Indholdsfortegnelse for 24-Sep-20 i Huisgenoot

VYF jaar gelede het Rob en Chantel Emery van Roodepoort eers nie mooi geweet of hulle moet lag of huil toe hulle hoor ’n drieling is op pad nie. En toe die aanvanklike skok vir vreugde plek maak, het hulle maar alte goed geweet groot uitdagings wag op hulle. Want sewe jaar tevore was Chantel ná ’n motorongeluk verlam en sedertdien in ’n rolstoel gekluister. Hoe sou die lewe met die nuwe woelwaters wees? Nogtans het sy en Rob so goed soos hulle kon vir die geboorte voorberei en na die groot dag uitgesien. Maar toe breek daardie dag aan toe sy net meer as 26 weke swanger was – en drie van die babas in die badkamer van hul huis gebore is. Omdat haar onderlyf verlam is, het Chantel…

OP SY Facebookblad stroom die dankbetuigings steeds in: Mense sê dankie dat hy ingetree het toe hulle in vreemde lande gestrand was sonder ’n idee van hoe hulle by die huis gaan kom. “Hy sal altyd my held wees,” skryf een vrou. “Sonder hom sou ons nog vasgekeer gewees het!” My dogter en talle ander is nou veilig tuis, en sonder jou sou dit nie moontlik gewees het nie,” skryf nog een. Want toe talle desperate Suid-Afrikaners en Zimbabwiërs weens die inperking in ander lande gestrand was, het die kommersiële vlieënier Tertius Myburgh ingegryp om hulle huis toe te bring. Toe die covid-19-pandemie sy kake met mening inslaan, het Tertius eintlik genoeg rede gehad om homself te bejammer. Hy het einde verlede jaar sy huis in Roodepoort, Gauteng, opgepak en…

KRY DIT HIER BEANBAGTHEBRAND.COM, DECATHLON.CO.ZA, FALKE.CO.ZA, MILADYS 0800-310-290, MRP 0800-21-25-35, MRPSPORT.COM, REBELSTORE.CO.ZA, SHOP.ADIDAS.CO.ZA, SPORTSMANSWAREHOUSE.CO.ZA, SUPERBALIST.COM, TAKEALOT.COM, TEVO.CO.ZA, UNDERARMOUR.CO.ZA, VANS 021-709-0084, WOOLWORTHS 0860-022-002 HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD…

’n Viering van kulture Bouwer se nuutste enkelsnit, “Liefde Love Uthando”, meng opgewekte musiek met hoopvolle lirieke. En nes die naam verklap, vier dit verskillende tale en kulture om so ’n boodskap van samehorigheid by die luisteraar tuis te bring. “Ek het geweet as jy verskillende kulture saambring – musikaal, lirieke, taal en dans – dan sal daar iets magical gebeur,” sê Bouwer. Dit is veral die lirieke “oral waar ek loop, sien ek hope vol hoop” wat die liedjie se positiewe boodskap vasvang. Nes die boodskap en lirieke, val die liedjie nie in een spesifieke genre nie en bevat dit elemente van verskillende kulture in Suid-Afrika met een doel: om die voete te laat jeuk en Suid-Afrikaners aan die dans te kry. Dié snit is ’n moet vir jou…

STERREKUNDIGES het aangekondig hulle het ’n botsing tussen twee swartgate in die ruimte waargeneem – en dat dit 7 miljard jaar gelede gebeur het! Die resultaat van die botsing was ’n nuwe swartgat, in ’n grootte wat niemand nog ooit gesien het nie. Wat is swartgate? En hoe weet die kenners dat twee gebots het? En hoekom het hulle dit nou eers waargeneem? Wat is ’n swartgat? ’n Swartgat is ’n plek in die ruimte waar baie massa oor ’n lang tydperk versamel. Hierdie groot massa veroorsaak baie sterk swaartekrag – so sterk dit is asof daar ’n baie diep gat vorm – een wat so oneindigend diep is dat niks daaruit kan ontsnap nie, nie eens lig nie. Tot dusver het sterrekundiges nog net twee algegolf mene groottes swartgate…

