Indholdsfortegnelse for 13-Jun-19 i Huisgenoot

1 ‘MY SEUNTJIES PRAAT MET BOETIE IN DIE HEMEL’ Suid-Afrika se eerste Idols-wenner, Heinz Winckler, en vroulief Aletté-Johanni praat oor die miskraam voor hul eersteling se geboorte Ek sal altyd wonder oor die kinders wat ek met miskrame verloor het. Maar ek het drie pragtige volwasse kinders op wie ek baie trots is. MATHILDA KLINDT STEENKAMP Ek voel ook so oor my tweeling wat voor hul geboorte dood is. Maar as ek hulle gehad het, het ek dalk nie my jongste gehad nie, en ek verruil haar vir niks. LORRAINE MAREE Niemand wat dit nie self deurgemaak het nie, kan verstaan hoe dit is nie. Dit sluit my in. Baie sterkte aan almal wat al met so ’n verlies moes saamleef. MARIE POTGIETER Ek het my baba die volle nege…

Toe Edmund Hillary en die sjerpa Tenzing Norgay 66 jaar gelede, in Mei 1953, die eerste mense word wat die hoogste bergpiek ter wêreld bereik, het sommige gereken hulle het so na aan die hemel gekom soos wat dit vir ’n mens moontlik is. Maar dié berg is nou meer soos hel op aarde. Sy hange, bestrooi met lyke en rommel, het intussen ’n dodelike speelplek vir avontuurtoeriste geword wat meer oor selfies neem as oor bergklim omgee. Om Everest te klim – eens die strewe van topfikse mense – is nou binne die bereik van amper almal wat ’n permit kan bekom. Verstommende foto’s van vanjaar se klimseisoen vertel die verhaal alte goed: kronkelende toue van tot 300 mense wat wag om by die kruin te kom – en…

LYFSORG Dié een is eenvoudig – wend lyfroom aan elke keer wanneer jy uit die stort klim. Maar baie mans slaan room oor, want hulle is bang dit laat hulle sweet, of hulle gebruik te min of die verkeerde soort. WENKE ▪ Jou lyfroom sal jou nie meer laat sweet nie. Jy sweet omdat jou liggaam hitte moet vrystel en afkoel. ▪ Verskeie soorte rome is beskikbaar wat elkeen verskillende velbehoeftes teiken. Gebruik dus byvoorbeeld ’n ligter room in die somer en ’n swaarder een in die winter wanneer jou vel geneig is om droog te raak. ▪ As jou vel in die winter uiters droog word, bevog soos gewoonlik, maar wend ook petroleumjellie aan. Petroleumjellie tree as ’n beskermende laag op wat keer dat bevogtiger uit die vel ontsnap.…

ALLE ouers het een ding gemeen – die behoefte om gesonde kinders groot te maak. Volgens Unicef Suid-Afrika sterf sowat 4 300 ma’s elke jaar weens komplikasies met swangerskap en geboorte en word 20 000 babas dood gebore. Navorsing dui daarop dat toegang tot betroubare gesondheidsinligting deurslaggewend is om ma-en babasiektes en-sterftes te verminder. In afgeleë gebiede word toegang tot gesondheidsorginligting by sorgsentrums soos klinieke en gemeenskapsentrums verkry wat dikwels ver van die gemeenskappe geleë is. Maar Vodacom het dit as ’n uitdaging beskou en met ’n oplossing vorendag gekom: die Vodacom Mum & Baby-diens. Vodacom se Mum & Baby is in verskeie tale te kry en gratis sonder datakoste toeganklik. Dit het al 1,4 miljoen ouers en versorgers gehelp. Die diens is toeganklik vir selfone op ’n mobi-webtuiste, of…

