Indholdsfortegnelse for 15-Oct-20 i Huisgenoot

MENINGS OOR STORIES OP HUISGENOOT.COM 1 ‘EK’S KWAAD, MAAR EK BLY LIEF VIR HAAR’ Die ma van Tharina Human, ’n onderwyseres wat tronk toe is weens die ontvoering van ’n skoolmeisie, deel haar pyn oor haar dogter se misdaad Ek voel jammer vir haar ma en familie. Wat haar dogter gedoen het, is verkeerd, en nou sal sy haar straf uitdien. Kom ons hou dus nou op met klippe gooi. WILNA Haar arme ma. Maar ek is jammer om te sê, ek voel vere vir haar dogter. Ek is ook ’n ma en beslis nie perfek nie, maar wat haar dogter gedoen het, was gewetenloos. BERNA Iemand het gesê: As ’n kind klein is, trap hy op ’n ma se skoot. En as hy groot is, trap hy op jou…

DIS ’n teer en aandoenlike toneeltjie so oud soos die lewe self; een wat jou onwillekeurig laat glimlag. ’n Jong ma met haar nuwe baba in haar arms, en langs haar ’n pa wat trots en steeds half verwonderd toekyk. Tog is die atmosfeer gedemp hier in die sitkamer van die Piek-egpaar van die Moot in Pretoria. Daar is ’n diepe swaarmoedigheid aan die manier waarop pa Quintin, ’n motorverkoopsman, kortkort oor sy rooi baard vryf. En selfs wanneer ma Jamie Lee, ’n klerk by ’n Postnet-tak, vir haar pasgebore babaseuntjie glimlag, pluk die hartseer aan haar mondhoeke. Want hul lewe het eensklaps ’n emosionele wipwarit geword. Binne net drie dae het hulle die grootste vreugde én haas ondenkbare pyn ervaar: die geboorte van ’n kind; en die dood van…

IN SY boek Tapas with Liam Tomlin fokus dié bekende sjef op ’n groot verskeidenheid smaaklike en gebalanseerde soet en sout geregte wat as geurige happies voorgesit word. Met verskeie nuttige wenke oor tegniek en hoe om geure die beste na vore te bring is dit baie maklik om al die heerlikheid in jou eie kombuis te skep. GEBRAAIDE VARKLIES GENOEG VIR 4 MENSE BEREIDING: 15 MIN. GAARMAAK: SOWAT 2 UUR 2 kg varklies30 ml (2 e) seesoutvlokkies15 ml (1 e) vars gemaalde peper200 ml sojasous50 g bruinsuiker2 steranyse2 kaneelstokke, stukkend gebreek3 cm-stuk vars gemmer, geskil en in dun skywe gesny4 knoffelhuisies, geskil en fyngedruk1 sprietui, in skywe gesny Voorverhit die oond tot 240° C. 1 Sny kepe 1 cm uitmekaar in die spek van die vark. Plaas die vark…

VERSIERDE MUUR Vetplante in potte wat aan hake hang, skep ’n treffende agtergrond vir hierdie buite-eetgebied. Meng en pas die soorte vetplante wat jy gebruik – dié wat na onder hang, werk veral hier goed. Hou die ruimte tussen die potte eweredig vir ’n eenvormige voorkoms. ’N EFFEK WAT VERRAS Plant vetplante tussen plaveisel vir ’n opvallende tuineffek wat min instandhouding verg. Sorg dat die grond tussen die plaveisel genoeg is sodat die plante nie te styf teen mekaar ingedruk is nie en dat dit op ’n goeie plek is vir die plante wat van son hou. SPIEËL-SPIEËL Rangskik ’n verskeidenheid vetplante in ou potte op ’n skinkbord. Ons hou daarvan dat dié plante voor ’n groot spieël geplaas is om die illusie van nog meer groenigheid te skep. Sorg…

