Indholdsfortegnelse for 1-Aug-19 i Huisgenoot

1 LIZA BRÖNNER SING MET DAWID IN HAAR ARMS Die babaseuntjie wou tydens die optrede nêrens anders as teen sy sangeresma se bors wees nie, met pa Ricus Nel ook naby Dis nie aanvaarbaar nie. Jy sing nie vir ’n betalende gehoor met ’n baba in jou arms nie. As ek met ’n baba by my werk opdaag, word ek huis toe gestuur. ANKIE KEMP Sy oortjies was toegemaak. Liza is die beste mamma ooit. Dawid voel veilig teen haar bors. Sy het steeds haar hart uitgesing en was uiters professioneel. BELINDA BRÖNNER Ons was ook by daardie show by Ellisras se Bosveldfees. Die baba was stroopsoet. Hy het heeltyd by sy mamma geslaap, regdeur al die musiek. MELISSA STRYDOM Well done, Liza! As ons ons kinders in die openbaar…

DIE ooglede van haar groot bruin oë knip kort-kort, maar dit bly meestal toe. Aan haar voorkop krul ’n letsel onder die groen mussie op haar kop uit, al langs haar oogbank af. Taylië Jaap (19) se skraal figuur lyk broos. Sy stap stadig, en toe sy praat, is dit sag. Die tekens van die reusetrauma wat haar liggaam die afgelope twee maande moes deurmaak, is duidelik. “Dit irriteer my dat ek nie albei my oë gelyk kan oopmaak nie,” erken sy. “Maar die dokter het gesê ek moet geduldig wees en wag tot die swelling op my brein gesak het.” Die begaafde Taylië, of Lala soos haar geliefdes haar noem, het haar familie en vriende laat steier van die skok toe sy op 26 Mei twee verdiepings geval het…

LIEFLIK IN KANT Jy gaan wil spog met hierdie speelse, sexy kantnommertjies “Jy moet gemaklik in jou vel wees; as praktiese onderklere jou selfversekerd laat voel, kies ondersteunende bra’s en broekies bo iets skraps en smeulends” PRAKTIES EN PERFEK Dié praktiese en gemaklike bra’s en broekies sal heeldag lank die nodige steun bied “As jy meer avontuurlustig is, kan jy ’n gewilde trend probeer – onderklere as klere – en ’n kamisool dra by jeans en ’n baadjie vir ’n aandjie uit” GLIP IN ’N KAMISOOL Dis perfek vir ’n ontspanne aandjie tuis. Of wees gewaagd en dra een as ’n rok vir ’n aandjie uit. Dra dit saam met ’n denim-of kunspelsbaadjie vir ’n byderwetse voorkoms. KRY DIT HIER ACKERMANS 0860-900-100; COTTON ON 011-784-0218; EDGARS 0800-203-925; MILADYS 0800-310-290; MRP…

A SIMPLE FAVOUR SONDAG M-NET 20:05 ’n Enkelma soek na haar geheimsinnige vriend wat verdwyn het. Met Anna Kendrick. NEW AMSTERDAM MAANDAG M-NET 20:00 Sharpe werk aan ’n kreatiewe manier om Max (Ryan Eggold) te help. THE CONNERS M-NET 19:00 Dan (John Goodman) word aan diens beseer, en die gevolge kan ’n nare impak op DJ hê.…

Sy kuier elke weekaand in ons sitkamers as die sprankelende Bibi Bhele wat altyd regstaan om na ander se hartsgeheime te luister en raad uit te deel. Stephanie Baartman (33) se karakter in die kykNET-sepie Getroud met Rugby is die eienaar van Bibi’s, ’n koffiekroeg en skoonheidsalon – die plek waar Stryderrugbyspelers se vroue stoom afblaas. “Ek geniet die rol omdat ek baie van myself in Bibi sien. Sy’s ’n vriendin vir almal en dra saam met hulle hard aan hul probleme,” sê Stephanie. “Ek bevind my dikwels in die regte lewe in dieselfde posisie. Ek bied graag ’n ondersteunende skouer waarop my vriendinne kan leun.” Agter Bibi se glimlag het sy jare lank self met ’n geheim geworstel. In die sepie het die karakter onlangs besluit om te deel…

