Indholdsfortegnelse for 5-Dec-19 i Huisgenoot

1 ‘SCHUMI SE VROU STEEK WAARHEID OOR HOM WEG’ Willi Weber, voormalige bestuurder van Michael Schumacher, is onsteld omdat die eksrenkampioen se vrou, Corinna, hom glo van Schumi weghou Schumi, 11 jaar lank was jy die beroemdste gesig in motorsport. Jy was en is steeds my groot held. Ek gun jou nou hierdie privaat tyd saam met jou familie. ZULEIKA Sy hoef nie foto’s uit te reik nie. Maar om soms in ’n mediaverklaring te sê hoe dit met hom gaan, sal nie skade doen nie. Dis goeie maniere teenoor sy ondersteuners. WILMA Gun en respekteer hul privaatheid. Jare lank was Schumi die “eiendom” van aanhangers. Sy familie was op die agtergrond. Hy het voor sy ongeluk uitgetree. LOUISE Ek versorg ’n dogter sedert haar motorongeluk in 2005. Deur mense…

1. BROSBROOD MET SJOKOLADE-EN-KARAMEL LEWER 20-24 VIERKANTE BEREIDING: 30 MIN. BAK: 15-20 MIN. VERKOEL: 1 UUR 5 MIN. BROSBROOD ◗ 200 g koekmeel◗ 30 g kakaopoeier◗ 175 g ongesoute botter◗ 75 g strooisuiker KARAMEL ◗ 150 g botter◗ 380 g kondensmelk◗ 100 g gouestroop SJOKOLADE ◗ 300 g witsjokolade Voorverhit die oond tot 180 °C. Smeer ’n 22 x 22 cmbakpan en voer met bakpapier uit. 1 Brosbrood Meng al die bestanddele met jou vingerpunte tot die mengsel soos broodkrummels lyk. Druk dit dan met die agterkant van ’n lepel in die bakpan vas. Bak 15-20 min. in die oond tot goudkleurig en kompak. Haal die pan uit die oond en laat dan heeltemal afkoel.2 Karamel Meng al die bestanddele in ’n kastrol oor lae hitte tot die botter gesmelt…

▪ Suid-Afrikaanse Depressie-en-angsgroep (Sadag)-geestesgesondheidslyn: 011-234-4837 ▪ Sadag-krisislyn: 0800-567-567 ▪ Cipla-24-uur-geestesgesondheidshulplyn: 0800-456-789 ▪ Pharmadynamics-polisie-en-traumalyn: 0800-20-50-26 ▪ Adcock Ingram-depressie-en-angshulplyn: 0800-70-80-90 ▪ Destiny-hulplyn vir jeugdiges en studente: 0800-41-42-43 ▪ Departement van maatskaplike ontwikkeling se 24-uur-middelmisbruikhulplyn: 0800-12-13-14 (SMSS 2312) ▪ Akeso-24-uur-psigiatriese reaksie-eenheid: 0861-435-787…

TWEEDE VIOOL “Rugby is vir jou belangriker as ons huwelik,” verwyt ’n vrou haar man. “Dit is nie waar nie,” stry hy. “Dis dan al ons vierde seisoen saam!” JOHANNA, BRAKPAN PESSIMIS ’n Stadsjapie knoop ’n geselsie met ’n Karooboer aan: “En hoe gaan dit op die plaas?” “Medium.” “Hoe bedoel jy nou?” “Slegter as laas jaar, maar beslis beter as volgende jaar.” ROELFIE NUWE INSIG V: Wat is ’n tiener? A: Iemand wat maak dat sy ouers eindelik snap waarom party diere hul kleintjies opvreet. LEON KRUGER ANDERSTALIG Plattelandse dokter: “Ek verwys jou na ’n internis in die stad, tant Lenie. Laat hy ’n bietjie kyk na jou simptome; hy’s baie slimmer as ek.” Lenie: “Nee, dok, ek sien nie kans nie, want hoe moet ek nou in Engels…

