Indholdsfortegnelse for 20-Jun-19 i Huisgenoot

1 SUSTERS ONDERSTEUN HUL MOORDENAARPA Robert Packham se dogters, Kerry-Ann en Nicola, steun hom in die hof – al het hy hul ma, Gill, vermoor Hulle kan dit nie in hul hart vind om te glo hy kon so iets doen nie. Omdat hy al is wat hulle oorhet, verkies hulle om hulle blind te hou vir die waarheid. SANDRA LIEBENBERG Dit gaan daaroor dat dit hul pa is. Liefde gaan nie dood omdat iemand iets gedoen het nie, al is dit hoe verskriklik. Wie weet hoeveel seer daar deur die jare was. LENIE STANDER Niks verander die feit dat hul pa hul ma wreed vermoor het nie. Geen probleme tussen hom en sy vrou gee hom tog die reg om te moor nie. VANESSA DE KLERK Hy het sy…

ROMERIGE KERRIE-VIS MET BLOMKOOL GENOEG VIR 4 MENSE BEREIDING: 15 MIN. GAARMAAK: 40 MIN. VIS EN GROENTE ◗ 600 g bevrore stokvis-mootjies◗ 1 blomkool, in blommetjies gebreek◗ sout en peper◗ 1 ui, gekap◗ 3 knoffelhuisies, fyngesny◗ 3 cm-stuk gemmer, fyngekap◗ 2 heel brandrissies, gekap JOGURTMENGSEL ◗ 500 ml (2 k) romerige natuurlike jogurt◗ 5 ml (1 t) elk fyn komyn en borrie◗ 10 ml (2 t) garam masala◗ 15 ml (1 e) blaarmasala◗ 5 ml (1 t) geroosterde masala◗ 15 ml (1 e) tamatiepasta◗ 10 ml (2 t) bruinsuiker◗ 5 ml (1 t) mielieblom AFRONDING ◗ 1 x 400 g-blik botterbone, gedreineer◗ koljanderblare en gekapte kasjoeneute◗ basmatirys (opsioneel) Verhit die oond tot 180 °C. 1 Vis en groente Smeer ’n oondvaste bak en pak die vis en groente in ’n…

1 Vir ’n onfeilbare truuk om ’n fles oop te draai, vat ’n ou tennisbal en sny dit middeldeur. Glip die rubberbinnekant oor die bokant van die fles, draai die wollerige groen helfte – en siedaar! 2 As jy nie ’n tennisbal het nie of die fles se deksel is te groot, kan jy ’n bottermes of lepel gebruik. Steek dit by die naat tussen die fles en die deksel in. Wikkel die mes liggies en gebruik dit as ’n hefboom tot dit die deksel van die fles af weglig en die seël breek. Jy behoort die deksel dan maklik te kan afdraai. 3 Wil jy bier vinnig koud maak? Vul ’n bak met ys, water en ’n hand vol sout en dompel die bier daarin. Die sout verlaag die…

E.TV POUND OF FLESH Aksie. ’n Voormalige geheime agent is in Manila in die Filippyne om ’n nier aan sy sterwende niggie te skenk. Die dag voor die operasie skrik hy wakker en ontdek sy nier is gesteel. Hy sweer dan wraak. Met Jean-Claude Van Damme en Charlotte Peters. VRYDAG 21 JUNIE 22:00 & SATERDAG 22 JUNIE 23:45 2015. 104 MIN. 16GT M-NET SHOW DOGS Avontuur. Ná ’n mislukte poging om ’n gesteelde babapanda te vind, moet die polisiehond Max en die FBI-agent Frank kragte saamsnoer. Max moet dan in Las Vegas aan die wêreld se eksklusiefste hondevertoning gaan deelneem in die hoop om die panda te vind. Met Will Arnett en die stem van Ludacris. SATERDAG 22 JUNIE 15:30 2018. 92 MIN. O KYKNET MEERKAT MAANTUIG Drama. Ná haar…

