Indholdsfortegnelse for 13-Aug-20 i Huisgenoot

MENINGS OOR STORIES OP HUISGENOOT.COM 1 ONS IS DANKBAAR VIR 1 DIE DRANKVERBOD’ Dr. Wade Palmer sê die tydelike opheffing van die verbod op drankverkope het tot alkoholverwante noodgevalle gelei wat hulle in die stryd teen covid-19 strem Ek stem saam met die dokters. Vat alle drank vir altyd weg. Dink net watter wonderlike dag sal dit nie wees nie. Dit sal ’n lieflike wêreld wees daarsonder. ANELLE Dink verder as wat jou neus lank is. Nie almal misbruik drank nie en die bedryf verskaf werk aan duisende mense. Om nie eens van die aksynsbelasting te praat nie. MONICA Het jy enige idee hoeveel mense nou sonder werk sit? Niemand dwing ander mense om onverantwoordelik te drink nie. Dit gaan nie net oor dronk mense nie. NICOLENE Dis maklik om…

HY’T gebrand om op die lughawe te wees toe die vliegtuig met sy langverlore geliefde in Kaapstad land. Hy kon nie meer wag om haar in sy arms toe te vou en teen sy hart vas te druk nie. Dit was immers nie net die pandemie en inperking wat hulle uitmekaargehou het nie; dit was ook landsgrense – en dekades sonder mekaar. Maar in die tyd van covid-19 is so ’n hartlike verwelkoming vir ’n reisiger uit die buiteland ’n onmoontlike droom, en Rouvanne van den Berg moes noodgedwonge nog ’n bietjie wag voor hy eindelik herenig kon word met die vrou wat sy hart reeds dekades gelede gewen het. Voor Rouvanne (48) en Rhynie Cawood (45) mekaar weer kon sien ná haar terugkeer uit Sydney, Australië, moes sy eers…

OUERS EN MY NUWE LIEFDE V Ek het onbepland verlief geraak op ’n ou van ’n ander ras. Hy het my weer hoop gegee vir die liefde, en ek wil graag die verhouding na die volgende vlak neem. Hoe laat ek my ouers uit die ouer generasie gewoond raak aan die idee? R op P A Ek is bly jy kon iemand vind wat jou gelukkig maak. As jy glo jy is in ’n veilige en gesonde verhouding, bly dit jou keuse om langtermynplanne te maak. Dit klink of familie vir jou belangrik is. Jy sal daarom die aanpassing vir almal moet bestuur. Maak nie saak wie die verhoudingsmaat is wat jy aan jou familie wil voorstel nie, die tydsberekening is belangrik. Die gulde reël is: liewer vroeër as later.…

IN DIE KOLLIG / REEKSE / MUSIEK / BOEKE / KORTVERHAAL / TV-GIDS / HUISGENOTJIES / BLOKRAAIE DODELIKE AANTREKKINGSKRAG Nia Long se nuwe sielkundige riller, Fatal Affair, was onlangs een van Netflix se flieks wat die meeste gekyk is. Nia is te sien as die prokureur Ellie Warren, wat lyk of sy die volmaakte lewe het. Sy begin haar eie regspraktyk, en sy en haar argitekman, Marcus (Stephen Bishop), trek in by hul droomhuis by die see. Maar dan loop sy ’n ou kollegevriend van 20 jaar terug, die IT-ghoeroe David (Omar Epps), raak. Hulle gaan uit vir ’n drankie, en dis genoeg om ’n obsessie in David aan te wakker wat Ellie en haar gesin in lewensgevaar stel. KITSFEITE ▪ Sy’t ’n oudisie afgelê vir die rol van Alex…

Die krag in weerloosheid Lucinda, wat bekend is as die hoofsanger van die musiekgroep Die Melktert Kommissie, se eerste solosnit, “Weerloos”, is ’n kontemporêre rockballade met ’n sielkundige ondertoon wat beskryf hoe ’n weerlose proses dit is om iemand anders toe te laat om dieper te delf in wie jy is. “Dit geld in alle verhoudings: met ’n geliefde, met jouself of met jou naaste,” vertel Lucinda (34). Die musikant Bouwer Bosch het vir haar die musiek in April gestuur en gevra of sy dit wil gebruik, waarna sy die lirieke geskryf het. Ek is weerloos, maar ek is nie hopeloos nie, sing sy onder meer. “As jy weerloos is, beteken dit eintlik jy is sterk aangesien jy dan in voeling met jou eie menswees is,” verduidelik sy. Die musiekvideo…

