Indholdsfortegnelse for 5/14/2021 i Finweek - Afrikaans

’n Jaar nadat MargaretThatcher se Konserwatiewe Party die bewind in die Verenigde Koninkryk oorgeneem het, lewer sy ’n toespraak by die partykongres in Brighton. Hierdie toespraak word onthou vir haar “the lady is not for turning”-opmerking. Daar is egter, myns beskeie insiens, ’n veel belangriker ding wat sy vroeg in haar toespraak genoem het: “Daar is baie dinge wat gedoen kan word om hierdie nasie op die pad na herstel te plaas en ek bedoel nie alleenlik ekonomiese herstel nie, maar ’n nuwe onafhanklikheid van gees en gretigheid vir prestasie.” Teen die tyd watThatcher se party aan bewind gekom het, was die land se ekonomie op sy knieë: hoë inflasie, buitensporige staatsbesteding, hemelhoë belasting en ’n staat wat nie die private sektor vertrou het om groot nywerhede te bedryf nie.…

“INEENSTORTING VAN PARTYMORALITEIT.” – President Cyril Ramaphosa het op die tweede dag van sy getuienis oor staatskaping en sy rol om dit te takel, gesê korrupsie “lei tot ’n ineenstorting van partymoraliteit, en die ANC word minder aantreklik, en dit lei tot minder kiesersondersteuning. As ons nie iets doen nie, is ons op ’n pad na vergetelheid en nederlaag.” Hy het aan die Kommissie van Ondersoek na Staatskaping gesê toe die meningspeilings voor die plaaslikeregeringsverkiesing in 2016 inkom, het die ANC besef dat korrupsie ’n probleem is. “Broodnodige tegniese en kommersiële kundigheid.” —Die Departement van Openbare Ondernemings sê Suid-Afrika is besig met finale onderhandelinge met ’n potensiële belegger vir sy sukkelende lugdiens, ’n stap wat die SAL ’n hupstoot sal gee terwyl dit uit bankrotskapsbeskerming kom. Die transaksie sal kapitaal en “broodnodige…

BHP wat in 2001 deur’n samesmelting van die Australiese Broken Hill ProprietaryCompany en Anglo-Dutch Billiton plc gevorm is, is ’n Anglo-Australiese, multinasionale, dubbelgenoteerde mynbou-, metaal-en petroleummaatskappy waarvan die hoofkantoor in Australië is. Die maatskappy is een van die voorste internasionale spelers in dié sektor. Sommige van BHP se bates is in 2015 as South32 ontknoop. BHP Group is in verlede jaar se Forbes Global 2000 as die 93ste grootste openbare maatskappy ter wêreld gegradeer. BHP (WEEKLIKSE PRYSGRAFIEK) Aandeelprysgeskiedenis BHP se huidige stygtendens het in 2016 begin nadat hy 70% van sy aandeelpryswaarde sedert 2014 verloor het. BHP het in Februarie 2011 gesê dat hy ’n groot en ambisieuse speler in die Amerikaanse skalieoliemark sou word en het vir $6 miljard die regte op sowat ’n halfmiljoen acre se moontlike skaliegasreserwes…

dis nie verbasend dat die Covid-19-pandemie ’n vernietigende uitwerking op die reisbedryf gehad het nie. Desondanks het genoteerde aanlyn reisagentskappe sedert die einde van die eerste kwartaal van verlede jaar beter as aandelemarkte wêreldwyd gevaar (lees die tabel). Groot aanlyn reisagentskappe se verdienste het ná die tweede kwartaal van verlede jaar swak gebly en gevolglik merk ons op dat hul aandeelpryse se buitengewone prestasie nie deur verdienstegroei aangedryf is nie. Daarby het verskeie aanlyn reisagentskappe óf gesê dat hulle vanjaar steeds verliese verwag óf dat enige herstel jare eerder as kwartale sal duur. Ons meen weens die swakverdienste-uitsig op kort termyn dat die sektor se buitengewone prestasie op aandelemarkte sedert verlede jaar hoofsaaklik aangedryf is deur beleggers wat blootstelling aan herstelverhandeling wou kry (deurte belê in bedrywe wat besonder sensitief…

