Indholdsfortegnelse for February 5, 2015 i Finweek - Afrikaans

1) BLUE CRANE AVIATION: Aan die hoof van Blue Crane Aviation staan die voormalige uitvoerende hoof van die SAL en SA Express, Siza Mzimela, asook Theunis Potgieter en Jerome Simelane, albei voormalige uitvoerende bestuurders van die SAL. Volgens sy woordvoerder, Rich Mkondo, beoog die lugredery om “in die middel van die jaar” te begin vlieg. Blue Crane, wat nog nie op die radar verskyn het nie, sê hy beplan om hom op roetes dwarsoor die streek toe te spits, soos van Johannesburg na Mosambiek en Tanzanië, eerder as om markaandeel te probeer win op die oorverhandelde roetes tussen Johannesburg, Kaapstad en Durban. Die maatskappy voorsien tans konsulten bestuursdienste aan die lugvaartbedryf. 2) DIE AIM-GENOTEERDE fastjet is steeds op soek na ’n plaaslike voetspoor, ondanks die feit dat sy mislukte pogings…

In Suid-Afrika het meer as 50 mikrobrouerye ’n geleentheid in die skadu van die markleier, South African Breweries (SAB), gevind om vir ’n nuwe mark van bierdrinkers voorsiening te maak, maar vergeleke met dié in ander lande is Suid-Afrika se handbroubedryf nog taamlik onderontwikkel. Al is Suid-Afrika ’n nasie van bierliefhebbers, met verbruikers wat tradisioneel massageproduseerde bier verkies, meen Dirk van Vlaanderen, beleggingsontleder by Kagiso Asset Management, dat die handbroubedryf sterker groei as hoofstroombiere sal bly toon en die afgelope 15 jaar se tendense in Amerika sal naboots. “Die mark vir tradisionele bier in Amerika krimp sedert die begin van die finansiële krisis met 1% tot 2% per jaar weens die swak verbruiksomgewing,” sê Van Vlaanderen. Hy sê die Suid-Afrikaanse hoofstroombiermark sal waarskynlik effens druk van handgebroude bier ondervind, maar…

AS DEEL VAN SY WERK ontmoet Bechek gereeld uitvoerende hoofde en voorsitters van maatskappye oral ter wêreld. Van groot multinasionale hoofkantore in ontwikkelde markte tot hoë-groeimaatskappye in ontwikkelende lande het sakeleiers soortgelyke uitdagings. Hier is drie kwessies wat in almal se gedagtes rondmaal: “Ek dink die eerste is die vermoë om vinnig aan te pas. Feitlik almal het nuwe soorte mededingers wat hulle nie in die verlede gehad het nie, dalk omdat daar in ’n meer globale ekonomie mededingers uit nuwe streke is, byvoorbeeld China en Indië, wat nie voorheen daar was nie, of weens tegnologie, wat grense tussen produkgebiede afbreek. Maatskappye wat voorheen bestaan het, maar nie mededingers was nie, is nou skielik plaasvervangers. “Terselfdertyd ervaar die wêreld etlike dekades lank groter globalisering. Dit is dus werklik internasionale organisasies,…

In sy verslag What could happen in China in 2015 sê Gordon Orr, ’n direkteur van die konsultantfirma McKinsey & Company se Sjanghai-kantoor dat vanjaar waarskynlik die moeilikste jaar in ’n dekade vir die Volksrepubliek gaan wees. China sal na nuwe markte en sektore soek om sy hoë ekonomiese groei te steun, wat vanjaar moontlik gaan afneem ná tien jaar van snelle uitbreiding. Pogings om die produktiwiteit van ondernemings te verbeter, sal dus toeneem, terwyl daar probeer gaan word om besoedeling en koolstofvrylating te verminder om die posisie van Chinese produkte wêreldwyd ’n hupstoot te gee. “[2015] sal waarskynlik die laagste jaarlikse inkomstegroei vir minstens ’n dekade in China toon met ’n dominoeffek na die res van die ekonomie. Vroeë tekens bestaan reeds,” skryf Orr. “Die oorgrote deel van die…

