Indholdsfortegnelse for 10 September 2015 i Finweek - Afrikaans

Nigerië behoort sy eie lugdiens te hê. Almal wat weet hoe groot en belangrik Nigerië se ekonomie is, besef dit. Die land het ’n nasionale lugdiens gehad in Nigeria Airways, maar dié het in 2003 ten gronde gegaan weens skuld, korrupsie en wanbestuur (het ek meer pessimisties gevoel, kon ek vir jou sê jy kan enige sektor in Nigerië kies en ’n soortgelyke verhaal vind). In Augustus het pres. Muhammadu Buhari die lugvaartministerie versoek om aan die vestiging van ’n nuwe lugdiens te begin werk, want dit kwel hom dat die land nie ’n nasionale lugdiens het nie. Dit is na sy mening ’n belangrike stap vir nasionale trots maar ook werkskepping, wat geknou is deur die skerp daling in die prys van ruolie, die hoofaandrywer van die land se…

Vir ’n vinnige hupstoot moet die regering die infrastruktuurbesteding doen wat hy belowe het maar nie gelewer het nie, sê Andrew Dittberner, senior beleggingsbestuurder by Cannon Asset Managers. Infrastruktuurbesteding sal die groei op kort termyn vergroot en sakemededingendheid op lang termyn verbeter. Dit is waarskynlik die maklike deel. Die moeiliker besluite behels die hervorming van arbeid- en ander wette wat groei en werkskepping verhinder. Die onlangse verskerping van visumregulasies wat die besoekersgetalle uit China, Rusland, Brasilië en Indië laat afneem het, kan ook maklik verwyder word. Stephen Meintjes van Imara SP Reid reken daar moet radikaal weggebreek word van die belasting van arbeid- en kapitaalopbrengs na die invordering van ekonomiese huurgeld op gemeenskapsgeskepte grondwaardes. “Dit is die enigste manier om die toenemende grondkrisis by die bron daarvan te hanteer, en…

Suid-Afrika het die potensiaal om teen 2030 meer as 3,4 miljoen werksgeleenthede te skep en meer as R1 000 miljard by die jaarlikse bruto binnelandse produk (BBP) te voeg as die regering en die sakesektor prioriteit maak van vyf sleutelgeleenthede om groei te ontsluit, luidens ’n nuwe verslag deur McKinsey Global Institute. Die sukses daarvan sal van twee belangrike aspekte afhang: die drastiese uitbreiding van beroepsopleiding en die smee van ’n ware ontwikkelingsvennootskap tussen die regering en sake. DIE VYF GELEENTHEDE IS: 1) GEVORDERDE VERVAARDIGING POTENSIËLE BBP-BYDRAE: R540 MJD. POTENSIËLE WERKSGELEENTHEDE: 1,5 M. Vervaardiging se relatiewe bydrae tot die BBP het sedert 1990 byna gehalveer, wat pessimisme oor die sektor se toekoms veroorsaak het. Vervaardiging dra tans regstreeks net 13% tot die BBP by, vergeleke met 20% van die BBP…

“Tye is moeilik vir Suid-Afrika,” sê Norbert Sasse, uitvoerende hoof van Growthpoint Properties Limited. Nogtans het dié eiendomsbeleggingstrust (Reit), die grootste in die land, ondanks ’n moeilike bedryfsomgewing vir die boekjaar tot einde Junie gesonde dividendgroei van 7,5% aangeteken. Die land se makroomgewing, negatiewe hefboomverhouding, stygende leegstaansyfers, die herfinansiering van Acucap Properties Limited en Sycom Property Fund se skuld en verhoogde weerhoudingsbelasting is belangrike redes waarom die maatskappy verwag dat sy dividendgroei vir die komende jaar sowat 2 persentasiepunte laer sal wees. Die verwagte positiewe uitkeergroei van 5% tot 6% sal na verwagting hoofsaaklik uit die herontwikkeling van bestaande eiendomme eerder as uit verkrygings kom. Vanjaar se groei is egter hoofsaaklik deur verkrygings gedryf. Growthpoint se jaarlikse uitkering aan aandeelhouers was vir die eerste keer meer as R4 miljard vir…

PRUDENTIAL GLOBAL HIGH YIELD BOND FUND OF FUNDS Dié fonds belê hoofsaaklik in beleggingsgehalte skuldinstrumente. Die grootste belegging is in Prudential-geaffilieerde Eastspring Investments se US Investment Grade Bond Fund. Die onderliggende instrumente in hierdie fonds fokus op die Amerikaanse nywerheidsaandele, maar die meeste van sy tien grootste beleggings is in Amerikaanse banke. Eastspring se fonds word in Chicago bestuur, en hy verkoop hoofsaaklik in Asië. FONDSINLIGTING PRESTASIE (GEANNUALISEER) SOOS OP 31 JULIE 2015 VYF GROOTSTE BELEGGINGS (SOOS OP 30 JUNIE 2015, KWARTAALLIKS BYGEWERK) Wat die fondsbestuurder sê Die mandaat vir die fonds, volgens David Knee, een van die bestuurders van die fonds, is beleggingsgehalte effekte. Hy sê die fonds se kredietvlak is gemiddeld A. ’n Gradering van A en hoër deur ’n kredietgraderingsagentskap soos Moody’s Investor Service beteken dit is…

