Indholdsfortegnelse for 19-Nov-20 i Huisgenoot

AS JYVAN MOORD DROOM Deur DEBORAH STEINMAIR (LAPA Uitgewers, R252*) Toe sy ses was, is Maryna voor haar skool gesteel. Haar ouers, Erin en Bert, se huwelik oorleef dit nie. Twintig jaar later bring ’n polisievrou wat aan die saak gewerk het ’n baie oorgewig, baie bot vrou na Erin se deur en sê dis haar verlore dogter. Later laat weet die vrou hulle moet vlug, want daar is mense op Maryna se spoor. Deborah Steinmair se jongste, spanningsvolle roman het as tema pedofilie en kinderdiefstal, maar die swaarte word getemper deur die menslikheid en die intelligensie van die interessante belangrikste karakters. Deborah beantwoord ’n paar vrae: Wat was die impetus vir die storie? Gert van Rooyen en Joey Haarhoffhet ons landskap bevark toe my oudste dogter ’n baba was.…

DIE tifoon Goni het die Filippyne vroeg in November getref en groot skade aangerig. Goni is wêreldwyd die sterkste sikloon tot dusver vanjaar, en die wind het met tye teen tot 310 km/h gewaai. Die Catanduanes- eiland is veral erg getref, met minstens 16 mense wat dood is. Die stormsterk winde en kwaai reën het krag, water en telefoonnetwerke afgesny en tot nege uit 10 huise beskadig of verwoes. Wat is ’n tifoon? ’nTifoon is ’n kragtige storm met sterk winde. Dit gebeur wanneer warm, klam lug bo die see versamel en wolke en wind begin vorm. Wanneer die wind teen 63 km/h waai, word dit ’n sikloon genoem. Maar dié storm word ’n tifoon as die windspoed meer as 119 km/h is. Van bo af lyk ’n tifoon amper…

VIR baie mense is ontbyt sonder ’n koppie boeretroos byna ondenkbaar. Dié warm drankie is wêreldwyd gewild. Maar waar kom koffie vandaan? Koffie word van die sade (koffiebone) van die koffieplant Coffea gemaak. Koffieplante is inheems aan Afrika en kan tot 10 m hoog groei, maar hulle word gewoonlik korter gesnoei. Ons leer jou hoe koffie se storie begin het en hoe dit ook later in Suid-Afrika wortelgeskiet het. KITS- EN FILTERKOFFIE Ons koop koffie in die winkel in twee vorms – poeierkoffie (kitskoffie) of koffiebone wat jy moet maal of wat reeds gemaal is (vir filterkoffie). Koffiebone wat van die bome geoes is, word behandel deur hulle eers te droog en dan te rooster. Die gedroogde bone kan dan in ’n koffiemeul fyngemaal word. As jy die gemaalde koffie…

DIS ’n wonderwêreld wat voor jou op die grootskerm oopvou. Die bos druis, oral kwetter voëls, en doer bo raak die wind aan die takke van die boomreuse waar blare ritsel. Jy is ín die Knysnabos, verbeel jy jou, en dis 1933. En dít is hoekom die vervaardigers van Toorbos, ’n nuwe Afrikaanse fliek wat pas in fliekteaters begin het, nie omgegee het om keer op keer die uitreiking daarvan uit te stel nie. Toe die inperking teaters maande lank gesluit gehou het, het die span agter die fliek volgehou: Mense móét dit in die teater sien, die storie belééf – nie net aanlyn of op die televisie nie. Dit gaan ook nie net oor wat jy sien nie, sê dieregisseur, Renévan Rooyen. “Ek is seker daar was nog nie…

DIE verhoor was soos om ’n motorongeluk te aanskou – skrikwekkend, maar jy kan nie wegkyk nie. Sestien dae van afgryse waarin twee Hollywoodsterre die handskoene uitgetrek en kaalvuis in die hof onder mekaar ingeklim het. Daar was niks wat die wêreld nié oor die smerige lewe van Johnny Depp en Amber Heard te hore gekom het nie. Die dwelms, die drank, die bewerings van aanranding van albei kante af, die miniatuurYorkie (hare) wat by ’n motorruit uitgehang is, die afgekapte vingerpunt (syne), die ontlasting (hare) in die huweliksbed… Teen die einde was Johnny wetlik die verloorder. Hy het die Britse koerant The Sun vir laster gedagvaar nadat hulle hom ’n vroueslaner genoem het, maar die regter in die Londense hof waar die ellendige sage afgespeel het, het onlangs teen…

