Indholdsfortegnelse for 04-may-17 i Finweek - Afrikaans

die afgelope week het ek deurgebring op ’n staptog in die Portugese platteland, waar daar min teken van ekonomiese herstel is. Soos verskeie lande in Suid-Europa is Portugal hard getref deur die wêreldwye finansiële krisis, wat gelei het tot ’n langdurige resessie, massiewe skuld en ’n finansiële inspuiting van €78 miljard deur die Europese Unie en die Internasionale Monetêre Fonds in 2011. Die land is afgegradeer tot rommelstatus – ses jaar en talle pynlike hervormings later wag hy nog vir ’n beleggingsgraad-kredietgradering deur Moody’s, Standard & Poor’s en Fitch. (Die taamlik onbekende Kanadese graderingsagentskap DBRS het sy beleggingsgraadgradering op Portugese skuld behou, wat die land in staat gestel het om voordeel te trek uit die Europese Sentrale Bank se effektekoopprogram.) Die groei sal na verwagting ’n baie flou 1,25% bly…

“EK MEEN DIE REGSGRONDE VIR DIE DIREKSIE SE ARGUMENT OOR DIE REDES VIR DIE PENSIOENREË- LING ONTBREEK. DIT KAN OOK NIE AS ’N BELONING VIR PRESTASIE GEMOTIVEER WORD NIE.” − Lynne Brown, minister van openbare ondernemings, in ’n verklaring op 23 Julie dat sy die Eskom-direksie se voorgestelde pensioenuitbetaling van R30 miljoen aan Brian Molefe, voormalige uitvoerende hoof, afgekeur het. Sy het die direksie ook opdrag gegee om binne sewe dae ’n “toepaslike” pensioenvoorstel voor te lê. “Ons sal die Amerikaanse handelsondersoek na ingevoerde staal sorgvuldig dophou.” − Kosei Shindo, voorsitter van die Japanse yster- en staalfederasie, tydens ’n nuuskonferensie op 24 April nadat president Donald Trump van Amerika die vorige week ’n handelsondersoek na China en ander uitvoerders van goedkoop staal na die Amerikaanse mark gelas het. Reuters het…

Suid-Afrika se afgradering tot rommelstatus het ’n ernstige afswaai ontketen met sommige risiko-afkerige beleggers wat die hasepad kies. Dit lyk ook of internasionale maatskappye wat in Suid-Afrika belê het, nie Afrika se groeiverhaal glo nie – veral Anheuser-Busch InBev (AB InBev) SA, wat SABMiller in Oktober 2015 oorgeneem het. Tog glo Ricardo Tadeu, die president van AB InBev in die Afrika-sone dat die vasteland oor 30 jaar belangriker vir die wêreldwye biermark as Noord-Amerika gaan wees. ’n Jaarverslag wat onlangs verskyn het, toon ’n daling van 5% in Suid-Afrikaanse biervolumes weens makro-ekonomiese swakheid. AN InBev SA slaan egter nie ag op beleggers se kommer nie en sê hy oorweeg dit om sy Budweiser-, Stella Artois- en Corona-bier na die plaaslike mark en die res van Afrika te bring teen ’n…

master Drilling, wat in 2012 genoteer is, is stellig die voorste styggangboormaatskappy in die wêreld. Ondanks die feit dat hy genoteer het net toe die wêreld se mynreuse gekonfronteer is deur ’n afname in kommoditeitspryse, het Master Drilling deurgedruk en sy ongelooflike veerkragtigheid en behendigheid getoon. Groeiende wins teen ’n saamgestelde jaarlikse koers van 16% in dollars sedert sy notering het ongetwyfeld sukses in sy nis bewys met ’n aanbieding van wêreldklas aan klante sowel as aandeelhouers. Die sleutel tot die organisasie se sukses is ’n onskatbare diensaanbieding wat nie net intern ontwikkel en besit word nie, maar wat ook oor vastelande en nywerhede strek. Hy boor indrukwekkende gate van tot agt meter in deursnee en een kilometer diep! Met ultramoderne tegnologie verminder Master Drilling die tyd en die koste…