Baie keer in die beleggingswêreld moet ’n mens op ’n gegewe oomblik bepaal wat sal die bes moontlike beleggingsopsie wees. Dus moet ’n belegger verskillende geografiese (dit sluit byvoorbeeld in of ’n mens jou kapitaal aan Amerika of Suid-Afrika moet toewys), bedrywe (byvoorbeeld finansieel of industrieel), supersektore (soos telekommunikasie of tegnologie) asook subsektore (byvoorbeeld banke of lewensversekeraars) met mekaar vergelyk. Die JSE het in Maart sy bedryfsklassifikasie-maatstaf (ICB) bekendgestel. ’n Mens wil tog belê in aandele wat goed vaaren wat ‘n moontlike opwaartse pryswaarskynlikheid het. Daar is verskillende metodes om sulke aandele raak te sien. Maar die ontledingsmetodiek wat ’n mens kan volg, is ’n bo-na-onder-ontleding. ’n Mens begin by die groot prentjie en beweeg dan na die kleiner prentjies. Om dit verderte vereenvoudig is om ’n relatiewe pryssterkte-ontleding te…

terwyl die lewering van onderwysdienste wêreldwyd ernstig deur die pandemie ontwrig is, het genoteerde onderwysmaatskappye ’n mate van veerkragtigheid getoon en het hul inskrywings robuus gebly. Hul vermoë om inskrywingsgelde te verhoog en inkomste uit bykomende dienste te verdien, is egter geknou. Die groeiende behoefte aan private onderwys, terwyl dienslewering in die openbare sektor in duie stort, die min plekke wat openbare instellings beskikbaar het en die toename in aanlyn onderwys danksy die pandemie, bly faktore wat groei in dié sektor aanvuur. In die jaar tot einde Desember, wat nege maande se grendeltyd insluit, het die genoteerde onderwysmaatskappye ADvTECH, Curro en Stadio relatief goed gevaar, maar beleggers hou nog effens terug weens onsekerheid oor verdere vlae van die pandemie en toenemende bekostigbaarheidskwessies weens die trae ekonomie. Resultate aDvTECH, wat private…

die Suid-Afrikaanse regering is ernstig oor belegging in infrastruktuur in Suid-Afrika. Die Ontwikkelingsbank van Suider-Afrika (Obsa) is ’n finansiële vennoot wat die kundigheid en vaardighede het om ’n deurslaggewende rol in hierdie poging te speel. Mohan Vivekanandan, Obsa se groepbestuurder wat verantwoordelik is vir transaksiebewerking en kliëntedekking, beantwoord ’n paar vrae oor die rol van die bank in die ontwikkeling van infrastruktuur. Die SA regering is ernstig oor die infrastruktuurontwikkeling van die land in ’n poging om toekomstige ekonomiese groei te bevorder. Watter soort infrastruktuurprojekte is die beste geskik vir privaat-openbare-vennootskappe en hoe word hulle gefinansier? Obsa, as ’n ontwikkelingsfinansieringsinstelling (OFI) in volle besit van die regering, pas sy werk aan by die regering se prioriteite, insluitende om die infrastruktuurbehoeftes van die land te pak om ekonomiese groei en ontwikkeling…