ASPEN SE HANDELSVERSLAG STEL TELEUR Aspen het sy handelsverslag net voor 18:00 op Vrydag 28 Augustus uitgereik, en dit was ’n teleurstelling. Die maatskappy verwag wesensverdienste per aandeel (WVPA) van slegs 10% tot 15% hoër. Met WVPA-groei van 28% in die eerste helfte van die jaar, beteken dit feitlik geen groei in die tweede helfte nie. Aspen se WVPA-groeipersentasie is gewoonlik in die middel tot hoë twintigs, wat die hoë prys-tot-verdienste-verhouding (p/v) van 30 regverdig. Hierdie prestasie voldoen dus nie aan verwagtinge nie. Dit kan dalk net eenmalig wees, of ’n aanduiding dat sy besigheid volwasse word – namate hy groter word, word dit al hoe moeiliker om teen dieselfde tempo te groei. Ons sal later meer uit die resultate leer, maar diegene wat altyd Aspen-ondersteuners was, moet nie tou…

BLOKKIESRAAISEL NO. 200 Verskaf deur Gerda Engelbrecht Af 1 Dames en . . . (4) 2 . . . en pootjies (4) 3 Skryfstuk wat ’n boek of CD beoordeel (8) 4 Kim (7) 5 Duimpie of Duimpie se maat (6) 6 Streep op ’n kaart (10) 7 Dol (6) 14 ’n Enkele (3) 15 Eersgeborene (10) 19 Deurmekaar haredos (8) 20Skryf daarop met ’n griffel (3) 21 Seleksie (7) 23 Stellenbosse studente (6) 24Gesoute (6) 28 Tot stand bring (4) 29 Papiergeld (4) Dwars 8 Eks (6) 9 Vroulike bok (3) 10 Gelerige kleur (4) 11 Verleiding (10) 12 Die kol raak (4) 13 Op die een of ander plek (6) 16 Mondeling oordra (8) 17 Aangedaan (7) 18 SA minister van sport (van) (7) 22 Omgewing (8) 25…

Suid-Afrika sukkel nou “weens inflasiedruk, ’n lae groeikoers, hoë werkloosheidsyfers en tekorte op die lopende rekening”, het Orford, portefeuljebestuurder by Old Mutual MacroSolutions gesê op ’n konferensie oor beleggingsinsig wat Old Mutual Investments einde Augustus aangebied het. Hy het gesê in die plek van die aansporings wat Suid-Afrika sedert die vroeë 2000’s ervaar het – soos skerp groei in China en die kommoditeitsoplewing – kry hy nou die wind van voor, en van die probleme is self veroorsaak. Tog werk hulle saam om ’n omgewing van baie min groei te skep. Volgens hom het die wêreld sedert 2009 ’n “wêreldwye Gouelokkies-situasie” ondervind waar sake nie te goed of te sleg was nie”. “Beleidsbepalers het sake versnel, en baie lae rentekoerse het in ’n deflasionêre omgewing voorgekom.” Dit verander egter binnekort,…

Korrupsie in die Suid-Afrikaanse gesondheidsektor bring pasiëntesorg in die gedrang en verlaag die moraal van werknemers in die sektor. Só sê proff. Sharon Fonn en Laetitia Rispel en dr. Pieter de Jager van die Universiteit van die Witwatersrand in ’n onlangse studie getiteld “Exploring corruption in the South African health sector”. Dié studie wys daarop dat R8 miljard van die gesamentlike provinsiale besteding aan gesondheidsorg in Suid-Afrika, waar die totale begroting van private en openbare gesondheidsorginstellings op R400 miljard gestel word, die afgelope vier jaar “ongemagtig” en nog R24,1 miljard “onreëlmatig” was. Luidens die studie het “vrugtelose en verkwistende uitgawes” in die driejaartydperk tot einde 2013 op R1,3 miljard gestaan. Vir David Lewis, direkteur van die organisasie Corruption Watch, is die eintlike koste die dalende standaarde in die sukkelende openbare…

