Indholdsfortegnelse for 26 November 2015 i Finweek - Afrikaans

rob Davies, minister van handel en nywerheid, het heelwat deurgeloop oor ons land se houding teenoor buitelandse beleggers sedert sy departement die Belgiese ambassadeur in 2013 ontbied het en hom ingelig het dat Suid-Afrika ’n bilaterale beleggingsbeskermingsooreenkoms met sy land gaan kanselleer. Sedertdien is verskeie ander ooreenkomste ook gekanselleer toe dit hernu moes word. Die Wetsontwerp vir die Bevordering van Belegging, wat hulle moes vervang, is tereg sterk gekritiseer deur diplomate en beleggers omdat dit onvoldoende beskerming en sekerheid van behoud bied. Davies was deurgaans heel ongeërg en het onlangs by ’n mediakonferensie weer gesê dat baie beleggers steeds geleenthede in Suid-Afrika sien. Dalk moet ons die minister ’n bietjie speelruimte gun. Hoewel niemand kan ontken dat ons baie meer belegging nodig het nie, en dat ons buitelandse invloei seker…

– ’n Beleggingsontleder oor die beplande regte-uitgifte deur Lonmin, sy derde in ses jaar, aan Business Day. Aandeelhouers van dié sukkelende platinummynmaatskappy sou op 19 November oor die reddingsboei van $407 miljoen (R5,8 miljard) stem (nadat finweek reeds by die drukker is). (Sien ook bl. 11.) “Talle beleggers het na die omgewing in Suid-Afrika gekyk en gesien dat hulle geleenthede hier kan vind.” – Die minister van handel en nywerheid, Rob Davies, tydens ’n mediavoorligting oor die kontroversiële Wetsontwerp op die Bevordering van Beleggings, wat beoog om die bilaterale beleggingbeskermingsverdragte te vervang wat Suid-Afrika met ’n aantal Europese lande begin kanselleer het. Terwyl kritici van die wetsontwerp gesê het dit gaan belegging ontmoedig omdat dit nie dieselfde mate van beskerming as die verdragte bied nie, het Davies gesê beleggers word…

die logistiekmaatskappy Super Group se aandeelprys was oor die afgelope jaar betreklik plat, en hy het nog nie weer dividende betaal nie, sedert sy verliesmakende bedryfsproduktebedrywighede (sedertdien gestaak) en ’n duur projek in Angola in 2009 wat die groep in ’n benarde finansiële situasie gelaat het. Twee regte-uitgifte binne ses maande in 2008 en 2009 om R1,5 miljard te verkry, het bygedra tot die vertrek van die voormalige uitvoerende hoof Larry Lipschitz, wat 22 jaar lank aan die stuur was. Sy opvolger, Peter Mountford, het die besigheid tot ’n ommekeer gelei, wat ’n suksesvolle regteuitgifte van R900 miljoen onlangs afgehandel het om die verkryging van die beheermaatskappy van Duitse vervoerfirma IN tIME te finansier. Die groep het bedrywighede in Duitsland, Swede, Hongarye, Roemenië, die Tsjeggiese Republiek en Pole. Hy dien…

ou Mutual het oor die jare baie pogings aangewend om geografies te diversifiseer, maar ten spyte hiervan is hy nog in ’n groot mate ’n Suid-Afrikaanse besigheid. Om en by 62% van die aangepaste bedryfswins is afkomstig uit Suid-Afrika, terwyl ’n kwart van die bedryfswins in die Verenigde Koninkryk gegenereer word. Die oorblywende deel word in Europa, Amerika en in ander gebiede in Afrika verdien. Die groep bestaan tans basies uit vier aparte dele: die opkomende mark (wat 40% tot die vasgelegde waarde bydra), die groep se belang van 54% in Nedbank (wat ongeveer 32% bydra), welvaartsbesigheid in Brittanje (dié deel dra 20% by) en laastens Old Mutual Asset Management wat in Amerika genoteer is (met ’n bydrae tot die vasgelegde waarde van 8%). Ons vind die maatskappy se vooruitsigte…

astral Foods, die pluimvee- en veevoerprodusent, vind dit moeilik om sy rekordresultate vir die onlangse jaar te herhaal omdat ’n magdom makro-ekonomiese probleme op sy kliëntebasis en ’n verlammende landswye droogte dreig om die mieliepryse op te jaag. Verbruikers, veral dié met lae inkomste, gaan gebuk onder toenemende werkloosheid, ’n sukkelende mynbedryf en ’n laer besteebare inkomste, volgens Chris Schutte, die uitvoerende hoof van Astral Foods. “Dinge lyk heel anders as in die vorige finansiële jaar,” sê hy. “Die verbruiker is tans in ’n uiters moeilike posisie.” In die drie maande tot die einde van Junie vanjaar het Suid-Afrika se bruto binnelandse produk (BBP) met 1,3% gekrimp. In die derde kwartaal van die jaar het werkloosheid gestyg tot ’n yslike 25,5%, en dit selfs al het 700 000 mense werk…