ANCHOR CAPITAL BCI EQUITY FUND In die eerste helfte van verlede jaar het ons ons lesers aan Anchor Capital BCI Equity Fund voorgestel toe die fonds skaars ’n jaar oud was. Hy het netjiese opbrengs opgelewer vir beleggers wat dapper genoeg was om in ’n fonds met só ’n kort prestasiegeskiedenis te belê. Die fonds is steeds klein en het daarom nog die vryheid om maklik beleggings in maatskappye van alle groottes te doen. TIEN GROOTSTE BELANGE FONDSINLIGTING FONDSPRESTASIE (TOT EINDE DESEMBER) Wat die fondsbestuurder sê WANNEER HY REDES vir die fonds se skouspelagtige prestasie verlede jaar gee, begin Sean Ashton, fondsbestuurder, met wat nié in die portefeulje was nie. Die fonds se minimale blootstelling aan hulpbronne beteken dat hy dié sektor se treurige opbrengs, wat baie van sy portuurgenote…

Stokvels is nie net ’n Suid-Afrikaanse verskynsel nie, maar een van Afrika. Mense van verskeie Afrika-nasionaliteite wat in Suid-Afrika woon, het ook ’n konsep van ’n stokvel wat hulle gebruik om geld te spaar. En dit word vir selfs ’n groter oogmerk gebruik – om sakeondernemings te begin. Ondernemingsontwikkeling is nogal ’n groot aspek van stokvels van al dié lande. In Lesotho, wat deur landbou oorheers word, gebruik mense byvoorbeeld die opbrengs uit hul stokvels om mekaar te help om beeste vir teeldoeleindes te koop. Nkgadima sê Suid-Afrikaanse stokvels kan baie by dié van Nigerië leer. “Nigeriese stokvels is op ondernemingsontwikkeling gemik. As jy die stokvelgeld kry, sal jou medestokvellede sê: ‘Wys vir ons die onderneming; wat het jy gedoen?’ ” sê sy. Sennelo sê daar word van Nigeriese lede…

Knott-Craig jr. is ’n geoktrooieerde rekenmeester wie se idee tot die ontstaan van die organisasie Project Isizwe was. Project Isizwe is 'n nieregeringsorganisasie sonder winsbejag. Hy het ook ’n beleggingsgroep vir mobiele toepassings vir Africa World of Avatar gestig wat gebruik is om kitsboodskapdienste by Mxit te koop. Dit was ’n baie moeilike onderneming wat hom byna bankrot gemaak het. Wat die druk vererger het, was die idee om sy suksesvolle pa na te volg. “Dit het lank geduur voordat ek uit my pa [Alan Knott-Craig sr., voormalige uitvoerende hoof van Vodacom en deesdae uitvoerende hoof van Cell C] se skadu kon tree. My pa se pa was ’n koerant-man. My pa is ’n stem-mens. Ek is ’n internetmens. Ek is gemakliker daarmee om die wêreld van die internet te…

R3,6 mjd. Die bedrag wat Sibanye Gold vanjaar vir kapitaaluitgawes aan groeiprojekte begroot om die bestaansduur van sy myne te verleng, ’n toename van 10% vergeleke met 2014. $300 000 Die prys wat een leser sal moet betaal vir ’n eksemplaar van Private Vegas, ’n nuwe spanningsverhaal deur die topskrywer James Patterson. Dié spesifieke eksemplaar sal ontplof 24 uur nadat dit geopen het. Ingesluit in die prys is ’n vyfgangmaal saam met Patterson en ’n goue verkyker as geskenk. >7 500 Die getal vlugte wat tussen 26 en 28 Januarie gekanselleer is weens ’n enorme sneeustorm wat die Amerikaanse noordweste getref het. Die storm het New York so te sê tot stilstand gebring, en New York, New Jersey, Connecticut, Rhode Island en Massachusetts is tot noodlenigingsgebiede verklaar. Volgens Reuters word…