DIE MOOISTE VERHALE VAN ANDERSEN Oorvertel deur STEFANIA LEONARDI HARTLEY (Human & Rousseau, R175*) Watter kind het nie met Hans Christian Andersen se verhale grootgeword nie? Hier’s 13 van sy bekendste sprokies soos Die Lelike Eendjie, Duimelina, Die Prinses en die Ertjie en Die Meerminnetjie. Ook in die Goue Lint-reeks is ’n Duisend en Een Nagte en Die Mooiste Verhale van die Grimm-broers. Hier is interessante feite oor dié beroemde Deen: ▪ Sy sprokies is van die werk wat die dikwelsste vertaal word in die geskiedenis van die letterkunde. ▪ In 1846 het hy Charles Dickens die eerste keer in Engeland ontmoet en ’n groot bewondering vir hom gehad. Hy is 10 jaar later weer Engeland toe en het ’n kort kuier aan die Dickense tot vyf weke uitgerek –…

NO. 2 033 VRAAG WATTER SOUTHAPPIE IS TER SPRAKE? SKOMMEL DIE LETTERS IN DIE KLEURBLOKKIES OM DIE ANTWOORD TE VIND. LEES LANGSAAN HOE DIE KOMPETISIE WERK. Jy kan ’n Verklarende Afrikaanse Woordeboek of Afrikaanse Woordelys en Spelreëls van die uitgewer Pharos (pharos@pharos.co.za) wen. Vul die blokraai in en gebruik die letters in die kleurblokke om die antwoord op die vraag te ontsyfer. SMS “HG” gevolg deur jou antwoord, naam en dorp/stad na 36400. Net een SMS per deelnemer word toegelaat. Net mense binne SA se grense kan deelneem. Die SMS kos R1,50. Hou die oorspronklike, volledige blokraai met jou besonderhede as bewys. Geen posstukke word as inskrywing aanvaar nie. Geen werknemers of hul gesin van Media24, Grapevine Interactive of hul reklamemaatskappye mag deelneem nie. Die sluitingsdatum is 4 Julie 2019.…

LIEFDE OP DIE STEL Charles het deesdae net oë vir sy Riverdale-mede ster Camila Mendes (24). Hulle is sedert 2018 saam en koer alte lekker in die sosiale media. Hy skryf selfs romantiese briewe aan haar. MNR. ROMANTIES Charles (28) speel Daniel, ’n romantikus wat op ’n meisie, Natasha (gespeel deur die 19-jarige Grown-ish-ster Yara Shahidi), verlief raak in die nuwe fliek The Sun Is Also a Star. Toe sy en haar Jamaikaanse gesin deur deportasie in die gesig gestaar word, doen hy sy bes om haar in Amerika te hou. GROOT-WORDJARE Hy is nes sy karakter, Daniel, die seun van ’n immigrant. Sy ma, Sukyong, van Suid-Korea, het na Amerika verhuis nadat sy en sy pa, Phil, ’n Amerikaner, mekaar in 1990 ontmoet het. Charles is in Alaska gebore…

DIE eerste haaie het al voor die dinosourusse hul verskyning op aarde gemaak. Sedertdien het hulle in van ons planeet se toproofdiere ontwikkel – van die gevreesde grootwithaai tot die selfs blitsiger makohaai. Sowat 100 soorte haaie kom aan die Suid-Afrikaanse kus voor. Hier is 10 bekendes (die illustrasies is nie op skaal nie): HOE GEMAAK AS JY ’N HAAI GEWAAR? Moenie wild skop en spartel nie. Dit skep vibrasies in die water wat vir ’n haai na die onreëlmatige bewegings van gewonde prooidiere kan lyk. Probeer kalm bly en die water so vinnig moontlik verlaat. Haaie eet hoofsaaklik ander visse en skaaldiere en val mense net aan wanneer hulle hulle vir iets anders aansien of as mense hulle teister. 10 BEKENDE HAAIE IN SUID-AFRIKAANSE WATERS 1. VAALHAAI Waar: Veral…

