Indholdsfortegnelse for 2-Jan-20 i Huisgenoot

1 ‘KINDERS MOET NA MY KYK EN HULSELF SIEN’ Zozibini Tunzi het in ’n wêreld grootgeword waar haar natuurlike hare nie as mooi beskou is nie, maar persepsies oor skoonheid moet verander, sê ons Mej. Heelal Baie geluk aan onse Zozibini. Sy verdien dit. Sy is so pragtig en uniek. Die mededinging in Atlanta was sterk tussen die topvyf. Ons moet so trots wees op haar. THERESA Ek hou daarvan dat sy haar natuurlike hare embrace. Sy leer ons dat ons ons-self nie hoef te verander na gelang van ander se persepsies van skoonheid nie. JO-ANN Nog ’n duim in die lug vir Suid-Afrika. Eers is ons bo in sport, toe kulturele pryse en nou dié prestasie. Baie geluk, Zozibini. Ons land doen ook dinge reg! WILNA Ek is nie…

TERWYL sy die land deurkruis het om boere te help liefde vind, kon ons deur Leah se oë die deelnemers aan Boer soek ’n vrou leer ken en ontdek wie hulle by die huis is wanneer hulle ná ’n lang dag op die plaas hul vellies uitskop. Maar wie is die blonde aanbieder van kykNET se gewilde maatsoekreeks wanneer sy die stof van die plaaspaaie afgeskud het, terug is by haar eie huis en haar sandale uitskop? En hoe lyk haar lewe noudat die 12de seisoen van die reeks einde se kant toe staan? Huisgenoot het ’n kykie agter die skerms gekry toe ons by Leah (33) en haar man, Hennie van Niekerk (34), se huis in die noordelike voorstede van Kaapstad gaan inloer het. Sy ontvang ons kaalvoet, onopgesmuk…

MET sy hande agter sy kop sit hy rustig op die boonste verdieping van sy huis in “suburbia” – die man wat “wonder of daar lewe op ander planete is” en homself as “ ’n afgetrede popster’’ beskryf. Ander beskryf hom as ’n lewende legende, so koel dat die sanger Snotkop selfs ’n liedjie met die naam “Cool soos Koos Kombuis” oor hom geskryf het. Vra jy Koos Kombuis daaroor uit, lag hy net en vertel sy hond, Piet, het homself in die musiekvideo ingewurm toe sy baas vlugtig daarin verskyn het. Op 65 is hy ontspanne en sielsgelukkig, sê Koos, oftewel André le Roux, wat ook voorheen as die skrywer André Letoit bekend was. “Ek is gelukkiger as ooit tevore. Behalwe nou vir die politiek … Ek is regtig…

KRY DIT HIER ACKERMANS 0860-900-100; BATA 021-555-1747; BILLABONG 042-200-2600; EDGARS 0800-203-925; JET 0800-203-925; PEP 0860-737-000; WOOLWORTHS 0860-022-002 HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE. Gespeskoene Veterskoene KRY DIT HIER EDGARS 0800-203-925; PEP 0860-737-000; SCHOOLSHOES.CO.ZA; WOOLWORTHS 0860-022-002 HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE. Oulike rugsakke KRY DIT HIER BILLABONG 042-200-2600; EDGARS 0800-203-925; MRP 0800-21-25-35; PEP 0860-737-000; THE CRAZY STORE 086-111-281, CRAZYSTORE.CO.ZA; WOOLWORTHS 0860-022-002 HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE.…

WENK Onthou om ’n yspak by die kospakkie te sit as daar enige proteïen, veral hoender of maalvleis, in die kospakkie is. Laat die kinders liefs die proteïenryke kos met pouse eet om die moontlikheid van bederf uit te skakel. KOSBLIK 1 POUSE TORTILLA-EIERBAKKIES LEWER 6 BAKKIES BEREIDING: 15 MIN. GAARMAAK: 40 MIN. ◗ 6 snoepery-tortillas (sowat 10 cm groot)◗ 250 ml (1 k) gerasperde kaas◗ 200 g ham, in blokkies gesny◗ 150 g babatamaties, gehalveer◗ 6 eiers, geklits◗ 250 ml (1 k) melk◗ sout en peper na smaak Voorverhit die oond tot 180 °C. Bespuit 6 holtes van groot muffinpanne met kossproei. 1 Vou elke tortilla in ’n kwart. Plaas dan een in elke muffinbakkie en vou dit half oop sodat dit ’n bakkie binne-in die muffinbakkie vorm. Druk…

