Indholdsfortegnelse for 26-Nov-20 i Huisgenoot

1 ‘LIEFDESDRIEHOEK’ EN MOORD IN DIE LAEVELD Simoné Papapavlou het aan die polisie vertel plaasaanvallers het haar man, Raymond, vermoor. Nou word haar beweerde minnares van die moord aangekla As sy skuldig is, was dit alles so onnodig. Jy kon net jou kop hoog gehou en uitgestap het, dan het almal daarna bly leef. Nou het jy niks reggekry nie. Dis selfsugtig. SUE-ANNE Kon sy nie maar net vir hom gesê het wat aangaan nie? Skei van hom en gaan met jou lewe aan. Nou gaan jy en jou minnares dalk glad nie eens saam wees nie. RINALIE Raymond is iemand se kind. En daardie iemand is lief vir hom. Ouers moenie hul kinders begrawe nie. En wie wil op so ’n manier ’n seun verloor? Dit sal jou kan…

IN SY dekades as volwassene het hy nog nooit een van die natuurlikste fisieke vreugdes van die mens ervaar nie. Die intimiteit wat miljarde volwassenes al oor die eeue heen ervaar het, was hom nog nooit beskore nie. Dié Gautengse verkoopsman is in sy 40’s, maar hy het nog nooit seks gehad nie en nog nooit die vervulling van ’n intieme verhouding gesmaak nie. En dis nie omdat hy nie wil nie – dis omdat hy nie kan nie. Sy depressie en skaamte daaroor het daartoe gelei dat hy selfs ’n gewone sosiale lewe vermy, want sê nou daar word oor slaapkamersake gepraat en uitgevra? Of erger nog, sê nou hy word gespot? Steven (’n skuilnaam) ly aan Peyronie se siekte – ’n seldsame toestand wat die penis drasties laat…

GEMMER-DADELBOLLETJIES ’n Skeut gemmer verhef dié dadelbolletjies bo die gewone. Dis heerlik saam met tee of ná ete. ’n Mooi boksie, uitgevoer met ’n servet met ’n strik omgebind, of selfs ’n glaspot, is die ideale verpakking. Ek het springmielieboksies gebruik. LEWER 50 BOLLETJIES BEREIDING: 20 MIN. 400 g ontpitte dadels1,25 ml (¼ t) koeksoda125 ml (½ k) kookwater1 x 200 g-pakkie Tennisbeskuitjies160 ml (⅔ k) kakaopoeier250 ml (1 k) klapper60 ml (¼ k) klapperolie, gesmelt30 ml (2 e) fyn gemmer10 ml (2 t) vanieljegeursel ekstra klapper om in te rol 1 Plaas die dadels in ’n glasbak en sprinkel die koeksoda oor. Giet die kookwater oor en verhit 1 min. in die mikrogolfoond. Laat afkoel. 2 Plaas die beskuitjies in die bak van ’n voedselverwerker en verwerk tot fyngekap.…

Wenk Gebruik kunsplante in areas waar regte plante sukkel om te oorleef, soos plekke wat min natuurlike lig kry. Gebruik syblomme as ’n tafelversiering of in mooi vase vir ’n kleurvolle en luukse gevoel. Kombineer regte en kunsplante in verskeie kleure, hoogtes en teksture. Maak plante gereeld skoon sodat dit bly lewendig lyk. KRY DIT HIER @HOME 0860-834-834; BIGGIE BEST 041-402-6834; BLOCK & CHISEL 021-712-5193; H&M 086-0690-707; HOME ETC. 021-551-3311; LEAF & LIVING 083-287-4590; MRP HOME 0800-212-535; PLANT COUTURE 082-449-1105; SHEET STREET 0800-212-535; SUPERBALIST.COM; THE CRAZY STORE 086-111-1281 HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD…