IDENTIFISEER DIE BOME VAN SUIDER-AFRIKA Deur BRAAM VAN WYK & PIET VAN WYK (Struik Nature, R249*) Die boek is ’n nuwe, bygewerkte weergawe van die eerste uitgawe in 2008. Nes ’n mens voëlkykers kry, kry jy boomkykers, en as jy eers met dié stokperdjie ver lei word, word dit ’n uitdaging om elke boom wat oor jou pad kom te identifiseer. En dis hier waar amateurs tesame met kenners soms moed verloor, want ons sit met sowat 2 100 inheemse spesies in ons land plus nog ’n paar honderd uit ander dele van die wêreld. Maar, skryf Braam van Wyk in sy voorwoord: “Die hoofdoel van hierdie boek is om die geheimsinnigheid rondom die onderwerp te vervang met kennis wat die nuweling in staat sal stel om bedrewe te raak…

As jy vashaak, kan jy gerus ander lesers se raad vra op ons Facebook-blad met die naam Huisgenoot-Blokraaie. WEN ’N WOORDEBOEK PLUS KOM IN AANMERKING VIR DIE MAANDELIKSE TREKKING VAN R1 000. VRAAG: WATTER SOETGOED IS TER SPRAKE? PHAROS WOORDEBOEKE (’N DRUKNAAM VAN NB-UITGEWERS) GEE DRIE EKSEM-PLARE VAN DIE AFRIKAANS-ENGELS/ENGELS-AFRIKAANSE WOORDEBOEK WEG. NO. 2 294 NEEM SO DEEL Vul die blokraai korrek in, skryf die letters in die kleurblokke neer en gebruik dit om die antwoord op die vraag te ontrafel. SMS “HG”, gevolg deur jou antwoord, naam en dorp/stad na 36400. Net een SMS per deelnemer word toegelaat. Die SMS kos R1,50. Net mense binne SA grense kan deelneem. Die wenners sal die oorspronklike, voltooide blokraai en hul besonderhede moet verskaf. Geen werknemers of hul gesinne van Media24, Grapevine…

BELINDA KRIEL (46), EIENDOMSAGENT ‘MENSE vra my altyd: Hoekom word jy ’n eiendomsagent? Daar is seker verskillende redes wat van mens tot mens kan verskil, maar wat waar is, is as hy eers in jou bloed is, dan los hy jou nie. Hoe hy in my bloed gekom het, is ook ’n ander storie. In 1991, direk ná skool aan die Hoërskool Roodepoort, gaan werk ek by Standard Bank se hoofkantoor in Johannesburg. Dit was vir omtrent 15 jaar, toe begin my sussie, Sonja, in 2005 ’n eiendomsagentskap hier aan die Wes-Rand. Sy vra my toe later om saam met haar te kom werk, en ek sê ja, ek is op pad. Anyways, dit was eers ’n jaar later dat ek my eerste huis verkoop het. Sjoe, ek was baie…

EEN KEER SE DRA: onderklere, sokkies, sykouse Items wat in direkte kontak met jou lyf is, moet ná elke keer se dra gewas word. Veral onderklere dra mikrobes wat siektes soos urienweg-en bloedinfeksies, sproei en E.coli kan veroorsaak. EEN OF TWEE KEER SE DRA: T-hemde, kamisole, vormdrag en spanbroeke Dié items is ook noupassend en moet daarom gereeld gewas word. Jy kan dalk met twee keer se dra wegkom, maar vertrou jou neus as jy twyfel. EEN TOT DRIE KEER SE DRA: rokke, rompe, langbroeke, langmoutops Moenie haastig wees om dié kledingstukke te was nie, tensy jy baie gesweet het of dit sigbaar vuil of gevlek is. DRIE TOT VYF KEER SE DRA: nagklere, bra’s, serpe Bra’s het minstens ’n dag se blaaskans ná elke dra-slag nodig sodat die rek…