NO. 2 034 VRAAG WATTER HANDIGE PERSOON IS TER SPRAKE? SKOMMEL DIE LETTERS IN DIE KLEURBLOKKIES OM DIE ANTWOORD TE VIND. LEES LANGSAAN HOE DIE KOMPETISIE WERK. Jy kan ’n Verklarende Afrikaanse Woordeboek of Afrikaanse Woordelys en Spelreëls van die uitgewer Pharos (pharos@pharos.co.za) wen. Vul die blokraai in en gebruik die letters in die kleurblokke om die antwoord op die vraag te ontsyfer. SMS “HG” gevolg deur jou antwoord, naam en dorp/stad na 36400. Net een SMS per deelnemer word toegelaat. Net mense binne SA se grense kan deelneem. Die SMS kos R1,50. Hou die oorspronklike, volledige blokraai met jou besonderhede as bewys. Geen posstukke word as inskrywing aanvaar nie. Geen werknemers of hul gesin van Media24, Grapevine Interactive of hul reklamemaatskappye mag deelneem nie. Die sluitingsdatum is 11 Julie…

OP EN WAKKER MET SATISKIN Begin jou oggend op ’n positiewe noot met Satiskin se vertroetelende stortjels. Satiskin-stortjels is pH-gebalanseer, met vitamiene A en E verryk en sal jou vel satynsag laat voel. Verruklike geure sal jou vir die beste oomblik van jou dag voorberei. Beskikbaar in ’n reeks van 1 L-en 400 ml-groottes met geure vir elke luim. BLITSIGE TUISTOETSE VIR ALLERGIEË As jy aan niesbuie, ’n loopneus en jeukerige oë gewoond geraak het, kan jy dalk baat vind by AllergoCHECK®. Of dalk sukkel jy met gedurige winderigheid, diarree of maagpyn? Probeer dan GlutenCHECK®, ’n toets om gluten-intoleransie te identifiseer. Kry nog inligting by jou apteker of by agerahealth.co.za of vra jou naaste apteker. ALLES-IN-EEN- SKOONMAAKMIDDEL Plush Supreme Floor & All Purpose Cleaner verwyder vuilgoed van teëls, vloere en…

ENKELLOPER Lauv is enkellopend. Die vonke het glo gespat toe hy en die Issues-sangeres, Julia Michaels (25), in September aan die musiekvideo vir hul snit, There’s No Way, verfilm het. Hul paadjies het sedertdien geskei. DIE LEEU Lauv heet eintlik Ari Staprans Leff. Ari beteken “leeu” in Hebreeus en sy sterreteken is ’n Leeu. Sy verhoognaam, Lauv, is Letties vir “leeu” en ’n huldeblyk aan sy ma, Silvija, se Lettiese afkoms. MUSIKAAL Lauv, ’n 24-jarige boorling van San Francisco, Kalifornië, het kleintyd al klavier-en vioollesse geneem en op 11 met kitaar begin. Hy het op 14 begin liedjies skryf. DEURBRAAK Hy het in 2015 sy debuutsnit, The Other, uitgereik en twee jaar later sterstatus met I Like Me Better bereik. Vanjaar het drie snitte al die lig gesien: I’m So…

10 OPRAH WINFREY (65) HAAR RYKDOM: R39 MILJARD Oprah, eens ’n nuusaanbieder en eienaar van die OWN Network, het verlede jaar ’n ooreenkoms met Apple se stroomdiens gesluit om inhoud vir dié diens te skep, insluitend ’n televisiereeks, dokumentêre programme en ’n boekklub. 23 KYLIE JENNER (21) HAAR RYKDOM: R15 MILJARD Die werklikheidstelevisiester het in 2015 begin om stelle lipstiffie te verkoop, en die onderneming het teen verlede jaar in ’n sakeryk ontpop. 37 RIHANNA (31) HAAR RYKDOM: R9 MILJARD Die popster se inkomste word aangevul deur Fenty Beauty (Fenty is haar van), die grimeerreeks wat sy saam met die luukse-goederegroep LVMH, die modehuis Fenty en Savage X, haar onderklerereeks, besit. 51 BARBRA STREISAND (77) HAAR RYKDOM: R6 MILJARD Sy is die enigste sanger in die geskiedenis met ’n no.…