KERSFEES het gekom en gegaan en jy voel dalk nie heeltemal gereed om die nuwe jaar aan te pak nie. Maar daar is baie maniere om van die begin af ’n huppel in jou stap te hê – maak 2020 jou beste jaar nóg deur dié goeie oggendgewoontes aan te leer. DRAAI DIE VOLUME HARDER As jy gereeld gaan gim, durf jy waarskynlik die trapmeul aan met musiek wat jou laat wikkel. Beproef dieselfde tegniek om jou deur die oggend te kry wanneer jy nie aan die gang kan kom nie. Navorsing toon musiek met 120-145 slae per minuut – liedjies soos Pharrell Williams se “Happy” – is die beste om jou te motiveer om vinniger te draf of vir werk reg te maak. LOS JOU FOONWEKKER ’n Studie deur…

YOU Dié rillerreeks was ’n wegholtreffer toe dit in 2018 sy debuut gemaak het. Nou is die tweede seisoen hier. Die eerste seisoen het gegaan oor die New Yorkse boekwinkelbestuurder Joe Goldberg (Penn Badgley van Gossip Girl) wat eers ’n meisie, Beck (Elizabeth Lail), bekruip en later selfs met haar begin uitgaan het tot sy siek beheptheid met haar in moord geëindig het. In die slotepisode het kykers boonop gesien hoe Candace (Ambyr Childers), Joe se eksmeisie wat hy vermoor het, uit die dood herrys. In die nuwe seisoen het Joe ’n nuwe lewe in Los Angeles. En hy teiken ’n nuwe meisie – die skatryk Love Quinn, wat deur Victoria Pedretti, Eleanor in die treffergruwelreeks The Haunting of Hill House, gespeel word. OP NETFLIX ANIMANIA Soek jy na kykstof…

Besoek ons webtuiste, huisgenoot.com, vir ’n daaglikse horoskoop. WATERDRAER 21 JAN – 18 FEB Vandeesweek vind heelwat dinge agter die skerms plaas. Dit kan beteken jy kry nie die erkenning of lof wat jy verdien vir prestasies en goeie dade nie. Dus sal die beste beloning hierdie week waarskynlik wees om jouself tevrede te stel, of jy nou ’n vindingryke deurbraak in jou loopbaan maak of ’n suksesvolle filantropiese veldtog bestuur. Dit gaan moontlik ook vir jou nodig wees om handjie by te sit met ’n familielid wat siek of ongesteld is. GELUKKIGE NOMMERS 27, 49, 24, 1, 50, 11 VISSE 19 FEB – 20 MRT Die dinamiese Mars betree die week jou beroepshoroskoop, en dis presies wat nodig is om van flou idees ontslae te raak en 2020 ’n…

NO. 2 316 NEEM SO DEEL Vul die blokraai korrek in, skryf die letters in die kleurblokke neer en gebruik dit om die antwoord op die vraag te ontrafel. SMS die woord “HG”, gevolg deur jou antwoord, naam en dorp/stad na 36400. Net een SMS per deelnemer word toegelaat. Die SMS kos R1,50. Net mense binne SA grense kan deelneem. Die wenners sal die oorspronklike, voltooide blokraai en hul besonderhede moet verskaf. Geen werknemers of hul gesinne van Media24, Grapevine Interactive en hul reklamemaatskappye mag deelneem nie. Die sluitingsdatum is 23 Januarie 2020. Kyk op huisgenoot.com vir die volledige bepalings en voorwaardes. WEN ’N WOORDEBOEK PLUS KOM IN AANMERKING VIR DIE MAANDELIKSE TREKKING VAN R1 000. VRAAG: WATTER SOMERVRUGTE IS TER SPRAKE? PHAROS WOORDEBOEKE (’N DRUKNAAM VAN NB-UITGEWERS) GEE DRIE…

HOOP. Dít is wat haar deurdra – selfs ná ’n jaar van kronkelpaaie, duwweltjies en steil opdraandes. Want vir die bekende verhoudingskenner Gretha Wiid (48) was die afgelope jaar vol uitdagings. Sy wil nie meer oor dié hartseer tyd praat nie; dis agter haar en privaat. Maar ondanks dié moeilike pad kies sy om die nuwe jaar met ’n hart vol hoop aan te pak. Al het sy die afgelope jaar eerstehands ervaar hoe ongenaakbaar die lewe kan wees, bly daar vir haar die wete: Daar is altyd iets moois – selfs in die seerste seisoene van die lewe. En al kan jou omstandighede jou dalk buig, buig hoop saam, sê sy. Dié hoop dra Gretha in haar hart met die koms van die nuwe jaar en haar eie nuwe…