Intussen, oorkant die see Meghan en Harry het die Britse vakansiedag op hul eie spesiale manier gevier. Volgens die egpaar se woordvoerder het hulle “’n privaat besoek afgelê aan die Los Angeles- nasionale begraafplaas om hulde te bring aan diegene wat ’n diens gelewer en diegene wat hul lewe opgeoffer het”. Die prins het ’n kranslegging gedoen en hy en die hertogin van Sussex het blomme neergelê by twee soldate van die Statebond se grafte. Volgens hul woordvoerder het een persoon in die Australiese koninklike lugmag en die ander persoon in die Kanadese artillerie gedien. Om deel te neem aan die tradisie van kranslegging op Wapenstilstandsdag het ’n spesiale betekenis vir prins Harry (36), soveel dat hy glo sy familie gevra het of hulle namens hom ’n krans by die…

DIS die hoogtepunt waarheen haar pa al sy hele politieke loopbaan werk: om die leier van sy party te word. Maar vir die vierjarige Olivia Steenhuisen was pa John se oorwinning in die Demokratiese Alliansie (DA) se leiersverkiesing eintlik “baie vervelig”. “Sy kon nie verstaan hoekom ek weer die leier moes wees nie – sy’t gedink ek’s reeds die leier,” vertel die man wat pas amptelik aangewys is as die nuwe hoof van die opposisieparty. Hy het immers tot onlangs as tussentydse leier van die party gedien voor hy die party se jeugleier, Mbali Ntuli, geklop het in hul stryd om die toppos. Olivia sou waarskynlik trots gewees het op haar pa as sy prestasies nie vir haar so vanselfsprekend was nie – hy het 80% van die 2 000…

TOE sy daardie Dinsdagoggend voor werk in haar tienerdogter se kamer inloer, het dié nog lê en slaap. Op die vloer het LeJeandre de Bruyn (toe 15) se sakke gepak gestaan. Dit was skoolvakansie, en die tienermeisie sou van die volgende dag af by familie gaan kuier het. In sy kamer in die gesinshuis op Wynberg se militêre basis het ouboet Chezlin (toe 17) vir die somerskoolklasse van sy matriekjaar reggemaak. Ma Catherine (nou 45) en haar seun is by die huis weg vir net nog ’n “gewone dag”, vertel Catherine vandag, min wetend dat dit die laaste keer sou wees dat hulle “Sussie” sou sien. Dis ses jaar later, maar die seer lê nog vlak in haar oë toe Catherine per videooproep oor die dag in Oktober 2014 praat…

DIT kan na ’n oorweldigende taak voel om hierdie seisoen helder, somerse kleure in jou klerekas in te werk, maar dit is taamlik maklik as jy by die stylreëls hou. Dis belangrik om skakerings te kies wat jou veltoon komplementeer. Kleure wat met jou veltoon bots, kan jou vel en hare vaal en uitgewas laat lyk, terwyl die regtes jou natuurlike kenmerke kan beklemtoon en jou laat gloei. Ons verduidelik jou hoe om jou veltoon te bepaal en die vleiendste kleure vir jou klerekas te kies. WAT IS MY VELONDERTOON? Jou velondertoon is die subtiele, gedempte kleur wat reg onder die oppervlak van jou vel lê en jou algehele kleur beïnvloed. Jou oppervlakvelkleur sal ligter of donkerder raak afhangend van seisoenale sonblootstelling, maar jou veltoon sal onveranderd bly. Daar is…

FORMEEL In dié simmetriese uitleg het een groot stuk (dit kan ’n geraamde kunsafdruk, foto of selfs ’n spieël wees) ewe veel kleiner rame weerskante. Dit werk goed vir stukke wat deel is van dieselfde storie, soos werke van dieselfde kunstenaar of swart-wit gesinsfoto’s. Nog ’n opsie vir ’n formele galerymuur is om ewe groot rame in ’n rooster te hang. EKLEKTIES Skep dié voorkoms met rame in verskillende vorms en kleure. Voeg ander muurbehangsels soos macramé of ’n boksrak by. Dit is steeds belangrik om die algehele voorkoms gebalanseerd te hou – bly dus by ’n breë vorm soos ’n reghoek soos op die illustrasie. Dit is ook ’n lekker manier om ’n groeiende galerymuur te skep – dit is minder gestruktureerd, en jy kan bloot aanhou byvoeg soos…

