Indholdsfortegnelse for 26-Sep-19 i Huisgenoot

1 SA ROU OOR BOKHELD SE SKIELIKE DOOD Huldeblyke het ingestroom vir Chester Williams, die vierde lid van die 1995-Wêreldbekerspan wat dood is – net maande ná sy vriend James Small Aan sy geliefdes: Julle het ’n goeie man en vader verloor. En die land een van ons groot rugbylegendes. Chester, ons gaan jou mis. Rus in vrede, ons held. MARIA Hy was die een Bok na wie niemand ’n vinger kon wys oor sy gedrag weg van die speelveld nie. Mag sy gesin in hierdie swaar tyd berusting en vrede vind. JOHAN Rus in vrede, Chester. Die hemel het nog een van ons geliefde rugbylegendes ryker geword. My innige meegevoel aan jou familie en al jou vriende. ANNA My innige meegevoel aan Chester se familie. Ek weet dis nie…

‘Ons het nie toeskouers in SA nie. Ons het ondersteuners. Hulle kan soms vir jou kwaad word, maar hulle bly ondersteuners, en hulle kén rugby’ DIE oomblik waarop hy ons Bokke al ’n jaar lank voorberei, het eindelik aangebreek: Die Groenen-Goud is in Japan, en Rassie Erasmus en sy nasionale rugbyspan mik nou na ’n sege in die Wêreldbekerrugbytoernooi. Kort ná Huisgenoot se druktyd – terwyl dié uitgawe op die rakke is – sou die Springbokke die Nieu-Seelandse All Blacks in hul eerste amptelike wedstryd van dié toernooi aandurf. Maar Rassie se span kon toe reeds breed glimlag, want hulle het die gasheerspan in hul opwarmingswedstryd behoorlik ore aangesit. En met hul oorwinning van 41-7 teen Japan kon die Springbokke eindelik vir daardie vernederende nederlaag teen dié land in die…

BEELDSKONE vroue wat in skrapse klere voor die kameras wriemel en dans terwyl ’n man die middelpunt van die aandag is – dís die soort toneel wat deur die jare al in hoeveel musiekvideo’s afgespeel het. Dié keer is die ou wat voor die kameras kletsrym op die oog af ’n bleeksiel met ’n outydse truitjie, strikdas en netjies gekamde kuif – maar dis die refrein wat almal op hol het: Dames, sê my wat jou naam is, my naam is Adrianus . . . Natuurlik heet hy nie regtig Adrianus nie; hy is Adrian Entwistle, oftewel Biggy, soos hy in die musiekwêreld bekendstaan – en die musiekvideo van sy treffer “Dames” is teen druktyd al 2,1 miljoen keer op YouTube gekyk nadat dit in Mei op die videoplatform gepubliseer…

CHERMOULA- SKAAPRIBBETJIES MET SEESOUT EN SUURLEMOEN GENOEG VIR 6-8 MENSE (AS ’N HAPPIE) BEREIDING: 10 MIN. MARINEER: 2-3 UUR OF OORNAG BRAAI: 20 MIN. ◗ 750 g - 1 kg gesnyde lamsribbetjies MARINADE ◗ 15 ml (1 e) fyn komyn◗ 5 ml (1 t) fyn koljander◗ 10 ml (2 t) paprika◗ 2,5 ml (½ t) sout◗ 250 ml (1 k) vars koljanderblare, fyngekap◗ 250 ml (1 k) pietersielie, fyngekap◗ 60 ml (¼ k) olyfolie◗ 4 knoffelhuisies, fyngekap◗ 1-2 brandrissies, fyngekap◗ sap van 1 suurlemoen AFRONDING ◗ 1-2 suurlemoene, in wiggies gesny◗ seesout na smaak 1 Pak die ribbetjies in ’n niemetaalbak. 2 Marinade Klits al die bestanddele goed saam en giet oor die vleis. Maak seker die ribbetjies is oraloor bedek. Laat 2-3 uur of oornag in die yskas marineer.…

