Indholdsfortegnelse for 4-Feb-21 i Huisgenoot

MENINGS OOR STORIES OP HUISGENOOT.COM 1 ‘EENHEID IS DIE WEG VORENTOE’ Amerikaners sal saam ’n storie van hoop eerder as vrees skryf, was pres. Joe Biden se boodskap tydens sy en visepres. Kamala Harris se inhuldiging Wat ’n emosionele toespraak deur ’n godvresende man. Ek hoop hy sal in die geskiedenis opgeteken word as een van Amerika se wonderlikste presidente. MARILYN Trump het baie gesê wat nie reg was nie. Maar hy het baie positiewe veranderings teweeggebring. Biden verteenwoordig dit wat verkeerd is in hierdie wêreld. MONIQUE Trump het nie politieke partye verdeel nie. Die media het. Hy is wie hy is, en dis beter as ’n bedrieër. Dit is die verskil tussen hom en sy voorganger. AVRYL ’n Hele toespraak sonder dat Jakkals sy eie stert prys! Trump sou…

VIR baie Suid-Afrikaners is ’n bakkie so deel van ons kultuur soos braaivleis en die Bokke. En wanneer jy ontdek daardie ou familie-erfstuk se meganiese hart pomp Groen-en-goud, is dit asof jy die Bakkiewêreldbeker gewen het. Vra maar die omgewingsingenieur dr. Brian Rademeyer, wie se restourasie van sy oupa se ou Ford Cortina MK3-bakkie motorliefhebbers aan die gons het. Dis nie sommer enige Cortina nie. Dis een van 250 bakkies wat destyds vervaardig is om die All Blacks se 1976-rugbytoer na Suid-Afrika te gedenk. “My oupa Otto Archibald het die bakkie in 1976 nuut gekoop en my pa, Hugh, het dit in 1994 geërf,” vertel Brian vanuit Prins Albert, waar hy ’n gastehuis besit. Brian het eers besef hoe uniek die verweerde ou bakkie is toe hy dit self erf.…

LORA KORT ’N HUPSTOOT Lora Baccini se dae in die son het haar ingehaal. Op 55 jaar het sy onegalige velpigmentasie, sonskade en donker kringe onder haar oë. “Ek hou van tyd in die son, veral met vakansies,” erken sy. REËL #1 Hoe ouer jy raak, hoe belangriker word ooggrimering Omraam jou gesig met sagte wenkbroue en gedefinieerde oë. Vul jou wenkbrougapings in met ’n wenkbroupoeier na aan jou natuurlike toon. Wend dit met veeragtige hale aan en versprei dit met ’n wattestokkie. Gebruik dan ’n swart of donkerbruin kohlpotlood om ’n lyn na aan die wimpers te trek en by die buitehoeke opwaarts te swiep. Skakeer weer in. REËL #2 Neutrale kleure weerspieël jonger vel Donkerder oogskadu’s laat oë kleiner lyk, terwyl neutrale kleure die oogarea oopmaak. Bedek eers…

As jy ’n persoonlike probleem het, skryf gerus aan Liewe Elize, Posbus 1802, Kaapstad 8000 of elize@huisgenoot.com. Of SMS LIEWE ELIZE gevolg deur jou vraag na 36489. Elke SMS kos R1. BAKLEIERY MET KÊREL TE ERG V Ek en my kêrel het mekaar drie jaar gelede ontmoet. Ek is lief vir hom, en hy het ’n saggeaarde persoonlikheid. Wanneer ons baklei, hou ek daarvan om dinge dadelik uit te praat, terwyl hy eerder sal wegloop en afkoel. Dit frustreer my mateloos, maar ek aanvaar dit al so. Die probleem is dat hy kwaad en hardkoppig raak wanneer ons baklei. Hy kan nie insien dat hy ook ’n fout gemaak het nie. Wanneer hy gespanne is, is dit erger. Ek is nie die maklikste mens nie: Ek is emosioneel en kan…