Die minister van mineraalhulpbronne, Ngoako Ramatlhodi, het ná sy vakansie weer begin werk met dieselfde energie as wat hom verlede jaar ’n nuusmaker in die bedryf gemaak het. Wie onthou nie hoe hy in die eerste twee maande ná sy aanstelling in Mei die ongewone stap gedoen het om in te gryp in die platinumstaking nie en toe, net ’n paar weke later, aangekondig het dat hy gaan vra dat belangrike wysigings aan die Wet op die Ontwikkeling van Mineraal-en Petroleumhulpbronne terug na die parlement verwys moet word omdat hulle nie beleggervriendelik genoeg was nie? President Jacob Zuma het die wysigings na die Nasionale Vergadering verwys. Hy het toe in ’n brief aan die parlement gesê die voorgestelde wysigings is ongrondwetlik, ’n potensiële skending van Suid-Afrika se internasionale handelsooreenkomste en…

Beleggingsontleder by Obsidian Capital Aandele kan om talle redes aantreklik wees: sterk groei, diepliggende waarde of moontlike korporatiewe stappe. Dit kan almal voorbeelde wees wat waarskynlik belangstelling onder beleggers sal lok. Datatec se verhaal is een van herstel. In die tweede helfte van sy 2013-boekjaar het die groep SAP in werking gestel by sy Noord-Amerikaanse Westcon-afdeling, sy grootste bydraer tot inkomste. Dit is lomp gedoen, en die eindresultaat was dat die maatskappy se verkope afgeneem en hy markaandeel afgestaan het. Datatec se terugkeer tot bedryfsdoeltreffendheid het hom – met die inbedryfstelling van SAP nou iets van die verlede – verlore veld laat terugwen. Dit is die voortsetting van hierdie tendens en paralelle organiese groei wat ons aandag getrek het en ’n belegging in dié aandeel regverdig. WIE IS HY? Datatecis…

Stokvels is dalk ’n tradisionele spaarinstrument, maar hulle ontwikkel beslis saam met die tegnologiese omgewing. Die entrepreneur Keaobaka Ramantsi het gereageer op die behoeftes van stokvellede wat gemoedsrus wil hê oor die geld wat in die stokvelrekening gedeponeer is, en met die Stokii Appkonsep vorendag gekom. Hy sê dié toepassing, wat op Android-, Windows en BlackBerry-fone werk, sal vertroue behou deurdat dit deursigtigheid by die werking van die stokvelgroep voeg. “Die toepassing skep outomaties ’n e-posadres. Jy vat die e-posadres na jou bank en hy gebruik dit om die groep van veranderinge in die bankrekening in kennis te stel,” sê Ramantsi. Die lede kan ook hul selfoonnommer gebruik om ’n unieke pinkode te skep wat hulle sal toelaat om toegang tot die stokvelrekening se transaksiegeskiedenis te verkry.…

Ons lees dikwels hoe ’n slim idee vir ’n internetgebaseerde onderneming vinnig tot ’n multimiljard-onderneming vorder (soos Facebook), of opgeraap word deur beleggers wat honger is om die volgende “groot ding” te besit. Wanneer ons hoor van digitale en internetentrepreneurs wat groot rykdom vergaar – met slim apps, sosialemedianetwerke, kitsboodskapplatforms, e-handel ensovoorts – is dit geen wonder ons dink soms dit is eintlik maklik nie. Ons het gesels met ’n klompie suksesvolle digitale entrepreneurs oor die lesse wat hulle mettertyd geleer het: 1. VERSTAAN DIE LEEMTE IN DIE MARK EN WAT JOU KLIËNTE SE “PYNPUNTE” IS. ELIZABETH DAKWA, STIGTER VAN GENIE INTEL (DIGITALE BEMARKING), GHANA: Digitale bemarking is ’n taamlike nuutjie in Ghana, dus was die besluit om my eie agentskap, Digital Marketing & Web Tech, te bedryf, opwindend maar…

