Indholdsfortegnelse for 5-Sep-19 i Huisgenoot

1 FAMILIE SE GROOT SKOK NÁ WREDE MOORD ’n Kaapse familie rou nadat Lynette Volschenk se lyk, opgekap en in swartsakke geplaas, in ’n woonstel in Bellville gevind is Mag God haar familie en vriende deur dié moeilike tyd dra. Wanneer jy opstaan, vrees jy al vir jou lewe en wonder: Is die monster ’n vertroueling of vreemdeling? DRIEKIE Die Weskusgemeenskap, familie en vriende is stukkend. Nie net oor die sinnelose dood nie, maar ook oor die manier waarop haar liggaam verrinneweer is. MARINDA Ek weet nie hoe hierdie arme familie dit ooit gaan verwerk nie. Dit voel asof ek net kan huil oor al die sinnelose moorde op vroue elke dag. TINA Mag die Vader geregtigheid laat geskied. En mag Hy haar familie en vriende vertroos met liefde deur…

’NVLIETENDE oomblik lank het die vrees aan hom kom knaag – so erg dat hy in ’n koue sweet uitgeslaan het. Sê nou haar antwoord is nie “ja” nie … Maar teen daardie tyd was daar vir Manie Jackson geen omdraaikans meer nie. Toe het die gewilde sanger reeds tydens die Krone-konsert in Pretoria op die verhoog op een knie voor sy droomvrou gesak en ’n diamantring uit sy sak gehaal – en dít voor die oë van meer as 8 000 mense. Terwyl die skare hul asem ophou, het Christel Coetzee (35) ook op die verhoog gekniel om haar kêrel iets te vra. “Ek wou by hom weet of hy regtig vir ’n leeftyd saam met my kans sien,” vertel die fyngeboude blondine ’n paar dae later. Toe neem…

DIE arme koningin Elizabeth. Die afgelope paar maande was beslis nie die moeilikste tyd in haar byna sewe dekades op die troon nie – daarvoor moes sy al te veel krisisse trotseer – maar dit was sowaar ook nie aldag maklik nie. Nie net is haar lieflingseun, prins Andrew, opnuut betrek by die skandaal rondom die veroordeelde seksmisdadiger Jeffrey Epstein ná dié se onlangse dood nie (sien die storie op bl. 18), maar ’n rits ander paleisprobleme versuur haar dae sedert haar 93ste verjaardag in April. Soos altyd hanteer sy die drama met haar kenmerkende waardigheid: stil en privaat agter geslote deure. Maar dat sy haar bloubloedkroos agter dieselfde geslote deure streng aanspreek oor al die skandes waarby hulle betrek word, is nou maar wors. Ons kyk na al die…

IN ’N EIERDOP Eiers is ryk aan noodsaaklike voedingstowwe. Dit wemel van vitamiene en minerale, onder meer cholien, wat baie belangrik is vir selbou en ’n gesonde senuweestelsel. Een eier bevat 6 g proteïen en 5 g goeie vet asook belangrike aminosure in die ideale verhouding. Hoewel die cholesterolvlakke hoog is (meestal is dit die “goeie cholesterol” HDL – hoëdigtheidslipoproteïen), is vasgestel dat dit nie die bloedcholesterolvlakke van die meeste mense beïnvloed nie. Drie eiers per dag word nou as die nuwe norm beskou. Die geregistreerde dieetkundige Mariza van Zyl bevestig dat ’n gesonde mens 2-3 eiers per dag kan geniet as deel van ’n gebalanseerde eetplan. EKSTRA BRON: HEALTHLINE REUSAGTIGE EGGS BENEDICT-BROODJIE Dié oorgroot broodjie is ’n heerlike variasie op die bekende eggs benedict wat met salm en…