Lus om die Alfinos se voorbeeld te volg en ’n jaar lank die pad te vat? Hier’s Cindy se wenke: ▪ Bespreek alles met die gesinslede wat daardeur geraak word om te verseker almal stem in en verstaan wat gebeur. ▪ Doen navorsing oor jou voertuig. Kan jy onderdele maklik in die hande kry? Kan jy herstelwerk langs die pad doen? Is die enjin in ’n goeie toestand om jou sonder haakplekke deur te dra? ▪ Bespreek jou planne met jou kinders se skool. Is dit ’n opsie om die kurrikulum by hulle te kry? Kan jy afslag op skoolgeld kry of ophou betaal en hul plekke behou tot wanneer julle terugkeer? ▪ Pas jou versekering aan. Voeg die nuwe voertuig by jou dekking en lig jou versekeraar in oor…

VARKROL GEVUL MET UI EN APPEL GENOEG VIR 6 MENSE BEREIDING: 15 MIN. GAARMAAK: 3 UUR VULSEL ◗ 1 rooi-ui, gekap◗ 2 knoffelhuisies, fyngekap◗ 2 Granny Smith-appels, ontkern en in klein blokkies gesny◗ 60 ml (¼ k) sonneblompitte, gerooster◗ 15 ml (1 e) tiemieblaartjies◗ ’n hand vol pietersielie, gekap VARKROL ◗ 1 x 600 g-varkliesrol, ontbeen◗ sout en vars gemaalde peper◗ 250 ml (1 k) gemmerlim◗ 250 ml (1 k) hoender-of groenteaftreksel VIR VOORSIT ◗ 2 Granny Smith-appels, ontkern en in skyfies gesny◗ 1 rooi-ui, in skyfies gesny◗ ’n skeut suurlemoensap◗ ekstra tiemietakkies Voorverhit die oond tot 180 °C. Hou ’n oondbak met ’n deksel byderhand. 1 Vulsel Meng alles goed. 2 Varkrol Rol die varkrol oop en klad droog. Geur die vleiskant met die sout en peper. Versprei die…

HANDDOEKE Dis een van die klein lekkertes in die lewe waarmee jy jou daagliks kan pamperlang. Klim uit die stort en wikkel jou toe in ’n luukse, absorberende badhanddoek. Dié basiese item is funksioneel, maar kan ook tot die dekor in die vertrek bydra. HANDDOEK-HAKE Die badkamerhaak is ’n funksionele voorwerp, maar dis dikwels ook die klein detail wat ’n vertrek afrond. Jy kan kies uit ’n hele verskeidenheid, soos ’n eenvoudige haak, een van geborselde brons of ’n swart een met ’n mat afwerking. KRY DIT HIER @HOME 0860-834-834, WWW.HOME.CO.ZA; BUILDERS 0860-284-533, WWW.BUILDERS.CO.ZA; ITALTILE 010-271-2272, WWW.ITALTILE.CO.ZA; MAKRO 0800-600-999, WWW.MAKRO.CO.ZA; MRP HOME 0800-212-535, WWW.MRPHOME.COM; ONTAP 033-345-1647, WWW.ONTAP.CO.ZA; SHEETSTREET0800-212-535, WWW.SHEETSTREET.COM; STEEL CRAFT021-982-5838, WWW.STEELCRAFT.CO.ZA; SUPERBALIST087-362-7300, WWW.SUPERBALIST.COM; THE COTTON COMPANY 060-505-7894, WWW.THECOTTONCOMPANY.CO.ZA; YUPPIECHEF 0861-702-4969, WWW.YUPPIECHEF.COM HOEWEL ONS ALLES IN ONS VERMOË DOEN OM…

GESKEIDE SOEK SUPERSEXY MAN V Ek is ’n hele paar jaar gelede geskei en het aanvanklik nie weer in ’n verhouding belanggestel nie, want ek was siek en het heelwat gewig verloor. Maar nou is ek weer reg om my flikkers te gooi. Die probleem is ek bly net heeldag aan supersexy mans dink en sien nie die gewone soort mans raak van wie ek altyd gehou het, soos my gewese man, nie. Ek is in my 30’s, het ’n goeie betrekking en reis dikwels daarvoor rond. Wanneer ek die geleentheid kry om sulke mans te ontmoet, verstaan ek nie heeltemal wat met my gebeur nie en weet nie hoe om dit te hanteer nie. Dit is nie eintlik ek nie. S op Y A Geluk daarmee dat jy jou…

