Indholdsfortegnelse for July 30, 2015 i Finweek - Afrikaans

BEVOLKING 78,4m. (SA: 54m.) BBP (2014): $415,3mjd. (SA: $349,8mjd.) BBP-groeikoers (2014): 1,5% (SA: 1,5%) Inflasie (2014): 17,2% (SA: 6,4%) Amptelike werkloosheidskoers (2015): 10,8% (SA: 26,4%) Lewensverwagting by geboorte (2013): 74 jaar (SA: 57 jaar) BRONNE: Wêreldbank, Trading Economics, Verslaggewers sonder Grense, Belfer Center BELANGRIKSTE EKONOMIESE SEKTORE: Oorheers deur olie en aardgas. Iran het ook klein landbou en dienste, en opmerklike staatsbetrokkenheid by vervaardiging en finansiële dienste. HULPBRONNE: Wêreld se naasgrootste bekende aardgasreserwes en vierde grootste bewese ruoliereserwes. GEMAK VAN SAKE DOEN: Beklee die 130ste posisie uit 189 lande, volgens die Wêreldbank se opname Doing Business 2015 (Suid-Afrika is 43ste). MEDIAVRYHEID: Iran beklee die 173ste posisie uit 180 lande op Verslaggewers sonder Grense se wêreldpersvryheidsindeks, net effens beter as Soedan (174), China (176) en Sirië (177). Suid-Afrika is 39ste. = Grootste…

’N Siening wat die ronde doen, is dat Suid-Afrika se platinumprodusente self vir hul probleme verantwoordelik is weens hul weerstand teen laer produksie; dat hul produksie trouens toeneem. “Die groot maatskappye het almal daarop gekonsentreer om hul produksievermoë op te stoot, pleks daarvan om te herstruktureer as ’n manier om eenheidskoste te verminder,” sê Goldman Sachs in ’n onlangse verslag. Allan Cooke, ’n ontleder by J.P. Morgan, het ’n soortgelyke beswaar geopper tydens die voorlegging van Anglo American Platinum (Amplats) se tussentydse resultate op 20 Julie, en gevra of die maatskappy wel “vir die huidige omgewing bestuur” soos hy aanvoer. Hierop het Chris Griffith, uitvoerende hoof van Amplats, gesê: “Ons het nou meer winde van voor en ons moet aanhou kyk na waar ons winsgewend is en waar ons mynwerk…

LAE WAARSKYNLIKHEID DAT DIT GEREKENARISEER SAL WORD: ■ Geneeshere, chirurge en verpleegsters ■ Tandartse ■ Geestelikes ■ Uitvoerende hoofde ■ Siviele ingenieurs ■ Mode-ontwerpers ■ Raadgewers oor dwelmmisbruik en gedragsafwykings ■ Prokureurs, regters en landdroste ■ Haarkappers en kosmetiste ■ Atlete en sportmanne en –vroue HOË WAARSKYNLIKHEID DAT HULLE GEREKENARISEER SAL WORD ■ Marknavorsers en bemarkingdeskundiges ■ Bestuurders van taxi’s, busse en ligte afleweringsvoertuie ■ Siviele ingenieurstegnici ■ Tegniese skrywers ■ Menslikehulpbronassistente, behalwe loonstaat- en tydhouerwerk ■ Belastingondersoekbeamptes en -invorderaars, en inkomste-agente ■ Rekenmeesters en ouditeure ■ Parajuriste en regsassistente ■ Kassiere ■ Skeidsregters en ander sportbeamptes BRON: The future of employment: How susceptible are jobs to computerisation? deur Carl Benedikt Frey en Michael A. Osborne, Universiteit van Oxford.…

HUGE GROUP, MET ’N MARKKAPITALISASIE VAN MEER AS R388M., SE PRYS HET IN DIE AFGELOPE DRIE JAAR MET BYNA 300% GESTYG. Die JSE-genoteerde telekommunikasiefirma Huge Group se aandeelprys styg, en hy het sy oog nou op nisverkrygings in Suid-Afrika, waar hy homself as ’n natuurlike konsolideerder beskou. Huge Group, met ’n markkapitalisasie van meer as R388 miljoen, se aandeelprys het in die afgelope drie jaar met byna 300% gestyg, en 164% in die afgelope jaar. Die aandeel verhandel tans teen R3,50 – ’n gesonde 61%-groei in die afgelope 90 dae. Dis duidelik dat Huge Group se strategie die goedkeuring van beleggers wegdra. “Hierdie prysstyging verbeter ons vermoë om samesmeltings en verkrygings op ’n aandeel-vir-aandeel-grondslag te oorweeg,” sê James Herbst, uitvoerende hoof, in die maatskappy se jaarverslag. “Die volume aandele wat…