Selfs terwyl die Europese Sentrale Bank (ESB) besluit het om ’n ongekende hoeveelheid geld in sy lidstate se ekonomieë te stort, sal die lotgevalle van Suid-Afrika se naasgrootste handelsvennoot waarskynlik nie na ons geweste oorwaai nie. Met die ESB wat beplan om ekonomiese groei ’n hupstoot te gee en om deflasie af te weer deur €1,1 duisend miljard te skep, is ekonome nie daarvan oortuig dat ’n sterker eurosone-verbruiker en daaropvolgende hoër vraag na goedere, invoere inkluis, SA se uitvoere ’n hupstoot sal gee nie. Die euro het tot ’n 11-jaar-laagtepunt gedaal ná die besluit, wat Suid-Afrikaanse uitvoere in euro duurder maak. “In Europa is die hoofdoel hiervan om te probeer om die afnemende inflasieverwagtinge teen te werk,” sê Arthur Kamp, ’n ekonoom by Sanlam Investment Managers. “Dit is eerder…

“N Suid-Afrikaanse modehandelsmerk wat so van weelde straal dat dit op die internasionale modeverhoog ’n plek verower het en waar dit met ikone soos Dior en Oscar de la Renta skouers skuur, kan net dié van David Tlale wees. David Tlale is ’n slim sakeman. Twaalf jaar gelede het hy sy pos as deeltydse modedosent aan die Vaal University of Technology vaarwel toegeroep en die wêreld van luuksemodes betree. Deesdae bou hy met rasse skrede ’n groot aanhang in die internasionale modewêreld op. Op 15 Februarie bied hy sy sesde solovertoning by die prestigeryke New York-modeweek aan, ’n projek wat sy maatskappy net meer as R1 miljoen per seisoen kos. Om ’n modehandelsmerk van Suid-Afrika na die loopplanke van New York te bring, is nie maklik nie, sê Tlale. “Dit…

1 KRY DIE REGTE SAKEVENNOOT: Volgens Smith is dit belangrik dat jy die regte sakevennoot kry, al is daar talle leweransiers in China vir elke produk. “Jy kan honderde leweransiers in China hê, maar as jy nie een het wat produkte van gehalte lewer en ’n goeie prestasiegeskiedenis het nie, sal jou reputasie en jou onderneming daaronder ly.” 2 WEES OP DIE HOOGTE VAN SAKE: “Dit is belangrik dat jy invoerregte verstaan sodat jy behoorlik kan begroot,” sê Smith. “My raad is om ’n versendingsagent te gebruik om die administratiewe sy van die invoer te behartig. Om alles self te probeer doen, sal in ’n nagmerrie ontaard.” 3 WEET WAT DIT KOS: Koste wat ingesluit moet word wanneer goedere ingevoer word, sluit in 14% BTW, die koste om die houer…

Invicta Holdings se nogal ingewikkelde korporatiewe herstrukturering sal lei tot die uitreiking van R2,25 miljard se gewone aandelekapitaal en voorkeuraandele, sowel as die betaling van ’n spesiale dividend van R20,24 per aandeel (sien tabel). Die proses sal teen 16 Februarie afgehandel wees. Toe hy die redes vir die twee teenwerkende aksies verduidelik het, het Charles Walters, die aangewese uitvoerende hoof, aan Finweek gesê dat die proses die korporatiewe struktuur meer vaartbelyn sal maak, aandeelhouers ’n beleggingskeuse sal gee en ook voorsiening sal maak vir nuwe aandeelhouers. “Ongeveer 60% van die maatskappy se aandele is in die besit van die direkteure. Ons het gedink ons kan die kwessie van (die gebrek aan) likiditeit in die aandeel takel deur sommige beleggers toe te laat om ’n gedeelte van hul belegging op ’n…

KIES JOU RISIKO African Bank het nogal heelwat skuld in Switserse frank aangegaan, met onlangse skuld wat in Februarie verlede jaar byna R2,2 miljard bedra het. Met die rand nou sowat 20% swakker teenoor die Switserse frank, sou dit kan dit kwaai kon seermaak, maar dit lyk of African Bank wel ’n paar dinge reg gedoen het. Die Sens-aankondiging lui: “African Bank het ’n CHF-ZARkruiswisselkoersskans aangegaan.” Op die oog af het Abil die wisselkoersrisiko verskans sodat die onlangse verandering geen uitwerking sal hê nie. Ek is nie mal daaroor as maatskappye sulke risiko verskans nie. Verwyder liewer die risiko’s buite die bestuur se beheer, soos kommoditeitsprysveranderinge. Dié wat goudmynmaatskappye koop, wil wel dié risiko hê, want dit kan beloning inhou, maar ek meen tog mynboumaatskappye sou in die algemeen in…