s uid-Afrikaanse kleinhandelaars verlangsaam hul veelbesproke uitbreidingsplanne in Afrika nadat die vasteland se groei verlede jaar tot die laagste punt ooit van 1,4% gedaal het, volgens ’n studie wat gedoen is deur professioneledienstefirma EY. Tydens ’n bespreking van die tendense in verlede jaar se finansiële resultate van die land se 12 grootste kleinhandelaars – Massmart, Woolworths, Pick n Pay, Clicks, Spar, Shoprite, Dis-Chem, Holdsport, Mr Price, Truworths, Edcon en TFG – het Derek Engelbrecht, EY se hoofvennoot vir verbruikersprodukte en kleinhandel, gesê dat hoewel uitbreidingsplanne op die vasteland nog behou word, is tydlyne van hierdie strategieë uitgestel. Ongeveer 65% van die totale kleinhandelverkope in Suid-Afrika, of R600 miljard, word toegeskryf aan die 12 grootste verbruikerskleinhandelaars, terwyl die res van die mark onafhanklike en informele operateurs insluit. “Die groot maatskappye kyk…

Sterk vertonings deur Capitec, Curro en PSG Konsult het die PSG-groep se resultate weer ’n hupstoot gegee en die wesensverdienste vir die jaar tot einde Februarie met 50% opgestoot. Die uitreiking van die resultate op 19 April het die verklaring van ’n dividend van 25% hoër op R3,75 per aandeel vir die jaar ingesluit. PSG meet sy eie prestasie volgens som-van-die-dele-waarde – R240,53 per aandeel op 11 April en R240,87 per aandeel op jaareinde in Februarie, 29% hoër as in die ooreenstemmende tyd verlede jaar – en volgens herhalende wesensverdienste, wat 18% hoër was op R9,27 per aandeel. Die belangrikste elemente van die som-van die-dele is sy 30%-aandeelhouding in Capitec (49%), 56%- aandeelhouding in Curro (18%), 61%- aandeelhouding in PSG Konsult (11%) en 42%- aandeelhouding in Zeder (10%). Die verskil…

In breë terme is dit ’n goedkoop, substandaardvervalsing van die oorspronklike produk. “Roofonderdele is onderdele wat verpak en verkoop word as iets wat hulle nie is nie, om die eindgebruiker te mislei om te dink dat hy ’n betroubare gehaltehandelsmerkproduk koop,” sê Renai Moothilal, uitvoerende direkteur van die nasionale vereniging van motorkomponent- en verwante vervaardigers van Suid- Afrika (Naacam). WANNEER WORD EGTE ONDERDELE MINDER WAARSKYNLIK GEBRUIK? Terwyl voertuie onder waarborg is, sal egte onderdele gewoonweg gebruik word. Maar hoe ouer die motor word, hoe minder waarskynlik is dit dat die kliënt op egte onderdele sal aandring. HOE OM TE VERSEKER DAT JY GEHALTEHANDELSMERKONDERDELE ONTVANG Dit is moeilik vir die gewone man om visueel te onderskei tussen egte en vals onderdele, maar daar is een belangrike aanwyser. Prys. “As daar ’n…

teen ongeveer R18 000, staan die prys van ’n Krugerrand omtrent waar dit in 2010 was. Met ander woorde, dit was ’n swak belegging oor die afgelope paar jaar. Beleggers belê tradisioneel in Krugerrande en goudmunte as ’n “versekeringspolis”, en talle finansiële adviseurs raai hulle aan om die munte as ’n klein gedeelte van hul portefeuljes te hou. Die bekendstelling van goud-ETF’s en ander beleggingsprodukte, wat in wese munte vervang, moes die fisieke belegging in munte of Krugerrande in onbruik laat verval het. Tog is talle beleggers steeds gretig om hul munte te behou, ondanks die feit dat die jonger produkte ’n uitstekende – en in baie gevalle goedkoper – alternatief bied. Die koste van goud Die koste om munte te berg en te verseker, is een van die bekommernisse…

toe Mary-Jane Darroll en Ruarc Peffers in Junie verlede jaar hulle Aspire Art Auctions aangekondig het, was hulle onomwonde dat vernuwing in die kunsveiling-bedryf nodig is: sover dit die formaat van veilings aangaan, maar eweneens ten opsigte van die rol wat die sekondêre mark te speel het in die kunswêreld. As ’n mens praat oor goed wat jy nog wil doen, is jy gewoonlik besonder rojaal. Soos papier is die toekoms geduldig en “talk is cheap”, soos die Engelse spreekwoord lui. Verseker dat kunstenaars betaal word wat hulle toekom In die geval van Aspire Art Auctions het hul eerste veiling in Johannesburg in Oktober uitvoering gegee aan albei vooruitsigte soos Darroll en Peffers dit gestel het. Oor die veilingsformaat het hulle in terme van aanbieding – sover dit die katalogus…

