Indholdsfortegnelse for 12-Nov-20 i Huisgenoot

MENINGS OOR STORIES OP HUISGENOOT.COM 1 ‘EK SAL NOOIT MY KLEINKINDERS SIEN NIE’ Thea Pretorius, die ma van Gerhard Janse van Vuuren, vertel hoe haar lewe in duie gestort het nadat haar seun glo sy eks Andrea Venter in 2014 vermoor het Ek hoop jy sal jou kleinkinders weer sien. ’n Mens sal tog altyd lief wees vir jou kinders. Maar ouers kan nie vir hul kinders se dade verantwoordelik gehou word nie. JANET Ai, Thea, my hart gaan uit na jou. Ek dink so baie aan jou. Jy is so ’n goeie mens, en jy moes al deur soveel hartseer gaan. Ek glo vas jy sal die tweeling weer sien. AMANDA Ek kan verstaan hoe stukkend Andrea se pa is. Maar dalk moet hy en Thea verby die seer…

WAAR hulle op ’n Vrydagmiddag voor die kansel staan – ’n bruidegom uitgevat in ’n grys pak en sy donkerkopbruid prentjiemooi in haar wit-en-sjampanjekleurige trourok – het hulle al meer as die spreekwoordelike sak sout saam opgeëet. Maar vandag is die verlede met sy hartseer vergete en is dit vir Pieter van der Westhuizen en Antoinette Watson tyd om hul liefde te vier – ’n liefde wat uit die gedeelde smart gebore is van twee mense wat elk ’n geliefde weens motorneuronsiekte (MNS) aan die dood moes afstaan. Soos past. Kobus Erasmus, Antoinette se stiefpa, in sy boodskap aan die bruidspaar sê: “Albei van julle kry nou nog ’n kans, en dit is die beste kans.” En Pieter (51), ouboet van die rugbylegende Joost, is duidelik oorgehaal om hierdie nuwe…

OP-’N-DRAFSTAP- STYL Die aktrise Katie Holmes dra ’n informele wit tenktop saam met kardoesjeans en wit tekkies op ’n uitstappie in New York. DRA DIT SAAM MET… DRA DIT SAAM MET… LAAT ONTBYT OP DIE QUEEN BEY-MANIER Die sangeres Beyoncé gee die styltoon aan met ’n Atticokollebloes, kortbroek met ’n hoë middel, geel hoëhakskoene en koel sonbril. PIEKNIEKPERFEK Jennifer Lopez lyk sjiek in ’n patroonsonrok by Gucci-wighakskoene en ’n Quay-sonbril by die perderenbaan in Hallandale Beach, Florida. DRA DIT SAAM MET… DRA DIT SAAM MET… STRANDMEISIE Die model Kendall Jenner hou dit informeel in ’n denimkortbroek, wit tenktop, hemp en Birkenstocksandale vir middagete in Beverly Hills. KRY DIT HIER DUNNS 011-541-3000; MILADYS 0800-310-290; MRP 0800-21-25-35; PICK N PAY CLOTHING 0860-30- 30-30; SUPERBALIST.COM; WOOLWORTHS 0860-022-002; YDE 021-460-2800 HOEWEL ONS ALLES IN…

A Almal D Dwelms G Geweld Gr Gruwel N Naaktheid O Ouerdiskresie S Seks T Taal V Vooroordeel DIE KOLLIG / REEKSE / MUSIEK / BOEKE / TV-GIDS / HUISGENOTJIES / BLOKRAAIE Vertel ons meer oor jou karakter. Francois is ’n 19-jarige mannetjie wat by sy ouma Kate (Annelisa Weiland) kom kuier. Hy is van Pretoria en onseker oor sy toekoms. By sy ouma doen hy net wat hy wil. Hy’s naïef en krap in ander mense se slaai. Diep in sy hart wil hy net sy ouers en sy liefste ouma tevrede stel. Ek is die teenoorgestelde van Francois. Hy het rugby gespeel en ek nie. Tydens die inperking het ek gewig aangesit toe die gims toe was; ek was dus skrikkerig om tonele sonder ’n hemp te skiet.…

