Indholdsfortegnelse for 4-Jul-19 i Huisgenoot

1 ‘EK PROBEER HARD OM MOED TE HOU’ Ciska Groenewald is bedroef nadat haar vragmotorbestuurderman, Bernard, weens brandwonde ná ’n petrolbomaanval beswyk het Ai, my innige mee gevoel. Dit is so hartseer. En so moet ons trokdrywers se vroue en families elke dag in vrees lewe vir ons mans se veiligheid op die pad. HILDA THIART Waar gaan dit ein dig? Hoe lank moet onskuldige mense in ons land nog hul lewe so verloor? Die skuldiges sal wel voor ’n regter te staan kom en vir hul dade boet. WILMA CLOETE My hart is seer, al het ek hom nie ge ken nie. Ek en my man het gebid Bernard sal van sy petrolbombrandwonde herstel. Baie sterkte. JOHAN EN ALIDA GROENEWALD So jammer om dit te hoor! Ons trokdrywers op die…

Die Bloemfonteinse berader Marilet Kotzé sê verhoudings misluk dikwels ná traumatiese gebeure soos die dood van ’n kind. “Sommige mense gee uiting aan die hartseer; ander trek terug. Dié wat uiting gee, wil iets doen om beter te voel, soos die skuldige vang, terwyl ander hulle eenkant hou weens hul seer.” Skuld vir ’n mislukte verhouding kan nie net voor een se deur gelê word nie, beklemtoon sy. “Dit bly jou eie keuse wat jy doen met die pyn. Jy kan nie jouself die skuld gee vir jou maat se keuses nie.” Sy stel voor geliefdes gaan sien saam ’n berader as hulle deur trauma worstel. “Deel jou seer met jou maat. Luister na hul seer. Verstaan dat hulle ’n ander manier het om seer te hanteer en respekteer dit.”…

PRODUKTE ONDER R100…

Stuur voorstelle en versoeke na geldsake@huisgenoot.com. E-pos sal sover moontlik in die rubriek beantwoord word en nie persoonlik nie. IS belangrik om jou kinders van kleins af op te voed om verantwoordelik met geld te werk. Kenners glo dis raadsaam om jou leerstrategie aan te pas by die verskillende fases van jou kinders se grootwordjare. Hier is raad vir vier lewensfases. KLEINTYD: LEER JOU KLEUTERS HOE GELD WERK Hoe vroeër jy met jou kinders oor geld begin praat, hoe beter – nes met enigiets anders in die grondslagjare van hul lewe, verduidelik Casey Rousseau van 1st for Women. • Begin wanneer jou kinders so jonk as vier is. Laat jou kleuter kontant aan die winkelkassier oorhandig. Dit wys dat geld in ruil vir iets anders gegee word. En dat daar…

ERNS WEER ELDERS Benewens die pelgrimstogte in Japan, die Kumano Kodo en Nakasendo, is rugby die ander groot aanknopingspunt waarop Erns (39) fokus in die nuwe kykNET-reisreeks Elders: Japan. Vir die skietwerk het hy en ’n klein kameraspan einde verlede jaar vyf weke lank deur die eilandstaat gereis. “Die reeks fokus op pelgrimstogte, die Wêreldbekerrugbytoernooi wat in September begin en Japan se wonderlike kos, kultuur, mense en andersheid,” sê Erns, wat voorheen Elders: Die Camino aangebied het. “Dit was een van die betekenisvolste ervarings van my lewe. Die stede en hipermoderne tegnologie is oorweldigend. Die platteland het weer ’n verruklike natuurskoon. Die mense is hoflik en vriendelik. Dit het vir my die naaste gevoel aan wat ek as Westerling in hierdie lewe aan ’n er-varing op ’n ander planeet gaan…

