Indholdsfortegnelse for 17-Dec-20 i Huisgenoot

1 ‘HARRY IS GEBROKE’ In Julie het Meghan en prins Harry ’n baba verloor. Nou praat sy vir die eerste keer oor die oomblik toe sy besef het iets skort met haar swangerskap Dis ’n groot seer wat ek ook ken. Ek het 16 jaar gelede my baba verloor. Veral op daardie dag dink ek terug aan die seer. Baie min vroue praat daaroor. CARINA Mense verstaan nie die verlies nie. Sy deel haar ervaring sodat meer vroue die vrymoedigheid kan hê om daaroor te praat; om te voel dis oukei om te treur. ELNA Moenie haar pyn verontagsaam omdat sy ’n openbare figuur is nie. Ek het nie kinders nie, maar ek voel saam met hulle op die beste manier wat ek kan. SIMONE Ek het 11 jaar gelede…

‘Dis spesiaal om ’n aand te hê waar ons net terugkyk na al ons herinnerings’ DIE oomblik dat jy die voordeur met die Kerskrans daaraan agter jou toemaak, tref die groot Kersboom teen die sitkamer se muur dadelik jou oog. Aan die groen takke hang groot, kleurvolle balle, figuurtjies en ander versierings, terwyl rooi, groen en blou Kersliggies daarom skitter. Kyk jy van naderby, sien jy ekstra besonderhede raak. Op een groen bal is ’n toneel uit Brugge in België. ’n Rooi bal uit Wene in Oostenryk het ’n mallemeule, katedraal en ’n Kersvader-gesig daarop. En die blou Kersbal uit Nederland is met ’n skuit, tulpe en ’n windmeul versier. Elke versiering vertel ’n storie, sê die 7de Laan-aktrise Carina Nel (32). Sy maak al jare lank Kersversierings op al…

Bly koel in ’n klassieke kombinasie: jeans by ’n wit hemp. Rond jou voorkoms af met gemaklike aanglipsandale of insteekskoene vir ’n dag-tot-aandvoorkoms. KIKKER DIT OP MET … ’n Kakiekleurige ontspanne chino en wit T-hemp is altyd ’n wenner. Stileer dit saam met gemaklike maar byderwetse skoene soos die opgestopte aanglipskoene en voeg ’n spatsel kleur by met ’n patroonserp om die kop. KIKKER DIT OP MET. ’n Kardoeskortbroek en ligte hemp gee ’n preppy gevoel aan ’n uitrusting. Dra dit saam met enkelstewels vir ’n bietjie speelsheid. KIKKER DIT OP MET … Opvallende KORTBROEK Om gemaklik en informeel te wees is die somer hoogmode. Dra ’n fietsrykortbroek by ’n helderkleurige hemp en plat skoene vir ’n alledaagse sjiek voorkoms. KIKKER DIT OP MET. Laat die koppe draai met items…

PUNTE A Almal D Dwelms G Geweld Gr Gruwel N Naaktheid O Ouerdiskresie S Seks T Taal V Vooroordeel FLIEKS / REEKSE / MUSIEK / BOEKE / KORTVERHAAL / TV-GIDS / HUISGENOTJIES / BLOKRAAI Waaroor gaan dit? Dié komedie is die derde en laaste aflewering in die Bill & Ted-fliekreeks. In die opvolg van 1991 se Bill & Ted’s Bogus Journey hervat Alex Winter en Keanu Reeves onderskeidelik hul titelrolle as Bill en Ted. Die pelle hoor al sedert hul tienerjare dat hul rockgroep, Wyld Stallyns, ’n liedjie gaan skryf wat die wêreld sal verenig. Maar hulle is teen dié tyd al middeljarige mans en van hierdie liedjie het daar toe dadels gekom. Iemand uit die toekoms daag by Bill en Ted op en sê hulle het tot 17 minute…

Besoek ons webtuiste, huisgenoot.com, vir ’n daaglikse horoskoop. WATERDRAER 21 JAN – 18 FEB Vandeesweek is vir jou ’n uiters belangrike week met Saturnus sowel as Jupiter wat jou teken betree en ’n ruk lank daar sal vertoef. Al het jy maande lank tyd om uit te pluis presies wat hul teenwoordigheid vir jou sal beteken, moet jy intussen die geleentheid aangryp om groter verantwoordelikheid te neem, duideliker grense te stel en deure vir nuwe avonture oop te maak. Maar gaan sit eers en stel ’n dokument saam waarin jy jou doelwitte uiteensit. GELUKKIGE NOMMERS 35, 38, 3, 53, 49, 39 VISSE 19 FEB – 20 MRT Die fokus verskuif vandeesweek na hoe jy jou geestelike self ervaar en uitleef. Die volgende paar maande is ’n wonderlike tyd om nuwe…

