Indholdsfortegnelse for 14-Jan-21 i Huisgenoot

1 ‘STUKKIE VAN 1 JOOST IS TUIS’ Joost van der Westhuizen se ouers, Gustav en Mariana, was ontroer nadat ’n vrou die stewels van sy laaste rugbywedstryd op veiling gekoop en aan hulle gegee het Wat ’n besonderse gebaar! Ek dink ook as Joost se laaste paar stewels na iemand anders moes gaan, moes dit heel eerste na sy ouers gegaan het. YOLLIE Hy was ’n bron van inspirasie. Dankie vir die gebaar van liefde. Net ’n ouer sal verstaan wat dit beteken: ’n Deel van hul seun wat hulle elke dag so trots gemaak het. LAUREN Dit het niks met enigiemand te doen wat Amor met Joost se goed maak nie. Het julle al gedink waardeur hy haar gesit het voor hy siek geword het? MIENKIE Dis ’n wen-situasie.…

SY IS ’n baanbreker; daaroor kan niemand stry nie. Wanneer Kamala Harris op 20 Januarie as die nuwe visepresident van Amerika ingehuldig word, sal sy die eerste vrou, die eerste swart persoon én die eerste Amerikaner van Oosterse herkoms wees wat die amp van tweede in bevel sal beklee. Maar haar impak strek selfs verder. Toe sy ná verlede jaar se verkiesing haar eerste toespraak as aangewese visepresident gemaak het, het sy boonop vir Amerikaners gewys hoe ’n moderne familie kan lyk. Aan haar sy op die verhoog was haar Joodse man, twee stiefkinders, suster, susterskind en dié se dogters. “Aan my man, Doug, ons kinders, Cole en Ella, my suster, Maya, en ons hele familie: Ek is liewer vir julle as wat ek in woorde kan sê,” het sy…

AAN die soom van Warrenton in die Noord-Kaap spog die veld met ’n stoppelbaard groen gras ná die verwoestende brande wat die streek verlede jaar geteister het. Jopie Fourie is bitter dankbaar vir die reën wat ’n bietjie lafenis en die eerste spatsels nuwe lewe sedert die lang droogte gebring het. Nes sy medeboere in die streek moes hy veg teen die vlamme wat verlede jaar soveel weiding, vee en landbou-infrastruktuur in die dorre provinsie verteer het. Genadiglik het sy pluimveeboerdery hier op die plaas Vaalview ongeskonde gebly. Maar dis nie al rede vir sy dankbaarheid nie. Party dinge kan jy dalk nog vervang, maar nie sy versameling skatte van die verlede nie: Hy besit sowat 50 veteraan-en klassieke motors, en 30 outydse trekkers. Genoeg om enige motorliefhebber te laat…

1 Slim gebruik van ruimte Baie van ons moes kreatiewe maniere vind om werk- en studeerruimtes in ons huis in te sluit. “Ons ruimte moet veel meer doen as ooit tevore. Die eetkamer is nie meer net vir eet nie; dit moet kan gaan van tuiskantoor tot tuisgim en dan dinee-area,” sê Adrienne Sparks, trenden ontwerpbestuurder by MRP Home. “Gevolglik sal ons ’n toename sien in meubels en ruimtes wat veeldoelig en aanpasbaar is.” 2 Na aan die natuur Natuurlike vesels soos jute en rottang en materiale soos volhoubare hout is steeds gewild. “Dit is perfek vir warmte en tekstuur byvoeg om die handgemaakte styl te verbeter wat nou in die mode is,” sê Adrienne. Winkels sal ook aanhou let op hul impak op die aarde. “Ons het die plastiekverpakking…

