Indholdsfortegnelse for Uitgawe 1 2023 i Braai en Rugby 2023

Die sêding gaan mos so: Skoenmaker, hou jou by jou lees. So, ek het my lewe lank enige vorm van rugby vermy. Inteendeel, enige spansport, want dis net nie in my bloed nie. Maar nooit kon ek dit verstaan nie. Ek kom uit ’n familie waar rugby in een of ander vorm selfs al tot sukses gelei het – my neef Gideon Lensing, beter bekend as Kees, het onder meer vir die Bulle, Japan en Namibië rugby gespeel. ’n Mens kan seker sê dis die naaste aan die Webb Ellis-trofee wat enige bloed van my al was. Vra jy my oor rugby, kan ek jou min of meer sê ek weet wie Mannetjies Roux is (dankie, Laurika!); ek weet wie Chester Williams was (dankie, Huisgenoot, daardie troue was mooi!); en…

'n Vuurtjie wat douvoordag aangesteek word vir rugbykyk, geur die boeretroos, spek en eiers met ’n rokerigheid wat die sintuie wakker maak soos niks anders nie. Om vroegoggend al jou vingers met ’n tingerige braaitang te brand is amper so erg soos om die dag met babelaas-hoofpyn te begin. Hou matigheid voor oë, belê in ’n behoorlike, stewige braaitang en vermy die skêrtipe wat moeiliker hanteer. Laat die opposisie in Argentinië, Chili en Uruguay maar hulgietyster-chapas opwarm vir huevos rancheros – óns braainasie maak op ’n ploegskaar brekfis vir die hele buurt. Hoewel Suid-Afrika nie die geboorteplek van rugby is nie, kan geen ander land spog dat hulle voorsate die mensdom se eerste kookvure aangesteek het nie. Die oorblyfsels van die oudste oer-kookvure is in die Wonderwerkgrot in die Noord-Kaap…

MEER OOR FRANS Frans Malherbe was deel van die 2019 Springbokspan wat die Rugbywêreldbeker in Japan met hul oorwinning oor Engeland gewen het. As alles goed gaan, hoop hy om, met die bystand van die res van sy span, vanjaar die beker weer na Suid-Afrika te bring. Frans is in Februarie vanjaar met Ingrid van Huyssteen getroud en die paartjie woon in Stellenbosch. JY IS ’N GROOT OU – 1,9 M LANK – MAAR JOU VROU, INGRID, NOEM JOU ’N TEDDIEBEER. HET JY ’N SAGTE HART? Ja, ek dink so. Omgee is vir my belangrik, veral as dit kom by familie en vriende. Ek is ook mal oor kinders. Ek is nou ’n oom van vyf: drie van hulle is seuntjies en veral die ouer twee kom kyk gereeld as…

DEK ’N RUGBYTAFEL Laat groen en goud koning kraai by jou potjiekoskuier. Gebruik ’n groot kombers met ’n geruite patroon in groen en goud as tafeldoek – ja, jy kan soms anders dink oor tafelbedekking. Versterk die rugbytema met halftyd se koelboks as deel van die dekor: kies een met ’n geruite ontwerp wat by die tafedoekpas – en dan is jou ys sommer ook naby! Ou trofees dien as blompotte, gevul met ’n verskeidenheid vetplante. Soek servette met ’n blom-of plantmotief om alles af te rond. Die mooi van só ’n tafel lê in die kombinasie van patrone. Jy kan elke gas met ’n mooi rugbybal van leer bederf – dis treffend om as ’n dekor-item iewers op ’n rak te vertoon. Op die spyskaart Marokkaanse lamsbredie met mieliekluitjies…

MOOI EN MAGIES Rond jou tafel op ’n besonderse wyse af met hierdie bonkige handgemaakte kerse van Knus. Die drie ontwerpe, genaamd Spiritual, Mythical en Magical, is elkeen in swart, wit en grys beskikbaar. Vanaf R259 (17 cm) tot R299 (40 cm), knus.co KLOP DIE HORLOSIE Met Imbo se stampmielie-en-boontjiemengsel kan jy smaaklike bykos in ’n japtrap voorsit – dis binne 'n uur gaar! R14,99 (500g), by jou naaste supermark SIT-SIT SO Hierdie netjiese houtbankie van Native Décor word plaaslik van metaal en berkelaaghout (birch plywood) gemaak. ’n Lengte van 120 cm maak dit perfek vir sitplek vir twee tot drie gaste. R2 999, nativedecor.co.za WARM VAN BINNE Span die Wilson-kombers van herwonne katoen vir ekstra warmte op jou bed of rusbank in – of volg ons voorbeeld en gooi…