WIL NA SEUN UITREIK V Hoe kan ek my verhouding met my volwasse seun in sy vroeë 20’s herstel? Ek is meer as 10 jaar gelede van sy pa geskei, en my kinders het by my gebly. Ná ’n paar maande het my seun besluit om eerder by sy welgestelde pa te gaan woon. Hy het my ook verwyt omdat ek nie langer in die huwelik uitgehou het nie. Deur die jare het ek hom gedurig probeer kontak en sien, maar nooit druk op hom geplaas nie. H op K A As jou kind al sedert sy tienerjare negatief reageer op enige kontak wat jy met hom wil maak, kan dit wees dat ouervervreemding ingetree het. Dit kan doelbewus of onbewustelik veroorsaak word deur ’n ouer wat ’n wrok teen…

HAAR PAD NA ROEM Die 29-jarige aktrise is al van jongs af in die vermaakbedryf en het op 14 teenoor die Hollywood- ster Tim Robbins gespeel in die biografiese rillerfliek Catch a Fire (2006). Daarna het sy naam gemaak as die sorgelose Charlie Holmes in die plaaslike sepie Isidingo. Jay is tans in twee M-Net-produksies te sien: die dramareeks Inconceivable en dié kanaal se eerste telenovelle, Legacy. Anders as die kommerlose rykmansdogter Lexi Price wat sy in Legacy speel, gaan haar karakter in Inconceivable, die jong ma Tamsin Watts, deur diep waters. Haar pasgebore baba word deur die ryk prokureur Rachel Bishop (Carine Rous) gesteel. Dié ruil haar doodgebore baba met Tamsin se kind om. “Tamsin is moedeloos, arm en werk by ’n kroeg om geld bymekaar te skraap vir…

GLAM-DIVAS-OMNIBUS Deur SOLET SCHEERES (LAPA Uitgewers R261*) TALIA, Didi en Lienka kom al van kleins af saam en is nou in gr. 10 steeds beste maats. Hulle begin ’n agentskap wat partytjies reël, klere ontwerp en skoolmaats help om reg aan te trek vir spesiale geleenthede. Alles baie lekker, maar niks sonder drama nie! Ons gesels met Solet Scheeres oor haar dubbeldik omnibus. Hoe het die Glam-Divasstories ontstaan? ’n Uitgewer het my gevra of ek ’n reeks vir meisies wil skryf. Ons het toe reeds in Nederland gewoon en hier was soveel voorbeelde in die literatuur van sterk meisies wat hulle eie toekoms bepaal. Hier was ook ’n tienertydskrif, Hoe overleef ik, wat my bitter opgewonde gemaak en geïnspireer het. Vir my was dit veral belangrik om iets te skryf…

STEENBOK 21 DES – 20 JAN As jy op die steun staatmaak van die groep mense saam met wie jy werk, moet jy nie verbaas wees as jy vandeesweek selfstandiger moet wees nie. Gelukkig kom dit natuurlik vir ’n Steenbok; dus moet jy dalk op dié eienskap steun. Jy sal nou meer by die werk uitrig deur ’n agter-dieskerms-houding aan te neem pleks van voor te skryf. Spits jou ore vir subtiele skinderstories, insiggewende wenke en klein geheime. GELUKKIGE NOMMERS 17, 13, 19, 44, 36, 16 WATERDRAER 21 JAN – 18 FEB Dit is een van jou gunstelingtye van die jaar. Die son skyn op jou en jou vriendskappe. Met dié dat ’n volmaan vandeesweek die ander kant van ’n vriendskap verlig, sal jy ’n unieke kans hê om die…

KRY DIT HIER MRP.COM; PICK N PAY CLOTHING 0860-30-30-30; POETRY 0860-665-533; WOOLWORTHS 0860-022-002 Hoewel ons alles in ons vermoë doen om korrekte pryse te verskaf, kan foute voorkom waarvoor Huisgenoot en die verskaffers nie verantwoordelik gehou kan word nie.…

‘EK HET op ’n plaas buite Delareyville grootgeword waar my ouers geboer het. Ek was in gr. 3 by Laerskool Wildehondepan toe my ouers skei en ons dorp toe getrek het. Ek het by my ma gebly, en by die laerskool het almal my aanvaar soos ek is. Ek was 10 jaar oud toe ek agterkom iets is fout. Ek het gewonder hoekom die ander maatjies groei en ek nie. Ek het gedink dis omdat ek nie al my kos opeet nie. Dit het my daai tyd bietjie gepla. Ek het in ’n stadium vir my ouers gevra: “Hoor hier, hoekom groei ek nie?” Dis toe dat hulle my vertel ek is anders en ’n dwerg. Hulle het van die begin af geweet ek is ’n dwerg, maar hulle het…