VOOR gehore sing Ed Sheeran oënskynlik sy hart uit en dit lyk asof hy dit geniet om sy treffers te sing, maar die skyn bedrieg. Aanhangers was verstom toe die rooikopsanger van liedjies soos Shape of You onlangs onthul roem het hom met ’n verlammende sosiale fobie gelaat en dit verg deesdae bomenslike inspanning om net sy huis te verlaat. “Ek het sosiale angs. Ek hou nie van groot groepe mense nie en dis ironies omdat ek voor duisende mense optree,” het Ed in ’n openhartige onderhoud met die Britse koerant The Sun erken. Die sanger het die afgelope tyd wêreldwyd opgetree tydens sy Divide­ toer, maar nou laat blyk hy dit was vir hom pynlik om op die pad te wees. “Ek voel kloustrofobies en ek hou nie daarvan…

DIE langverwagte biografiese fliek oor Elvis Presley het eindelik ’n hoofakteur. Austin Butler, voormalige ster van die televisiereeks The Carrie Diaries, is gekies om die koning van ruk-en--rol in Baz Luhrmann se rolprent oor Elvis se vroeë jare te speel. Die 27-jarige akteur sluit aan by Tom Hanks (63), wat kol. Tom Parker sal speel. Tom het Elvis in die 1950’s raakgesien toe hy taamlik onbekend was en hom met besprekings gehelp voor hy sy bestuurder geword het. Austin het strawwe mededinging van supersterswaargewigte vir die gesogte rol gehad, onder andere Miles Teller (32) van Whiplash, Ansel Elgort (25) van Baby Driver en die One Direction-sanger Harry Styles (25). Baz (56) was ook verantwoordelik vir 2002 se fliek Moulin Rouge en 2013 se The Great Gatsby. Dié Oscarbekroonde regisseur sê…

#IMDBOAT-PARTYTJIE MARVEL-VROUE WESTWORLD III-PANEEL HIS DARK MATERIALS THE GOOD PLACE STUMPTOWN ENTERTAINMENT WEEKLY-PARTYTJIE…

Kenners meen die ontplooiing van die weermag bied nie ’n langtermynoplossing vir die bendegeweld op die Kaapse Vlakte nie; sosiaalekonomiese faktore soos armoede en werkloosheid moet aangepak word om mense op te hef en aan jong mense geleenthede te bied. Beter polisiëring word ook benodig om dwelmhandel en geweldmisdaad hok te slaan. “Die bendebase sal nou ’n drie maande lange vakansie neem om te beplan wat hulle gaan doen sodra die weermag weg is,” sê die kriminoloog Don Pinnock, skrywer van die boek Gang Town. Ook Dalli Weyers van die Koalisie vir Sosiale Geregtigheid sê die ontplooiing van die weermag kan help om die getal onwettige wapens op die Kaapse Vlakte te verminder, “maar verder as dit is die weermag nie die antwoord nie”. Hy glo meer en beter polisiëring…

FILOSAMOESAS MET KERRIEHOENDER EN RAITA Vir ’n gesonder weergawe gebruik ons filodeeg, en ons braai die samoesas in die oond pleks van in olie. LEWER 10 GROOT SAMOESAS BEREIDING: 20 MIN. GAARMAAK: 45 MIN. VULSEL ◗ 15 ml (1 e) olyfolie◗ 15 ml (1 e) botter◗ 2 knoffelhuisies, fyngekap◗ 5 cm-stuk vars gemmer, gerasper◗ 1 kaneelstokkie◗ 5 ml (1 t) elk mosterd-en komynsaadjies◗ 5 ml (1 t) borrie◗ 15 ml (1 e) geroosterde masala◗ 10 ml (2 t) tamatiepasta◗ 4 hoenderborsfilette, in klein blokkies gesny◗ 60 ml (¼ k) room◗ ’n hand vol vars koljanderblare, fyngekap sout na smaak SAMOESAS ◗ 5-6 velle filodeeg◗ 60 ml (¼ k) botter, gesmelt◗ 10 ml (2 t) swart mosterdsaadjies (opsioneel) RAITA ◗ ½ komkommer, fyngerasper◗ 250 ml (1 k) natuurlike jogurt◗ 5 ml…

