Indholdsfortegnelse for 18-Jul-19 i Huisgenoot

1 LOF VIR BARMHARTIGE VRYSTAATSE DOKTER Leserharte klop warm vir Bloemfontein se ‘Walk-In Doctor’, dr. Paulo de Valdoleiros, waar jy net betaal wat jy kan bekostig So bly daar is ’n dokter wat nog omgee vir mense en doen waarvoor hy lief is. Alles gaan nie altyd net oor geld nie. Dankie, Vader, dat U dié man gestuur het. THELMA BOTES Wow, mag God jou uit jou sokkies uit seën! Ek wens ons kan by jou uitkom. Ons kan maar net aangaan om met ons pyne saam te leef. Dokter toe gaan is uit vir ons. RENTIA TROLLIP Ek hoop net mense sal nie misbruik maak van die goeie dokter nie. Jy sal ongelukkig altyd dié kry wat die gewone tarief kan bekostig, maar steeds suinig is. PRISCILLIA WILLIAMS Dis…

SAMPIOENE is ’n soort fungus; daarom is dit tegnies gesproke nie ’n groente nie. Tog word dit meestal as ’n groente gebruik en voorgesit. Sampioene is supergesond, bevat min kilojoules, vet, koolhidrate, cholesterol en sout en het ook ’n lae glukemiese indeks. Dis ryk aan vesel, veral oplosbare vesel, het baie vitamiene, veral B-vitamiene, en bevat net so baie antioksidante soos kleurryke groente. SAMPIOENLASAGNE Die sondroë tamatie werk heerlik saam met die sampioene. GENOEG VIR 4-6 MENSE BEREIDING: 15-20 MIN. BAK: 15-20 MIN. WITSOUS ◗ 500 ml (2 k) melk◗ ’n halwe ui, geskil◗ 5 swartpeperkorrels◗ 2 lourierblare◗ 30 g botter◗ 45 ml (3 e) witbroodmeel◗ 5 ml (1 t) neutmuskaat◗ 125 ml (½ k) sterk cheddarkaas, gerasper SAMPIOENE ◗ 2 x 400 g-pakkie gekapte, gemengde sampioene◗ 2 knoffelhuisies, fyngedruk◗ 1…

Kunswimpers Dit word strookwimpers genoem en lyk pragtig – dit laat jou oë groter lyk en rond jou grimering af. Maar jy moet aan die aanwending gewoond raak. Met oefening sal jy dit vervolmaak; moet dus nie moedeloos raak as jy dit nie die eerste keer regkry nie. Volg ons wenke en aanwysings en jy sal gou ’n kenner wees. WENKE ▪ Jy kan jou kunswimpers meer as vyf keer gebruik as jy dit goed versorg. ▪ Bêre dit in die oorspronklike verpakking wanneer jy dit wegpak. Plaas dit terug soos jy dit die eerste keer gekry het. Dit sal dit langer laat hou. ▪ Gebruik ’n wattestokkie en grimeringverwyderaar om dit skoon te maak. Laat dit droogword voor jy dit weer gebruik. ▪ Moenie te veel gom gebruik nie…

Stuur voorstelle en versoeke na geldsake@huisgenoot.com. E-pos sal sover moontlik in die rubriek beantwoord word en nie persoonlik nie. JULLE wil graag die beste grondslag en toekoms moontlik vir jul kinders verseker en oorweeg dit om volwasse vertrouelinge by hul lewe te betrek. Dis nou om hul lewensuitkyk en opvoeding te verbreed, maar ook om jou minderjarige kind se finansiële sekuriteit te verseker indien julle as ouers onverwags sou sterf. Peetouers of voogde is hoe na sulke “ander ouers” verwys word, maar wetlik het hulle nie dieselfde status nie. HOE MAAK EK IEMAND MY KIND SE WETLIKE VOOG? Jy moet in jou testament jou kind se voog of voogde benoem. As jy en jou maat tegelyk sterf, sal die meester van die hooggeregshof die benoemde mense as die wettige voogde…