Tref die oog in geel Dié vrolike kleur word oral op die loopplank gesien en is die grootste kleurtrend vir lente 2019. Wees dapper en dra verskillende skakerings geel saam, of versag dit met gedempte kleure. Hoe ook al – jy sal ’n stelling maak. Pret met blomme Blomme is vleiend, vroulik en effens flirterig. Meng jou blombont met ander patrone, maar hou by ’n soortgelyke kleurpalet. Veelsydige rompe ’n Romp bly ’n staatmaker. Belê nou in ’n sagte een met oulike patrone of ’n vloeiende styl. As jy dit werk toe dra, kombineer dit met formeler items wat jou voorkoms professioneel afrond. KRY DIT HIER BARETHREADSFASHIONS.COM; BILLABONG 042-200-2600; CONTEMPO.CO.ZA; COTTON ON 011-784-0218; DUNNS 011-541-3111; EDGARS 0800-203-925; FOSCHINI 0860-104-764; H&M 021-826-7300; LOVISA 021-702-4545; MILADYS 031-313-5500; MRP 0800-21-25-35; QUEENSPARK 021-460-9400; WOOLWORTHS…

Stuur voorstelle en versoeke na geldsake@huisgenoot.com. E-pos sal sover moontlik in die rubriek beantwoord word en nie persoonlik nie. BAIE werkende huisgesinne sukkel om kop bo water te hou te midde van stygende lewenskoste en die uitdagende ekonomie. In metrogebiede het sowat 30% van huishoudings met ’n inkomste die afgelope jaar agterstallig geraak met die betaling van hul rekeninge, toon Old Mutual se Spaar-en-beleggingsmonitor 2019. En dít nadat hulle reeds besnoei het op uitgawes soos kruideniersware, vermaak, vakansies en dinge soos sigarette. Waar kan ’n mens nog die skêr inlê? 1 KYK OF JY GOEDKOPER VERSEKERING KAN KRY Bepaal hoeveel minder jy vir presies dieselfde begrafnis-, huisinhoud-, motor-en gebouversekering by ’n ander versekeraar sal betaal. Baie mense stel dit uit omdat hulle dink dit is te veel moeite, maar deesdae…

PAN SATERDAG E.TV 19:30 ’n Jong seun (Levi Miller) word na die betowerende wêreld van Neverland weggevoer. BINNELANDERS DINSDAG KYKNET 19:30 Naomi (Je-ani Swiegelaar) doen haar bes om Chanel en René te oorreed om met mekaar te praat. THE ENEMY WITHIN M-NET 21:00 Die span werk onder die dekmantel om ’n booswig aan te keer. Met Morris Chestnut.…

GRIL-EN-RIL-KARAKTER Hy het al voorheen ’n slegte ou gespeel, maar sy jongste rol “vat die koek wanneer dit kom by die donkerte van my karakters”, sê Laudo Liebenberg (35). In die tweede seisoen van die senutergende speurreeks Die Byl vertolk dié akteur en hoofsanger van aKing ’n gril-en-ril-karakter wat kol. Piet van der Bijl (Waldemar Schultz) en sy span speurders behoorlik opdraande gee. Hulle volg alle moontlike leidrade op, maar hy ontwyk hulle voortdurend. Dit was opwindend om die wrede karakter Adriaan Klopper te speel, sê Laudo, omdat daar soveel lae en fasette aan hom is. “Soos die lae onthul word, sal kykers insig kry in waarom hy is soos hy is,” verduidelik hy. “Hy’t ’n vendetta teen Byl, en ’n lang geskiedenis van trauma en geweld wat hom die…

EK IS OPPAD TANJA STORM ’n Heerlike album met 10 liedjies waarmee die sangeres van Mosselbaai tussen verskillende genres beweeg. Snitte wat uitstaan, is Jou Liefde Is ’n Leuen (met ’n bluesrock-inslag), Vergader Jou Skatte (blues-jazz) en Blues vir Jou (ligte rock). Die slotliedjie, Laksman, sluit ’n pakket van moetluistermusiek af. ALLES NET VIR JOU SONJA LOCHENBERG Haar derde album het deurlopende ondertone van moderne country, met ligte pop en rock wat tussen die snitte deurslaan. Die lewendige ritme van Boertjie van die Klein-Karoo sal langarmdansers na die dansbaan lok. Behalwe die duet saam met Rudi Claase kom al die ander 12 snitte uit haar pen. LEKKER MENS ARMAND STEENKAMP ’n Opgewekte album uit die Boesmanland wat pragtig met ’n braaivleisvuur kan saamsmelt. Die konsertina, mondfluitjie en ritmiese kitaar speel…