DIE plakkaat vir die langverwagte fliek Vergeet my nie is eindelik bekendgestel! Dié goedvoelrolprent, wat deur die ware liefdesverhaal van die Huisgenoot-lesers Mardaleen en Hugo Derks van Gobabis in Namibië geïnspireer is, is propvol drama, humor en romanse. Sean-Marco Vorster, bekend vir sy rolle in die kykNET-reeks Alles Malan en die fliek Susters, speel Hugo. Marguerite van Eeden, wat die hoofrol in die rolprent Vaselinetjie vertolk het, speel Mardaleen. Hugo en Mardaleen het mekaar op universiteit in Potchefstroom ontmoet en toevallig later in dieselfde kommune in Londen, Huis Konnetie, beland. Hier het hulle avonture saam met hul vriende beleef – en het die vonke gespat. Maar ná hul Londense romanse keer Mardaleen terug Kaapstad toe om haar loopbaan na te jaag, en Hugo gaan boer in Namibië … Die fliek…

NO. 2 058 VRAAG WATTER SOORT SKRYFSTUK IS TER SPRAKE? SKOMMEL DIE LETTERS IN DIE KLEURBLOKKIES OM DIE ANTWOORD TE VIND. LEES LANGSAAN HOE DIE KOMPETISIE WERK. Jy kan ’n Verklarende Afrikaanse Woordeboek of Afrikaanse Woordelys en Spelreëls van die uitgewer Pharos (pharos@pharos.co.za) wen. Vul die blokraai in en gebruik die letters in die kleurblokke om die antwoord op die vraag te ontsyfer. SMS “HG” gevolg deur jou antwoord, naam en dorp/stad na 36400. Net een SMS per deelnemer word toegelaat. Net mense binne SA se grense kan deelneem. Die SMS kos R1,50. Hou die oorspronklike, volledige blokraai met jou besonderhede as bewys. Geen posstukke word as inskrywing aanvaar nie. Geen werknemers of hul gesin van Media24, Grapevine Interactive of hul reklamemaatskappye mag deelneem nie. Die sluitingsdatum is 26 Desember…

Dié 14-jarige aktrise vertolk die hoofrol as die heldin Lyra Belacqua in die nuwe HBO-trefferreeks His Dark Materials, wat as die nuwe Game of Thrones gereken word. Die aktrise, wat in Madrid, Spanje, woon, het in 2014 haar TV-debuut gemaak in die televisiereeks The Refugees teenoor haar Britse akteur-pa, Will Keen (49). Haar ma is die Spaanse aktrise María Fernández Ache (50). Die jong Dafne het in 2017 in haar eerste fliek, Logan, gespeel as die Wolverine (Hugh Jackman, 51) se mutante-dogter Laura, oftewel X-23. Dié twee het saam ’n MTV Movie & TV-prys vir beste duo gewen. Vanjaar het sy ook die Britse Empire-prys vir beste nuwe aktrise ontvang. Nadat sy die rol as Lyra gekry het, moes sy die boektrilogie deur die Britse skrywer Philip Pullman, waarop die…

GILLIAN VAN OUDTSHOORN (58), EIENAAR VAN ’N KATHOTEL Hierdie LEWE Gewone mense in hul eie woorde ‘TOE ek ’n kind was, het ons elke Kersfees en elke Paasnaweek gaan vakansie hou en in ’n hotel gebly. So het ek gefassineer geraak met hotelle. Die groot swaaiende deure wat na die kombuis lei, die skoon wit linne, die aandetes en die Kerspartytjies. Ek was mal daaroor. Ek besluit toe om ná skool in die hotelbedryf te gaan werk. Oor die jare het ek toe in verskeie bekende hotelle in bestuursposisies gewerk. Ook in ’n paar luukse vyfsterhotelle wat op die strand geleë was en baie eksklusief was. Dan was ons gaste eintlik meer buitelanders as plaaslike mense; hulle het ’n baie eksklusiewe hotelervaring gekry. Die gaste kon ’n aroma therapy-bad by…