As hoofsanger van Just Jinjer is Ard Matthews al vir meer as 20 jaar ’n bekende gesig in die Suid-Afrikaanse musiekbedryf. Sy jongste album, Impossible Machines, is onlangs met ’n Sama bekroon, en deesdae maak hy veral as solosanger opgang. Ons het met hom gesels. Jou album Impossible Machines het die Sama vir die beste volwasse kontemporêre album gewen. Waarom dié naam? Dit gaan oor ons konstante afhanklikheid van toestelle wat lyk asof dit ons lewe verryk, maar dit eintlik vir ons moeilik maak om in die oomblik teenwoordig te wees. Dis ’n soort maatskaplike kommentaar oor dié onderwerp. Dis nie ’n prekery nie, want my aandag word net so baie soos al die ander mense s’n afgelei. Jy is al meer as 20 jaar in die musiekbedryf. Wat hou…

Besoek ons webtuiste, huisgenoot.com, vir ’n daaglikse horoskoop. MAAGD 23 AUG – 22 SEP Verhoudings kan vandeesweek beproef word, hetsy op werk-of persoonlike vlak, maar dit sal veral jou bande met vriende wees wat gekompliseerd raak. Óf manipulering óf jaloesie sal die kern van die probleem vorm, en jou vriendskappe kan swaar hieronder ly. Wees op die uitkyk vir swak kommunikasie; dit kan sake selfs verder bemoeilik. Maar die week hou tog goeie nuus in: Jy sal moontlik met mense bande smee wat uiterse beproewings kan verduur. GELUKKIGE NOMMERS 25, 7, 38, 50, 49, 9 WEEGSKAAL 23 SEP – 22 OKT Mercurius, die meester van die tong, beweeg hierdie week agteruit binne jou loopbaanhoroskoop, wat kommunikasie-haakplekke in dié deel van jou lewe kan aandui. Selfs taktvolle Weegskale moet hul woorde…

GROOT BLOKRAAI NO. 2 286 GROOT BLOKRAAI NO. 2 286 Antwoord: melasse PHAROS-TWEETALIGE WOORDEBOEK DJ Kriek, Middelburg M. Mostert, Prins Albert Hannetjie Engelbrecht, Klawer FOTOBLOKRAAI NO. 2 032 FOTOBLOKRAAI NO. 2 032 Antwoord: takhaar VERKLARENDE AFRIKAANSE WOORDEBOEK O.H. Bellingan, Port Elizabeth AFRIKAANSE WOORDELYS EN SPELREËLS Christine du Pisani, Bellville KODERAAI NO. 390 KOPKRAPPER ONS KOMPETISIE-WENNERS Kry die name van al die wenners van Huisgenootkompetisies op ons webtuiste. Gaan na huisgenoot.com/wenners.…

Blinkoog tussen die sterre DIÉ 20-jarige akteur se karakter, Dirkie, is die hoof van sekuriteit by die klein hoekwinkeltjie “Ian en Ander” op George in die Wes-Kaap. Brümilda van Rensburg se karakter, Belinda, en Annelisa Weiland se karakter, die afgetrede onnie Annetjie, is sy ouer kollegas. Brümilda is onder meer bekend as Jana Koster in Binnelanders en Annelisa as Hilda in 7de Laan. Wian was in sy noppies om teenoor hulle te speel. “Dit was ongelooflik! Ek was ’n fanatiese 7de Laan-aanhanger toe ek so sewe of agt jaar oud was. Ek het plakboeke en lêers met foto’s van die akteurs in daardie tyd volgemaak. En Brümilda het ook net so ’n alomteenwoordige presence gehad toe ek grootgeword het. So om met sulke suksesvolle en selfversekerde ikoniese vroue met dekades…

OP 18 Julie is dit Mandeladag, ’n dag wat jaarliks oor die hele wêreld gevier word op die verjaardag van Suid-Afrika se oudpres. Nelson Mandela. Mense word op dié dag aangemoedig om 67 minute gemeenskapsdiens te doen omdat hy 67 jaar vir geregtigheid geveg het. Hy het ’n einde probeer bring aan die onderdrukking van sekere rassegroepe. Mandela is tronk toe gestuur omdat hy die apartheidsregering probeer omverwerp het en het 18 van sy 27 jaar as politieke gevangene in die tronk op Robbeneiland deurgebring. Ons kyk na hoe dié geskiedkundige eiland vandag lyk en waarvoor dit gebruik word. WAAR IS ROBBENEILAND? Die eiland is in Tafelbaai, sowat 8 km van Kaapstad. Die naam van die eiland is afgelei van die robbe (die Nederlands is “robben”) wat in die ou…