Die langste stuk wors ooit was van varkvleis gemaak. Dié rekord is in 2014 in Roemenië behaal met varkwors van 62,75 km lank. Uiteindelik is die mite dat varkvleis goed gaar moet wees die nekslag toegedien. Om te verseker dat vark so sappig is soos ’n lekker stuk steak of lam, kan jy dit met veiligheid nog effe pienk hou. Mik vir ligpienk en ’n interne temperatuur van 62°C, en laat dit 3 minute rus. Varke is al so lank gelede makgemaak dat die Chinese simbool vir “huis” (㐮) die teken vir ’n vark is met ’n dak oor. Die eerste rugbyballe was van opgeblaasde varkblase gemaak, wat stewig toegewerk is om die lug binne te hou en met leerpanele oorgetrek is. Die elliptiese vorm ’n rugbybal maak dit aerodinamies…

MEER OOR ODWA Odwa Ndungane se pa, Zingisa, het hom en sy tweelingbroer, Akona, van kleins af aan rugby blootgestel en hulle geleer dat enigiets moontlik is as jy hard werk. Beide Odwa en Akona het in die vroeë tot middel-2000’s professioneel rugby gespeel en ook vir die Springbokke uitgedraf. Dié twee Ndungane-broers is tans op SuperSport as rugbykommentators te sien, en bedryf ’n agentskap waardeur hulle rugbytalent in agtergeblewe skole identifiseer en ontwikkel. Odwa bly in Virginia, Durban, saam met sy vrou, Kgomotso, en hul twee kinders, Amahle (10) en Anathi (6). JY WAS 14 TOE DIE 1995-SPRINGBOKSPAN HUL LEGENDARIESE WÊRELDBEKEROORWINNING GEHAD HET. WATTER INVLOED HET DIT OP JOU GEHAD? My pa, Zingisa, wat in 2014 oorlede is, het jare lank vir die rugbyklub Wallabies in Mthatha in die…

Op die spyskaart My paella Klippebrood Plat forel met kerrie-mayonnaise Tradisionele snoek-en-patats Steurgarnaal-bisque Groenkerrie-calamari Platbrood Mossels in groensous DEK ’N RUGBYTAFEL Vir die visbraaitafel kies ons sagte, meer vroulike elemente gebalanseer met ’n sterk patroon. ’n Sagte pienk linnetafeldoek (H&M, R795) vorm die basis van ons tafel. Goedkoop koffieflesse (Checkers, R130 elk) met ’n rooi geruite patroon dien as blompotte – vul die flesse met water en druk pienk flaminkblomme (anthuriums) in elkeen. Meng en pas antieke borde met verskillende blommotiewe en gee die dekor ’n tikkie gravitas met ’n swart servet vir elke gas – pienk en swart was mos immers Coco Chanel se ikoniese kleurkombinasie. Maak jou tafel informeel deur stoele en hooibale af te wissel as sitplek vir gaste. Hierdie brood maak jy gaar op klein klippies…

WAFELS OP DIE VUUR Só ’n wafelpan van Kitchen Craft bak twee wafels op ’n slag – en vierkantig, soos dit in België gedoen word. Hy werk op oop vuur of op jou stoof. R770, breademporium.co.za POTBLOU Wie sê gietysterpotte vir die braai kan nie mooi lyk nie? Hou jou oë oop vir LK’s se reeks gietysterkookware met ’n blou emaljelaag. Hierdie staatmaker het ’n volume van 5 liter. Sowat R1 600, by Brights-hardewarewinkels of brights.co.za GESONDHEID IN DIE RONDHEID As jy kos rondom die vuur wil hang om dit só gaar te maak, oorweeg ’n belegging in hierdie erfstuk van Eva Solo. Die duursame braaisilinder is gemaak van metaal, wat ’n uitstekende geleier van hitte is – perfek vir ons hanghoender (bl. 106). R7 599, yuppiechef.com ’N PAN WAT…