NO. 2045 Jy kan ’n Verklarende Afrikaanse Woordeboek of Afrikaanse Woordelys en Spelreëls van die uitgewer Pharos (pharos@pharos.co.za) wen. Vul die blokraai in en gebruik die letters in die kleurblokke om die antwoord op die vraag te ontsyfer. SMS “HG” gevolg deur jou antwoord, naam en dorp/stad na 36400. Net een SMS per deelnemer word toegelaat. Net mense binne SA se grense kan deelneem. Die SMS kos R1,50. Hou die oorspronklike, volledige blokraai met jou besonderhede as bewys. Geen posstukke word as inskrywing aanvaar nie. Geen werknemers of hul gesin van Media24, Grapevine Interactive of hul reklamemaatskappye mag deelneem nie. Die sluitingsdatum is 26 September 2019. Gaan na huisgenoot.com om die volledige bepalings en voorwaardes te sien. VRAAG WATTER WATERLIEWENDE PLANT IS TER SPRAKE? SKOMMEL DIE LETTERS IN DIE KLEURBLOKKIES…

KASSIE-BROERS Finn se ouer broer, Nick Wolfhard (21), hou ook sy lyf akteur en is te sien in die nuwe wetenskapsfiksiereeks The InBetween. Hul ma, Mary Jolivet, is ’n kunstenaar, en hul pa, Eric, ’n draaiboekskrywer. SY PAD NA ROEM Hoewel dié boorling van Vancouver, Kanada, al in 2013 sy debuut op die silwerskerm gemaak het in die sterbelaaide dramafliek Aftermath teenoor Keira Knightley, het hy eers in 2016 roem verwerf as Mike Wheeler in die eerste seisoen van die Netflix-trefferreeks Stranger Things. DEEL TWEE Finn (16) het in 2017 sy verskyning gemaak as Richie Tozier in die gruwelfliek It, wat gegrond is op die gruwelkoning Stephen King se boek van 1986. In die opvolgfliek, wat op 6 September hier begin, speel die Amerikaanse komediant Bill Hader (41) die ouer…

THARIEN BASSON (30), SKOONHEIDSTERAPEUT Hierdie LEWE Gewone mense in hul eie woorde ‘EK’S ’n Kalaharikind, so verskoon my aksent. Ek het op ’n plaas buite Upington grootgeword. Ek was ’n vloedbaba. Ek is gebore in die Gordoniahospitaal in November ’88 toe daar hierdie huge vloed met die rivier in die dorp was. Op die plaas was ek vry. Ons het geswem in die dam en perdgery; ons het onder die sterre aan die slaap geraak, partytjies op die plaas gehou en vierwiel gery. Ek dink nie stadsmense ken daai lekker plaaslewe nie. My pa het geboer met lusern, wild, koring en mielies. Ons het ’n padstal en ’n gastehuis ook gehad. You name it; my pa het dit gedoen. My ma is ’n gekwalifiseerde skoon-heidsterapeut, maar sy het nooit rêrig…

’NWARE vriend is altyd daar vir jou, maar in sommige gevalle word dié sêding letterlik uitgeleef. Soos in die merkwaardige verhaal van Morris en Champy. Dié twee is altyd aan mekaar se sy, want Champy se breë agterstewe is Morris se gunstelingplek – en bewaar die een wat hom daar probeer wegvat. Die swart kat en kastaiingbruin perd, albei sewe jaar oud, deel so ’n hegte band dat hulle alles saam doen. Morris, kiertsregop op sy beste pel se rug, is dolgelukkig om die wêreld vanuit hul kampie te bekyk. “Hulle is hul lewe lank beste maats,” sê hul eienaar, Jennifer Boyle, wat met ’n hele swetterjoel diere op ’n kleinhoewe in Nieu-Suid-Wallis, Australië, woon. Sy het Morris by ’n katskuiling aangeneem en sê Champy het dadelik belangstelling in die…