OPGRADERING VAN SAGTEWARE $0 Microsoft gaan Windows 10, die jongste weergawe van sy bedryfstelsel, op 29 Julie bekendstel. Gebruikers sal dan die eerste keer in staat wees om gratis na dié jongste weergawe van die bedryfstelsel oor te skakel. Dit stem ooreen met stappe wat sy mededinger Apple gedoen het wat opgraderings van sy stelsels in die afgelope jare gratis beskikbaar gestel het, asook Google, wat gratis sagteware en dienste bied. Vroeëre weergawes van Microsoft se bedryfstelsel werk op meer as 1,5 miljard rekenaars en ander toestelle, volgens The New York Times. GEBRUIKTE MOTORS $54 M. Die bedrag (R669 miljoen) wat Vroom, ’n beginnermaatskappy wat gebruikte motors aanlyn verkoop, verkry het om sy bedrywighede uit te brei en sy afleweringstye te verbeter. Die New Yorkse Vroom stel verbruikers in staat…

Iran is ondanks sy binnelandse ekonomiese probleme en afsondering van wêreldhandel (veral sedert Amerika, die Europese Unie en die Verenigde Nasies in 2012 sanksies verskerp het) steeds ’n sleutelspeler in die Midde-Ooste. Iran en Amerika het ’n noue verhouding geniet voor die Islamitiese Revolusie in 1979, toe sjah Mohammad Reza Pahlavi omvergewerp is. Die sjah is vervang deur ’n teokratiese regering met die ajatolla Khomeini aan bewind in Teheran. Die sjah het die bewind in 1953 oorgeneem danksy ’n CIA-gesteunde staatsgreep, en Amerika was ook van die 1950’s tot 1979 ’n sleutelverskaffer vir Iran se kernprogram. Ondersteuners van die revolusie het 52 Amerikaanse diplomate en burgerlikes van November 1979 tot Januarie 1981 as gyselaars aangehou nadat hulle die Amerikaanse ambassade in Teheran oorgeneem het, en dit het die verhouding tussen…

A andeelhouers in MTN Group, een van die wêreld se grootste selfoonoperateurs, kan ná die Iranse kernooreenkoms bevoordeel word deur ’n kontantmeevaller van $1 miljard (R12,3 miljard). MTN, wat in 2013 onsuksesvol deur sy Turkse mededinger Turkcell oor die toekenning van die selfoonoperateurslisensie aan Irancell in 2005 gedagvaar is, het 44,1 miljoen kliënte in dié Midde-Oosterse land – byna 20% van sy hele kliëntebasis. Sy belang van 49% in Irancell lewer die grootste bydrae tot MTN ná Nigerië en Suid-Afrika en het verlede jaar byna 8% van sy inkomste verteenwoordig. Die $1 miljard bestaan uit saamgestelde dividende en ’n leningterugbetaling deur Irancell wat MTN vanweë sanksies teen die land nie uit Iran kon bring nie. Sodra die sanksies opgehef word, sal MTN van die geld kan begin repatrieer, sê hy.…

Dis ’n geval van goud skop terwyl hy lê: Data van die Volksbank van China (sy reserwebank) verlede week – die eerste keer in vyf jaar dat hy dié soort syfers bekendmaak – toon sy goudbates het met 57% toegeneem. Tog was dit steeds gronde vir ’n doelgerigte aanval op die metaal deur handelaars met daalposisies Handelaars wat sulke kort posisies inneem, wed sodoende dat die prys van iets sal daal. Die Volksbank se data het hulle laat besef dat 1 658 ton in goud net ’n breukdeel van China se valutareserwes van $3,7 duisend miljard uitmaak. Boonop is daardie breukdeel op sigself teleurstellend. Op 1,67% van die land se valutareserwes is dit net effens hoër as die 1,5% wat in 2009 vermeld is, op ’n tydstip toe goudbulle uitgesien…