As jy ’n persoonlike probleem het, skryf gerus aan Liewe Elize, Posbus 1802, Kaapstad 8000 of elize@huisgenoot.com. Of SMS LIEWE ELIZE gevolg deur jou vraag na 36489. Elke SMS kos R1. KÊREL LIEG OOR SY OUDERDOM V Ek is nou in my vroeë 20’s en gaan al ’n paar maande uit met ’n man op wie ek verlief is. In die begin het ons mekaar alles oor onsself vertel, en hy het toe gesê hy is vier jaar ouer as ek. Ek het ná ’n tydjie besef hy kan nie so jonk wees nie, want uit gebeure waaroor hy gepraat het, kon ek aflei hy moet ouer wees. Ek was reg, want hy is 11 jaar ouer as ek! Ek het dit by ’n vriendin uitgevind wat hom ken. Ek…

DIE DRIMOLEN-GROTSTELSEL Die Drimolen-grotstelsel is in 1992 deur die geoloog André Keyser ontdek. Dit is deel van die Wieg van die Mensdom, wat ook Maropeng en die Sterkfonteingrotte insluit. Dié Wêrelderfenisgebied, sowat 50 km noordwes van Johannesburg, is ’n gebied waar verskeie belangrike fossiele al ontdek is wat wetenskaplikes gehelp het om te verstaan hoe die mensdom ontwikkel het. AUSTRALIESE navorsers het ’n skedel wat 2 miljoen jaar oud is in die Drimolen- grotstelsel in Suid- Afrika ontdek. Die skedel het aan die spesie Paranthropus robustus behoort – ’n verlangse nefie van mense. Paranthropus robustus het op min of meer dieselfde tyd as ons voorgangers Homo erectus ge leef, maar dié twee spesies het heelwat verskil. Homo erectus het ’n relatief groot brein en klein tande gehad, terwyl Paranthropus robustus…

BOEKE SIBA: LET’S COOK SIBA MTONGANA Die vingerleklekker resepte in dié kookboek is maklik, gesond en ’n moet vir jong aspirantsjefs wat hul slag in die kombuis wil wys. Die bekende plaaslike sjef Siba Mtongana en haar seun, Lonwabo, het saam aan die boek gewerk en die twee wys ’n mens hoe om lekker eet- en drinkgoed soos smoothies aanmekaar te slaan. Daar is selfs opwindende, smullekker snoepgoed wat jy en jou ma of pa kan maak vir jou kosblik wanneer die skooljaar begin. Wie weet, dalk is dit die begin van jou reis na die kookreeks Masterchef. LIGHTBRINGER CLAIRE LEGRAND Ons huil reeds lang trane, want dis die einde van dié ongelooflike trilogiereeks vir jong volwassenes wat in 2018 met die boek Furyborn begin het. In die laaste aflewering…

EARLY B Dierapper is versot op die sexy Hollywood-ster en voormalige Bond-meisie Halle Berry. “Ek hou net van die soort persoon wat sy is, en sy het al ’n musikant gedate so ek dink ek staan ’n goeie kans,” spot hy oor Halle, wat tans in ’n verhouding is met die musikant Van Hunt. CRAIG ADRIAANSE Dié Arendsvlei-ster was op laerskool toe hy die eerste keer die Amerikaanse sangeres en aktrise Adrienne Houghton op die kassie gesien het. Sedertdien is hy versot op dié ster, wat onder meer in die fliekreeks The Cheetah Girls te sien was. Sy is deesdae ’n aanbieder op die geselsprogram The Real. “Ek is mal oor haar vandat ek kan onthou. Ek is veral mal oor haar persoonlikheid, haar Latynse kenmerke, sy is mooi en…

1 Witwarm somer Een van die grootste trends op die loopplank vir die lente/somer is om wit van kop tot tone te dra. Van die loopplank tot die straat, ’n wit-op-wit-kombinasie is die manier om die koppe te laat draai. Dit lyk stylvol en kraakvars en is ongetwyfeld een van die grootste modeneigings van die jaar. 2 Swart-en-wit is terug Niks sê sjiek soos ’n klassieke swart-en-wit-kombinasie nie. Dit word tradisioneel meer in die winter gesien, maar dié kleurblokmode maak hierdie somer ’n terugkeer. Van klassieke tweestukuitrustings tot kant en motiewe, swart-en-wit is ’n topkeuse vir 2021. 3 Klassieke blou Die pantonekleur van die jaar is ’n koninklike en klassieke helderblou. Die trend was te sien op die loopplanke van Dior en Chanel en van China tot in Parys. Die…