UIT ’n vlammehel oorkant die pad kruip ’n koalabeertjie. Die rook trek uit sy pootjies, wat erg verbrand is. Die vel aan sy snoet is geskroei en hy is oortrek met rou wonde waar die vlamme aan sy lyf gelek het. Hy lyk verward terwyl hy oor die warm teerpad hinkepink. Maar aan dié kant van die Oxley-hoofweg in Nieu-Suid-Wallis in die ooste van Australië brand die vuur óók rooiwarm … Skielik verskyn ’n motor, en ’n vrou spring uit. Sy sit die koalatjie agterna, trek haar wit hemp uit en gooi dit oor hom terwyl hy sy kort armpies na haar uitstrek en luidkeels weeklaag van die pyn. ’n Video van dié roerende toneel is al miljoene kere gekyk nadat dit aanlyn gedeel en versprei is. In die video…

Wil julle vir ons iets sê? Die sangeres Halsey en haar kêrel, Evan Peters, is in Los Angeles gewaar waar hulle alte verlief lyk – en het mense opnuut laat wonder of sy swanger is. Wittebroodfase? Die sanger Justin Bieber en sy vrou, Hailey, het onlangs in Los Angeles op sy elektriese fiets gery en gelyk asof hulle die getroude lewe geniet. Mel se klein metgesel Mel Gibson was ’n kaalvoetpa aan diens toe hy onlangs sy jongste seun, die tweejarige Lars, by ’n maatjie in Malibu gaan haal het. Hulle is so lank! Charlize Theron en haar kinders, August (4) en Jackson (8), is onlangs afgeneem terwyl hulle kruideniersware koop – en kyk net hoe groot het die kinders geword!…

JY KAN maar sê dit was liefde met die eerste oogopslag toe Snotkop oor die drumpel van die luukse dubbelverdiepinghuis in Southbroom in Kwa-Zulu-Natal stap. “Ek het ingestap en eers die uitsig oor die see bewonder, en in my geestesoog het ek net gesien: vriende, familie, parties en Kersfees,” vertel die sanger waar hy nou op die houtdek van dié huis op die see sit en uitkyk. Hy móés dit eenvoudig hê – en nou ís hy ook die eienaar van hierdie indrukwekkende strandhuis. “Ek is mal oor Bali en Thailand, en ek wil hier voel of ek op ’n eiland is,” vertel hy oor die kleurryke dekor. Met die intrapslag lyk dit inderdaad soos ’n tropiese paradys. Palmtakke vorm ’n motief deur die huis – jy sien dit op…

As jy ’n persoonlike probleem het, skryf gerus aan Liewe Elize, Posbus 1802, Kaapstad 8000 of elize@huisgenoot.com. Of SMS LIEWE ELIZE gevolg deur jou vraag na 36489. Elke SMS kos R1. MAN KAN NIE BESLUIT NÁ HUL AFFAIR V Ek was al ’n paar jaar getroud en ons het kinders gehad toe ek iemand anders ontmoet het. Ons het ’n affair gehad en ek het van my man geskei. Die ander man het ná ’n ruk sy vrou gelos en by my en die kinders ingetrek, maar daarna by ’n familielid gaan bly. Hy was meer as 20 jaar getroud en het nie kinders nie. Hy sê hy weet nie meer wat hy met sy lewe wil maak nie. Tog vertel hy my hoe lief hy nog vir my is.…

Besoek ons webtuiste, huisgenoot.com, vir ’n daaglikse horoskoop. STEENBOK 21 DES – 20 JAN Dié week kan jou ingebore Steenbok-karaktereienskappe vir jou ’n stremming of ’n seën wees. Terwyl nugter gewoontes en verantwoordelike optrede jou beslis geld kan bespaar, kan swartgalligheid en oorversigtigheid tot verspeelde kanse lei. Wat jou loopbaan betref, sal ambisie en dissipline jou die suksesleer help klim, maar werk sonder om te speel lei tot saaiheid. Boonop kan jy ’n pretbederwer genoem word as jy die lewe te ernstig opneem. GELUKKIGE NOMMERS 41, 18, 23, 1, 51, 21 WATERDRAER 21 JAN – 18 FEB As ’n Waterdraer is jy waarskynlik besorg daaroor om die welstand van die aarde en sy bewoners te bevorder. Aangesien dit ’n week is om deel van ’n groep te wees pleks van…

