Indholdsfortegnelse for July 9, 2015 i Finweek - Afrikaans

Baie mense droom van beleggings in die aandelemark en groot geld. Maar dikwels weet hulle nie waar om te begin nie. Die stigters van die beginnermaatskappy Stock Shop het ’n gaping gesien en die publiek begin opvoed oor beleggings in die aandelemark. Die idee het gekom van Annabel Dallamore, ’n voormalige JSE-werknemer wat die stigter en uitvoerende hoof van Stock Shop geword het. Sy sê sy en haar span by die JSE is altyd oorval met vrae oor beleggings in aandele. Aan die einde van 2013 het Dallamore bedank en Stock Shop gestig, ’n aanlyn portaal wat al die finansiële mark se produkte en dienste op een platform bymekaarbring. Die doel is om ’n saadjie oor die belangrikheid van belegging by jong mense van 15 en ouer plant, sowel as…

PAYI MEEN landbou bied geweldige potensiaal vanweë die groei van die wêreldbevolking en die vraag na verwerkte voedselprodukte deur Afrika se groeiende verbruikersmark, veral die groeiende middelklas. “Dis op sowel die primêre vlak, waar mense gewasse soos mielies en aartappels plant, as op meer waardetoevoegende vervaardiging in landbouverwerking, wat dit moontlik maak om waarde toe te voeg en verskeie nuwe markte tuis en in die buiteland te verken. “Hier kan mens dink aan die verwerking van mielies tot tortillaskyfies, groente tot verpakte voedselprodukte wat gereed en maklik is om te gebruik, en so meer – selfs om die nuwe mode van organiese voedsel te benut,” sê Payi. Payi, wat in die komitee dien wat Mzwandile Masina, adjunkminister van handel en nywerheid, oor swart nyweraars adviseer, sê biobrandstof, wat uit oesgewasse…

Kevin Dube (30) het voorheen as ’n bestuurder by ’n taximaatskappy gewerk, maar is verlede jaar deur ’n vriend na Uber verwys. Hy het in Mei verlede jaar by die maatskappy aangesluit. Hy het toe reeds ’n Mercedes-Benz besit wat hy gebruik het om as ’n UberBLACK-bestuurder aan te sluit. Dube het in die begin steeds deeltyds gewerk, maar binne ’n maand het hy bedank en ’n voltydse Uber-bestuurder geword. Uber neem ’n kommissie van 20% by al sy bestuurders. Teen Oktober het Kevin genoeg geld gehad om ’n Hyundai H1 te koop, waarmee hy by UberVAN kon aansluit. Hy het sedertdien nog twee motors by sy vloot gevoeg en het drie mense in diens. Dube sê hy hou van die feit dat Uber kontantloos en buigsaam werk. “Jy hoef…

MET NET 8 MILJOEN mense wat deur siekteversekering gedek word – ’n syfer wat teen net 1% per jaar styg – lyk die regering se oogmerk van universele gesondheidsorg na ’n veraf skimbeeld. Mens hoef bloot na die opskudding oor die gesondheidsorgplan van pres. Barack Obama van Amerika te kyk – wat vir toekomstige regerings ’n fiskale nagmerrie sal word – om te sien wat op Suid-Afrika wag. Dit is ’n probleem waarmee regerings wêreldwyd worstel. Mediese fondse redeneer dat die feit dat die oogmerke van bedryfspelers nie ooreenstem nie, pogings verhinder om mediese dekking bekostigbaarder te maak. Die Mededingingskommissie ondersoek die kosteaandrywers in die private gesondheidsorgsektor. In die meeste voorleggings aan die kommissie word toegegee dat private gesondheidsorgbesteding in Suid-Afrika hoog is en dat bedryfsinflasie hoër as algemene inflasie…

CORONATION SMALLER COMPANIES FUND Die doelwit van hierdie fonds is om die maksimum langtermyngroei uit ’n belegging in ’n uitgesoekte groep klein- tot mediumgrootte JSE-genoteerde maatskappye te kry. Die fondsbestuurders soek maatskappye buite die JSE se Top-40 wat aantreklik gewaardeer is en sterk langtermyngroei kan bied. Die fonds het ’n taamlik aggressiewe risikoprofiel, en ’n beleggingshorison van vyf jaar of langer word dus sterk aanbeveel. FONDSINLIGTING FONDSPRESTASIE (GEANNUALISEER, SOOS OP 31 MEI) TIEN GROOTSTE BELANGE (SOOS TEEN DIE EINDE VAN MEI) Wat die fondsbestuurder sê Coronation se strategie met hierdie fonds is om te belê in aandele wat ondergewaardeer is, en dan te verkoop sodra hy voel die aandele verhandel teen of bo billike waarde. In die huidige markomgewing is dit makliker gesê as gedaan. “Ons glo daar is baie…

