Indholdsfortegnelse for 30-May-19 i Huisgenoot

1 ROXY BURGER KRY ’N TATOE VAN ’N BALLERINA Die sprankelende televisieaanbieder en sosialemediapersoonlikheid het haar liefde vir ballet op dié manier aan haar boarm verewig Ek het tatoes. Ek is ’n ma wat nie dwelms gebruik nie. My tatoes is ’n simbool van waardeur ek al is. Ek gaan 80 wees en my tatoes sal nog rock! MELANIE BLOM LABUSCHAGNE Ek hou nie van tatoes nie, maar baie van my vriende het dit. Hulle is nie druggies of slegte mense nie. Hul tatoes vertel almal stories. ZELDA KRITZINGER NEETHLING Wanneer ek na my tatoes kyk, weet ek ek het gedoen wat ek wou. My vel is vol ink en my hart mooi. Die Vader sal eendag na die mens kyk. CHARMAINE MOLLER ALLERS Ek het op 60 ’n tatoe…

TOE sy vroeër vanjaar haar besittings in koffers pak en haar lewe van die vorige byna vyf jaar vaarwel toeroep, het sy gedink dis ’n klein opoffering vir ’n sprokieseinde aan haar televisieliefdesverhaal. Maar daar op Thabazimbi, Limpopo, het die eensaamheid haar ondergekry – en Toanette Els (24) van Boer Soek ’n Vrou-faam het op die tuisdorp van haar nuwe kêrel, Nardus van Wyk (25), verder as ooit van hom verwyder gevoel. Hul warrelwindromanse van net meer as agt maande was een van die kykNETmaatsoekprogram se groot suksesverhale. Maar weg van die kameras het die verliefdheid tussen Toanette en Nardus gekwyn, en die kloof tussen die twee boere het ál groter geword. En op 18 Maart het hulle die nuus met teleurgestelde kykers gedeel: Dis verby. “Ons het eenvoudig uitmekaargegroei;…

DIE wêreld se vier grootste kosstreke, die Mediterreense gebied, Noord-Afrika en die Midde-Ooste, die Verre Ooste en Indië, het elk prominente geure en werk met spesifieke bestanddele, kruie en speserye om hul kos uniek te maak. In ons derde aflewering kyk ons na die geurprofiel van Oos-Asië. Soja-en vissous, gemmer, wasabi, klappermelk, koljanderblare en lemmetjies is van die gewildste geurmiddels in lande soos China, Taiwan, Japan en Thailand. Beproef ons resepte vir sop, roerbraai, kerrie en soet-suur vark. Week drie OOSTERSE PROFIEL PROTEÏEN Rooivleis vark (veral ribbetjie, lies en filet) Vis en seekos salm, tuna, krap, calamari, inkvis, steurgarnale Pluimvee hoender, eend Hoendereiers Tofoe (sojaboonwrongel) STYSEL Rys jasmyn, soesji, basmati Noedels rys, eier, mungboontjie, ramen, oedon Ander wontondeeg (deegsoort waarvan onder meer fortuin koekies gemaak word), ryspapier GROENTE EN VRUGTE…

VIR HAAR Wanneer die kwik daal, is dit tyd om in ’n paar nuwe stewels te belê. Jy kan kies en keur uit die groot verskeidenheid wat nou beskikbaar is, van enkel-en cowboystewels tot blink kniestewels. VIR HOM Skop dié winter gat in die skoenstyl wat jou gelukkig maak. Daar is iets vir elke man, van veter-, vel-en insteekskoene tot chelsea-en stapstewels. KRY DIT HIER ACKERMANS 0860-900-100; EDGARS 0800-203-925; MAKRO 0860-300-999; MRP 0800-21-25-35; SHADO.CO.ZA; SUPERBALIST.COM; ZANDO.CO.ZA; ZARA 011-302-1500 HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE.…