Nuwe baadjie Dié wat na Nicolas Roeg se 1990- fliekweergawe van Roald Dahl se donker fantasieboek The Witches gekyk het, sal Anjelica Huston se uitbeelding as die Grand High Witch onthou. Nou, 30 jaar later, is daar ’n nuwe weergawe van dié kultusfliek. Chris Rock open die fliek as die verteller. Hy het sy ouers tragies verloor toe hy maar agt jaar oud was en het ’n band met sy ouma (Octavia Spencer) gevorm – sy help hom uit die put van depressie waarin hy hom bevind. Die jonger weergawe van sy karakter, Hero Boy, word deur Jahzir Bruno gespeel. Hy gaan bly in 1967 by sy o in Demopolis, Alabama. Ná ’n onderonsie met ’n heks span die twee by ’n luukse oord aan die kus uit – min…

DIE gedruis van die waterval is oorverdowend. Die koue water van die rivier wat oor haar geskraapte, brandende voete vloei, bring verligting. Haar hare is vol takke en blare. Met bewende hande skep sy water op om haar vuil, betraande gesig af te spoel. Die snikke ruk nog deur haar lyf. Net ’n oomblik gelede het sy daar bo by die waterval gestaan en afkyk hoe die water na onder val. Sy het oor iets gestruikel en na onder getuimel. Haar hele lyf is seer, styf en vol blou kolle en krapmerke. Nou staan sy aan die onderkant van die waterval en kyk na bo. Hoekom het ons so ver van die kamp afgedwaal, Coco?” vra sy die sjokoladebruin labrador wat saam met haar langs die rivier staan en water…

Vertel ons meer oor die reeks. Alex Rider gaan oor ’n tienerseun wie se oom onverwags sterf. Hy beland dan skielik in ’n wêreld van spioene. Hy moet die mensdom red terwyl hy oor sy oom treur. Dit is ook ’n storie oor vriendskap, hoe om jou duiwels te oorwin en vergifnis. En dit is epies en propvol aksie. Ek dink dit het iets vir almal. Hoekom is dit so opwindend om Alex te speel? Ek het die boeke gelees vandat ek nege jaar oud was en was mal daaroor. As ék so gevoel het, weet ek miljoene mense oor die wêreld het dieselfde gevoel. Ek weet ook hoe lief mense daar buite vir die boeke en die karakter is. Ek doen net my bes om aan almal se verwagtings…

DIE koffie wat grootmense elke dag drink, is deur ’n baie lang reis voor dit in hul beker beland het. Koffiebome is berug daarvoor dat dit lank vat om te groei en koffiebone op te lewer. Die bone gaan daarna deur ’n klomp prosesse voor dit gereed is om te gebruik. Wanneer jy weer ’n beker koffie sien, dink dus aan al die harde werk wat daar ingegaan het om dié drankie te verskaf. LEWENSIKLUS VA N DIE KOFFIEBOOM 1. SAADPLANTING Koffiebone is eintlik sade, en groenes word gewoonlik in groot beddings geplant. Ontkieming en die vorming van spruite kan tot 2½ maande duur. 2. KWEEKHUISPLANTING Wanneer die plantjie vier blaartjies het, word dit in ’n plastieksak geplaas en in ’n kweekhuis gekweek. 3. PLANTASIEPLANTING Wanneer die koffieboom tussen 45…

‘Ek sou sê dans is harder as rugby. Dis sulke intrinsieke, unieke spiere wat jy gebruik wat jy nooit anders in jou lewe sou ontwikkel het nie’ ‘DOUGLAS is baie klein. Jy moet mooi kyk of jy mis hom. Dit is seker so 100 km van Kimberley en so 130 km van Prieska af. Hier speel almal rugby. Dis mos die Noord-Kaap. Ek het eendag uit die skool gekom en vir my ma gesê: “So laat ek my nie seermaak nie. Ek is nie lus vir rugby nie. Ek wil dans.” Ek het in die laerskool begin dans. Marina Klopper het na die skool toe gekom en gesê as iemand in dans belangstel, moet hulle asseblief ná die tyd agterbly. Ek en ’n paar pelle het agtergebly. Sy sê toe,…