KRAAK Deur ROUXNETTE MEIRING (Tafelberg, R155*) Kraak is wetenskapsfiksie wat in 2315 begin in wat ons as Kaapstad sal herken. Maar nou is dit ’n stad in ’n koepel wat blykbaar besig is om te skeur. Kraak se opvolg, Snak, is reeds beskikbaar. Waar kom jy aan die storie? Ek het 15 jaar gelede, toe my dogter in gr. 3 was, die storie uitgedink omdat sy nie meer in Afrikaans wou lees nie. Ek wou iets skryf wat haar sou interesseer. Klimaatsverandering was toe al vir my ’n belangrike kwessie. Rouxnette kies een karakter Shaka is my gunsteling. Hy is slim, kreatief, snaaks, intuïtief en onvoorspelbaar. Ek weet nooit wat hy volgende gaan doen nie. En hy het ’n wonderlike aanvoeling vir diere en plante. ’n Uittreksel Daar’s ’n groot…

NO. 2 036 VRAAG WATTER DOOPGEREG VIR GESELLIGE KUIERS IS TER SPRAKE? SKOMMEL DIE LETTERS IN DIE KLEURBLOKKIES OM DIE ANTWOORD TE VIND. LEES LANGSAAN HOE DIE KOMPETISIE WERK. Jy kan ’n Verklarende Afrikaanse Woordeboek of Afrikaanse Woordelys en Spelreëls van die uitgewer Pharos (pharos@pharos.co.za) wen. Vul die blokraai in en gebruik die letters in die kleurblokke om die antwoord op die vraag te ontsyfer. SMS “HG” gevolg deur jou antwoord, naam en dorp/stad na 36400. Net een SMS per deelnemer word toegelaat. Net mense binne SA se grense kan deelneem. Die SMS kos R1,50. Hou die oorspronklike, volledige blokraai met jou besonderhede as bewys. Geen posstukke word as inskrywing aanvaar nie. Geen werknemers of hul gesin van Media24, Grapevine Interactive of hul reklamemaatskappye mag deelneem nie. Die sluitingsdatum is…

Besoek ons webtuiste, huisgenoot.com, vir ’n daaglikse horoskoop. LEEU 22 JUL – 22 AUG Jou optrede en woorde kan ’n opskudding in die openbaar veroorsaak. Dit is ’n gunstige tyd om jou leierskapstalent in te span om positiewe verandering teweeg te bring deur ’n voorbeeld te stel, ’n openbare toespraak te lewer of ’n brief aan die media te skryf. Wat jou beroep betref, kan jy die onverwagte verwag. Hoewel onvoorsiene gebeure met jou planne kan inmeng, kan iets opwindends die aansporing wees om jou kreatiewe talente ten toon te stel. GELUKKIGE NOMMERS 31, 47, 5, 22, 21, 51 MAAGD 23 AUG – 22 SEP Die week hou onverwagte gebeure en opwindende geleenthede in. Dit behoort ’n welkome verandering van die alledaagse eentonigheid te wees, maar slaggate kan ook voorkom.…

Verken die Okavangodelta, die groot riviere van die Caprivistrook en die magtige Victoriawaterval. Ons kundige gidse sal seker maak dat jy ten alle tye veilig, gevoed en gemaklik is. Hierdie selfrytoer is van die gewildste toere wat Bhejane aanbied. Die rede is eenvoudig: Jy ervaar ’n ware Afrika-avontuur teen ’n redelike prys, en jy het geen spesiale ryvaardighede nodig nie. Saam reis ons van die uitgestrekte Makgadikgadipanne om die Okavangodelta en op met die Pypsteel. Ons vertoef by die geheimsinnige Tsodilo-koppies, ’n wêreldbekende rotskunskol. Dan ry ons oos deur die Caprivi in Namibië en terug na Botswana oor die indrukwekkende Victoriawaterval in Zimbabwe. Die toer eindig met ’n bootreis op die Choberivier, waar jy ’n skemerkelkie geniet terwyl die olifante bad. Bhejane voorsien al die kamptoerusting, en slaan self kamp…

OP DIE kassie het kykers gesien hoe sy worstel met die groot seer van soveel vroue wat vergeefs probeer swanger raak – die hartverskeurende gevoel van hoop wat ná hoeveel probeerslae kwyn. Toe die kykNET-sepie Getroud met Rugby se karakters Renate en Simon, gespeel deur Christel van den Berg (36) en David Louw (32), hulle onlangs tot ’n surrogaat wend, het kykers verlig gedink Renate gaan eindelik ma word. ‘Ek verkies om nie kinders te hê nie. My kinders is viervoetig’ Maar ’n láng pad lê nog vir haar karakter voor, verklap Christel. Die blonde aktrise lyk vandag uitgemergel, haar oë opgepof en moeg, waar sy op die sepie se stel by Atlas Studios in Johannesburg met Huisgenoot gesels. “Ek het pas weer ’n baie emosionele toneel geskiet waarin Renate…