’NMENS kan die twee siersteengeboue in die noordelike voorstede van Kaapstad nie miskyk nie. Tussen gegoede gesinshuise met lowergroen tuine reik die Seesigen Tafelsigwoonstelblok in Loevenstein 12 verdiepings hoog in die lug op. Seesig, wat snaaks genoeg geen uitsig op die see bied nie, se naam sal nou sinoniem word met een van die grusaamste moorde nog in Suid-Afrika. Lynette Volschenk (32), ’n plattelandse vrou van Velddrif aan die Weskus wat as tekenaar by ’n ingenieursfirma in Bellville gewerk het, se verminkte liggaam is op Donderdag 22 Augustus omstreeks 11:00 in haar bloedbesmeerde woonstel, no. 1 001 op die 10de verdieping van die Seesig-woonstelblok, aangetref. Teen druktyd was dit onbekend of sy opgekap of opgesaag is, maar van haar liggaamsdele is in verskeie swartsakke in ’n woonstel in die gebou…

BAASSPEURDER? Nie hy nie … Hy het heeltemal te veel trane gestort om met so ’n titel te spog. Noem hom sommer net Ben – of kapt. Ben Booysen wanneer jy nou regtig moet. Hy het lankal vergeet hoeveel keer die trane spontaan oor sy wange gerol het, sê Ben (58). Of hoe dikwels hy snags natgesweet uit ’n donker nagmerrie wakker geskrik het, en hoe die een ná die ander hartverskeurende stuk getuienis gedreig het om hom te knak. Meer as drie jaar lank, as hoofondersoekbeampte in die opspraakwekkende Krugersdorp-moordsaak, was dit sy werklikheid. En in dieselfde drie jaar het hy aand ná aand dieselfde gebed gebid: “Here, laat my sien; help my om geregtigheid te laat geskied.” ’n Volle 47 keer het Ben die drie swaar kratte vol…

▪ As jy ’n dag saam met enigiemand in die wêreld kan deurbring, wie sal dit wees? Die musikant Tom Waits. Ek wil saam met hom musiek maak en pub crawl. ▪ Wat is een ding wat jy nog graag wil bemeester? Ek wil leer klavier speel. ▪ Jou gunstelingliedjie? Talking Heads se This Must Be the Place. ▪ Jou gunstelingmusiekgroep? Die Amerikaanse rockgroep Queens of the Stone Age. ▪ Gunstelingakteur? Philip Seymour Hoffman, ster van flieks soos Boogie Nights, Magnolia, Happiness en Capote. Hy is in 2014 oorlede. ▪ Die TV-reeks waarvan jy nie genoeg kan kry nie? Die Amerikaanse sitkom Arrested Development. ▪ Wat is jou gunstelinggereg om te kook? Peri-peri-hoender.…

NO. 2 299 NEEM SO DEEL Vul die blokraai korrek in, skryf die letters in die kleurblokke neer en gebruik dit om die antwoord op die vraag te ontrafel. SMS “HG”, gevolg deur jou antwoord, naam en dorp/stad na 36400. Net een SMS per deelnemer word toegelaat. Die SMS kos R1,50. Net mense binne SA grense kan deelneem. Die wenners sal die oorspronklike, voltooide blokraai en hul besonderhede moet verskaf. Geen werknemers of hul gesinne van Media24, Grapevine Interactive en hul reklamemaatskappye mag deelneem nie. Die sluitingsdatum is 26 September 2019. Kyk op huisgenoot.com vir die volledige bepalings en voorwaardes. WEN ’N WOORDEBOEK PLUS KOM IN AANMERKING VIR DIE MAANDELIKSE TREKKING VAN R1 000. VRAAG: WATTER SOORT GEDIG OF LIED IS TER SPRAKE? PHAROS WOORDEBOEKE (’N DRUKNAAM VAN NB-UITGEWERS) GEE…