DIE byderwetse grys huis met die plat dak en ruim leefvertrek lyk soos die perfekte woning vir ’n gesin. Die breë stoep en gesellige kaggel het ’n prentjiemooi uitsig op die Hexriviervallei en sy wingerde, en die tuin is netjies versorg. Toe boer Theunis (37) vir die kykNETreeks Boer soek ’n vrou ingeskryf het, het hy gehoop hy kry iemand, ’n maat, om dié uitsig met hom te deel en wanneer die winter nat oor die vallei kom lê saam met hom ’n glas wyn voor die kaggel te drink. Maar dinge het baie anders vir dié boer van De Doorns uitgewerk, en hy woon steeds alleen in sy moderne huis op die heuwel … Toe hy in ’n onlangse episode sy finale keuse maak en Marcia vra om langer…

AS JY die hertogin van Cambridge deesdae so kyk, sal jy nie glo dié koninklike was eens op ’n tyd so bang vir toesprake dat haar assistente ’n plan moes beraam ingeval haar senuwees haar in die steek laat nie. Moenie vooraf aankondig Kate gaan praat nie, was hul goue reël. Dan sal niemand teleurgesteld wees as sy vries nie. En as sy wel die moed bymekaarskraap vir ’n toespraak, sal almal verheug wees. Maar deesdae is sulke plannetjies nie nodig nie. Kate hanteer al haar openbare verskynings met gemak en betower almal met haar glimlag en sjarme. “Sy is nie meer die ‘gewone meisie’ wat met ’n prins getrou het nie, maar die toekomstige koningin en die ma van die toekomstige koning, geliefd by koningin Elizabeth, haar personeel en…

ONTBYTBURGERS LEWER 8 BURGERS BEREIDING: 15 MIN. GAARMAAK: 20 MIN. VLEISKOEKIES ◗ 1 steel seldery, gesny◗ 3 hoenderborsfilette, in blokke gesny◗ 1 groot patat, geskil en gerasper◗ ½ ui, geskil en gerasper◗ 125 ml (½ k) hawermout◗ 1 x 410 g-blik pitmielies, goed gedreineer◗ 2,5 ml (½ t) sout◗ olyfolie, vir braai BURGERS ◗ 8 Engelse muffins, oopgesny◗ 30 ml (2 e) mayonnaise◗ 150 g kaas, in skyfies gesny◗ 1-2 tamaties, in skyfies gesny (opsioneel) 1 Vleiskoekies Plaas die seldery en hoender in die bak van ’n voedselverwerker en pols tot fyngemaal. Skep in ’n mengbak en voeg die res van die bestanddele by. Meng goed.2 Verdeel die mengsel in 8 gelyke dele en vorm in vleiskoekies. Pak op ’n bord, bedek en verkoel minstens 30 min.3 Verhit die olie…

GEBROKE OOR SY WIL SKEI V Ek is gebroke hier waar ek vir jou skryf. My vrou van meer as ’n dekade wil skielik skei. Ons het onlangs die soveelste keer probeer om van voor af met ons verhouding te begin, maar sy toon geen belangstelling nie. Ek is ontsettend lief vir haar. Sy meen sy het haar liefde vir my verloor en dink berading gaan nie help nie. Sy wil ook nie aan haarself werk nie. Hoe kom ek oor hierdie tragedie? M op S A Niemand trou met die idee om te skei nie. Huweliksbeloftes is iets waaraan vele van ons vashou selfs lank nadat ons weet die liefde het opgedroog en die huwelik is verby. Maar ontkenning is ’n onnodige slaanstok en maak dit vir ’n mens…

MOEILIKHEIDMAKER In November het ’n bekende gesig weer in Hillside opgedaag – al was dit onder ’n ander naam. Die akteur Dirk Stoltz het ná ’n afwesigheid van 16 jaar sy terugkeer na die sepie 7de Laan gemaak: as die sakeman DeWet Basson, die nuwe eienaar van die Welmanhuis. Kykers sal sy rol egter onthou as Ben, wat destyds die sluwe sakevrou Sandra Stutterheim (Heléne Lombard) se handlanger was. Hy was ook verlief op haar. “Ben/DeWet het ’n groot gedaantewisseling ondergaan. “Hy het intussen grootgeword, maar lelik grootgeword. “So hy kom terug met baie planne om baie dinge te doen,” vertel Dirk (50). Sommer met die intrapslag het hy arme Willem (Markus Haywood) se lewe hel gemaak oor dié vroeër met sy vrou tussen die lakens gespring het. En dis…