BAIE mense maak die fout om nooit hul kredietrekord na te gaan nie. Dis eers wanneer hul jongste aansoek om ’n huis-, motor-of ander lening misluk of as hulle nie ’n goeie rentekoers kan kry nie dat hulle besef daar is dalk fout. Onthou, as jy nie skuld getrou betaal nie, sal dit op jou kredietrekord wys. Jy kon ook sonder jou wete die slagoffer van identiteitsdiefstal word, wat kan beteken dat skuld in jou naam gemaak, maar nie betaal word nie. Of die kredietburo kon bloot ’n administratiewe fout gemaak het wat sleg op jou reflekteer. En as jy vir werk aansoek doen, sal die voornemende werkgewer dalk jou kredietrekord nagaan, veral as die pos finansiële pligte insluit. Die werkgewer sal nie iemand met ’n slegte skuldrekord vertrou nie.…

SKERPIOEN 23 OKT – 21 NOV Mercurius, die planeet van kommunikasie, beweeg vandeesweek in jou teken agteruit. Oppas dus vir die slaggate van vals nuus, waninligting en die verlies van belangrike inligting. Jy is vir ’n slag nie in ’n baie sterk posisie wat jou beroepslewe betref nie. Met die stroom saamgaan pleks van in jou hoek baklei is dalk die enigste manier vorentoe. Spanning tussen jou en jou geliefde kom ook dalk in ’n rusie tot uitbarsting. Kom eerder ooreen om te verskil. GELUKKKIGE NOMMERS 6, 51, 16, 50, 2, 27 BOOGSKUTTER 22 NOV – 20 DES Vriende kan vandeesweek jou finansiële hulpbronne uitput tensy jy bereid is om grense te stel. In hierdie geval moet jy jou prioriteite regkry. Die behoeftes van die mense by die huis voel…

Jy kan ’n Verklarende Afrikaanse Woordeboek of Afrikaanse Woordelys en Spelreëls van die uitgewer Pharos (pharos@pharos.co.za) wen. Vul die blokraai in en gebruik die letters in die kleurblokke om die antwoord op die vraag te ontsyfer. SMS “HG” gevolg deur jou antwoord, naam en dorp/stad na 36400. Net een SMS per deelnemer word toegelaat. Net mense binne SA se grense kan deelneem. Die SMS kos R1,50. Hou die oorspronklike, volledige blokraai met jou besonderhede as bewys. Geen posstukke word as inskrywing aanvaar nie. Geen werknemers of hul gesinne van Media24, Grapevine Interactive of hul reklamemaatskappye mag deelneem nie. Die sluitingsdatum is 5 November 2020. Gaan na huisgenoot.com om die volledige bepalings en voorwaardes te sien. Vra gerus op die Facebookblad Huisgenoot Blokraaie ander lesers se raad as jy vashaak. VRAAG…

DIE Amerikaanse aktrise (19) gesels met ons oor haar nuwe Netflixreeks, Away. Talitha speel ’n 15-jarige tienermeisie, Alexis, wat drie jaar sonder haar ma moet klaarkom terwyl dié ’n ruimtesending na Mars lei. Vertel ons van jou karakter. Alexis is ’n eerlike, toegewyde en slim jong meisie. Sy is meestal gehoorsaam aan haar ouers, maar gaan ook deur baie dinge en begin voel sy wil uit haar boksie klim deur nuwe mense te ontmoet en nuwe ervarings te beproef. Hoekom wou jy deel wees van die rolverdeling? Ek hou van die karakters en hoe hulle in die reeks uitgebeeld word. Elkeen het ’n mooi agtergrondverhaal en hul eie kompleksiteite, waartoe die akteurs ook bydra. Dit was cool vir my en het gemaak dat ek deel daarvan wou wees. Hoekom sal…