PERS het by tydlose pienk oorgeneem as kleur van die oomblik. Dié skakering is nou hoogmode, van ryk pruim en helder violet tot sagte lila. Dit kan moeilik wees om dit in jou huis te gebruik omdat pers maklik met ander kleure kan bots. Ons wys jou hoe jy dit by die dekor van jou slaapkamer en ’n woonvertrek kan inspan. WENK Jou slaapkamer is ’n plek van rus en ontspanning. Kies sagte skakerings van pers, soos laventel en lila, en meng dit met neutrale kleure soos grys, wit en bruin. Pers werk goed saam met swart metaal-aksente soos die sytafel op die oorkantse blad. WENK Meng items in ’n opvallende pers skakering met natuurlike materiale soos geweefde mandjies en matte. Groen werk goed saam met pers, maar te veel…

M-NET WONDER WHEEL Drama. Dié fliek speel in die 1950’s af en volg ’n menseredder en aspirantdramaturg en die twee vroue met wie hy affairs het – Ginny, ’n mislukte aktrise en vrou van Humpty, ’n pretparkoperateur, en Humpty se dogter wat by haar pa vir bendelede wegkruip. Met JustinTimberlake en Kate Winslet. DONDERDAG 30 MEI 04:20 2017. 101 MIN. 13ST KYKNET VASELINETJIE Drama. Vaselinetjie Bosman is ’n wit meisie wat deur haar bruin grootouers op ’n plattelandse dorpie in die Noord-Kaap grootgemaak word. Haar lewe word omvergewerp toe die welsyn ontdek sy is nie hul biologiese kleinkind nie. Sy word dan na ’n staatsweeshuis in Johannesburg gestuur. Met Marguerite van Eeden, Elani Dekker, Marise Loots en Shaleen Surtie­ Richards. SATERDAG 1 JUNIE 20:00 2017. 98 MIN. 16T E.TV X-MEN:…

GROOT BLOKRAAI NO. 2279 GROOT BLOKRAAI NO. 2279 Antwoord: kruiwa PHAROS-TWEETALIGE WOORDEBOEK F. Fourie, Bettysbaai E. Fourie, Newcastle M. Falck, Langebaan FOTOBLOKRAAI NO. 2025 FOTOBLOKRAAI NO. 2025 Antwoord: topaas VERKLARENDE AFRIKAANSE WOORDEBOEK M. Fields, Klerksdorp AFRIKAANSE WOORDELYS EN SPELREËLS P. Swart, Pretoria KODERAAI NO. 383 KOPKRAPPER KOMPETISIE-WENNERS Kry die name van al die wenners van Huisgenoot-kompetisies op ons webtuiste. Gaan na huisgenoot.com/wenners.…

1 Een van Hollywood se jong sterre het Khalid vroeër beroemd gemaak. Sy het ’n video op Snapchat gedeel waarin sy Khalid se debuutliedjie, Location, speel. Wie was dit? A Selena Gomez B Kim Kardashian C Kylie Jenner 2 Khalid is tans die gewildste sanger op Spotify. Hy het meer as 50 miljoen maandelikse luisteraars. Wie het hy in die proses onttroon? A Ariana Grande B Taylor Swift C Beyoncé 3 Khalid se liedjie The Ways, saam met die Amerikaanse rapper Swae Lee, was op watter superheldfliek se klankbaan? A Aquaman B Black Panther C Avengers: Endgame 4 Sy tweede album, Free Spirit, het in April vanjaar as no. 1 op die Amerikaanse Billboard 200-albumtrefferlys gedebuteer. Die debuut van een van sy beste vriendinne se album was ook op no. 1.…

EEN-EN-TWINTIG jaar het al verloop sedert ’n oulike 16-jarige meisie met ’n skoolrompie, kniehoogtesokkies en twee vlegsels op die poptoneel verskyn en oornag ’n superster geword het. Die musiekvideo van Baby One More Time, Britney Spears (37) se eerste treffer, is al 500 miljoen keer op YouTube gekyk, maar rekordverkope en miljoene in die bank is nie al wat in ’n bietjie meer as twee dekades gevolg het nie. Moeilikheid en drama agtervolg dié sangeres soos ’n rondloperhond – en net wanneer jy dink sy het haar lewe eindelik agtermekaar, lyk dit of alles weer uitrafel. En dié keer is Britney in so ’n verknorsing dat party aanhangers glo sy moet “bevry” word, terwyl haar bestuurder waarsku sy sal dalk nooit weer na die verhoog terugkeer nie … DIE ONTSPORING…