BBC FIRST (DSTV-KANAAL 119) MOTHERFATHERSON Richard Gere is in sy eerste groot TV-rol te sien as die Amerikaanse miljardêr en mediamagnaat Max Finch. Terwyl sy eksvrou by ’n skuiling vir haweloses werk, knak hul seun onder die druk om die jongste redakteur van sy pa se koerant te wees. BEGIN SONDAG 23 JUNIE 20:00 NETFLIX VAN DER MERWE Komedie. Rob van Vuuren is Van der Merwe, ’n boer wat die swartskaap van sy familie is. Toe sy dogter ná ’n brugjaar in Engeland terugkeer, bring sy haar verloofde, ’n Britse mediese student, saam. Dit sorg vir allerlei probleme, en Van moet vrede maak daarmee dat sy dogter met ’n Engelsman gaan trou. 2017. 95 MIN. 13…

THE LAST ELEPHANTS Saamgestel deur DON PINNOCK & COLIN BELL (Struik Nature, R375*) “Toe ek gebore is, was daar ’n miljoen olifante in Afrika. Toe my dogter, Charlotte, in 2015 gebore is, het die getal savanna-olifante tot net 350 000 gedaal. Gemeet aan die huidige tempo waarteen stropery plaasvind, sal die Afrika-olifant teen haar 25ste verjaardag uit die wildernis verdwyn het.” So skryf prins William, die hertog van Cambridge, in sy voorwoord tot die boek The Last Elephants. Die titel word nie as ’n feit gestel nie; eintlik kort ’n vraagteken, want die skrywers, Don Pinnock en Colin Bell, spreek die wens uit dat dit nie profeties sal wees nie. “Ons hoop nie so nie, maar die tekens is kommerwekkend.” Die idee vir die boek het oor ’n koppie koffie…

Besoek ons webtuiste, huisgenoot.com, vir ’n daaglikse horoskoop. LEEU 22 JUL – 22 AUG As ’n plesierige Leeu hou jy waarskynlik van uitgaan en is jy die hart en siel van elke partytjie, maar dis tyd om die sosiale toneel op die agtergrond te skuif en jou aandag inwaarts te rig. ’n Bietjie selfondersoek kan ’n verrykende ervaring wees, want dit kan lig werp op gedragspatrone en gewoontes wat jou persoonlike groei beperk. Dis die volmaakte week om alleentyd in die natuur deur te bring, op ’n afsonderingsreis te gaan of te mediteer. GELUKKIGE NOMMERS 1, 17, 40, 27, 50, 25 MAAGD 23 AUG – 22 SEP Dis ’n week waarin te veel huistake en gesinsverantwoordelikhede jou beroepsen liefdeslewe kan kniehalter. Jy het meer geestesenergie, wat aan die negatiewe kant…

DIS DIE WARE BEÁTA Die 23-jarige aktrise het in die Paarl in die Boland grootgeword. Nadat haar ouers, Martin (57), ’n prokureur, en ma, Melvina (49), ’n projekbestuurder, in 2004 geskei is, het Beáta en haar suster Tshidi, wat ’n jaar ouer as sy is, saam met hul ma op Gordonsbaai gaan nesskop. Beáta het uitgeblink op skool en op die sportveld. Nadat sy in 2014 aan die Hoërskool Hottentots-Holland op Somerset-Wes gematrikuleer het, het sy drama aan die Universiteit Stellenbosch studeer en onlangs haar honneursgraad in produksie bestuur en vervaardiging verwerf. BEÁTA SE RAAD … Haar advies vir aspirantakteurs wat graag wil toneelspeel? ‘Ken jouself voor jy in hierdie bedryf inkom sodat dit jou nie verander nie en sodat mense nie oor jou loop nie,’ meen sy. PAD NA…