d ie dae van gewetenlose sake-eienaars wat die terugbetaling van lenings aan staatsbeheerde finansieringsinstansies probeer ontduik, is dalk getel; of dit sal wees as die regering gehoor gee aan die dringende versoek deur Thakhani Makhuvha, uitvoerende hoof van die Finansieringsagentskap vir Klein Ondernemings (Sefa), wat druk uitoefen vir die instelling van oormaking op entrepreneurs wat nie hul lenings wil terugbetaal nie – selfs al verdien hulle maatskappye genoeg inkomste om hul skuldverpligtinge maklik te dek. “Ek doen ’n ernstige beroep op die politici om die instelling van oormaking te oorweeg om sodoende ’n einde te maak aan hierdie groot probleem,” het Makhuvha gesê aan ’n volgepakte KMME-beleidsvergadering, wat ook deur Lindiwe Zulu, minister van kleinsakeontwikkeling, bygewoon is. Oormaking is ’n doeltreffende metode om uitleners te beskerm teen gewetenlose leners want…

m y vriende wat elke oggend tussen Stellenbosch en Kaapstad pendel, sê hulle moet om 5:15 op die pad wees, of anders sal hulle in die verkeer vassit. Dit is veel erger as ’n dekade gelede, toe hulle maklik om 7:00 op kantoor kon wees as hulle om 6:00 by die huis weg is. Die syfers bevestig dit. ’n Nuwe studie deur Andrew Kerr van die Universiteit van Kaapstad se navorsingseenheid Data First getiteld Tax(i) ing the poor? Commuting costs in South Africa toon dat wit Suid-Afrikaners in 2003 sowat 54 minute per dag per motor gependel het, langer as die gemiddelde in Amerika en al 23 EU-lande destyds. Teen 2013 was dié syfer 67 minute. Maar diegene met motors is die gelukkiges. Swart Suid-Afrikaners, wat hoofsaaklik openbare vervoer gebruik,…

muhammadu Buhari het lank gewik en geweeg voordat hy sy kabinet gekies het, maar dis niks nie in vergelyking met die uitdagings wat die nuwe ministers van Nigerië in die gesig staar met die werk in hul nuwe poste, wat almal verlede week aangekondig is nadat die kabinet ingesweer is. Hier is ons menings oor die kabinet: DIE GROOT WENNER: Kemi Adeosun (Ogun-deelstaat) - Finansies ’n Buitengewoon invloedryke pos vir ’n vrou wie se profiel nie voorheen hoog was nie. Adeosun is nou in beheer van die heropbou van Nigerië se finansies in ’n tydperk van swak oliepryse en swak beleggersentiment, hoofsaaklik dalk weens die onlangse MTN-boete. Haar werk in haar tuisdeelstaat is deur almal geprys, hoewel daar onlangs vrae was oor haar optrede tydens haar termyn as kommissaris vir…

HOE HET DIT GEGAAN? Die Lewis-groep, wat die kleinhandelaars Lewis, Beares en Best Home & Electric besit, het 81% van sy inkomste uit die verkoop van meubels en toestelle verdien. Sy inkomste het in die tydperk met 8,3% tot R2,8 miljard verhoog, terwyl die wesensverdienste per aandeel (WVPA) 13,4% laer is op 323c. Eens ’n gunsteling van die aandelemark, sukkel Lewis die afgelope jare om winsmarges te verbeter en verdienste te laat groei. Sy bedryfswins oor die tydperk was 14,7%, verreweg nie soos in die eerste helfte van 2014 toe hy ’n bedryfswins van 20,6% (en WVPA van 420c) aangeteken het nie. Die tussentydse dividend vir die halfjaar tot einde September 2015 was 215c per aandeel, dieselfde as vir die ooreenstemmende tydperk in die vorige boekjaar. HOEKOM SUKKEL HY? Lewis…