RAADOP OOR SKOON-SUS SE AFFAIR V Iemand wat saam met my werk, het ’n affair met my broer se vrou. Hy weet ek weet daarvan. Ek het bewyse. Hy probeer my by ons werkplek wegwerk deur my te teister. My broer weet nie van die affair nie. As ek kan, wil ek hom beskerm. Hulle het kinders. Ek vermoed my kollega het nie my skoonsus vertel ek weet van die verhouding nie. Dit sal haar dalk twee keer laat dink. Sy het ’n hoë dunk van my. O. A ’n Mens moet altyd omsigtig te werk gaan as jy daardeur die koers van ander se lewe kan verander, want dit kan verreikende gevolge hê. In so ’n plofbare situasie kan mense onverantwoordelike dinge aanvang. Omdat jou skoonsuster jou respekteer, is…

Besoek ons webtuiste, huisgenoot.com, vir ’n daaglikse horoskoop. MAAGD 23 AUG – 22 SEP Jou planeet, Mercurius, begin vorentoe beweeg, wat voordelige gevolge kan hê. Pleks daarvan dat veranderde programme, meganiese onklaarhede of chaotiese administrasie jou werkvloei beïnvloed, kan jy na ’n week van doeltreffendheid uitsien. Laer stresvlakke en minder bekommernisse behoort tot opgewektheid te lei. Jy het ook meer vrye tyd met dié dat misverstande wat dubbele probleme veroorsaak nou uitgeskakel is. GELUKKIGE NOMMERS 5, 39, 25, 16, 51, 29 WEEGSKAAL 23 SEP – 22 OKT Mercurius, die heerser van handel, maak ten goede ’n draai in jou loopbaanhoroskoop. Mits jy nie toelaat dat jou neiging om uit te stel jou kans ondermyn nie, kan dit sake bespoedig wat jou beroepslewe betref. Jy kan dalk bemarkingsfoefies maklik regkry en…

WAT OM TE VERWAG Dis ’n countryalbum waarvan die lirieke stories vertel en persoonlik is, vertel die diepstemsanger. “Die snit Ek Mis die Dae gaan byvoorbeeld oor my jeugherinnerings toe ek met ’n bus skool toe gery het. Die titelsnit het ek vir my vrou, Chanelle, geskryf toe ek op die langpad was en baie na haar verlang het.” SUKSES Hy is nog net vyf jaar in die bedryf, maar dié album is baie gewild en was sommer gou onder Musica se top-30-verkopers. “Dit ervaar ek met groot dankbaarheid. ’n Sanger se sukses hang immers af van hoe goed die publiek hom ondersteun.” SY MUSIEKPAD Hoewel hy sedert sy hoërskooldae op Mokopane, Limpopo, kitaar speel, het die musiekgogga hom eers ná skool behoorlik gebyt toe hy in 2013 by kuierplekke…

Jy kan ’n Verklarende Afrikaanse Woordeboek of Afrikaanse Woordelys en Spelreëls van die uitgewer Pharos (pharos@pharos.co.za) wen. Vul die blokraai in en gebruik die letters in die kleurblokke om die antwoord op die vraag te ontsyfer. SMS “HG” gevolg deur jou antwoord, naam en dorp/stad na 36400. Net een SMS per deelnemer word toegelaat. Net mense binne SA se grense kan deelneem. Die SMS kos R1,50. Hou die oorspronklike, volledige blokraai met jou besonderhede as bewys. Geen posstukke word as inskrywing aanvaar nie. Geen werknemers of hul gesin van Media24, Grapevine Interactive of hul reklamemaatskappye mag deelneem nie. Die sluitingsdatum is 22 Augustus 2019. Gaan na huisgenoot.com om die volledige bepalings en voorwaardes te sien. VRAAG WATTER SOORT MATERIAAL IS TER SPRAKE? SKOMMEL DIE LETTERS IN DIE KLEURBLOKKIES OM DIE…

Deel 1 van 4 IN Suid-Afrika het elke agt uit 10 Suid-Afrikaners hulself in 2001 as ’n Christen beskryf – iemand wat die Christelike geloof aanhang. Hierdie geloof is gegrond op die leringe van Jesus Christus, wat sowat 2 000 jaar gelede geleef het. Ons leer jou oor die ontstaan en aard van die Christendom en hoe dit tot die grootste godsdiens in die wêreld gegroei het. GOD WORD VLEES Christene grond hul geloof op die geboorte van Jesus Christus, sy aardse bediening, dood en opstanding uit die dood. Jesus is meer as 2000 jaar gelede in Betlehem gebore in ’n gebied wat in daardie jare onder die heerskappy van die Romeine was. Sy ouers was Joodse mense. Sy ma was ’n jong vrou met die naam Maria. Jesus was…