IER is hulle: die 16 jong vroue wat vanjaar meeding om die Mej. Suid-Afrika-kroon – asook die leeueaandeel van pryse ter waarde van ’n allemintige R3 miljoen, ’n rekord in die wedstryd se geskiedenis. Die wenner, wat op 9 Augustus by die Sun Arena by Time Square in Pretoria aangekondig sal word, ontvang onder meer R1 miljoen kontant en die naaswenner R250 000. Die res van die top-16 sal elk R25 000 huis toe vat. BEULAH BADUZA (23), HATFIELD, PRETORIA Sy studeer LL.B. aan die Universiteit van Pretoria en hou van oefen, sing, reis, fietsry, Netflix kyk en lees. Sy sou graag haar ma, Naomi Campbell, Michelle Obama, Beyoncé, Winnie Madikizela-Mandela en Serena Williams vir ete nooi. CHUMA MATSALUKA (21), NYANGA, KAAPSTAD Sy is in haar derde B.A.-jaar aan die…

HAAR kinders is besonder suksesvol: Twee is uitvoerende hoofde van winsgewende tegnologiemaatskappye, en die derde is ’n professor aan ’n vooraanstaande universiteit. Hul ma moes duidelik iets reg gedoen het, want daar is tog ’n ondersteunende ma agter elke knap kind, of hoe? Wel, ja. Maar Esther Wojcicki se benadering tot ouerskap behels nie dat sy ’n opdringerige ma is wat druk op haar kinders plaas nie. Inteendeel, haar styl is so ontspanne dat dit al “panda-ouerskap” genoem is, met verwysing na dié bere se onbetrokke benadering tot hul kroos. Dit het haar een van die bekendste voorbeelde van suksesvolle ouerskap gemaak en haar aangespoor om ’n boek te skryf. In haar boek How to Raise Successful People deel Esther, ’n 78-jarige onderwyseres wat vroeër ’n joernalis was, haar geheim.…

KALIFORNIESE MEISIE Die Never Really Over-sangeres, Katy Perry (34), het tydens ’n musiekvideo-opname in Hawaii met blonde haarverlengings en ’n vietse lyf gespog. BLAASKANS NÁ TROUE Jason Momoa (39) is met vakansie langs die swembad in Venesië, Italië, gesien saam met sy aktrisevrou, Lisa Bonet (51). Die vuurwarm Aquamanster en sy vrou se Europese uitstappie volg op sy 30-jarige stiefdogter, Zoë Kravitz, se troue einde laasmaand in Frankryk. CHRISSY HET DIT NOG Die voormalige swemdragmodel Chrissy Teigen (33) het haar fantastiese figuur gewys terwyl sy saam met haar sangerman, John Legend (40), en 14 maande oue seun, Miles, op hul seiljag in Portofino, Italië, ontspan het. Die egpaar het ook ’n driejarige dogter, Luna. WITWARM Die sangeres Selena Gomez (26) het wonderlik gelyk in ’n wit eenstukkostuum by haar niggie…

WAGHEEBA JANUARY (37) Moderedakteur van Huisgenoot en YOU MAER BENE Vir dié vorm is die grootse uitdaging om stewels te vind wat nie te los pas om jou kuite of enkels nie. As dit te wyd is, Kan dit onvleiend lyk. WENK As jy lang stewels wil dra, soek ’n paar van rekstof wat spesifiek vir dunner bene gemaak is. Oor-dieknie-stewels is ook goed, maar vind ’n paar wat aan jou bene kleef. WENK Kies hoëhakstewels wat net op die enkel eindig. Dit skep ’n mooi vorm en laat jou bene langer lyk. Maak net seker dit pas presies om jou enkels. WENK Dis moeilik om vir dié soort broek ’n paar stewels te vind wat net onder die kuit eindig, want dit lyk dikwels of jy in jou skoene…

SKOENE is dalk jou uitrusting se beste vriend, maar dit kan soms voel asof jy jou aartsvyand aan jou voete het. Hier is nuttige wenke om van reuke ontslae te raak en stewels in te loop. WYS DAAI HAKKE WIE’S BAAS ▪ Om dit te bemeester om in hakskoene te loop, plak jou derde en vierde toon met ’n pleister aan mekaar vas. Dit verlig die druk op die senuwee tussen die derde en vierde toon, wat pyn in die bal van die voet verhoed. ▪ ’n Bietjie reukweerder kan ’n aandjie uit in jou gunstelinghakskoene minder pynlik maak. Rol bloot ’n bietjie aanroldeodorant aan die agterkante en kante van die voet voor jy jou skoene aantrek. Die reukweerder beskerm jou vel teen wrywing. SPEEL KLAAR MET REUKE ▪ Kragtige…