Anchor Capital beoog om dié beheermaatskappy op 25 November op die alternatiewe beurs (AltX) van die JSE te noteer. Die gedagte is dat ’n mens hier ’n JSE-verhandelde maatskappy het met sy primêre bates in die vorm van Amerikaanse dollars, wat hy dan wêreldwyd belê. Sestig persent daarvan sal in internasionale aandele soos Apple en Nestlé wees, en 20% in nisfondsbestuurders. Indien Astoria dus in Brasilië wil belê, maar voel hy het nie die kundigheid nie, kan hy in ’n fonds belê wat dit wel het. Die oorblywende 20% gaan na alternatiewe en private aandelefondse, dus ongenoteerde bates. Dis ’n aantreklike mengsel, en wat my ook opval, is dat hy die luukse van permanente kapitaal het. Ek bedoel, met effektetrusts werk dit so dat wanneer mense hul onderaandele verkoop, die…

SAPPI Kommer oor skuld Sappi is lank reeds ’n onderpresterende aandeel omdat sy skuldvlak hom te veel kos met wins wat met elke nuwe stel resultate afneem. Die skuldhoop is besig om kleiner te word en die koste word weens laer koerse verminder. Maar die maatskappy het steeds skuld van meer as $2 miljard, wat hom ’n skuld/ekwiteitsverhouding (SKV) van meer as 200% gee, en teen ’n wisselkoers van R14/$, is die markkapitalisasie van die maatskappy net-net bokant die skuldvlak. Per slot van rekening gaan die skuld nie veroorsaak dat die maatskappy daaronder ineen gaan stort nie – Sappi het lank reeds ’n klomp skuld. Maar die skuld verorber wel ’n groot deel van sy inkomste omdat die maatskappy die skuld moet vereffen, wat bykans die helfte van sy bedryfsinkomste…

genadelose wisselkoerse maak dat min van ons eiendom in Brittanje kan bekostig; weens die dalende waarde van die rand is Suid-Afrikaners die afgelope ses jaar die helfte van hul welvaart kwyt. Londen is veral vir die meeste Suid-Afrikaners buite bereik. “Almal stel in Londen belang. Ons kry vyf of ses oproepe per week, heeltemal uit die bloute uit, veral oor die “biltong belt” – plekke soos Wandsworth, Putney en Richmond. Pryse is egter hoër as £600 000 vir ’n eenslaapkamereenheid, wat vir Suid-Afrikaners net te veel is,” sê Chris Immelman, besturende direkteur van Pam Golding Properties International en die projekte-afdeling. Goedkoper geleenthede in die residensiële sektor verskyn soms op die radar, maar om vir Suid-Afrikaners bekostigbare opsies te vind, is dit toenemend nodig om alternatiewe te ondersoek. ’n Opsie wat…

in teorie behoort belegging in aandele maklik te wees:Koop laag en verkoop hoog. Om dít sonder die voordeel van nakennis te doen, is natuurlik baie makliker gesê as gedaan. Beleggingsbesluite word in reële tyd gedoen, en hierdie proses kan dikwels moeilik en intimiderend wees vir beleggers. Om bogemiddelde opbrengste op lang termyn te genereer, moet beleggers onafhanklik van die mark dink en nie onnodig beïnvloed word deur korttermyngebeure nie, sê Greg Hopkins, beleggingshoof by PSG Asset Management. Die mikpunt om laag te koop en hoog te verkoop is moeilik om in die praktyk uit te voer as die mark ingestel is om jou die teenoorgestelde te laat doen, verduidelik hy. Die volgende faktore kan paniek of irrasionele gedrag veroorsaak, sê Hopkins: 1. Negatiewe nuusopskrifte Dit skep vrees en onsekerheid rondom…

die Suid-Afrikaanse Reserwebank (SARB) se primêre mandaat is om prysstabiliteit te bereik en te handhaaf in die belang van gebalanseerde en volhoubare groei. Prysstabiliteit is nodig, maar is nie ’n toereikende voorwaarde vir die ekonomiese groei wat die land nodig het nie. Om prysstabiliteit te bereik, het die SARB ’n inflasieteiken van tussen 3% en 6%. Die aanpassing van rentekoerse is die belangrikste beleidsinstrument wat die SARB gebruik om te verseker dat inflasie binne dié bepaalde teiken bly. Verlede jaar het Suid-Afrika se verbruikersprysinflasie (VPI) met 6,1% toegeneem vergeleke met 2013. Dit was ’n verhaal van twee helftes. Inflasie het in die tweede helfte van 2014 afgeneem en het in 2015 selfs verder afgeneem tot ’n gemiddelde van slegs 4,1% in die eerste kwartaal. Dit was as gevolg van die…

dit ly geen twyfel nie dat die regering se steun vir Lonmin se regteaanbod grootliks gemotiveer word deur die sombere maatskaplike en politieke gevolge daarvan om sowat 35 000 werksgeleenthede in gevaar te stel as die mynmaatskappy in sakeredding geplaas sou word of ondergaan. Lonmin se perseel in Noordwes is per slot van rekening waar die Marikana-slagting plaasgevind het. Om ’n deel van die gemeenskap ledig te hê, sou ’n vonk in dié kruitvat beteken. Ben Magara, uitvoerende hoof van Lonmin, glo boonop nóg 200 000 lewens sal geraak word as sy maatskappy werksaamhede sou staak. Die platinummark beskou die regering se inmenging en Lonmin se selfhelpmaatreëls egter in ’n negatiewe lig, soos blyk uit die likwidasie van sowat 397 000 onse platinum en 572 000 onse palladium uit beursverhandelde…

