Indholdsfortegnelse for 27 August 2015 i Finweek - Afrikaans

1 WumDrop App-winkels: iOS en Android (gratis) Web: wumdrop.com Vanjaar se algehele wenner, WumDrop, is ’n nuwe speler in die koerierafdeling. WumDrop, wat in Kaapstad en Johannesburg bedryf word, vra alle gebruikers R12 per kilometer met ’n minimum koste van R50. Al wat jy doen, is om jou optel- en aflaaiplek in te tik. Die toepassing bereken dan die koste vir jou. Verbruikers kan die aflewering dan in reële tyd volg. 2 Vula Mobile App-winkels: iOS en Android Web: vulamobile.com Vula Mobile bied ’n platform wat gesondheidswerkers en mediese spesialiste in staat stel om met mekaar te kommunikeer. Voor ’n pasiënt oorgeplaas word, kan die spesialis die toepassing gebruik om beelde, inligting oor die pasiënt en ander omstandighede aangaande die pasiënt se probleme na te gaan soos voorsien is deur…

Euclides Tsakalotos, Griekse minister van finansies, gaap terwyl afgevaardigdes sy toespraak tydens ’n parlementêre aandsessie op 14 Augustus in Athene probeer ontwrig. Die parlement het uiteindelik die reddingsooreenkoms vir die land goedgekeur. Vyf dae later, op 19 Augustus, het ’n groot meerderheid Duitse LP’s ten gunste van ’n derde reddingstransaksie vir Griekeland gestem. ’n Totaal van 453 lede van die parlement het ten gunste van die pakket van €86 miljard (R970 miljard) gestem. BBC.com het Duitsland se minister van finansies, Wolfgang Schäuble, wat bekend is as ’n teenstander van die Griekse regering, aangehaal waar hy aan die Duitse parlement gesê het dit sou “onverantwoordelik” wees om Griekeland nie nog ’n kans te gee nie.…

Die Wet op Eiendomswaardasie van 2014 het in Augustus vanjaar van krag geword. Dit maak onder meer voorsiening vir die instelling van ’n waardeerder-generaal, wat onder meer daarvoor verantwoordelik sal wees om eiendomme te waardeer wat vir onteiening aangewys is. Saam met opmerkings deur pres. Jacob Zuma in sy staatsrede oor ’n verbod op buitelandse grondeienaarskap het dit kommer onder voornemende eiendomsbeleggers veroorsaak. Eiendomsontleders en ekonome is huiwerig om kommentaar te lewer oor of dié kommer geregverdig is. John Loos, eiendomsekonoom by FNB, sê egter hy is nie daarvan oortuig dat dit op eienaars van wooneiendom van toepassing sal wees nie. “Dit het waarskynlik meer met plaaseienaars te doen, en ek dink nie eienaars van normale wooneiendom hoef te bekommerd te wees nie.” François Viruly, ook ’n eiendom-ekonoom, stem saam.“Ek…

Met handelsmerke soos Edgars, Boardmans en Jet wat met 1 500 winkels in Suid-Afrika en meer as 200 in sewe buurlande spog, vul Edcon se kettingwinkels óf die eerste óf die tweede plek in die meeste van sy produkreekse. Dit, saam met benydenswaardige handelsmerke en ’n stewige vastrapplek, het voorheen tot enorme wins gelei. Maar die afgelope paar jaar is Edcon se inkomstestate met rooi ink beklad. Hoe het dit gebeur? Edcon het eenvoudig rigting verloor. Dít is volgens Junaid Bray, ’n analis by Argon. “Deur die balansstaat met leenkapitaal te oorlaai tot die hoogtepunt van die vorige siklus, net voor die wêreldwye finansiële krisis, het Edcon se vermoë om in sy onderneming te herbelê en om sy kernkredietaanbieding te handhaaf, beperk,” sê Bray. Derhalwe, sê hy, kon Edcon, wat…