Drake se verkragtingsdrama steek weer kop uit Die rapper Drake (32) het dalk gereken dis die einde van sy regstryd met die Instagram-model Laquana Morris wat hom in Februarie 2017 van verkragting beskuldig het, maar nou het sy met nuwe bewerings vorendag gekom. Al het sy ’n skikking van R5 miljoen aanvaar en ’n waterdigte swygooreenkoms onderteken, het die model onlangs onsmaaklike besonderhede oor die voorval gedeel. Sy het in regsdokumente wat sy by ’n hof in New York ingedien het, beskryf wat glo tussen hulle gebeur het toe sy in Februarie 2017 ná Drake se konsert in Manchester saam met hom na sy hotelkamer is. “Drake het my gedwing om orale seks met hom te hê,” beweer die voormalige ontkleedanseres. “Dit was nie gewone orale seks nie; meer ’n…

DIT is ’n jaar sedert die tronkdeure agter die veroordeelde bylmoordenaar Henri van Breda toegeklap het. Weg van die buitewêreld waar hy voorheen graag tyd saam met sy meisie langs die see of in die natuur deurgebring het, dien hy nou sy vonnis uit agter die tralies van die Drakensteingevangenis buite die Paarl. En al het Henri (24) nie ’n spier verroer toe regter Siraj Desai hom op 7 Junie verlede jaar in die hooggeregshof in Kaapstad lewenslank tronk toe stuur nie, lyk dit of Henri nie sy straf aanvaar nie. Nadat sy aansoek om verlof tot appèl teen sy skuldigbevinding en vonnis – drie keer lewenslange tronkstraf vir die moorde op sy ouers en broer, en nog 15 jaar vir poging tot moord op sy suster – in die…

Die soort breinskade wat by Dian gediagnoseer is, is nie noodwendig deur ’n stamp teen die kop veroorsaak nie; daar kan talle moontlike oorsake wees, sê die Kaapse psigiater dr. Marcelle Stastny. “Dit kan weens koorsstuipe wees, of hy is met die skade gebore,” noem sy voorbeelde. Sy sê AGHS en bipolêre steuring kan met medikasie behandel word, en dit sal moontlik ook verligting bring vir die opposisioneel-opstandige gedragsteuring wat by hom gediagnoseer is. Dié steuring kan ook met sielkundige terapie behandel word. Sy beklemtoon ’n kind soos Dian is nie net ’n sogenaamde “probleemkind” nie; hy is “regtig ’n siek klein seuntjie”. Die Bloemfonteinse sielkundige Marlize Heppell sê woedeuitbarstings wat deur epilepsie veroorsaak word, is ’n onwillekeurige reaksie. “Die mense kan gewoonlik ná die tyd nie onthou wat hulle…

Paul se groot trek het by Herto Bouri in Ethiopië begin. Die oudste Homo sapiens-fossiel, wat van 160 000 jaar gelede dateer, is hier ontdek. Vanuit Ethiopië se Skeurvallei het hy saam met nomades van die Afar-woestynstreek tot by die Rooisee geloop, Arabië se westelike kus noordwaarts tot by die Midde-Ooste gevolg en ooswaarts deur Oos-Europa gehou tot waar hy hom teen einde Junie in die oerwoudheuwels van Noordoos-Indië bevind het. Volgende op sy reisplan is die steppe van Sentraal-Asië, deur China noordwaarts tot by Siberië, waar hy die Beringseestraat per boot na Alaska sal oorsteek. Daarvandaan swerf die storieverteller suidwaarts deur die “Nuwe Wêreld”, meestal naby die westelike kuslyn van Noord-en Suid-Amerika af, heelpad tot by Tierra del Fuego in Argentinië as die laaste kontinentale uithoek wat ons oervoorsate…