Jackie van Niekerk het self vir haar studies betaal en ’n BCom-graad aan die Universiteit van Pretoria verwerf. Sy is 39, getroud, en het twee kinders wat onderskeidelik sewe en twee jaar oud is. “Daar’s ’n sêding oor ma’s se skuldgevoelens, iets soos ‘haal die baba uit en sit die skuldgevoel terug’. Dis iets waaraan ek werk. Maar jy kan ’n ma én ’n loopbaangerigte vrou wees.” Haar sukses, sê sy, is te danke aan haar gesin se ondersteuning, veral dié van haar man. Sy neem in ag dat hy ook ’n loopbaan het. “Dit kan nie net oor my en my loopbaan gaan en my man wat my ondersteun nie. Dis onregverdig. Ek moet hom ook in sy loopbaan ondersteun.” As ’n gretige leser, lees sy soms deurnag en…

en van my gunsteling-sportherinneringe was om in 2010 na Sokkerwêreldbekerwedstryde te kyk. Niks kan beter wees as die opwinding van die wedstryde, die voorbereidings, die sing van die volksliedere, die gedruis van die vuvuzelas, die doele wat aangeteken is, en die lawaai van die skare nie. Of het ek dit verkeerd? Is daar ander moontlikhede hoe ’n mens sport kan beleef? Toe Covid-19 ons getref het, was sport een van die eerste slagoffers. Om uit te vind hoeveel die pandemie die sportbedryf verander het, het ek gaan kers opsteek by Brendon Fourie, medestigter en finansiële hoof van Four Nations Football Consulting, ’n bestuursadviesfirma met sy hoofkantoor in Barcelona, wat sportklubs en-verenigings met sportbestuur help. “Die onvolhoubare finansiële modelle by die meeste sokkerklubs moes eenvoudig vroeër of later ineenstort. Die totale…

Revego Africa Energy* belê in ontwikkelde bates vir hernubare energie, aanvanklik in Suid-Afrika, maar gaan uiteindelik uitbrei na die res van Afrika suid van die Sahara. Hy sal mettertyd tot 10% in ontwikkelings belê, maar die sakemodel is hoofsaaklik om te belê as die bate in bedryf is en ’n inkomste genereer. Plaaslik het hierdie hernubare-energiebedrywighede inflasiegekoppelde afsetooreenkomste wat onderteken is met waarborge van die regering. Dit verwyder die risiko in die proses en verseker dat hulle sterk dividendbetalings kan bied. Die teikendividendopbrengs (gegrond op die noteringsprys van 1 000c) is tussen 8% en 10% per jaar en bied aan die belegger ’n sterk opbrengs en ’n alternatiewe bateklas wat weens die sekerheid van toekomstige verdienste minder wisselvallig sal wees. Die notering sou op 29 April plaasvind, maar is na…

Die jaar wat verby is, het groot veranderings meegebring, want ons het die eerste groot pandemie in meer as ’n eeu deurgemaak. Vir talle mense was dit weens ’n verlies van lewens en inkomste ’n uiters moeilike jaar. Dit is ons realiteit as ’n samelewing en al het inentings begin, sal die pandemie van 2020 nog vir ’n lang tyd op individue en gemeenskappe ’n invloed hê. Ook op sakegebied het ons verwoesting gesien toe maatskappye in sakeredding moes gaan, hoewel party, soos Comair, met nuwe aandeelhouers kon oorleef. Ander moes noodwendig vir lang tye met min of selfs geen inkomste nie klaarkom, wat enorme druk op hul kontantvloei en balansstate geplaas het – om van hul skuldverpligtinge nie te praat nie. Sommige sektore sal waarskynlik nooit terugkeer na hoe…

ná Steven Spielberg se trefferrolprent Jaws van 1975, is die opvolgprent Jaws 2 in 1978 uitgereik met een van die beroemdste trefreëls ooit: “Net toe jy gedink het dis weer veilig in die water”. Ek sal probeer om nie te veel te verklap nie, net in geval iemand nog nie dié twee flieks gesien het nie (bederwer-waarskuwing), maar nadat ’n enorme witdoodshaai ’n kusdorpie terroriseer en later in die eerste rolprent “verslaan” word, keer die gevaar terug net toe mense weer begin veilig voel. Net meer as 12 maande gelede (23 April 2020) het ons gesien hoe die rand vir die eerste keer in die geskiedenis teen meer as R19 teenoor die Amerikaanse dollar verhandel. Sowat ’n jaar later verhandel dit nou op nader aan R14 teenoor ’n dollar, en…