NMENS wou glo hulle is werklik dolverliefde getroudes. Want selfs waar jy in jou sitkamer voor die kassie gesit het, kon jy die vonk tussen Getroud met rugby se gunstelingpaartjie aanvoel. Vir kykers was hulle die volmaakte paartjie: Simon Greeff, die gespierde kaptein van die Stryders-rugbyspan; en die beeldskone, beterweterige Renate. Ten spyte van hul stormagtige verhouding het die liefde geseëvier. Behalwe die laaste keer. In April vanjaar was Simon (gespeel deur David Louw) en Renate (Christel van den Bergh) se huwelik verby. Kykers was geskok. Kon hulle nie maar weer probeer het nie? En vir David en Christel was hul karakters se storielyn ewe traumaties – al was dit net ’n storie. Vandag, maande later, vertel Christel sy het die seer van haar karakter ervaar asof dit haar eie…

LIGGAAM-ILLUSIES SPOG MET JOU MIDDEL Om ’n belt by jou voorkoms te voeg is een van die maklikste maniere om enige uitrusting goed afgerond te laat lyk. Omdat ’n belt die aandag na jou middel toe trek, is dit ook ’n goeie truuk om dié area te beklemtoon en definisie aan jou kurwes te gee. Dit balanseer boonop ’n voorkoms wat andersins dalk nie sou werk nie, soos ’n lang kasjmiertrui saam met ’n midi-romp. As jy ’n tikkie glans by jou voorkoms wil voeg, kies ’n metaalbelt. SKOUERKUSSINGS ’n Bietjie stopsel om die skouerarea mee in te vul is die perfekte regmaker om smal of hangskouers te verbeter. Skouerkussings help jou skouers verbreed. As die voorkoms oordrewe is, oorweeg dit om die groot kussings met iets kleiners te vervang.…

DIS die een refrein wat dikwels in ’n gesprek met Oupa of Ouma opklink: “In ons tyd was daar nie soveel tegnologie nie. ” Tóé was dit maar nog net ’n droom om saans die kospotte – en jouself – ’n ruskans te gee en eerder ’n vars bereide maaltyd by jou voordeur te laat aflewer. Of om ná werk jou skoene uit te skop en op die bank te gaan lê terwyl iemand anders jou inkopies vir jou doen Ja, wêreldwyd word die een ná die ander app ontwikkel om jou lewe makliker te maak. Suid-Afrika bly nie agter nie. Hier is agt nuttige apps wat deur Suid-Afrikaners – en vir Suid-Afrikaners – ontwikkel is. NUTSMANTAKIES JOBBIE Jobbie verbind jou met gekwalifiseerde, betroubare nutsmanne vir takies in en om…

PUNTE A Almal D Dwelms G Geweld Gr Gruwel N Naaktheid O Ouerdiskresie S Seks T Taal V Vooroordeel IN DIE KOLLIG / TELEVISIE / MUSIEK / BOEKE / KORTVERHAAL / TV-GIDS / HUISGENOTJIES / BLOKRAAIE DROOMROL Sy is geen groentjie as dit by uitdagende rolle kom nie. Dié Amerikaanse aktrise het immers al twee Oscarbeeldjies vir beste aktrise huis toe geneem – vir haar spel in Boys Don’t Cry (1999) en Million Dollar Baby (2004) – en dit als voor haar 30ste verjaardag. Maar om in ’n bokskryt houe te vat is niks vergeleke met gewigloos vlieg nie, sê Hilary Swank (46) oor haar jongste rol as die Nasaruimtevaarder Emma Green in die wetenskapsfiksiereeks Away wat haar man en tienerdogter vir drie jaar op aarde moet agterlaat om die…