DIE blondine buig haar sterk bobene, bult haar gebeitelde armspiere, neem die man wat langs haar staan in haar hande – en tel hom op haar skouers. Die sweet tap Kailey Louw (25), een van Suid-Afrika se kampioengewigoptellers, af. Om swaar gewigte veerlig te laat lyk is kinderspeletjies vir dié Bloemfonteinse buksie, maar vandag pak sy ’n nuwe uitdaging. Sy tel haar eie broer, die Sharkssenter Marius Louw (23), op. “Ek kan hom nou nie heeltemal bo my skouers opstoot nie. Dis ’n bietjie anders as twee gewigte aan ’n balk,” laat hoor sy terwyl kleinboet op haar skouers sit. “Kleinboet” is self nou nie juis klein nie. Marius is gespierd danksy sy ure in die gimnasium en op die rugbyveld. Teen 1,82 m is hy byna twee koppe langer…

HAAR koms is ingewag met waarskynlik die g r o o t s t e opgewondenheid in die geskiedenis van die vermaakbedryf. Die wêreldmedia was desperaat om ’n glimp te kry van die room van Hollywood se eerste biologiese kind en het weke lank buite die luukse lodge in die Namibwoestyn kampeer waar haar ouers voorberei het op die geboorte van hul baba. En toe die wêreld haar eindelik sien, was dit omtrent ’n fees vir die oog: sy was ’n prentjiemooi skattebol met haar ma se sagte pruilmondjie en haar pa se volmaakte gelaatstrekke –’n pragtige dogtertjie met ’n bevoorregte lewe en opwindende wêreldreise wat voorlê. Sedertdien het baie water in die see geloop wat die skynbaar onwrikbare Brangelina-brigade betref, en Shiloh Nouvel Jolie-Pitt is nou 13 jaar oud…

Moenie verwag om Hugh Grant eersdaags in enige nuwe romantiese komedies te sien nie. Die 58-jarige akteur is onlangs in ’n onderhoud met The Hollywood Reporter gevra of hy ’n “minderwaardigheidskompleks” het omdat hy altyd in romkoms gespeel het, en hy het openlik erken hy is nie meer geskik vir daardie soort rolle nie. “Ek het nou te oud en lelik en vet geword om dit te doen. En noudat ek ander dinge doen, het ek baie minder selfhaat,” het hy met ’n laggie laat hoor. Ondanks sy suksesvolle loopbaan van byna vier dekades, voel Hugh hy was “in ’n blik gedruk” oor die soort rolle wat hy vertolk het. Maar hy erken tog die sukses het dit die moeite werd gemaak. “Ek is baie geld daarvoor betaal. Ek was…

WYEPYPBROEK ’n Wyepypbroek skep ’n lieflike silhoeët vir alle figure, ongeag of jy petite, lank of gerond is. Dra dit saam met hoëhak-, platform-of diksoolskoene om jou bene langer te laat lyk. ENKELBROEK ’n Enkelbroek met wye pype werk die beste saam met hoë hakke. Indien jy plat skoene by ’n enkelbroek wil dra, moet die broek verkieslik nousluitend wees sodat dit jou figuur vlei. PATROONBROEK Kombineer ’n treffende bont patroonbroek met eenvoudige bykomstighede en items in gedempter effekleure. Indien jy wel ’n bedrukte top daarby dra, kies een in soortgelyke skakerings as die broek. KUNSLEERBROEK ’n Kunsleerbroek is gepas vir enige voorkoms of geleentheid. Dit lyk informeel en gemaklik by tekkies en ’n T-hemp, en vir ’n aandjie uit kan jy dit met hoëhakskoene en ’n fraai vroulike top…

Stuur voorstelle en versoeke na geldsake@huisgenoot.com. E-pos sal sover moontlik in die rubriek beantwoord word en nie persoonlik nie. Goeie nuus vir nuwe huiskopers: Banke staan weer 100%-huislenings, oftewel volverbande, toe. Jy kan dus ’n volle lening kry sonder om ’n deposito neer te sit. Wees egter gewaarsku: Die vereistes is strenger en die rentekoerse hoër. Ons het Mandy Waddington van die huisleningsmaatskappy ooba gevra wat jy als moet weet. DRIE DINGE OM EERS TE OORWEEG 1 Voor jy aansoek doen vir ’n volverband, maak seker die eiendom wat jy wil koop, is in ’n goeie toestand en in ’n gebied waar eiendomspryse bestendig groei. 2 Jou kredietgeskiedenis moet wys jy betaal jou ander skuld getrou. As jy op ’n kol agterstallig geraak het, kan dit teen jou tel. As…