Taxibestuurder met die ‘rooi lip’ Sy werk nou wel in ’n bedryf wat deur mans oorheers word, maar Leatitia (38) kan jy altyd deur ’n ring trek. Sy bestuur haar taxi in styl, helderrooi lippe en al. “Ek is al van kleintyd af lief vir ’n rooi lip. Ek dink dis belangrik dat ’n vrou mooi na haarself kyk,” verduidelik sy. In die Boland is mense welbekend met Rykie, soos haar werkesel op wiele heet. Leatitia is die enigste vrouebestuurder van Stellenbosch se taxivereniging, maar dit skeel haar min. “Ek laat my nie deur die mans intimideer nie,” sê sy ferm. “Dieselfde reëls geld vir almal.” Sy is die derde geslag van haar familie agter die wiel en is die kleindogter van die stigter van Uncle Solly’s Taxis. Leatitia is…

DATE NIGHT Corné Louw Almal wat in ’n verhouding is, sal aanklank vind by dié liedjie, wat deur Corné, Hugo Ludik van die mansgroep Adam en die sanger Vaughan Gardiner geskryf is. Dit herinner paartjies om vir mekaar tyd te maak en is Corné se eerste enkelsnit, asook titelsnit van sy komende album. Dis ’n goeie aanduiding van wat luisteraars van dié strelende storievertellerstem kan verwag – ’n vars en moderne countrypopsnit wat lekker luister en jou onwillekeurig laat dans. – MARISA FOCKEMA PRETORIA ANDERS Dié ode aan die Jakarandastad, waar die sangpaar Wynand en Lindi Delport woon, is deur hulle geskryf en het ’n tipiese 1980’sklank. “Ons hoop dit maak mense se herinneringe los en laat inwoners trots voel,” sê Wynand. Die musiekvideo is op verskeie plekke in Pretoria…

NO. 2 038 Jy kan ’n Verklarende Afrikaanse Woordeboek of Afrikaanse Woordelys en Spelreëls van die uitgewer Pharos (pharos@pharos.co.za) wen. Vul die blokraai in en gebruik die letters in die kleurblokke om die antwoord op die vraag te ontsyfer. SMS “HG” gevolg deur jou antwoord, naam en dorp/stad na 36400. Net een SMS per deelnemer word toegelaat. Net mense binne SA se grense kan deelneem. Die SMS kos R1,50. Hou die oorspronklike, volledige blokraai met jou besonderhede as bewys. Geen posstukke word as inskrywing aanvaar nie. Geen werknemers of hul gesin van Media24, Grapevine Interactive of hul reklamemaatskappye mag deelneem nie. Die sluitingsdatum is 8 Augustus 2019. Gaan na huisgenoot.com om die volledige bepalings en voorwaardes te sien. VRAAG WATTER GEURIGE GROENTESOORT IS TER SPRAKE? SKOMMEL DIE LETTERS IN DIE…

NO. 2 292 As jy vashaak, kan jy gerus ander lesers se raad vra op ons Facebook-blad met die naam Huisgenoot-Blokraaie. WEN ’N WOORDEBOEK PLUS KOM IN AANMERKING VIR DIE MAANDELIKSE TREKKING VAN R1 000. VRAAG: WATTER KUNSVORM IS TER SPRAKE? PHAROS WOORDEBOEKE (’N DRUKNAAM VAN NB-UITGEWERS) GEE DRIE EKSEM-PLARE VAN DIE AFRIKAANS-ENGELS/ENGELS-AFRIKAANSE WOORDEBOEK WEG. NEEM SO DEEL Vul die blokraai korrek in, skryf die letters in die kleurblokke neer en gebruik dit om die antwoord op die vraag te ontrafel. SMS die woord “HG”, gevolg deur jou antwoord, naam en dorp/stad na 36400. Net een SMS per deelnemer word toegelaat. Die SMS kos R1,50. Net mense binne SA grense kan deelneem. Die wenners sal die oorspronklike, voltooide blokraai en hul besonderhede moet verskaf. Geen werknemers of hul gesinne van…