ROCKPLESIER Rockkitare is op die voorgrond op dié sanger se agtste album, Gewigloos. Dit neem jou deur die 12 oorspronklike liedjies wat aangevul is deur die tromme wat die ritmiese praatwerk doen. Daar is boonop geen sprake van die geprogrammeerde klanke wat so algemeen is in die popmark nie. “Ja, alles wat jy hoor, is lewend opgeneem met regte instrumente wat speel,” bevestig die sanger en liedjieskrywer Juan Boucher, wat deesdae in Pretoria woon. Dis ’n lekkergevoel-ervaring vir rockliefhebbers wat ’n broertjie dood het aan elektroniese musiek. Die tempo word wel afgedraai in die ballade “Gif ”, ’n duet saam met Liezel Pieters. Die titellied is een van Juan se gunstelinge op dié album, wat in Julie opgeneem is. “Die boodskap is dit gaan goed met my; ek sweef deur…

Alle TV-inligting was korrek teen druktyd. By Huisgenoot maak ons seker die inligting is reg, maar TV-kanale bring dikwels veranderings aan nadat ons spertyd verstryk het. BRIDE WARS SATERDAG SABC3 21:30 Twee vriendinne saboteer mekaar se troudag wanneer hul troubeplanner hul troues op dieselfde tyd by ’n luukse New Yorkse hotel bespreek. Met Kate Hudson. SUIDOOSTER MAANDAG KYKNET 18:30 Mymoena (Jill Levenberg) se kinders is bitter bekommerd oor haar welstand en vra hulp. FBI: MOST WANTED M-NET 21:30 Die span moet ’n gewese teen-intelligensieagent opspoor wat belangrike inligting aan ’n buitelandse regering voorsien het. Met Roxy Sternberg.…

WEN ’N WOORDEBOEK PLUS KOM IN AANMERKING VIR DIE MAANDELIKSE TREKKING VAN R1 000. NO. 2 361 As jy vashaak, kan jy gerus ander lesers se raad vra op ons Facebookblad met die naam Huisgenoot Blokraaie. VRAAG: WATTER BEWEGING OF KARAKTER IN ’N KLASSIEKE KINDERVERHAAL IS TER SPRAKE? PHAROS WOORDEBOEKE (’N DRUKNAAM VAN NB-UITGEWERS) GEE DRIE EKSEMPLARE VAN DIE AFRIKAANS-ENGELS/ENGELS-AFRIKAANSE WOORDEBOEK WEG. NEEM SO DEEL Vul die blokraai korrek in, skryf die letters in die kleurblokke neer en gebruik dit om die antwoord op die vraag te ontrafel. SMS “HG” gevolg deur jou antwoord, naam en dorp/stad na 36400. Net een SMS per deelnemer word toegelaat. Die SMS kos R1,50. Net mense binne SA grense kan deelneem. Die wenners sal die oorspronklike, voltooide blokraai en hul besonderhede moet verskaf. Geen…

DIE Nasa-ruimtetuig Osiris-Rex het dit reggekry om stukkies asteroïed (sien Woord van die Week) te versamel. Osiris-Rex is in 2016 gelanseer en het in 2018 by die asteroïed Bennu aangekom. Die doel van die sending was om minstens 60 g van die grondmateriaal op Bennu te versamel. Bennu is baie oud – moontlik so oud soos ons sonnestelsel, wat meer as 4,5 miljard jaar gelede ontstaan het. Daarom wil wetenskaplikes die voorbeeldmateriaal bestudeer om meer uit te vind oor hoe die planete ontstaan het. Beeldmateriaal van Osiris-Rex het gewys dat die ruimtetuig se versamelarm meer as die nodig 60 g versamel het. Dit sal nou aan boord geberg word. Dié versamelarm werk amper soos ’n omgekeerde stofsuier. Die oomblik toe die arm met die asteroïed kontak maak, het dit ’n…