HONGKONG-GENOTEERDE Tencent Holdings is tans R2 biljoen werd, met Naspers* se 34%-aandeel sowat R680 miljard werd, wat ’n eskalasie van sowat 550% in die aandeelprys oor vyf jaar beteken. Tencent bied dienste in sosiale netwerk, webportale, e-handel en multispeler- aanlyn speletjies – op kleiner skaal as internasionale tegnologiereuse soos Apple, Google en Facebook. Ook deel van Tencent is WeChat, ’n kitsboodskapdiens, ’n digitale beursie en motorbesprekingsdiens per slimfoon alles in een, wat volgens HSBC sowat $83,6 miljard werd is. WeChat met 600 miljoen gebruikers is waarskynlik ver voor die res in terme van sy inkopie-aanbiedings en toepassingspeletjies. Maar die internet is ’n moeilike omgewing, en voortdurende innovasie is nodig om relevant te bly en strawwe mededinging teë te staan. Die verlangsaming in China se ekonomie sal waarskynlike ook ’n negatiewe…

Jim Rogers, die man wat ’n groot fortuin opgebou het deur gewaagde beleggings saam met sy eertydse vriend, die legendariese George Soros, te doen, is vas oortuig dat die volgende geslag miljardêrs uit die landbou sal verrys. Rogers moedig almal wat bereid is om te luister aan om te leer hoe om ’n trekker te bestuur en om wins te maak uit die wêreld se onversadigbare honger na voedsel. Ezkiel Skhosana (regs), ’n boer van Mpumalanga (en ’n bedrewe trekkerdrywer) wat gemengde groente kweek, het egter nog nie die gelukslag getref wat Rogers voorspel het nie. “Ek ken my storie as dit by die kweek van groente kom, maar ek sukkel om toegang tot markte te kry. Ek het hulp nodig om kopers te kry,” sê hy. Sy onvermoë om…

Ons hoor so baie van die “Afrika-verrys”-storie en die toenemende middelklas in lande soos Nigerië wat jong bevolkings het wat vinnig aanwas. Hulle hou van goeters! Hulle het goeters nodig! Belê in die goeters wat hulle wil koop en maak miljoene! Die toenemende middelklas sal die groter verbruik van alles aandryf, van troeteldierkos tot witgoedere, aldus die gerugte. Dit is gedeeltelik waar: As jy ’n belang het in ’n maatskappy wat ’n franchise in Lagos vir braaihoender het, is ek seker dat jy nie te veel sal stry nie. En volgens die toue wat vandeesweek voor die toonbank van Abuja se nuwe en enigste Domino’s Pizza op sy eerste handelsdag gestaan het, sou enige sakeman of -vrou rede gehad het om na Londen of New York terug te keer vol…

Ongeveer 40% van fietsrybeserings word veroorsaak wanneer voertuie fietsryers van agter tref. In teenstelling met drawwers, ry fietsryers saam met die verkeer en is hulle nie altyd bewus van voertuie wat hulle van agter nader nie. Om dié rede het die sagtewaremaatskappy iKubu, wat in Stellenbosch gesetel is, die Varia-terugkykfietsradar en Varia-slimfietsligte bekend gestel. iKubu is aan die begin van die jaar deur Garmin verkry, en die tegnologiereus sal dié toestelle binnekort beskikbaar stel. Die terugkykfietsradar is ’n rooi agterliggie wat agter op die fiets gemonteer word en dit “sien” naderende voertuie tot 140 meter ver, verduidelik Marc Bainbridge, bestuurder: fiksheidsafdeling by Garmin Suider-Afrika. Dit word saam met ’n radarskerm of ’n kopeenheid gebruik. Die liggie flits skerp en skyn helderder wanneer ’n voertuig nader en toon tot agt voertuie…

Dié winter was waarskynlik een van die koudste tye vir plaaslike kleinhandelaars. Die verbruikersvertroue-indeks (VVI) het oor die afgelope 14,5 jaar tot ’n laagtepunt gedaal. Aan die ander kant is die deurlopende swakheid van die rand besig om inflasie aan te vuur. En die uitwerking van ’n verswakkende rand word vererger deur ’n afname in staatsbesteding, asook stygings in belasting, het FNB se hoofekonoom, Sizwe Nxedlana, bekend gemaak tydens die bekendstelling van die jongste kwartaallikse VVI. Dié indeks toon dat verbruikersentiment in die onderhawige tydperk van 0 tot minus 4-indekspunte gedaal het. Dit is selfs slegter as hoe Suid-Afrika gevaar het tydens die hoogtepunt van die aansteeklike ekonomiese ineenstorting wat veroorsaak is deur die subprima-krisis in Amerika. Die finansiële posisie van salaristrekkers en diegene wat maatskaplike toelaes ontvang, het onder…