DIE kamerdeur klap in jou gesig toe. En terwyl jy diep asemhaal en tot 10 tel, wonder jy vir die soveelste keer wat van daardie liefdevolle bondeltjie geword het wat altyd net op jou skoot wou klouter en drukkies uitdeel. Klink dit bekend? Dan is jy gewis ook die ouer van ’n tiener – daardie rebelse, komplekse wese wat die plek van jou kind ingeneem het. En dan is jy ook alte bekend met die uitdagings wat ouerskap van tieners inhou. Kortom, dis ’n mynveld. Veral in ons vinnig veranderende samelewing waar dinge – of so sê jy graag vir jouself – soveel anders is as toe jy ’n kind was. Jy voel soms oorweldig. Is ek te streng? Of is ek dalk nie streng genoeg nie? Dis ’n uitdaging…

‘JY KEN NIE MY VRIENDE SOOS EK HULLE KEN NIE’ Jy sê jy is bekommerd sommige vriende is ’n slegte invloed. Jou tiener antwoord dat jy hulle bloot nie ken nie. Soos jou tiener haar weg na onafhanklikheid vind, sal vriende haar help om haarself te definieer. Haar vrees om weg van haar vriendekring te wees beteken sy sal uiters lojaal wees teenoor hulle – selfs al weet sy jy het rede om jou oor hul gedrag te bekommer. As jy haar sosiale lewe probeer bestuur, gaan sy waarskynlik nóg uitdagender wees. WAT JY DALK DINK As sy gesê het sommige van haar vriende drink, rook en is betrokke by gewaagde bedrywighede, of vermoed hulle doen dit, is jy dalk bekommerd dat sy ook die pad sal byster raak. WAT…

DERTIEN jaar gelede, op ’n dag in Oktober 2007, het die kameras in ’n rykmanshuis in Beverly Hills begin rol. Op die skerm was die toe nog betreklik onbekende Kardashian-gesin: Ma Kris Jenner en haar kinders, Kim, Kourtney, Khloé, Kylie, Kendall en Rob. Die spannetjie het hul lewe (en vuil wasgoed) vir kykers blootgelê – en die resultaat was die bekendste werklikheidsreeks ooit: Keeping Up with the Kardashians (KUWTK). Die reeks het van die K-bende huishoudelike name en voorbladsterre van al wat ’n mode- en skindertydskrif is gemaak. Vandag is hulle invloedryk – en ryker as ooit. Maar ná meer as ’n dekade op die kassie gaan die kameras afgeskakel word: Die gesin het onlangs aangekondig seisoen 21, wat volgende jaar uitgesaai word, gaan hul laaste wees. “Dis met ’n…

TERWYL ’n mens nader stap, wag jy heimlik vir daardie kenmerkende reuk van garnale, knoffelbotter en diepgebraaide aartappelskyfies om jou by die deur in te katrol. Maar vandag is dit die soet reuk van duisende blomme wat jou neus vul. ’n See van pienk, geel en wit begroet jou buite die gewilde visrestaurant. Dit verbloem selfs die skerp reuk van handontsmetmiddel, deel van ons alledaagse bestaan sedert die koms van covid- 19. Binne is dinge op die oog af normaal. Kelners vleg met borde seekos tussen die tafels deur. Maar dan merk jy die hartseer oë bo hul maskers, ’n swarigheid in hul tred, die gedempte stemtone. Want die Ocean Basket hier in Polokwane se The Mall of the North-winkelsentrum is die middelpunt van rou oor twee vroue wat wreed…

SY HET in Hillside opgedaag as ’n skugter blommeverkoper wat vandag hier, môre daar ’n paar rand probeer verdien het om liggaam en siel aanmekaar te hou. Niemand het aanvanklik gedink Bonita Meintjies se lief en leed sal met die mense van 7de Laan s’n verweef raak nie – nie eens Hildegardt Whites nie. “My aanvanklike kontrak was net vir vier weke. En kyk nou. Hier sit ek al 10 jaar by 7de Laan en ek is steeds mal daaroor,” sê die 34-jarige aktrise wat deur die jare saam met haar karakter ouer en wyser geword het. “Bonita het as ’n karakter gegroei, en ek het by haar geleer. Sy is uitputtend, maar ek geniet haar.” Nes Bonita het Hildegardt in die afgelope dekade getrou en ’n ma geword. Maar…

TOE sy koerantrubriek baie jare gelede begin het, wou hy aanhou skryf tot hy “die geheim van menslike geluk ontdek het”. Vanselfsprekend het ek nooit verwag om die geheim te vind nie, maar op die een of ander vlak moes ek geweet het daar was vrae wat ek moes konfronteer – oor angstigheid, verbintenisfobie in verhoudings, baasspelerigheid en die bou van ’n betekenisvolle lewe,” sê die Engelse skrywer Oliver Burkeman vandag. Nou het hy besluit om sy rubriek in die Britse koerant The Guardian te staak. Wat het ek dus geleer?” vra hy in sy swanesang. “Wat volg, word nie as ’n volledige opsomming bedoel nie, maar dit is die beginsels wat herhaaldelik opgeduik het en wat nou vir my die nuttigste lyk om tye so verwarrend en stresvol soos…