1. Staan vas. Die skrywers bedoel dit letterlik. “Moenie van posisie verander nie, of jy nou staan, sit, teen die muur leun of besig is om oor iets te besluit.” Moet niks doen nie. “Kyk die Tenk net stil in die oë en verplaas jou aandag na jou asemhaling. Bewuste asemhaling is ’n fantastiese manier om selfbeheer te herwin.” Om die streep hier te trek, kan soms voldoende of selfs die regte ding wees om te doen. Stem bloot met die aanvaller saam en loop weg. Daar kan egter tye wees om ’n stap verder te gaan. 2.Onderbreek die aanval. Dit kan vreesaanjaend klink, maar volgens die skrywers is die beste manier om mense te onderbreek, hetsy of hulle op jou skree of nie, om hul naam in ’n gelyke…

a s jy ’n ekonoom aan ’n universiteit is, meen ouers gewoonlik dat jy baie insig in die toekoms van die arbeidsmark het. Hulle vra gewoonlik of die graad wat hulle gevang het, vir Jaco en Simphiwe van goed betaalde werk sal verseker. Met ander woorde: Hoe maksimeer ek die opbrengs op my belegging? Soos met enige belegging is daar risiko’s. Nie alle studente gradueer nie; ’n onlangse studie oor die slaagsyfer in die hoër onderwys deur die Universiteit van Stellenbosch se eenheid vir Navorsing na Maatskaplike en Ekonomiese Beleid (ReSEP) – toon dat minder as 40% van Suid-Afrikaanse studente hul graad binne vier jaar verwerf (die meeste grade is driejaarprogramme). Slegs 58% van studente verwerf hul graad binne ses jaar. Slegs 58% van studente verwerf hul graad binne ses…

n Groot ironie van die eiendomsmark is dat die koop van ’n eiendom, waarskynlik die grootste kapitaaluitgawe in mens se lewe, dikwels gedoen word sonder om die eiendom te sien. Of dit nou is om geografiese redes, vir gerief of omdat die eiendom van die plan af verkoop word – dit wil sê, voordat dit gebou is en met net die planne wat besigtig kan word – hou dit beduidende risiko in om só baie geld te bestee aan iets wat jy nog nie gesien het nie. Dit is dié wesenlike risiko wat die digitale agentskap PHNX Digital wil verklein met die ontwikkeling van ’n eiendomstoepassing vir die eiendomsmaatskappy Harcourts Platinum wat virtuele en verhoogde realiteit gebruik. Greg Jooste, stigter en besturende direkteur van PHNX Digital, sê dié toepassing –…

d ie sleutel om president Jacob Zuma se beheer oor die ekonomie te verbreek en ’n spiraal van verlammende kredietafgraderings te stuit, is om die menings te verander van die landelike kiesers wat die hoofondersteuningsbasis van die ANC is. So sê ’n paneel hoëprofielontleders. Maar dit sal moeilik wees omdat hierdie mense, wat oor die algemeen arm en werkloos is, vir hul oorlewing staatmaak op die maatskaplike toelaes wat hulle van die regering ontvang, het die vier deelnemers op 19 April gewaarsku tydens ’n geleentheid wat die Gordon Institute of Business Science gereël het. Die kanalisering van private belegging na arm plattelandse gebiede is die enigste manier waarop bande met die land se arm meerderheid gebou kan word, die ANC se greep verminder, werkloosheid verlig en die volhoubaarheid van besigheid…

d riehonderd en twaalf miljoen kilogram seekos word jaarliks in Suid-Afrika verbruik, die helfte daarvan plaaslike vangste. Die Oceana-groep, Premier Fishing en Sea Harvest is die groot rolspelers in ’n sektor wat sowat R14 miljard werd is. Oceana Group Ltd, ingelyf in 1918, is die grootste vismaatskappy in Suid-Afrika. Dit is op die JSE én die Namibiese aandelebeurs (NSX) genoteer en bestaan uit verskeie bedryfsfiliale in die vissers- en kommersiële verkoelingsbedryf. ’n Afname in blikkiesvisverkope en die randwisselkoers wat verkeerd voorspel is, was vir 14% van die daling in WVPA verantwoordelik. In die derde week van April het die groep se aandeelprys met 3,3% tot R98,86 gedaal ná sy aankondiging dat sy resultate vir die halfjaar tot einde Maart, wat op 18 Mei uitgereik word, na verwagting ’n daling van…