NARE WAARHEID Ek haat dit wanneer ek na ’n ou mens kyk en besef ons was saam in matriek. JOHAN H., GONUBE EERSTE AFSPRAAK Suinige Stefaans wag dat sy seun huis toe kom ná sy eerste afspraak met ’n meisie. Die seun daag eindelik teen middernag op. “Is Pa wakker omdat Pa bekommerd was?” “Ja, ek was rêrig bekommerd,” sê die pa en vra dadelik: “Hoeveel het die afspraak gekos?” “Wel, dit het net R40 gekos.” “Hm, dis nie so baie nie.” “Ek weet, Pa, maar haar geld het opgeraak.” L. SAAYMAN, SABIE TRANEDAL ’n Ma is in die kombuis besig toe haar seuntjie huilend binnekom. “Hoekom huil jy?” vra sy. “Ek het my kamer skoongemaak.” “Maar dis ’n goeie ding. Ek is trots op jou!” prys sy hom. “Maar…

AANBIEDER: Gerda Engelbrecht, een van ons gereelde blokraai-opstellers WANNEER: Die laaste Donderdag van elke maand. Ons volgende kuier is op 29 Oktober. TYD: 20:00 KOSTE: Grátis! WAT IS BLOKRAAI REGSTREEKS? Dis ’n aanlyn speletjiesprogram waar jou blokraaivernuf getoets word. Lekker pryse is op die spel. WAT BEHELS DIT? Jy sien ’n blokraai op jou rekenaarskerm en ding teen ander deelnemers mee om die antwoorde te verskaf. Die hele groep vul saam die blokraaie in vir ronde 1 en 2, en dan neem drie deelnemers deel aan ’n soort “eindronde”. Jy kan die aanbieder sien en hoor, maar die aanbieder kan jou nie sien of hoor nie. Jy verskaf antwoorde deur woorde in ’n raampie in te tik. HOE KAN EK SAAMSPEEL? Hoewel deelname gratis is, moet jy steeds met ’n…

Hierdie raaisel bestaan uit ’n storietjie, ’n lysie leidrade daaroor, ’n rooster (regs) en ’n oplossingstabel (links). Lees die leidrade versigtig en maak logiese afleidings om te bepaal watter items by mekaar pas. Wanneer jy twee items by mekaar gepas het, merk jy die blokkie in die rooster waar hulle bymekaarkom met ’n regmerkie. Al die blokkies in die ry wat “verkeerd” is, word met ’n kruisie gemerk. As jy een keer deur al die leidrade gewerk het, moet jy weer van voor af begin, want party leidrade sal dan meer sin maak. Aan die einde van die raaisel is ’n wenk ingeval jy vashaak. WIE WEN? Die stadsraad van die dorpie Misgery het tussenverkiesing gehou. Vier kandidate het hulle beskikbaar gestel en elkeen het ’n ander party verteenwoordig. Werk…

HY LEEF daarvoor om homself tot die uiterste te beproef. En hoe kouer, hoe beter. Dis dié dat Wim Hof sukkel om te besluit wanneer hy die naaste aan bokveld toe was. Die keuse is eenvoudig te groot. Hier in sy kombuis in die nat weste van Nederland het ek vanoggend al verstom geluister na minstens 12 van sy eskapades wat ek beslis nie sou oorleef het nie. Daar’s die keer dat hy 112 minute in ’n deursigtige boks vol ys gestaan het. En die keer toe die kornea van sy oog gevries het terwyl hy onder die ys in ’n meer naby die Noordpoolsirkel geswem het. Met daardie geleentheid het hy sy bewussyn verloor en moes ’n reddingsduiker hom aan sy enkel uitsleep. Die hoekom hulle hom “Die ysman”…

TROUES BY DOSYNE! Wat aanvanklik op 5 Oktober 2005 as ’n uurlange weeklikse drama begin het, is twee jaar later in ’n sepie omskep; een wat kykers steeds voor hul kassie vasgenael hou. Dié kykNETsepie bly vars met interessante karakters, liefdesverhale wat kykers boei en intriges wat die nekhare laat rys. Binnelanders is boonop verlede maand by die Royalty- toekennings as die beste sepie in die land aangewys. Die veteraanakteur Ben Kruger, wat al nege jaar lank die geliefde oom Okkie Ferreira speel, meen die volgehoue sukses van Binnelanders kan aan die aangrypende storielyne en toneelspel toegeskryf word. “Die stories het met die jare vir my dieper geword. Daar is meer intrige en spanning. En die mediese stories is ook baie interessant.” Ons kyk terug na van die hoogste hoogtepunte. LIGTE, KAMERA, AKSIE!…