HY SIT in ’n knyptang weens sy morele oortuigings as ’n mens en medikus. In Nieu-Seeland is hy vervolg omdat hy sy sterwende ma op haar versoek uit haar kankerlyding help verlos het. Nou betaal hy ook in Suid-Afrika ’n geregtelike prys weens sy oortuiging dat mense die reg het om self te besluit om van die lyding van ongeneeslike toestande te ontsnap. Prof. Sean Davison is ’n gebore Nieu-Seelander wat vir hom en sy gesin hier in Kaapstad ’n lewe gebou het. Weens die persoonlike, pynlike keuses oor hulp aan vriende en geliefdes wat hy al moes maak, is hy een van die bekendste gesigte van genadedood in albei lande. En in albei lande het dié forensiese professor aan die Universiteit van Wes-Kaapland met die gereg gebots. Huisgenoot het…

BYNA ’n kwarteeu gelede het hulle ewige trou aan mekaar beloof. Vandag staan Morné en Celeste Nurse weer saam voor die kansel in dieselfde Kaapse kerk, maar sedert die destydse troubeloftes, troukoek en mooi drome oor ’n gelukkige toekoms saam het hul lewenspad ingrypende draaie gemaak. Nooit sou hulle daardie dag kon dink dat hul eersteling, wat toe reeds op pad was, kort ná haar geboorte uit haar bababedjie langs haar ma se hospitaalbed gesteel sou word nie. En dat hulle hul klein Zephany eers 17 jaar later danksy ’n sameloop van omstandighede so reg uit ’n rolprentdraaiboek sou opspoor nie. Teen daardie tyd was die ouerpaar reeds geskei, want die jare van ondraaglike onsekerheid, verlange en ook verwyte het sy tol op hul huwelik geëis. Maar nou, op Saterdag…

HAAR nagtegaalstem was twee jaar lank feitlik stil. In dié tyd was daar donker dae toe Andriëtte Norman bang was sy sou nooit weer op die verhoog kon staan en sing nie. Maar tot haar vreugde het sy haar sangstem verlede Desember teruggekry nadat poliepe aan die einde van 2017 van haar stembande verwyder is. Niks sou haar keer om in 2020 na die verhoog terug te keer nie. Of so het sy gedink. Dis eintlik so hartseer, want daar was weer lig in die tonnel en ek was reg om te sing. Toe gebeur die inperking,” vertel die sangeres. “Dit het gevoel asof dit die een beproewing ná die volgende is.” Maar in die laaste maande van dié jaar vol onweerswolke het die lig weer vir haar deurgebreek en…

Wyepyplangbroek ’n Wyepyplangbroek of -jeans is die ideale item as jy gerieflik en koel wil wees. Dit gee jou ’n ontspanne en informele voorkoms vir uitstappies. Dra dit saam met tekkies of plat skoene. Gemaklike tekkies Gemak bo styl is waarna ons met vakansie streef. Sokkietekkies is dié seisoen die in ding. Dis sag, stylvol en laat enige voorkoms dadelik koel lyk. Dis boonop veelsydig en pas by vele items. Liggewig-oortrui Dollie jou aand- en strandstyl op met ’n liggewig-oortrui. Kies ’n knooptrui in ’n sagte skakering. Dit werk perfek by ’n informele voorkoms soos ’n kortbroek en T-hemp; of kombineer dit met ’n rok vir ’n aandvoorkoms. Wenk Moenienet ligpaknie; pakookslim. As jyty dhet, probeer jouuit rustings bepla Ikoniese hoed Hoede is prakties, stylvol en gaan nooit uit die…