b eleggings en risiko is al met baie dinge vergelyk, maar een van die moontlikhede wat meeste entoesiaste sekerlik sal laat regop sit, is om die risiko van beleggings te vergelyk met krieket. Hoekom? Aan die een kant van die spektrum kry jy ’n speler soos Chris Gayle, wat enige dag vir jou 200 lopies kan moker van bitter min balle, net om die volgende twee of drie beurte weer uitgehaal te word vir onder 10. Dan kry ons die tipiese vyfdagtoetsreeks-kolwer wat heeldag voor die paaltjies kan staan en krap-krap vir ’n skrale 50 lopies. Hashim Amla bied egter, volgens my, die perfekte balans. Hy gee ons altyd die idee dat hy stadig kolf, tog is hy die kolwer wat die vinnigste 20 honderdtalle aangeteken het. Hy het ’n…

suid-Afrika se politiek en markte is in ’n warboel. Dit is gehul in onsekerheid en risiko. Baie beleggers is natuurlik onseker, en wat hulle nou vra, is: “Wat moet ek doen? Hoe moet ek in hierdie soort omgewing belê?” Die eerste – en belangrikste – stuk advies wat ek kan gee, is: moenie paniekerig raak nie. Die eerste – en belangrikste – stuk advies wat ek kan gee, is: moenie paniekerig raak nie. Daar is geen bewys dat paniek enigiemand ooit gehelp het nie. Die soort gebeurtenisse wat ons onlangs gesien het, dien slegs om ons te herinner hoe belangrik ’n sinvolle beleggingsfilosofie en -proses is. ’n Goed gediversifiseerde portefeulje is veral nuttig in dié soort omgewing. Maar jy moet jou portefeulje van tyd tot tyd herbalanseer. As jy effekte…

Aspire Art Auctions se eerste Kaapstad-veiling het R24 611 261 opgelewer. Benewens Pierneef se Vrystaatreën, olie op doek, wat net meer as R2 miljoen gehaal het – vier keer die laagste geskatte verkoopprys van R500 000 – is dit uitsonderlike voorbeelde uit kunstenaars se oeuvre wat goeie pryse gehaal het. Gerard Bhengu se Veld Fire, waterverf, het R181 888 (geskatte verkoopprys was tussen R30 000 en R50 000) terwyl Louis Maqhubela se Exiled King, conté op papier, verkoop is vir R341 040 (geskatte verkoopprys tussen R60 000 en R80 000). Edoardo Villa se Vertical Composition, geverfde staal op staalvoetstuk, is verkoop vir R1,8 miljoen (geskatte verkoopprys tussen R500 000 en R800 000).…

die sterkte van Suid-Afrika se instellings is histories ’n belangrike faktor vir die land om sy kredietwaardigheid te behou. Dit het gehelp om ’n beleidsraamwerk te skep wat gewoonlik deur kredietgraderingsagentskappe as doeltreffend beskou word om fiskale en makro-ekonomiese wanbalanse te beperk. Ná die onlangse kabinetskommeling, het die nasionale tesourie plegtig belowe dat hy hom sal hou by sy fiskale beleid wat in 2017 se begroting uiteengesit is en dat hy sal voortgaan om die hervormings in te voer om bestuur in ondernemings in staatsbesit te verbeter. Om radikale ekonomiese tranformasie in te voer, sluit volgens die minister van finansies, Malusi Gigaba, programme in wat toegespits is op werkskepping, die bestryding van armoede en ongelykheid (wat alles heelwat finansiering verg) wat druk op die ministerie van finansies kan plaas om…

p an African Resources het gesê hy sal goud waarskynlik nie verskans as deel van sy planne om die Elikhulu- bogrondse uitskotherbewerkingsaanleg te finansier nie – dit is ’n projek van R1,65 miljard waarvoor hy onlangs R705 miljoen verkry het deur middel van ’n aandele-uitreiking. Die oorblywende bedrag sal gefinansier word deur ’n skuldpakket van R1 miljard by Rand Merchant Bank (RMB). “Ons onderhandel nog oor die regsaspekte met RMB, maar ek dink nie verskansing maak sin nie,” het Cobus Loots, Pan African se uitvoerende hoof, gesê. “Elikhulu is in die laagste kostekwartiel, en sal gou ’n verlies toon as ons hom verskans,” het hy gesê. Aangesien die sewejaarlening by RMB nie vir die eerste twee jaar terugbetaalbaar is nie, sal Pan African ook sy R565 miljoen in netto skuld…

