëls nie na wense is nie, maak seker…