Dink byvoorbeeld aan plaaslike mense wat op Airbnb.com akkomodasie-opsies aan die internasionale toeristemark verkoop. Suid-Afrikaners kan ook deur die Uber-toepassing vervoerdiensverskaffers word en produkte wêreldwyd deur Facebook adverteer. Daar word voorspel dat die internetgebruik op selfone in Afrika in die volgende vyf jaar twintigvoudig sal toeneem – dubbel die groeikoers in die res van die wêreld. Jean-Pierre Matthews van Absa Alternative Asset Management het in Junie op Absa se beleggingskonferensie in Sandton gesê die telekommunikasiesektor in Afrika is ryp vir ontwikkeling. “In Suid-Afrika het net 9% van mense ’n landlyn, terwyl 94% van die bevolking ’n selfoon het – vergeleke met die res van Afrika, waar net 3% ’n landlyn het en sowat 50% selfone gebruik.” Die jongste teken dat Afrika die nuutste uitbreidingspunt vir Amerikaanse tegnologiemaatskappye geword het, was…

CATALYST GLOBAL REAL ESTATE PSG FEEDER FUND Dié fonds belê hoofsaaklik in genoteerde eiendomsekuriteite op internasionale aandelebeurse en voer in by Catalyst se Global Real Estate UCITS Fund, wat in Ierland gehuisves word. Die fonds is in rand gedenomineer en konsentreer op aandele wat as beleggers geklassifiseer word, dié wat meer as 70% van hul inkomste uit huurgeld verdien, eerder as ontwikkelaars. Sowat twee derdes van die fonds is in Noord-Amerika belê, met Asië (Australië en Nieu-Seeland uitgesluit) sy tweede grootste geografie. FONDSINLIGTING PRESTASIE (GEANNUALISEERD) SOOS OP 31 JULIE 2015, KOSTE INGESLUIT: TOP 10-BELEGGINGS (SOOS OP 31 JULIE 2015)* Wat die fondsbestuurder sê DIE FONDS BELÊ deur die bank in Amerikaanse eiendomme. Volgens Boyes sluit dit kleinhandels- en nywerheidsruimtes, datasentrums, hospitale, bergingsruimtes en hotelle in. “Ons sien tans nogal goeie…

1. WEES VERSIGTIG MET WAT JY OP DIE SOSIALE MEDIA DEEL Inligting op Facebook oor waar en wanneer jy gebore is, gee aan swendelaars ’n 98%-vermoë om jou identiteit te steel – hulle lees inligting en herverkoop of misbruik dit. Moenie ’n “paspoortstyl” vir profielfoto’s gebruik nie; gesigsherkenningstegnologie maak dit vir swendelaars maklik om jou aanlyn te vind. Poseer vir ’n foto saam met vriende of terwyl jy sport beoefen, of laat jou van die kant af afneem. 2. KRY ’N SNIPPERMASJIEN Nuttig as jy dokumente wil weggooi wat persoonlike inligting bevat. Moet ook nooit wagwoorde op elektroniese toestelle bêre nie. 3. TEKEN OP ’N KREDIETMONITERINGSDIENS IN Dan kan jy jou data so dikwels nagaan as wat jy wil. As jy ’n veiligheidsbreuk vermoed, kan jy dit rapporteer. Suid-Afrikaners kan…