NO. 2 288 NEEM SO DEEL Vul die blokraai korrek in, skryf die letters in die kleurblokke neer en gebruik dit om die antwoord op die vraag te ontrafel. SMS die woord “HG”, gevolg deur jou antwoord, naam en dorp/stad na 36400. Net een SMS per deelnemer word toegelaat. Die SMS kos R1,50. Net mense binne SA grense kan deelneem. Die wenners sal die oorspronklike, voltooide blokraai en hul besonderhede moet verskaf. Geen werknemers of hul gesinne van Media24, Grapevine Interactive en hul reklamemaatskappye mag deelneem nie. Die sluitingsdatum is 11 Julie 2019. Kyk op huisgenoot.com vir die volledige bepalings en voorwaardes. WEN ’N WOORDEBOEK PLUS  KOM IN AANMERKING VIR DIE MAANDELIKSE TREKKING VAN R1 000. VRAAG: WATTER SOORT INSEK IS TER SPRAKE? PHAROS WOORDEBOEKE (’N DRUKNAAM VAN NB-UITGEWERS) GEE DRIE…

GROOT BLOKRAAI NO. 2282 GROOT BLOKRAAI NO. 2282 Antwoord: boerbok PHAROS-TWEETALIGE WOORDEBOEK Z. Spies, Hoedspruit; E. van Niekerk, Brackenfell; L. Williams, Roodepoort FOTOBLOKRAAI NO. 2028 FOTOBLOKRAAI NO. 2028 Antwoord: laeveld VERKLARENDE AFRIKAANSE WOORDEBOEK K. Oelofse, Brits AFRIKAANSE WOORDELYS EN SPELREËLS W. Olivier, Jeffreysbaai KOPKRAPPER KODERAAI NO. 386 ONS KOMPETISIE-WENNERS Kry die name van al die wenners van Huisgenootkompetisies op ons webtuiste. Gaan na huisgenoot.com/wenners.…

DESPERATE BLONDINE ’n Blondine is so arm dat sy besluit om ’n kind te ontvoer en ’n losprys te vra. Sy gaan na ’n speelparkie, gryp die naaste kind, gaan skuil agter ’n bos en sê vir die kind: “Ek ontvoer jou vir ’n losprys.” Op ’n stukkie papier skryf sy: “Liewe ouers, ek het jul kind ontvoer en soek ’n losprys van R10 000. Los die geld môreoggend voor tienuur in ’n swartsak naby die asdrom van die speelparkie.” Sy onderteken dit net as “ ’n Blondine”. Toe steek sy die briefie aan die kind se hemp vas en stuur hom huis toe. Die volgende oggend sien sy daar lê ’n swartsak reg langs die asdrom. Toe sy dit oopmaak, sien sy dis vol geld met ’n briefie bo-op.…

STYLVOLLE SERPE ’N HOED IS ’N MOET PERFEKTE PONCHO’S HANDSKOENE KRY DIT HIER COTTON ON 011-784-0218; FOREVER NEW 021-555-3324; MAKRO 0860-300-999; MRP 0800-21-25-35; POETRY021-419-0020;WOOLWORTHS 0860-022-002; ZARA 021-302-1500 HOEWEL ONS ALLES IN ONS VERMOË DOEN OM KORREKTE PRYSETEVERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE.…