Op die spyskaart Ontbytmieliewafels met geposjeerde eier Pap en suiker Swartpotwors en bone in smoor Shakshuka op my manier Engelse ontbyt-jaffles Niertjies in roomsous met roosterbrood Frittata Franse roosterbrood in ’n pot DEK ’N RUGBYTAFEL Hou jou ontbyttafel lig en vars vir hierdie kuier, en neem jou gaste saam op ’n reis om die wêreld. ’n Ligteblou linnetafeldoek van H&M (R795) skep die perfekte agtergrond. Kyk by oudhedewinkels of -markte vir aardbolle in verskillende kleure en groottes wat jy lukraak op die tafel kan plaas. Vul aan met groot glasvase en -potte waarin jy takke fynbos soos roosmalva druk. Meng en pas jou eetgerei, en maak servette bonkig by elke sitplek staan. Laat die ontbytjolyt begin! Swartpotwors en bone in smoor was een van my ma se gunstelingmaniere om ons…

WAAR OP AARDE? Maak jou rugbykuiertafel nog meer interessant met só ’n 30 cm-aardbol van RGS. Dis van karton gemaak en dus lekker lig. R439, takealot.com NOSTALGIES Daar is min wat naby die nederige jaffle kom, veral vir ontbyt. ’n Gietysterpan met houthandvatsels soos hierdie een van LK’s is onmisbaar. Sowat R399, by buitelugwinkels soos Outdoor Warehouse HIER SIT JY Dié grys stoel van Umbra lyk nie net sjiek nie, dit bied ook ’n lekker gemaklike sitplek langs die braaivleisvuur. R6 599 vir ’n stel van vier, yuppiechef.com LEKKER PAP Geniet nét die beste uit jou pot met Pride Milling se 100% natuurlike nie-GMO mieliemeel. Dit smaak soos mieliepap moet! Sowat R49, 99 (2,5 kg), by Checkerswinkels landwyd KOEL KETEL Hierdie ketel van Le Creuset werk op gas én vuur.…

Die woord steak kom oorspronklik van steik, ’n oud-Saksiese woord wat verwys na vleis op ’n stok. Jy sal jou sak moet skud vir steak van A5-graad Kobe-bief, die duurste ter wêreld, wat tot $400 per pond kos. Filet Mignon is die duurste steaksnit. Dis ’n mite dat steak net een keer omgedraai moet word. Kenners reken jy kry beter resultate en ’n lekkerder bruin kors as jy dit elke 15-30 sekondes omdraai. Wanneer steak gesout moet word is ’n saak waaroor daar heftig om die braaivure verskil word. Sommige glo steak moet eers gesout word ná dit gebraai is. Nie waar nie – as jy sout voor die tyd gebruik, geur dit die vleis en dra dit by tot die vorming van ’n goeie bros kors. Sout jou steak…

MEER OOR HENNIE Hennie le Roux was deel van die legendariese Springbokspan wat op 24 Junie 1995 geskiedenis gemaak het toe hulle die All Blacks in die eindstryd op Ellispark met 15-12 geklop het. Hy was nie alleen ’n sleutelspeler in sy posisies as losskakel en senter nie, maar het ook in 1997 die oorspronklike rugbyspelerunie Sarpa op die been gebring, waarvan hy president was. Vandag is hy ’n besigheidsman en entrepreneur wat saam met sy vrou, Anneke, en hul dogter, Logan (13), en seun, Cayden (11), in Port Elizabeth in die Oos-Kaap bly. • Kom kyk die Rugbywêreldbekerwedstryde saam met Hennie en sy vriende op sy wildplaas Crown River Safari, net buite Grahamstad. Organisasies en lede van die publiek is welkom. Meer inligting by crownriversafari.co.za DIE SPRINGBOKKE SE OORWINNING…

DEK ’N RUGBYTAFEL ’n Tafel gedek in swart en wit is altyd treffend. Gooi ’n geblomde tafeldoek oor jou tafel – ons het ons s’n (Kaapschehollandsche.com, R2 999) skuins laat lê sodat die tafel deels bedek is. Klein boerpampoenne wat swart gespuitverf is, dien as dekor. Verder kan jy ou rugbyspanfoto’s in swart en wit as fokuspunte op die tafel gebruik. Gee die prentjie nou ’n bietjie lewe met vars vinkeltakkies (vinkel laat ons aan swart dink omdat dit na drop smaak!). Vou servette in netjiese reghoeke en drapeer een op elke gas se bord. Saam met ’n sterk kleurkeuse doen eenvoud die praatwerk hier. Op die spyskaart Vark in die ketelbraai Karamelvarkkebabs Brannas-en-Coke-varkribbetjies Groen varkkerrie Varktjops met koffie Rafelvark in jou swartpot Vark-tamales Appelbiervarklies Die guard of honour is…