JOU REDDER OP WASDAG Maak wasdag maklik met ’n nuttige helper wat die werk kafdraf. Sunlight 2-in-1 Summer Sensations Auto Washing Powder is reg om in jou wasmasjien aan die werk te spring. Jy kan jou wasgoed sonder moeite deeglik reinig en jou klere laat lekker ruik ook. Jy sal dol wees oor die heerlike langdurige geur. Deur Hisense aanbeveel. NUWE SEISOEN, NUWE VOORKOMS Terwyl die somer ’n hoogtepunt bereik en jy feesvermaak begin beplan, vernuwe jou huis se voorkoms met ligte, ottomans, sytafels, mandjies, muurprente en ander bykomstighede van Decofurn. Dit is ’n opwindende en taamlik goedkoop manier om enige vertrek op te kikker. Besoek Decofurn by decofurnsa.co.za of gaan na een van hul 12 winkels landwyd. ’N DEKSEL VIR ELKE POT Met hul Thermo-Spot™-hitteaanduier en uitmuntende kleefbestande laag…

1 SY STAAN OP TEEN BOELIES Dié Grammy-bekroonde musiekster het onlangs die tonge laat klap toe sy in Los Angeles sonder haar gewone sakkerige klere afgeneem is. Billie het tydens haar uitstappie ’n spaghetti-toppie en kortbroek gedra, en sommige mense het gou aanlyn daaroor gegons. Van hulle het selfs venynige en ongevraagde aanmerkings oor haar gewig gemaak. Maar Billie het kritici op hul plek gesit en mense daaraan herinner kwetsende kommentaar is ongevoelig en onvanpas. Sy het ook weer verwys na die boodskap in haar kortfliek, Not My Responsibility. “Ken jy my? Ken jy my regtig? Jy het menings oor my menings, oor my musiek, my klere, my lyf. Is my waarde net op jou persepsie gegrond?” sê Billie in die kortfliek aan dié wat haar lyf kritiseer. En die…

MATTHEW McConaughey se blou oë straal van plesier terwyl hy die keer uitbeeld toe sy ma sy pa probeer vermoor het. Dit was op ’n Woensdagaand in 1974 in die gesin se kombuis. Jim McConaughey het tuisgekom van sy werk as oliepypverkoopsman en nóg aartappels gevra. Sy vrou, Kay, het hom toegesnou hy’s vet. Toe ruk dinge handuit. Jim, ’n beer van ’n man wat vir die Amerikaanse voetbalspan die Green Bay Packers gespeel het, het die tafel omgekeer. Kay het na die foon teen die muur gehardloop om die polisie te bel, maar die gehoorbuis “soos ’n knuppel” vasgehou, onthou Matthew. Hy was toe vier jaar oud en het na die vertrek langsaan gevlug om die aksie van agter ’n rusbank te volg. Toe Jim binne trefafstand kom, het…

SY VOEL vermink. Asof ’n deel van haar geamputeer is en nooit weer sal teruggroei nie. En die wond het ’n pynlike maar onsigbare litteken gelaat. “Om ’n kind te verloor is aardskuddend,” sê Marlaine Pienaar-Vice (née Walters) hier in haar spreekkamer in die Paarl waar sy as sielkundige haar kliënte deur hul trauma en pyn help. Want al het sy as kenner begrip vir die sielkundige en emosionele uitdagings waarmee mense worstel, en al is sy die een wat ander help om dit te verwerk, moet ook sý met ondenkbare verlies saamleef wat bly seermaak. Sy worstel al die afgelope byna vier jaar daarmee ná die grusame moord op haar enigste kind, Nicola Pienaar (28). Meer as drie uitmergelende weke ná Nicola se verdwyning in Januarie 2017 is Marlaine…