Vir baie mense is dit ’n uitdaging om werkbevrediging te vind. Ons kla voortdurend oor geraas in die kantoor, veeleisende base en onbillike betaling. Selde hoor jy dat iemand sê hy hou van sy werk en geniet dit om daar te wees. Is werkbevrediging vir die meeste van ons net ’n droom? Bestuurs- en werknemerbetrokkenheidspesialiste glo nie so nie. Dit vereis egter dikwels ’n verandering van rigting deur die werkgewer sowel as die werknemer. MEER AS NET GELD Navorsing toon dat werkgewers min insig het in wat werkbevrediging onder werknemers behels. Volgens Chantelle Blandin de Chalain, organiserende ontwikkelingsbestuurder by Independent Counselling and Advisory Services SA (ICAS), beskou baie werknemers werkbevrediging as iets wat direk met vergoeding gekoppel is. “Maar hoewel vergoeding ’n groot rol speel in werkbevrediging is daar ander…

■ Resepteer van medisyne: In 2011 vervang deur robotikabeheerde apteke by twee UCFSMediese Sentrums in Amerika. Rekenaars ontvang medikasiebestellings van dokters en aptekers, en robotte kies en verpak die medisyne en resepteer dit. ■ Bestuur van voertuie: Uber het in Februarie aangekondig dat hy pogings saam met die Universiteit van Carnegie Mellon gaan aanwend om bestuurderlose voertuie te ontwerp. Werkende modelle van Google se selfbestuurmotors is reeds in gebruik. ■ Oorlogvoering: Onbemande vliegtuie het soldate in talle gevalle aan die gevegsfront vervang. ■ Telebemarking: Sagteware wat deur Avatar Technologies ontwikkel is, stel inbelsentrumagente in staat om voorafgeprogrammeerde vrae en antwoorde aan ’n kliënt te stel in die aksent van die kliënt se land. ■ Kookkuns: In April is die robosjef in Duitsland bekendgestel. Robosjef neem mense se bewegings op en…

GROWTHPOINT PROPERTIES, WAT ’n portefeulje met eiendomme in Suid-Afrika en Australië besit, het reddeloos geblyk te wees toe sy aandeelprys in April sterk weerstand teen R28,55 teengekom het. Die prys het sy daaltendens oor ’n tydperk van drie dae voortgesit deur met 10% te verswak. Talle beleggers kan egter nou ’n sug van verligting slaak terwyl Growthpoint dié verliese verhaal en selfs sy korttermyndaaltendens omseil. In Mei het Moody’s die maatskappy se kredietgradering opwaarts aangepas en derhalwe bykomende steun toegevoeg. Die graderingsagentskap het die maatskappy se groot, gediversifiseerde portefeulje, sy stabiele kontantvloei, ondersteun deur lae leegstand en stabiele bedryfsmarges, asook die groep se prestasiegeskiedenis van gesonde likiditeitsbestuur as belangrike aandrywers genoem. My siening van Growthpoint het vanjaar positief gebly ondanks sy vroeëre terugsakking, en ek verwag dat sy prys op…

Uiteindelik gebeur iets. Nigerië se pres. Muhammadu Buhari het verlede week sy militêre en sekuriteitshoofde herskommel in wat baie mense hoop die begin is van ’n reeks aanstellings wat al sedert die einde van Mei verwag word. As jy dalk die afgelope week of twee ’n Rip van Winkel-slapie gevang het, sal jy verbaas wees om te hoor Nigerië het steeds nie ’n minister van finansies of van oliesake nie. Enige verandering word dus gesien as (hopelik) die begin van baie meer aanstellings. Die hoof van die leër, die Die hoof van die leër, die vloot, die lugmag en die weermagstafhoof het verlede week almal die trekpas gekry. Dat Buhari besluit het om met die weermagen militêre personeel te begin, dui verskeie dinge aan. Dit dui eerstens aan dat hy…

Iran hoop dat die kernooreenkoms goed sal wees vir sy toerismebedryf, wat tans sowat 2% van sy bruto binnelandse produk verteenwoordig. Die regering van pres. Hassan Rouhani, wat in 2013 verkies is op grond van die belofte dat hy Iran se verhoudings met die wêreld en die land se ekonomie sal verbeter, doen verdere stappe om visumvereistes te verslap en beplan om tot 200 hotelle te bou omdat die bestaande akkommodasie nie voldoende voorsiening maak vir die toename in toerisme wat sedert sy verkiesing in 2013 voorkom nie, berig guardian.com. Iran het 19 Unesco-wêrelderfenisgebiede, en sy voorste toeristeattraksies wissel van die antieke stad Persepolis, hoofstad van die Eerste Persiese Ryk, tot Ramsar, ’n gewilde strandoord aan die Kaspiese See. Suid-Afrikaners reis hoofsaaklik vir sakedoeleindes na Iran, en bankbeperkings vanweë die…