GROOT BLOKRAAI NO. 2293 GROOT BLOKRAAI NO. 2293 Antwoord: konsert PHAROS-TWEETALIGE WOORDEBOEK C.S. Swanepoel, Brackenfell FOTOBLOKRAAI NO. 2039 R. Erasmus, Kroonstad J. Pansegrauw, Oudtshoorn KOPKRAPPER FOTOBLOKRAAI NO. 2039 Antwoord: tjokka VERKLARENDE AFRIKAANSE WOORDEBOEK M.M. Botha, Ceres AFRIKAANSE WOORDELYS EN SPELREËLS D. Theron, Hoekwil KODERAAI NO. 397 ONS KOMPETISIE-WENNERS Kry die name van al die wenners van Huisgenootkompetisies op ons webtuiste. Gaan na huisgenoot.com/wenners.…

HY IS die prins van skandale: Deur die dekades was daar al bewerings van ontrouheid, belastingontduiking en dat hy sy bevoorregte posisie misbruik. ’n Mens kry immers nie byname soos Randy Andy en Airmiles Andy deur tuis in jou knooptruitjie met jou neus in ’n boek te sit nie … Tog het prins Andrew dit nog altyd reggekry om hom uit verknorsings te wikkel, grotendeels danksy die feit dat sy ma haar tweede – en glo gunsteling – seun jare lank agter haar formidabele skans beskerm het. Koningin Elizabeth het onlangs weer so gemaak en haar seun digby haar gehou terwyl die jongste smerigheid vinnig onder die mat gevee is. Die prins het wêreldwyd die nuusopskrifte gehaal toe die veroordeelde pedofiel Jeffrey Epstein homself in sy tronksel in New York…

DIT het skokgolwe deur die land gestuur toe Gavin Watson, die grootbaas van die dienstemaatskappy Bosasa, op Huisgenoot se sakdag in ’n motorongeluk by die O.R. Tambo-lughawe in Kempton Park dood is. In ’n nuwe boek oor die omvang van die omkoopgeld wat sy maatskappy glo die afgelope jare aan grootkoppe in die regering betaal het, vertel die skrywers James-Brent Styan en Paul Vecchiatto hoe Bosasa tenders en vrywaring teen vervolging verseker het in ruil vir vet rolle kontant, braaipakke en handsakke. Die boek is onder meer gegrond op die maatskappy se voormalige bedryfshoof Angelo Agrizzi se getuienis in die Zondo-kommissie se ondersoek na staatskaping. Hier volg ’n verkorte en geredigeerde uittreksel uit dié boek, The Bosasa Billions. DIE KLEIN SWART BOEKIE ’n Klein swart boekie wat in ’n…

STEAK-EN-TAMATIES MET BRANDRISSIE-KRUIESOUS GENOEG VIR 4 MENSE (AS HOOFGEREG) BEREIDING: 15 MIN. GAARMAAK: 15 MIN. STEAK ◗ 2 x 250-300 g lende-, kruisskyf- of picanhasteaks◗ sout en vars gemaalde peper◗ 15 ml (1 e) olyfolie◗ 15 ml (1 e) botter KRUIESOUS ◗ 15 ml (1 e) koljandersaadjies, gerooster en grofgemaal◗ 2 brandrissies, fyngekap◗ 2,5 ml (½ t) fyn komyn◗ 2 knoffelhuisies, fyngekap◗ sap en fyngerasperde skil van 1 suurlemoen◗ 125 ml (½ k) olyfolie◗ ’n hand vol vars pietersielie, fyngekap◗ sout en vars gemaalde peper SLAAI ◗ 750 g gemengde babatamaties, gesny soos verkies◗ 1 rooi-ui, in dun skyfies gesny VIR AFRONDING ◗ 150 g sagte mozzarella (in stukke geskeur) of beleë cheddarskaafsels (opsioneel)◗ ekstra pietersielie Voorverhit die oond tot 230 °C. Hou ’n bakplaat byderhand. 1 Steak Geur die…