STERKER RIANA NEL Dié nuwe enkelsnit van die gelyknamige album moedig ’n mens aan om self die interne groeiproses aan te pak. Almal moet deur fases in hul lewe gaan om sterker aan die ander kant uit te kom. Dié liedjie is ook die temalied van Huisgenoot en kykNET se nuwe fliek, Vergeet my nie, wat van Valentynsdag te sien is. 40 JAAR LIEDJIEBOER INNI LANGPAD ANTON GOOSEN Wat ’n wonderlike en nostalgiese luister na hoe Anton sy 40 jaar in die plaaslike musiekbedryf vier. Van sy groot treffers, soos “Josie Josie”, “Boy van die Suburbs” en “Gansbaailapa”, is ingesluit, maar ook nuwes soos “Skippietjie skommel”. Dié album is ’n moet vir jou Goosen-versameling. ROER JOU VOETE DIE VENTERTJIES Dié album sal die vakansie beslis by heelwat langarm-opskoppe gespeel word.…

AQUAMAN SONDAG M-NET 20:05 ’n Man (Jason Momoa) wat gereken word as die ware heerser van Atlantis, moet keer dat ’n oorlog tussen land en see uitbreek. NEW AMSTERDAM MAANDAG M-NET 20:00 Sydney en Elijah moet jaag om politieke asiel vir ’n joernalis te kry. Met Ryan Eggold. JETT M-NET 22:00 ’n Enkelma en meesterdief (Carla Gugino) word weer by misdaad betrek.…

’N EERSTE Lewis Capaldi (23) het in Maart 2017 sy debuutsnit, “Bruises”, uitgereik. Dié liedjie is byna 28 miljoen keer wêreldwyd op Spotify geluister. Dit het Lewis die eerste sanger sonder ’n musiekkontrak gemaak wie se liedjie 25 miljoen keer op dié stroomdiens geluister is. Hy is kort hierna ’n kontrak by die platemaatskappy Capitol Records aangebied. MA SE KIND Hy is steeds baie geheg aan sy ma, ’n verpleegster, en pa, ’n vishandelaar, wat in Glasgow woon. Hy is die jongste van hul vier kinders. “Ek gaan steeds huis toe, en dan was my ma my klere.” AMERIK A SE LIEFLING Hoewel Lewis van Skotland is, het hy aanlyn na homself begin verwys as “America’s Sweetheart” – nou noem sy aanhangers hom dit ook. “Mense skree dit noual by…

‘HALLO?” Die stem aan die ander kant is gedemp, baie soos Jeanne s’n. “Is iemand daar?” “Ja. Kan ek met Jeanne Kerr praat?” Ek hou al my duime vas. “Wie soek haar?” kraak die stem. “Dis Regina Louise; ek dink ons het mekaar dalk ontmoet …” “Ek dink nie so nie,” onderbreek die vreemdeling my, en haar stem raak effens verdedigend. “Het jy …” Die lyn gaan dood. “ … ooit by die Edgar-kinderskuiling gewerk?” wou ek nog vra. Die jongste Jeanne sluit by die lang lys uitgekrapte Jeannes aan wat ek in ’n verweerde notaboek in potlood, pen en kryt neergeskryf het. Ek het die Jeanne wat ek soek in 1977 laas gesien. Ek was toe 15 en het in ’n jeughof voor ’n kromnekmikrofoon gestaan met my regterhand…

1 ZENDAYA 2 CANDICE 3 ELLE 4 REGINA 5 MARGOT 6 ROSIE 7 CONSTANCE 8 KIKI 9 BRIE 10 CELINE…

HAAR swanger lyf het soos ’n ballon voor haar uitgebult, en dit was net twee weke voor die geboorte van haar jongste seun. Toe kom die oproep – en sy besef sy is nou ’n enkelma. Haar derde kind sou Annette Reinach se laatlam wees. Ouboet Herman was toe nege en middelkind Cobus ’n gr. 1’tjie in sy eerste week op laerskool. En toe is dié drie skielik sonder ’n pa. Vandag is Cobus op 29 die ratse Spring-bokskrumskakel wat tydens die onlangse Wêreldbekerrugbytoernooi in Japan die vinnigste Wêreldbekerdriekuns ooit aangeteken het toe hy binne 11 minute drie drieë in die Bokke se wedstryd teen Kanada gedruk het. Ouboet Herman is 32 en kleinboet Jaco al 22. Maar al het meer as twee dekades ná daardie skokoproep verloop, onthou Annette…