ANNERI HARMSE (38), VLIEËNIER ‘EK WAS ’n klein meisietjie en ons het naby ’n lughawe gebly. Wanneer ek die vliegtuie in die verte hoor aankom het, het ek buitentoe gehardloop om na hulle te kyk terwyl hulle oor ons huis vlieg. Ek het toe al geweet: Ek wil ’n pilot word. Ons buurman in Boksburg was ’n vlieënier. Oom Brian en sy vrou en hulle twee seuns het langs ons gebly. Hy was my idol. Dan gaan hy vir lank weg wanneer hy oorsee vlieg. Wanneer hy terugkom, sien ek hom in sy vlieëniersuniform met sy epilette op sy skouers. Hy het altyd vir ons allerhande goedjies van oorsee af saamgebring. Met Kersfees, wanneer hy na Heathrow in Londen gevlieg het, het hy vir ons so ’n dik katalogus van…

SY HET niksvermoedend na haar vriendin se huis gery. Eers toe dié vriendin begin huil en vir haar ’n getikte brief gee, het Chereè Strydom besef iets skort. In die brief het die vriendin alles genoem wat die countrysangeres volgens haar in hul vriendskap verkeerd doen. “Sy het langs my gesit toe ek dit lees, en hoewel ek dankbaar was oor haar eerlikheid, was ek kwaad omdat sy nooit met my hieroor gepraat het nie,” sê Chereè. In die motor op pad huis toe op dié dag in Junie verlede jaar het Chereè probeer sin maak van wat pas gebeur het. Die liedjieskrywer in haar het ontwaak en lirieke het deur haar gedagtes begin vloei. “Toe ek by die huis kom, was die lirieke byna klaar geskryf,” vertel sy. En…

‘N PROTEARUIKER, koeksisters vir nagereg, Suid-Afrikaanse wyn en selfs gehekelde vatlappies uit Yzerfontein aan die Weskus … Sy was dalk op haar troudag meer as 14 000 km van Suid-Afrika af, en die bruidegom aan haar sy dalk Amerikaans, maar toe die aktrise Marguerite Wheatley vroeg in Junie afhaak, het sy seker gemaak haar geboorteland is déél van die vieringe. Marguerite (37), wat in 2012 in Camarillo, Kalifornië, gaan nesskop het, het in dié stad voor 93 gaste trou beloof aan die sakeman Bryan Monka (38). Sy het op eie bodem bekend geword vir haar rol as Doreen in die sepie Egoli, en het later ook in die flieks Invictus en Knysna gespeel. Bryan, met sy welige baard en skouerlengte hare, het haar voete behoorlik onder haar uitgeslaan, vertel Marguerite…

PARTY sterre se verbrokkelde verhoudings is ’n groot skok. Maar oor Bradley Cooper en Irina Shayk se onlangse skeiding is daar maande vooraf al bespiegel. “Hulle kom al ’n ruk lank nie oor die weg nie en het vir hul dogter se onthalwe aan hul verhouding vasgeklou,” sê iemand in die binnekring, met verwysing na die paartjie se tweejarige dogtertjie, Lea. Die verhouding was onder druk, sê die bron oor die 44-jarige akteur se “intense” werksetiek tydens die vervaardiging en mediaverpligtinge vir A Star Is Born en sy hegte verhouding met sy medester in die rolprent, Lady Gaga (33). “Diegene naaste aan hulle het gehoop hulle sal tyd kry om hul verskille uit te klaar wanneer Bradley klaar is met voorbrandwerk vir A Star Is Born, maar dinge het net…

Ná maande se bespiegeling het Chris Pratt en Katherine Schwarzenegger eindelik getrou. Die 39-jarige akteur en die 29-jarige skrywer (die dogter van Arnold Schwarzenegger en sy eksvrou, Maria Shriver) is al sowat ’n jaar lank ’n paartjie. Die twee het volgens ’n bron tydens ’n intieme seremonie by die luukse San Ysidro Ranch in Kalifornië afgehaak. Katherine het asemrowend gelyk in ’n nousluitende Giorgio Armani-skepping met ’n lang sluier met ’n kantafwerking. “Jy kon sien dis die heel gelukkigste dag vir Katherine. Sy het nie ophou glimlag nie. En Chris was omtrent opgewonde,” vertel ’n gas. “Dit was ’n baie romantiese plek vir ’n troue. Die hele familie het troufoto’s geneem – haar ouers, Maria (63) en Arnold (71), inkluis. Almal het so gelukkig gelyk.” Die gastelys het Chris se…