GINA VAN WYK (82), ROLBALSPELER ‘EK EN Hannes het die land platgery. Ná ons aftrede het ons baie in ons ou Mercedes rondgereis. Ons het die rolballe in die kar gepak; ek het vir ons padkos gemaak, en dan vat ons die pad. Hannes was baie lief vir musiek. Pretty Belinda, og! Hy was lief vir Pretty Belinda. Dan sing ons twee daardie liedjie kliphard saam in die kar. Later stop ons langs die pad, rek ons bene en ry dan verder tot by die B&B waar ons die aand sou oorbly. Ons het van dorp tot dorp gery en by dié dorpe se rolbalklubs gestop. Dan speel ons rolbal saam met die dorp se mense; ons braai dalk die aand saam met hulle voor ons na die volgende dorp…

SY WAS altyd lief vir koper en om self daarmee te werskaf, maar toe dit in die 1980’s mode word om glimmende koedoekoppe daarvan as muurversiering te maak, het sy net haar kop geskud. “O nee, ons moet iets anders met koper doen,” het die kunsonderwyseres gedink. Sy het toe na die swembad by haar huis in Llandudno, Kaapstad, gekyk en besluit dit kan ’n nuttiger doel dien en haar help om iets nuuts met koper te doen. “Ek het ál die koperblompotte wat ek gemaak het in die swembad gegooi en dit drie of vier dae daar gelos tot dit groen geword het,” vertel sy nou met ’n laggie. Die groen lagie wat daarop gevorm het, het haar koperskeppings ’n verouderde voorkoms gegee, net wat sy wou hê. En…

MET haar hoë wangbene, vlekkelose vel en lang hare in ’n stylvolle rol herinner haar skoonheid aan die Hollywoodikoon prinses Grace van Monaco. En toe Charlotte Casiraghi (32) onlangs ná vele liefdesintriges en die geboorte van twee kinders eindelik met die man van haar drome, die Franse rolprentvervaardiger Dimitri Rassam (37), trou, het sy ’n blaadjie uit haar elegante ouma se stylboek geskeur – eintlik sommer drie van hulle. Haar uitrusting vir die burgerlike seremonie by die Prinslike Paleis van Monaco was nou wel ’n steenkleur-einamini van brokaat, maar die groot strikke waarmee dit getooi is, herinner aan die strikkies waarmee die ligroos kantbaadjie versier is wat Grace in 1956 op haar troudag by ’n bypassende romp gedra het. Dit word steeds as een van die elegantste trourokke van alle…

OP DIE foto’s straal die pasgetroude paartjie terwyl die gaste by die intieme troue glimlaggend vir hulle hande klap. Die bruid met die bababoepie onder haar elegante, noupassende rok en haar man in sy donker snyerspak lyk gelukkig en verlief. As dit vir jou soos iets uit ’n sepie klink, is jy nie ver verkeerd nie. Die bruidegom is immers die akteur Dann-Jaques Mouton (33), wat Justin in 7de Laan speel. En soos in ’n kinkel in ’n dramatiese storielyn het hy en Tamsyn Bailey hul onlangse troue in die Kaap tjoepstil en uit die kollig gehou. Dit was eers nadat die sjampanjeproppe ophou klap het dat foto’s van die bruidspaar in die sosiale media verskyn het. DJ, soos sy vriende hom noem, en sy Kaapse nooi het vroeg in…

HY WAS die skrywer wat nie net aangrypend oor die liefde kon skryf nie; ook sy eie liefdeslewe het – nes sy romans – dikwels die wêreld aan die gons gehad. En nou, vier jaar ná André P. Brink se dood, is sy naam opnuut op baie mense se lippe, saam met dié van sy biograaf, Leon de Kock. Die verskyning van die biografie André P. Brink en die Spel van Liefde het ’n opskudding veroorsaak weens die intieme blik wat dit bied op die lewe van die bekroonde Suid-Afrikaanse skrywer wat ook in die buiteland groot aansien geniet het. Hierin word sy vele verhoudings met vroue – onder wie die digter Ingrid Jonker – en sy sekskapades in uiters grafiese detail beskryf, en dít in André se eie woorde,…

