Indholdsfortegnelse for January/February 2026 i Die Tuinier Tydskrif

Die oorkoepelende tema vir hierdie jaar se tuinneigings is: Wanneer die lewe vir jou suur raak, speel jy, maar die spel is eerder funksioneel as prettig. Vanuit ’n sielkundige oogpunt kan spel jou anders na probleme laat kyk, angs verminder en kreatiwiteit aanvuur. Dit is die essensie van ‘lemonading’. Lemonading in die tuin beteken: Speel met iets nuuts, selfs al misluk dit, en omskep jou ruimte in ‘n vreugdevolle, lewende eksperiment. Wat is “lemonading”? “Lemonading” is ‘n denkwyse wat daarop gemik is om hindernisse as geleenthede te beskou wat kanse vir groei en samewerking bied. Konsepte soos hierdie spruit uit die veld van positiewe sielkunde, en die wortels kan teruggevoer word na die ou spreekwoord ‘om limonade te maak as die lewe suurlemoene na jou kant toe gooi’. En dit…

Die sleutelbeginsels wat ‘n tuin troeteldiervriendelik sal maak, is: Is daar genoeg grasperke vir troeteldiere soos honde om rond te rol en te speel? Is daar genoeg dinge vir hulle om aan te ruik? Is die plante in die tuin veilig vir troeteldiere? Is die grensstrukture duursaam en sal dit keer dat hulle ontsnap? Is daar genoeg skaduwee en water? Wees op die uitkyk na ons artikel oor troeteldier-vriendelike plante in ons komende uitgawes. Wat dekor betref, kies hondehokke in nuwe ontwerpe, matte wat teen vlekke bestand is en heinings waaronder hulle nie kan deurgrawe nie.…

Aristokratiese pelargoniums Daar is baie om te sê oor die koninklike pelargoniums, maar die beste deel is die pragtige, helderkleurige blomme, net soos hierdie een: Pelargonium grandiflorum ‘Elegance Imperial’. Die fluweelagtige blomme in ligpienk met donkerrooi kerns kontrasteer goed met die kompakte struik met welige groen blare. Hulle is op hul beste in die hitte van die somer en as dit in potte of hangmandjies geplant is, sal dit die patio ophelder. Hulle sal volson en gedeeltelike skaduwee verdra. Voed gereeld met ‘n vloeibare kunsmis, gee water wanneer die grond heeltemal droog is en verwyder die uitgediende blomme.…

Myrtus communis is ‘n Mediterreense immergroen struik met pragtige blomme wat van vroeë somer tot herfs blom. Die Sisiliane oes die blou-swart bessies om Mirto te maak, ‘n alkoholiese drankie wat na ete bedien word om met vertering te help. Die bitter krui gee dit ’n unieke smaak en dit word met heuning versoet. Dit is ‘n geharde struik wat 2-5 m hoog kan groei en net so wyd kan uitsprei, maar dit maak ook ‘n uitstekende heining-of vormplant. Mirte verkies warm somers en benodig beskerming teen ryp. Plant dit in gebiede met swaar ryp in groot terracotta-potte wat in winter beskerm kan word. In die kombuis Ons gebruik nie dikwels mirte om te kook nie, maar dit kan soos lourier gebruik word deur geur aan ‘n gereg te gee…

Wanneer en hoe om te snoei Om ‘n estetiese vorm te behou en die plant se goeie gesondheid te handhaaf, is dit nodig om jou rankplant deur die jaar te snoei. Snoei blommende rankplante na hul hoofblomperiode, afhangende van die seisoen. In gebiede wat laat ryp ontvang, is dit raadsaam om te wag totdat daardie laaste koue verby is. Rankrose moet terselfdertyd gesnoei word as die res van die rose in jou tuin. Volwasse Panarosa-variëteite kan tot kophoogte gesnoei en lang takke aan die binnekant verwyder word om hul vorm te verbeter. Rank-en klimrose moenie te laag gesny word nie. Snoei eerder enige verdwaalde sylote af en verwyder mededingende takke. Dit is die perfekte geleentheid om die algemene vorm van die plant na te gaan en die hooftakke vas te…