JY HET waarskynlik al die een of ander tyd jou bene teen ’n muur op uitgestrek. Dalk om pofferige enkels te laat afsak ná ’n vlug of om seer kuite te verlig ná ’n lang dag. Dit voel so goed, want namate die druk van swaartekrag verdwyn, versag en ontspan spiere. Die are bult nie meer nie namate bloed na die hart terugvloei en die opgeboude vog tussen weefsel dreineer. Dit is ’n eenvoudige metode om jou bene te verlig en welstand te verbeter. Maar daar is baie ander maniere ook om jou bene ’n bietjie liefde te gee. Buiten minder sout inneem en gehidreer bly, verlig vitamien B6 – wat in sjiitake-sampioene, salm, avokado en rooivleis voorkom – vermoedelik vogterughouding. As jy opgeswel voel “Jy weet jy het ’n…

EKS WIL VERSOEN VIR KINDERS V Ek is geskei, want ek kon nie meer my eks se liefdeloosheid verduur nie. Ek is nie spyt daaroor nie, want ons het kinders en ek moes hulle in ag neem. Die kinders het self al vir my gesê hoeveel dit hulle pla dat ons die hele tyd baklei. Die ding is hy wil nou terugkom, want hy verlang glo na die goeie ou dae. Hy hou aan sê ons moet dit om die kinders se onthalwe doen. Ek wonder of ek dalk verkeerd is? K op R A Die hoop beskaam nooit nie, maar daar is geen waarborg dat dit hierdie keer beter sal gaan nie, tensy julle die probleme van die verlede doelgerig kan aanpak en uit die weg ruim. Dit moet…

WEN ’N WOORDEBOEK PLUS KOM IN AANMERKING VIR DIE MAANDELIKSE TREKKING VAN R1 000. NO. 2 366 As jy vashaak, kan jy gerus ander lesers se raad vra op ons Facebookblad met die naam Huisgenoot Blokraaie. VRAAG: WATTER SANGSTEM IS TER SPRAKE? PHAROS WOORDEBOEKE (’N DRUKNAAM VAN NB-UITGEWERS) GEE DRIE EKSEMPLARE VAN DIE AFRIKAANS-ENGELS/ENGELS-AFRIKAANSE WOORDEBOEK WEG. NEEM SO DEEL Vul die blokraai korrek in, skryf die letters in die kleurblokke neer en gebruik dit om die antwoord op die vraag te ontrafel. SMS “HG” gevolg deur jou antwoord, naam en dorp/stad na 36400. Net een SMS per deelnemer word toegelaat. Die SMS kos R1,50. Net mense binne SA grense kan deelneem. Die wenners sal die oorspronklike, voltooide blokraai en hul besonderhede moet verskaf. Geen werknemers of hul gesinne van Media24,…

WETENSKAPLIKES kon eindelik twee mummies wat al meer as 400 jaar gelede ontdek is ordentlik ondersoek – met behulp van ’n CT-skandeerder (sien kassie). Dit beteken dit was nie nodig om die mummies oop te maak nie, wat dit dalk kon beskadig. Die mummies is in 1615 in ’n graftombe in Egipte ontdek en is voorbeelde van pleisterkalk-portretmummies. Dit beteken hulle is nie soos ander mummies in kiste begrawe nie. Die lyke is op houtplanke gesit, toegedraai in lap en ’n versierde bekleedsel, wat dan versier is met ’n pleisterlaag, goud en ’n portret van die hele lyf. Die navorsers het die twee mummies saam met ’n derde een van dieselfde soort ondersoek en kon met behulp van die skandeerder sien dat minstens een van die mense met organe begrawe…

Waar kom jou liefde vir drama vandaan? Ek het van kleins af die speelgedeelte van toneelspel geniet, maar sedert laas jaar het ek van die dieper kant van drama begin hou – om ’n nuwe karakter te word. Ek kan ook gemaklik sê drama is lekker. Hoe het jy die beurs gekry? Ek het op 31 Oktober aan die International Arts Talent Showcase in Johannesburg deelgeneem. ’n Paneel beoordelaars het besluit watter deelnemers genooi word om in Julie volgende jaar in New York aan die International Model and Talent Association se geleentheid deel te neem. Later het ’n verteenwoordiger van die New York Film Academy drie korttermynbeurse en drie langtermynbeurse uitgedeel. Ek was een van die wenners van ’n langtermynbeurs. ‘Op die oomblik is dit eenvoudig: Ek wil ’n akteur…