EWE blond. Ewe mooi. Hy sportief in ’n T-hemp en swembroek. Sy in ’n vloeiende, mosterdkleurige top bo-oor ’n grys T-hempie en geskeurde jeans langs hom op die rotse. Kompleet soos modelle in ’n advertensie vir die een of ander gesondheidsproduk. Heilsaam en sag op die oog vir die fotosessie. Dan skree iemand uit die gewilde Delfino’s-restaurant aan Mosselbaai se Puntstrand daar naby: “Geluk, Katinka!” “Dankie, ek waardeer,” groet die pas verloofde jong vrou wie se oë selfs meer blink as die klippie wat aan haar vinger flonker. Katinka Oosthuizen, aanlyn beter bekend as Katinka die Kat, fluister en lag saggies: “Dis hoekom ek in Desember nie eintlik uitkom nie.” Mense weet wie sy is, want Katinka (21) was verlede jaar die jongste deelnemer nog aan die M-Net-reeks Survivor South…

Stuur voorstelle en versoeke na geldsake@huisgenoot.com. E-pos sal sover moontlik in die rubriek beantwoord word en nie persoonlik nie. AS JY in 2010 begin studeer of werk, is die kans taamlik goed dat jy ’n woonplek wil huur. En dis g’n klein uitgawe nie. PayProp se jongste huurindeks wys Suid-Afrikaanse huurders bestee tussen 28% en 33% van hul inkomste aan verblyf. Dit is dus belangrik dat veral nuwe huurders weet wat hul regte is as dit kom by kontrakte, deposito’s en maandelike betalings. 1 Kan ek veranderings aan ’n huureiendom aanbring? As die kontrak goedgekeur is en jy het reeds ingetrek, moet jy skriftelike toestemming van die eienaar kry om strukturele veranderings of opknappingswerk te doen. As hy wel toestemming gee, is jy nie geregtig op vergoeding vir die veranderings…

Wie sou jou speel in ’n fliek oor jou lewe? Ek dink nie enigiemand sal in so iets wil speel nie. My lewe is te vervelig. Hulle gaan nie ’n fliek maak van iemand wat net werk nie. Wie is jou gunsteling-TV-skurk? JR Ewing van die reeks Dallas. Die on-opgesmukte manier waarop hy moeilik-heid gemaak het. Ek hou van so ’n tong-in-die-kies-baddie. Wat sal lesers verbaas wees om oor jou te weet? Ek is ’n baie groot introvert wat glad nie skaam is nie. Ek hou nie daarvan om die middelpunt van aandag te wees nie, maar ek is ook nie bang vir praat nie. As jy ’n skurk in enige Hollywood-fliek kan speel, wie sal dit wees? Die akteur Philip Seymour Hoffman se rol as Owen Davian in Mission:…

PRET MET WISKUN-DE: GRAAD 1 Deur MART MEIJ en die Best Books-paneel, R94* Dié praktiese werkboek is volgens die kurrikulum-en-assesseringsbe-leidsverklaring-vereistes saamgestel en bied 33 oefenbladsye, 55 werkvelle en ’n volkleurspeletjie vir elke kwartaal. Oefenbladsy 28 lyk byvoorbeeld so: Die buitelyne van die syfer 16 word gegee wat die kind moet natrek. Dan volg ’n ry met agt kleiner 16’s wat die kind ook moet natrek. Dan kom vier somme in blokkies met getalle wat weggelaat is en die kind moet neerskryf wat kort om by die antwoord uit te kom. Hierna word ’n getallelyn gegee wat die kind moet gebruik om nog 12 somme uit te werk. Op die teenoorgestelde blad is ’n inkleurprent waar die kind deur middel van berekenings net die visse mag vang wat swaarder as 10…