Wat jy nodig het ✔ 20 liter-emmer met ‘n deksel.✔ Aartappels – enige ou aartappels, selfs met uitlopers of wat al sag geword het. Twee klein of een groot aartappel per 20 liter-emmer. Aartappels word gebruik omdat hulle die pH op 6.5 handhaaf.✔ 1 eetlepel nie-gejodeerde seesout✔ 2 hande vol blaarkompos. Jy kan jou eie blaarkompos maak of rondom ’n boom naby jou in die grond afgrawe om die ryk, donker organiese materiaal onder die boom bymekaar te maak. Dit is vol mikrobes wat inheems aan jou gebied is en is die beste om te gebruik vir die vermeerdering van mikrobes.✔ Reënwater – in die 20 liter-emmer (as jy kraanwater moet gebruik, laat dit minstens 24 uur staan voordat jy begin). Stappe Sit die aartappels in ‘n pot en bedek…

Hoekom moet ons snoei? Die eenvoudige rede vir snoei is om te regenereer, vorm te gee of do oie, beskadigde of sieklike groei te verwyder. Oor die algemeen moedig snoei meer groei aan en verbeter dit die gesondheid van plante. Daar is ander redes om te snoei, insluitende om die plante op te lei, te vorm, blomen vruggehalte te beheer, ‘n patroon te skep, en uitbundige groei te tem. Basiese riglyne Daar is ‘n paar belangrike stappe wat snoei makliker sal maak. Eerstens moet jy dit stadig en versigtig doen. Tree nou en dan terug om seker te maak jy sny nie te veel weg nie en dat die vorm nie skeef is nie. As ‘n algemene reël kan jy snoei nadat ‘n plant klaar geblom het, in die meeste…

1. Viooltjies en gesiggies – om kleur en geur by jou winter-en lentetuin te voeg. Saai verkieslik in Februarie. Gebruik ‘n fyn ontkiemingsmengsel, aangesien die sade ongelooflik fyn is en naby die oppervlak moet wees. Strooi die sade eweredig en bedek met ’n baie fyn lagie grond, of los hulle op die oppervlak om te ontkiem. 2. Sonneblomme – vir helder kleur regdeur die somer en tot diep in die herfs. Hulle verskaf uitstekende kos vir saadvretende voëls. Saai sade 1.5 tot 2.5 cm diep, direk in die grond of in diep saadbakke. 3. Kosmos – saai nou vir ‘n fyn pienk-en-wit vertoning in April en Mei. Strooi sade op die grondoppervlak en bedek met ‘n dun laag kompos, ongeveer 5 mm diep. Kweek kosmos in ‘n warm, sonnige plek. 4.…

Wat jy nodig het ✔ Woodoc Colours Rosewood ✔ Woodoc 50 Marine Buitenshuise Verseëlaar – Mat, Kleurloos ✔ Gelamineerde saligna-strook 10 mm x 32 mm gesny tot: 1 x 100 mm, 1 x 150 mm 2 x 200 mm, 1 x 250 mm 1 x 300 mm ✔ Middelslag-grootte ketting: 6 stukke gesny tot 270 mm, 1 stuk gesny tot 300 mm, 1 stuk gesny tot 350 mm 1 x ronde saligna-stuk 20 mm x 200 mm in deursnee ✔ 1 x ronde saligna-stuk 20 mm x 100 mm in deursnee 6 ooghaakskroewe grootte 6 x 10 mm, 6 ooghaakskroewe grootte 8 x 12 mm en 3 ooghaakskroewe 15 x 35 mm. Stappe 1. Skuur al die kante van elke houtstuk tot glad. Maak seker die hout is skoon, droog…