RYAN & SY REËNBOOG Die First Man-ster Ryan Gosling (38) is opgemerk waar hy met sy en Eva Mendes se dogter Esmeralda gesels. Die vierjarige se kleurryke rok het die dag opgekikker. WINNIE GAAN STRAND TOE Die model Winnie Harlow (24) het die koppe laat draai toe sy onlangs gewaar is waar sy in ’n skrapse bikini in die branders van Miami baljaar. ONTBYTAFSPRAAK Jennifer Garner (47) en haar kêrel, John Miller (40), het die kwik laat styg toe hulle vroegoggend saam op ’n ontbytafspraak gesien is. CHARLIE SE TRIO Drew Barrymore (44), Cameron Diaz (46) en Lucy Liu (50) is die eerste keer in 16 jaar as ’n trio afgeneem. Dié sterre het sommer ’n Charlie’s Angels-reünie gehou by Lucy se Walk of Fame-inwydingseremonie. VERLOWINGSPARTYTJIE Die Passengers-ster Jennifer Lawrence…

ROOSTER-STOKBROOD MET BOEREWORS EN SMOOR Kinders is mal oor stokbrood. Maak dié weergawe op jul volgende gesinskamp. LEWER ONGEVEER 8-10 LANG STOKBRODE BEREIDING: 20 MIN. GAARMAAK: 30 MIN. SMOOR ◗ 1 x 410 g-blik tamatieen-uiesmoor◗ 15 ml (1 e) tamatiepasta◗ 2 knoffelhuisies, fyngekap◗ 1-2 brandrissies, fyngekap (opsioneel)◗ 30 ml (2 e) suiker◗ sout en vars gemaalde peper STOKBROOD ◗ 1 kg klaarbereide (sien basiese roosterkoekresep) of winkelbrooddeeg, teen kamertemperatuur◗ meel, vir strooi VIR VOORSIT ◗ 300 g boerewors, gebraai Maak ’n vuur met genoeg kole vir braai. Plaas ’n rooster ongeveer 30 cm bo die kole. Hou ’n paar stokke (gestroopte olyftakke werk baie goed) byderhand. 1 Smoor Sit die smoor, tamatiepasta, knoffel, rissies, indien gebruik, en suiker saam in ’n kastrolletjie. Verhit tot die mengsel begin kook. Verlaag die…

Ronde oë VORM Wanneer jy reguit vorentoe kyk, kan jy die wit van die oog onder die iris sien. GRIMERING Wend oogskadu vanaf die middel van jou ooglede na die buitenste hoek aan, en net bokant die vou van die oë aan die buitenste hoeke. Wend ’n ligte kleur aan die binnehoeke van die oë aan en ’n dun gevleuelde oogomlyner aan die buitehoeke. EFFEK Dit komplementeer die oogvorm omdat dit die oog omraam sodat daar ’n skerper buitelyn is. Kappie-oë VORM Jy het nie ’n oogvou nie, wat die ooglid effens oor jou wimpers laat hang. GRIMERING Gebruik een kleur oogskadu en skakeer dit van lig na donker vanaf die wimperlyn opwaarts. Gebruik meer van die produk aan jou wimperlyn en ál minder namate jy opwaarts beweeg. Jy kan…

LETSELS NÁ JARE SE MISHANDELING V Ek kon op 18 getrou het, maar het toe gevoel ek is te jonk. Ek het toe gaan leer en daarna begin werk. Toe móés ek met ’n man trou wat my jare lank erg mishandel het. Hy het my telkens verkul. Ons het kinders saam. Ek kon hom nie los nie, want ek was te bang vir sy dreigemente oor die kinders. Eers toe die kinders uit die huis is, kon ek eindelik van hom wegkom. Vandag is ek siek en so spyt ek het nie geloop toe die eerste hou val nie. Hoe gaan ek ooit hiervan vergeet? Ek het al die jare gewerk, ’n bietjie voorsiening vir myself gemaak en my kinders laat studeer. Hulle werk oorsee en wil niks van…