DALK was dit ’n manier om haar tot halt te roep nadat sy so lank haar álles gegee het: as die ma van ’n babadogtertjie én as ’n aktrise wat amper daagliks lang en uitmergelende ure op die stel verduur. Oor en oor het dieselfde veeleisende roetine haar bly aftakel. Maar stilhou wou sy nie, erken die aktrise Reandi Grey – nie nadat sy so lank en hard vir haar drome baklei het nie. Toe gebeur dit: Haar liggaam dwing haar tot stilstand. Ek was moeg en duiselig toe ek by die werk aankom,” onthou Reandi (31) oor ’n dag op die stel van die sepie 7de Laan in Augustus vanjaar. “Maar, nes altyd tevore, het ek dit sommer afgemaak. Ek het suswoordjies vir myself gesê – soos dat ek…

TOE die vragmotor vol kos stilhou, stroom die mense nader. Hulle is desperaat. En hulle is honger. Honger vir enigiets om te eet ná dae en weke en maande van swaarkry en sukkel en raap en skraap. “Ek kan dit soms nie vat om te sien hoe oumas en oupas met Tupperware aangehardloop kom nie. Dan is dit partykeer al laat in die aand. Mense in rolstoele. Kinders wat ander kleiner kindertjies op hul rug abba… Aan die woord is Corene Conradie (29), die liefdadigheidsorganisasie Gift of the Givers se koördineerder in die Oos-Kaap. Tonele soos dié is algemeen by die 18 sopkombuise waar die organisasie in dié provinsie hulp verleen, sê sy. In groot gedeeltes van die Oos-Kaap is mense al die afgelope paar jaar op hul knieë weens…

OUERS SE HOUDING VERWAR V Ek en my kêrel is al langer as drie jaar in ’n langafstandverhouding. My ouers het die eerste twee jaar van ons verhouding baie goed met hom oor die weg gekom, maar dit het net onverwags verander. Hoe kan ek my ouers kry om my kêrel te aanvaar? Dop K A As daar ’n besliste draaipunt in hul optrede was, sal jy ’n openhartige gesprek met hulle moet hê om die rede vas te stel. Liefdevolle ouers wat net hul kinders se beste belang op die hart dra, sal maklik agterdogtig wees oor ’n verhouding wat anders as die norm is. Dalk dink hulle die langafstandverhouding bring jou meer hartseer as vreugde. Dit kan wees dat hulle ’n wantroue ontwikkel het bloot omdat hulle jou…

NO. 2 357 As jy vashaak, kan jy gerus ander lesers se raad vra op ons Facebookblad met die naam Huisgenoot Blokraaie. WEN ’N WOORDEBOEK KOM IN AANMERKING VIR DIE MAANDELIKSE TREKKING VAN R1 000. VRAAG: WATTER SENIOR LERAAR IS TER SPRAKE? PHAROS WOORDEBOEKE (’N DRUKNAAM VAN NB-UITGEWERS) GEE DRIE EKSEMPLARE VAN DIE AFRIKAANS-ENGELS/ENGELS-AFRIKAANSE WOORDEBOEK WEG. NEEM SODEEL Vul die blokraai korrek in, skryf die letters in die kleurblokke neer en gebruik dit om die antwoord op die vraag te ontrafel. SMS “HG” gevolg deur jou antwoord, naam en dorp/stad na 36400. Net een SMS per deelnemer word toegelaat. Die SMS kos R1,50. Net mense binne SA grense kan deelneem. Die wenners sal die oorspronklike, voltooide blokraai en hul besonderhede moet verskaf. Geen werknemers of hul gesinne van Media24, Grapevine…