BOEKKLUB What Your Food Ate: How to Heal Our Land Skrywers David Montgomery en Anne Biklé onthul nuwe bewyse uit onlangse en vergete wetenskap om te illustreer hoe die gesondheid van die grond deurspoel na dié van gewasse, vee, en uiteindelik na ons. Die voortdurende verband tussen gewasse en grondlewe, wat mekaar voed, verryk plant-en dierevoedsel in die menslike dieet met ‘n diverse reeks verbindings en voedingstowwe wat ons liggame nodig het om ons teen patogene en chroniese kwale te beskerm. Enigeen wat belangstel in waarheen ons koskultuur op pad is, sal hierdie boek geniet. Beskikbaar aanlyn by verskeie afsetpunte en by boekwinkels landwyd. WELIGE HUISPLANTE Yuccas in potte Yuccas is die ideale binnenshuise plant, en nie net vir hulle dekoratiewe eienskappe nie. Hulle verg min onderhoud en is droogtebestand…

Die Ster van die Savanna Adenium multiflorum, algemeen bekend as die Impala-lelie, is ‘n ongelooflike inheemse vetplant bekend vir sy pragtige blomme in die winter van Junie tot September. In tradisionele kulture word hierdie struik as gif vir pyle gebruik tydens jagtogte, wat diere verswak sodat hulle gevang kan word. Dit het dik grys stamme met groepe wasagtige blare aan die punte. Wanneer die blare in die herfs afval, sal die blomme in hul plek vorm. Impala-lelies verkies warm, vogtige klimate, maar kan ook in potte gekweek word waar daar koue temperature en ryp is, sodat hulle beskerm kan word. Hulle kan tot 3 m hoog groei.…

Hierdie noodsaaklike benadering tot waterwyse tuinmaak beweeg weg van die bekende palet van vetplante, selfs met hul treffende argitektoniese vorms en droogtetoleransie. Baie tuiniers waardeer vetplante in klein areas of in houers, maar verkies sagter, meer kleurryke plante in die groter areas van hul tuine. Wanneer ‘n tuin gevestig word wat nie oormatige besproeiing benodig nie, is dit van kardinale belang om eers te verseker dat die grond in uitstekende toestand is. Organiese materiaal is die sleutel tot gesonde grond. Voeg ‘n dik laag kompos by voor jy plant en gebruik dit as ‘n deklaag (beskermende bedekking) daarna, en vul die deklaag deur die jaar aan. Gekoopte of tuisgemaakte kompos is ‘n uitstekende keuse om die grond te voed, mits dit vry van onkruid is. Ander organiese materiale wat jy…

Gaillardia (kombersblom) is ‘n meerjarige wat geliefd is vir ‘n baie lang en vrolike blomseisoen vanaf die vroeë lente en laatsomer, tot diep in die herfs, sonder ‘n rusfase. As die laaste oorblywende blomme nie afgesny word nie, bly daar aantreklike saadkoppe agter om die voëls te voed, of om vir droë rangskikkings te gebruik. Die genus kom uit Noord-Amerika en is deel van die sonneblomfamilie waaraan ander madeliefies ook behoort. Baie variëteite is oor die jare ontwikkel, insluitend die hoogs aanbevole reeks, Gaillardia ‘Mesa’. Die plante bestaan uit digte polle laaggroeiende, mentgroen blare en dra regop blomstele met groot madeliefieblomme, mees algemeen in skakerings van geel, oranje, rooi en bruin. Die blomme hou goed in ‘n vaas, so pluk gereeld om meer aan te moedig. Gebruike: Hulle is pragtig…

Seldery en seldery-sout Seldery is een van daardie perfekte somerslaai-bestanddele wat baie voordele het. Dit is kraakvars, laag in kalorieë, hidrerend en het ‘n aangename smaak op sy eie of in slaaie. Ander tye van die jaar vorm dit saam met uie en wortels die basis van ‘n mirepoix – die basis van Franse kookkuns vir soppe, bredies en souse. Seldery is maklik om te kweek in ryk, konstante vogtige grond. Dit verkies kouer weer om hittestres te voorkom, wat dit ook bitter kan maak. Danksy die blare kan seldery lank na die seisoen geëindig het, behou word. Droog die blare en maal hulle met ‘n bietjie sout. Die geurmiddel pas perfek by speserysmeer vir hoender en groente en voeg ‘n lekker skerp smaak by die skemerkelkie bekend as ‘n…