SWART burgerrolletjies en inkagtige roomys sorg vir treffende foto’s in die sosiale media. Maar wat is die donker stof wat kos dié kleur gee, en hoekom is party mense so gaande daaroor? Dit word geaktiveerde houtskool genoem en het die gesonde-leefstyl-toneel behoorlik oorrompel. Dié stof is swart en sanderig met die tekstuur van versiersuiker. En dit kom nie net in kos voor nie; dis ook op jou plaaslike gesondheidswinkel se rakke en duik in die toiletwareafdeling op in produkte soos tandepasta en gesigmaskers. Of jy nou kies om dit in ’n burger te eet of aan jou gesig te smeer, die idee is dieselfde: Die houtskool bind aan gifstowwe in die derms of aan die liggaam en help sodoende om daarvan ontslae te raak. Dit help dus met jou lyf…

LENTEBLOM KWAGGABEES Die enkelsnit van sy komende derde album is in ’n rustige rock/balladestyl. Dit is ’n minnelied waarin die sanger vir sy “lenteblom” dankie sê. Hy sing: Ek soek jou, en hier is jy nou. In ’n kerkbank gesit, vir jou gebid, stuur Hy my sy lenteblom. Sedert sy debuut in 2012 beïndruk sy rou stem en passievolle lirieke. MC MALISCA CARVER Dié Wes-Kapenaar is ’n internasionale model en het al op verskeie wêreldsangverhoë opgetree. Sy debuteer met dié hoofsaaklik Engelse album. Al die snitte is van hoë gehalte, en Journey to the Stars kan uitgesonder word. Daar is ook ’n paar interessante herverwerkings van internasionale treffers. GRANT-PIERRE GRANT-PIERRE ’n Voetejeukalbum in ligte jazzmusiekverwerkings getooi. Selfs Lucas Maree se treffer Ek Sou Kon Doen met ’n Miljoen dra hier…

Besoek ons webtuiste, huisgenoot.com, vir ’n daaglikse horoskoop. KREEF 21 JUN – 21 JUL Mercurius beweeg teen die einde van die week in jou teken in; dis ’n goeie tyd om sosiaal te verkeer. Jy sal waarskynlik gemaklik daarmee voel om bande in jou persoonlike en beroepslewe te smee. Om uit jou dop te kruip kan verskeie behoeftes bevredig. Jy kan ’n minnaar, sakekennis of sielsgenoot ontmoet of iemand uit jou verlede raakloop. GELUKKIGE NOMMERS 1, 9, 49, 52, 25, 37 LEEU 22 JUL – 22 AUG As jy ’n ware Leeu is, hou jy dalk daarvan om in ’n posisie van gesag te wees, maar jy moet vandeesweek saam met ander werk. Goeie spangees sal die mag van een mens oortref, of jy nou saam met jou vriende is,…

NO. 2285 NEEM SO DEEL Vul die blokraai korrek in, skryf die letters in die kleurblokke neer en gebruik dit om die antwoord op die vraag te ontrafel. SMS “HG”, gevolg deur jou antwoord, naam en dorp/stad na 36400. Net een SMS per deelnemer word toegelaat. Die SMS kos R1,50. Net mense binne SA grense kan deelneem. Die wenners sal die oorspronklike, voltooide blokraai en hul besonderhede moet verskaf. Geen werknemers of hul gesinne van Media24, Grapevine Interactive en hul reklamemaatskappye mag deelneem nie. Die sluitingsdatum is 20 Junie 2019. Kyk op huisgenoot.com vir die volledige bepalings en voorwaardes. WEN ’N WOORDEBOEK PLUS KOM IN AANMERKING VIR DIE MAANDELIKSE TREKKING VAN R1 000. VRAAG: WATTER WAPEN IS TER SPRAKE? PHAROS WOORDEBOEKE (’N DRUKNAAM VAN NB-UITGEWERS) GEE DRIE EKSEM-PLARE VAN DIE…

GROOTWORDJARE Camila (24) was agt toe haar Brasiliaanse ouers, Victor en Gisele Mendes, geskei is. Sy en haar ousus, Kiara Moreno, is deur hul ma grootgemaak en het 16 keer getrek. Sy’t op 10 ’n jaar in Brasilië gebly en die meeste van haar kinderjare in Florida deurgebring. RIVERDALE Haar groot deurbraak was toe sy die rol van die rykmanskind Veronica Lodge in die gewilde tienerreeks Riverdale losslaan. Al was sy aanvanklik nie gretig om die rol te vertolk nie, het sy in 2017 ’n Teen Choice prys daarvoor ontvang. Lyfpositief Camila, wat vroeër aan ’n eetsteuring gely het, gebruik die sosiale media om ander te inspireer om ’n positiewe liggaamsbeeld te hê. ‘Ek was behep met maer wees. Nou kan ek ander mense inspireer en verhoed dat hulle dieselfde foute…