WENNERS EN OPLOSSINGS GROOT BLOKRAAI NO. 2 351 R1 000-WENNERS JULIE J. Janse van Rensburg, Pretoria AUGUSTUS D.C. Smit, Primrose GROOT BLOKRAAI NO. 2 351 Antwoord: Alaska PHAROS- TWEETALIGE WOORDEBOEK M. Potgieter, Goodwood W. Bezuidenhout, Pretoria M. Strauss, Boshof FOTOBLOKRAAI NO. 2 097 Antwoord: tiekie VERKLARENDE AFRIKAANSE WOORDEBOEK Y. Bezuidenhout, Uitenhage AFRIKAANSE WOORDELYS EN SPELREËLS A. Geyser, Hartenbos FOTOBLOKRAAI NO. 2 097 BLITSBLOKRAAI KODERAAI PYLTJIERAAI ANAGRAM REDENASIERAAISEL SOEK DIE VERSKILLE WOORDSOEK NO. 1 WOORDSOEK NO. 2 SUDOKU NO. 450 / MAKLIK SPEEL DIT SO Vul die rooster so in dat elke ry, kolom en vierkant van nege blokkies die syfers 1 tot 9 bevat sonder om een te herhaal of uit te laat. OPLOSSING – NO. 449…

DIS nie net die entstof teen die coronavirus waaraan tans hard gewerk word nie – wetenskaplikes probeer ook ’n neussproei ontwikkel wat hulle hoop in die stryd teen covid-19 sal help. Die navorsers van Engeland het ’n studie gedoen waarin hulle die neussproei op frette (’n soort wesel) getoets het. Die idee is dat ’n soort molekule in die sproei met selle in die neus meng om ’n soort skild te vorm – dit “aktiveer” dus die lyf se natuurlike immuunstelsel. Verskillende groepe frette het verskillende dosisse gekry, en een groep het net ’n plasebo (’n sproei sonder die aktiewe of “medisyne”-deel) gekry voor hulle aan die covid-19-virus blootgestel is. Die diere is toe 12 dae lank dopgehou en die navorsers het ná vyf dae gesien daar is 96% minder…

‘Ek het nooit gedink ek gaan my lewe lank in ’n rolstoel wees nie en ek dink steeds nie so nie’ TARRYN TOMLINSON (38), ARTRITISLYER AS KIND was ek nie baie atleties nie, maar ek was aktief. Op hoërskool was ek deel van die swemspan. Nie een van my ouers het ’n motor gehad nie, so ek het oral geloop waar ek wou wees en die bus skool toe gevat. Ek was ’n leerder aan die Good Hope Seminary Hoërskool in Kaapstad. In my matriekjaar in 2000, toe ek 18 jaar oud was, is artritis by my gediagnoseer. Ek het besluit om nie terug te gaan skool toe nie. Ek was net in te veel pyn. Dit het in my linkerknie begin. Ek was fine en was by ’n vriend…

COVIDSKEIDING AS DIT nie vir die coronakrisis was nie, sou Armie Hammer waarskynlik nie nou deur ’n egskeiding gegaan het nie. Die 34-jarige akteur het in ’n nuwe onderhoud met GQ gesels oor sy onlangse egskeiding van Elizabeth Chambers en die gesin se besonder intense inperking. Hulle was vasgekeer in die Kaaimanseilande, wat van ’n tropiese paradys tot ’n “drakoniese inperking” omskep is. Hy en sy nou vervreemde vrou en hul kinders, Harper Grace (5) en Ford Armand Douglas (3), het die inperking by sy pa se woonstel daar deurgebring, saam met sy pa, die sakeman Michael Armand Hammer, en dié se vrou. “Ons het op die see uitgekyk, maar kon nie swem nie; ons het ’n uitsig gehad op die strand, maar kon nie soontoe gaan nie. Ons kon…