Avatar is ’n bemarkingsagentskap van Johannesburg wat deur Zibusiso Mkhwanazi en Veli Ngubane gestig is. Dié twee jong entrepreneurs het vroeg in 2012 besluit om die hoogs mededingende wêreld van digitale bemarking en reklame aan te pak met ’n dinamiese agentskap waarvan tegnologie die kern vorm. Die twee het in 2009 ontmoet, maar die konsep van Avatar eers twee jaar later gevorm en dit geskep. Mkhwanazi het sy eerste bemarkingstegnologie-onderneming op 17-jarige ouderdom saam met ’n vriend en aanvangskapitaal van net R2 000 begin. Destyds het die jong entrepreneur self sake gaan soek. Mkhwanazi sê hy het nie ’n motor gehad nie en het met taxi’s na vergaderings gery, en “in die somer afsprake rondgeskuif om die reën te probeer vermy om nie deurnat by kliëntvergaderings aan te kom nie”.…

10 000 Die maksimum getal karakters wat Twitter-gebruikers as regstreekse boodskappe sal kan stuur, teenoor 140 vroeër, terwyl hy teen dienste soos Facebook en WhatsApp om mobiele minute probeer meeding. Openbare twiets sal steeds ’n perk van 140 karakters hê. Twitter, wie se uitvoerende hoof, Dick Costolo, op 1 Julie ná ’n bestuursherstrukturering weg is, ervaar druk om die gebruikerstal en inkomste te vergroot. R28,7 MJD. Die waarde van die regering se belang van 13,91% in Vodacom wat hy ingestem het om teen ’n afslag van 10% aan die OBK te verkoop. Die bedrag sal gebruik word om Eskom te help finansier wat ’n kontantvloeitekort van R225 miljard het terwyl hy kragstasies bou en swaar op oopsiklus-gasturbines steun om die ligte aan te hou. 44 000 Die getal Suid-Afrikaners wat…

Nigerië, ons het ’n probleem. Verlede week het president Muhammadu Buhari in sy gewone onomwonde manier gesê die staatskas is, ná jare van diefstal deur vorige regerings, feitlik leeg. Dit is nie onverwags nie, maar dis nietemin ’n probleem, en miskien ernstiger as wat die meeste mense ’n paar maande gelede dalk gedink het, want, wel, sommige van die oorsake van die huidige krisis het toe nog in hul groot huise gewoon en ’n uitspattige leefstyl geniet terwyl die olieprys ineengestort het en die land se staats- en federale reserwes al verder geval het. Dit is skokkend gegewe Nigerië se grootte, status en groeiende kommersialisme: sommige van Nigerië se 36 deelstate is so bankrot dat hulle nie hul staatsdienswerkers kan betaal nie. En dis nie ’n geval van een weeklikse…

SUID-AFRIKA VERKEER te midde van die besteding van ’n ontsaglike R4 000 miljard aan infrastruktuurprojekte in die volgende 13 jaar, hoofsaaklik in die logistieken energiesektor. Infrastruktuurgeleenthede strek na die buiteland, met Afrika suid van die Sahara wat ’n infrastruktuuragterstand van na raming $120 miljard het, met lughawens, paaie, spoorweë, damme en hawens wat gebou moet word. In Suid-Afrika bestee Eskom R337 miljard om kragstasies te bou en hernubare energie by onafhanklike kragprodusente te koop. Transnet, ’n vervoer-en-logistiekgroep in staatsbesit, en die Passasierspooragentskap van Suid-Afrika (Prasa) verkry nuwe spoorvoertuie om ou en onveilige vlote te vervang. ’n Tender van R50 miljard vir meer as 1 064 lokomotiewe en 3 600 spoorwaens is deel van kapitaalinvestering van R312 miljard om Suid-Afrika se sukkelende vragvervoerinfrastruktuur, wat spoorweë, hawens en petroleumpypleidings insluit, te verbeter.…