JY KAN hom maar die verkleurmannetjie van die kassie noem. Of Frank Rautenbach nou ’n skurk of ’n romantiese held speel, hy voer die kykers mee. “Nou die dag lees ek iemand se kommentaar in die sosiale media wat iets sê soos: ‘Jy het ’n skurk gespeel in Suidooster; toe dink ek sommer jy is lelik. En nou speel jy ’n romantiese rol in Getroud met rugby; nou is jy weer vir my mooi,’” lag hy. En vir die gesoute akteur is die lewe weer mooi noudat die dae van tuis ingeperk wees verby en hy voor die TVkameras terug is. Die geluksaligheid straal uit Frank se gesig wat veel jonger as sy 48 jaar lyk. Nie net het hy die afgelope jaar in die twee gewilde kykNET-sepies verskyn nie;…

OP STEMDAG was die skrif letterlik aan die muur vir Donald Trump. Want op daardie dag het sy Demokratiese teenstander na sy beskeie ouerhuis in Scranton, Pennsilvanië, gegaan en self op die woonkamermuur van hul huis in die werkersklasbuurt geskryf: “Van hierdie huis na die Withuis, met die Here se genade. Joe Biden 03/11/2020.” En kort voor lank is Trump in die sosiale media gespot met sy eie sêding as baas van The Apprentice, sy eertydse werklikheidsreeks: “You’re fired!” Heel gepas was dit Biden se naelbyt-oorwinning in Pennsilvanië wat hom genoeg kieskollege-stemme – 279 teenoor Trump se 214 – gegee het om die Amerikaanse presidentsverkiesing te wen. Maar eers was daar ongekende politieke hoogdrama in ’n erg verdeelde Amerika. Daar was die ontwrigting wat die coronaviruspandemie in die land veroorsaak…

VIR Willie Fourie* was dit soos ’n sprokiesromanse. Kort nadat hy in Maart vanjaar met ’n “dokter van ’n Kaapse hospitaal” op Facebook begin gesels het, haal sy ’n bus en kom kuier vir hom in Springs, waar hy tot voor die inperking as ’n sjef gewerk het. Dit was April toe Willie (37) die donkerkopvrou, met net ’n klein tassie by haar, by die bushalte gaan oplaai het. Sy ouers het haar soos ’n eie dogter verwelkom in hul huis, waar Willie ook woon. Sy sou net twee weke bly, maar was maande later steeds daar. En kort voor lank het Sonnet-Mari Brand, kompleet in ’n swart mediese oorpak en met ’n stetoskoop om die nek, as ’n “pulmonoloog” (respirasie- en longspesialis) in die Oos-Randse stad begin praktiseer. Willie…

DIT val ’n mens byna onmiddellik op wanneer jy jou voete nou op die strand sit: daardie klein, halfdeurskynende korreltjies wat skielik op baie plekke langs die kus uitgespoel het. Op sommige strande lê sommer honderde van die korreltjies plastiek, en maak jy dit bymekaar, kan jy hande daarvan bymekaarskep. Van Kommetjie en Kaappunt tot by Plettenbergbaai en Muizenberg tot by Mosselbaai – noem maar op, jy sal dit dié somer waarskynlik langs die hoogwatermerk aantref. Maar wat is dit en waar kom dit vandaan? En watter impak hou dié plastiekstukkies vir die omgewing in? WATPRESIES IS DIT? Die halfdeurskynende korreltjies staan as “nurdles” bekend. Elke korreltjie is so groot soos ’n lensie en van plastiek gemaak Dit word gebruik as rou materiaal vir die vervaardiging van byna alle plastiekprodukte,…