‘MY OUERS het by die Paarl-hospitaal gewerk. My ma was ’n kok en het altyd die lekkerste kos gemaak. Sy het die verpleegsters met daai groot lewerkoekies gespoil. My pa het medisyne aangery van die apteek af. Ek dink dis waar die verpleegberoep al aan my begin vasbyt het. Ná hoërskool het ek aansoek gedoen om verpleegkunde te gaan studeer, maar voor my aansoek aanvaar is, het ek op die plase in die wingerde vir ekstra geld gaan werk. Ek het in die pruimboord in Suider-Paarl gewerk, en toe my aansoek deurkom, het ek dit gelos en op 1 Mei 1976 by die verpleegkollege Nico Malan begin studeer. Ek het diep in die riots-tyd, die Gugulethu- en Nyanga-riots, met my opleiding by die ongelukeenheid by Grootte Schuur-hospitaal begin. In 1978…

DIT sal vir enige akteur ’n aanpassing wees: om skielik voorgekeer te word op straat waar ’n wildvreemdeling jou vir jou karakter se optrede uittrap. Vir Cedwyn Joel was dit nóg moeiliker. Sy karakter in die kykNET- sepie Suidooster was dan die afgelope vyf jaar nog altyd so geliefd: die apteker AB Samsodien, ’n patriarg wat getrou is aan Moslemtradisies en wie se huwelik van byna 30 jaar met sy vrou, Mymoena (gespeel deur Jill Levenberg), ’n toonbeeld van geluk was. Maar dit was vóór Farah Adjerahn (Lee-Ann van Rooi) vroeër vanjaar in Ruiterbosch opgedaag en AB se oog begin dwaal het. Toe hy haar sy tweede vrou maak en Mymoena gebroke laat, was die gort behoorlik gaar onder kykers. Eindelik het AB vir Farah ’n egskeiding gevra, maar Mymoena…

NÁ HAAR besige jaar sien die nuwe Mej. Suid-Afrika, Shudufhadzo Musida (24), daarna uit om oor die feestyd agteroor te sit en tyd saam met haar hartsmense deur te bring. “Ek wil tyd afneem om behoorlik saam met my familie fees te vier,” vertel dié boorling van die plattelandse dorpie Ha-Masia in Limpopo. Haar gunstelingherinnering van Kersfees is juis haar familie se jaarlikse Kerspartytjies. “Selfs diegene wat getrek het, het weer na die dorpie teruggekeer en dan het ons almal gedans en gekuier,” onthou sy. Shudu se lewe het in ’n handomkeer verander sedert sy in Oktober die Mej. SA-titel gewen het. “Ek vind dit nou makliker om te praat, en dis asof my stem losgemaak is; so dis nogal ’n belangrike platform,” sê Shudu. Sy moes ook daaraan gewoond…

Chris Hemsworth Hy is nie net ’n magtige Avenger op die silwerdoek nie; hy’s ook ’n superheld met ’n hart van goud wanneer die kameras ophou rol. Die 37-jarige akteur het Martin Hibbert, ’n oorlewende van die Manchester- bomaanval in 2017, na ’n vertoning van Thor: Love and Thunder genooi, as hy teen daardie tyd sy vermoë herwin het om te kan loop. “Sy jongste Thor-fliek word in 2021 uitgereik, en hy het gesê as ek in 2021 stap, sal ons saam by die rooitapyt afstap by Thor 4. Dis ’n groot motivering vir my – iets om aan vas te klou,” sê Martin. Amy Adams en Jennifer Garner Die aktrises het saamgespan om kinders te help wat deur skoolsluitings geraak is te midde van die coronakrisis. Amy (46) en…

AS JOU vel dun is, moet jy liewer nee dankie sê vir die werk om die land se geldsake te bestuur. Die ekonomie sukkel, die rand val gedurig, alle departemente en sektore vra pal meer geld, en die land se skuld hoop op … Hoe dan gemaak om die staatskas se boeke te laat klop? Gelukkig het ons minister van finansies, Tito Mboweni, senuwees van staal. Soos dit ’n man in sy vuurwarm stoel betaam, huiwer hy nie om koppe te stamp met sy kollegas in die regering nie. Sy uitgesprokenheid maak hom soms ongewild in die parlement, en hy erken hy is moeilik om te bestuur. Ek het al vir ’n aantal presidente gewerk. Dis ’n groot eer, maar ek is ’n moeilike ou,” het hy al vertel. Maar…