VREEMDE VRAG By ’n padblokkade keer die polisie ’n man voor en sien daar is 10 pikkewyne saam met hom in die motor. “Ek weet nie wat hier aangaan nie, maar jy moet hierdie pikkewyne na die dieretuin toe neem,” sê die polisieman. Die motoris beloof om dit dadelik te doen. Maar net die volgende dag sien die polisieman weer dieselfde motor met die 10 pikkewyne. “Het ek dan nie gister vir jou gesê om die pikkewyne dieretuin toe te neem nie?” vra hy kwaai. “Ja, dankie,” sê die motoris. “Ons was gister daar, en vandag gaan ons ’n bietjie strand toe.” JJ, GEORGE MIK HOOG Die baas spog by sy werknemers met sy nuwe sportmotor. “Dis fantasties,” sê een van hulle. “Ja, is dit nie,” antwoord die baas. “En…

FOTOBLOKRAAI NO 2 094 Jy kan ’n Verklarende Afrikaanse Woordeboek of Afrikaanse Woordelys en Spelreëls van die uitgewer Pharos (pharos@pharos.co.za) wen. Vul die blokraai in en gebruik die letters in die kleurblokke om die antwoord op die vraag te ontsyfer. SMS “HG” gevolg deur jou antwoord, naam en dorp/stad na 36400. Net een SMS per deelnemer word toegelaat. Net mense binne SA se grense kan deelneem. Die SMS kos R1,50. Hou die oorspronklike, volledige blokraai met jou besonderhede as bewys. Geen posstukke word as inskrywing aanvaar nie. Geen werknemers of hul gesin van Media24, Grapevine Interactive of hul reklamemaatskappye mag deelneem nie. Die sluitingsdatum is 3 September 2020. Gaan na huisgenoot.com om die volledige bepalings en voorwaardes te sien. Watter soort metaal is ter sprake? Skommel die letters in die…

HET jy al ooit daaraan gedink om kinders op te pas vir ekstra sakgeld? Dis presies wat Sophie se karakter in Netflix se nuwe tienerreeks The Baby-Sitters Club doen! Hier is ’n paar interessanthede oor dié Amerikaanse aktrise. SY ÍS KRISTY In die reeks speel Sophie (14) die 13-jarige tomboy en atleet Kristy Thomas van die dorpie Stoneybrook in Connecticut wat besluit om saam met vier van haar pelle ’n babaoppassersklub te begin. Sophie het op 10 begin toneelspeel en was al hier en daar in kortflieks en TV-flieks te sien, maar haar rol in The Baby-Sitters Club is haar grootste tot dusver. Sy is een van ses kinders en is al aktrise in haar gesin. “Almal in my gesin is ’n atleet, behalwe ek,” vertel sy. “Toe slaan ék…

MBALI MBONGO (23), AFRIKAANSE AU PAIR, ENGELSONDERWYSERES EN OORSESE RUGSAKREISIGER WAT NA SUID-AFRIKA TERUGGEKEER HET TOE DIE COVID-19-PANDEMIE UITGEBREEK HET MY NAAM is Mbali, en ek is ’n Cheesegirl. Ek is swart en Afrikaans. Swart mense noem my ’n Cheesegirl of ’n Top Deck. Wit mense noem my daai swart meisie wat so mooi Afrikaans kan praat (ugh, asof die feit dat ek swart is, beteken dat ek nie “mooi” Afrikaans mag praat nie). As ek myself moet beskryf, sal ek sê ek is ’n Sotho-girl wat Afrikaans is. Ek is gebore as die laaste kind van my ma se vier kinders. My ma het al baie swaargekry in die lewe. In my swart gesin is al drie my oudste broers al oorlede, en ek is die enigste oorlewende kind.…