NO. 2 312 NEEM SO DEEL Vul die blokraai korrek in, skryf die letters in die kleurblokke neer en gebruik dit om die antwoord op die vraag te ontrafel. SMS “HG”, gevolg deur jou antwoord, naam en dorp/stad na 36400. Net een SMS per deelnemer word toegelaat. Die SMS kos R1,50. Net mense binne SA grense mag deelneem. Die wenners sal die oorspronklike, voltooide blokraai en hul besonderhede moet verskaf. Geen werknemers of hul gesinne van Media24, Grapevine Interactive en hul reklamemaatskappye mag deelneem nie. Die sluitingsdatum is 26 Desember 2019. Kyk op huisgenoot.com vir die volledige bepalings en voorwaardes. WEN ’N WOORDEBOEK PLUS KOM IN AANMERKING VIR DIE MAANDELIKSE TREKKING VAN R1 000. VRAAG: WATTER EDELSTEEN IS TER SPRAKE? PHAROS WOORDEBOEKE (’N DRUKNAAM VAN NB-UITGEWERS) GEE DRIE EKSEM-PLARE VAN…

DIS die verhaal van “The Heat” en sy “Dad”. Van pa en seun; van opstaan van die krytvloer en terugveg ondanks die uitklophoue van die lewe. Maar dis ook die verhaal van die “American Dream” en ’n laaitie van Meyerton. Die konsep van die Amerikaanse droom is dat enigiemand deur harde werk en opoffering in dié land suksesvol kan wees. Selfs al kom jy van elders; selfs al is jy as een van 13 sibbes gebore. Want vandag, sê die bokser Chris van Heerden (32), lééf hy die Amerikaanse droom in Los Angeles, Amerika. As persoonlike afrigter werk hy deesdae met Hollywoodsterre soos die aktrise Jennifer Garner en die akteurs Bradley Cooper, Sylvester Stallone en Sam Rockwell. Onder sy vriende is nog twee Suid-Afrikaners wat die Amerikaanse droom uitleef: die…

WANNEER sy ons land vandeesmaand in die Mej. Heelalkompetisie verteenwoordig, sal dit met die gerusstellende wete wees dat haar pa daar in Atlanta, Georgia, in die gehoor is om haar aan te moedig. “Ek moet erken ek is ’n pappa­ sedogter,” sê Zozibini Tunzi, ons huidige Mej. Suid-Afrika, kort voor haar vertrek na Amerika aan Huisgenoot. Vir Zozi, soos sy genoem word, is haar pa, Lungisa, haar steunpilaar sedert sy as ’n skaam sesjarige die eerste keer aan ’n skoonheidskompetisie deelgeneem het. Deur die jare was hy ook vir haar ’n toegewyde chauffeur, haar grootste ondersteuner en haar rots. “Ek is altyd daar vir haar,” beaam Lungisa (55) en straal van trots op sy langbeendogter se prestasie hier waar ons in Zozi (26) se stylvolle woonstel in Sandton met hulle…

Meestal word iemand wat van seksuele misdrywe beskuldig word eers geïdentifiseer nadat hy aangekla en in ‘n hof skuldig of onskuldig gepleit het. Daarom beskou die strafregkenner Llewelyn Curlewis dit as “ ‘n uitsonderlike geval’’ dat Willem Breytenbach reeds as ’n beskuldigde in ’n seksuele oortredingsaak geïdentifiseer is. “Dis ’n regstegniese aspek wat daaroor gaan dat ’n slagoffer in baie gevalle moontlik geïndentifiseer kan word wanneer die beskuldigde se identiteit bekendgemaak word,” verduidelik hy. Nog ’n knelpunt as ’n beskuldige geïdentifiseer word nog voor hy in die hof gepleit het, is dat die kans bestaan dat die persoon moontlik nie vervolg sal word nie. Beskuldig jy iemand in die openbaar van ’n ernstige oortreding soos verkragting, loop jy die gevaar om jou aan laster skuldig te maak. Laster word gekoppel…