JY HET dalk al na die animasiefliek The Lion King gekyk. Onthou jy die karakter Timon, ’n lang en skraal insekvretertjie wat die hoofkarakter, Simba, bevriend? Dié diertjie is ’n meerkat. Ons kan baie by die meerkat, ’n ratse soogdier inheems aan Suider-Afrika, leer – veral wat hul besonderse familiegewoontes betref. Ons bekyk vandeesweek die merkwaardige meerkat van naderby, onder meer hoe dié diertjie lyk en waar hy woon. VOORKOMS Het jy al die gedagte gehad dat ’n meerkat net twee pootjies het? Hulle is dan gereeld kiertsregop op hul twee agterpote besig om uit te kyk vir enige moontlike gevare. Maar nee, dié soogdiertjie het vier pote, wat hulle baie rats maak. Meerkatte kan uitgeken word aan hul skerp gepunte gesiggies, swart kringe om die oë, swart halfmaanvormige ore…

GMR-ster hou intieme troue Hulle sou weens die covid-19-pandemie eers volgende jaar kon afhaak. En vir die voormalige Getroud met rugby-ster Kate Roothman en haar verloofde, Willie Oberholster, sou dié gewag net te lank wees. Op Vrydag 23 Oktober het die twee toe op ’n plaas in Muldersdrift, Gauteng, voor hul naaste vriende en familie ewige trou aan mekaar beloof. “Dis ’n onbeskryflike gevoel om getroud te wees. Armand Aucamp het eenkeer vir my gesê: ‘Daar is iets so mooi daaraan om iemand jou familie te maak,’ en ek kan dit nie mooier stel nie,” sê Kate. “Ons droom so lekker saam oor die toekoms. Ons is baie opgewonde oor wat vir ons voorlê en om saam daaraan te bou,” koer sy. Malcolm Marx haak volgende jaar af Al gaan…

‘VROUE OOR 50 IS NIE OOR DIE MUUR’ ELKE keer wanneer Brooke Shields met haar sexy lyf op Instagram spog, lei dit tot ’n groot bohaai op die internet. Om te hoor die aktrise moes die selfvertroue bymekaarskraap om in die sosiale media lyf te wys, is dus ietwat van ’n verrassing. Sy erken die idee om op 55 ’n bikini te dra, het by haar tienerdogters begin. “Ek het een van daardie groot swembroeke met soveel moontlik materiaal gedra,” het Brooke onlangs vertel. “My dogters het gesê: ‘Komaan, Ma, dis belaglik.’ En ek het toe myself deur hul oë gesien en dinge soos my boude aanvaar en gevier. “Dinge waarop ek nooit sou wou fokus nie. Om 55 te wees en te sê: ‘Wag ’n bietjie, vroue oor 50…

SKOONOUERS HAAR HUIS SE KRUIS V My man se ouers woon om geldelike redes al jare lank op ons erf; eers in ’n woonstel en nou in ons huis. Dit voel egter andersom – of ons by hulle bly. Hulle het geen respek vir ons huisreëls nie. Daar is geen waardering, ondersteuning of samewerking nie. Ons het al verskeie kere daaroor probeer praat. Dit raak gou onsmaaklik. Hulle koggel ons uit en vernietig ons plante. Ek het my man voor ’n ultimatum gestel dat hulle uit die huis uittrek, terug na die woonstel toe. Ek is ordentlik grootgemaak, maar ’n mens se geduld het perke. Ek kook ook deur die week vir hulle kos. Dit voel of ek mal word. Is dit normaal? H op K A Mense word nie…