GROOTMAAT-BOLOGNESESOUS LEWER 3,5 KG BOLOGNESE-SOUSBEREIDING: 20 MIN.GAARMAAK: 2 UUR ◗ 125 ml (½ k) olie◗ 6 uie, gekap◗ 3 knoffelhuisies, gekneus◗ 3 groen soetrissies, ontpit en in klein stukkies gesny (opsioneel)◗ 6 selderystele, in stukkies gesny◗ 3 kg beesmaalvleis◗ 300 g spinasie, ontstingel en fyngekap (opsioneel)◗ 2 middelslageiervrugte, geskil en in klein blokkies gesny◗ 4 x 400 g-blikke gekapte tamaties of 1,5 kg vars pruimtamaties, ontvel◗ 6 x 50 g-sakkies tamatiepasta◗ 60 ml (¼ k) basilie, gekap◗ 125 ml (½ k) pietersielie, gekap◗ 7,5 ml (1½ t) vars roosmarynblare, gekap (opsioneel)◗ 7,5 ml (1½ t) vars origanum, gekap (opsioneel)◗ 20-45 ml (4-9 t) suiker sout en vars gemaalde swartpeper◗ 375 ml (1½ k) rooiwyn 1 Verhit die olie en roerbraai die uie, knoffel, soetrissies, indien gebruik, en seldery in ’n…

1 Dis moeite om jou grimeerborsels skoon te maak, maar jy moet dit minstens een keer per week doen. Grimering aan vuil grimeerborsels raak droog en laat die borsels gouer uitmekaarval. Maak jou borsels gereeld met ’n sagte reiniger of sjampoe skoon sodat dit langer hou. 2 Moenie jou lipstiffie weggooi as daar nog ’n bietjie onderin die buisie is nie. Gebruik ’n lipborsel om dit uit te kry. Of plaas die lipstiffie in ’n ander houertjie: Gebruik ’n plastiekmes – dit behoort daarin te pas – om die res van die lipstiffie uit te skep, en plaas dit in ’n kleiner houer soos ’n leë petroleumjelliehouertjie. 3 Versorgde wenkbroue en ’n netjiese haarlyn is ’n moet. Pleks van geld op ’n wenkbrouborsel uitgee, kan jy ’n ou maskaraborsel skoonmaak…

Alle Suid-Afrikaanse burgers kwalifiseer vir ’n pensioenkaart wat hulle kan gebruik om afslag mee te kry. ▪ Pensioenarisse wat ’n staatspensioen ontvang, kry ’n sogenaamde Sassa-kaart, oftewel ’n kaart van die Suid-Afrikaanse Agentskap vir Maatskaplike Sekerheid. Hulle kan dit in winkels en elders toon om te wys hulle kwalifiseer vir spesiale afslag. ▪ As jy ’n lid van ’n privaat pensioenfonds is, sal jou werkgewer of die fonds gewoonlik vir jou ’n pensioenkaart gee wanneer jy aftree, maar dit geld hoofsaaklik vir mense wat vir groot ondernemings werk. ▪ As jy vir ’n pensioenkaart moet aansoek doen, kan jy dit deur die Suid-Afrikaanse Vereniging vir Afgetredenes (SAARP) doen. Dié vereniging werk nou saam met ondernemings om mededingende pryse aan pensioenarisse te bied. Lidmaatskap is gratis. Doen aansoek vir SAARP-lidmaatskap by…

As jy ’n persoonlike probleem het, skryf gerus aan Liewe Elize, Posbus 1802, Kaapstad 8000 of elize@huisgenoot.com. Of SMS LIEWE ELIZE gevolg deur jou vraag na 36489. Elke SMS kos R1. INNEEMKIND KEER HAAR RUG OP ONS V Ons het ’n skoolmaat van ons vier eie kinders in haar matriekjaar ingeneem nadat haar ma weens ’n ongeneeslike siekte oorlede is. Sy het geen bloedfamilie nie en het deel van ons gesin geword. Nou is sy mondig, het van haar ma geërf en die geld is belê. Toe ontmoet sy onlangs ’n seun en verlaat ons huis. Sy ouers sê hy is nie so ernstig oor haar soos sy oor hom nie. Omdat sy dink ons wil hulle skei, het sy alle kommunikasie met ons verbreek. Ons is lief vir haar,…