PUNTE A Almal D Dwelms G Geweld Gr Gruwel N Naaktheid O Ouerdiskresie S Seks T Taal V Vooroordeel WEGHOLTREFFER Omar Sy se nuwe misdaadreeks, Lupin, is die gewildste Franse reeks nog op Netflix. Dis geïnspireer deur Maurice Leblanc se boeke oor die gentleman-dief Arsène Lupin. Dekades gelede is dit ook in ’n Franse televisiereeks, Arsène Lupin, verwerk wat in Afrikaans oorgeklank is. In die nuwe reeks is Omar die hoofkarakter, Assane Diop, die seun van die Senegalese immigrant Babakar (Fargass Assandé). Babakar word veroordeel weens ’n misdaad wat hy nie gepleeg het nie en neem sy eie lewe agter tralies. Assane, geïnspireer deur ’n boek oor Lupin, besluit 25 jaar later om wraak te neem en sy pa se onskuld te bewys. SY GROOTWORDJARE Omar is in die arm…

ONTDEK INSEKTE en ONTDEK DIE OSEAAN Dorling Kindersley, plaaslik uitgegee deur Human & Rousseau, R159* elk Jy moet weet wat wantse is, want wie weet wanneer word jy ’n vraag daaroor gevra? Wel, wantse is besies, en onder hulle tel plantluise wat voortplant sonder mannetjies, snuitbesies wat kompleet soos vlieënde krokodille lyk, skuimspoegers en daardie aaklige weeluise wat in vuil matrasse huis opsit. In hierdie wonderlike boek kan jy so baie oor insekte leer wat wegkruipertjie speel as gevaar dreig, van hul metamorfose, hoe hulle kos uit plante suig en prooi en nog baie ander interessante dinge soos kewerkrygers en insekargitekte. Ontdek die oseaan het net sulke pragtige kleurfoto’s en -tekeninge, en jy sal van dinge lees waarvan jy nog nooit gehoor het nie. Soos die venusmandjie met sy glasagtige…

JY KRY: ■ 32 groot blokraaie■ 26 fotoblokraaie■ 33 kodeblokraaie■ 20 blitsblokraaie■ anagramblokraaie■ kort raaisels■ breinknopers en nog baie meer! BESTEL DIT SO: Bel 021-406-4962. Stuur ’n e-pos na koop@huisgenoot.com. Gaan na huisgenootwinkel.com en bestel dit aanlyn.…

1 Sy gunstelingkos is hoender. 2 Hy ly aan akwafobie – ’n vrees vir oop water. 3 Op skool was sy gunstelingvakke Engels, kuns en drama. 4 Hy hou van teken in sy vrye tyd. 5 Hy het drie susters, Doniya (29), Waliyha (21) en Safaa (17). 6 Sy gunstelingliedjie van alle tye is ‘Thriller’ van Michael Jackson. 7 Hy het ’n vreemde ritueel voor hy optree. Voor hy op ’n verhoog klim, borsel hy eers sy tande. 8 Hy is mal oor katte en sy gunstelingdier is ’n leeu. 9 Sy tweede naam is Javadd. Sy eerste naam word eintlik Zain gespel, maar hy het dit na Zayn verander toe hy bekend geword het. 10 Zayn haat dit as mense naby hom hul kos oopmond en kliphard kou. Ons…

AS ’N jong seun het hy familiegeleenthede ongemerk aan die sy van sy ouers bygewoon – ’n seuntjie tussen die koninklikes, en dikwels in ’n bedeesde snyerspak geklee. Toe hy 13 was, moes die jong Arthur Chatto hofknaap speel vir koningin Elizabeth, en op twee amptelike geleenthede in 2012 moes hy keer dat haar lang mantel op die grond sleep. Toe al het die skoongesigseun die harte laat vermurwe. Maar nou trek hy toenemend die aandag – en dié keer het die kleinseun van wyle prinses Margaret, koningin Elizabeth se jonger suster, die wêreld op hol met sy skitterwit glimlag en atletiese lyf. En dis geen wonder nie. Arthur is nie net aantreklik nie; hy is ook ’n kranige roeier wat op die jong ouderdom van 22 reeds twee wêreldrekords…