Filosowe stoei al sedert Aristoteles se tyd met die raaisel oor wat eerste was, die hoender of die eier. Volgens wetenskaplikes skop die eier die hoender stof in die oë. Skarrelkiep is die mooi Hollandse woord vir vryloophoender. Spatchcock verwys na ons plathoender wat aan die rugkant middeldeur gesny en oopgespalk word. Volgens taalkenners het die term ontstaan uit die kookaanwysing “dispatch the cock”. Ons peri-peri-hoender, ’n hitsige vermenging van Mosambiekse en Portugese invloede, word gereken as een van die beroemdste braaihoendergeure ter wêreld. Die geheim lê in die vars, suur smaak (asyn of suurlemoen) om die rookgeure, rissiebrand en soet klewerigheid te balanseer. ’n Groot plaashoender is dalk nommerpas vir Ouma se Sondagtafel, maar kleiner hoenders (1,3 kg tot 1,8 kg) is meer hanteerbaar oor die kole en makliker om eweredig…

MEER OOR DANIE Op 65 is oupa Danie Gerber nog lank nie gereed vir aftree nie – hy spog dat hy nog volstoom saamdraf met die jong rugbyspelers wat hy afrig. Danie het vanaf 1980 tot 1992 vir onder meer die Oostelike Provinsie, Westelike Provinsie en Vrystaat gespeel, en was natuurlik ook ’n Springbok. Danie en sy vrou, Elsabé, bly deesdae in die Kaap. Hulle is die trotse grootouers van Elliott (18 maande) wat by hul seun, Danré, en dié se vrou, Julie, in Frankryk bly. Die egpaar het ook ’n dogter, Elanie. JY HET IN APRIL 65 GEWORD. HET JY AL AFGETREE? Ek sal nooit kan aftree nie. Al aftrede wat ek sal hê is as my stof eendag in die bos of in die see gegooi word (skertsend).…

Oor vuur, hout & potjiekos… Wie is Martelize Brink as sy die RSG-ateljee verlaat? My lewe draai letterlik om werk, kos en my geliefde, Marius. Daar word daagliks geoefen om die lekker van die lewe te geniet, en natuurlik word daar oor die eenvoudigste weeksaandete getob: hoe ek dit gesond, maar ook lekker en interessant kan maak. Ek geniet meestal ’n eenvoudige roetine wanneer ek nie aan groot projekte werk nie. Verder bid ons maar hard vir ons mooi land en vir wereldvrede. Wat laat jou hart ’n bietjie stadiger klop en maak jou glimlag effens breër? Salige Saterdae en Sondae wanneer ek nie hoef te werk nie en ons beplan wat ons oor die kole gaan voorberei. Daardie stadige winterdae wanneer ’n potjie drie tot vier uur lank prut…

VRYDAG 8 SEPTEMBER 21:15 > Frankryk v Nieu-Seeland Poel A Stade De France, Saint-Denis SATERDAG 9 SEPTEMBER 13:00 > Italië v Namibië Poel A Stade Geoffroy-Guichard, Saint-Étienne 15:30 > Ierland v Roemenië Poel B Stade De Bordeaux, Bordeaux 18:00 > Australië v Georgië Poel C Stade De France, Saint-Denis 21:00 > Engeland v Argentinië Poel D Stade De Marseille, Marseille SONDAG 10 SEPTEMBER 13:00 > Japan v Chili Poel D Stadium De Toulouse, Toulouse 17:45 > Suid-Afrika v Skotland Poel B Stade De Marseille, Marseille 21:00 > Wallis v Fidji Poel C Stade De Bordeaux, Bordeaux DONDERDAG 14 SEPTEMBER 21:00 > Frankryk v Uruguay Poel A Stade Pierre-Mauroy, Lille VRYDAG 15 SEPTEMBER 21:00 > Nieu-Seeland v Namibië Poel A Stadium De Toulouse, Toulouse SATERDAG 16 SEPTEMBER 15:00 > Samoa v…