KLEUR EN BYKOMSTIGHEDE Dink aan ’n pragtige tuin en gebruik skakerings van groen en bruin met spatsels kleur in jou dekor. Kies blomme- of botaniese materiaal vir bekleedsel en gordyne en oorweeg ’n fokuspunt in blou geïnspireer deur die lug of groen geïnspireer deur bome. Hout- en rottangmeubels sal die tema versterk. MUURPAPIER EN KUNS Muurpapier kan gebruik word om ’n ruimte in ’n ontvlugting na die natuur te omskep. En aangesien dit trefkrag in ’n vertrek het, kan jy die dekor vir die res van die ruimte afskaal. ’n Galerymuur met ’n botaniese of blommetema is ’n goeie manier om ’n kaal muur ’n natuur-geïnspireerde fokuspunt te maak. KRY DIT HIER @HOME 0860-834-834; ANNIESLOANSA.CO.ZA; CARA SAVEN WALL DESIGN 082-953-6246; ELEVEN PAST 021-201-1211; GROEN BESPOKE WALLPAPER GROENJAN.CO.ZA; KNUS.CO; LA PERLE…

ONS wil almal graag weet ons geliefdes sal finansieel versorg wees as ons skielik sou doodgaan. Covid-19 is maar een van die redes waarom ál meer mense lewensversekering uitneem, wat ook dekking teen ongeskiktheid, inkomsteverlies en “gevreesde siektes” insluit. Tog wonder baie mense steeds hoe hul maandelikse premies uitgewerk word. Betaal hulle te veel, of is hulle dalk onderverseker? Sheila-Ann Robey, ’n finansiële adviseur van die Liberty-groep, vertel waarop jy moet let. 1 WAT MAAK PREMIES GOEDKOPER OF DUURDER? Hoe groter jou risiko om onverwags te sterf, hoe hoer jou premie. Hier is die algemeenste faktore wat lewensversekeringsmaatskappye in ag neem: ◼ Jou ouderdom: Hoe jonger jy is wanneer jy ’n premie uitneem, hoe laer behoort jou premie te wees. Dis omdat ouer mense ’n groter risiko het om te…

NO. 2 363 As jy vashaak, kan jy gerus ander lesers se raad vra op ons Facebookblad met die naam Huisgenoot Blokraaie. WEN ’N WOORDEBOEK PLUS KOM IN AANMERKING VIR DIE MAANDELIKSE TREKKING VAN R1 000. VRAAG: WATTER SOORT HANDELAAR PHAROS WOORDEBOEKE (’N DRUKNAAM VAN NB-UITGEWERS) GEE DRIE EKSEMPLARE VAN DIE AFRIKAANS-ENGELS/ENGELS-AFRIKAANSE WOORDEBOEK WEG. NEEM SO DEEL Vul die blokraai korrek in, skryf die letters in die kleurblokke neer en gebruik dit om die antwoord op die vraag te ontrafel. SMS “HG” gevolg deur jou antwoord, naam en dorp/stad na 36400. Net een SMS per deelnemer word toegelaat. Die SMS kos R1,50. Net mense binne SA grense kan deelneem. Die wenners sal die oorspronklike, voltooide blokraai en hul besonderhede moet verskaf. Geen werknemers of hul gesinne van Media24, Grapevine Interactive…

TEE is ’n warm drankie wat jy maak deur die gedroogde blare van die teeplant in kookwater te laat trek. Tee is baie gewild in lande in Asië, die Midde-Ooste, Europa en voormalige Europese kolonies. Die meeste teesoorte is swart of groen, maar albei is van dieselfde plant afkomstig. Die teeplant het sy oorsprong in China, maar word nou in baie lande verbou, selfs op klein skaal in Suid-Afrika. Ons leer jou waar tee vandaan kom. LEGENDE Die verhaal van tee begin in China met die mitologiese keiser Shennong. Sy naam beteken “goddelike boer” en hy word as die uitvinder van landbou en ’n grondlegger van die Chinese kultuur beskou. Volgens oorlewering het hy sowat 4 500 jaar gelede die genesende werking van die teeplant opgemerk en toevallig tee as…