TOE HY GESTIG is, was Exxaro omtrent 53% in swart besit, insluitende verskeie gemeenskaps- en vrouegroepe, ’n aandele-opsieskema vir werknemers en Kagiso/Tiso deur ’n spesiale medium. Maar die ontbinding van Exxaro se SEB-aandeelhouding gebeur in November volgende jaar, ná die verstryking van ’n 10-jaar- geslote tydperk. As ’n verskaffer van steenkool aan Eskom kan Exxaro nie toelaat nie dat sy SEB-status tot onder 50% val ingevolge die departement van handel en nywerheid se bemagtigingskode, wat swart beheer vereis vir nuwe verskaffers van steenkool aan Eskom. Gevolglik sal Exxaro dalk nuwe vennote finansier, hoewel De Klerk sê dat sommige SEB-vennote in die struktuur op die huidige vlakke sal wil bly. Nietemin maak dit die volgende 18 maande kommerwekkend vir Exxaro se aandeelhouers, insluitende Anglo American en ander minderhede, wat 9% en…

Sommige mediese fondse meen dat die Raad op Mediese Skemas (RMS) hulle teiken oor taamlik onbenullige bedrae wat aan niegesondheidsorgitems bestee word, soos konsertkaartjies en bonusbelonings vir makelaars. Dié soort besteding sal in enige ander soort maatskappy beswaarlik opgemerk word, maar mediese fondse is niewins-ondernemings wat onder die Wet op Mediese Fondse val. Dit plaas hul besteding onder die RMSmikroskoop. Al is fondse niewinsinstellings, ding hulle teen mekaar om lede mee om gesonde reserwes en finansiële welstand vol te hou. Dit beteken besteding aan bemarking, selfs al behels dit ’n reis vir sommige kliënte na ’n natuurreservaat of ’n Neil Diamond-konsert. Die teiken van die RMS se gramskap is besteding aan bemarking, administrasie en ander items wat die rekening verklein wat vir lede beskikbaar is. Bestmed, ’n onderlinge mediese gesondheidfonds…

ONS TEGNIESE STELSEL HET nog ’n koopteken gegee vir die Indi25-indeks wat ons deur die beursverhandelde fonds (ETF) STXIND verhandel. Ek het reeds ’n posisie in dié ETF, en my toekenning hieraan is vol. Maar diegene wat dit nie vroeër gedoen het nie, kan hierdie geleentheid gebruik. Die stelsel is suiwer tegnies, geen kaarte of fundamentele faktore nie. Ons gebruik twee weeklikse eksponensiële bewegende gemiddeldes (EBG’s) om die primêre tendens te bepaal, en as dié tendens opwaarts is, gebruik ons die 15-week-EBG vir ’n inskrywingsneller. Die sneller was verlede Vrydag (25 Junie) en nou wag ons vir bevestiging: die indeks moet bo 67 903 om 16:30 op Vrydag 3 Julie wees. As dit gebeur, word die sneller bevestig, en dan moet ons ingaan. Om uit te gaan, is weer suiwer…

Geen bespreking van Impala Platinum sal volledig wees as ons nie eers ’n vinnige oorsig van die platinummark gee nie. Teen huidige pryse is die bedryf as ’n geheel marginaal, en ons sien dat die kontantkoste van produksie skaars gedek word. Die probleme is vir almal bekend: dit is oorkapasiteit, herwinning, bogrondse voorrade en ’n flou vraag na juweliersware deur China. Die aandeelpryse weerspieël hierdie rampsalige situasie. Oorkapasiteit is problematies in Suid-Afrika omdat herstrukturering en afskaling ernstige sosiale en politieke implikasies inhou. Laasgenoemde gebeur nietemin – en wel by Lonmin en Anglo Platinum. Ek verwag nie dat die primêre produksie van platinum weer voor die einde van hierdie dekade die rekordvlakke van die middel-2000’s sal bereik nie. Die herwinning van platinum behoort oor die volgende twee tot drie jaar ’n…