Reze-Tiana Wessels het onlangs haar televisiedebuut in die sepie 7de Laan gemaak. Sy speel die sakeman en booswig DeWet Basson (Dirk Stoltz) se buite-egtelike dogter, Mieke. “Ek wou nog altyd in 7de Laan verskyn het,” vertel dié boorling van Durban, wat deesdae in Johannesburg woon. Ons leer haar beter ken. 1 Hoe verskil jy en jou karakter? Mieke is uitgesproke en dink nie voor sy praat nie. Sy is ’n regte voor op die wa tiener. Sy is ’n bedorwe jong vrou wat alles kry wat sy wil hê en draai haar pa om haar pinkie. Ek, daarenteen, moes vir alles werk wat ek wou hê, selfs vir my kat, maar ek waardeer die lewenslesse wat my ouers my geleer het. 2 Noem drie dinge waarsonder jy nie kan leef…

LOOPBAANHOOGTEPUNT In sy 25 jaar as Larry King Live-aanbieder op CNN het Larry met tallose wêreldleiers en glansmense, onder andere wyle Nelson Mandela, onderhoude gevoer. Hy het trouens al verklaar sy onderhoud in 2000 met die oudpresident was “een van die grootste oomblikke van my lewe”. “Ek het hom as die grootste figuur van die 20ste eeu beskou,” het hy in ’n huldeblykvideo ter herdenking van Madiba se dood in 2013 gesê. Hy het vertel Mandela het hom tydens ’n besoek aan Suid-Afrika in die vroeë 2000’s na sy huis in Johannesburg genooi. “Ons het ’n wonderlike middagete en ’n heerlike middag gehad, en ’n mens het in sy teenwoordigheid die gevoel gehad jy sit by ’n reus.” 20 Larry King Live op CNN het soveel seisoene geduur. 6 120…

DIE Fifty Shades-ster het met ’n reuse-smarag aan haar linker-ringvinger in Los Angeles rondgery. Dakota (31) en Chris (43) is in 2017 op ’n soesji-afspraak in Los Angeles die eerste keer saam gesien. Die meestal privaat paartjie se verhouding het sedertdien aanhou groei, en bronne beweer hulle is “taamlik ernstig”. “Hulle is baie ontspanne saam,” het ’n bron in April vertel. “Hulle geniet dit om ’n stil lewe te deel. Dit lyk wel of hulle ernstiger raak.” Die twee was middel 2019 vir ’n rukkie uitmekaar, maar mense in die binnekring beweer die vonk tussen hulle was te sterk, en hulle het teen Augustus herenig. In daardie stadium het ’n bron na aan die twee volgehou Chris se eksvrou, Gwyneth Paltrow, “was die een wat hulle gedruk het” om te…

FRANSE SPEKROOSTERBROOD GENOEG VIR 2 MENSE BEREIDING: 10 MIN. GAARMAAK: 15 MIN. 250 g spekrepe30 ml (2 e) heuning, plus ekstra vir voorsit FRANSE ROOSTERBROOD 3 groot eiers180 ml (¾ k) volroommelk30 ml (2 e) bruinsuiker5 ml (1 t) fyn gemengde speserye5 ml (1 t) fyn kaneel2,5 ml (½ t) seesoutvlokkies2 dik snye brioche2 snye witbrood45 ml (3 e) kanolaolie Voorverhit die oond tot 200 °C en smeer ’n bakplaat liggies met olie. 1 Plaas die spek op die plaat en verf die repe met die heuning. Bak 15 min. tot bros. 2 Franse roosterbrood Terwyl die spek in die oond is, klits die eiers, melk, suiker, speserye en sout in ’n mengbak saam en plaas dit in ’n vlak bak. Doop die snye brood in die eiermengsel en laat…

