Indholdsfortegnelse for 18 Mar 2021 i Huisgenoot

MENINGS OOR STORIES OP HUISGENOOT.COM 1 ‘EK SAL JULLE NOOIT VERGEET NIE’ Die akteur Jacques Blignaut, bemind onder aanhangers van 7de Laan as die karakter Vince Meintjies, groet die sepie ná 15 jaar Hy is die nederigste man. Ek het jare gelede saam met hom gewerk toe ek ’n klein rol in 7de Laan vertolk het. Hy het my altyd welkom laat voel op die stel. Baie sterkte vorentoe. LIZCA Ek wens hom alles wat mooi is toe. Jacques is ’n goeie akteur, en hy het behoorlik sy kant gebring in die Laan. Ten spyte daarvan het hy in my oë altyd sy nederigheid behou. JAN Hoekom wil SABC2 nie luister nie? Hulle hou aan om dit te verander. Bring die karakters terug by wie kykers aanklank gevind het, en…

Minstens $7 miljoen (R107 m.) Soveel het CBS Oprah vir die onderhoud betaal. Meer as 100 In soveel lande is dit uitgesaai. $325 000 (R4,8 m.) Soveel het CBS vir ’n advertensie van 30 sekondes tydens die program gevra – dubbeld die netwerk se gewone tarief. 1 Soveel armbande het Meghan gedra. Die armband vol diamante het oorspronklik aan Diana behoort. Volgens People het Meghan dit gedra “sodat Diana by hulle kon wees”. $636 (R9 771) Die prys van die grys J Crew-pak wat Harry vir die onderhoud gedra het. Hy trek dit gereeld aan by taankleurige skoene. Hy het dit ook in Mei 2019 gedra toe hy en Meghan Archie vir die wêreld gewys het, asook in Oktober 2018 vir ’n besoek aan Sussex en in Februarie 2019 tydens…

THAISE VISKOEKIES MET TAMATIESARDYNE Ons gee ’n Thaise geur aan dié staatmakerviskoekies. Sit dit voor saam met ’n vars slaai, aartappelwiggies of kapokaartappel. GENOEG VIR 4-6 MENSE BEREIDING: 15 MIN. VERKOEL: 1 UUR GAARMAAK: 15 MIN. ◗ 1 x 400 g-blik sardyne in tamatiesous, gedreineer◗ 1 x 170 g-blik tunastukke, gedreineer◗ 1 rooi brandrissie◗ 1 sitroengrasstingel◗ 2 knoffelhuisies◗ 4 stingeluie◗ 5 cm-stuk vars gemmer, geskil en grofgekap◗ ’n groot hand vol vars koljanderblare, grofgekap◗ sout na smaak◗ 1 eier◗ 60 ml (¼ k) meel◗ 2 stafies Weet-Bix, fyngekrummel◗ olie vir vlakbraai VIR VOORSIT ◗ vars slaai, kruie en lemmetjiewiggies 1 Vlok die gedreineerde sardyne rofweg en meng met die tuna. 2 Plaas die brandrissie, sitroengras, knoffel, stingeluie en gemmer in die bak van ’n voedselverwerker en pols tot fyn. Voeg…

TRENDS Kuiwe in alle vorms was groot nuus op die loopplanke in Milaan, Italië en die modeweek in Parys. En daar was iets wat die oog gevang het onder die straatmodes en op die loopplank, van superkort style tot ekstra lang kuiwe asook die nathare-voorkoms en die sogenaamde bowl cut. Kom nou, waag ’n bietjie! Onthou, daar is altyd een troos as jy nie hou van jou kuif nie: Dit sal weer groei. 1 SUPERKORT Hierdie snit werk goed om ’n breë voorkop te verbloem en vir iemand wat iets soek wat min moeite is om te versorg. Dit maak ’n sterk stelling – jy moet dus doodseker wees van jou saak voor jy laat knip. 2 EKSTRALANG KUIF Voel jy lus om so ’n bietjie weg te kruip? Dan…