BOEREWORS-FRIKKADELLE MET VIERBONESTOWE GENOEG VIR 4 MENSE BEREIDING: 10 MIN. BRAAI: 15 MIN. ◗ 500 g boerewors◗ olie◗ 2 uie, in skywe gesny◗ 2 x 400 g-blikke vierbone, gedreineer◗ 30-45 ml (2-3 e) braaisous van jou keuse VIR VOORSIT ◗ ’n hand vol pietersielie, gekap Maak ’n vuur met genoeg kole. Plaas ’n swartpot op ’n staander oor matige kole. 1 Druk die worsvleis uit die derm en rol die vleis in klein bolletjies. Verhit ’n bietjie olie in die pot oor die kole en braai die frikkadelle tot bruin en gaar. Skep uit en hou eenkant. 2 Braai die uie in dieselfde pot tot sag. Voeg die bone en braaisous by en verhit terwyl die mengsel geroer word. 3 Vir voorsit Roer die frikkadelle by die bone in. Skep…

JOU EERSTE SPABESOEK As jy nog nooit by ’n skoonheidsalon was nie, kan die lys van behandelings dalk intimiderend wees, maar ons het raad. Wanneer jy die salon bel, vra of jy ’n velontleding kan kry voor jy ’n behandeling bespreek. ’n Skoonheidskundige sal jou vel ontleed en bepaal wat jou behoeftes is en watter behandelings vir jou sal werk. Salonne bied verskillende soorte behandelings en gebruik ’n verskeidenheid produkte, maar hier is ’n paar algemenes: AFSKILFERBEHANDELING Dié behandeling verwyder ’n dooie vellaag om ’n gesonde gloed bloot te stel. Dit sluit dikwels alfahidroksisure in wat op die vel inwerk vir ’n diepwerkende afskilfering. ’n Skoonheidskundige sal eers jou vel reinig. Daarna word die behandelingsproduk aangewend en ’n bepaalde ruk lank aangelos. Die kundige sal dan die produk verwyder en…

Stuur voorstelle en versoeke na geldsake@huisgenoot.com. E-pos sal sover moontlik in die rubriek beantwoord word en nie persoonlik nie. Het jy slapelose nagte oor al jou skuld? Toemaar, soms is ’n aanpassing in jou begroting en bestedingsgewoontes al wat nodig is. Skuldberaders en finansiële beplanners kan jou met ’n strategie help. Maar die verskillende skuldoplossings kan verwarrend wees. Ons sê jou wat die algemeenste oplossings beteken. 1 VRYWILLIGE TERUGGAWE Dis wanneer jy byvoorbeeld toestelle ingevolge ’n maandelikse paaiementplan koop. As jy nie meer die betalings kan bekostig nie, mag jy ingevolge die Kredietwet die item teruggee aan die winkel van wie jy dit gekoop het. Hulle moet dit dan verkoop om jou uitstaande skuld te vereffen. ▪ Is daar koste? Daar behoort geen administrasiefooie vir vrywillige teruggawes te wees nie.…

Waaroor gaan dit? Haar Game of Thrones-karakter, Sansa Stark, is nie al sterk vrouekarakter wat dié Britse aktrise al vertolk het nie. In die jongste X-Menfliek, Dark Phoenix, klim Sophie (23) die tweede keer in die skoene van Jean Grey. Dié keer kom die mutant voor ’n kruispad te staan toe ’n kosmiese mag haar in een van die sterkste mutante verander wat die X-Men nog gesien het. Dit is die eerste fliek in die X-Menstal se bestaan van 19 jaar waarin ’n vrou die hoofkarakter speel. Sterk en onafhanklik “Ek hou altyd van sterk, on afhanklike vrouerolle, en Sansa en Jean is presies dit,” sê Sophie. “Hulle gebruik al die aaklige goed wat met hulle gebeur het en word ongelooflike sterk vroue.” Sansa, die Game of Thrones-karakter wat sy…

DAAI GLAS Terwyl die optimis die glas as halfvol beskou en die pessimis reken dis halfleeg, het mense in verskillende beroepe ’n heel ander uitkyk daarop: ▪ Die bankier meen die glas het net onder 50% van sy bates. ▪ Die ekonoom sê die glas is 25% voller as dieselfde tyd verlede jaar. ▪ Die politikus in die regerende party sê die glas is voller as wat dit sou gewees het as die opposisie aan die bewind was. ▪ Die filosoof vra: “As die glas in ’n woud was en niemand was daar om dit te sien nie, was die volheid of leegheid daarvan dan ’n werklikheid?” ▪ Die sielkundige vra: “Wat het jou ma oor die glas gesê?” ▪ Die fisikus meen die volume van die glas is in…