MET sy donker kuif, skewe gl imlag, smeulende oë en seunsgesig was hy ’n romkom-Romeo van formaat. Die wêreld het op hom verlief geraak as die dierbare, onbeholpe Charles in Four Weddings and a Funeral, gehoop hy kry dit reg om Julia Roberts se voete onder haar uit te slaan in Notting Hill, geswymel oor die onweerstaanbare stoutseun wat hy in Bridget Jones’s Diary was en selfs sy gemiddelde sangstem in Music and Lyrics verdra. Maar daardie dae is volgens hom nou verby. In Hugh Grant se eie woorde is hy “te oud, vet en lelik” om die romantiese held te speel. Op 60 is daar inderdaad ’n bietjie meer plooie, sy glimlag is nie meer so onweerstaanbaar ondeund nie, en hy is nie meer so slank nie. Maar die…

DIE gesig in die hysbak se groot spieël het moeg gelyk; afgerem. “Toe daardie deur agter my toemaak … Dit was die alleenste wat ek al in my hele lewe gevoel het,” vertel die oud-Springbokafrigter Heyneke Meyer. Enkele ure tevore het die Bokke hul eerste wedstryd in die Wêreldbekerrugbytoernooi van 2015 verloor – en dit nogal teen die ongerekende Japan. Dié nederlaag – die Bokke se eerste teen die eilandnasie – is ’n dag wat min stoere rugbyondersteuners ooit sal vergeet. En Heyneke (53) is geen uitsondering nie. Voor die media en die spelers moes hy ’n dapper front voorhou, onthou hy nou in ’n openhartige onderhoud met Huisgenoot. Hy en sy bestuurspan het tot drieuur die volgende oggend sit en beplan – deels omdat hy nie na sy hotelkamer…

DIT is ’n gonswoord wat die afgelope ruk opnuut aandag trek in die sosiale media – vlugtige olies, of “essential oils” soos baie mense dit ken. Die aktrise Angelique Potgieter en die sangeres Karlien van Jaarsveld is maar twee van die bekendes wat graag op hul Instagramblaaie van hul ervaring met dié spesiale olies vertel. Dié gekonsentreerde olies word van ’n hele rits plante verkry – van laventel tot peperment – en vang die spesifieke plant se geur en reuk, oftewel die “essensie”, vas. Die olies word deur aromaterapeute en homeopate voorgeskryf vir ’n groot reeks kwale, van spanning en angs tot spysverteringsprobleme, met verskillende olies wat vir verskillende kwale ingespan word deur dit in te asem of met behulp van ’n draerolie aan die vel te smeer. Ek dink…

A Almal D Dwelms G Geweld Gr Gruwel N Naaktheid O Ouerdiskresie S Seks T Taal V Vooroordeel IN DIE KOLLIG / TELEVISIE / MUSIEK / BOEKE / KORTVERHAAL / TV-GIDS / HUISGENOTJIES / BLOKRAAIE 1 Dié gesinsdrama gaan oor ’n profielsamesteller van die Suid-Afrikaanse Polisiediens, Lena Schoeman (Liezl de Kock), wat tydens die inperking saam met haar veel jonger man, Roelof (Pietie Beyers), en paranoïese seun, Henry, in sy ouerhuis intrek. Namate die dae verbystap, raak Lena ál agterdogtiger oor haar skoonfamilie en dinge bereik ’n gevaarlike kookpunt. Haar skoonma, Marinette (Hanli Rolfes), se oorbeskermende gedrag by die huis versteek ’n donker geheim. Terwyl Lena weer na ou sake kyk, ontdek sy daar is ’n reeksmoordenaar wat veel nader aan haar is as wat sy ooit kon dink. 2…

SPROKIE BOBBY VAN JAARSVELD & EARLY B ’n Enkelsnit met verhoudingsraad. Die boodskap is dat te veel TV kyk daartoe kan lei dat jy te veel van die liefde verwag; liefde is nie ’n sprokie nie, want verhoudings is nooit volmaak nie. Dis ’n liedjie wat as ’n ballade begin, met ’n natuurlike oorgang na rap. DORS JAY & LIANIE MAY Dié twee se duette het nog altyd tot treffers gelei. Hierdie enkelsnit, hul eerste in twee jaar, is ook geen uitsondering nie. Ek’s ’n bietjie dors vir jou, sing hulle. Dis ’n partytjieliedjie wat die voete die praatwerk op die dansvloer laat doen. Die polsende snit is ook op die Afrikaans Is Groot Vol. 13-versamelalbum ingesluit. DALK JENNIFER ZAMUDIO Die sangeres se nuwe solo-enkelsnit volg op haar twee duet-enkelsnitte…