Die ClickUp!-stelsel kom volledig met ’n stewige handvatsel en VYF verskillende koppelings om jou tuin nóg mooier en meer lewendig te maak. Waarde R2700 ClickUp! Die GARDENA ClickUp!-reeks bied dekoratiewe elemente vir elke seisoen – van ’n stylvolle voëlbad vir die lente tot ’n elegante fakkel vir koel herfsaande. Hierdie geskenkpak sluit die handvatsel én vyf kontemporêre dekorkoppelings in: ClickUp! InsectHotel – ’n Moderne ontwerp wat ’n verwelkomende tuiste bied vir talle nuttige insekte soos bye, liewenheersbesies en skoenlappers. ClickUp! RainGauge - Hou presies dop hoeveel reën jou tuin reeds geseën het – ideaal vir enige tuinier wat watergebruik slim wil bestuur. ClickUp! TorchFireplace - Skep ’n betowerende atmosfeer in jou tuin met ’n sagte, warm gloed wat perfek is vir aandkuiers buite. ClickUp! BirdFeeder - ’n Kontemporêre voëlvoeder, spesiaal…

Romanse is ‘n pot ‘n Valentynsdagpotplant is ‘n bedagsame en blywende alternatief vir ’n bos snyblomme. Dis ‘n geskenk wat aanhou groei lank nadat die dag verby is. In plaas van verlepte blomme, sorg ‘n lewende plant vir vars groenigheid en kleur in die huis, wat florerende liefde simboliseer. Om jou potplant ekstra spesiaal te maak, voeg jou eie kreatiwiteit by deur die pot met materiaal oor te trek en dit met materiaal-of kartonhartjies te versier. Met ’n mooi pot kan jy feitlik enige potplant kies. Trek die grootte van die pot op ‘n stuk materiaal af, knip dit uit met ’n soom om oor mekaar te vou. Plak dit op die pot. Sny die gevoude stuk op die rand bo af en aan die onderkant om te vou sonder…

Opknapping Verleng die groeiseisoen van jou somereenjariges en meerjariges in potte met ‘n vinnige opknapping. Dit werk goed vir plante wat nie omgee vir ‘n bietjie koue nie, soos viooltjies en violas, en vir dié in warmer klimate. Snoei en knip plante terug wat netjies gemaak moet word en lang lote het. Verwyder uitgediende blomme en dooie plantmateriaal. Dit sal nuwe groei aanmoedig. Trek dié uit wat jy weet nie die koue sal oorleef nie, soos petunias en impatiens. Knap die potgrond op deur versigtig vars potgrond of kompos in te meng. Dit sal belugting verbeter en voedingstowwe in die grond verhoog. As daar plek in die pot is, voeg minstens 2 cm by, of haal ‘n bietjie grond uit en voeg die nuwe grond by. As jy ‘n anorganiese…

Tydlose floksies As daar ‘n beskeie plant is wat stil-stil ‘n bedding vul en dan ontpop wanneer dit in laatsomer blom, is dit die meerjarige floksie met sy groot blomme in skakerings van pienk of wit. Kweek hulle in volson of meestal sonnige plekke, as vullers of op die rand van die bedding, waar hulle trosse blomme op stingels van tot 40 cm hoog dra. Sny hulle na blomtyd byna tot grondvlak terug, voeg ‘n deklaag en ‘n hand vol ryk organiese kunsmis by, en hulle sal oor die komende maande herleef. Hulle blom laat in die seisoen net wanneer bestuiwers ‘n hupstoot nodig het wanneer baie van die somerblomme begin taan. Wayne se Gunstelingversameling Boeingweg Oos 101, Bedfordview, Gauteng. 011 453 8573 www.eckards.co.za Gaasvlerkiges – ‘n tuinier se vriend…

Die jaar se eerste volmaan die eerste naweek word die Bidsprinkaanmaan genoem en is ʼn vrugbare frase om alle eetbare plante soos kersietamaties, minikomkommers en wortels te plant vir ʼn langer slaaityd. Gebruik die ‘oes’-dae van vol-tot donkermaan om kruie te droog en souse, piekels, konfyte en olies te maak. Vermy egter ‘wortel’-dae omdat produkte wat dan gepreserveer word, glo sterk aardse geure het. ‘Steggies’ is die beste ná vol-en nie te na aan donkermaan nie omdat die afwaartse energie van die afnemende maan nodig is om wortels aan te moedig.…