Koste maak saak. Die koste wat jy betaal as jy koop of verkoop, is net so belangrik as die totalekosteverhouding (TKV) van ’n effektetrust of beursverhandelde fonds (ETF) waarin jy belê. Die vraag is wanneer hierdie koste ’n invloed moet hê op ’n besluit om te koop of verkoop. Ideaal gesproke wil jy hê die transaksiekoste moet onder 1% wees, insluitende makelaarsgelde en alle belasting. Aangesien baie aandelemakelaars ’n minimum bedrag vra, beteken dit ons moet ’n minimum bedrag belê om die effektiewe koers te kry. My makelaar vra 0,5% per transaksie, maar die minimum vereiste is R22 000 per transaksie om dié makelaarsgelde te kry. Sommige makelaars, soos EasyEquities, het geen minimum beleggingsvereiste nie, en is dus by die vergelyking uitgesluit. Maar vir die res van ons moet ons…

president Cyril Ramaphosa benadruk pal die belangrikheid van infrastruktuurbelegging in Suid-Afrika en het allerlei ander inisiatiewe, soos die infrastruktuurfonds, van stapel gestuur om belegging in dié sektor aan te moedig. Business Leadership South Africa (BLSA) stem saam oordie belangrikheid hiervan en benadrukdie groot potensiaal in vennootskappe tussen die staat en die sakesektor, maar noem dat baie meer gedoen kan word om geleenthede virdie private sektor te skep om direk in infrastruktuur te belê. Die NasionaleOntwikkelingsplan se teiken om 30% van BBP daarin te belê, sal vir ruim belegging van die private sowel as die openbare sektor vra. Dit sien ons egter nie op die oomblik nie; inteendeel, volgens die BLSA het die beleggingsvlakke die afgelope paar jaargedaal en daarom het hulle ’n Intellidex-ondersoekvan stapel gestuuren dié verslag onlangs bekend gemaak.…

in 2017 het meer as 7 300 Suid-Afrikaners na dieVerenigde Koninkryk (VK) geëmigreer. Tans woon meer as 250 000 Suid-Afrikaners daar, en dit wil voorkom of dié getal toeneem. Die voorgestelde wysigings aan die onttrekking van aftreegeld wanneer ’n individu nie meer in die land woon nie, sal ’n noemenswaardige uitwerking hê op die Suid-Afrikaners wat na die VK wil verhuis, sowel as op dié wat reeds daar woon. DiÉ wysigings is voorgestel vanweë die aard van die dubbelebelastingooreenkoms (DBO) wat tussen onder meerdie VK en SA aangegaan is, maar is ook van toepassing op ander soortgelyke DBO’s. Hoewel die voorstel nog in die beginstadium is en weliswaar ’n paar grys gebiede bevat, is daar belangrike punte om op te let as jy van plan is om in die nabye…

george Marshall, voormalige Amerikaanse minister van buitelandse sake, het op 5 Junie 1947 die Europese Herstelprogram (later bekend as die Marshall-plan) in ’n beroemde gradeplegtigheidstoespraak by Harvard-universiteit aangekondig. Hy het gesê dit was “logies” dat Amerika alles moontlik sou doen om die streek se ekonomiese groei te herstel “waarsonder daar geen politieke stabiliteit en geen sekerheid van vrede kan wees nie”. Die plan, wat deur die Amerikaanse regering gefinansier en deur ’n kommissie van oor die hele Europa heen geadministreer is, het besteding van $13 miljard oor vier jaar behels en het die hoogste ekonomiese groeikoers (sowat 35% per jaar) in Europa se geskiedenis meegebring. Toe die plan se werk afgehandel is, het die ekonomie van elke Wes-Europese land nie net na vooroorlogse vlakke van groei en ekonomiese ontwikkeling teruggekeer…