DIS amper feestyd en tyd vir samesyn. En hoe dan beter as om die spesiale dae te vier met ietsie soets ná daardie groot ete? Dorah Sitole (67), die bekroonde veteraankosskrywer en voormalige redakteur van die tydskrif True Love, vier haar vier dekades in die kosbedryf met ’n splinternuwe kookboek, Dorah Sitole: 40 Years of Iconic Food. Elke hoofstuk vier ’n fase in Dorah se lewe. Bederf jou naastes met een van dié treffers van Dorah. Span dit in vir nagereg, teetyd of ’n spesiale partytjie ter viering van die lewe. VICTORIA-SPONSKOEK MET AARBEIKONFYT EN ROOM LEWER 1 GROOT KOEK BEREIDING: 30 MIN. BAK: 30-40 MIN. KOEK 250 g ongesoute botter,by kamertemperatuur200 g (1 k) strooisuiker5 ml (1 t) vanielje-ekstrak4 ekstra groot eiers240 g (2 k) bruismeelskil van 1 suurlemoen190…

TRADISIONEEL NATUUR-INSPIRASIE WENK Span aardse items by jou dekor in om ’n elegante atmosfeer te skep. BLINK IDEE EKLEKTIES KRY DIT HIER @HOME 0860-834-834; CLICKS 0860-254-257; COTTONON.COM/ZA; THE CRAZY STORE 086-111-1281; FAITHFUL-TO-NATURE.CO.ZA; GAME 0861-4263-2273; GRANDIFLORA.CO.ZA; H&M 086-0690-707; KAMERS SHOP.KAMERSVOL.COM; LE CREUSET 0800-014-886; MAKRO 0860-300-999; MONEXTERIORS.COM; MRP HOME 0800-212-535; NETFLORIST.CO.ZA; NIFTYGIFTS.CO.ZA; PEP HOME 0860-737-000; POETRY 0860-665-533; SHOPRITE EN CHECKERS 0800-01-07-09; STREEPSAK.CO.ZA; WOOLWORTHS 0860-022-002; YUPPIECHEF.COM HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIKHEID GEHOU KAN WORD NIE.…

IN HIERDIE onseker ekonomiese tye kan dit moeilik wees om vir jou kind se toekoms te spaar. Maar onthou, dis nooit te laat om te begin nie, al is jou kind dalk reeds op skool. En alles wat jy eenkant kan sit, sal help, want opleidingsinflasie styg jaarliks meer as verbruikersinflasie. Dit beteken dat skool- en studiekoste elke jaar meer toeneem as wat jy vir basiese goedere en dienste betaal. Hier volg die gewildste opsies. BELASTINGVRYE SPAARPLANNE Dis ’n baie gewilde manier om op langtermyn te spaar, en jy kan kies tussen verskeie spaarplanne soos bankspaarrekenings, vaste deposito’s en effektetrusts. Al die produkte is by banke, beleggingsmaatskappye en versekeraars te kry. Hoe werk dit? Die groot voordeel is dat jy geen dividend-, inkomste- of kapitaalwinsbelasting op die opbrengste hiervan betaal…

KRISMISBOKS Gert: “Koos, jy skuld my nog R500, maar omdat dit een van die dae Kersfees is, sal ek van die helfte daarvan vergeet.” Koos: “Ag dankie, man. En dan sal ek van die ander helfte vergeet!” F.H. HORNE, HARTENBOS DOL DEFINISIES Wat is… ◼ ’n Almanak: ’n Kaart waarop jy kan sien hoe om by Kersfees uit te kom. ◼ ’n Wittebrood: Die vakansie wat ’n man neem voor hy vir ’n nuwe baas begin werk. HELENA, KEMPTON PARK VERDAGTE Gehoor van die ou wat ’n toerbus vol Japannese toeriste wou kaap? Die polisie het 4 000 foto’s van die sot gekry. KASOEPIE GOED GEOEFEN Enigiets waarmee jy goed wil wees, neem jare se oefening. Ek oefen al baie jare lank om dinge te vergeet, en eers nou, ná…