A Almal D Dwelms G Geweld Gr Gruwel N Naaktheid O Ouerdiskresie S Seks T Taal V Vooroordeel KOLLIG / TELEVISIE / MUSIEK / BOEKE / KORTVERHAAL / TV-GIDS / HUISGENOTJIES / BLOKRAAIE VREEMDE FAMILIEBANDE Die akteur Beer Adriaanse en Retief Scholtz, die skrywer van reekse soos Alles Malan en Dwaalster, is agter dié splinternuwe ligte dramareeks wat eersdaags op kykNET begin. “Ekstra medium is ’n storie oor ’n broer en suster en die vreemde families – bloed en andersins – wat hulle om hulself gebou het,” vertel Beer. “Die storie handel oor Bertie (34), wat sy suster, Sophia (32), en haar vreemde gesin by sy lewenskrisis betrek toe hy op hul rusbank kom woon. In ’n poging om sy nuwe lewe te begin blaas Bertie al sy spaargeld op…

VSA GEEN POLITIEKE ADVERTENSIES OP FACEBOOK VOOR VERKIESING Die hoof van Facebook, Mark Zuckerberg, het aangekondig dié sosialemediaplatform gaan geen nuwe politieke advertensies aanvaar in die week voor die Amerikaanse presidentsverkiesing in November nie. Dit sal steeds moontlik wees om advertensies wat reeds bestaan by nuwe mense te bemark (wanneer iemand geld betaal om seker te maak mense sien hul advertensie op Facebook) en te teiken (wanneer iemand sê presies wie die advertensies moet sien). Advertensies speel ’n belangrike rol in die Amerikaanse verkiesing, met die Republikeinse en Demokratiese partye wat elk hul bes doen om mense te oortuig om vir hul kandidaat te stem. Mark het in ’n Facebookplasing gesê hy is “bekommerd” dat dit moontlik tot oproerigheid kan lei. Hulle is bang daar sal nie genoeg tyd in…

ONS kan die ontwikkeling van skrif beskou as een van die eerste suksesverhale waarin verskillende lande, volke, tale en kulture deur eeue heen ’n rol gespeel het in hoe ek en jy vandag lees en skryf. Ons verhaal begin in die antieke tyd in die Midde-Ooste en Egipte. SKRIF IN MESOPOTAMIË Mesopotamië was vir talle uitvindings verantwoordelik wat deur latere beskawings uitgebrei en aangepas is en steeds vandag ’n groot rol in die samelewing speel. In die suide van Mesopotamië het die Sumeriërs, teen 3 000 v.C., ’n soort wigskrif ontwikkel wat uit woordprente bestaan het. Die wigskrif (spykerskrif) was ’n stelsel van piktogramme (beeldskriftekens) wat ontwikkel is om rekord te hou van hul saketransaksies. Dit is gemaak op kleitablette wat in die son gebak is om die skrif te…

HY IS pas terug van sy oggend-drafsessie toe ek en Daniel Lieberman mekaar op Zoom ontmoet. Dit beteken sy selle ondergaan nou “náverbranding” – ’n verhoogde metaboliese toestand wat nog ure lank ná fisieke inspanning kan voortduur. Talle herstelmeganismes skop op mikroskopiese vlak in om van die biologiese skade om te keer wat met ouderdom ophoop. Waar hy in sy tuiskantoor in Cambridge, Massachusetts, sit, is dit gepas dat ek Daniel (56), ’n lenige Harvard- professor en kranige marathonatleet met ’n rustende hartklop van in die 40’s, in dié toestand van herstel aantref. Weinig akademici het in die afgelope twee dekades meer gedoen om die Westerse wêreld se siening van atletiese vermoëns te vorm. Vir sy navorsing het Daniel paleontologie, anatomie, antropologie en eksperimentele biomeganika gekombineer. Vandag is hy veral…