DIS ’n werk waarvoor min mense sou kans sien – om die leier van ’n party te word wat in die nasionale verkiesing vanjaar slae gekry het en ná die bedanking van die vorige leier ’n manier moet kry om dié steun te probeer terugwen. Maar die man wat pas as die tussentydse leier van die Demokratiese Alliansie (DA) verkies is, lyk sowaar lus vir die uitdagings wat voorlê. En hy het oënskynlik ’n plan. “Die kiesers het vir ons ’n boodskap gestuur, en ons het gehoor. Ons het uitgewerk waar dinge verkeerd gegaan het, en ons gaan dit regmaak …” John Steenhuisen (43) het skaars grond gevat sedert sy verkiesing as Mmusi Maimane se opvolger, maar hy lyk nog kraakvars in sy wit hemp, bloupers das en donker broek…

MODE VIR HAAR Beskeie Bederf Besonders KRY DIT HIER AMERICAN SWISS 021-938-7510; CHICJEWELS.CO.ZA; EDGARS 0800-203-925; MEMIJEWELLERY.COM; POETRY 021-419-0020; SUPERBALIST.COM; SWATCH 011-911-1200; WOOLWORTHS 0860-022-002; ZARA 011-302-1500 HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE. MODE VIR HOM Beskeie Bederf Besonders KRY DIT HIER EDGARS 0800-203-925; OLD KHAKI 021-917-8797; SUPERBALIST.COM; THE CASIO SHOP 0874-700-221, THECASIOSHOP.CO.ZA; WOOLWORTHS 0860-022-002. HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE. SKOONHEID VIR HAAR Beskeie Bederf Besonders VERSORGING VIR HOM Beskeie Bederf Besonders KRY DIT HIER BENEFIT 0800-203-925 (EDGARS); CARMEN 0800-201-170 (DIS-CHEM); DX SMOOTH 012-674-0400; GAME 0861-4263-2273; GILLETTE 0860-254-157 (CLICKS); GOOD EARTH…

Stuur voorstelle en versoeke na geldsake@huisgenoot.com. E-pos sal sover moontlik in die rubriek beantwoord word en nie persoonlik nie. ALMAL sê jy moet so vroeg moontlik begin spaar vir jou aftrede. Maar weens jou persoonlike omstandighede was dit dalk nie prakties moontlik nie. Op ’n dag bevind jy jou skielik in jou 40’s of 50’s – en sonder ’n neseier om van te praat. Om moed te verloor sal nie help nie. Maak dadelik ’n plan. Onthou: Liewer laat as nooit. 1 MAAK ’N KOPSKUIF OOR AFTREE Baie mense tree op 60 of 65 af omdat hul indiensnemingskontrak dit so bepaal. Maar wat keer jou om aan te hou met werk en geld verdien? Danksy die mediese wetenskap en beter leefstyle is baie mense in hul 60’s deesdae gesonder as…

THE HUSTLE Komedie. Met Rebel Wilson, Anne Hathaway en Alex Sharp. Regie: Chris Addison. Penny (Rebel Wilson) is ’n kleinskaalse toe sy een slagoffer te veel bedrieg. Sy moet noodgedwonge van Amerika na Europa vlug. Josephine (Anne Hathaway) isook ’n bedrieër, maar van die gesofistikeerde soort. (Anne, ’n Amerikaner, doen weer ’n deftige Britse aksent.) Toe die twee se paaie kruis, kan hulle mekaar aanvanklik nie verdra nie, tot Josephine vir Penny in die fynere kunsies van swendelary begin touwys maak. Skreeusnaakse oomblikke volg. Die storielyn is nie nuut nie – dis basies ’n hervertelling van die 1988- met vroue in die hoofrolle.  nemies pleks van die storielyn self wat vir Dis die interaksie tussen die twee fre- die vermaak sorg. Rebel, wat ook die fliek vervaardig het, vertolk ongelukkig…