FOTOBLOKRAAI N° 2112 Jy kan ’n Verklarende Afrikaanse Woordeboek of Afrikaanse Woordelys en Spelreëls van die uitgewer Pharos (pharos@pharos.co.za) wen. Vul die blokraai in en gebruik die letters in die kleurblokke om die antwoord op die vraag te ontsyfer. SMS “HG” gevolg deur jou antwoord, naam en dorp/stad na 36400. Net een SMS per deelnemer word toegelaat. Net mense binne SA se grense kan deelneem. Die SMS kos R1,50. Hou die oorspronklike, volledige blokraai met jou besonderhede as bewys. Geen posstukke word as inskrywing aanvaar nie. Geen werknemers of hul gesinne van Media24, Grapevine Interactive of hul reklamemaatskappye mag deelneem nie. Die sluitingsdatum is 7 Januarie 2021. Gaan na huisgenoot.com om die volledige bepalings en voorwaardes te sien. VRAAG Watter slaapkamer- of dekoritem is ter sprake? Skommel die letters in…

DIE Amerikaner Emily Harrington het in November die eerste vrou geword wat in minder as 24 uur met die Golden Gate-roete tot bo-op die El Capitan-berg kon vryklim. Dié granietmonoliet (sien kassie) in die Yosemite-park in Kalifornië is 914 m hoog, met ’n steil muur wat gewild is onder rotsklimmers. Dit word beskou as een van die moeilikste rotsklimplekke ter wêreld. Dit het Emily ’n bietjie meer as 21 uur gevat om tot bo te klim, wat die vierde vinnigste tyd nog ooit is vir dié groot klim. Sy het die oggend net ná halftwee begin en was die aand ná tienuur bo. Dit was die vierde keer dat sy die klim in minder as 24 uur probeer doen het. 272 Dis hoeveel verdiepings hoog El Capitan min of meer…

IN DIE stad aan die rand van die enorme woude van die Amasone klou Xita, ’n piepklein apie met hartseer bruin ogies, haar pasgebore kleinding styf vas. Albei veg om hul lewe. Besorgde veeartse in ’n kliniek in Porto Velho, Brasilië, vermoed die apies is die slagoffers van die verwoestende brande in die wêreld se grootste en belangrikste reënwoudstelsel. Hulle is klaarblyklik deur ’n motor raak gery toe hulle voor die vlamme gevlug het. “Sy is skreeuend, bloedbesmeer en getraumatiseer hier aangebring,” vertel Carlos Henrique Tiburcio, die eienaar van die kliniek, terwyl hy die diertjies in ’n klein wit lap toedraai. Hy en sy span doen alles wat hulle kan om diere van die Amasone te red van die nimmereindigende brande wat die afgelope jare deur veeboere, houtkappers en eiendomspekulante…

HULLE staan nie eens 1,2 m hoog in hul modieuse sokkies nie en gaan lank nog die skoolbanke volsit. Maar dié kleingoed laat reeds sakke vol geld inrol. Al het hulle nog nie eens hul tienerjare bereik nie, verdien hulle die soort geld waarvan die meeste van ons net kan droom, en dit danksy ’n goeie skeut oulikheid, ’n knippie vrypostigheid en heelwat hulp van Mamma, Pappa – en die internet. Dit help uiteraard as een van jou ouers reeds beroemd is – soos die musikant DJ Khaled en die Olimpiese swemmer Michael Phelps se kroos – maar jy hoef nie ’n Kardashian te wees om aanlyn sukses te behaal nie. Die Britse aanlyn babawinkel Bella Baby het onlangs ’n lysie saamgestel van die top-10-Insta-kinders onder die ouderdom van 10…

CHRISTI PANAGIO & ALETTÉ-JOHANNI WINCKLER DIE oud-7de Laner en TV-aanbieder Christi Panagio en die voorkomskonsultant en stilis Aletté-Johanni Winckler is al van 2007 af vriendinne. Hulle het op Facebook begin gesels toe Aletté en haar sanger-man, Heinz, reggemaak het om Amerika te besoek. “Christi het al haar geheime en oulike plekke waarheen ons moet gaan, gedeel,” vertel Aletté. Hulle het mekaar ’n paar jaar later in lewende lywe by Christi se 30ste verjaardagpartytjie in Johannesburg ontmoet. “Dit het gevoel of ons mekaar al jare ken!” sê Aletté. Hulle is sedertdien boesemvriende. Christi sê ◼ Wat was jou eerste indruk van Aletté? Sy is vol lewe, borrelend, besig en ’n doener. Dit het dadelik gevoel of ons mekaar al jare lank ken. ◼ Wat is haar oggendroetine? Sy het ’n baba;…

2020 SE GLINSTERGIERE…