WEENS die inperking het ál meer mense verlede jaar aanlyn aankope en digitale banksake gedoen. En dit sal nie sommer verander nie. Alle aanduidings wys e-handel sal aanhou groei, en banke wil ál meer hul tradisionele takdienste na apps skuif. Die toename in aanlyn transaksies beteken banke moet gedurig hul sekuriteitsmaatreëls verbeter. Tradisionele metodes soos jou wagwoord of PIN-kode is nie meer genoeg om kuberdiewe te fnuik nie. Hier vroeg in die nuwe jaar is dit die ideale tyd om te kyk na die nuwer sekuriteitsmaatreëls waarmee jy te doen sal kry. 1 BIOMETRIESE BEVESTIGING Dis wanneer jou bank jou stem, gelaatstrekke of jou oog se retina of iris gebruik om jou identiteit te bevestig. Elke mens se biologiese eienskappe is uniek en moeilik om te vervals. Jou rekenaar, slimfoon…

KOM BINNE BERNICE WEST Dié jong sangeres, wat naam gemaak het in die eerste seisoen van die talentsoekreeks Maak my famous, se loopbaan gaan van krag tot krag. Met die derde enkelsnit van haar debuutalbum, Net geleen, lewer sy weer ’n prettige poprock-treffer wat aanhangers gaande sal hê. Kyk ook die video op YouTube. VLIEGTUIG HERMAN KLEINHANS “Vliegtuig” is ’n liefdesliedjie uit die pen van een helfte van die musiekduo Twee. Met sy rasperstem en ligte akoestiese rockstyl neem Herman Kleinhans ons op ’n liefdesreis. “Die liedjie gaan oor my verhouding met die liefde van my lewe, Maryke, en die titel gaan oor ons droom om eendag saam ’n vliegtuig te besit.” WATER ONDER DIE BRUG ANDRIËTTE Aanhangers van dié sangeres is in April 2020 beloon toe sy ’n splinternuwe…

GROOT GLIPS ’n Eskimo nooi sy nuwe vriend na sy huis toe vir ’n kuiertjie. By die blyplek aangekom, vra die vriend met ’n frons: “Maar waar is jou igloe dan?” “O, nee!” roep die Eskimo ontsteld uit. “Ek het seker die strykyster aan vergeet!” LOUISE NOETH TWISAPPEL ’n Pensioenaris sit in ’n park en rus. ’n Medepensioenaris kom aangedrentel en sak met ’n sug op dieselfde bank neer. “T’jak,” mompel hy. Later sluit nog een by hulle aan. “Ja, ou swaer,” steun hy toe hy gaan sit. “Luister,” sê die eerste een, “as julle nou politiek gaan praat, dan loop ek.” LYNETTE, BETHAL TREKPAS KRY ’n Man kom die aand ná werk by die huis en sê vir sy vrou: “Ek is vandag afgedank. My baas sê my kommunikasievaardighede…

NO. 2 370 As jy vashaak, kan jy gerus ander lesers se raad vra op ons Facebookblad met die naam Huisgenoot Blokraaie. WEN ’N GESKENKPAK VAN ESSENCE PLUS KOM IN AANMERKING VIR DIE MAANDELIKSE TREKKING VAN R1 000. VRAAG: WATTER KENMERK VAN DIE SEE IS TER SPRAKE? Hierdie week se prys word voorsien deur Essence. Dié kosmetiekvervaardiger is versot op grimering en hoe dit ’n mens laat voel. Essence bied innoverende produkte van gehalte, want slegs dit wat regtig goed is, is regtig pret! Essence is verantwoordelik vir die versending van die prys. NEEM SO DEEL Vul die blokraai korrek in, skryf die letters in die kleurblokke neer en gebruik dit om die antwoord op die vraag te ontrafel. SMS “HG” gevolg deur jou antwoord, naam en dorp/stad na 36400. Net een…