DIE Proteas se spel tydens die onlangse Wêreldbekerkriekettoernooi is dalk iets waarvan plaaslike sportliefhebbers so gou moontlik wil vergeet, maar die prestasie van een besonderse kolwer sal met meer trots onthou word. Dit was dié van Rassie van der Dussen, een van die min spelers wat die Proteas op die kolfblaaie van Engeland en Wallis van volslae vernedering kon red. Die 30-jarige het in sy ses beurte in die toernooi 311 lopies vir ’n gemiddelde van 62,2 aangeteken. In sy uitblinkvertoning teen Australië in die Proteas se laaste wedstryd het hy ’n skitterende 95 lopiesgeslaan. Al het hy net-net nie die eerste honderdtal van sy internasionale eendagloopbaan behaal nie, is sy plek as ’n opkomende ster toe bevestig. “Ek probeer altyd om die beste speler in die span te wees,”…

Die Oorlog-sangeres, Talana Vuren, en haar man, die ouditeur Walter Kuhn, se dogtertjie, Olivia, is eindelik hier, al het sy haar ouers behoorlik op haar koms laat wag. Alles het nie volgens plan verloop met die geboorte nie, vertel Talana, en ná 19 uur in kraam moes sy ’n noodkeisersnee kry. “Ek was bitter moeg en het baie pyn gehad. Toe my man en die dokter dus besluit om ’n noodkeisersnee te doen, het ek verlig gevoel en geweet die baba gaan oukei wees en ek sal eindelik kan rus.” Olivia se naam het ’n Bybelse betekenis, vertel Talana: “Die olyfboom is ’n simbool van vrugbaarheid, skoonheid en waardigheid. En dis wat ek oor my kind uitspreek elke keer wanneer ek haar naam noem.” Haar man is net so trots,…

BRONNE: NOVA969.COM.AU, USMAGAZINE.COM, ALLURE.COM, PEOPLE.COM, VARIETY.COM, IMDB.COM, DAILYMAIL.CO.UK, RANKER.COM…

Volgens die Bloemfonteinse prokureur Richard Chemaly neem ouers soms verkeerdelik aan hulle kan ophou onderhoud betaal wanneer hul kinders 18 word. “Ouers is finansieel vir hul kinders verantwoordelik tot die kind selfstandig is en vir homself kan sorg.” Volgens Richard is daar spesiale gevalle wat die hof sal oorweeg. “Vir ’n kind met downsindroom of wat verstandelik gestremd is, sal ouers tot die einde van die kind se leeftyd moet onderhoud betaal. Maar in die geval van ’n kind wat ’n universiteitsgraad het of wat geleenthede tot sy beskikking het en dit nie benut nie, kan die ouers self besluit wanneer om op te hou onderhoud betaal en die hof sal vanweë die omstandighede in die ouers se guns beslis.” Hy sê as ouers nie onderhoud betaal nie, kan die…

BRAAIVLEISSTOWE MET CHEDDARPOLENTA * OORSKIET: BRAAIVLEIS GENOEG VIR 4 MENSE  BEREIDING: 10 MIN.  GAARMAAK: 35-40 MIN. ◗ 15 ml (1 e) olyfolie◗ 3 uie, in skyfies gesny◗ 4 knoffelhuisies, fyngekap◗ 250-300 g gaar oorskietbraaivleis, in stukkies gesny◗ 250 ml (1 k) beesvleisaftreksel◗ 5 ml (1 t) mielieblom gemeng met 15 ml (1 e) water◗ sout en vars gemaalde peper GREMOLATA ◗ ’n hand vol vars pietersielie◗ gerasperde skil van 2 suurlemoene◗ 1 knoffelhuisie, fyngekap POLENTA ◗ 375 ml (1 ½ k) polenta◗ 125 ml (½ k) gerasperde beleë cheddar 1 Verhit die olie in ’n kastrol en smoor die uie tot sag. Voeg die knoffel by en roerbraai tot geurig. 2 Voeg die braaivleis by en roerbraai nog 5 min. Voeg die aftreksel en mielieblommengsel by en roer tot die…