DIE ENGELSE TAAL-GHOEROE TARA HALL (19) Gesin Tara het in Welgelegen in die noordelike voorstede van Kaapstad grootgeword en is die enigste kind van Robert (60), die mede-eienaar van ’n motorfietswinkel, en Marina Hall (57), wat haar eie onderneming begin het wat werwingsdienste, sakeopleiding en korporatiewe lewensvaardighede bied. Boekwurm Tara, wie se huistaal Engels is, het op ’n jong ouderdom begin lees. “My oppasser het my een keer per week na die plaaslike biblioteek geneem om boeke uit te neem. Ek het later my ma se biblioteekkaart gevat en 10 boeke op ’n slag uitgeneem.” Uitdagings “Ek het twee keer in my hoërskoolloopbaan ’n sielkundige geraadpleeg om my te help om my gevoelens van hartseer en angs te verwerk.” Al is daar soms ’n stigma daaraan om professionele hulp te…

HULLE is die vroue wat baie huishoudings op koers hou en tuis die harde werk doen waarby ’n mens dikwels nie self uitkom nie. Hulle maak kos, maak die huis skoon, doen die wasgoed. Dikwels versorg hulle ook die kinders terwyl ouers by die werk is. Baie mense sal openlik erken: Sonder hul huiswerker sou hulle nie die mas kon opkom nie. Tog toon ’n skokkende nuwe verslag dat baie huiswerkers ondanks hul harde werk en toewyding skaamteloos uitgebuit word. Lang ure, naweekwerk, min betaling en werkgewers wat arbeidswette verontagsaam . . . Dit is dikwels die werklikheid vir die mense wat in Suid­ Afrikaanse huise werk. Dis moeilik om jou in te dink dat iemand net R110 vir agt uur se uitputtende skoonmaakwerk betaal word; tog is dit wat…

A SEMHAAL is al wat hy sonder hulp kan doen. Alle voeding-en vloeistowwe word deur ’n maagbuis toegedien; hy kan nie beweeg of op enigiets reageer nie. Dagin en daguit lê hy so in sy hospitaalbed – die afgelope 10 jaar al. As Vincent Lambert se sorg in ’n Franse hospitaal gestaak word, sal hy sterf – en dis presies wat sy vrou, neef en ses sibbes wil hê. Hulle veg vir sy reg om eindelik sy laaste asem uit te blaas. Maar Vincent se ouers is toegewyde Rooms-Katolieke en glo slegs God mag ’n lewe neem . . . Vincent het destyds voor die motorongeluk wat hom van sy lewensgehalte beroof het aan sy vrou, Rachel (37), gesê hy sal eerder wil sterf as om in ’n vegetatiewe toestand…

FLITSENDE kameras is niks nuuts vir dié gesoute aanbieder en voormalige model nie. Sy is so gemaklik voor die lens as in haar eie vel. Maar waar Minki van der Westhuizen vandag in stylvolle winterklere voor Huisgenoot se kamera pryk, lyk sy selfs tuiser as gewoonlik. Die rede? Die aantreklike man aan haar sy. Toe Ernst Joubert (38) sy sterk rugbyspelerarms om sy fyngeboude blonde vrou vou, kan jy sien Minki (35) voel veilig. En toe sy met daardie aansteeklike laggie van haar in sy rigting kyk, begin ook hý voor die kameras ontspan. Dis dié oudkaptein van die Goue Leeus-rugbyspan wat Minki se oë al jare lank laat blink, maar hy poseer selde saam met haar vir voorbladfoto’s. Vandag hou Minki en haar Errie – haar troetelnaam vir hom…