1 In watter van ons buurlande kry ’n mens die “spookdorp” Kolmanskop, ’n gewilde toeristetrekpleister? 2 Waar word die enigste Grand Slam-tennistoernooi gehou wat op gras gespeel word? 3 Watter beroemde skilder het sy eie oor afgesny? 4 Watter Amerikaanse sanger het in 2020 twee albums – getiteld Evermore en Folklore – die lig laat sien? 5 Switserland het drie amptelike tale: Duits, Frans en…? ANTWOORDE 1. Namibië. Die dorp is in die Namibwoestyn geleë en het ontstaan toe diamante daar ontdek is. Toe die diamante opdroog, het die mense weggetrek en die dorp word nou ’n “spookdorp” in die woestyn genoem. 2. By Wimbledon in Londen, Engeland. 3. Vincent van Gogh 4. Taylor Swift 5. Italiaans BRONNE bbc.com, theguardian.com, edition.cnn.com, collinsdictionary.com, nytimes.com, ewn.co.za, businessinsider.co.za, netwerk24.com, news24.com, iol.co.za, kigelia.org…

Vind vyf verskille Verbind die kolle en kleur in Tel die teëls Vul die totaal in onder elke ontwerp. Syfer-doolhof Kry die seeskilpad tot by die seester deur die nommers as trappies te gebruik. Dit sal jou help om in drieë te tel. +3 Terug skool toe Die woorde onder is horisontaal, vertikaal of skuins en vorentoe of agtertoe in die rooster versteek. Soek en omkring dit. Kry die miere by die vrugte Vind 2 identiese items Pas elke kaktus by sy skaduwee Kleur in volgens syfers Doen die somme en kleur die vorms in. Blaai om vir nog speletjies! ANTWOORDE Pas elke kaktus by sy skaduwee 1-D, 2-E, 3-A, 4-B, 5-C. Soek 12 verskille Help die diere tot by hul eetgoed Het jy ’n troeteldier, of dalk meer as…

DALK is ek nie met die helm gebore nie, het ek nog half skrikkerig gedink daardie eerste keer toe ek hipnose op die proef gestel het. Ek onthou dit soos gister: Dit was in die tagtigs – ek was in die weermag en gestasioneer in Pretoria. Ons was in ’n amper leë motorpark in Voortrekkerhoogte. Die troepe het my aangegaap. Weke en maande tevore het ek gereeld na die Victory-teater in Johannesburg gereis en Max Collie op die verhoog aangegaap. Dan lag ek myself so byna in ’n spierspasma soos hy die teatergaste onder hipnose laat glo hulle is wasmasjiene, tikmasjiene en selfs kinders. Soms selfs ballerinas; kan jy jou die karnallies indink? Dit was my eerste keer, daardie keer op Voortrekkerhoogte. Ek was uitgefreak. Hel. Wat as dit nie…

HY WAS al in 34 flieks en minstens 28 TV-programme en het selfs die Oscars aangebied. Sy stem is al in ’n dosyn dokumentêre reekse as verteller ingespan én hy het ’n suksesvolle verhoogloopbaan op Broadway agter die blad. Met dié indrukwekkende CV sou ’n mens dink Alec Baldwin (62) sal voor die versoeking van aftrede swig. Maar nee, Alec is nog óral. Hy verskyn in die jongste aflewering van die fliekreeks Mission: Impossible en vertolk die hoofrol in die animasiefliek The Boss Baby: Family Business. Hy is ook die aanbieder van ’n gewilde podsending, Here’s the Thing, en het ’n Emmy gewen vir sy uitbeelding van Donald Trump in die komedieprogram Saturday Night Live. Hy het boonop twee boeke geskryf – sy memoires en ’n kamstige biografie as die…