WAAROOR GAAN DIT? Still Breathing, Inconceivable … M-Net het verlede jaar kykers met boeiende kykstof laat regop sit. Hul jongste misdaaddramareeks, Lioness, is geen uitsondering nie. Dié reeks gaan oor ’n vrou, Samantha Hugo (Still Breathing se Shannon Esra), wat haar drie kinders, minnaar en vryheid verloor toe sy skuldig bevind word aan bedrog wat haar man voor sy dood gepleeg het. Agt jaar later probeer sy met haar seun en twee dogters herenig en ontdek haar man leef nog. Die 10 episodes is oor agt weke in en om Johannesburg geskiet en deur die bekroonde regisseur en skrywer Ilse van Hemert vervaardig. “Dit sou aanvanklik ’n telenovelle gewees het, maar nadat ons dit voorgelê het, het hulle ons weer ingeroep en gesê hulle wil dit liewer as ’n dramareeks…

VISSE 19 FEB – 20 MRT Jy sal vandeesweek waarskynlik beter daaraan toe wees om jou eie geselskap op te soek pleks van die geselskap van ander. Beskou dit as ’n geleentheid om van die wêreld terug te tree sodat jy jouself weer kan vind. Te gereeld absorbeer jy dinge van ander mense, en jy besef nie die emosies of gevoelens behoort nie aan jou nie. Gebruik die tydperk van onttrekking om jou batterye te herlaai, jouself te koester en die kern van jou wese terug te kry. GELUKKIGE NOMMERS 10, 35, 52, 40, 38, 42 RAM 21 MRT – 19 APR Dit is net natuurlik dat jy ’n vriend wil help wat finansieel in die knyp is, maar beskou dit as ’n skenking pleks van ’n lening. Soveel as…

NO. 2 119 As jy vashaak, kan jy gerus ander lesers se raad vra op ons Facebookblad met die naam Huisgenoot Blokraaie. WEN ’N GESKENKPAK VAN CLERE FOR MEN VRAAG: WATTER STAPHULPMIDDEL IS TER SPRAKE? Clere For Men voorsien hierdie week se geskenkpak ter waarde van R1 000. Dit bevat ’n rugsak asook Clere For Men-velsorgprodukte. Pak die nuwe jaar aan met krag en uithouvermoë, en wees ’n legende! Gebruik Clere For Men se Legend-velsorgreeks, en laat jou voorkoms by jou legendestatus pas. Clere For Men is verantwoordelik vir die versending van die prys. NEEM SO DEEL Vul die blokraai in en gebruik die letters in die kleurblokke om die antwoord op die vraag te ontsyfer. SMS “HG” gevolg deur jou antwoord, naam en dorp/stad na 36400. Net een SMS…

1 In watter sport word daar om die Webb Ellis-trofee meegeding? 2 Wat is die hoofstad van Mosambiek? 3 In watter land sal jy die Moher-kranse aantref? 4 Wat is die Suid-Afrikaanse dorp Bela-Bela voorheen genoem? 5 Wat is die mens se grootste orgaan? ANTWOORDE 1. Rugby. Die trofee is na William Webb Ellis genoem, wat die “vader” van die sport genoem word. Baie mense verwys egter bloot na die Rugbywêreldbeker. 2. Maputo 3. Ierland 4 Warmbad 5. Die vel. ’n Volwassene se vel kan sowat 3,6 kg weeg en is 2 vierkante meter groot as ’n mens dit uitsprei. Die lewer is die grootste inwendige orgaan – dit kan tot 1,6 kg weeg en is omtrent sowat 14 cm lank by ’n volwassene. BRONNE theguardian.com, edition.cnn.com, collinsdictionary.com, news24.com, netwerk24.com,…