PLAT SKOENE Die algemeenste probleem met plat skoene is wanneer dit die agterkant vandie hak skuur of die kleintoontjie knel. Maak seker jy kies die regte groot te wanneer jy plat skoene koop. Dit is plat en bied geen ondersteuning aan die voetbrug nie. As jy hou vanplat skoene en gemaklik wil wees, belê in ’n goeie binnesool watdie voetrug ondersteun. TEKKIES Om die regte tekkies te vind is noodsaaklik as jy in gemak wil loop. Een manier om tekkies te toets is omdaarintestap en draf. Jykan ook op een been balanseer en op een been hurk om dit te toets. Die skoen moet dadelik gemaklik voel. VOETVORMS KOOP VOLGENSVOETVORM 1 KNOKKEL-EELTE Knokkeleelte is hoekige knoppe wat gewoonlik aan die buitekant van die groottoon vorm. Beste skoene Skoene van sagte…

TOE hy van die Experian-dataskending hoor, het Johann du Toit (skuilnaam) ’n vreemde gevoel gehad hy is geteiken omdat hy voorheen ’n slagoffer van identiteitsdiefstal was. Sy vrese is bewaarheid: Dit het weer gebeur. Nadat hy vyf jaar gelede ingeloop is, het Johann by TransUnion geregistreer en dié kredietburo het hom van ongewone aktiwiteite onder sy naam ingelig. “Hulle het gesê daar is ’n aansoek om ’n persoonlike lening by ’n bank. Ek het gesê dit is nie ek nie; dus is die lening geweier,” vertel hy. Maar die misdadigers wat sy persoonlike inligting gebruik het, het reeds met bedrog weggekom – toe hy later na sy kredietverslag kyk, het Johann uitgevind “hy” skuld sowat R7 000 in winkelkrediet. Hy probeer steeds sy naam skoon kry, sê hy. “As jou…

BRUCE SPRINGSTEEN Baie musikante het die inperking gebruik om diep te delf en emosionele nuwe musiek te skep, en Bruce Springsteen is geen uitsondering nie. Die “Born in the U.S.A.”-sanger het onlangs sy 20ste album, Letter to You, uitgereik. Vir dié album, wat in sy tuisateljee in New Jersey opgeneem is, het Bruce die eerste keer saam met die E Street Brand opgetree sedert The River Tour van 2016, wat deur Billboard en Pollstar as die beste wêreldtoer van die jaar aangewys is. Die 71-jarige sanger, wat in die Rock and Roll Hall of Fame ingehuldig is, meen Letter to You is een van sy beste aanbie- dings nog. “ Ekhou van die emosionele aard daarvan. En ek hou van hoe die E Street Band daarop klink ; hulle het…

IN November is dit presies 20 jaar sedert die eerste ruimtevaarders op die Internasionale Ruimtestasie, die ISS (International Space Station), gaan woon en werk het. Die Amerikaner Bill Shepherd en twee Russe, Joeri Gidzenko en Sergei Krikaljof, was die eerste bemanning van dié navorsingstasie. Hulle het op 2 November 2000 aan boord gegaan van die tuig waarvan die eerste deel in 1998 gelanseer is. Sedertdien was die stasie sonder onderbreking beman. Die ISS behoort nie aan een land nie; dis die resultaat van ’n samewer-kingsooreenkoms tussen die ruim teagentskappe van die VSA, Rusland, Japan, Europa en Kanada – en ruimtevaarders van ander lande kan ook daar gaan woon en werk. Daar is te alle tye drie tot ses bemanningslede aan boord – en een sending na die ISS duur gewoonlik…

OP ’N swart-wit foto sien jy ’n ma op die rand van ’n hospitaalbed sit en huil; op nog een ’n verslae ouerpaar wat ’n piepklein, lewelose lyfie vashou, styf in ’n kombers toegedraai. Woordeloos beeld dié hartverskeurende foto’s die smart uit oor ’n jong lewetjie wat nog voor sy eerste asemteug kortgeknip is. Op 20 weke is die Amerikaanse model Chrissy Teigen (34) en haar sanger-man, John Legend (41), se “wonderwerkbaba” doodgebore. Ná jare van vrugbaarheidsprobleme is hy natuurlik verwek, terwyl sy ousus, Luna (4), en ouboet, Miles (2), albei proefbuisbabas was. Maar toe moes die blye afwagting plek maak vir bitter teleurstelling en ’n hartseer so diep en vir ander soms onbegryplik dat talle vroue in dieselfde posisie dit liewer in stilte verduur. Maar nie Chrissy nie. Sy…