VANJAAR sou die jaar wees dat hy die vrou van sy drome die jawoord vra. Maar toe kom keer die coronavirus al sy planne op hul kop Eers het die hotel in Kampsbaai, Kaapstad, waar Handrè Lourens aan sy donkerkopmeisie wou verloof raak, hul deure vir die inperking gesluit. Daarna het hy dit oorweeg om Marciel Hopkins in September op die eiland Zanzibar die groot vraag te vra, maar die covid-19-pandemie het toe ook hul vakansieplanne in die wiele gery. Maar as ’n man die aanvallige nuwe aanbieder van Boer soek ’n vrou jóú vrou wil maak, maak jy ’n plan. Een wat haar asem sal laat wegslaan Handrè (30), ’n finansiële bestuurder, het met sy modelnooi se agent gereël om Marciel (27) op Vrydagoggend 24 Julie na ’n vyfsterhotel…

MAKLIKE BUNNY CHOW MET GROENTE Rogbrood is hier as ’n mandjie vir ’n groentekerrie gebruik. GENOEG VIR 2-3 BUNNIES BEREIDING: 20 MIN. GAARMAAK: 20 MIN. GROENTEKERRIE 30 ml (2 e) olie1 ui, gekap5 ml (1 t) komynsade1 kaneelstokkie2 kardemompeule30 ml (1 e) gemmer-enknoffelpasta1 x 400g-blik gekaptetamaties250 g patat, in blokkiesgesny250 g botterskorsie,in blokkies gesny1 klein eiervrug, in blokkiesgesny en gesout250 ml (1 k) ertjies’n hand vol spinasie3 ml (ruim ½ t) borrie15 ml (1 e) fyn komyn5 ml (1 t) fyn koljander15 ml (1 e) geroosterde masalaof matige kerriepoeiersout na smaak1 x 400g-blik botterboontjies VIR VOORSIT 1 plaasstyl-volkoringbroodof -rogbroodkoljanderblare om bo-oorte strooi 1 Verhit die olie en braai die ui saam met die komyn, kaneel en kardemom tot die ui sag is. 2 Voeg die gemmer-en-knoffel- pasta en tamaties by…

HELDER primêre kleure is mooi vir ’n kinderkamer omdat dit speels en vrolik is, maar die ruimte moet met neutrale en ligter skakerings getemper word om kalmte vir slaaptyd te skep. In dié kamer van ’n sesjarige seuntjie het ons ’n sagte blou verf op die mure gebruik (Spring Tide van Duram se Habitat Collection) om die helder spatsels kleur van die meubels te versag. STAP 1 Sorg dat daar bêreplek vir al die spruit se goeters is sodat minder dinge op die bed en vloer gestrooi word. ’n Ry hake naby die deur beteken alles van handdoeke tot skooltasse en baadjies kan sommer met die inkomslag opgehang word. ’n Mobiele eenheid langs die bed, ’n item wat reeds in die kamer was, is ideaal om boeke vir slaaptydstories te…

WIL jy jou kind tuis onderrig noudat die inperking weens die covid-19-pandemie skole op hul kop gekeer het? Sorg dat jy dit reg doen en jou kind se skoolwerk op koers hou. Sluit aan by ons spesiale aanlyn kursus waartydens Huisgenoot se paneel kenners jou als sal vertel wat jy moet weet. Hulle sal elke aspek van tuisonderrig bespreek. Dié webinaar is bedoel vir ma’s, pa’s, grootouers en almal anders wat tuis vir kinders klas gee. Huisgenoot se joernalis Carla Coetzee, ’n ma van twee, bied die geleentheid aan en sal die kenners pols vir hul topraad. SLUIT AAN BY DIE KURSUS WANNEER: Saterdag 15 Augustus 2020 TYD: 11:00 tot 13:00 KOSTE: R80 per kaartjie KAARTJIES: Bespreek by Computicket.com. KWESSIES WAT BESPREEK SAL WORD Die regsaspekte van tuisonderrig Hoe gemaak met…