DIE verhoog is nie reusagtig groot nie, die tafels en stoele is nie deftig nie, en as jy die dekor mooi bekyk, sien jy dat niks regtig by mekaar pas nie. Maar sodra jy hier instap, weet jy jy betree heilige grond. Die legendariese restaurantteater Die Boer in Durbanville, Kaapstad, speel die afgelope 16 jaar al gasheer vir van Suid-Afrika se voorste kunstenaars. Mense van reg oor die land het al by dié tafels saam gekuier, vertonings geniet en fynproewersgeregte geniet. Maar vandag is die verhoog stil en ’n slot hang aan die deur: Die Boer is nes vele ander klein ondernemings deur die coronaviruskrisis geknak. “Dit is ongelooflik hartseer, maar ons het álles probeer,” sê die eienaar en aktrise, Margit Meyer-Rödenbeck, alombekend as haar verhoogkarakter Dowwe Dolla. “Ons het…

Die voormalige Arendsvlei-aktrise Robyn Rossouw is nou as die gewese prostituut Cindy Avontuur te sien in die derde seisoen van die dramareeks Swartwater op SABC2. Cindy probeer ’n beter lewe vir haarself uitkerf deur werk te soek sodat sy meer stabiliteit kan hê en haar ou lewe agter haar kan sit. Ons het die aktrise gevra om drie waarhede en ’n leuen oor haarself te verklap. Kyk of jy kan raai wat die leuen is. 1 Ek glo in astrologie. 2 Ek dra net onpaar sokkies. 3 Ek vat net een hap van my toebroodjie of hamburger en eet die res van dit laag vir laag, want ek wil hê dit moet langer hou. 4 Ek versamel wegneemkoffiekoppies.…

KAMISOOL ’n Kamisool in ’n helder kleur of met prettige patrone is ’n goeie toevoeging tot jou klerekas. Dit kan afsonderlik gedra word of in lae om dit geskikter vir video-oproepe vir werk te maak. ’n Kamisool is ’n goeie basis vir ’n stylvolle uitrusting. Kombineer dit met ’n wit hemp en baadjie vir ’n maklike laag-oplaag-somervoorkoms. OOPSKOUERTOPS Oopskouertops is steeds in die mode. Dit is ’n goeie manier om aan ’n voorkoms diepte te gee. Kies valle of versiering vir iets spesiaals sonder veel moeite. HEMDE Ontspanne hemde is uiters veelsydig. Die klem is op eenvoudige, gerieflike silhoeëtte. Kies spatsels kleur, neutrale skakerings of klein patrone. SKOUERLOSE TOPS Die vroulike silhoeët van oop skouers is perfek vir die somer. Dit vul bykomstighede en eenvoudige jeans of afgesnyde denims aan.…

AS JULLE eers oor geld stry, is die liefde soms gou by die agterdeur uit. Maar dit hoef nie so te wees nie. As julle verstaan wat die spanning tussen julle veroorsaak, kan julle saam stappe doen om dit te voorkom of te bestuur en so jul verhouding gesond hou. Ons kyk na vyf algemene geldkwessies wat gedeelde geluk in die wiele kan ry. 1 IS JULLE EERLIK EN DEURSIGTIG? ’n Gebrek aan kommunikasie oor geldsake veroorsaak dikwels konflik tussen paartjies. As jou maat inkomste, uitgawes of skuld wegsteek, sal jy hom of haar begin wantrou. Maak liewer jou maat jou vertroueling. Julle hoef nie presies dieselfde oor geldbestuur te dink nie, maar julle kan mekaar raad gee en saam jul finansiele posisie verbeter. Doen die volgende: ■ Gesels gereeld.…