PATRICK MELROSE Benedict Cumberbatch (foto), wat Sherlock Homes gespeel het in die reeks Sherlock, het ’n Bafta gewen vir sy vertolking van Patrick Melrose. Die dramareeks van vyf episodes vertel die verhaal van ’n Britse swierbol en dwelmslaaf wat sukkel om die emosionele skade te oorkom wat sy skatryk pa, David (Hugo Weaving van The Matrix en Lord of the Rings), hom aangedoen het. Sy ma, Eleanor (Jennifer Jason Leigh van The Hateful Eight), het stilswyend dié mishandeling aanskou. OP SHOWMAX. 16TSD WHAT/IF Haar eerste hoofrol in ’n reeks is ver verwyder van die Oscarwenner Renée Zellweger (foto) se Bridget Jones-karakter. In die 10 aflewerings van die rillerreeks What/If is sy die skatryk Anne Montgomery, wat die jong wetenskaplike Lisa (Jane Levy) wil ondersteun. Lisa is op die rand van…

KROEGVLIEË ’n Sakeman, ’n bouwerker en ’n dronkie sit in die kroeg. Elkeen bestel ’n bier. Toe dit voor hulle neergesit word, sien hulle tot hul ontsteltenis ’n vlieg dryf in elke glas. Wat doen hulle toe? Die sakeman roep die kroegman nader, verduidelik die probleem en vra nog ’n bier. Die bouwerker is haastig om sy bier weg te slaan. Hy gooi genoeg daarvan uit om van die vlieg ontslae te raak en sluk die res af. Die dronkie het ’n beter plan. Hy steek sy hand in die bier, gryp die vlieg aan sy vlerke en skree: “Spoeg dit uit! Spoeg dit uit!” AREND KIRKMAN, ALBERTON HOU VERBY Vakansieganger: “Wat is jul weektarief?” Ontvangsdame by die hotel: “Ek weet nie. Niemand het al ooit ’n week lank hier…

TREFFER VAN 2019 Die rapper (20) se oorwurm, Old Town Road, saam met Miley Cyrus se countrysangerpa, Billy Ray, het rekords wêreldwyd verbeter. Dit het teen 10 Junie al 10 weke op die Amerikaanse Billboard Hot 100-trefferlys geboer; net so lank soos Drake se treffer In My Feelings. OP DIE REGTE PAD Hy is as Montero Lamar Hill in Atlanta, Georgia, gebore. Sy ouers het geskei toe hy ses was. Hy het as negejarige in Austell daar naby by sy pa gaan woon. “Soveel dinge gaan in Atlanta aan. As ek gebly het, sou ek in die verkeerde geselskap beland het,” sê hy. STER VAN DIE WEEK Saamgestel deur COLIN HENDRICKS Dié hip-hop-cowboy is een van 2019 se grootste vondste met sy wegholtreffer Old Town Road VAN PLATSAK TOT MILJOENÊR…

Sy wil nog nie op die hartseer fokus nie, sê Annelisa Weiland oor die nuus dat sy die sepie 7de Laan en haar gewilde karakter, Hilda, ná 19 jaar vaarwel gaan toeroep. “In dié stadium, omdat ek nog nie finaal uit die Laan is nie, moet dit ’n bietjie wag,” sê Annelisa. Sy sal tot einde vandeesmaand nog aan dié sepie verfilm. Huisgenoot was ’n gas by die dinee wat 7de Laan onlangs vir Annelisa, ’n groepie uitgesoekte vriende en medesterre gehou het ter ere van haar werk. “Dis wonderlik dat mense my herken, en ek hoop my toneelspel bring vreugde in hul lewe, maar dit voed nie my ego nie. My werk is maar net my werk,” sê sy. “Ek sien elke karakter wat ek speel in ’n soort…