RAAI-RAAI Die bejaarde omie wandel in die ouetehuis se tuin rond waar drie tannies op ’n bank sit. Een wink hom nader. “Haai, luister gou,” sê sy. “As jy jou valstande uithaal, jou hemp uittrek, in die rondte draai én ‘Sarie Marais’ kan sing, sal ons presies vir jou kan sê hoe oud jy is. Hoe’s daai?” “Onmoontlik!” lag die oom. Maar omdat hy graag die vroue verkeerd wil bewys, maak hy tog so. “Jy’s 87 jaar oud!” roep hulle uit. Hoogs verontwaardig raas die oom: “Nou hoe op dees aarde kon julle dit weet?” En hulle skreeulag: “Want ons was almal gister op jou verjaardagpartytjie!” JACQUES LOUW, LYDENBURG REKENAARLES Willem verduidelik vir sy pa watter soort rekenaar hy graag wil hê. “Ons kan eers praat oor die hardeware en…

FOTOBLOKRAAI NO 2 109 Jy kan ’n Verklarende Afrikaanse Woordeboek of Afrikaanse Woordelys en Spelreëls van die uitgewer Pharos (pharos@pharos.co.za) wen. Vul die blokraai in en gebruik die letters in die kleurblokke om die antwoord op die vraag te ontsyfer. SMS “HG” gevolg deur jou antwoord, naam en dorp/stad na 36400. Net een SMS per deelnemer word toegelaat. Net mense binne SA se grense kan deelneem. Die SMS kos R1,50. Hou die oorspronklike, volledige blokraai met jou besonderhede as bewys. Geen posstukke word as inskrywing aanvaar nie. Geen werknemers of hul gesinne van Media24, Grapevine Interactive of hul reklamemaatskappye mag deelneem nie. Die sluitingsdatum is 17 Desember 2020. Gaan na huisgenoot.com om die volledige bepalings en voorwaardes te sien. VRAAG Watter soort vertrek is ter sprake? Skommel die letters in…

HAAR naam beteken hoop. En Nadya Roos Stirk se ma het nooit die hoop laat vaar dat haar babadogter aan die lewe sou bly vasklou nie, al het mediese kenners voor haar geboorte voorspel sy sou nie langer as ’n paar dae of weke oorleef nie. Maar vier jaar nadat sy met vog op haar brein gebore is, moes Melissa Roos afskeid neem van haar dogtertjie met die krullebol en laggende blou ogies. Op 2 November het ouma Christa Roos per WhatsApp laat weet: “Nadya is gister oorlede. Dit voel ek wil doodgaan. Sy was en is nog al die pad my lewe. ’n Mens weet nie hoe om nou aan te gaan nie…” Op Dinsdag 27 Oktober moes hulle, nes soveel kere tevore, met Nadya hospitaal toe jaag. Die…

IS DIT VERBY TUSSEN OLIVIA EN JASON? HULLE was sewe jaar verloof, maar nou lyk dit asof Olivia Wilde en Jason Sudeikis nooit voor die kansel sal staan nie. ’n Bron na aan die uiters privaat Hollywoodsterre het verklap hulle is uitmekaar. Olivia (36) en Jason (45) het mekaar ontmoet by die slotpartyjie vir Saturday Night Live en in 2011 begin uitgaan nadat albei eers deur egskeidings is. “Ek is so dankbaar vir die pyn en die gebroke hart. Dit het my die moed gegee om my tasse te pak en het vir my die groot liefde van my lewe gebring,” het die aktrise destyds gesê. En nadat hy “salig, hoopvol en passievol verlief geraak het”, het Jason ’n jaar later die groot vraag gevra. Hulle het ’n sesjarige seun,…