TIM THERON Die akteur en regisseur se groot blaps was destyds as lid van die improvisasiegroep Lagnes saam met die Hotel-akteur Bennie Fourie. “Ons het eenkeer by ’n saal in Benoni of Boksburg opgetree en al die kaartjies was uitverkoop; die saal was vol mense. Die vertoning het goed gegaan en ons almal het kopstuk- mikrofone gedra,” vertel Tim. “Ons was gewoond daaraan dat die klankman die klank afsit wanneer ons van die verhoog af gaan. Slegs die persoon wat op die verhoog is se mikrofoon is aan.” Agter die verhoog het hy ewe herhaaldelik vir die span gesê: “Luister ouens, hierdie is ’n maklike gehoor en hulle gaan lag vir alles”. “Bennie was in dié tyd nog op die verhoog toe die mense hoor watse maklike gehoor hulle is.…

DIT was ’n moeilike seisoen vir die rolprentmaker en sy vrou – ’n tyd van soek en wag, en van vele gebede. Hul soektog na nuwe geleenthede het reeds in China en Amerika gaan draai en veroorsaak dat hulle al maande lank duisende kilometers van mekaar af woon. Maar nou is daar eindelik lig aan die einde van die lang, donker tonnel en wink ’n nuwe hoofstuk vir die regisseur Regardt van den Bergh (68) en sy aktrisevrou, Clara Joubert (57). En dis eindelik weer een wat hulle sáám sal kan aanpak. Regardt bevind hom tans in die stad Baton Rouge in Louisiana, Amerika, waar hy werk aan die ontwikkeling van ’n nuwe westernfliek, terwyl Clara in die stad Wuxi in China bly, waar sy Engels aan skoolkinders gee. Die…

GRIMEERTRENDS 1 Gedempte vel Die trend gaan oor vel wat gesond lyk, maar nie te mat of te blink is nie. Die beste manier om die voorkoms te kry is om ’n bietjie van alles te gebruik: ’n tikkie onderlaag, ’n tikkie poeier en ’n tikke blosser of verligter. Die voorkoms is by die Shimada-vrouedragvertoning tydens die Modeweek in Parys opgemerk. 2 Opvallende lippe Balmain het eenvoud en klassieke rooi lippe by die Modeweek in Parys vertoon. Laat enige voorkoms uitstaan deur dit skoon te hou en een deel met kleur te beklemtoon. Kies die tekstuur van lipstiffie volgens die sensitiwiteit van jou lippe – bevogtigend vir dié wat tot droogheid neig en fluweelagtig en mat vir dié met minder probleme. 3 Helderblou skadu Blou oogskadu was nog altyd ’n…

Ons aanlyn oefenprogram, Huisgenoot Geen Gim!, bied die antwoord. Dit is ’n bekostigbare aanlyn oefenplan wat jy maklik tuis kan volg. Jy betaal eenmalig vir die oefenplan, maar kry lewenslank daartoe toegang. Wanneer jy aansluit, kry jy toegang tot ’n volledige aanlyn oefenplan wat intense weerstandoefeninge asook strek- en joga-oefeninge insluit. Die plan is verdeel in drie weke met verskillende oefensessies vir vyf dae van die week, en jy kan dit oor en oor volg. Dit bevat ook ekstra oefensessies waarmee jy jou program kan aanpas as jy verveeld of lus vir afwisseling raak. Eenvoudige sketse en duidelike beskrywings wys jou stap vir stap hoe om al die oefeninge te doen, en daar is ook video’s van ingewikkelde bewegings. Die plan is spesiaal vir Huisgenoot-lesers ontwerp, en as jy dit…