SO HET ONS DIE MUURPANEEL GEMAAK ▪ Saag een blad Supawood (’n goedkoop alternatief vir hout) in stroke van 100 x 1 800 mm elk. Jy kan ook die ysterwarewinkel vra om dit vir jou te doen. Spasieer die stroke ewe ver uitmekaar (ons s’n is 60 cm uitmekaar) en heg dit teen die muur met behulp van ’n boor en skroewe. ▪ ’n Uitstalrak is boaan die paneel bygevoeg, ook uit stroke Supawood. Die hoogte trek jou oog opwaarts. ▪ Ons het ons stroke en die stukke muur tussenin met Dulux 30BB 31-043 geverf. ▪ Ons het die muur daarbo wit gehou, soos die plafon, vir ’n gevoel van ruimte. KRY DIT HIER @HOME 0860-576-576, HOME.CO.ZA; AIRLOOM 021-932-6318, AIRLOOM.CO.ZA; BIGGIE BEST 021-534-8662, BIGGIEBEST.CO.ZA; BLOCK & CHISEL 0870-150-181, BLOCKANDCHISEL.CO.ZA; CHIPBASE…

As jy ’n persoonlike probleem het, skryf gerus aan Liewe Elize, Posbus 1802, Kaapstad 8000 of elize@huisgenoot.com. Of SMS LIEWE ELIZE gevolg deur jou vraag na 36489. Elke SMS kos R1. VERLIEF OP ’N VEEL OUER MAN V Ek kort raad. Ek gaan met ’n man uit wat 15 jaar ouer as ek is. Ons kom goed klaar. Hy is geskei en het twee kinders, maar dit pla my geensins nie. Is dit verkeerd? Anoniem op L A Wanneer dit by verhoudings kom, is ouderdom dikwels nie net ’n syfer nie. Wat ’n uitwerking daarop het, is nie soseer die ouderdomsverskil nie, maar of daar ’n generasieverskil is. As julle albei byvoorbeeld herinnerings aan die 1980’s en ’90’s het, is die kans op sukses groter as wanneer jy herinnerings van…

Besoek ons webtuiste, huisgenoot.com, vir ’n daaglikse horoskoop. WEEGSKAAL 23 SEP – 22 OKT Soos met ’n tipiese Weegskaal is jou verhouding met jou geliefde waarskynlik jou grootste prioriteit. Maar dié week oordoen jy dit dalk. Of jy oorboord gaan om hulle tevrede te stel, te toegeeflik is, konflik vermy of jou blind staar teen hul tekortkomings, jy skiet jouself heel moontlik in die voet. Soos met alle ander dinge moet jy ’n balans handhaaf. Dis ’n kwessie van gee en neem. GELUKKIGE NOMMERS 1, 49, 32, 24, 37, 50 SKERPIOEN 23 OKT – 21 NOV Hierdie week is wie jy ken dalk effens belangriker as wat jy weet. Dit beteken jy sal moet tyd maak om met ander te meng, al is jy ’n privaat en stemmige Skerpioen. Of…

ANDER MENS ★★★ Aksiekomedie. 2019. Met Bennie Fourie, Marlee van der Merwe en Frank Opperman. Regisseur: Quentin Krog. 16TNG. 105 min. Hierdie fliek se gitswart humor sal jou meevoer. As jy gedink het jý het al ’n slegte dag beleef, moet jy Daniël Niemand (Bennie Fourie) ontmoet. Dié bleeksiel met die gepaste van bevind hom pens en pootjies in ’n nagmerrie. Sy vrou, Pauline (Roeline Daneel), verlaat hom vir hul huweliksberader, Schalk (Tim Theron). Die ongewenste sameloop van gebeure veroorsaak dat Daniël, wat eintlik ’n ongeluksvoël is, per ongeluk ’n groot misdaad pleeg. Boonop ontdek hy Frank Redelinghuys (Frank Opperman), sy werkgewer by ’n konstruksiemaatskappy, is eintlik ’n misdaadbaas – en dié bied aan om hom uit sy penarie te help. Maar hoekom? En hoe moet hy nou die polisie…

Lizette het my van ’n tiekieboks gebel en haar stem was dof, asof sy met haar hand voor haar mond praat om die skaamwoorde tussen lippe en die telefoonlyn te keer. Sy het gevra dat ek haar moet kom besoek. In Pollsmoor … Dit het my maande geneem om myself sover te kry om uit te vind wanneer besoektye is en om by haar uit te kom. Vanoggend het ek opgestaan met die wete dat dit tyd is. “Vyftig jaar oud,” sê die beampte, meer vir haarself as vir my. Ja, knik ek. In die album wat ek gistermiddag in my studeerkamer gaan haal het om vir ons buurvrou Esmarie te wys hoe my tannie lyk, kon ek net een foto van haar kry. Ek is in ’n rooi-en-roomkleurige stootwaentjie.…