Jy’s ’n professionele poetsbakker wat meestal met grappige flieks vereenselwig word. Hie’ Kommie Bokke! was reeds jou vierde CD. Watter impak het dit op jou loopbaan gehad? Dis nie net die liedjie waarvoor ek die bekendste is nie, dit is ook die hoogtepunt van my hele loopbaan – en ek sluit al my flieks hierby in – wat ’n ongelooflike verrassing vir my was. Ek het nooit gedink die liedjie sal só gewild word nie. Die sukses was net oorweldigend. Ek kon nêrens gaan nie, of die mense bestorm my. As ek in die kar ry, dan stop ’n mooi meisie langs my, draai haar venster oop en dan dreun die liedjie in haar kar. Ek het soos Michael Jackson gevoel. Het jy voor die Wêreldbeker reeds geweet jy sit met ’n…

MEER OOR BAKKIES Bakkies Botha is veral bekend vir sy kragtige, fisiese spel as slot in sy dae as toprugbyspeler. Hy was deel van die Springbokspan wat in 2007 die Wêreldbeker in Frankryk gewen het. Deesdae boer hy met Beefmaster-beeste en wild in die Kalahari. Hy dien ook op die hoofbestuur van die lewendehaweafslaers André Kock & Seun in Limpopo. Hy is getroud met Carien, en hulle het drie kinders: Carie (18), JP (16) en Carlein (14). MIS JY DIE STAD? Nee. Dis vir my baie lekker om te boer, en my vrou kom oorspronklik van die Bosveld. Ons het vir lank met beeste geboer naby Vaalwater in die Waterberge, Limpopo, en toe so ’n paar jaar gelede dié plaas in die Kalahari gekoop. Dis rustig en die stilte maak…

Op die spyskaart Ribeye met tamatiepesto en kruieslaai Roomkaasspinasie Steak met béarnaise-sous BBQ-steak-kebas met koolslaai Tomahawk met spekbotter Anderste aartappelslaai Uieringe oor die kole T-been met sampioensous DEK ’N RUGBYTAFEL Vir ’n tafel wat “rugby” sê, begin met ’n mooi tafeldoek in ’n terracotta-kleur. Ons s’n is van linne (H&M, R795). Plaas erdepotte op die tafel en laat staan ou rugbyballe regop in die potte. Vul leë bierbottels met droë veldblomme om hier en daar tussen die balle te plaas. Terracottakleur borde (Pep Home, vanaf R29) rond die prentjie af. Pleks van servette het ons groot kombuisdoeke gebruik om rofweg op elke gas se bord te laat lê. ’n Heel gebraaide picanha is een van my gunstelinge, veral as ek gaste onthaal. Marineer dit in ’n bietjie balsemasyn ’n uur vooraf.…

Op soek na die beste vir jou braai? Jy hoef nie ver te soek nie. Checkers is die enigste supermark in Suid-Afrika met vyf gesertifiseerde meesterslagters. Dié titel word internasionaal deur die Master Meat Artisan-program toegeken – jy kan dus seker wees dat hierdie spesialiste hul storie ken as dit by vleis kom! Hulle deel hul gunsteling-produkte wat jou steakbraai vorentoe sal laat smaak VEELSYDIG VERBY Die geur van balsemasyn werk uitstekend saam met rooivleis. Daarom is dit altyd ’n goeie idee om ’n bottel van Checkers se Forage and Feast Balsamic Vinegar in jou kas te hê. Meng een deel asyn met twee dele olyfolie vir ’n vinnige marinade of slaaisous. R59,99 (250 ml) VRYF DIT IN Gee jou steak ’n heerlike hupstoot met Simple Truth Steakhouse Rub. Hierdie…

Potjiekos is een van ’n hand vol tradisionele geregte wat vernoem is na die pot waarin dit gemaak word, soos die tagine uit Noord-Afrika en die paella uit Spanje. Wie maak die beste potjie? Ons of die Iere? Die eerstegekeurde rugbynasie maak hul beroemde Ierse bredie ook in ’n driepoot – hulle weergawe is bekend as ’n bastible. Die gasheerland, Frankryk, se tradisionele potjie, pot-au-feu, beteken letterlik “pot oor die vuur”. Die rondepenspot met drie pote het eers in die 19de eeu sy verskyning gemaak. Eers is platboompotte aan kettings bo-oor die kombuisvuur gehaak of op ysterdriehoeke laat rus. Die kampioenwenk as jy kool by jou potjie wil voeg sonder dat dit ’n waterige affêre word: giet kookwater vooraf oor die kool, druk die water uit en sit die kool dán…