As jy ’n persoonlike probleem het, skryf gerus aan Liewe Elize, Posbus 1802, Kaapstad 8000 of elize@huisgenoot.com. Of SMS LIEWE ELIZE gevolg deur jou vraag na 36489. Elke SMS kos R1. TRAUMA IN JEUG SPOOK STEEDS V Ek kry terugflitse na my kleintyd toe dit sleg gegaan het in ons huis wanneer sekere gaste ons besoek het. Ek kan nie praat oor dit wat soos ’n kanker in my groei nie. Soms wonder ek of ek die kluts kwyt is en my net verbeel dinge het gebeur toe ek klein was. Ek het my ma destyds vertel, maar sy het my net ’n klap gegee. Nou is ek met ’n liewe man getroud, maar ek begin skielik enige toenadering van hom wegwys. Ek is gedurig bekommerd oor die veiligheid van…

’n Ruimtevaarder op soek na antwoorde Dit gons nog oor Brad Pitt se uitmuntende spel in die nuwe Quentin Tarantinofliek, Once upon a Time in Hollywood. En nou kry Brad Pitt dit weer reg in sy jongste rolprent, Ad Astra, wat “na die sterre” in Latyn beteken. Dié wetenskapsfiksiefliek is boonop deur Brad self vervaardig. Die ruimtevaarder Roy McBride (gespeel deur Brad) reis letterlik na die sterre op soek na die waarheid oor die verdwyning van sy ruimtevaarder-pa, Clifford McBride (gespeel deur Tommy Lee Jones), 30 jaar tevore. Daar word vermoed ruimteeksperimente van sy pa bedreig nou die aarde en Roy gaan soek na die waarheid. “Dit is die uitdagendste rolprent waaraan ek nog gewerk het,” sê Brad. Die fliek wys hoe Clifford sy land in die steek laat met…

KRY STYL – JESUS S’N Deur STEPHAN JOUBERT (R165*) “Ek is nie ’n geestelike smous nie. Daar is nie ’n klomp geloofsprodukte in my hand wat ek aan belangstellendes en niebelangstellendes moet probeer verkoop nie. Ook beskou ek Jesus nie as die passiewe verskaffer van sodanige godsdienstige dienste en produkte nie. As hy maar net die uitdeler van die produk ‘ewige lewe’ sou wees, het mense Hom mos nie meer nodig nadat hulle dit bekom het nie. Ek werf nie ‘siele’ asof ek deel van ’n hemelse werwingsmaatskappy is nie.” So skryf Stephan Joubert in sy jongste boek oor hoe om vars oor die uitleef van ’n mens se geloof te dink. “Maar denke alleen is nie genoeg nie. Inligting ook nie. Ons kort ’n nuwe styl – Jesus s’n.”…

Besoek ons webtuiste, huisgenoot.com, vir ’n daaglikse horoskoop. SKERPIOEN 23 OKT – 21 NOV Hou vandeesweek op met die dolle gejaag, skuif sosiale bedrywighede opsy en bring tyd alleen deur. Dis so reg in ’n teruggetrokke Skerpioen se kraal. Dis ’n gunstige tyd om diep te delf, of jy nou oor die geheime van die heelal wil nadink of sielsondersoek wil doen en jou innerlike wêreld wil verken. Jy sal baat vind by tyd in ’n stil toevlugsoord, om alleen op reis te gaan of alleentyd in die natuur te geniet.  GELUKKIGE NOMMERS 52, 38, 3, 19, 36, 15 BOOGSKUTTER 22 NOV – 20 DES As jy ’n ware Boogskutter is, is jy waarskynlik ’n vrygewige siel met ’n oop hand. Maar dié week vereis ’n bietjie meer suinigheid sodat…

NO. 2 048 Jy kan ’n Verklarende Afrikaanse Woordeboek of Afrikaanse Woordelys en Spelreëls van die uitgewer Pharos (pharos@pharos.co.za) wen. Vul die blokraai in en gebruik die letters in die kleurblokke om die antwoord op die vraag te ontsyfer. SMS “HG” gevolg deur jou antwoord, naam en dorp/stad na 36400. Net een SMS per deelnemer word toegelaat. Net mense binne SA se grense kan deelneem. Die SMS kos R1,50. Hou die oorspronklike, volledige blokraai met jou besonderhede as bewys. Geen posstukke word as inskrywing aanvaar nie. Geen werknemers of hul gesin van Media24, Grapevine Interactive of hul reklamemaatskappye mag deelneem nie. Die sluitingsdatum is 17 Oktober 2019. Gaan na huisgenoot.com om die volledige bepalings en voorwaardes te sien. VRAAG WATTER SOORT KLEDINGSTUK IS TER SPRAKE? SKOMMEL DIE LETTERS IN DIE…