PUNTE A Almal D Dwelms G Geweld Gr Gruwel N Naaktheid O Ouerdiskresie S Seks T Taal V Vooroordeel GOD-FIGUUR Jy ken hom op die kassie as Eric Northman in True Blood en Perry Wright in Big Little Lies en as Tarzan op die silwerdoek. Maar nou raak dié Sweedse akteur behoorlik demonies in die nuwe donkerfantasiereeks The Stand, gegrond op Stephen King se 1978-riller. ’n Profeet, Mother Abagail (Whoopi Goldberg), probeer die oorlewendes beskerm nadat ’n virus die bevolking uitgewis het, maar Alexander (44) se karakter, Randall Flagg, lok hulle in hul drome na hom toe. Randall is ’n “God-figuur met perfekte hare”, sê Taylor Elmore, die reeks se vervaardiger. “Hy is sjarmant en kan wonderwerke verrig. Hy’s die Amerikaanse rock ‘n’ roll-weergawe van die duiwel.” DIE SKARSGÅRD-DINASTIE Alexander…

DIE DOOIES PRAAT NIE Deur PEET VENTER (Lapa, R216*) “Wapensmokkelaars jaag ’n meisie om ’n sensitiewe dokument wat sy in die hande gekry het, terug te kry. Toe sy per ongeluk onder Thys Krige se dak beland, moes hulle liewer net omgedraai en weggery het. Hulle het nie. Groot fout. Toe hulle nog ’n groter fout maak en die vrou wat Krige se hart gesteel het, gyselaar hou, is dit verby met hulle.” Dis sy jongste boek in ’n neutedop, vertel Peet Venter. En wat is vir hom die beste toneel? “Krige staan in die donker in die veld en kyk na ’n plaashuis. Wapensmokkelaars hou Petro daar gevange. Hy moet ’n plan bedink om haar ongeskonde daar uit te kry, maar weet die smokkelaars wag vir hom. Twee patrolleer…

WATERDRAER 21 JAN – 18 FEB Jou geluk draai heel waarskynlik vandeesweek, met jou voorspoedsplaneet, Uranus, wat ná maande se agteruitgang eindelik weer vorentoe beweeg. ’n Tuisprojek wat lank agterweë gebly het, kan nou eindelik die groen lig kry, of jy nou trek, restoureer of opknap. Reisplanne is ook óf binnekort óf later vanjaar op die kaarte. Sodra die son hom in jou teken tuismaak, sal jy ’n rede hê vir ’n ordentlike verjaardagviering. Gee jouself die aandag wat jy verdien. GELUKKIGE NOMMERS 29, 5, 3, 7, 47, 18 VISSE 19 FEB – 20 MRT ’n Hegte vriendskap kan vandeesweek in ’n krisis verkeer, maar dit hoef nie die einde daarvan te beteken nie. Julle kan deur ’n moeilike fase kom as julle die vriendskap toelaat om te verdiep. Dit…

FOTOBLOKRAAI NO. 2 116 As jy vashaak, kan jy gerus ander lesers se raad vra op ons Facebookblad met die naam Huisgenoot Blokraaie. WEN ’N R300- GESKENKBEWYS VAN PLUSH VRAAG: WATTER SOORT TOETS IS TER SPRAKE? Vandeesweek wen twee lesers elk ’n geskenkbewys ter waarde van R300 vir Plush-produkte van hul keuse. Plush bied ’n groot verskeidenheid produkte vir gebruik in en om die huis, soos Plush Supreme Pine Gel, ’n kragtige skoonmaakmiddel en vlekverwyderaar. Vir nog inligting oor Plush se produkte, besoek www.plush.co.za, @PlushSA (Facebook), @Plush_ZA (Twitter) of @plush_southafrica (Instagram). NEEM SO DEEL Vul die blokraai in en gebruik die letters in die kleurblokke om die antwoord op die vraag te ontsyfer. SMS “HG” gevolg deur jou antwoord, naam en dorp/stad na 36400. Net een SMS per deelnemer word…