DIE Wet op Basiese Diensvoorwaardes is baie streng oor aftrekkings, grotendeels om jou te beskerm teen onbillike aftrekkings wat jy nie kan bekostig nie. Ons kyk vandeesweek na vyf aftrekkings en onder watter omstandighede dit toelaatbaar is. 1 PERSOONLIKE EN STUDIELENINGS Jou werkgewers kan dit aanbied, maar net van jou salaris verhaal as jy instem. Dit is baie belangrik dat die bedrae en terugbetalingsvoorwaardes baie duidelik aan jou uitgestippel word en dat jy en jou werkgewer ooreenkom daaroor. Jy as werknemer moet skriftelik teken dat jy die bedrag verskuldig is en ook toestemming gee dat dit van jou salaris afgetrek word. 2 VERLIES EN SKADE Terugbetaling vir verlies of skade wat ’n werknemer veroorsaak, kan nie sommer afgetrek word nie. Dit kan net gebeur wanneer die verlies of skade plaasvind…

VROU IRENE-LOUISE VAN WYK met LIEZEL PIETERS Dié sangeres van Pretoria is terug met ’n splinternuwe enkelsnit – haar eerste een in byna ’n jaar. Aanhangers van Irene-Louise se elektroniese popliedjies sal nie teleurgesteld wees met “Vrou” nie. Dié liedjie is deur die gesoute Ewald Jansen van Rensburg vervaardig en geskryf deur Roux Cloete, wat ook vir liedj ies soos “Iziiit?”, “Fout” en “Ek voel soos oee” verantwoordelik was. Nou deel sy die mikrofoon met Liezel Pieters. Om kragte met ander sangers saam te snoer is vir Irene-Louise niks nuuts nie. Inteendeel, baie van haar vorige samewerkings soos “So Unreal”, “Jy speel ’n game met my” en “Hou jou hande van my lyf af” saam met onderskeidelik Nianell, Elvis se Seun en Early B het van haar grootste treffers geword.…

NO. 2 379 As jy vashaak, kan jy gerus ander lesers se raad vra op ons Facebookblad met die naam Huisgenoot Blokraaie. WEN ’N GESKENKPAK VAN CATRICE PLUS KOM IN AANMERKING VIR DIE MAANDELIKSE TREKKING VAN R1 000. VRAAG: Watter familielid is ter sprake? Hierdie week wen een leser ’n geskenkpak van Catrice ter waarde van R500. Catrice is aan die voorpunt van die nuutste grimeertrends en bied ’n groot reeks kleurkeuses met moderne sowel as klassieke skakerings en luukse teksture. Stel Catrice se Clean Beauty-reeks op die proef – dis gemaak van natuurlike bestanddele, of ervaar die voordele van Catrice se luukse velserums. Catrice-produkte is beskikbaar by Dis-Chem, Takealot, Zando, Superbalist en House of Cosmetics. NEEM SO DEEL Vul die blokraai korrek in, skryf die letters in die kleurblokke…

1〉 Watter land gebruik dié mooi vlag? 2〉 Hoeveel breine span ’n seekat in? 3〉 In watter land vind jy die indrukwekkende Uluru? 4〉 Watter sprokieskarakter het 100 jaar lank geslaap? 5〉 Wie is die skrywer van Charlie and the Chocolate Factory? ANTWOORDE 1 Tsjeggië, oftewel die Tsjeggiese Republiek 2 Nie agt nie, maar nege! Benewens die sentrale brein het elk van die agt arms ’n mini-brein wat dit in staat stel om onafhanklik op te tree. 3 Australië 4 Doringrosie, oftewel Sleeping Beauty 5 Roald Dahl BRONNE WIKIPEDIA.ORG, LIVESCIENCE.COM, DOGONEWS.COM, MONEYWEB.COM, EXPRESS.CO.UK, GOODTHINGSGUY.COM, SMITHSONIANMAG.COM, BBC.COM, KIDS.NATIONALGEOGRAPHIC.COM, HISTORY.COM, SPACE.COM, VOCABULARY.COM…