Sal die waarde van jou aftreeinkomste verseker dat jy so gerieflik leef as wat jy gewoond is wanneer jy aftree? Dit gaan nie oor die waarde van jou opgehoopte spaargeld en opbrengs op jou beleggings nie, maar oor aftreedoelwitte en die waarde van jou toekomstige inkomste. Dít is wat die Suid-Afrikaanse aanspreeklikheidsgedrewe beleggingsbestuurder Colourfield en Robert Merton, Nobelprys-bekroonde ekonoom en afgetrede professor van die Harvarduniversiteit, oor die toekoms van aftreeplanne sê. Merton, ’n residentwetenskaplike by Dimensional Holdings, is vandeesweek deur Colourfield in Suid-Afrika verwelkom. Hy het met Finweek by Melrose Arch in Johannesburg gesels en die belangrikheid van vastebydrae-aftreeplanstrategieë (DC) benadruk. Dié strategieë verskuif die klem vanaf opgehoopte spaargeld en beleggingsopbrengste na individue se beleggingsdoelwitte en die instelling van maniere om te verseker dat hul geld groei om die geteikende…

GOUDMYNBEDRYF GEE AMPER SY LAASTE STUIPTREKKINGS Harmony se uitvoerende hoof, Graham Briggs, gaan uittree nadat hy in 2008 in dié pos aangestel is. Destyds was die randgoudprys ongeveer R5 700 per ons. Nou is dit R14 000. In rand is die goudprys dus nie veel laer as die hoogtepunt van bykans R16 000 wat laat in 2012 bereik is nie. Harmony se aandeelprys vertel egter ’n heel ander storie. In 2008 is dié aandeel ingesluit in die Top40-indeks; nou is dit ’n kleinkapitalisasie-aandeel. Die aandeelprys het getuimel van ’n hoogtepunt van meer as R110 in 2008 tot die huidige prys van minder as R15. Die probleme is bekend en talryk. Die uiteinde van die saak is dat goudmynbou in Suid-Afrika in werklikheid sy laaste stuiptrekkings gee, en ek kan niks…

LIBERTY EN FNB BEVEEL DIE VOLGENDE OPSIES AAN: ■ VASTE DEPOSITO’S: Die geld word vir ’n vasgestelde termyn en teen ’n vasgestelde rentekoers – wat gedurende die tydperk wat jy die bedrag deponeer onveranderd bly – by ’n bank geplaas. Vaste deposito’s gee aan beleggers gemoedsrus, want hulle weet hul kapitaal is veilig en oor die beleggingstermyn het hulle ’n mededingende opbrengs. ■ EFFEKTETRUSTS: Dit is kollektiewe fondse wat dit vir verskillende beleggers moontlik maak om hul geld in ’n enkele fonds bestaande uit verskillende bateklasse saam te voeg, sodat hul risiko versprei is. Na gelang van die maatskappy en soort effektetrust kan jy ’n groter of kleiner bedrag belê, hetsy jaarliks of maandeliks. ■ UITKEERPOLISSE (“ENDOWMENTS”): Hiermee kan jy op lang termyn maandeliks of jaarliks geld wegsit. Binne die…

Kom, laat die breinselle weer ’n bietjie werk! Vandeesweek het een gelukkige leser die kans om ’n eksemplaar te wen van Douglas Kruger se Relentlessly Relevant: 50 Ways to Innovate, wat sakeeienaars weglei van die tradisionele benadering tot kliënte se behoeftes en hulle op die weg plaas om toonaangewers op hul gebied te word. Doen die vasvra op Finweek.com om in te skryf. BLOKKIESRAAISEL NO. 194 Verskaf deur Gerda Engelbrecht Af 1 Miskien (6) 2 Volkekundig (6) 3 Rigting (5) 4 Besitter (7) 6 Aan albei kante (9) 7 Armsalig (8) 8 “Staaf” op ’n sokkerveld (8) 11 Bondel druiwe (4) 15 Wegrakery (9) 17 ’n Reeks in kaartspel (8) 18 ’n Verbode opkikker (8) 20 Baie sleg (4) 21 Ellendig (7) 22 Van . . . en ver (6)…