Vertel ons meer oor jou karakter in Binnelanders. Ek speel Ruan, wat saam met sy sussie, Vicky (Roxanne Bornman), by hul tannie Elana en oom Steve (Ilne Nienaber en Clint Brink) intrek nadat hul ouers verongeluk het. Ruan is pligsgetrou, maar begin ook maar tekens van tienerwees in sy persoonlikheid wys Is dit jou eerste TV-rol? Dit is, ja. Aan die begin was dit nogal vreemd, maar nou is dit beter. Ek dink steeds ek kan verbeter. Die eerste dag op die stel was opwindend, maar ek het so ’n bietjie uit my gemaksone gevoel. Ek het gelukkig vinnig aangepas. Die ander akteurs wou net heeltyd weet of dit vir ons lekker was en seker maak ons is gemaklik. Wat geniet jy die meeste op die stel? Ek geniet my…

DIE straat is ’n warboel van bedrywighede. Onder ’n Bedoeïenetent staan tafels in twee rye gepak. Die versierings in goud, room, pienk en appelkoos laat dit byna soos ’n troue lyk. Motoriste wat verbyry, toet gemoedelik. Hier in Manenberg op die Kaapse Vlakte word ’n besonderse jong vrou se 21ste verjaardag vandag gevier. Intle Nqayi is sonder ooglede en oë gebore, en sedert Huisgenoot in 2003 die eerste keer oor haar berig het, het sy diep in baie lesers se harte ingekruip. Vandag is sy ’n selfversekerde jong vrou en vier sy haar mondigwording. In die Nqayi-gesin se tweeslaapkamerhuis woon Intle saam met haar ma, Nomaxabiso Pamela Nqayi, haar broers, Xhanti (31) en Lifa (23), en ’n “aangenome” broer wat nes ’n kind in die huis is, Denzel Mentoor (40).…

AS DAAR ooit ’n foto was wat 2020 goed opsom, is dit dié van Terry die waterskilpad. Hierdie veelseggende foto van ’n ontevrede seedier wat skynbaar vir die fotograaf die middelvinger wys, is die perfekte simbool van ’n jaar waarin die wêreld deur ’n pandemie op sy kop gekeer is. Die foto – getiteld “Terry the Turtle Flipping the Bird” – het vir die Australiër Mark Fitzpatrick die titel Fotograaf van die Jaar in 2020 se Comedy Wildlife Photography- wedstryd besorg. Sy foto, wat meer as 7 000 inskrywings uitgestof het, is geneem toe Mark saam met waterskilpaaie aan die kus van die eiland Lady Elliot in Queensland, Australië, geswem het. Met uitstekende tydsberekening het hy dit reggekry om die oomblik vas te vang toe Terry sy flap terugtrek terwyl…

’N HELE, gebeurtenisvolle jaar – dit is hoeveel tyd al verloop het sedert die skoknuus die wêreld verlede Januarie getref het dat prins Harry en sy vrou, Meghan, besluit het om die koningshuis vaarwel toe te roep. Die goue paartjie wou ver weg van die eeue oue tradisies en protokol wat hulle aan bande lê ’n nuwe lewe vir hulle en klein Archie (nou 20 maande) gaan skep. Toe skud hulle Engeland se stof van hul voete af en gaan skop nes in Santa Barbara, Kalifornië, waar die kletskoningin Oprah Winfrey hul buurvrou is en die son gemiddeld 283 dae van die jaar skyn. Tog was alles nie net maanskyn en rose vir hulle nie. Soos Harry dit onlangs gestel het: “Vanjaar was wêreldwyd vir almal moeilik.” En wat hom…

‘Wanneer ons tye van disharmonie beleef, sal die publiek hulle tot ’n palet wend wat hulle gemakliker en ligter laat voel’ – LEATRICE EISEMAN, DIREKTEUR VAN DIE PANTONE-KLEURINSTITUUT…