AUDREY BLIGNAULT: MET MY ROOI ROK VOOR JOU DEUR Saamgestel deur LANA BARNETT (Tafelberg, R236*) Audrey Blignault herstel by haar dogter ná die motorongeluk waarin sy beseer en haar geliefde Johan dood is. Sy sluit haar af van alles om haar. Eendag vra haar dogter haar om ’n ogie te hou op haar kleinseun, Fritzie. Hy lê in sy stootwaentjie op die stoep, en sy sien hoe hy bly waai. Sy staan op om te gaan kyk. “ ’n Sonstraal lê vol oor sy kaalhand sodat dié klein deel van hom glansend lig teen die blou kombers geword het – en daarna kyk hy. Hy kyk en kyk. Hy draai sy hand. Hy draai dit om en wéér om – die wonder van die flentertjie mens onder die aanraking van…

BOOGSKUTTER 22 NOV – 20 DES Verwag vandeesweek iets buitengewoons wat jou geldsake betref, hetsy ’n meevaller oor jou pad kom, jy nuus oor ’n lening kry of jy skuld het wat by jou kom spook. Maar gelukkig is jy van nature ’n positiewe mens, en met jou ingesteldheid sal jy waarskynlik die glas halfvol pleks van halfleeg sien. Jou aptyt om risiko’s te neem is hierdie week aangewakker, maar dit lyk of jy oor jou planne stilbly, wat dalk nie ’n slegte idee is nie. GELUKKIGE NOMMERS 19, 37, 26, 44, 1, 27 STEENBOK 21 DES – 20 JAN Die kombinasie van Jupiter en Pluto wat jou teken betree, sluit aan by ’n tema wat in April vanjaar begin het. As jy kan nadink oor wat sedertdien aan die…

FOTOBLOKRAAI NO 2107 Jy kan ’n Verklarende Afrikaanse Woordeboek of Afrikaanse Woordelys en Spelreëls van die uitgewer Pharos (pharos@pharos.co.za) wen. Vul die blokraai in en gebruik die letters in die kleurblokke om die antwoord op die vraag te ontsyfer. SMS “HG” gevolg deur jou antwoord, naam en dorp/stad na 36400. Net een SMS per deelnemer word toegelaat. Net mense binne SA se grense kan deelneem. Die SMS kos R1,50. Hou die oorspronklike, volledige blokraai met jou besonderhede as bewys. Geen posstukke word as inskrywing aanvaar nie. Geen werknemers of hul gesinne van Media24, Grapevine Interactive of hul reklamemaatskappye mag deelneem nie. Die sluitingsdatum is 3 Desember 2020. Gaan na huisgenoot.com om die volledige bepalings en voorwaardes te sien. VRAAG Watter voëlgeluid is ter sprake? Skommel die letters in die kleurblokkies…

Die Duitse fisikus Wilhelm Conrad Röntgen se ontdekking in 1895 was ’n groot oomblik in die wetenskap omdat verskeie velde, en veral die mediese veld, daarby baat gevind het. Röntgen het dit eintlik toevallig ontdek: Hy wou kyk of ’n straal lig uit ’n katodestraalbuis deur glas kan beweeg. Die katodebuis was toegemaak met digte, donker papier, en hy was dus verbaas toe ’n groen lig daaruit ontsnap en op ’n skerm daar naby geprojekteer word. Hy het toe uitgewerk dat die geheimsinnige lig deur die meeste stowwe sal beweeg, maar dan ’n skaduwee van soliede voorwerpe agterlaat. Hy het nie geweet wat presies dié strale is nie, en het dit X-strale genoem – om aan te dui dis nog onbekend. Hy het gou uitgevind X-strale kan ook deur die…

HULLE het nou die dag by die shop hier op die dorp vir my gesê ek moet turksvye heel inmaak. Ek sukkel nie so baie met ’n turksvy nie. Ek maak dit myselwers skoon met ’n mes. Niemand doen dit vir my nie, want ek weet goed van die dorings. Voor my huisie is daar ’n boom met geelperskes en agter in die jaart ook. Daar onner by die draad is dit appelkosies. Lekker grotes. Sommer so rondom my huisie waar die Here dit vir my gegee het om ’n lewe te maak. Elke jaar maak ek 24 liter jam met my eie hande. Net appelkoos. Ek sny hulle skille af en sit dit in die kookwater dat dit nie swart raak nie. Ek maak ook peach jam. Appel. En…