JOU STERRE MAAGD 23 AUG – 22 SEP ’n Magstryd oor hulpbronne en geld dreig om vandeesweek die vrede tussen jou en ’n vennoot te versteur – op persoonlike of sakegebied. Dit lyk asof gesamentlike projekte nie meer seepglad verloop nie, maar voor jy in ’n stryd om dominansie betrek word, oorweeg eers wat jou beste bate is. Jou aangebore vermoë om ’n probleem te ontleed kan dié week jou redding wees. Dis tyd om jou verborge talente in te span en op vindingryke maniere aan te wend. GELUKKIGE NOMMERS 51, 33, 42, 13, 37, 50 WEEGSKAAL 23 SEP – 22 OKT Dit lyk asof jou geliefde dié week ’n wrok koester; hy of sy kom broeiend en kwaad voor. Jy weet hoe om hierdie spanning te ontlont, maar indien…

STONY BLYDEN (27) REEKS: HUNTER STREET In dié avontuurreeks word vyf pleegkinders een oggend wakker en ontdek hul ouers het spoorloos verdwyn. Hulle moet dan leidrade volg om hulle weer te vind. STONY BLYDEN is te sien as Max Hunter, een van die kinders. Die akteur is in Ysland gebore. Sy regte naam is omtrént ’n mondvol! Dis Thorsteinn Sindri Baldvinsson Blyden. Tony speel nie net toneel nie; hy is ook ’n rapper, sanger en drummer. En hy’s so beroemd dat hy die hoofster in ’n Pepsi-advertensie vir die 2014- Wêreldbekersokkertoernooi was – en dit boonop saam met sterre soos die Argentynse sokkerspeler Lionel Messi en die Amerikaanse sangeres Janelle Monáe. JACK GRIFFO (23) & ADDISON RIECKE (16) REEKS: THE THUNDERMANS Die Thundermans het ’n groot geheim: Hulle is eintlik…

Verbind die kolle Verbind die kolle in die regte volgorde om uit te vind wie Rooikappie in die woud raakloop. Vind drie verskille Kuier by Ouma Vind die pad na Ouma, maar wees versigtig! Vreemde wesens 1 Die woorde in die lysie onder is horisontaal, vertikaal of skuins en vorentoe of agtertoe versteek. Soek en omkring dit. dodo draak eendbekdier eenhoring jeti okapi panda Pegasus sfinks wolf 2 Sorteer dan die vreemde wesens in twee groepe: mitiese wesens en regte diere. ’n Eenhoring bestaan byvoorbeeld nie en is dus ’n mitiese wese. Kleur die dodo in Die dodo was ’n groot loopvoël wat slegs op die eiland Mauritius aangetref is. Dit het sowat 300 jaar gelede uitgesterf. Dis baie hartseer dat ons nooit weer ’n regte een sal sien nie.…

DIS ’n ongemaklike geheim; ’n straf wat enige lagbui of skielike beweging in ’n ramp kan verander. baie vroue is inkontinensie ’n skaamte wat in stilte verduur word. Tog behoort dit nie ’n taboe te wees nie – en die skrywer van ’n nuwe boek oor die onderwerp hoop om die ellende daaroor te verdryf. PMSL: Or How I Literally Pissed Myself Laughing and Survived the Last Taboo to Tell the Tale deur die Britse skrywer Luce Brett is ’n openhartige vertelling van hoe haar lyf ná kindergeboorte verander het in iets wat sy nie meer kon vertrou nie. Inkontinensie is ’n uitdaging wat kan lei tot depressie en die verbrokkeling van huwelike, maar hulp – en hoop – is volop, sê Luce. Hier is ’n uittreksel uit haar boek.…

DALK was dit haar 40 jaar in Italië se Carrara-gebergtes wat die aanraking van Vader Tyd so streelsag gemaak het. Dis asof die langsamer leefstyl in dié Mediterreense land mense met ’n blywende skoonheid seën. Want ondanks die stroke grys is die welige goue krullebol steeds bekend. So ook die warm glimlag en die lagplooitjies om die donker oë. En dan wis daardie ryk stem, so geliefd deur radioluisteraars, alle twyfel uit die weg: Dis Tossie Lochner, op 83 nog net so elegant soos altyd. So tydloos soos die Italiaanse skoonheid Sophia Loren, het mense al gesê. En hoekom nie? Tossie is tydens haar vier dekades in dié silwerdoekverleidster se geboorteland al dikwels vir ’n gebore Italianer aangesien. Met haar hare in sorgelose elegansie opgestapel en dieselfde intense kyk, wil…