ALMAL het al die wolkspeletjie gespeel; om op jou rug te lê en op te kyk na die wolke en verskillende vorms envoor werpe te herken. Ons weet wolke beweeg deur die lug en verander gedurig van vorm, maar wat is wolke en hoe word dit gevorm? WAT IS WOLKE? Wolke bestaan uit druppeltjies water of klein yskristalle. Die vorming en bestaan van wolke behels ’n groot deel van die waterkringloop op Aarde. Die hoeveelheid water op Aarde kan nie meer of minder word nie. Dit beweeg gedurig in ’n kringloop of siklus tussen die aarde se oppervlak en die atmosfeer. Water op die oppervlak van mere, riviere en oseane verdamp en vorm ’n onsigbare gas wat ons waterdamp noem. Dié gas styg in die lug in op. Hoe hoër…

JOMANDIE DEMPERS (40), REISSPESIALIS VAN LANGEBAAN ‘VOLGENDE week doen ek ’n trippie met die Rovos Rail van Pretoria af Kaapstad toe. My ma het geshotgun op daardie een. “Ek het jou gehad; ek gaan saam,” het sy gesê. Einde Mei, begin Junie het ek ’n vrou ontmoet wie se man aan kanker dood is ’n paar maande voor hulle sewe jaar gelede op ’n safari sou gaan wat ek gereël het. Dit sou die amazingste trip wees, maar sy moes dit toe kanselleer. Ek het sedertdien die pad met haar bly stap. Ons het om die een of ander rede kontak met mekaar behou. Ek het ge-email, ek het boodskappies en presentjies gestuur. I was there for her. Sy bly in Amerika; Santa Barbara. Sy het in ’n stadium by…

SÊ WAT JY DINK Vermy dit om voor kinders te baklei, maar moenie bekommerd wees oor driftige woordewisselings nie – solank dit met respek gedoen word. Kinders hoef nie beskerm te word van die feit dat mense soms van mekaar verskil nie. LAAT KINDERS REËLS VASSTEL Esther glo kinders moet toegelaat word om sekere reëls te maak. Sy vertel hoe haar dogters een vakansie gekla het dat hul kinders op hul fone rondlê. Haar raad? Laat die kleinkinders besluit wat billik is. Die kinders stel toe voor om van negeuur die oggend tot negeuur saans sonder fone te wees; ’n strenger reël as wat die ouers in gedagte gehad het. HUL EMOSIES IS HUL EIE “Een van die grootste foute wat ouers maak, is om verantwoordelikheid te aanvaar vir kinders…

Karlien speel weer ASPOESTERTJIE As die skoen jou pas, trek jy dit sommer ’n tweede keer aan. ’n Nuwe weergawe van die Afrikaanse pantomime Aspoestertjie is nou op die planke. Karlien van Jaarsveld, wat ook in 2015 die naamrol vertolk het, is weer op haar pos as dié pragtige prinses. Die rol van die prins word dié keer deur Zak Hendrikz (voorheen was dit Izak Davel) vertolk en Fezile Mpela neem die rol van die verteller by Soli Philander oor. Huisgenoot was by die glansopening waar ’n paar bekendes gesig gewys en dié produksie saam met die jongspan geniet het. Dit is tot 28 Julie in die Staatsteater in Pretoria te sien. ELANA OEFEN VIR ’N MARATHON Is daar enigiets wat dié TV-aanbieder en omroeper nie kan doen nie? Wel,…

Kendall se nuwe basketbalspeler Kort nadat sy met die basketbalspeler Ben Simmons (22) uitgemaak het, het die werklikheidster Kendall Jenner (23) die Ameri kaanse onafhanklikheidsdag op 4 Julie saam met ’n ander basketbalspeler deurgebring. Die model is afgeneem waar sy saam met die Los Angeles Lakers-speler Kyle Kuzma (23) op ’n jag ontspan. Die twee is ook later gesien by ’n partytjie op ’n jag in Malibu, Kalifornië, en het alte verlief gelyk. Kendall hou duidelik van ’n sekere soort man … Dua en die Hadids Dit lyk of sake warm raak tussen Dua Lipa en Gigi en Bella se kleinboet, die model Anwar Hadid. Die twee het tydens die onlangse British Summer Time Hyde Park-musiekfees in Londen openlik vir mekaar gekoer, en al het hulle nog nie hul verhouding…