GreatSoft is die eerste maatskappy in Afrika wat aan rekenmeesterspraktyke en -firmas volledig geïntegreerde, wolkgebaseerde programmatuuroplossings verskaf. Volgens die maatskappy se webtuiste het die sagteware ten doel om tyd wat aan administratiewe take gewy word te besnoei en só meer tyd te hê vir dienste wat geld kan inbring. Die sagteware verenig en stroomlyn die werksaamhede wat in verskillende kantore, geldeenhede en jurisdiksies plaasvind, met toegang tot die sagteware óf deur die openbare wolk óf deur dit op ’n kliënt se private bediener te installeer. Kliënte wat hierdie sagteware op hul bedieners het, is onder meer Deloitte, EY, Grant Thornton, KPMG, Mazars en Moore Stephens. Morgan sê hy het die maatskappy nie van voor af opgebou nie, maar by sy vorige werkgewer, ’n genoteerde maatskappy, gekoop. Hy het ’n kleinerige…

finweek BLOKKIESRAAISEL Verskaf deur Gerda Engelbrecht NO. 198 Af 1 Pastasoort (8) 2 Iets in die badkamerkassie (10) 3 Uitstaande (geld) (10) 4 Begin (4) 5 Nommer op ’n skrumskakel se rug (4) 6 Vakbond (4) 7 In die versoeking bring (6) 14 ’n Openbare vervoermiddel (5) 15 Sy gee spelleiding aan akteurs (10) 16 Pluimpie (10) 20’n Vlootrang (8) 22 Net ’n paar (6) 25 Britse geldeenheid (4) 26 Wegloop sonder verlof (4) 27 In twee deel (4) Dwars 8 Hoofstad van Zimbabwe (6) 9 ’n Buitelug-ete (8) 10 Met hand en . . . beveg (4) 11 Simbool (10) 12 Dwing (4) 13 Stellig (10) 17 A nee a! (4) 18 Fabelagtige klein wese (5) 19 Buik (4) 21 Tjoekie (10) 23 Priester van Tibet (4) 24 Reis…

Die wooneiendomsmark in die Kaapse Skiereiland is besonder sterk danksy ’n ander stel fundamentele ekonomiese faktore. John Loos, eiendomsekonoom by FNB, meen egter nie dat die omgewing noodwendig teen die komende kleiner styging in huispryse bestand sal wees nie. “Die Kaap het die laaste jare relatief beter gevaar en huisprysinflasie was hoër as in die res van die land, maar dit verlangsaam nes die res. Sy prysvlakke sal waarskynlik permanent hoër as die res van die land s’n wees vanweë ’n tekort aan grond – hy het see aan twee kante en dan die berg in die middel,” sê hy. Al het Gauteng groter inkomste per capita as die Wes-Kaap, word dit deur land omring en het dit nie só ’n grondskaarste nie, sê Loos. “Teoreties behoort Gauteng hoër pryse…

Ná vyf jaar van sterk groei het regstreekse eiendom verlede jaar wêreldwyd skouspelagtige resultate behaal, hoewel met groot verskille tussen lande (kyk na grafiek 1). Ierland het ná die internasionale finansiële krisis sterk herstel en ’n opbrengs van 40% behaal, berig die navorsing-en-ontledingsmaatskappy MSCI. Nog sterk presteerders was Brittanje en Amerika, met opbrengs van 17,9% en 11,5%, en Suid-Afrika, wat ook ’n hoër opbrengs as die internasionale indeksgemiddelde van 9,9% behaal het. Kerneiendom lok baie kapitaal, sê Jill Compton, visepresident van MSCI, en ná die krisis is daar na die veiligheid van kernmarkte soos Londen gevlug. Terwyl wisselvalligheid ’n probleem vir batetoewysers bly, begin waardetoevoeging-en opportunistiese markte meer na vore kom. Vir beleggers word risiko deur landdiversifisering met strategiese toewysing verklein, wat beteken dat markgrootte en -volwassenheid, risiko en opbrengs…

Die Foschini-groep (TFG), wat kleinhandelsmerke soos Foschini, Markham, en Sterns het, gaan binnekort die kindermodehandelsmerk, Soda Bloc, bekend stel as deel van sy strategie om winsgewend in ’n moeilike ekonomiese omgewing te bly. TFG se uitvoerende hoof, Doug Murray, sê 13 Soda Bloc-winkels gaan voor die einde van die groep se finansiële jaar in Maart 2016 geopen word. Nog ’n stap was die verkryging van die damesdragonderneming, Phase Eight, wat in Januarie afgehandel is, wat TFG se handelsmerke op 19 te staan bring. Phase Eight, wat van Brittanje afkomstig is, het ’n voetspoor in 17 lande en sal 12% tot 14% van die hele groep uitmaak. Phase Eight sal nie in Suid-Afrika bekend gestel word nie omdat dit duurder as plaaslike handelsmerke is. Dit het verlede jaar in November e-handel…