3D-MUURPAPIER KINDERS WENK Wanneer jy ’n kinderkamer opkikker, kies ’n primêre kleur wat muurprente of plakkate sal komplementeer. KRY DIT HIER DREAMWEAVER STUDIOS 011-262-4946, DREAMWEAVERSTUDIOS.CO.ZA; HERTEX 021-914-3390, HERTEX.CO. ZA; ROBIN SPRONG WALLPAPER 021-447-9842, ROBINSPRONG.COM; SMART ART 021-447-0872, SMARTART.CO.ZA; STICKY THINGS 083-720-9694, STICKYTHINGS.CO. ZA; WALLPAPER INN 021-447-9842, WALLPAPERINN.CO.ZA HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFER NIE VERANTWOORDELIK GEHOU KAN WORD NIE.…

Stuur voorstelle en versoeke na geldsake@huisgenoot.com. E-pos sal sover moontlik in die rubriek beantwoord word en nie persoonlik nie. WAAR jy ook al in die land woon, kan uiterste weerstoestande soos storms, koue en brande groot skade aan jou huis aanrig. Maar hoe eis jy vir meubels wat beskadig word weens ’n dak wat lek? Val dit onder gebouversekering of huisinhoudversekering? Ons kyk na van die algemeenste eise weens winterweerskade en hoe jy kan seker maak alles is behoorlik gedek en hoe om te verhoed dat jou eis dalk misluk. O WEE, DIE REËN Dekking teen waterskade vir jou gebou en huisinhoud soos meubels weens ’n lekkende dak of oorstromings is gewoonlik standaard in polisse. Die dak as deel van jou huis se struktuur word onder jou gebouversekering gedek. Jou…

FLIEKVLOOI Meisies is almal dieselfde: Jy neem een fliek toe en sien uit na ’n aangename aandjie, maar dan wil sy na die rolprent kyk . . . LEON KRUGER NUWE SPAN Klaas was altyd ’n Stormers-aanhanger, maar besluit toe om die Haaie te ondersteun. “Hoekom skree jy dan nou vir die Haaie?” vra sy buurman. “Want my dokter het gesê ek moet opwinding probeer vermy,” antwoord Klaas. LITA SCHOON GOEIE VRAAG Hulle sê baie mense sterf van alkohol, maar besef hulle hoeveel word vanweë alkohol gebore? HELENA, KEMPTON PARK KAT EN MUIS Kat jaag Muis in die wynkelder rond. In ’n desperate poging om te ontsnap gee Muis ’n sprong tot bo-op ’n wynvat. Ongelukkig vir Muis val hy in die wyn en sluk ’n klomp drank. Nou, lekker…

DIT WAARVOOR EK STAAN DZL Die enkelsnit vertel van die swerwersleefstyl van ’n sanger wat meestal op pad is na die volgende dorp. Daarom is dit belangrik om te onthou waar jy vandaan kom. Dis ’n lekkerluisterpolsende popliedjie wat ’n treffer op die dansbaan kan word. Wanneer die sangpaar, Andries Hendrik Potgieter en Wiaan Fourie, nie op die verhoog is nie, is hulle in die bos besig met natuurbewaringsprojekte. “Ons is geseënd om sang en natuurbewaring te kan kombineer,” sê Andries Hendrik. STUKKENDE VLERK ELME CHURR ’n Enkelsnit met ’n inspirerende boodskap. Die tema is dat die hemel soms ver kan voel, maar gewone mense kan ook engele wees en lig in ’n donker situasie skyn. Klein dingetjies maak ’n groot verskil, sê Elme. Met folk/countryondertone val die lied goed…

SELFLIEFDE Haar jongste liedjie, Ur So Beautiful, kan na “jouself, ander of enigiets verwys”, sê die 15-jarige Grace. Sy glo selfliefde is belangrik. ‘Ek dink baie mense het hulp hiermee nodig; hopelik sit my liedjie ’n glimlag op iemand se gesig.’ Roem Niemand in haar skool het van haar sangtalent geweet tot hulle haar AGT-oudisie gesien het nie. Nadat sy roem gesmaak het, wou ál meer leerders pouses by haar sit, het sy al vertel. ‘Ek weet nie of hulle regtig my vriende wou wees en of hulle die meisie van AGT se pel wou wees nie,’ sê Grace. BLYTHE THOMAS DIE ‘NUWE TAYLOR SWIFT’ Grace het op 12 die beoordelaars van die talentsoekreeks America’s Got Talent (AGT) uitgeboul toe sy met haar ukulele en goue stem ’n oudisie afgelê…