VOLGENS die Wêreldgesondheidsorganisasie kom ’n natuurramp voor wanneer ’n katastrofiese gebeurtenis plaasvind wat die daaglikse leefwyse van mense so drasties beïnvloed dat hulle skielik hulpeloos raak en swaarkry. Daar ontstaan ook ’n noodbehoefte vir klere, kos, beskerming, mediese en ander lewensnoodsaaklike dienste. Natuurrampe is die uitwerking wat vloedgolwe, aardbewings, tornado’s en sneeustortings op die mens en natuur het. Vulkaniese uitbarstings hoort ook op hierdie lys. VESUVIUS SPOEG VUUR Een van die bekendste – en steeds aktiewe – vulkane is Vesuvius in die suide van Italië naby die stad Napels. Vesuvius is bekend vir ’n reuse-uitbarsting in die jaar 79 n.C. Hierdie vulkaniese uitbarsting was vurig en vinnig. Die antieke Romeinse stede Herculaneum, Stabiae en die bekendste, Pompeii, is binne slegs 25 uur heeltemal verwoes en in puin gelê. Omdat dit…

FRANCOIS BASSON (33), PERSOONLIKE AFRIGTER EN LIGGAAMSBOUER Hierdie LEWE Gewone mense in hul eie woorde EK NEEM nie op die oomblik aan liggaamsboukompetisies deel nie, want ek het ’n ernstige besering opgedoen; ek het net ná ’n kompetisie ge­ oefen toe ek my borsspier heel afskeur. Hulle het geopereer en die spier probeer aanheg, maar ek was ’n jaar en ’n half in rehab. Ek kon my nie van ’n muur af wegstoot nie, so swak was ek. Ek het toe stelselmatig weer begin gewigte optel en oefen. Nou’s ek op ’n vlak waar ek weer wil deelneem. Maar as jy dit wil doen, is dit ’n 24/7-ding, want jy eet en slaap dit. Jou diet is konstant; jy moet dit vooruit beplan. Jy travel ver vir kompetisies, en jy…

‘Ons is mal oor Wyoming. Dis my man se droom om soontoe te trek’– KIM KARDASHIAN KANYE WEST het sy van ter harte geneem en glo na die Wilde Weste getrek. Hy het onlangs ’n veeplaas gekoop in die afgeleë Wyoming in Amerika, wat algemeen as die Cowboy-staat bekendstaan. Dié plaas net buite Cody, ’n dorp wat William “Buffalo Bill” Cody in die vroeë 1900’s gestig het, is die stoffasie van Wilde Weste-legendes. Die eiendom word Monster Lake Ranch genoem – glo omdat dit volgens die eiendomsagent se advertensie verskeie varswatermere bevat wat wemel van “reusagtige forelle”. Die eiendom van 1 821 ha, wat die rapper glo R210 miljoen gekos het, het twee huise, agt hutte, ’n restaurant, ’n geleentheidsentrum en verskeie skure. Dié nuus kom dae nadat sy vrou,…

OP SOMMIGE dae is dit moeilik om nie neerslagtig te raak oor al die uitdagings in Suid-Afrika nie. Aan slegte nuus is daar geen tekort nie: Dit gaan broekskeur met die ekonomie, die werkloosheidsyfer is hemelhoog, Eskom is op die rand van ’n afgrond, die verdoemende onthullings voor die Zondo-kommissie van ondersoek na staatskaping ken geen einde nie. Daar’s binnegevegte in die regerende party, verdelende uitsprake deur populistiese politici, gewelddadige protes en xenofobiese aanvalle. Die droogte knou steeds die boere, sinvolle grondhervorming kom maar net nie op koers nie, dienslewering lyk beroerd, bendegeweld ruk die Kaapse Vlakte, die amptelike moordsyfer is skokkend hoog, en oral sukkel gewone mense om die pot aan die kook te hou – soms om te oorleef. Dis genoeg om jou moed te breek. Maar ondanks…