Ronaldo se ewebeeld Cristiano Ronaldo se seun Cristiano jr. (9) was ’n kleiner en ouliker weergawe van sy pa toe hy langs die 34-jarige sokkerster aan boord van ’n seiljag in St. Tropez, Frankryk, sy spiere gewys het. Cristiano sr. se beeldskone meisie, Georgina Rodriguez (25), het by die twee aangesluit. Kardashian-wegbreek Kim Kardashian West (38) het haar driejarige seun, Saint, drukkies gegee en watersport saam met haar sesjarige dogter, North, geniet toe hulle onlangs in Costa Rica met vakansie was. Die werklikheidstelevisiester se suster Kourtney Kardashian (40) was ook saam. Gedurig met vakansie Net enkele maande nadat sy vir haar 50ste verjaardag in Februarie Mexiko toe gevlieg het, was Jennifer Aniston en haar goeie vriendin Courteney Cox terug in Cabo San Lucas – dié keer om Courteney se 55ste…

VYF DAE SE MODES BRONNE: EXPRESS.CO.UK, DAILYMAIL.CO.UK, HARPERSBAZAAR.COM, TOWNANDCOUNTRYMAG.COM…

▪ In die snikhete Afar-woestyngebied moes hy oor die lewelose liggame van Afrikamigrante tree wat onderweg na moontlike werk op die Arabiese skiereiland van dors omgekom het. ▪ Toe hy die Wesbank oorsteek, het hy in ’n skermutseling tussen Israeli’s en Palestyne beland, en ’n koeël het voor hom in die stof vasgeslaan. ▪ In Oos-Turkye het drie Koerdiese mans met AK-47’s hom en ’n stapmaat amper geskiet. Nadat dié situasie ontlont is, het ’n “wonderlike man” hulle egter op sy plaas ingeneem. “Hy het vir ons kussings uitgebring om op te sit. Hy het tee voorgesit terwyl ons na die sonsondergang gekyk het . . . ’n magiese oomblik.” ▪ Hy is in meer as een land aangehou, maar dit het 34 keer in die outoritêre land Oesbekistan gebeur.…

NIE STILSTAAN NIE VANILLA Dié band van Kaapstad wat die afgelope paar jaar naam gemaak het in die Engelse mark, se eerste Afrikaanse enkelsnit. Dit is ’n goedvoelliefdesliedjie in die pop/rockgenre. Die polsende ritme en musikale verwerking voorspel ’n treffer. Jy’s die rede dat ekke weet /ek gaan nooit weer dieselfde wees, sing die manne. PLATTELAND JOHN ROCK PROPHET ’n Album om op ’n wintersaand voor ’n kaggel te sit en luister terwyl jy meegevoer word deur die 11 sielvolle snitte. Dit pas nie werklik in ’n spesifieke genre in nie, maar kan beskryf word as ’n musikale digbundel met ligte rockondertone. John se diep en rou rasperstem bring ’n unieke luisterervaring ONE VIBRANCY ’n Diverse groep geestelike sangers en liedjieskrywers het saam hieraan gewerk. Dit bevat sewe oorspronklike snitte…

NO. 2 290 NEEM SO DEEL Vul die blokraai korrek in, skryf die letters in die kleurblokke neer en gebruik dit om die antwoord op die vraag te ontrafel. SMS “HG”, gevolg deur jou antwoord, naam en dorp/stad na 36400. Net een SMS per deelnemer word toegelaat. Die SMS kos R1,50. Net mense binne SA grense kan deelneem. Die wenners sal die oorspronklike, voltooide blokraai en hul besonderhede moet verskaf. Geen werknemers of hul gesinne van Media24, Grapevine Interactive en hul reklamemaatskappye mag deelneem nie. Die sluitingsdatum is 25 Julie 2019. Kyk op huisgenoot.com vir die volledige bepalings en voorwaardes. WEN ’N WOORDEBOEK PLUS KOM IN AANMERKING VIR DIE MAANDELIKSE TREKKING VAN R1 000. VRAAG: WATTER SEEKOSHAPPIE IS TER SPRAKE? PHAROS WOORDEBOEKE (’N DRUKNAAM VAN NB-UITGEWERS) GEE DRIE EKSEM-PLARE VAN DIE…

GROOT BLOKRAAI NO. 2284 GROOT BLOKRAAI NO. 2284 Antwoord: melkkos PHAROS-TWEETALIGE WOORDEBOEK CJ Oelofse, Oudtshoorn R. Crafford, Onrusrivier V. Munro, Parow FOTOBLOKRAAI NO. 2030 FOTOBLOKRAAI NO. 2030 Antwoord: pajamas VERKLARENDE AFRIKAANSE WOORDEBOEK K. Fourie, Jeffreysbaai AFRIKAANSE WOORDELYS EN SPELREËLS L.M. Lourens, Kempton Park KODERAAI NO. 388 KOPKRAPPER ONS KOMPETISIE-WENNERS Kry die name van al die wenners van Huisgenootkompetisies op ons webtuiste. Gaan na huisgenoot.com/wenners.…