NBOSE poppemeester, ’n slinkse konkelaar en TV se grootste skurk – dit alles is Jamie Bartlett al genoem. Maar niemand het dit al ooit gewaag om hom in sy gesig ’n softie te noem nie. Wel, dit het nou verander. Jamie Bartlett, wat veral bekend geword het vir sy rolle as Mike O’Reilly in Isidingo en David Genaro in Rhythm City, was nog altyd te besig met reis en werk om hom aan ’n verhouding of afsprake te steur. Maar einde verlede jaar, kort voor hy in Februarie ophou werk het aan Rhythm City, het hy liefde gevind – en volgens die jong vrou aan sy sy is Jamie ’n regte sagmoedige reus. Ons gesels met die akteur en sy meisie, Rosa Onious (28), by die Johannesburgse Buiteklub. Die paartjie…

KERRIEHOENDER OOR DIE KOLE GENOEG VIR 12-18 MENSE BEREIDING: 20 MIN. MARINEER: 30 MIN. GAARMAAK: 20-30 MIN. SPESERYE 45 ml (3 e) kerriepoeier15 ml (1 e) borrie15 ml (1 e) elk komyn- enkoljandersade5 kardemompeule3 steranyse5 ml (1 t) kaneel HOENDER 12-18 hoenderstukke (dye en boudjies)30 ml (2 e) fyngerasperde vars gemmer15 ml (1 e) fyngerasperdevars knoffel sap van 2 suurlemoene500 ml (2 k) dubbelroomjogurt of karringmelk sout en peper na smaak VIR VOORSIT roti’skomkommer-en-jogurtraitatamatie-en-uiesalsamikrokruie (opsioneel) 1 Speserye Droogrooster die speserye 2-3 min. in ’n pan oor lae hitte tot aromaties. Maal dit in ’n vysel met ’n stamper fyn. 2 Hoender Sny 1-2 kepe in die vel van elke stuk hoender. 3 Meng die gemmer, knoffel, suurlemoensap, jogurt of karringmelk en die geroosterde speserye. Geur met die sout en peper…

KLOKSGEWYS, van regs bo: Tullah-mandjie R390, dagbed bekleed met Koolhide and Vogue R1 210/m, strooikussing oorgetrek met luukse buitefluweel R450/m, Musala-handdoeke in Sunkissed R495 elk en Aruba-buitemat in Greenery (160 x 230 cm) R3 300, alles van Hertex. KRY DIT HIER CIELO 0886-024-356; DECOFURN 087-740-1800; GAME 0861-426-333; HERTEX 021-914-3390; LA PERLE 021-871-1663; MRP HOME 0800-212-535; SHEET STREET 0800-212-535; THE COTTON COMPANY 060-505-7894; THE CRAZY STORE 086-111-1281; WOOLWORTHS 0860-022-002 HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE.…

DIS nou die een amptelike brief wat jy liefs nie moet ignoreer of eenkant sit en van vergeet nie. ’n Artikel 129-kennisgewing is wat jou skuldeisers aan jou stuur voor hulle met regstappe teen jou begin. Probeer jy dit ontduik, gaan jou probleme net vererger en sal dit jou baie meer geld uit die sak jaag as wat jy reeds skuld. Ons sê jou wat jou te doen staan as jy daardie koevert kry. WAT BETEKEN ’N ARTIKEL 129-KENNISGEWING PRESIES? Kragtens die wet mag ’n kredietverskaffer geen regsaksie teen jou neem as hulle jou nie in kennis gestel het dat hulle dit gaan doen nie. ’n Artikel 129-kennisgewing is ’n skriftelike kennisgewing wat jou inlig dat jy agterstallig is weens onbetaalde paaiemente – en vervolg sal word as jy nie…