THAT’S WHY I LOVE YOU TYE PLATINUM In 2019 het hy mense laat regop sit as finalis in die sangreeks The Voice SA. Nadat hy lank vir ander musikante musiek geskryf het en in verskeie musiekgroepe was, is sy debuutenkelsnit nou eindelik hier. Dié R&B-liedjie gaan oor die vonk terugsit in ’n verhouding. MAAN TOE BEL CARMEN BASSON Die sangeres se eerste enkelsnit volg nadat sy verlede jaar onder die top-20-deelnemers van die talentsoekreeks Maak my famous was. Dis ’n poprockliedjie wat mense opgewonde wil maak oor die idee van die liefde, verduidelik Carmen. Die lirieke gaan oor die reis van ’n verliefde paartjie; van saam drome droom en avonture aanpak. KOMBUIS EMMA ELLIS Sy het verlede jaar die aandag getrek met haar weergawe van Elvis Blue se liedjie “Mooi”…

OP DIE LANGE BAAN Ek het aan die begin van verlede jaar by ’n steungroep vir sloerders en uitstellers aan - gesluit. Ongelukkig het ons nog nie bymekaargekom nie… JOHAN H, GONUBIE GAWE REGTER Die regter lewer uitspraak in die skeihof: “Meneer, ek het hierdie saak deeglik bestudeer en besluit om vir jou vrou R4 000 onderhoud per week te gee.” “Dis baie billik, Edelagbare,’’ sê die man vriendelik. “Ek sal darem self ook af en toe vir haar ’n paar rand stuur.” J.J., GEORGE WATSE BOKS? Ek word seker nou oud. Ek dog ’n Xbox is iets waarin jy jou skeidokumente bêre. DENISE, PRETORIA MOEILIKE WEEK Onderwyser: “Danie, ek moes jou hierdie week elke dag na die skoolhoof stuur. Wat het jy vir jouself te sê?” Danie: “Ek is…

NO. 2 373 As jy vashaak, kan jy gerus ander lesers se raad vra op ons Facebookblad met die naam Huisgenoot Blokraaie. WEN ’N GESKENKPAK VAN CLERE FOR MEN PLUS KOM IN AANMERKING VIR DIE MAANDELIKSE TREKKING VAN R1 000. VRAAG: WATTER VERTROUELING IS TER SPRAKE? Clere For Men voorsien hierdie week se geskenkpak ter waarde van R1 000. Dit bevat ’n rugsak asook Clere For Men-velsorgprodukte. Pak die nuwe jaar aan met krag en uithouvermoë en wees ’n legende! Gebruik Clere For Men se Legend-velsorgreeks, en laat jou voorkoms by jou legendestatus pas. Clere For Men is verantwoordelik vir die versending van die prys. NEEM SO DEEL Vul die blokraai korrek in, skryf die letters in die kleurblokke neer en gebruik dit om die antwoord op die vraag te…

NATUUR Bali-apies wéét wat om te steel NAVORSERS het bevind die apies wat by die Uluwatu-tempel in Bali woon, weet presies watter voorwerpe die waardevolste is. Die apies is berug vir hoe hulle toeriste besteel en wat ook al gesteel is teruggee in ruil vir kos. In die studie is bevind die makake teiken voorwerpe wat hulle weet toeriste graag sal wil terughê om seker te maak hulle kry wel kos. Hulle sal elektroniese toestelle soos selfone steel eerder as haarknippies of leë kamerasakke. Beursies en voorskrifbrille is ook gewild. “Hierdie apies het kenners geword op die gebied van steel by toeriste wat nie geluister het na die tempelpersoneel se aanbeveling om alle waardevolle besittings veilig in toegeritste handsakke te hou wat stewig om hul nek en rug vasgemaak is…