LEES ALLES Op 88 gaan Warren steeds die meeste weekdae kantoor toe en lees tot ses uur per dag. Dit stel hom in staat om maatskappyrekenings noukeurig na te gaan sodat hy die fynste besonderhede kan raaksien wat hy hoop ander misgekyk het. Sy beleggingstyl is grotendeels deur die boek The Intelligent Investor deur Benjamin Graham beïnvloed wat in 1949 die eerste keer verskyn het. Twee reëls uit die boek volg hy getrou. Nommer een: Moet nooit geld verloor nie. Nommer twee: Moet nooit reël een vergeet nie. BELÊ MET PASSIE As jy emosioneel is oor belegging, gaan jy nie goed vaar nie, het Warren al gesê. Tog is hy passievol oor die maatskappye wat hy steun en word hy dikwels gesien waar hy hul produkte gebruik. KOOP GOEIE ONDERNEMINGS…

SOU jy ’n hemp wat by alles pas ’n week lank elke dag kon dra sonder om dit een keer te was? Gagga, dink jy dalk, maar dít is die uitdaging wat my redakteur aan my stel: Ek moet kyk of ’n mens ’n enkele kledingstuk dae aaneen kan dra en steeds fatsoenlik lyk – en ruik. Ongewaste klere is glo deesdae in sommige kringe die in ding, sien – en dit alles om die aarde se onthalwe. Vra maar vir die gevierde modeontwerper Stella McCartney. Sy het onlangs erken sy was selde wasgoed en volg die reël dat jy niks hoef skoon te maak tensy dit absoluut nodig is nie. “Ek is self ongelooflik higiënies, maar ek’s nie juis ’n aanhanger van enige soort skoonmaak nie,” het sy gesê.…

Joe Jonas en Sophie Turner Die 29-jarige sanger is wel onlangs eers getroud met die 23-jarige aktrise, maar hy is reeds gewoond aan sy besige lewe as ’n Instagram-eggenoot. Hy deel nie net oulike kiekies van die beeldskone Sophie op sy Instagramblad nie; hy is ook tydens hul wittebrood in Positano, Italië, gekiek waar hy sy lyf fotograaf hou. Kristen Stewart en Stella Maxwell Die aktrise en die Victoria’s Secret-model (albei 29) het gerugte bevestig dat hulle hul twee jaar lange romanse hervat het toe hulle onlangs alte liefies met mekaar op ’n luukse seiljag aan die Amalfi-kus in Italië was. ‘Elke week ontdek ek nog iets van haar waaroor ek mal is – dis wonderlik’– CHRIS OOR ELSA Chris Hemsworth en Elsa Pataky Chris (35), Elsa (43) en hul…

‘Die trust se gebruik van die woord “kleinkind” is duidelik’-’N LOS ANGELES-REGTER ’n Mens verwag half ’n model se kind moet hul ma se goeie gene erf. Tog laat die jongste foto’s van Damian Hurley, die 17-jarige seun van die model en aktrise Liz Hurley, jou twee keer kyk. Jy wonder ’n oomblik: Is die kiekie van ’n blouoogskoonheid met ’n welige bos hare ’n foto van Liz (54) in haar jeugjare wat onlangs ontdek is? Toe nie: Dis Damian daai. Hy spog met ’n beeldskone vroulike voorkoms vir die bekendstelling van ’n velsorgreeks. Sy modelloopbaan is nie al gebied van sy lewe waarin hy sukses behaal nie. Hy het vandeesmaand ’n regsgeding teen sy oupa die multimiljoenêr dr. Peter Bing gewen. Dié het probeer keer dat Damian toegang tot…

CHOPARD BOND STREET-BOETIEKOPENING LONDEN TREVORLIVE-GALA NEW YORK…