MEER OOR JOHN John Smit het vanaf 2000 tot 2011 as haker en stut vir die Springbokke gespeel. In 2007 het hy die span gelei wat die Wêreldbekereindstryd teen Engeland in Frankryk gewen het. Deesdae is hy ’n rugbykommentator op SuperSport en uitvoerende direkteur van SSG Holdings, ’n maatskappy wat spesialiseer in privaatsekuriteit, skoonmaakdienste en die onderhoud van geboue. Hy is ook hoof van SA Rugby Legends, ’n nieregeringsorganisasie wat fokus op rugby-ontwikkeling met die hulp van oudrugbyspelers. John is getroud met Roxane, en hulle het drie kinders: Emma (17), Tyron (15) en Taylor (10). Die gesin woon in Pretoria. JY IS DIE SPELER WAT DIE MEESTE BOKTOETSE AS KAPTEIN GESPEEL HET. WAT DINK JY MAAK VAN IEMAND ’N GOEIE LEIER? Beide my ouers was fantastiese voorbeelde en ek was…

WARM IN ’N KITS Dié brikette van Bush Baby, Checkers se buitelugreeks, brand vinnig rooiwarm en sal jou hoender gou-gou gaar kry. R59,99 (4 kg), by jou naaste Checkers-winkel MET EEN KLAP Sonder ’n betroubare toeklaprooster is ’n braai maar net nie dieselfde nie. Hierdie staalstaatmaker van LK’s bly ’n wenner.Sowat R289, agrimark.co.za OPSITKERSE? Plaaslike kersmakers Okra is bekend vir hul kontemporêre aanslag. Sulke kerse met ’n gedraaide ontwerp in blou sal jou braaitafel spoggerig laat lyk. R80 elk, okracandle.co.za HEELDAG, ELKE DAG Barebones se Cowboy-braaiput is so ontwerp dat jy op verskillende hoogtes op ’n rooster kan braai, ’n pot oor die kole kan sit, of selfs net ’n gesellige vuurtjie kan stook. R5 999 (73,66 cm van handvatsel tot handvatsel), yuppiechef.com DRAADLOOS Gee jou dekor ’n ouwêreldse gevoel…

As jou vars vis dalk ’n baie sterk vis-of ammoniakreuk het, is die laaste ding wat jy moet doen om dit met water af te spoel. Gebruik eerder suurlemoensap of asyn. Om te help dat ’n vis se vel nie aan die braairooster vassit nie, plaas die vis vooraf vir 2 uur oop op ’n rakkie, met ’n skinkbord onder, in die yskas. Die gebruik om vis in nat koerantpapier te braai het ontwikkel uit die eeue oue tradisie vroeg aan die Kaap om vis in nat seewier toe te draai en dan onder warm sand te bak. Die wêreldrekord vir die langste braai ooit is in 2014 in die Filippyne by die Lamangsi “Fish-tival” behaal, as deel van die viering van die stad Bayambang se 400ste bestaansjaar. Daarvoor het…

1 Wees hitte-slim As daar nou één ding is waaroor toegewyde braaiers ure lank kan redeneer, is dit hoe warm die kole moet wees om die beste braairesultate te lewer. Een van die algemeenste maniere om die temperatuur rofweg te bepaal is om die palm van jou hand in te span. Hou dit sowat 12 cm bo die kole en tel hoeveel sekondes dit neem voordat jy voel jy brand: 2-3 sekondes is baie warm (230-340°C) 4-5 sekondes is matig tot hoog (190-230°C) 6-7 sekondes is matig (160 -190°C) 8-10 sekondes is matig tot laag (120-160°C) 11-15 sekondes is laag (107-120°C) 2 Beste praktyk vir steak oor die kole Haal die steak uit die yskas nog voordat jy jou vuurtjie aansteek, sodat dit teen kamertemperatuur is wanneer jou kole reg is.…