DIT was nie sommer net skinderpraatjies nie: Onder haar dak het jy sowaar van byna net water en liefde geleef . . . Dat sy ’n vrou van vele talente is, is gewis. Sy is een van die gewildste sangers in Afrikaans, ’n TVaanbieder, modelmooi en boonop ’n raakvatterma van drie. Maar ’n voorslag in die kombuis? Nie Karlien van Jaarsveld nie. Sy kan dan skaars ’n eier kook . . . “My grootste bekommernis op my troudag was eenvoudig: Ek het nie geweet wat ek vir die man gaan maak om te eet nie,” spot die blondekop oor haar bedenklike kookvernuf en haar vrese voor haar troue met die sakeman Joe Breytenbach in 2017. Maar nou het die koningin van ek-kannie-kook-nie se eie kookboek pas op die rakke verskyn.…

KRY DIT HIER @HOME 0860-576-576, HOME.CO.ZA; BIGGIE BEST 021-534-8662, BIGGIEBEST.CO.ZA; BLOCK & CHISEL 087-015-0181, BLOCKANDCHISEL.CO.ZA; CORICRAFT 021-508-5200, CORICRAFT.CO.ZA; MRP HOME 0800-212-535, MRPHOME.COM; OSMAN’S 021-696-2231, OSMANS.CO.ZA; SHEET STREET 0800-212-535, SHEETSTREET.COM; SUPERBALIST 087-362-7300, SUPERBALIST.COM; TAKEALOT.COM; THE CRAZY STORE 0861-111-281, CRAZYSTORE.CO.ZA; VOLPES 041-402-6842, VOLPES.CO.ZA HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE.…

Dié program skryf nie voor op presies watter dae jy wat moet doen nie; dus is dit aanpasbaar. Maar beplan jou week so dat daar minstens een rusdag tussen oefendae is. “Rus is net so belangrik soos die oefendae – dit gee jou lyf die tyd om te herstel en by die oefening aan te pas,” sê Steve. “Onthou om ook tydens die oefensessies jou eie liggaam te lees: Moenie dit oordoen nie.” WEEK 1 EN 2 20 minute, 3 keer per week In die eerste 2 weke gaan jy net stap: 20 minute gemaklike stap, 3 keer per week. Dis nie ’n slenterstap soos op ’n rustige wandeling in ’n winkelsentrum nie, maar stap met ’n doel – asof jy op pad is na ’n uitverkoping en voor in…

Stuur voorstelle en versoeke na geldsake@huisgenoot.com. E-pos sal sover moontlik in die rubriek beantwoord word en nie persoonlik nie. JOU mediese fonds dek nie noodwendig al jou koste as jy in die hospitaal is nie. ’n Chirurgiese prosedure kan byvoorbeeld baie duurder wees as die maksimum wat jou fonds uitbetaal. Die res moet jy self betaal. Lede van ’n mediese fonds kan bykomende versekering genaamd gapingsdekking uitneem. Die doel van gapingsdekking is om te voorsien vir die verskil tussen jou finale hospitaalrekening en dit wat die mediese fonds uitbetaal (indien die mediese-fonds-uitbetaling te min sou wees). Gapingsdekking sal ook vir sekere uitgawes buite die hospitaal betaal. Lees egter die fyn druk mooi – ook gapingsdekking betaal nie vir alles nie. HIER IS DIE 10 ALGEMEENSTE UITSLUITINGS 1 Wanneer jou mediese…

FANTASTIC BEASTS AND WHERE TO FIND THEM SATERDAG E.TV 19:30 ’n Skrywer (Eddie Redmayne) moet towerwesens terugkry wat uit sy tas ontsnap het. ANIMAL KINGDOM DINSDAG M-NET 22:00 Deran (Jake Weary) betrek Adrian by die familiesaak. RAY DONOVAN E.TV 22:00 Seisoen 4 begin vanaand. Ray (Liev Schreiber) is aan die herstel ná die skietery.…

HARDE WERKER Die boorling van Washington het tydens sy drie jaar as musiekstudent aan die Tisch-kunsteskool saans as kelner gewerk en tussendeur sy musiek opgeneem. Toe hy in Junie vanjaar in Los Angeles was om ’n platekontrak met Epic te onderteken, moes hy in sy hotelkamer vir sy eindeksamen studeer. INSPIRASIE Onder sy inspirasies is groot name soos John Mayer, Sade en die rapper T-Pain. “Hulle is baanbrekers,” sê hy. Hy’s ook versot op die sangeres Billie Eilish. INKWERK As hy van die lirieke van een van sy liedjies op sy lyf kan tatoeëer, sal dit uit sy liedjie “Magnolia” wees. “Ek het dit lank gelede geskryf. Die lirieke wat ek sal gebruik, is: I’m here.” DEURBRAAK Rence (21) het al in gr. 8 begin musiek maak en onsverlede jaar…