DIE Engelse natuurkundige Charles Darwin (1809-1882) is beroemd danksy sy groot bydrae tot die evolusieleer. Sy boek On the Origin of Species (1859) was baie belangrik. Dit kon bewyse gee dat evolusie plaasgevind het, en dit verduidelik hoe evolusie deur natuurlike seleksie werk. Daarmee kan ons die biologie en die uiteenlopendheid van die lewe op aarde verstaan. Baie jare voor Darwin sy teorieë verfyn het, het hy as ’n jong man ’n opwindende seevaart onderneem. Dit was ’n vyf jaar lange vaart op die skip die Beagle. Hy het ’n dagboek gehou wat in 1839 as The Voyage of the Beagle gepubliseer is. Hy was toe ’n ware ontdekkingsreisiger wat reg rondom die aarde gereis het. Darwin het sy latere teorieë op die ervarings van dié skeepvaart gegrond. Ons leer…

MARK SHELTON (51), NAR ‘EK HET in ’n kinderhuis grootgeword. My familie het heeltyd baklei. My pa is dood toe ek vier jaar oud was. Hy het trombose gehad en het op die plek dood neergeslaan. Ek en my ma het daarna by my ouma-hulle gaan bly, maar hulle het omtrent elke dag met mekaar vasgesit. Toe bel ek die kinderhuis. Ek was 13 jaar oud. Ek sê toe vir hulle ek is nie gelukkig nie; hulle moet my kom haal. Hulle het, en ek het daar gebly tot ek klaar was met skool. My ma en ouma was bly ek was nie meer in die huis nie. My ma was ’n aktrise – meer vir die verhoog as vir televisie. Toe ek baie klein was, het ons saam toneelgespeel.…

SY IS veral bekend as Khaleesi of the Great Grass Sea, Breaker of Chains en Mother of Dragons – een van die formidabelste vroue wat die kassie nóg gesien het. Maar deesdae is dié koningin wat eens slawe bevry het bekend as die Mad Queen nadat sy in die voorlaaste episode van die agtste en laaste seisoen van die trefferreeks Game of Thrones met een woord – “Dracarys!” – haar vuurspuwende draak aangehits het om derduisende onskuldige mense koelbloedig af te maai. Haar kortstondige terreurbewind is op dramatiese wyse kortgeknip toe Jon Snow – toe die hele tyd die regmatige maar onwillige troonopvolger van die Seven Kingdoms – haar verraai en doodsteek. En die laaste sien van die eens gewilde en toe gewraakte karakter was toe haar laaste oorlewende draak…

“Ek gaan snuffel deur die kombuis en eet wat ek kan kry. Ek is dan minder mens en meer soos ’n wasbeer op ’n vullishoop.”– Die sangeres Taylor Swift (29) oor hoe dit voel om ’n slaap-eter te wees. “Toe ons mekaar ontmoet, het sy gesê: ‘O! Ek is op vier biblioteke se waglys vir jou boek.’ Ek het gesê: ‘Ek dink ek kan vir jou een kry!’”– Gabrielle Union (46) oor hoe haar surrogaat nie geweet het die baba is haar en Dwyane Wade s’n nie. “Nee, dit voed my nie meer nie.”– Oprah (65) oor of sy weer sal toneelspeel. “Mense het my ‘Curry’ genoem, en dinge gesê soos: ‘Gaan terug op die olifant waarop jy ingekom het.’”– Priyanka Chopra (36) oor die afknouery wat sy op hoërskool…