VOOR hom op die tafel lê die paar handgeskrewe blaaie uit ’n skooloefenboek – die aantekeninge wat hy oor sy aanneemkind se lewe gemaak het. Hier waar hy in die wegneemrestaurant in Delft, Kaapstad, sit, raak Hein Leonard skielik stil. Hy laat sy kop sak. ’n Oomblik sonder woorde ondanks al die woorde wat hy in die skoolboek geskryf het. Minder as ’n week gelede was sy aanneemkind nog ’n blakend gesonde, lewenslustige eerstejaar-Matie wat die studentelewe en haar studie vir ’n B.Sc.-graad in mikrobiologie terdeë geniet het. Maar toe, vroegoggend op Sondag 26 Mei, kry Hein en sy vrou, Charmaine, die tyding: Die 19-jarige Taylië Jaap het twee verdiepings uit die venster van die Serruria-koshuis op die kampus van die Universiteit Stellenbosch (US) geval. Nou lê Taylië met ernstige…

“’n Blokkieshemp bly ’n staatmaker. Maak nie saak wat jou ouderdom, styl of beroep is nie, dié veelsydige item is ’n moet in jou klerekas” “’n Baadjie wat goed pas, is ’n noodsaaklike belegging. Dit laat enige uitrusting deftig lyk. Kies ’n neutrale skakering wat jy by die meeste items in jou klerekas kan dra” R3 990, Luxottica. KRY DIT HIER ACKERMANS 0860-900-100; BILLABONG 042-200-2600; COTTON ON 011-784-0218; EDGARS 0800-203-925; STOCKISTS FALKE 021-951-2137; ACKERMANS JAM0860-900-100, CLOTHING 031-303-9670; COTTON ON 011-784-0218, LUXOTTICA FALKE 021-951-2137, 021-486-6100; LUXOTTICA MAKRO 021-486-6100, 0860-300-999; MAKRO MRP 0800-21-25-35; 0860-300-999, MRP 0800-21-25-35, OLD POETRY KHAKI021-419-0020, 021-914-8797 HOEWEL WE MAKE ONS EVERY ALLES EFFORT IN ONS TO VERMOË PROVIDE DOEN ACCURATE OM KORREKTE PRICES BUT PRYSE MISTAKES TE VERSKAF, MAY OCCUR. VOORKOM AND THE WAARVOOR SUPPLIERS HUISGENOOT DO NOT…

MODE VERSORGING BUITELUG KOS EN KOOK SPORT TEGNO KRY DIT HIER BOLTONFOOTWEARONLINE.CO.ZA; CAPE UNION MART 0860-333-329; CLICKS 0860-254-257; CORE MERINO 041-503-3013; DIS-CHEM 0860-347-243; EXECUSPECS 0860-109-289; FOSCHINI 0860-104-764; LOOT.CO.ZA; MAKRO 0860-300-999; MRP HOME 0800-212-535; NETFLORIST.CO.ZA; PEP 0860-737-000; SEXYSOCKSSA.COM; SHEETSTREET0800-212-535; SUPERBALIST.COM; TAKEALOT.COM; THE CRAZY STORE 0861 111 281; THULESTORE.CO.ZA; WOOLWORTHS 0860-100-987; YUPPIECHEF.COM HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE.…

BY KRUISPAD NÁ ONGELUK V Ons kind was ’n paar jaar gelede in ’n ernstige motorongeluk. Sy was altyd ’n goeie sportvrou en wou ná die ongeluk met haar sportloopbaan voortgaan. Sy studeer nog, maar wil nou opskop, want dit word vir haar te veel om met die sport en die studie vol te hou. Sy is aggressief hieroor, en sy en haar pa praat nie juis meer nie. Wanneer hulle wel praat, skree hulle oor die foon. M op K A As jy jou lewensdrome weens omstandighede buite jou beheer moes opoffer, kan jy gou bitter word. Selfs al het sy liggaamlik herstel, kan sy nog met onverwerkte gevoelens oor die ongeluk worstel. En as dinge vir ’n mens te veel begin word, raak dit maklik ’n opsie om…