‘EK HAAT JOU!’ Jou tiener skree sy haat jou wanneer jy haar foon wegneem sodat sy nie laatnag met vriende kan klets nie. Tieners raak kwaad wanneer hulle voel volwassenes respekteer hulle nie. Haar bande met haar vriende voel dalk belangriker as jou goedkeuring. Dit aktiveer die primitiewe veg-ofvlug- dele in haar onderbrein – en die logiese, rasionale denkprosesse sal agterweë bly WAT JY DALK DINK Dit kan ’n skok wees om haar iets so kwetsend te hoor sê. Jy wonder dalk of jy as ouer iets verkeerd gedoen het. WAT SY DALK DINK Jong mense voel hul foon is ’n basiese mensereg en sy vaar uit omdat sy nog nie die belang van perke begryp nie. Dis haar laaste uitweg om jou te wys hoe graag sy haar sin…

SY WOU dit as ’n storie van blye tyding deel: ’n verhaal van hoe ’n mens liefde op onwaarskynlike plekke kan vind. Maar toe die Russiese beïnvloeder Marina Balmasjewa vroeër vanjaar ’n foto van haar en die nuwe man aan haar sy op Instagram deel, was die reaksie alsbehalwe positief. Want dié man is toe nie net heelwat jonger as die 35-jarige Marina nie; hy was ook haar stiefseun, die 20-jarige Wladimir Sjawirin. En langs die foto van die stralende paartjie het sy nóg een geplaas: Wladimir as ’n sewejarige seuntjie en sy – toe nog sy stiefma – op 22 in die jaar toe hulle mekaar ontmoet het. “Jy weet nooit hoe die lewe gaan uitdraai nie en wanneer jy iemand gaan ontmoet wat jou laat glimlag nie,” het…

SELFS die grootste breker sidder by die blote gedagte daaraan. Eers die hitte, dan die brandpyn asof jou vel van jou afgestroop word… Dis mos pure marteling! Ja-nee, beenhare waks is nie vir sissies nie. Dié dat die meeste mans nie eens kan toekyk wanneer liefie die dag haar skoonheidsdinge doen nie. Die manne maak summier spore uit die vertrek uit, of hoe? Maar nie as jou naam Janco Fourie is nie. Dié 10-jarige derduiwel skrik klaarblyklik vir niks – veral nie as sy sussie Marlé-Nette (9) hom uitdaag om dit te doen nie. Natuurlik doen sy dan sommer lustig mee. Ware vennote in kattekwaad, dié twee – en nou het hul videomanewales met Ma se waksstrokies van hulle aanlyn sterre gemaak. Want hul wenkbroue het in die proses gewaai…

WENK Meng swart met wit, metale en helder kleur vir ’n kontemporêre voorkoms en met pastelkleure vir ’n sagter dekorskema. Swart saam met ander neutrale kleure is ook ’n klassieke kombinasie. Net ’n paar swart bykomstighede in ’n vertrek het ’n grondeffek; dit vang die oog en kan enige dekorstyl saambind. Gebruik swart om harmonie tussen onpaardekor of -items te skep – soos verskeie stukke kleurryke kuns in swart rame teen ’n muur uitgestal. KRY DIT HIER @HOME 0860-66-66-74, BABYLONSTOREN SHOP.BABYLONSTOREN.COM/ZA, BIGGIE BEST 041-402-6834, DESIGN STORE 082-940-9200, ITALITLE 010-271-2272, KNUS KNUS.CO, MOBELLI 0861-662-355, MRP HOME 0800-212-535, THE LIGHTING WAREHOUSE 011-201-2600, WEYLANDTS 0860-103-400, WOOLWORTHS 0860-100-987, YUPPIECHEF 0861-702-4969 HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN…

DIE STORIE Dit gons omtrent oor M-Net se eerste telenovelle, Legacy. Die reeks, wat wemel van bekende gesigte, gaan oor die beleggingsryk Legacy Investments, wat Sebastian Price in die 1970’s gestig het. Vandag is hy miljarde werd. Hy word nou deur aftrede in die gesig gestaar, en iemand moet die leisels oorneem. Maar wie gaan dit wees? Sy bitter eksvrou en opportunistiese oudste dogter sal immers alles in hul vermoë doen om te keer dat sy enigste seun by sy tweede vrou die troon bestyg en oorneem as uitvoerende hoof. Die reeks is ’n mengsel van die trefferreeks Succession, wat gaan oor ’n skatryk mediafamilie wie se lewens verander ná hul patriarg uittree, met ’n goeie dosis The Bold and The Beautiful. “In Legacy is geld die wortel van alle…