Ek weet dié maatskappy verkoop motors, waarmee dit nou knor. Maar Combined Motor Holdings (CMH) kry dit beter reg as byna almal anders, selfs al daal die plaaslike verkope van nuwe motors. Bedryfswins het die afgelope vyf jaar van 2,6% tot ’n stewige 3,9% gestyg, terwyl WVPA oor die dieselfde tydperk saamgestelde jaarlikse groei van 19% aangeteken en die dividend met 27% gegroei het. In dié tyd het die aandeelprys byna verdubbel deur teen net onder 15% te groei. So, die prys het stadiger as die winste en dividende gegroei. Tans staan die dividendopbrengs en p/v op sowat sewe, wat daarop dui dat die mark meen winsgroei gaan in die toekoms negatief wees. Daar word verwag dat nuwemotorverkope vanjaar stadigaan sal begin toeneem, maar al bly dit dieselfde kan ons…

OCEANA GROUP Gooi hoek in die water Oceana is ’n aandeel wat ek al lank dophou. Ek was op soek na ’n goedkoop toetreepunt, en sy jongste handelsverklaring bied dalk so ’n geleentheid. Oceana meld dat wesensverdienste per aandeel met tussen 15% en 18% gedaal het. Ongeveer die helfte van dié afname kan toegeskryf word aan “verliese op valutakontrakte wat gehou is om die invoer van bevrore vis te dek”. Dié syfer het gedaal van ’n positiewe R69,9 miljoen in die vorige jaar tot ’n verlies van R44,7 miljoen. Die res van die afname kan toegeskryf word aan laer volumes blikkiesvis. Valutabewegings sal in die toekoms ’n kenmerk wees, maar sal in ’n mate geneutraliseer word deur die dollarverdienste van sy onlangse Amerikaanse verkryging. Ek wag op die resultate wat…

p ravin Gordhan, voormalige minister van finansies, het in Februarie in sy begrotingsrede ’n nuwe topkerf vir persoonlike inkomstebelasting aangekondig, wat behels dat die land se topverdieners ’n marginale belastingkoers van 45% gaan betaal. Dié nuwe belastingkerf is van toepassing op almal wie se belasbare inkomste R1,5 miljoen of meer per jaar bedra. Dit is een van talle inisiatiewe om die staatskas se tekort van R28 miljard aan te vul. Die uitwerking van dié nuwe kerf op ’n groep belastingbetalers is dat dit die gemiddelde of effektiewe belasting wat hulle betaal aansienlik verhoog. Ofskoon dié verandering minder geld in belastingbetalers se sak beteken, is daar beleggingsprodukte wat ingevolge wetgewing dié groter belastinglas kan verlig. Trouens, hoe hoër die belasting, hoe groter die belastingbesparing wat dié produkte bied. Wat is ’n…

die najaag van buitelandse blootstelling deur plaaslike maatskappye en die inwaartse notering van buitelandse maatskappye die afgelope paar jaar, maak dat jy deesdae by uitsondering ’n maatskappy op die JSE kry wat byna uitsluitlik Suid-Afrikaans is. Onder die uitblinkers op die beurs vandag is daar egter die PSG-groep, grootliks plaaslik, wie se uitstaande prestasie sy aweregse strategie weerspieël. Dié beleggingsgroep se sukses is te danke aan gapings wat hy in die Suid- Afrikaanse ekonomie kon raaksien en benut. Dit weerspieël sy opportunisme, veral op gebiede soos die bankwese, finansiële dienste en die onderwys, wat deur oorheersing of oorgerustheid gekenmerk is, of waar bekostigbare opsies of nuwe inisiatiewe ontbreek het en waar die groep vinnig groeiende, ontwrigtende maatskappye in albei sektore ontwikkel het. Dit het weereens duidelik geblyk in sy resultate…

s edert sy amptelike bekendstelling in 2014 het RocoMamas derduisende Suid-Afrikaners oorrompel met die smaak van sy mokerburgers en astrante handelsmerkpersoonlikheid. Die eerste RocoMamas het in Randburg, Gauteng, geopen en dié parmantige restaurant-ketting spog reeds met ’n indrukwekkende teenwoordigheid: 48 winkels landwyd en nog vier elders in Afrika en die Midde-Ooste. Die handelsmerk gebruik die sosiale media en digitale bemarking om ’n jeugdige en tegnologies gesoute gehoor te trek, wat hom die titel van “die burger met die grootste teenwoordigheid op Instagram in Suid-Afrika” besorg het. Ons het met die stigter, Brian Altriche, gesels om meer te wete te kom van die onderneming en die kreatiewe strategieë agter die burgergeïnspireerde gegons. Wat het jy gedoen voordat jy RocoMamas begin het? Ek was altyd in die sakewêreld, hoofsaaklik in die voedsel-…