Die maklikste instandhouding van die somertuin is as dit op ‘onvrugbare’/’baie onvrugbare’ dae aangepak word. Let dus op hierdie dae om onkruid, dooie blomme en jaarplante te verwyder, en produkte te oes vir preservering of berging. Slegs die plant van ’skerp groentegewasse’ word op baie onvrugbare dae aanbeveel. Plant dié maand ná volmaan skerp wortelgroente soos uie en ná donkermaan blaargroente soos roket en mosterd. Let op die ‘benat’-dae in droë somerstreke om grasperke en reeds geplante bolle te benat om pragblomme in die herfs te verseker.…

Liewe Tanya Ek koop al jare lank julle tydskrif, maar ek het julle hulp nodig. Ek woon in Suidheuwels, Johannesburg, en my tuin en huis word oorval deur miere, met sommige neste sigbaar en ander nie. Hulle het sampioenneste onder ‘n hibiskus gemaak wat ons hartseer moes verwyder, maar hulle is ook aktief in beddings en grasperke (wat verlede winter geplant is). Ek is 82 jaar oud en kan nie meer grawe nie, maar ek het desperaat hulp nodig om my tuin van hierdie miere te bevry. Kan jy asseblief ‘n ekologiese oplossing vir die hele tuin aanbeveel? Ek het katte, en hulle vind enigiets sigbaars te veel van ‘n afleiding vir hulle veiligheid. Ek bid dat jy ‘n antwoord het. Groete, Gloria Hallo Gloria, Alhoewel daar produkte soos diatometiese…

Toe die eienaars van hierdie elegante, moderne Parkhurst-huis hul drie verdiepings se bouwerk voltooi het, is hulle met ‘n leë perseel en ‘n uitdaging gelaat: Hoe om ‘n tuin te skep wat goed genoeg vir hul nuwe huis en hul persoonlikhede sou wees. Daarvoor het hulle die landskapontwerper Shirley Wallington gekontak, wat die paartjie reeds goed geken het, aangesien sy aan hul vorige tuin gewerk het. Van die begin af het Shirley geweet die terrein sou haar vaardighede toets. “Ek erken,” vertel sy, “daardie leë doek was nie baie groot nie, maar ek kon sien dat ek toegangsbeperkings tot die verskillende vlakke, kleigrond, ‘n groot eikeboom wat sonlig geroof het en periodieke oorstromings van die Braamfonteinspruit sou moes hanteer.” Die feit dat die huis nog onder konstruksie was toe beplanning…

Kruisement Kruisement word ruim in alkoholiese of nie-alkoholiese drankies gebruik, hetsy as versiering of as deel van die geurprofiel, soos in ‘n Mojito. Kruisement word in die bodem van die glas met ‘n growwe element, soos suiker, gemeng om al die geur uit die blare vry te stel voordat die vloeistowwe bygevoeg word. Daar is baie verskillende tipes kruisement, elk met ‘n spesifieke geur – sjokoladekruisement, pynappel-kruisement en appel-kruisement is voor die hand liggende voorbeelde, maar daar is ook Mexikaanse kruisement wat ‘n drop-geur het, sowel as peperment wat ‘n sterk mentgeur het. Kweek dit in houers om te voorkom dat dit die tuin oorneem, in vogtige, goed dreinerende grond, en in volson of gedeeltelike skaduwee. Gebruik ’n deklaag rondom die plante om vog te bewaar. Seldery Naas die tamatiesap…

✔ Besproei die groentuin twee tot drie keer per week, as daar geen teken van reën is nie. ✔ Maak gereed om volgende maand wintergroente te saai, deur saadbakke te steriliseer en ontkiemingsmengsel te koop, gereed vir wintergroente. ✔ Voed groente wat lank groei met kaliumryke kunsmis en blaargroente met stikstofryke vloeibare plantvoedsel. ✔ Saai en plant boontjies, beet, wortels, slaai en spinasie opeenvolgend. ✔ Verwyder enige pampoen wat met witroes besmet is en maak die beddings gereed met kompos vir die plant van nuwe groente en kruie. Snoei en knip Na die feestyd kan die kostuin ‘n bietjie verwaarloos lyk. Trek uitgediende plante uit en knip of knyp plante wat vinnig groei terug. Raak van die onkruid ontslae en jou tuin sal sommer beter lyk.…