Disney Junior vier hierdie lente die dierbare karakters van party van jou gunstelingreekse. Legkaarte, boeke, speelgoed en poppe is landwyd by kleinhandelaars beskikbaar. Kry jou eie Fancy Nancy Clancy, Vampirina, Puppy Dog Pals, The Lion Guard en natuurlik almal se gunstelingmuis: Mickey. WEN Een leser sal ’n Disney-geskenkpak van R6 000 wen! Die geskenkpak sluit in ’n sagte speelding, aksiefiguur, troeteldierkarweier, aktiwiteitsboek en inkleurboek (Puppy Dog Pals); ’n bromponiestel, boo-tastic-rugsakstel, Hauntley-’s mobile, ghoul-poppe en tin of wonder (Vampirina); ’n legkaart, sagte speelding met klank en 25 cm-figuur op ’n voetstuk (Mickey Muis); ’n aktiwiteitsboek (Fancy Nancy); ’n speletjie (Lion Guard); DVD’s (Disney Junior) en ’n sagte speelding (Muppet Babies). SMS* die woord DISNEY, die antwoord op die vraag en jou naam en afleweringsadres bedags. Stuur dit voor 10 Oktober om…

HY WAS ’n knaap van skaars 16, klein, het nog nie eens geskeer nie, toe sers. Kappies Marais sê: “Mouton, vandag val jy by D-seksie in.” Dit was die seksie waar die politieke gevangenes aangehou is – die “ters” soos die bewaarders sommer onder mekaar gepraat het. Hulle was 25 beginnerbewaarders wat die vorige dag op ’n grou Robbeneiland aangemeld het, pas klaar met ses maande se opleiding aan die John Vorsteropleidingskollege op Kroonstad. Dit was 1974, die tyd toe seuns nog verpligte diensplig moes doen. Hy het korrektiewe dienste gekies, of die ou gevangenisdiens. Die omheinde buitelugarea waar die gewone politieke gevangenes hout moes kap, was as “die draadkamp” bekend. “Ek het voor die ingang gaan staan. Oorkant my was ’n stuk of 50 manne, boonop met byle. Ek…

Wag, is hulle twee ’n paartjie? Lily Allen (34) het gerugte van ’n verrassende nuwe romanse met David Harbour (44), een van die sterre van Stranger Things, aangeblaas toe die twee saam in ’n moltrein in Londen opgemerk is. Onlangs is berig die sangeres se platemaatskappy het haar die trekpas gegee nadat haar laaste twee albums swak gevaar het. Gelukkig lyk dit of dit darem beter gaan met Lily se liefdeslewe as met haar musiekloopbaan. Jong liefde Prinses Alexandra van Hannover (20), die jongste dogter van prinses Caroline (62) van Monaco, en haar kêrel van ’n paar jaar, Ben-Sylvester Strautmann (20), het alte verlief gelyk toe hulle tydens ’n vakansie in Sardinië die sonskyn terdeë geniet het. Hou dit in die familie Dis moeilik om met Hayden Panettiere se liefdeslewe…

IN DIE glashokkie langs die rugbyveld in Nieu-Seeland rem die gewig van die nederlaag swaar aan sy skouers. Die Springbokke stap kop omlaag van die veld af terwyl die seëvierende All Blacks in die toe juiging van die toeskouers baai. Maar Peter de Villiers hou sy gesig uitdrukkingloos, want hy weet die kameralense is in dié bitter oomblik op hom gerig. Terwyl hy hom begin staal vir die vrae van ’n kritiese media, bliep sy selfoon. “Vergeet van die game. Jy is steeds die beste pa,” lees die boodskap op die skermpie. Hy trek sy skouers terug en is reg om weer die spelers op die veld te bemoedig. Dit was 2011 en die Bokke het pas ’n Drienasies-toetswedstryd verloor, ont hou ons voormalige nasionale breier. En soos altyd in…