In skuld gedompelde Suid-Afrikaanse verbruikers wat steeds gebuk gaan onder die las van ongesekureerde lenings en die daaropvolgende ineenstorting van African Bank, wat voorheen die grootste uitlener in sy soort was, is steeds steeks as dit kom by die koop van nuwe eiendom. En banke is nie gretig om krediet te verleen nie. Dit bied Italtile die kans om munt te slaan uit die huisverbeteringsmark, volgens die maatskappy se uitvoerende hoof, Nick Booth. “Eerder as om hul huise te verkoop en ’n nuwe te koop, verkies eienaars om te renoveer,” sê Booth, wat in Julie 2014 die leisels oorgeneem het, aan Finweek ná die aankondiging van die groep se jaarresultate aan die einde van Augustus. Italtile Beperk, die eienaar en franchisegewer van kleinhandelaars wat plaaslike en ingevoerde huisafwerkingsprodukte verkoop, soos…

ELKE KEER DAT hierdie maatskappy sy resultate uitbring, skryf ek oor die aandeel en my raad is altyd dieselfde: koop hom. Ek het nie my eie raad gevolg nie, maar sodra hierdie uitgawe op die rak is, gaan ek koop. Metrofile is ’n bergingsmaatskappy van vervelige dokumente (papier sowel as digitaal), maar vervelig is dikwels goed, en in hierdie geval is dit werklik so. Maatskappye moet aan wetgewing voldoen wat bepaal dat sekere sakedokumente geberg moet word, dus het Metrofile ’n pasklaar sakemodel. Daarbenewens vertrou maatskappye nie sommer elke Jan Rap en sy maat om sensitiewe en belangrike dokumente te berg nie; dus sal Metrofile, as die markleier, nie maklik sy markaandeel prysgee nie. Die maatskappy is besonder kontantgenererend, en dit voeg ’n ekstra tikseltjie heuning vir aandeelhouers by in…

Direkteur Van Capilis Asset Managers Torre Industries, ’n betreklik klein genoteerde maatskappy met ’n markkapitalisasie van R2,4 miljard, is ’n nywerheidsgroepgroep wat toerusting, onderdele, f inansier ing en ondersteuningsdienste aan kliënte in Afrika voorsien. Die maatskappy het die notering van SA French vervang, en Charles Pettit was sedert sy stigting in November 2012 die uitvoerende hoof. SA French word steeds as ’n filiaal onder Torre bedryf en is die vernaamste verspreider van toringhyskrane en hysingoplossings in Afrika suid van die ewenaar. Hy het in ’n reeks verkrygings verskeie maatskappye aangeskaf as deel van sy korporatiewe strategie om sy bedrywighede te diversifiseer en uiteindelik ’n defensiewe sakemodel te gebruik. In April verlede jaar is sy aanskaffing gefinaliseer van Control Instruments Group (nou bekend as Torre Automotive), ’n maatskappy wat eksklusiewe premiehandelsmerk-motoronderdele…

“DIT HELP NIE OM MENSE TE HELP OM TYDENS HUL WERKSLEWE TE SPAAR EN BELEGGINGS OP TE BOU NET SODAT HULLE AAN DIE EINDE ’N ENKELBEDRAG KAN KRY, DIT VINNIG BESTEE, EN LATER VERARM NIE.” Die nasionale tesourie het in Julie die eerste stappe gedoen om beleidsvoorstelle in te stel wat tariewe vir aftreebesparing sal verlaag, terwyl bedryfsoptrede verbeter sal word om aftreefondslede se belange te bevorder. Dié hervorming sal nie net probeer verseker dat werkgewers aftreespaarplanne in werknemerkontrakte bied wat waarde vir geld inhou nie, maar ook dat werknemers wat tot ’n aftreefonds behoort, billik behandel word en dat die aftreefonds se trustees hul geld goed bestuur. Olano Makhubela, hoofdirekteur van finansiële beleggings en besparing van die nasionale tesourie, het einde Julie op die jaarlikse 10X-aftreefondskonferensie in Johannesburg gesê…

Deskundiges sê algehele uitputting word nie net deur te veel werk veroorsaak nie, maar chroniese meervoudige stres is ’n groot faktor in die oorsaak van uitputting en ongelukkigheid wat algehele uitputting kenmerk. Cary Cooper, die voortreflike professor in organisasiesielkunde en gesondheid aan die Universiteit van Lancaster, vertel The Guardian dat die tekens van algehele uitputting gedragsveranderinge insluit. “Jy het voorheen ’n goeie humorsin gehad, nou nie meer nie. Jy was ’n goeie luisteraar gewees, en jy verloor die vermoë. Dit kan lei tot gesondheidsprobleme; jy slaap sleg, jy het maagprobleme of jy begin te veel eet, of jy verloor jou eetlus. Dit kan tot kliniese depressie lei.” Dr. Almuth McDowall, dosent in organisasiesielkunde aan Birkbeck, Universiteit van Londen, sê dat mense dikwels toelaat dat probleme jare lank voortsleep. “Mense raak…