MONDI SE GOEIE resultate is ’n aanduiding van stygende marges in al sy sakeeenhede en sterk kontantvloei. Belangriker is die feit dat voltooide en voortgaande projekte die sperdatums nakom, binne die begroting. Ek hou ook van die “vernaamste risiko’s en onsekerhede” wat aan die einde van die resultate verstrek word. Papier is op sigself nie opwindend nie, maar met ’n groot verpakkingsbesigheid is Mondi meer as net papier. Boonop word die meeste van die inkomste en wins in Europa gegenereer. Suid-Afrika is redelik onbelangrik, en Amerika begin ook sy merk te maak, hoewel dit nog baie klein is. Die aandeelprys het goed gevaar – in die afgelope jaar 75% hoër, en 325% oor drie jaar. Verdienste het ook tred gehou, en die aandeel is nie duur nie. Hoewel die aandeel…

Ek het ’n bietjie gaan kyk na die opbrengste van die vernaamste indekse sedert die finansiële krisis in Maart 2009 geëindig het. (Agterna beskou, kan ons presies sien waar die einde was, maar destyds het ons geen idee gehad dit is uiteindelik verby nie.) Dit het my oor verskeie sake aan die dink gesit, maar eerstens die syfers (sonder dividende uitgekeer). Die Top40 is sedertdien sowat 180% hoër en so ook die MidCap-indeks, terwyl die Resi10 die agteros is met ’n styging van net 5%. Die Indi25 is los voor op sowat 360% hoër en die Fini15 is sowat 255% hoër. Behalwe vir die Resi10 het almal ’n ordentlike opbrengs gelewer, maar baie sal die statistieke bekyk en wens hulle het die Indi25 gekoop en niks anders nie. Die Indi25…

Transaction Capital is ’n nismaatskappy in finansiële dienste wat, ondanks ’n gesonde geskiedenis, nie op baie beleggers se radarskerms verskyn het nie. Die groep het sy strategie en sakemodel in 2014 verbeter toe hy herstruktureer is ná die tydige verkoop van Bayport, die ongesekureerde uitleenbesigheid, en Paycorp, die betalingsdienstemaatskappy. Hierdie verkope het waarde toegevoeg en ook kompleksiteit en risiko verminder. Paycorp is effektief vir 19 maal sy verdiensteveelvoud verkoop en het ’n interne opbrengskoers van 18,2% vir die groep gegenereer. Bayport is gedurende die stormagtige tydperk vir ongesekureerde lenings vir R1,3 miljard verkoop en het ’n yslike interne opbrengskoers van 32,6% verdien! Die bestuur het deel van die verdienste uit dié verkope aan aandeelhouers uitgekeer deur middel van ’n indrukwekkende 210%-kapitaalverspreiding. Die groep se vernaamste bedryfsafdelings is tans verdeel tussen…

OOR SY TEGNOLOGIE: Ek is behep met slimfone – my toestel van voorkeur vandag is ’n Nokia Windows Lumia, maar ek het ook ’n Samsung S6 en S5. Ons is besig om ’n mobiele toepassing te ontwikkel vir rekenmeesters en ouditeurs – die meeste van hulle is jonk, slim met tegnologie en gebruik slimtoestelle. OOR KREATIEWE DENKE: Ons verwyt nie mense nie. Ek spoor almal eerder aan om foute te maak – só leer ons en kan ons oplossings vir spesifieke probleme ontwikkel. As iemand ’n idee genereer, keer ons hom nie; ons stel innovasie op prys. OOR DIE GREATSOFT-SPAN SE AANBEVOLE LEESSTOF: Tipping Point: How Little Things Can Make a Big Difference deur Malcom Gladwell. OOR LEIERS WAT ’N VERSKIL MAAK: Daar is ’n klompie, maar ek lees graag…