KARLIEN KAN NIE KOOK NIE DEUR KARLIEN VAN JAARSVELD EN IZELLE HOFFMAN; FOTO’S: THEANA BREUGEM (LAPA UITGEWERS, R320) DIE PRYS WAS KORREK TEEN DRUKTYD EN IS ONDERWORPE AAN VERANDERING SONDER VOORAFKENNISGEWING. OONDGEROOSTERDE HOENDERDYE MET VINKEL EN UI GENOEG VIR 4 MENSE BEREIDING: 10 MIN. GAARMAAK: 30 MIN. ◗ 1 groot vinkelbol◗ 1 groot rooi-ui◗ 45 ml (3 e) olyfolie◗ 5 ml (1 t) woestyn-of pienk sout◗ 2,5 ml (½ t) growwe swartpeper◗ 8 hoenderdye◗ 5-7 ml (1 ruim t) knoffel, gekap◗ 30 ml (2 e) rou heuning◗ 1 heel suurlemoen◗ 5 ml (1 t) droë pietersielie◗ 10-12 ml (2 ruim t) uiepoeier◗ 10 ml (2 t) droë knoffel vlokkies◗ vars vinkelblare, fyngekap◗ 1 suurlemoen, in skywe gesny Voorverhit die oond tot 200 °C en bespuit ’n bakplaat met kossproei. 1…

NAAM: MEG RINGDAL INSTAGRAM @mindthecurvesza VOLGELINGE 10 400 WEBTUISTE mindthecurves.com NAAM: NADIA ABOULHOSN INSTAGRAM @nadiaaboulhosn VOLGELINGE 619 000 WEBTUISTE nadiaaboulhosn.com NAAM: CYNTHIA GWEBU INSTAGRAM @cgwebuofficial VOLGELINGE 31 800 WEBTUISTE cynthiagwebu.com NAAM: JAY MIRANDA INSTAGRAM @pinklip VOLGELINGE: 32 300 WEBTUISTE jaymiranda.com KRY DIT HIER EDGARS 0800-203-925; GUESS 087-150-2220; MILADY’S 0800-310-290; MRP 0800-21-25-35, QUEENSPARK 021-460-9400; SUPERBALIST.COM; WOOLWORTHS 0860-022-002; YDE 021-406-2800 HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOOR-DELIK GEHOU KAN WORD NIE.…

KRY DIT HIER @HOME 0860-576-576, HOME.CO.ZA; BIGGIE BEST 021-534-8662, BIGGIEBEST.CO.ZA; BLOCK & CHISEL 087-015-0181, BLOCKANDCHISEL.CO.ZA; CORICRAFT 021-508-5200, CORICRAFT.CO.ZA; HOME ETC. HOMEETC.CO.ZA; MRP HOME 0800-212-535, MRPHOME.COM; PEP HOME 0860-737-000, PEPSTORES.COM; SHEET STREET 0800-212-535, SHEETSTREET.COM; SUPERBALIST 087-362-7300, SUPERBALIST.COM; VOLPES 041-402-6842, VOLPES.CO.ZA HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE.…

1 Kry goeie drafskoene wat die nodige ondersteuning bied. Dié skoene voel dalk duur, maar dis noodsaaklik om beserings te verhoed, veral as jy op ’n teerpad gaan hardloop. Maak ’n draai by ’n goeie sportwinkel waar ’n kenner kan raad gee. 2 Dra klere wat gemaklik en lig is en waarin jou liggaam kan “asemhaal” – liefs nie katoen of wol nie, sê Ndyebo. 3 Eet iets ligs wat baie koolhidrate bevat voor jy draf. Probeer om te eet 120 tot 90 minute (tussen 2 en 1½ uur) voor jy begin hardloop. 4 Strek jou bene vooraf. “Dis baie belangrik om te strek en jou spiere op te warm, veral as jy iemand is wat onfiks is of van 9 tot 5 in ’n kantoor sit,” sê Ndyebo. 5…