TRANS-BOTSWANA 11 dae/10 nagte (tent verblyf) Beginpunt Lethlakane, Botswana Eindpunt Kasane, Botswana DATUMS EN KOSTE 8 -18 Oktober 2019, R14 938,50 per volwassene; halfprys vir kinders jonger as tien 21-30 Maart 2020 R15 950 per volwassene; halfprys vir kinders jonger as tien INGESLUIT • Die dienste van ’n ervare veldgids • Tweerigtingradio’s in alle voertuie • Alle kamptariewe, toegangstariewe en geadverteerde aktiwiteite • Alle tente en kamptoerusting, asook breekgoed en eetgerei • Drie maaltye per dag, en koffie en tee elke dag WAT MOET EK BRING? • Jou eie voertuig en brandstof • Slaapsak, matras, kampstoele en ’n kamptafel • Padkos en drankies • Reisversekering en versekering vir noodontruiming (verplig) • Jy is verantwoordelik vir grenspostariewe en padbelasting BESPREEK NOU! 044 535 9033 bookings@bhejane.com; bhejane.com…

▪ Die sangeres Beyoncé het in 2011 ’n jaar af gevat nadat sy uitbrandingsimptome ervaar het. “Dinge het vaag begin raak – ek kon nie uitpluis watter dag dit is of in watter stad ek my bevind nie. By geleenthede waar hulle aan my ’n prys wou oorhandig, het ek oor die volgende optrede sit en dink. My ma het aanhou sê ek moet omsien na my geestelike gesondheid.” ▪ Die aktrise Blake Lively sê sy het ’n “blaaskans” nodig gehad nadat sy in 2012 klaar aan Gossip Girl gewerk het. “Ek was uitgeput, fisiek en op kreatiewe vlak. Ek wou tyd op my eie deurbring om te fokus op die dinge wat ek liefhet sodat ek my kragte ten volle kon herwin.” ▪ Die sangeres en aktrise Selena Gomez…

DIS verby vir dié kamerasku Hollywoodpaartjie. Die Fifty Shadesaktrise Dakota Johnson en die Coldplay-hoofsanger, Chris Martin, is verlede maand ná ’n romanse van 18 maande uitmekaar. Mense na aan die 42-jarige sanger is geskok dat die verhouding verbrokkel het. “Chris en Dakota was baie gemaklik in mekaar se geselskap en het altyd baie gelukkig saam gelyk,” vertel ’n bron. “Daar was sprake van ’n verlowing, maar nou sê hy hul paadjies het geskei, wat almal baie verbaas.” Chris het glo met Dakota (29) uitgemaak nadat hulle maande lank gestry het oor of hulle met ’n gesin moet begin of nie. ’n Hegte vriend beweer die paartjie was “ligjare van mekaar verwyder” wat die netelige onderwerp van kinders betref. “Chris het dit duidelik gemaak hy wil so gou moontlik nog kinders…

V&A-SOMER-PARTYTJIE LONDEN NOVELLE GRAND-OPENINGSAAND UNCASVILLE, CONNECTICUT Khloé Kardashian, by haar vriendinne Khadijah en Malika Haqq, het ’n kort toppie en rompie na die opening van ’n nuwe uithangplek gedra. THE GLAM APP-GLANSAAND HOLLYWOOD Kris Jenner het Paris Hilton by die bekendstelling van haar nuwe app, The Glam App, ondersteun. YESTERDAY-PREMIÈRE LONDEN POPSUGAR PLAY/GROUND-GELEENTHEID NEW YORK MONTE CARLO-TV-FEES MONACO PROACTIV & TEEN VOGUE-GELEENTHEID NEW YORK MILANESE MANSMODEWEEK LENTE/SOMER 2020 MILAAN, ITALIË HONEST BEAUTY LINE-GELEENTHEID ROME, ITALIË…