1. AANVAAR JOU FINANSIËLE WERKLIKHEDE: Moenie koop wat jy nie kan bekostig nie. 2. PRIORITISEER JOU FINANSIËLE BEHOEFTES: Sonder ’n begrip van wat jou prioriteite is, is dit maklik om jou swaarverdiende loon aan minder belangrike goed te bestee – geld wat gebruik kan word om ’n spesifieke doelwit te bereik of om vir jou noodfonds te spaar. 3. STEL ’N SPAARPLAN OP: Byvoorbeeld, jy oorweeg dit miskien om ’n maandelikse aftrekorder vir jou spaarrekening in te stel wat betaal word op die dag wat jou salaris inbetaal word. Jy dink miskien dat jy nie kan spaar nie, maar jy sal verbaas wees hoe maklik dit is as jy spaar jou prioriteit maak.…

EEN VAN DIE GEHEIME VIR DIE MAAK VAN KOFFIE IS DIE ESPRESSOMASJIEN – ’N LOGGE, STOMENDE MONSTER WAT DIE MIDDELPUNT VAN GOEIE KOFFIEWINKELS IS. Alles wat David Donde oor sake geleer het – en oor om aan jou beginsels getrou te bly – spruit uit sy strewe na die maak van ’n perfekte koppie koffie. Elke keer. Mens ruik die aangename aroma van die koffie wat gerooster word, lank voordat jy by Truth Coffee in Buitenkantstraat in Kaapstad se stadskern instap – ’n byderwetse steampunk-paleis waar die brou van die perfekte koppie veel meer as ’n kunsvorm is. David Donde se verhouding met koffie is nie iets wat mens ’n godsdiens – met die vereiste van gereelde rituele en aanbidding – sou noem nie. Dis veel eerder wat mens ’n…

Weens die groeiende vraag na slimfone beplan ’n Chinese selfoonvervaardiger om die Suid-Afrikaanse mark vir slimfone te betree met die doel om sy Ultraphone teen ’n bekostigbare prys te verskaf. Technology Happy Life (THL) – dit is deel van Shenzhen Hongjiayuan Communication Technology, wat spesialiseer in navorsing en ontwikkeling op die gebied van slimfone – verskaf sulke produkte wat “bekostigbaar en van uitstaande gehalte” is. Die vervaardiger van die Ultraphone sê die battery vir hul foon kan tot vyf dae lank hou sonder dat die gebruiker dit hoef te laai. THL sal dié slimfoon teen November in Suid-Afrika bekend stel. Die maatskappy is ook van plan om drie winkels in die land te open waar potensiële kopers die fone kan toets. Die slimfoonmark is reeds oorvol, met verskeie maatskappye wat…

BLOKKIESRAAISEL NO. 191 Verskaf deur Gerda Engelbrecht Af 1 Duisendpoot (Nguni) (10) 2 Soogdier deur stropers geteiken (8) 3 Vaste klip (4) 4 Borduur (4) 5 Gehoorsaam (4) 6 Else (6) 7 Half (4) 13 Styl (5) 14 Vader (5) 15 Kweking (5) 16 Kloustrofobie (10) 19 Met ’n speld heg (8) 21 Hoofstad van Griekeland (6) 24 Te eniger tyd (4) 25 Klankweerkaatsing (4) 26 Was daarmee (4) 27 Plant dit in die tuin (4) Dwars 8 Genugtig! (4) 9 Menserower (10) 10 Karakter (6) 11 Bitsig (8) 12 Kano (4) 13 Matmaker (10) 17 Goël (4) 18 Vervaardiger van die iPad (5) 19 Siekte aan MIV verwant (4) 20 Dwaas en parmantig (10) 22 Sleepnet (4) 23 Baas wees oor (8) 27 Hekelende geskrif (6) 28 Verlange (10)…

Tom Robbins @BaragwanathBiz Ek het gedroom. Brian Joffe koop Telkom, dank elke personneellid af, want hy reken hy kan meer oproepe as 20 000 mense beantwoord. Tom Eaton @TomEatonSA Mense haat SABC-opvoerings. Wel, ek onthou dertyds toe al wat hulle uitgesaai het, BZN-popvideo’s (Band Zonder Naam) en Khaya Lebantwana was, leef dus daarmee. Tito Mboweni @tito_mboweni Moeilike lewe. Betaal aan die keiser wat dit keiser toekom. Die Griekse regering leer vinnig. Regerings moet versigtig wees wat hulle belowe. Paul Sawers @psawers Dus, as 40 miljoen mense elk €40 skenk, kan Griekeland miskien net-net oorleef. Of miskien moet Facebook eenvoudig vir Griekeland oorneem en dit met Instagram integreer. Patrice Rassou @PatriceRassou Fitch gradeer Griekeland nou [30 Junie] af.. en sommige mense glo nog aan graderingsagentskappe??!!!?? Prins Charles* Geagte Oxford- Engelse Woordeboek:…