Een sekerheid in ekonomies onstuimige tye is dat geld na veilige hawens vloei, met die Amerikaanse dollar – ondanks sy oënskynlike swakhede – wat as ’n baken van veiligheid uitstaan. En omdat baie van die JSE se Top40-maatskappye nou meer as die helfte van hul wins in die buiteland verdien, sal hulle beskerming teen randswakheid bied. Hulle sal egter nie noodwendig beskerming teen swak markte en dalende wins bied nie. ’n Skielike markineenstorting van 10% tot 15% – soos wat die laaste paar weke oor die wêreld heen voorgekom het – veroorsaak outomatiese reaksies deur kleinbeleggers wat in ’n daalmark wil verkoop. Dit kan ’n reusefout wees. Beleggers is geneig om die randswakheid te beskou as ’n teken om geld in die buiteland te belê, wat ook ’n fout kan…

Een van Suid-Afrika se grootste tekortkominge is dat hy nie genoeg entrepreneurs het nie, wat aan ’n tekort aan ’n geskoolde arbeidsmag toegeskryf kan word, volgens Elias Masilela, direkteur van DNA Economics en ’n deeltydse kommissaris van die Nasionale Beplanningskommissie. “Vergelyk Suid-Afrika met die streek noord van die Limpopo, waar mense wat langs die pad sake doen, ook die produsente is van die goedere wat hulle verkoop,” het Masilela op die konferensie gesê. “Dit is egter nie in Suid-Afrika die geval nie. Hoekom nie? Dit is weens ’n gebrek aan vaardighede.” Vaardighede is belangrik vir arbeids-markaanpasbaarheid, het Masilela gesê. “Ons moet ’n opleibare arbeidsmag hê. Al die probleme in die mynbousektor – die mynwerker word net vir mynbou opgelei en vir niks anders nie. As ons ’n sterk opvoedingsgrondslag gehad…

DATATEC HET ’N dekade lange konsolidasie afgehandel toe hy in Julie 2012 deur die vlak van R44,95 per aandeel gebreek het. Op die oomblik verhandel hy in die stygende fase van ’n patroon wat kan lei tot ’n 100%-ommeswaai op lang termyn (een tot vyf jaar) tot by sy hoogste vlak van R146,00 per aandeel. ’n Aggressiewe lang koopopsie word op enige vlak bokant R74,45 per aandeel aanbeveel, aangesien Datatec dan ’n korttermynkonsolidasie sou vrygespring het. Dit behoort oor een tot drie maande aanleiding te gee dat hy tot R90 per aandeel styg. ’n Ruim bewegende keerverlies van 8% moet gebruik word. Die aandeelprys is tot dusver vanjaar meer as 33% hoër. Datatec is ’n vooraanstaande internasionale IKT-firma (inligting, kommunikasie en tegnologie). Met betrekking tot die toekoms, gaan IKT-oplossings en…

NUWE REEKS OOR KLEINSAKE Om jou eie onderneming te begin, begin wanneer jy jou eerste produk of diens aan iemand verkoop wat ’n behoefte daaraan het. Dis hoe maklik dit is. Om ’n behoefte in die mark te identifiseer, verg fyn waarnemingsvermoëns asook die vermoë om jou op die hoogte van sake te hou. Die kerndoel van enige onderneming is om ’n wins te maak – die moeite om die onderneming te begin of om daarin te belê, moet dit die moeite werd vir die eienaars maak. Ondernemings word nie begin om mense in diens te neem of om belasting te betaal nie – dié faktore is die gevolge van die bestuur van ’n onderneming. Mense begin ondernemings om verskillende redes, sê Lelani Maree, ’n dosent in entrepreneurskap en innovasiebestuur…

Telkom se verkryging van die tegnologiemaatskappy Business Connexion (BCX) is ’n groot stap in die rigting van wolkdienste, en dit sal Telkom help om Suid-Afrikaanse besighede se behoeftes aan inligtingskommunikasie en tegnologie (IKT) te bevredig. Dit gee Telkom ook ’n strategie wat meer as sewe Afrikalande dek. Amazon het in Augustus aangekondig dat hy ’n kantoor in Johannesburg gaan open vir sy wolkrekenaarbesigheid, Amazon Web Services (AWS) Suid-Afrika, met planne om tot 250 mense in die land in diens te neem. Terselfdertyd brei Vodacom ook sy ondernemingsbesigheid uit – dit sluit in verskeie dienste, insluitende wolkdienste, oral in Afrika – en hy is op die uitkyk na groeigeleenthede in Nigerië, Marokko en Zambië. Alle groot operateurs in Suid-Afrika, sowel as kleineres soos Internet Solutions en Vox Telecom, wil deel van…