Volgens die marknavorsingsfirma MarketsandMarkets, sal die wêreldwye anti-valsverpakkingsmark, wat laas jaar op $107,26 miljard geraam is, $206,57 miljard teen 2021 bereik teen ’n saamgestelde jaarlikse groeikoers van 14,0%. Sekere lande in die Ooste, soos China – wat in die International Anti-Counterfeiting Coalition se Special 301-oorsig vir verlede jaar as die wêreldwye middelpunt van vervalsing beskryf word – is meer produktief in die vervaardiging en verspreiding van roofmotoronderdele. “Roofmotoronderdele waarop beslag gelê is of wat gekeer is om die Suid-Afrikaanse mark binne te gaan, is net die oortjies van die seekoei. Die meeste van hulle kom Suid-Afrika ongemerk binne, met verkeerde tariefkodes en in sommige gevalle weens ’n gebrek aan doeltreffende toepassing van die reëls en regulasies,” het die MPEA aan finweek gesê. Die bedryf vir vals komponente het ’n negatiewe…

n siy Guerilla Open Access Manifesto wat in 2008 gepubliseer is, skryf die politieke organiseerder en internet-aktivis Aaron Swartz dat die wêreld se hele wetenskaplike erfenis al hoe meer gedigitaliseer word en deur ’n handjievol private korporasies toegesluit word. As ontwikkelaar was Swartz betrokke by die ontwikkeling van die webtoevoerformaat RSS, die organisasie Creative Commons en die sosiale nuustuiste, Reddit. “Die Ooptoegangbeweging het moedig geveg om te verseker dat wetenskaplikes nie hul kopiereg wegteken nie en het eerder gesorg dat hul werk op die internet gepubliseer word volgens voorwaardes wat almal toegang daartoe bied,” het Swartz geskryf. Swartz het aanbeveel dat alle kopieë van akademiese artikels beveilig word en dat hulle aanlyn met toegang vir almal gepubliseer word. Laat in 2010 en vroeg in 2011 het Swartz ’n skootrekenaar gekoppel…

l ets waaraan min mense by die werk kan ontkom – behalwe miskien die ou wat die afgeleë vuurtoring beman – is medewerkers wat jy nie kan vat nie. Die probleem met moeilike karakters is dat hulle ook in jou die slegste na vore bring, as jy nie voorbereid of opgelei is om hulle uit te ken nie. Wanneer jy die vermoë ontwikkel om hulle te hanteer, sal jy hul gedrag kan verander op ’n manier wat jou werkplek vreedsaam sal maak, nie ’n plek waar jy gedurig baklei nie. “Kommunikasie met probleemmense is soos om ’n foonoproep te maak. Jy moet al die syfers in die korrekte volgorde druk as jy wil deurkom. Dit is moontlik om die nommer te leer, dit korrek te skakel en jou interaksie met…

Michael Jordaan @MichaelJordaan In April kondig May ’n verkiesing in Junie aan. Ten minste is haar tydsberekening goed. Laugh it Off @Dlaziphi Miskien moet Naspers se nuwe naam Ownalot wees. VeryBritishProblems @SoVeryBritish Maniere om die ergste moontlike situasie te beskryf: - Ongelukkig - Nie juis ideaal nie - ’n Bietjie van ’n gemors - Nie die beste uitkoms nie - Lastig - ’n Bietjie van ’n pyn Tom Eaton @TomEatonSA Minister Mokonyane sê afgradering sal help om beleggers “op ons eie voorwaardes” terug te lok. Soos wanneer jy ’n hotel afbrand om toeriste terug te lok. God @TheGoodGodAbove PEPSI: Ons is die beste met reklamefoute. UNITED: O, nee, ons is. SEAN SPICER: Ha! Ek is erger as Hitler! AMERICAN AIRLINES: Hou my badsout. MerrieD @D_Merries Betaal vir ’n R10-artikel met…