NOG ’N TERREIN wat heelwat geleenthede vir ondernemings in swart besit gaan bied, is tendertoewysings – waar die regering beplan om 30% van sy verkrygingsbesteding vir koöperasies en township- en plattelandse ondernemings te reserveer. Die regering sê maatskappye in staatsbesit, soos die Suid-Afrikaanse Lugdiens (SAL), die wapenvervaardiger Denel, Eskom, Prasa en Transnet, aan om hul verskaffingsketting aan swart verskaffers en nyweraars oop te stel. Die toewysing sal basies regeringskontrakte wees wat aan swart verskaffers toegeken word sonder mededinging deur gevestigde maatskappye onder wit beheer en multinasionale maatskappye – wat aan swart mense ’n beduidende deel van die jaarlikse staatbesteding van sowat R500 miljard aan goedere en dienste sal gee. Ontevrede wit ondernemings kan egter die toewysings, wat die Black Business Council (BBC) verwoed versoek het, in die hof betwis op…

Indien daar ooit ’n behoefte bestaan het vir Suid-Afrika se platinumsektor om sy geroemde brandstofseltegnologie aan die gang te kry, dan is dit nou. Volgens ontleders is die gewoonlik betroubare vraag na platinumgroepmetale (PGM’s) in dieselaangedrewe voertuie aan die afneem, met die markaandeel daarvan wat nadelig geraak word deur brandstofbesparende tegnologie en elektriese voertuie. Die penetrasie van dieselaangedrewe motors in Europa – ’n belangrike mark vir PGM’s – het waarskynlik sy hoogtepunt bereik, volgens ’n verslag van Chris Nicholson en sy kollegas by RMB Morgan Stanley. Hulle haal kommentators aan wat sê dieselaangedrewe voertuie se markaandeel kan teen 2022 in Europa tot 44% daal van 55,7% in 2011. In hul plek wend vervaardigers hulle tot brandstofbesparing, want gasuitlatings moet verminder word. Daar is ook die bedreiging van elektriese voertuie, hoewel…

■ Uber vir dowes Die maatskappy werk tans aan ’n funksionaliteit vir bestuurders wat doof of hardhorend is. Dit is reeds in Amerika in gebruik en sal binne die volgende paar maande in Suid-Afrika bekendgestel word. Voornemende passasiers sal ’n boodskap kry dat die bestuurder doof is, en hulle sal slegs ’n SMS aan hom kan stuur, nie bel nie. Vir die bestuurder sal die toepassing flikker in plaas van ’n geluid te maak. ■ UberPool Dit sal mense in dieselfde gebied wat na dieselfde bestemming gaan, bymekaarbring. Die passasiers sal dan die koste kan deel en ’n poelstelsel reël wat die reise goedkoper en makliker sal maak. Die bestuurder sal dan ook meer geld verdien en doeltreffender wees deur meer mense op dieselfde tyd te vervoer. Dié stelsel sal…

Elke suksesvolle persoon het eens aan die spits van ’n groot tendens gestaan, en toe die golf gery. En Picken beoog om die golf te ry deur toegang tot die welvaartskeppende bate van eiendom te bied deur middel van die platform van skarefinansiering. Dié entrepreneur, wat in Durban gebore en getoë is, is al bykans twee dekades lank ’n speler in die internasionale eiendomsbeleggingsektor – en is in dié tyd een van die min spelers op die gebied van tegnologie wat probeer om die eiendomsbeleggingsproses te verbeter. Dit was toe hy besig was om sy meestersgraad in Londen te voltooi dat hy sy tesis geskryf het oor hoe tegnologie en rekenaars die eiendomsbedryf gaan verander. Hoewel dit vandag ou nuus is, was dit in 1998 baanbrekend. “Waaroor ek opgewonde en…