HET jy al ooit gewonder hoekom jou kat teen jou been skuur of spin wanneer hy op jou skoot sit? Hoekom lyk dit asof miere almal ’n onsigbare paadjie na hul voedselbron volg? Wat sê al die voëls vir mekaar so vroeg soggens? Diere kan dalk nie soos ons woorde gebruik om te praat nie, maar hulle kommunikeer beslis met mekaar oor kos, vriendskap, voortplanting en gevaar. Kommunikasie is die proses waartydens inligting of ’n boodskap gestuur en ontvang word. Diere maak van ’n groot verskeidenheid seine gebruik om inligting oor te dra. Dié seine word op verskeie maniere van een dier na ’n ander oorgedra. CHEMIESE SEINE Diere kan met mekaar kommunikeer deur middel van reuk. Feromone is ’n chemiese stowwe wat deur diere afgeskei word om belangrike boodskappe…

’n Groot oorsaak van slegte skuld onder Suid-Afrikaners is swak finansiële geletterdheid omdat verbruikers min finansiële opvoeding kry, sê Neil Roets, die uitvoerende hoof van die skuldberadingsfirma Debt Rescue. “Wanneer mense ’n inkomste begin verdien, is hulle dikwels nie toegerus vir die slaggate wat met kredietuitreiking saamgaan nie. Die regering kan verbruikerskuldprobleme drasties verminder deur deeglike finansiële onderrig op skoolvlak te gee rakende die koste van krediet, die verantwoordelike gebruik daarvan, lewenskoste en goeie en swak skuld.” Hy beklemtoon daar moet meer aandag gegee word aan skuldberading en meen dit sou goed wees as die regering dit vir lae-inkomsteverbruikers sou subsidieer. “Skuldberading is sedert 2007 ’n suksesvolle hulpmiddel vir verbruikers. Baie mense, veral dié in die onder-R7 500-inkomstegroep, kan egter nie altyd die regsfooie wat dikwels met skuldberading saamgaan, bekostig…

MET die intrapslag in die spoghuis teen die hange van die Helderberg buite Somerset-Wes besef ’n mens gou: Hier’s niks gewoons aan dié woning nie. Wanneer jy buite die boonste vlak van die donkergrys kolos stilhou, wag twee wit porseleinhonde jou weerskante van die voordeur met sy donkerhout en glaspanele in. Dan stap jy oor die swarten-wit teëls en met ’n paar gryswit betontrappies af na ’n middelverdieping. Van daar kyk jy in die muur aan die oorkant van die onderste vlak vas. En daar hang dit: soveel skilderye en portrette in soveel verskillende style dat dit jou asem behoorlik wegslaan, met geraamde foto’s en gebedskrale tussenin. Maar hoe dan anders as besonderse dekor; dis immers die geleentheidsbeplanner en televisieaanbieder Aleit Swanepoel (45) wat hier woon. “Die vorige huis was…

KATIE HOLMES en Jamie Foxx, wat altyd baie privaat was, se verhouding het stilstil doodgeloop. Die paartjie is glo ná ses jaar uitmekaar. Hoewel mense in die binnekring beweer die akteurs is al ’n ruk lank nie meer saam nie, het dit eers vroeër vandeesmaand die nuus gehaal toe Jamie (51) afgeneem is waar hy met die 21-jarige sangeres Sela Vave hande vashou. Kort nadat die veelseggende foto’s aanlyn opgeduik het, het ’n bron aan die tydskrif Page Six gesê hulle het gehoor hoe Katie (40) vir ’n vriendin by die New Yorkse restaurant La Esquina sê: “Wat Jamie doen, is sy besigheid. Ons is al maande lank nie meer saam nie.” Toe die tydskrif ’n ander vriend van die aktrise kontak, het dié mens bevestig die twee het sedert…

HUSTLERS-FOTOSESSIE LOS ANGELES CARNIVAL ROW-PREMIÈRE LOS ANGELES…