PONCHO ’n Poncho is die volmaakte stuk vir lae skep. Dra dit oor ’n wit hemp en ’n potloodromp, drapeer ’n serp daaroor, maak dit met ’n belt om die middel vas – en jy is reg vir ’n dag by die werk. LANG TRUI ’n Staatmaker in elke klerekas. Kies ’n kleur wat by baie uitrustings pas, soos dié swart-wit ruitpatroon, en jy sal beslis waarde vir jou geld kry. ROLHALSTOP Gee jou rolhalstop flair deur dit as deel van die laag-op-laagvoorkoms te dra. Dis die ideale kledingstuk om onder amper alles te dra, van rokke tot baadjies. ROK ’n Maksirok is ’n moet vir die winter. Dra ’n noupassende langmoutop en spanbroek of kouse onder om warm te bly terwyl jy steeds stylvol en sjiek lyk. JAS In…

R 15999 2 Gedrukte sierkussing 55 x 55cm R 14999 Enkel gedrukte duvetoortrekstel van polikatoen ¾ R199.99 D R279.99 Q R329.99 K R379.99 *Alle items met ‘n asterisk aangedui, sowel as meubels, is aanlyn beskikbaar by mrphome.com of in uitgesoekte mrphome-winkels.…

Stuur voorstelle en versoeke na geldsake@huisgenoot.com. E-pos sal sover moontlik in die rubriek beantwoord word en nie persoonlik nie. MET skool en studie agter die rug verdien jy eindelik jou eie salaris en kan jy stappe begin doen om jou welvaart te bou sodat die toekoms rooskleuriger sal wees. Maar die verskeidenheid opsies en dienste wat beskikbaar is in die finansiële en spaarbedryf kan verwarrend wees – selfs as jy professionele raad inwin. Waar begin jy? Om dinge vir jou eenvoudiger te maak, het ons kundiges gevra wat hul aanbevelings sou wees aan die mense naaste aan hulle: familie en vriende. 6 ghoeroes lig die sluier 1 GHANA MSIBI, uitvoerende hoof van verkope en bemarking: Wesbank My raad is om vroeg te begin spaar: ’n Bietjie word mettertyd baie. Dis…

GROOT DEURBRAAK Die gewilde sanger Emo Adams neem die leisels by die veteraanaanbieder Johan Stemmet oor wanneer die 44ste seisoen van Noot vir Noot later vanjaar op SABC2 begin. Maar hy is nie al nuwe gesig waaroor aanhangers van dié gewilde musiekprogram nou gons nie. Die platejoggie DJ Shelly, oftewel Rochelle de Bruyn, sluit ook op 15 Augustus by Emo aan. Die hele formaat van die program verander, vertel Johan, wat die reeks soos altyd vervaardig. “Die Musiekfabriek het altyd agter my gesit en musiekleidrade gespeel. Die enigste tyd wanneer jy hulle gesien het, is wanneer gaskunstenaars opgetree het,” vertel hy. Met die nuwe, meer interaktiewe formaat gaan elke kunstenaar sy eie musikante of orkes bring en Rochelle gaan op die klawerbord saamspeel. Jaconell Mouton, orkesleier van die Musiekfabriek, vervaardig…

STILTETYD Deur MARITA VAN DER VYVER (Protea Boekhuis, R235*) Stiltetyd, wat die eerste keer in 2006 verskyn het, is die verhaal van die Humans wat ’n jaar af vat om ’n huis op die Franse platteland te gaan restoureer. Kort voor hul vertrek sterf hul dogtertjie in ’n misdaadvoorval, en hul jaar, wat by wyse van spreke ’n tyd van pieknieks in laventellanderye moes wees, word iets heel anders. In haar verstorwenheid sien Hester Manon voor haar. “My dogter staan in die kombuisdeur en kyk na my. Rooiblonde krulhare so deurmekaar soos altyd, wange rooier as gewoonlik, asof sy buite rondgehardloop het. Kom in, wil ek vir haar sê, kom in uit die koue, my lief. ‘Hoekom huil Mamma so aanmekaar?’ Ek vertrou nie my stem om haar te antwoord…

ONVERGEEFLIK Vroue sal 100 keer teruggaan na die ou wat hul hart gebreek het, maar nooit na ’n vrou wat net een keer hul naels opgemors het nie. LEON KRUGER WAARDEVOLLE TJOR V: Al ooit gewonder hoe jy jou motor se waarde gou kan verhoog? A: Maak net die tenk vol petrol. LEIGH, JOHANNESBURG WELKOM, MA! Toe my skoonma kom kuier, sê ek ewe gasvry vir haar my huis is ook haar huis. Toe sê sy: “Maak dat jy wegkom van my eiendom!” DENISE, PRETORIA SENUBOL V: Wat is ’n senuwrak? A: ’n Man met ’n huis, ’n motor, ’n vrou en ’n skelmpie – en almal is ’n maand laat. L. SAAYMAN, SABIE VERKEERDE NAAM As jou naam Jack is, sal jy nooit ’n werk as vlieënier kry nie.…