GOEIE VOORNEME Jan: “Wat is jou Nuwejaarsvoorneme?” Piet: “Om minder verwaand te wees.” Jan: “Gaan dit nie moeilik wees nie?” Piet: “Nee wat, nie vir iemand so wonderlik soos ek nie!” HELENA, KEMPTON PARK GRYSE REISIGER Die 85-jarige Hermanus Koekemoer het pas teruggekeer van ’n besoek aan die Franse hoofstad, Parys. “Ek wens ek het dit al 50 jaar gelede gedoen,” kla hy teenoor ’n vriend. “Jy bedoel toe Parys nog Parys was?” vra die vriend. “Nee, toe Hermanus Koekemoer nog Hermanus Koekemoer was!” KASOEPIE WAT ’N PYN! Jannie het geleer dat Eva destyds in die paradys uit Adam se rib geskep is. ’n Paar dae later kry sy ma hom waar hy op die bed lê en kreun en sy sy vashou. “Wat makeer?” vra sy. “Ek het ’n…

NO. 2 062 VRAAG WATTER KLEDINGSTUK VIR ’N BABA IS TER SPRAKE? SKOMMEL DIE LETTERS IN DIE KLEURBLOKKIES OM DIE ANTWOORD TE VIND. LEES LANGSAAN HOE DIE KOMPETISIE WERK. Jy kan ’n Verklarende Afrikaanse Woordeboek of Afrikaanse Woordelys en Spelreëls van die uitgewer Pharos (pharos@pharos.co.za) wen. Vul die blokraai in en gebruik die letters in die kleurblokke om die antwoord op die vraag te ontsyfer. SMS “HG” gevolg deur jou antwoord, naam en dorp/stad na 36400. Net een SMS per deelnemer word toegelaat. Net mense binne SA se grense kan deelneem. Die SMS kos R1,50. Hou die oorspronklike, volledige blokraai met jou besonderhede as bewys. Geen posstukke word as inskrywing aanvaar nie. Geen werknemers of hul gesin van Media24, Grapevine Interactive of hul reklamemaatskappye mag deelneem nie. Die sluitingsdatum is…

Shawn Mendes & Camila Cabello Dié twee musieksterre het in 2019 van besties tot liefies gevorder. Toe hul romanse in Julie op die lappe kom – en dit nadat hulle gekiek is waar hulle in die openbaar soen – het baie gedink dis net ’n reklamefoefie om hul treffersnit “Señorita” te bemark. Shawn (21) en Camila (22) het egter sedertdien met hul gekoer in die publiek sowel as op die verhoog gou dié giftonge stilgemaak. Die twee dra selfs armbande wat mekaar laat weet wanneer hulle daaraan vat en aan mekaar dink. Oulik verby! Joe Alwyn & Taylor Swift Die popprinses en Britse akteur is al meer as twee jaar lank ’n paartjie. Taylor (30) en haar 28-jarige kêrel het mekaar in 2016 by die Met-gala in New York ontmoet…

VUUR GROND LUG WATER Ram 21 Maart – 19 April Hartsake Dit sal sowat ses maande duur vir jou romantiese avontuurlus om op dreef te kom, en dan sal jy volgens alle aanduidings nesskop. Namate jou hartsbegeerte vervul word, sal jy jou ál meer uit enige emosionele draaikolke kan losmaak waarin jy beland het en nader aan die waaheid kom. Waarheid in jou liefdeslewe is ’n heerlike mengeldrankie. Bly avontuurlustig – dit sal jou liefde lewend hou. Avontuurlus is jou sterkpunt. Dit is trouens jou sleutel tot intimiteit. Geldsake Jy beweeg stadigaan uit die finansiële wildernis en weg van al die stres wat dit meebring. Stres verwring ons visie en laat ons probleme so groot soos monsters lyk pleks van na iets wat opgelos kan word. Wanneer Mars in die…

1 KYLIE JENNER Volgelinge: 139 226 677 Prys per plasing: R19 miljoen 2 ARIANA GRANDE Volgelinge: 158 417 760 Prys per plasing: R15 miljoen 3 CRISTIANO RONALDO Volgelinge: 172 803 418 Prys per plasing: R15 miljoen 4 KIM KARDASHIAN Volgelinge: 142 671 156 Prys per plasing: R14 miljoen 5 SELENA GOMEZ Volgelinge: 152 774 303 Prys per plasing: R13 miljoen 6 DWAYNE JOHNSON Volgelinge: 147 838 634 Prys per plasing: R13 miljoen 7 BEYONCÉ KNOWLES Volgelinge: 128 885 800 Prys per plasing: R12 miljoen 8 TAYLOR SWIFT Volgelinge: 118 988 437 Prys per plasing: R12 miljoen 9 NEYMAR Volgelinge: 121 414 052 Prys per plasing: R11 miljoen 10 JUSTIN BIEBER Volgelinge: 114 473 125 Prys per plasing: R11 miljoen…