THE WORLD OF THE MARRIED Dié Suid-Koreaanse reeks gaan jou ure se kykgenot verskaf. Hier is als wat jy oor dié K-drama moet weet. Waaroor gaan dit? Die reeks, wat op die BBC One-dramareeks Doctor Foster gegrond is, gaan oor ’n egpaar wat skynbaar die perfekte huwelik het. Dr. Ji Sun-woo (Kim Hee-ae) is ’n suksesvolle dokter en mededirekteur van ’n hospitaal in Gosan. Sy is gelukkig getroud met die rolprentmaker Lee Tae-oh (Park Hae-joon), by wie sy ’n tienerseun het. Maar dan begin die krake wys. Sy begin snuf in die neus kry dat haar man se oog dwaal – en hul vriendekring wis boonop van alles. Is dit goed? Die reeks van 16 episodes is die hoogs aangeskrewe reeks op Koreaanse kabeltelevisie. Hoewel dit gekritiseer is dat dit…

BROEDERLIEFDE Frikkie gaan na die naaste kroeg en bestel drie doppe. Hy neem om die beurt ’n sluk uit elke glas. Die ou langs hom bekyk die spulletjie. Later vra hy: “Waarom dan die drie doppe?” “Ek drink saam met my twee broers. Hulle is albei in ver lande en ek mis hulle,” verduidelik Frikkie. So gaan dit maande lank aan. Op ’n dag bestel hy net twee doppe. Almal in die kroeg is verbaas en vra of een van sy broers dalk iets oorgekom het. “Nee,” antwoord Frikkie, “ék het opgehou drink.” ELIZABETH AVENANT SLAPELOOS ’n Rekenmeester sukkel om te slaap en gaan spreek ’n dokter. Dokter: “Het jy al probeer skape tel?” Rekenmeester: “Dis juis die probleem. Elke keer as ek ’n fout maak, sukkel ek drie uur…

’N AKTRISE WORD GEBORE Veronique het in die Paarl grootgeword. “Toneelspel het saam met my geboorte gekom,” vertel sy. “Ek was een van daai kinders wat nie gehuil het toe sy uitkom nie. Ek was toe al dramaties,” spot sy. “As kind het ek baie gepraat, baie gedans en met die grootste bos krulle rondgeloop.” Dié oudleerder van die Sekondêre Skool Klein Nederburg op dié Bolandse dorp het ná haar matriekjaar drama en teaterstudie aan die Universiteit Stellenbosch studeer. Sy het verlede jaar haar tweede graad verwerf – ’n honneursgraad in kreatiewe skryfwerk. “My eerste groot rol was as Amy in die derde seisoen van die regsdramareeks Fynskrif. Sjoe! Dit was lekker,” sê sy. “Tot vandag is Amy my gunstelingkarakter. Sy is so ’n boss. Ek is mal oor fierce karakters.”…

VIR miljoene fliekgangers was hy die heel beste James Bond nog – sjarmant, sexy en charismaties. Voeg daarby ’n stem wat jou laat swymel en jou in jou sitplek laat wegsmelt… Maar vir Sean Connery het die rol eintlik meer ’n las as enigiets anders geword, en hy het sy aanhangers geskok toe hy dit duidelik uitstippel. “Om James Bond te speel,” het hy laat hoor, “is ’n grap en ’n uitdaging en so steurend soos ’n nagmerrie.” Tog het dit van hom ’n superster en een van die beroemdste mense op aarde gemaak en vir hom ’n fortuin van R5,6 miljard (sowat $350 miljoen) laat inrol. Hy het 007 ses keer gespeel voor hy die wêreld van vuurwapens, Bond-meisies en daai bekende “shaken, not stirred”-martini’s in 1967 vaarwel toegeroep…