1. LEWENDE MUURKUNS Vir baie klein ruimtes is die gebruik van mure as ruimte ideaal en verander dit jou huisplante in ‘n kunsuitstalling wat voortdurend ontwikkel. Daar is verskeie maniere om ‘n binnenshuise galery te maak, insluitend die basiese beginsels soos hangmandjies of rankplante op ‘n rak. Daar is hope DDS-opsies: Gebruik ‘n raam sonder glas, heg potte aan ‘n traliewerk vas, en meer. Wees op die uitkyk na projekte wat in toekomstige uitgawes sal verskyn. Steeds in hierdie kategorie: Moenie plantkaste met kweekligte vergeet om plante gesond te hou nie. Dit is steeds ’n gewilde neiging vir 2026. 2. VERSAMELAARSITEMS Die versamel van huisplante is ’n sterk neiging en soos kwekers geraamteplante met die interessantste kleure op die blare kweek, so móét ons dit eenvoudig hê! Versamelings beweeg weg…

Hoe om die instruksies te verstaan Wanneer dit sê: Vertoon in helder lig. Dink aan ‘n woudtoneel waar sagte lig gedurende die dag daarop val. Verkeerd: In ‘n nou vensterbank waar die son se strale dit sal bak en blare sal brand. Reg: Naby ‘n venster weg van ‘n moontlike trek. Wanneer dit sê: Vogtige atmosfeer Verkeerd: Om dit naby of op ‘n lugverkoeler te plaas en toe te laat dat die groot blare stof versamel. ‘n Donker badkamer (al is dit vogtig) is ook nie die beste plek nie. Reg: Vee die blare gereeld met ‘n nat lap af en spuit dit op warm dae met ‘n newelsproeier vol water teen kamertemperatuur. Moenie toelaat dat waterdruppels op die blomme land nie, want dit sal hulle beskadig. Wanneer dit sê:…

Kleur wat kruip Dis een van my kindertydgunstelinge - hierdie plant laat my altyd glimlag en vrolik enige skaduweetuin op. Carpet Bugle is ‘n naam wat min mense ken, en as Ajuga ‘Burgundy Glow’ nog minder, maar sodra jy dit gesien het, sal jy dit óf onthou óf opnuut op hierdie bekoorlike plant verlief raak. Soos die naam aandui, het die blare pienk en wynrooi tinte en versprei as ‘n kleuretapyt in ligte of gespikkelde skaduwee. Teen laatsomer dra hulle lang ritse blou blomme, wat dit nog interessanter maak. Waarvan ek die meeste hou, is hoe vinnig hulle grond en gapings bedek en hoe maklik hulle verdeel kan word om gratis meer plante te maak… ‘n tuinier se geheime superkrag. Krismisroos met eikeblaarbekoring As jy daarvan hou om iets effens…

Ek het ‘n frase saamgestel wat bestaan uit ‘n paar slȇng-woorde wat alle Suid-Afrikaners verstaan en dit net so gebruik, of van die alfabetiese letters daaruit geneem om die oorsprong van baie van die ergernisse wat ons daagliks ervaar, te illustreer: ‘Howzit bra, na ‘n lekker jol by ‘n braai en baie dop, het ek sommer my bakkie ge-prang … Eish! Ek is eina, babbelas, en g@tvol, maar ek tjek jou nou-nou.’ “Hoe gaan dit?” – jy sal met hierdie meer formele vorm van ‘howzit’ wat so dikwels gevra word, te doen kry wanneer ‘n wildvreemdeling jou vanaf ‘n onbekende nommer om agtuur in die oggend bel. Die siel wil iets aan jou verkwansel, of wil jou waarsku dat skelms besig is om jou bankrekening te stroop, maar is nietemin…