DIS ’n wolklose dag. Hier waar ons op die houtdek sit, lê die Goudstad eindeloos voor ons voete uitgestrek. Die groen blaredak van boomryke voorstede, Rosebank en Sandton se betonkranse … en op die helderste dae kan jy glo selfs die piepklein broodroostervorm van die Voortrekkermonument op die horison gewaar. Die meeste van ons ken haar danksy haar kabaretvertonings, soms saam met Nataniël en Casper de Vries. Maar dis hierdie uitsig van haar tuiste en gastehuis hoog in Brixton, Johannesburg, wat haar die afgelope 14 jaar die meeste vreugde gegee het, sê die veteraansangeres en -aktrise Elzabé Zietsman. Elke oggend groet sy die daeraad van hierdie einste houtdek af. En saans, wanneer sy die groot vleuelklavier in die eetkamer met sy glasmure bespeel, flonker die stadsliggies soos diamante op ’n…

WENK Dra dit by deftige hakskoene vir swier of tekkies of aanglipskoene vir ’n ontspanne voorkoms. WENk Dra jou sweetpaktop by ’n rek- of spanbroek. As die top lank genoeg is, kan jy dit sonder ’n broek dra. GEMAKLIKE SWEETPAKTOP Oorgroot sweetpaktops is so veelsydig, jy kan dit vir ’n gemaklike en sjiek voorkoms stileer. Dié informele item kan enige seisoen gedra word, ongeag die weer. DRA DIT SAAM MET SAKKERIGE JEANS Sakkerige jeans het die cool-faktor en werk selfs saam met die eenvoudigste klerekasstaatmakers soos ’n trui, rolhalstop of hemp. Enigeen kan dié modieuse voorkoms regkry. Die denimbroeke is in verskillende style te kry, van effens los tot behoorlik oorgroot. WENK Lyk elegant in sakkerige jeans met ’n syagtige bloes en hakskoene daarby of informeel met tekkies en ’n…

SUID-AFRIKANERS kry nou geldelik bitter swaar. Meer as 50% het reeds van hul spaargeld begin gebruik, en 37% is agterstallig met die betaling van huishoudelike rekeninge, wys die jongste peiling van die Old Mutual-spaar- en-beleggingsmonitor. Ons kyk na vyf maniere waarop jy noodsaaklike uitgawes kan besnoei – veral ook as jy weens die inperking nou voltyds van die huis af werk. 1 HERSIEN JOU VERSEKERINGSPREMIES As jy korttermynversekering het, vind uit of jy elders goedkoper dekking kan kry. Jy kan aanlyn of telefonies kwotasies kry. Voor jy besluit om te skuif moet jy egter alles opweeg: premiekostes, voordele, voorwaardes en uitsluitings. Want dalk is jy tog beter daaraan toe waar jy is. Onthou ook die volgende: Jou motor se waarde daal jaarliks. Jou versekeraar betaal nie meer as die huidige…

AANLYN THE UMBRELLA ACADEMY Aksie. Die tweede seisoen van dié reeks, wat op Gerard Way en Gabriel Bá se strokiesprentreeks gegrond is, begin met ’n knal. Dis 1963 en die Hargreeves-sibbes, wat almal supermagte het, moet wéér die apokalips keer. Aan die einde van die eerste seisoen het hulle teen hul suster Vanya (Ellen Page) te staan gekom. Number Five (Aidan Gallagher), wat deur tyd kan reis, het per ongeluk die res van sy broers en susters in verskillende jare van 1960 tot 1963 in Dallas, Texas, laat beland. Five moet dan seker maak die span kom weer bymekaar uit sodat hulle weer kan keer dat die wêreld eindig. Ook met Tom Hopper. 2 SEISOENE. 16. NETFLIX. DWAALSTER Drama. As jy nog nie dié reeks gekyk het nie, kan jy…