AL IS MEDIESE fondse niewinsondernemings, moet hulle steeds om lede meeding, veral jong en gesonde lede, wat die fonds se ouer lede subsidieer. “Dit beteken dat mediese fondse hul deur ’n reeks bemarkingstrategieë moet bemark, waaronder die toepaslike vermaak van kliënte en voornemende kliënte. Dit is normale sakepraktyk, en tensy ’n mediese fonds se niegesondheidsorgbesteding nie met die marknorme ooreenstem nie en die bestuur van die fonds se geldsake verdag is, behoort die raad nie betrokke te raak nie,” sê dr. Bobby Ramasia van Bonitas. Terwyl mediese fondse se besteding beperk word, word dié van mediesefonds-administrateurs nie – ’n heeltemal ander soort spesie in die gesondheidsorgketting. Die administrateur kan kliënte dus na ’n musiekkonsert nooi, maar die mediese fonds sal waarskynlik teëstand oor sulke besteding kry. Dit is omdat adminstrateurs…

DATATEC HET ’N LANG PAD gekom sedert die vroeë 2000’s toe die dot-comineenstorting daartoe gelei het dat sy aandeelprys in een jaar van 14 600 c per aandeel tot 1 650 c geval het. Datatec het die ineenstorting oorleef en oor die jare aangehou groei danksy sy geografiese diversifikasie en besigheidsmengsel. Beleggersvertroue het herstel. In die jaar tot die einde van Februarie het Datatec kontant van $186,2 miljoen uit bedrywighede gegenereer, hoër as die $32,2 miljoen van die vorige jaar, wat deur ’n sterk herstel in verkope en markaandeel by filiaal Westcon aangedryf is. Oor die afgelope drie jaar het hy sy dividende ook gehandhaaf, ten spyte van wisselvallige verdienste. Die groep gaan voort om te fokus op die groei van sy annuïteitsinkomstestrome, soos getoon word deur sy onlangse verkryging…

Verbruikers weet dat hulle moet spaar en wil graag spaar, maar dit is moeilik, veral vir laer- en middelinkomste-verbruikers. Die spaarkonsep is “lekker om te hê”, maar moeilik om te doen, sê Nolene Parbo, senior bestuurder vir deposito’s en kleinhandelbanksake van Standard Bank. Sommige verbruikers is bereid dat banke geld “kragdadig” uit hul rekeninge verwyder en dit in ’n spaarrekening deponeer, soos met ’n debietorder of aftrekorder, sê Parbo. Spaar gaan daaroor dat verbruikers die selfbeheersing moet hê om hulself konsekwent eerste te betaal, sê sy. Laerinkomste-verbruikers het ’n begeerte om kundiger oor spaar te word, sê Parbo. ’n Ekonomiese oorsig deur BankServ Africa toon dat huishoudings se besteebare inkomste toeneem, al is dit nog min, en verbruikers het oorskotgeld beskikbaar en groter spaarvermoë, sê Parbo. Dit gaan gepaard met…

DIS ’N AANDUIDING van Donde se obsessie en Truth se reputasie. “Ons word as ’n internasionale mikrohandelsmerk erken,” sê Donde, wat pas van ’n koffiekonvensie in Brittanje teruggekeer het. “Dit het my nogal gefassineer . . . om tussen die wêreld se beste koffiekenners van oraloor te wees. Twee goed was vir my baie interessant: Eerstens, die meeste van dié topvlakouens weet baie goed wie ons is. En die ander ding wat my verras het, is die gehalte van ons koffie,” sê Donde. “In Afrika is ons geneig om te dink dat ons in ’n klein kapsule en borrel is, maar ek het die kans gekry om ons koffie met die wêreld se koffie te vergelyk . . . en ons is onder die bestes. En as jy jouself op…

Makgato kyk na die horison en sê hy sal voortgaan om maatskaplike kwessies aan te pak. “Ek is ’n kunstenaar wat verskillende temas en onderwerpe anders en met verskeie mediums en tegnieke verken. Ek is ’n ontdekkingsreisiger en eksperimenteerder in my kuns,” sê hy. Makgato sê sy kuns sal steeds gevorm word deur die idee wat Suid-Afrikaners in die algemeen ubuntu noem. “Ek meen dat my plattelandse opvoeding sy eie invloed op my gehad het, soos om die konsep van gemeenskap eerder as individualiteit te waardeer en te aanvaar. Ek het nie van ’n boemelaar of hawelose mense geweet voordat ek in 2008 na Johannesburg gekom het nie. Daar in die plattelandse gebiede is daar beswaarlik mense wat honger of haweloos gaan slaap, want daar bestaan steeds ‘Afrika-humanisme’, of botho,…