WATERSLIM Spaar water met dié planne om jou plante nat te hou. WATER UIT WYNBOTTELS Spoel ’n leë wynbottel deeglik uit. Vul dit met water, sit die kurk weer in (maak seker dis stewig) en druk ’n sosatiestokkie of steekpen deur die kurk. Plaas die bottel onderstebo in jou plantpot. Die water sal stadig uitsypel en die grond klam hou op warm, droë dae of wanneer jy vir die naweek weggaan. NIE NET VIR BABA NIE Voer die bodem van plantpotte met babadoeke uit – met die absorberende kant na bo – voor jy potgrond byvoeg. Die doeke sal die grond help vog behou en keer dat water onder uitdrup. Dié plan is nuttig vir hangmandjies en vlak potte. KOFFIEBLAASKANS Plaas ’n koffiefilterpapier onder die grond in jou pot om…

AS JY DINK JY WEET RUHAN DU TOIT Sy debuut-solo-enkelsnit bewys dié sanger kan nie ’n voet verkeerd sit nie. As lid van Touch of Class het hy gehore gaande gehad met sy weergawe van “The Sound of Silence”, en met dié enkelsnit kan hy dieselfde doen. Die lirieke verwys na kere dat mense in verhoudings nie duidelik oor hul gevoelens kommunikeer nie. STORIE LOKI ROTHMAN Hy het 10 jaar gelede bekend geword as ’n uitmuntende kitaarspeler in die TV-program SA’s Got Talent, waarna hy saam met talle groot name as musikant op die verhoog geklim het. Nou wys hy hy kan ook sing: “Storie” is die eerste enkelsnit vanaf sy komende debuutalbum. Die liedjie gaan oor die maak of breek van ’n verhouding. IZIIIT? IRENE-LOUISE VAN WYK ’n Pop-enkelsnit…

DIEP GEDINK ’n Eksentrieke filosofieproffie stap die eksamenlokaal binne, tel sy stoel op sy lessenaar en lig die klas in dat die eksamenvraestel uit net een vraag bestaan: “Gebruik alles wat julle die afgelope semester geleer het om te be wys dat die stoel nie bestaan nie.” Twee uur lank krap almal kop en skryf bladsye vol, behalwe een student wat ná ’n minuut opstaan en uitstap. Toe die punte bekendgemaak word, is hy die enigste een met ’n A-simbool. Sy antwoord het uit net twee woorde bestaan: “Watter stoel?” HELENA, KEMPTON PARK OP LEWE EN DOOD “Jou lewe of jou geld,” gryns die rower. “In hemelsnaam, neem my lewe,” kom die antwoord. “Ek spaar my geld vir my oudag.” LEON KRUGER G’N GEBLAF V: Hoekom is daar geen honde…

NO. 2 302 NEEM SO DEEL Vul die blokraai korrek in, skryf die letters in die kleurblokke neer en gebruik dit om die antwoord op die vraag te ontrafel. SMS “HG”, gevolg deur jou antwoord, naam en dorp/stad na 36400. Net een SMS per deelnemer word toegelaat. Die SMS kos R1,50. Net mense binne SA grense kan deelneem. Die wenners sal die oorspronklike, voltooide blokraai en hul besonderhede moet verskaf. Geen werknemers of hul gesinne van Media24, Grapevine Interactive en hul reklamemaatskappye mag deelneem nie. Die sluitingsdatum is 17 Oktober 2019. Kyk op huisgenoot.com vir die volledige bepalings en voorwaardes. WEN ’N WOORDEBOEK PLUS KOM IN AANMERKING VIR DIE MAANDELIKSE TREKKING VAN R1 000. VRAAG: WATTER KUNDIGE IS TER SPRAKE? PHAROS WOORDEBOEKE (’N DRUKNAAM VAN NB-UITGEWERS) GEE DRIE EKSEM-PLARE VAN…

DIE arme hertogin van Sussex … Sedert sy naam gemaak het as die glansryke skoonheid wat die hart van ’n eens rebelse prins gesteel het, word van haar verwag om ’n lewe te lei wat hemelsbreed verskil van alles wat sy geken het. Spontaniteit moes vir protokol plek maak, en skielik is daar talle reëls wat nougeset gevolg moet word. Sy moes haar klerekas afwater, etiket aanleer en verhoudings probeer kweek met mense met wie sy min gemeen het. Toe sy die ma van klein Archie word, het die publiek verwag sy sal met haar kleinding voor almal paradeer – en toe sy weier, is sy skerp veroordeel. Sy is inderdaad tussen twee wêrelde vasgevang … en dit was nog nooit duideliker as in die afgelope paar weke nie. Meghan,…