Private hospitaalgroepe in Suid-Afrika het die afgelope twee dekades wesenlike groei getoon, met Mediclinic – wat sy internasionale teenwoordigheid aktief uitgebou het – volgens waarde die grootste met ’n markkapitalisasie van R117,8 miljard. In die tweede plek is Netcare, met ’n markkapitalisasie van R55,7 miljard, gevolg deur Life Healthcare met R39,2 miljard. Life Healthcare het op 13 November bekend gemaak dat sy inkomste vir die jaar tot einde September 12,3% hoër is op R14,6 miljard, hoofsaaklik weens ’n styging van 8,8% in sy inkomste uit sy Suider-Afrikaanse bedrywighede tot net onder R14 miljard. Die inkomste uit sy internasionale hospitale in Pole en Indië het met 270% tot R648 miljoen toegeneem. Wesensverdienste per aandeel is 1,2% hoër op 179,9c. Nog 253 beddens is gedurende die jaar toegevoeg en die onderneming beplan…

MARKAANDEEL IN DIE BRITSE WYNMARK Brittanje is die wêreld se naasgrootste wyninvoerder en die grootste koper van Suid-Afrikaanse wyne Australië 22% Italië 14% Frankryk 13% VSA 12% Suid-Afrika 10% Spanje 9% Chili 9% Nieu-Seeland 6% Argentinië 2% Duitsland 1% Ander 2% Bron: Jane Robertson en Hein Koegelenberg die plaaslike wynbedryf loop die gevaar dat hy binne drie jaar te min volume sal produseer, veral wat betref duurder wyne, met ander woorde dié kategorie wat Suid-Afrika graag wil uitbrei om sy reputasie oorsee te versterk. Dít is die mening van Hein Koegelenberg, uitvoerende hoof van La Motte in Franschhoek. Suid-Afrika het in 2014 sowat R8 miljard se wynuitvoere aangeteken. Terwyl dié waarde effens hoër is as die R7,937 miljard van 2013, volgens syfers in die Ekonomiese Oorsig van SA Landbou wat…

d ie jongste resultate van die privaathospitaalgroep Mediclinic vir die halfjaar tot September wat op 12 November bekend gemaak is, word oorskadu deur die nuus van die transakasie met die Al Noor-hospitaalgroep wat in Londen genoteer is. Ingevolge hierdie megatransaksie wat nog nie goedgekeur is nie, maar wat aanvanklik in Oktober bekend gemaak is, sal beleggers in Al Noor in kontant en Mediclinic-skrip betaal word. Die groep sal onder leiding van Danie Meintjes omgekeerd in Londen noteer, wat ook “beter likiditeit sal voorsien”, volgens Sanlam Private Welvaart se Riaan Gerber. Die sekondêre notering sal op die JSE wees, met Stellenbosch wat die hoofkantoor sal bly. Meintjes, ’n veteraan in die bedryf wat al sedert 1996 in die groep se direksie dien, sal aan die hoof van die gekombineerde groep staan…

jou kredietgradering, sê die verbruikersfinansieringsonderneming RCS, is in wese jou as verbruiker se finansiële reputasie. “Jou kredietgradering bepaal uiteindelik hoeveel jy vir jou skuld betaal,” verduidelik Craig Gradidge, hoof- finansiële beplanner en medestigter van Gradidge-Mahura Investments. “Iemand met ’n goeie kredietrekord is vir ’n bank aantreklik en die banke sal meeding om aan daardie persoon krediet toe te staan deur elkeen ’n beter uitleenkoers as die ander te probeer aanbied, mits die persoon koerse vergelyk om die beste te kry.” Dit is gevolglik belangrik om minstens een keer per jaar jou kredietgradering te kontroleer om seker te maak die inligting is akkuraat. Dit sal verseker dat verkeerde inligting nie teen jou gehou word nie. Vir die kwartaal tot einde Junie vanjaar is meer as 157 000 kredietverslae aan verbruikers uitgereik…