NABY MY NABY JOU VALESKA MULLER Dié liedjie het ’n elektroniese dansgevoel en meng pop, reggae en house. Die ballade bring die boodskap dat ewige liefde, wat ’n mens net een keer in jou lewe raakloop, regtig bestaan. “Ek kan myself verbeel hoe ek gaan voel wanneer ek vir die eerste keer aan sy hand vat en in sy liefdevolle oë kyk,” sê Valeska. SANDKASTELE JULANIE J “Sandkastele” is hierdie 21-jarige sangeres se tweede enkelsnit wat sy vanjaar uitreik. Die liedjie herinner ’n mens daaraan om die tyd te geniet en mekaar te waardeer terwyl julle kan. Die wysie het ’n ligte pop-inslag met ’n ritmiese koordeel wat goed op die dansbaan sal werk en beslis die voete sal laat jeuk. ONE EYE IS KING STIAAN REYNIERSE Die sanger bring…

FINE LINE Harry Styles, ’n voormalige lid van die Britse groep One Direction, het vroeg in November sy aanhangers se harte laat jubel toe hy aangekondig het sy tweede album, Fine Line, is op pad. Dié album word op 13 Desember uitgereik – net betyds om kliphard te speel by al wat ’n Desember-partytjie is! Die album volg op Harry (25) se debuutalbum met sy naam as titel wat in 2017 uitgereik is met die treffer “Sign of the Times” daarop. Sy nuwe album het al oorwurms soos Lights Up en Watermelon Sugar opgelewer. PRINS HARRY Harry is oorweeg vir die rol van prins Eric in die “regte lewe”-weergawe van The Little Mermaid – maar het dit nie aanvaar nie. Die sanger het onlangs gesê “ ’n hele “paar dinge”…

SY HET net vier maande by Microsoft gewerk toe haar baas haar op ’n afspraak vra. Dit was die briljante Bill Gates, die uitvoerende hoof van die maatskappy, en nadat hulle twee in die kantoor se parkeerterrein aan die gesels geraak het, het hy ewe saaklik gevra: “Sal jy Vrydagaand oor twee weke saam met my uitgaan?” Melinda Gates lag toe sy aan daardie oomblik in 1987 terugdink. “Ek was ’n jong meisie; ek het nie geweet hoe my Vrydagaand oor twee weke sou lyk nie. Ek het hom geterg en gesê: ‘Dis nie regtig spontaan genoeg vir my nie.’ Toe vra hy my foonnommer. ’n Uur later het hy my by my woonstel gebel en gevra: ‘Wel, wat van vanaand?’ ” Dit was strate beter. Die afspraak was vir…

ROOIBOS groei links en regs van die sandpad wat die bande van boer Hentie se Hilux-bakkie vreet. Jy moet mooi kyk om die klein bossies met hul naaldvormige blare raak te sien, want tussendeur rank wilde waatlemoene op die grond. Dié is so bitter, nie eens die bobbejane wil dit vreet nie. Dis moeilik om te glo die omgewing se dorre witsandlande tussen die sandsteenkoppe kan ook iets so heilsaam soos rooibos oplewer. Maar hier word ’n uitvoergehalteproduk gekweek. Ons is op pad na die Uilkombuis, ’n privaat uitspanplek op die plaas hier naby Clanwilliam in die Wes-Kaap waar boer Hentie (51), ’n deelnemer aan die 12de seisoen van die kykNET-maatsoekreeks Boer soek ’n vrou, as bestuurder boer. Sy eerste onderhoud voor die TVkameras is juis by dié skilderagtige kuierplek…

SON EN SEE Die gewese Mej. Suid-Afrika Jo-Ann Strauss en haar gesin is stralerjakkers. “Ons het al tussen 10 en 20 keer oorsee gereis met die kinders,” vertel Jo-Ann. Sy en haar man, prof. Michael Held, ’n ortopediese chirurg, het ’n vyfjarige seun en twee dogters van drie en een jaar. Die gesin is dol oor Mauritius en het onlangs in Azuri in die noordooste van die eiland uitgespan. “Ons spot altyd dat my eerste reis nadat ek gekraam het na binnelandse sake was om die paspoorte uit te pluis,” sê sy. “Ons eerste kind was saam na die Berlynse Modeweek vier maande nadat hy gebore is.” WERKTYD Erica Wessels, wat in Oktober die eerste keer ma geword het, het onlangs haar baba, Stella Kato, na ’n jaareindgeselligheid geneem. Klein…