HULLE bly al vyf jaar saam in dieselfde meenthuiskompleks – Ammie en haar ouers in no. 1 en Ester in no. 6. Hulle het mekaar soms vinnig gesien wanneer Ester by no. 1 verbyry. Ammie het dan gewoonlik vir haar gekyk terwyl sy buite in hulle tuin met haar plastiese motorfietsie rondspeel en haar vier jaar oue beentjies baie oefening gee. Toe kom die inperking. Ná drie weke begin Ammie in die vierkant van die meenthuiskompleks heen en weer jaag om van haar energie ontslae te raak. Met die opdraande werk haar bene, afdraande hou sy hulle in die lug. Later begin sy vir Ester “hallo” skree waar sy in die tuin werskaf, terwyl Ammie met ’n spoed teen die afdraande afsuiker, haar blonde hare soos ’n reguit stert agter…

HIËROGLIEWE was ’n ingewikkelde skryfstelstel wat die Egiptenare vanaf omstreeks 3000 v.C. vir veral godsdienstige doeleindes gebruik het, dikwels in tempels en op graftombes. Eeue lank was die betekenis van die tekens onbekend, maar vandag is die skrif ontsyfer en leer dit ons baie van die tyd van die farao’s. LETTERTABEL ’n Mens kan nie eintlik hiërogliewe in ons alfabet skryf nie omdat dit twee totaal verskillende skryfstelsels is en hiërogliewe so ingewikkeld is, maar sommige tekens wat vir woorde staan, staan ook vir klanke: HOE WERK DIT? Die meeste hiërogliewe verteenwoordig werklike of abstrakte dinge. Dieselfde teken kan ook meer as een betekenis hê. ’n Prentjie van ’n arm kan byvoorbeeld staan vir óf “arm” óf “krag” óf die klank “b”. Daar is sowat 1 000 verskillende karakters. AS…

‘LOS MY UIT IN DIE SOSIALE MEDIA’ Jou tiener eis dat jy ophou om haar in die sosiale media te volg nadat jy haar dalk aanlyn aangespreek het oor een van haar plasings. Jou tiener beskou die terugvoering en kommentare op haar plasings as die lakmoestoets vir haar aanlyn gewildheid. Sy het dalk agtergekom dat gewaagde foto’s van haarself meer reaksie uitlok. Jy is egter nie haar beoogde gehoor vir hierdie foto’s nie. Jou afkeur daarvan in haar sosiale media voel vir haar of jy hierdie ruimte van haar binnedring. WAT JY DALK DINK Jy is dalk bekommerd dat potensiële werkgewers of seksuele roofdiere onvanpaste foto’s kan sien. Jy is dalk ook geskok en bekommerd dat sy losbandig lyk. WAT SY DALK DINK Sy is kwaad omdat sy die vryheid…

HUL eerste ontmoeting was eerder soos ’n toneel uit ’n romantiese komedie as ’n liefdesdrama. Armand Aucamp het in ’n gimnasium in Seepunt, Kaapstad, met ’n vriend staan en gesels toe hy “ ’n ou met grys hare” vir hom sien waai en hy ewe vriendelik terugwaai. As bekende akteur is hy immers gewoond daaraan dat bewonderaars hom herken waar hy ook al gaan. Maar toe kom Armand agter die vreemdeling het nie vir hóm gewaai nie, maar vir die man by hom. “Ná my embarrassing oomblik toe ek vir iemand waai wat nie vir my waai nie, het ek vir ons vriend gevra: ‘Wie is daai ou?’ Ek het hom aanlyn gaan stalk en hom op Instagram gevind en toe daar begin gesels.” Nou sit “daai ou” hier langs…

JOLENE MARTIN Dié Arendsvlei-aktrise en haar ouers gaan op Erfenisdag die! Khwa ttu-kultuursentrum naby die kusdorp Yzerfontein besoek om hul Khoisan-erfenis te vier. “Hulle het ’n jaarlikse viering daar wat ons tradisionele kulturele aktiwiteite herdenk,” sê Jolene. Vanjaar sien sy veral daarna uit om inheemse juweliersware uit volstruisdopkrale te maak vir haar familie wat Malta en Finland toe verhuis het. “Hopelik sal die dames by !Khwa ttu my ook in die kombuis toelaat en vir my leer om spekboomsop te maak,” vertel sy opgewonde. MANDI DU PLOOY-BAARD Al is sy baie trots op haar erfenis en kultuur, is die Getroud met rugby-aktrise Mandi du Plooy-Baard nie noodwendig ingestel op die manier hoe sy dit op dié spesifieke dag vier nie. “Op so ’n dag fokus ek ’n bietjie meer op…