RENATA sit op die stoep en teug aan ’n glas rooiwyn. Vinnig van die waterkar afgeval, dink sy skuldig. Sy het ’n lys Nuwejaarsvoornemens gehad wat sy op die eerste dag van 2020 (ná die wilde Oujaarsaandpartytjie) opgestel het, maar tot dusver het sy skandelik en pateties gefaal om te bereik wat sy wou. Met ’n kop wat van te veel vonkelwyn geklop het en ’n lyf wat opgepomp gevoel het van te veel eet oor die feestyd, was haar lewe daardie Nuwejaarsoggend in die droesems. ’n Verloorder, net duskant lewersirrose. Wat het geword van haar voorneme om ses maande lank alkoholvry te wees? Blykbaar het sy die Oujaarsaandpartytjie soveel geniet dat sy Adriaan in ’n verleentheid ingedans het. Sy het haar wye romp geswaai en kaalvoet gedans en haar…

NO. 2 348 As jy vashaak, kan jy gerus ander lesers se raad vra op ons Facebookblad met die naam Huisgenoot Blokraaie. WEN ’N WOORDEBOEK KOM IN AANMERKING VIR DIE MAANDELIKSE TREKKING VAN R1 000. VRAAG: WATTER SOET VULSEL IS TER SPRAKE? PHAROS WOORDEBOEKE (’N DRUKNAAM VAN NB-UITGEWERS) GEE DRIE EKSEMPLARE VAN DIE AFRIKAANS-ENGELS/ENGELS-AFRIKAANSE WOORDEBOEK WEG. NEEM SODEEL Vul die blokraai korrek in, skryf die letters in die kleurblokke neer en gebruik dit om die antwoord op die vraag te ontrafel. SMS “HG” gevolg deur jou antwoord, naam en dorp/stad na 36400. Net een SMS per deelnemer word toegelaat. Die SMS kos R1,50. Net mense binne SA grense kan deelneem. Die wenners sal die oorspronklike, voltooide blokraai en hul besonderhede moet verskaf. Geen werknemers of hul gesinne van Media24, Grapevine…

1 Watter vrug het name soos Golden Delicious, Pink Lady en Fuji? 2 Teen watter temperatuur kook water? 3 Watter rol het die Hollywood- akteur Matt Damon in die fliek Invictus vertolk? 4 Watter regter is die voorsitter van die Suid-Afrikaanse kommissie wat ondersoek instel na staatskaping? 5 Op watter vasteland kry jy hierdie rotsformasie bekend as Uluru? ANTWOORDE 1. Dis alles soorte appels. 2. 100 oC 3. Francois Pienaar. Die fliek gaan oor die Springbokke se oorwinning in die 1995-Wêreldbeker. Francois was die kaptein. 4. Raymond Zondo. Daarom dra die kommissie sy naam – die Zondo-kommissie. 5. Australië. Dis ’n gewyde plek vir die inheemse bevolking, en die sandsteenformasie het waarskynlik al sowat 550 miljoen jaar gelede begin vorm.…

DIT het gelyk of hy op ’n roltrap ry wat in net een rigting beweeg – reguit boontoe. Sy tegno-waagstukke was so suksesvol dat hy die Elon Musk van die ontwikkelende wêreld genoem is, en hy het die leefstyl gehad om daarvoor te wys, onder meer ’n multimiljoendollar-woonstel in een van die gesogste dele van Manhattan, New York. Al was Fahim Saleh net 33 jaar oud, het alles wat hy aangeraak het in goud verander. Hy was onder andere die uitvoerende hoof van ’n motorfietsaflewerings- app en hy het ’n aansienlike fortuin gemaak. Hy was boonop ’n innemende ou, skoongesig en aangenaam, en hy het dikwels geglimlag. Mense was dus bekommerd toe hy onlangs verdwyn het, en dit blyk hulle het goeie rede gehad. Fahim is vermoor, en die afgryslikheid…