’N MUSIEKSTER IS GEBORE Die kans is baie goed dat jy al teen dié tyd Olivia Rodrigo se naam of haar debuutsnit, “Drivers License”, gehoor het. Die lied het ’n Spotify-rekord verbeter toe dit twee dae nadat dit verlede maand uitgereik is meer as 15 miljoen keer op dié platform geluister is. Dit was ook no. 1 een op Spotify se wêrelddebuuttrefferlys en het boonop sy debuut boaan die Amerikaanse Billboard Hot 100-enkelsnittrefferlys gemaak. Dit gons so oor Olivia dat die Amerikaanse vermaak- en nuuswebtuiste Buzzfeed haar reeds “2021 se eerste groot musiekster” noem. WIE IS OLIVIA? Die sangeres is ook ’n aktrise. Sy is in die Kaliforniese stad Temecula gebore en was net 12 toe haar loopbaan in die vermaakbedryf begin het. ’n Mens sal haar onder meer onthou…

DIE definisie van ’n bonsai is: “Boom in ’n pot.” Dit is die letterlike vertaling van die Japannese woord, maar dit is baie meer as dit. Dit is ’n kunstenaarsvoorstelling van sy ideale boom van ’n spesifieke spesie. Ek is ’n bonsaikunstenaar. Ek is ’n bonsaikunstenaar. Ek het so 150 bonsai en bestee sowat drie ure elke dag aan hulle. Ek kyk maar watter bome bietjie aandag nodig het en verdeel so my tyd tussen hulle. Bonsai is die oudste lewende kunsvorm in die wêreld. As ’n skildery klaar geskilder is en hy is in ’n raam, is dit klaar. ’n Bonsai hou aan groei. As ’n tak vrek, moet jy die ontwerp aanpas. Een jaar byt die hond ’n tak af of die wind waai die pot om. Jy…

NÁ MAANDE waarin die verliefde glanspaartjie afgeneem is waar hulle met hul honde stap of gaan koffie koop en eers langs die pad ’n soentjie steel, het nog ’n Hollywoodromanse in die asblik beland – baie letterlik. ’n Lewensgroot kartonuitknipsel van die Kubaans gebore skoonheid Ana de Armas wat by die akteur Ben Affleck se huis in die rommel gestop is, laat geen twyfel nie: Alles is oor en verby tussen die twee sterre ná net 10 maande saam. Blykbaar het Ben se kinders, Violet (14), Seraphina (11) en Samuel (8), die prent – waarop die jong aktrise op haar maag lê met haar voete in die lug en met ’n breë glimlag op haar gesig – verlede jaar uitgedink om hul pa ’n poets te bak. Maar nou lag…

DIE kinematograaf het ’n beskermingsbevel teen die 40-jarige aktrise gevra dae nadat sy een teen hom toegeken is omdat sy vir die hof gesê het hy mishandel haar. In sy aansoek voer James aan Christina is ook gewelddadig en het ’n drankprobleem. Hy beweer die Addams Family-ster het in haar besopenheid woedeaanvalle voor hom en hul sesjarige seun, Freddie, gekry en dan geen idee gehad wat gebeur het wanneer sy weer nugter was nie. Maar Christina se prokureur, Samantha Spector, noem die bewerings ’n “deursigtig en kwaadwillige poging” om die aktrise se eie bewerings van mishandeling in die kiem te smoor. Christina beweer James het haar sewe jaar lank aan “ernstige liggaamlike en emosionele mishandeling” onderwerp en dat “baie van die dade van mishandeling” voor hul seun plaasgevind het. Sy…

Warmgloede? Beneuktheid? Ekstra kilo’s? Die middeljare is nie almal se vriendin nie, maar dit kondig ook ’n opwindende nuwe lewensfase aan. Vuurwarm is Huisgenoot se tydskrif spesiaal vir vroue in hul menopouse – volgepak met inligting en kennersraad vir alles van simptome en plooie tot jou liefdeslewe. Daar’s ook hope inspirasie van bekendes wat al self die pad gestap het. Prys: R60 SLUIT IN ■ Oefenprogram wat jou bene beskerm ■ Smullekker eetplan ■ Volledige simptoomgids ■ Al die nuutste behandelings HOE OM TE BESTEL: BEL 021-406-4962. E-POS koop@huisgenoot.com. GAAN NA huisgenootwinkel.com.…