PACIFIC RIM SONDAG E.TV 20:00 Soldate in reuserobotpakke moet teen monsters veg om die Aarde te red. Met Idris Elba. SUIDOOSTER MAANDAG KYKNET 18:30 Bridgette (Denise Newman) is onseker oor haar toekoms. THE WILD E.TV WOENSDAG 18:00 Dinaledi ontvang die rykes en beroemdes wanneer Marang se partytjie aanbreek. Met Faye Peters.…

Nuwe enkelsnit Zita Pretorius (27) se laaste albumopname was in 2014 met die duetalbum, Burgerd + Zita, waarna sy haar op musiekteater toegespits en onder meer in operaproduksies as solis opgetree het. Maar in Oktober verlede jaar is sy terug na die ateljee vir die opname van die enkelsnit Hoekom Maak Jou Soene Seer. Dit is nou opgevolg met die nuwe enkelsnit, Begin Weer, en aanhangers kan ook uitsien na nog drie enkelsnitte later vanjaar. Die vyf snitte sal ’n eenheid vorm, sê sy. “Amper soos ’n vervolgverhaal waar elke hoofstuk op sy eie kan staan, maar ook ’n geheel vorm.” Die boodskap Die lewe loop soms onverwagte draaie met ’n mens en dan moet jy van voor af begin en vergeet van dit wat was, vertel Zita oor die…

Besoek ons webtuiste, huisgenoot.com, vir ’n daaglikse horoskoop. KREEF 21 JUN – 21 JUL Jou persoonlike jaar loop ten einde; dis ’n goeie tyd om die pas te verslap en sake weer onder oë te neem. Jy wil dalk oor die afgelope jaar terugkyk en van die hoogte-en laagtepunte kennis neem. Dis die ideale geleentheid om gebrekkige werkwyses te laat staan, van ondermynende gewoontes ontslae te raak en negatiewe en uitgediende emosies te laat vaar. GELUKKIGE NOMMERS 40, 32, 24, 51, 1, 20 LEEU 22 JUL – 22 AUG Jou sosiale lewe kry ’n oplewing; dit beteken meer interaksie met jou vriende en meer groepaktiwiteite en klubgeleenthede. Dit val so reg in die kraal van ’n speelse en plesierige Leeu. Terwyl dit ’n week is vir pret, bestaan die gevaar…

DIS maklik om te sien hoeveel skade ons ons planeet aandoen. Besoedeling is voortdurend aan die toeneem en ’n mens hoor hoe ander oor “aardverwarming” en ’n “koolstofvoetspoor” praat. Die mensdom se moderne leefstyl dra ook tot ál meer afval by, wat ’n negatiewe uitwerking op die omgewing het. Maar ons kan elkeen die Aarde help deur “groen” en volhoubaarder lewens te lei. KOOLSTOFVOETSPOOR Soos ’n voetspoor in die sand laat mense ’n voetspoor op die omgewing. Jou koolstofvoetspoor is die hoeveelheid koolstofdioksied wat jy elke jaar in die atmosfeer vrystel. Dit word volgens ’n formule bereken en van die aspekte wat in berekening gebring word, is watter vorm van vervoer jy gebruik om by die skool of werk te kom, of jy stort of bad, of jy jou huishoudelike…

ASHTON IN DIE GETUIEBANK ‘Ek het aan die deur geklop. Weer geklop, geen antwoord nie. Ek het aangeneem sy het uitgegaan vir die aand – ek was laat vir ons afspraak, en ek het gedink sy was ontsteld’– ASHTON KUTCHER ASHTON KUTCHER het in ’n hof in Los Angeles getuig hoe hy in 2001 by ’n jong vrou se blyplek vir ’n romantiese afspraak opgedaag het sonder om te besef sy lê dood in die huis. Ashton – toe nog ’n opkomende ster in That ’70s Show – sê hy was geskok toe hy later uitvind Ashley Ellerin (22), ’n modestudent, is vermoor, en hy was bang hy word as ’n verdagte beskou. Aanklaers glo Ashley – en twee ander vroue – is vermoor deur Michael Gargiulo (43), wat die…