Terwyl party gesinsmoorde impulsief gepleeg en deur wraak of aggressie aangevuur word, was dit in die tragiese geval van die Meyer-gesin duidelik vooraf beplan. Dikwels wil mense uit desperaatheid of weens depressie eintlik hul eie lewe neem, maar hulle besef die res van die gesin sal dit moeilik aanvaar. Dan besluit hulle om liewer die hele gesin uit te wis as ’n vorm van “uitgebreide selfdood”, sê Ronell Lemmer, ’n kliniese sielkundige van Bellville, Kaapstad. “Daar bestaan ’n toestand, genaamd folie à deux, wanneer twee mense na aan mekaar ’n delusie of geestestoestand deel. Albei die ouers kon ’n neerslagtigheid, depressie of wanhoop deel wat alle vorme van logiese denke kan uitsluit,” meen sy. In die meeste gesinne waar gesinsmoorde plaasvind, is die grense tussen die verskillende lede van die…

Die verpleegster aan die hoof van infeksiebeheer by die Midvaal-hospitaal, Marisa Patzke, sê die bakterie Streptococcus anginosus kom normaalweg op die mens se vel voor en is gewoonlik onskadelik. “Maar soms kan die bakterie onder die verkeerde omstandighede absesse vorm, soos in Madelein se geval.” Dit veroorsaak dan nekrotiserende fassiïtis, wat die weefsel aanval. Marisa sê dit kan met enigeen gebeur en dui byvoorbeeld nie op swak higiëne nie. “In ’n geval soos dié moes die abses getoets word om te bepaal watter bakterie dit is en watter antibiotika doeltreffend sal wees,” sê sy. Sou die infeksie nie onder beheer gebring word nie, sal die pasiënt van sepsis sterf nadat hul organe ingee. Daarom is dit baie belangrik om vroeg reeds die korrekte antibiotika voor te skryf.…

HARISSA-LAMSBREDIE MET MENT-BLATJANG EN KOESKOES MAROKKO/NOORD-AFRIKA Gee dié bredie ekstra geur deur dit met ’n droë grondboon-en-mentblatjang voor te sit. GENOEG VIR 6 MENSE BEREIDING: 15 MIN. GAARMAAK: 2 UUR 30 MIN. BREDIE ◗ 1 kg skaap-of lamskenkels◗ 45 ml (3 e) harissapasta◗ 125 ml (½ k) meel◗ 15 ml (1 e) olie◗ 15 ml (1 e) botter◗ 1 ui, gekap◗ 5 ml (1 t) komynsaadjies◗ 5 ml (1 t) gerookte paprika◗ 30 ml (2 e) tamatiepasta1 L (4 k) hoenderaftreksel◗ 4 wortels, in stukke gesny◗ 1 x 410g-blik kekerertjies, gedreineersout en vars gemaalde peper BLATJANG ◗ 50 g gesoute grondbone◗ 15 ml (1 e) koljandersaadjies, gerooster◗ 15 ml (1 e) bruinsuiker◗ 1 suurlemoen, sap uitgedruk en skil gerasper◗ 2 knoffelhuisies◗ ’n hand vol vars ment◗ ’n knippie sout AFRONDING…

As jy ’n persoonlike probleem het, skryf gerus aan Liewe Elize, Posbus 1802, Kaapstad 8000 of elize@huisgenoot.com. Of SMS LIEWE ELIZE gevolg deur jou vraag na 36489. Elke SMS kos R1. ‘KAMMAVERLOOFDE’ WORD UITGESLUIT V Ek was byna drie jaar aan ’n man verloof met ’n volwasse dogter. Hy wou trou, maar ek was sku. Hy is intussen oorlede, en sy dogter, wat my as ’n “kammaverloofde” beskou, sluit my van alles uit. Ek, my familie en ons vriende is selfs sy begrafnis belet. Ek het my werk bedank en was finansieel van hom afhanklik. W op F A Met verhoudings later in die lewe gebeur dit dikwels dat ’n geliefde met die dood van ’n verhoudingsmaat byna oornag as ’n vyand beskou word. Kinders heg dan min waarde aan…