NO. 2 031 VRAAG WATTER SPORTSOORT IS TER SPRAKE? SKOMMEL DIE LETTERS IN DIE KLEURBLOKKIES OM DIE ANTWOORD TE VIND. LEES LANGSAAN HOE DIE KOMPETISIE WERK. Jy kan ’n Verklarende Afrikaanse Woordeboek of Afrikaanse Woordelys en Spelreëls van die uitgewer Pharos (pharos@pharos.co.za) wen. Vul die blokraai in en gebruik die letters in die kleurblokke om die antwoord op die vraag te ontsyfer. SMS “HG” gevolg deur jou antwoord, naam en dorp/stad na 36400. Net een SMS per deelnemer word toegelaat. Net mense binne SA se grense kan deelneem. Die SMS kos R1,50. Hou die oorspronklike, volledige blokraai met jou besonderhede as bewys. Geen posstukke word as inskrywing aanvaar nie. Geen werknemers of hul gesin van Media24, Grapevine Interactive of hul reklamemaatskappye mag deelneem nie. Die sluitingsdatum is 20 Junie 2019.…

EENDAGKRIEKET se grootste skouspel is weer om die draai – en krieketliefhebbers kan uitsien na ’n fees van lopies en paaltjies én ’n nuwe formaat. Suid-Afrikaners wil natuurlik almal sien of die Proteas oplaas daar in Engeland die “so naby, maar tog so ver”-spoke van die verlede kan besweer en op 14 Julie as kampioen gekroon kan word. Aan talent skiet ons klaarblyklik nie tekort nie. Wat kolwers en boulers betref, vertoon ons vanjaar stellig net so goed op die Internasionale Krieketraad (IKR) se wêreldranglys as ander topspanne met ’n wenkans. “Ons het net so ’n goeie kans as enige ander span,” sê Shaun Pollock, voormalige kaptein van die Proteas, aan Huisgenoot. Hy meen die toernooi se nuwe formaat, waar almal teen mekaar speel, is regverdig. “As ons dan in…

DIE drie blouoogmanne op die foto glimlag ewe breed en hul ligte kapsels is netjies in gelid: linkerpaadjie, hare gejel. ’n Trotse pa en sy seuns. Saam met dié driemanskap is die vrou van die huis – die hen onder die hane. Dié stralende gesinsfoto is Arno Jordaan (35) se antwoord op die vraag waarmee Afrikaanse musiekliefhebbers hom die afgelope vyf jaar peper: Wanneer word sy volgende album uitgereik? Want, vertel Arno, hy is lankal nie meer net ’n sanger nie; hy is nou eerstens ’n raakvatterpa en sakeman. Aanhangers moes vir lief neem met sy herhaalde belofte dat sy nuwe album “in Desember uitkom”. Die Desembers het gekom en gegaan, maar die album het by beloftes gebly. En toe, in Februarie vanjaar, wys Arno sy dae as sanger is…

So het ons die Cambridges nog nooit gesien nie – en ons kan nie genoeg daarvan kry nie! Van prins George (5) en prinses Charlotte (4) wat kaalvoet by ’n stroompie sit en bababoet prins Louis (1) wat met ’n houtstok in die hand by ’n voetpaadjie af hardloop tot prins William (36) wat Louis rustig op ’n toubal swaai – dié nuwe kiekies wat die paleis uitgereik het, wys die koninklike gesin in ’n heel nuwe omgewing. Dis alles danksy die hertogin van Cambridge se jongste projek waarvoor sy haar tuinmaaktalent ingespan het. Kate (37) het maande lank gewerk om haar eie tuin te skep wat aan ’n sprokieswonderland herinner. Dié tuin is onlangs by die Chelseablommeskou in Londen bekendgestel. BRON: DAILYMAIL.CO.UK…