Vir baie mense in die swart gemeenskap sal die woord stokvel herinneringe oproep van ons ma’s en pa’s wat op die oog af ’n feestelike byeenkoms saam met vriende hou wat hul geld saamgevoeg het om elke maand om die beurt aan een lid te gee. Selfs by swaarmoedige geleenthede, soos dood in die familie of die begrafnis van ’n lid van die vereniging, sou die bystand nie net van finansiële aard gewees het nie, maar sou dit letterlik ook hulp met die reëling van die begrafnis, waaronder die spyseniering, behels het. Die stokvelbedryf, wat volgens die marknavorsingsmaatskappy African Response se jongste opname vir verlede jaar, na raming R25 miljard werd is, groei vinnig om ’n skadu-ekonomie te word wat in die toenemende finansiële behoeftes van die armes voorsien. Baeng…

Portefeuljebestuurder by PSG Wealth Om jou aandeleportefeulje met welslae saam te stel, moet jy dieselfde soortsiftings pro esas diamantdelwer s gebruik. Elke beleggingskundige het sy eie werkwyse. Sommige verkies ’n waardegebaseerde benader ing en si f deu r ta l le ondernemings op soek na daardie maatskappye wat volgens hul modelle onderwaardeer is. Ander verkies misk ien ’n tegniese of sel fs ’n kwantitatiewe proses. Volgens Bloombergse konsensus verwag ont leders dat kommoditeitsaandele in 2015 gaan herstel en dat die grootste deel van die groei in die mark van hierdie sektor afkomstig gaan wees. Die pryse van nywerheidsaandele is steeds matig, en die minste groei word in die finansiële sektor verwag. Ont leders beskou die hulpbronsektor as onderwaardeer, en uit hul eerste tien voorspellings op die FTSE/JSE is sewe in…

In Europa het belangstelling in alternatiewe boutegnieke wat hernubaar, kostedoeltreffend en energiedoeltreffend is en vinnig gebou kan word, gelei tot ’n toename in “cargotecture” (“cargo” plus “architecture”), die term wat gebruik word vir die konstruksie van ’n gebou met gebruik van herbenutte verskepingshouers. In Suid-Afrika begin die gebruik van verskepingshouers vir residensiële of kleinhandelgebruik ook posvat. Aan die voorfront van die heraanwending van houers vir ongewone woonruimtes is Citiq Properties. Dié maatskappy het drie jaar gelede sy eerste houerprojek, die studentewoonstelblok SixtyOne on Countesses in Windsor, Randburg, aangepak. Omdat die blok heeltemal van verskepingshouers gebou is, was die maatskappy vanselfsprekend senuweeagtig oor die reaksie. Dit was nie nodig nie. Al 15 woonstelle is binne twee dae verhuur. “Dit was vir ons ’n mylpaal. En dit het ons gewys dat mense…

BLOKKIESRAAISEL NO 167 Dwars 1 Beskerm (6) 4 Sonder ’n merkie (8) 9 Deurdrenk (6) 10 Instrument vir ’n voëlkyker (8) 12 Dood (8) 13 Vinnigste tyd, bv. (6) 15 Laken en . . . (12) 19 Regering met ’n alleenheerser (12) 22 Met opset (6) 23 Supermarkgroep in SA (4,1,3) 26 Informele lesing (8) 27 Het rondbeweeg (6) 28 Omgekrap (8) 29 Aanmeld (6) Af 1 Aangeklam (8) 2 Onbewese stelling (8) 3 Gelyk (5) 5 ’n Ander se eiendom tydelik gebruik (4) 6 Kookprogram op kykNET (9) 7 Inhou (emosies) (6) 8 Met rasse . . . (6) 11 ’n Vakansiehouplek in KZN (7) 14 Vinnig (7) 16 Agent wat ’n reaksie veroorsaak (9) 17 Dit tel drie punte in rugby (8) 18 Smaaklik (8) 20 ’n Leesteken…