WINTERWARMTE Wikkel jou lekker snoesig toe dié winter met ’n verskeidenheid luukse komberse soos die knus Kiara 3-Ply-nerts-sjerpa-kombers beskikbaar by INspire. Maak dit vandag joune vir R899, of kry al drie vir R2 399 en bespaar R298. Besoek www.inspire.co.za, bel die tolvrye nommer 0800-800-038 of stuur ’n gratis SMS na 41531 om te koop. Beskikbaar op krediet oor ses maande, rentevry. SOETE SLAAP Gereed vir ’n nuwe matras? Die nuwe Sealy Salvador het gemaklike lae vir ekstra skokdemping om jou daardie broodnodige, luukse nagrus te bied. Danksy ingeboude tegnologie hoef jy nooit die bed om te draai nie – roteer net die matras een keer per maand. Dis afgewerk met aalwyn-materiaal wat asemhaal en verkoelend is. Die Salvador kos R6 999. Besoek www.bradlows.co.za vir nog inligting. BLITSIGE TUISTOETSE VIR ALLERGIEË…

“MY verbeelding was ver verby my skryfvermoë,” sê Lize Albertyn-du Toit. Dit was dalk toe. Nou is haar eerste roman uit, en dis duidelik hier is ’n storieverteller wat ’n eenvoudige draad kan vat en daarmee goud weef. Die Kinders van Spookwerwe is die storie van Mieta en Hennerik Kaliempie en hul slim seun, Milano. Hulle boer in die Bo-Karoo, maar toe hy ouer word en die plaasskooltjie buitendien toemaak, moes hulle Boland toe trek sodat hy in ’n goeie skool gesit kon word. Lize sê sy weet nie waar sy aan die storie kom nie. “Dis alles fiksie. Alles uitgedink. Dit het net met my gebeur.” Wat haar die eerste woorde laat neerskryf het, is ’n opdrag wat Rachelle Greeff in die klas gegee het tydens die skryfkursus wat…

Sy beskou haarself as ’n feminis. Sy aanvaar dus nie rolle waarin die karakters oormatig geseksualiseer word nie. Mooi so! GILPRINSES Die 22-jarige ster Chloë Grace Moretz, veral bekend vir haar rol in die aksiefliek Kick-Ass, het al op ses begin toneelspeel. Sy was in talle rillers te sien, soos The Amityville Horror (2005), Let Me In (2010) en Carrie (2013). Sy verskaf ook eersdaags die stem vir die karakter Wednesday Addams in die animasiefliek The Addams Family. Dié fliek spog met groot Hollywoodname soos ons eie Charlize Theron. FAMILIEVAS Chloë is die dogter van Teri, ’n verpleegster, en McCoy, ’n plastiese chirurg. Sy het vier ouer broers: Brandon, Trevor, Colin en Ethan. Trevor is haar toneelspelafrigter en Brandon haar bestuurder. Sy geniet dit om die baba in die gesin…

BY AMPER elke Wim bledon-toernooi is daar een speler wat uit die niet verskyn, die skynbaar onmoontlike vermag en die wêreld se verbeelding aangryp. Dié speler is gewoonlik jonk, vreesloos en met soveel talent geseën dat hy of sy ’n gesoute meester van die baan af speel. En Wimbledon­ 2019 behoort sonder twyfel aan Cori Gauff, die 15­ jarige Amerikaner wat in haar heel eerste Grand Slam-verskyning Venus Williams (39) in skoon stelle kafgedraf het. Cori, die jongste speler sedert 1991 wat in die eerste ronde van die toernooi wen, was agterna verstom. “Ek weet nie eintlik hoe om te voel nie,” het sy gesê. “Dis die eerste keer dat ek ná ’n wedstryd huil – nadat ek ’n wedstryd gewen het, bedoel ek.” By die net het ’n emosionele…

‘Brad aanvaar die twee bou albei aan hul sosiale lewe, en hy weet dis gesond vir hulle’– ’N BRON Die Stranger Things-ster Millie Bobby Brown het met ’n paar beroemdes in die bedryf bevriend geraak sedert haar vinnige opkoms as die ster van die gewilde Netflix-reeks. Te oordeel na haar Instagram-profiel is sy dik pelle met die popsterre Drake en Ariana Grande, die Breaking Bad-ster Aaron Paul en die danser Maddie Ziegler. Sy is so te sê die “It Girl” van Hollywood; daarom is dit geen verrassing dat sy deesdae saam met Angelina Jolie (44) en Brad Pitt (55) se dogters Shiloh (13) en Zahara (14) uithang nie. Die Jolie-Pitt-kroos word selde gesien sonder een van hul beroemde ouers – gewoonlik ma Angie. Maar dit lyk of die kinders dié…