Daar is in ’n vraag op ’n onlangse vergadering voor Glencore se algemene jaarvergadering oor teikens vir die vermindering van kweekhuisgasse genoem dat die groep sy korttermyn-teikens gemis het. Die antwoord van Tony Hayward, voorsitter van Glencore, was dat die groep se teiken van 40% koolstofvrystellings teen 2035 by die Parys-ooreenkoms inskakel waarvolgens ondertekenaars aardverwarming teen dié datum tot 1,5°C moet verminder. “Ons dink die tydraamwerk vir laer vrystellings is realisties,” het Hayward gesê. Die interaksie toon dat terwyl beleggingsgroepe dié dapper langtermyn-teikens verwelkom, daar skeptisisme is of hulle werklik bereik sal word. Dit het ook op 26 April geblyk toe Anglo American sy volhoubaarheidsverslag voorgehou en iemand gevra het hoekom Anglo nie Glencore se verbintenis aanvaar het om bestek 3-vrystellings te verminder nie. Bestek 3-vrystellings is dié van ’n…

Sasol se wilskrag het uiteindelikvrugte afgewerp nadat die Lake Charles Chemicals-projek in Amerika en die wisselvallige oliepryse hom die afgelope twee jaar uitgemergel het. Sy prys het verlede jaar van 65 300c per aandeel tot 2 075c geval. Maar sake verbeter en soveel so dat hy verwag dat wesensverdienste peraandeel virdie jaar geëindig Junie 2021 met minstens 20% sal verbeter, vergeleke met die wesensverlies per aandeel van R147,45 ’n jaar tevore, ondanks orkane wat sy Amerikaanse chemikalieëbedryf die nege maande geëindig Maart 2021 onderbreek het en oliepryse wat nog herstel. Sasol het in 2020 sy strategie hersien om die impakvan Covid-19 en lae oliepryse te versag met die verkoop van bates. In Desember 2020 is 2025-teikens bekendgestel om wins te verbeter en koste te verlaag om van die Lake Charles-projek…

die rol van vaste inkomste in multibateportefeuljes ontwikkel saam met vanjaar se ongekende markwisselvalligheid. Dis daarom moeilik om ’n beter tyd te kry om weer oor vaste inkomste te dink. Beleggers kom in vandag se vaste-inkomstemarktevoortoenemendedruk te staan om opbrengs te behaal, opbrengskoerse te genereer en diversifisering vol te hou. Ons meen om dit reg te kry, moet ’n mens verby die verouderde vaste-inkomstebenadering van “slegs aktief” beweeg en indeksering en vaste-inkomste-beursverhandelde fondse (ETF’s) oorweeg. Om te verstaan waarom ETF’s oorweeg moet word, is om te kyk hoe hulle die hoofuitdagings op vandag se effektemarkte kan pak. Ons sien vier groot uitdagings. Standvastigheid deur diversifisering Eerstens het die eindelose soeke na opbrengs standvastigheid verminder. Namate opbrengs al hoe skaarser word, wys beleggers bates aan meer riskante bateklasse toe. Korporatiewe en…

PICK N PAY Resultate goed Pick n Pay se resultate vir die jaar geëindig Februarie, wat op 21 April uitgereik is, was alles oor die inperkings. Gevolglik was verkope van drank en tabak (hoëmargewinsartikels) 31% laer, wat die wins baie benadeel. Afgesien hiervan, was sy resultate goed en die bedryfsmarge was ’n sterk 2,9% teen die agtergrond van die verlies aan hoëmargeverkope. Dit was uitvoerende hoof Richard Brasher se laaste stel resultate en hoewel die ommeswaai uiteindelik stadig begin het, beskou ek dit as ’n reusesukses. Hy het nie net marges herwin nie, maar het ook die Boxer-handelsmerk, gefokus op lae-inkomste kopers, wat nou goed geplaas is as ’n kerndeel van die algehele besigheid, uitgebrei. ALTRON Goeie waarde Altron het aangekondig dat hy LawTrust Third Party Services van die genoteerde…