BOEKE VIR TIENERS JY SÊ, EK SÊ, ONS SÊ SAAMGESTEL DEUR MARITA VAN DER VYVER Hierdie boek is ’n unieke samestelling van digkuns vir tieners deur tieners. Die gedigte is deur hoërskoolkinders geskryf, en die bekroonde skrywer Marita van der Vyver het hand bygesit en hulle in die skryfproses aan hul gedigte help skaaf. Boeke met gedigte vir tieners is skaars – jy moenie dié een misloop nie. Jy sal beslis by die temas daarin aanklank vind. VIR KINDERS PROFESSOR FUNGUS OMNIBUS 2 JACO JACOBS Dié nuwe Professor Fungus-omnibus bevat vyf fantastiese Professor Fungusstories. As jy een van die meer as 78 800 boeke wat al in dié reeks verkoop is, besit, sal jy natuurlik dié nuwe aflewering baie geniet. Bennie en Jenny is terug in professor Fungus se laboratorium…

In Suid-Afrika is daar groot belangstelling in die “Brazilian butt lift” (BBL), sê die Kaapstadse plastiese chirurg dr. Dirk Lazarus. Wanneer mense egter die koste van die operasie hoor (altesaam sowat R100 000) en die risiko’s wat dit inhou, druk min daarmee deur. Die meeste van sy BBL-pasiënte is Suid-Afrikaners of kom uit ander dele van Suider-Afrika. “Die belangstelling is hoofsaaklik van swart pasiënte,” vertel Dirk. Hy waarsku dat pasiënte wat drastiese en onmiddellike resultate verwag teleurgestel kan word. “Daar is ’n subtiele toename in grootte,” verduidelik hy, en herhaalde operasies kan nodig wees om die verlangde resultaat te kry.…

GRIETJIE was 10 jaar lank in my lewe, en die houertjie met haar as laat dit voel asof sy in die gees nog hier in haar gunstelingsonkol sit. Maar die verlange na haar warm lyfie is oorweldigend. Skaars ’n week ná haar onverwagte dood op 28 Desember, en dus tydens die feestyd-inperking, soek ons aanlyn na ’n nuwe kaalkatjie. Ons google sfinkskattelers in Suid-Afrika en kry ’n skakel na ’n webtuiste wat betroubaar lyk. Ons bel die kontaknommer vir ene “Emma” wie se naam op die webtuiste verskyn en deel ons hartseer verhaal met die vrou aan die ander kant van die foon. Sy stuur foto’s. Een kaalkatjie op ’n sebrakombersie steel dadelik ons hart. Ons doop haar summier Ella. Om haar te “bespreek”, hoor ons, moet ons ’n deposito…

1 As jy ’n spesifieke soort kat of hond wil koop, doen navraag by spesialisverenigings of telers. 2 Bel die Dierebeskermingsvereniging in die teler se omgewing en vra uit oor sy reputasie. 3 As die teler of verkoper ver van jou woon, bel ander plaaslike ondernemings en vra uit oor hulle. 4 Vra vriende wat naby woon om te gaan kyk. 5 Stuur vir die teler of verkoper ’n Facebookvriendversoek en bekyk eers hul agtergrond. 6 Kyk op webtuistes soos hellopeter.com vir klagtes oor die verkoper. 7 Vra die teler of verkoper of jy eers kan gesels met een of twee vorige kopers wat vir hulle ’n verwysing kan gee. 8 As die verkoper vir jou foto’s stuur, laai dit in Google Images om seker te maak waar dit vandaan…

Ontmoet baba Lucia – die jongste toevoeging tot Alec en Hilaria Baldwin se immer groeiende kroos. Hilaria (37) het die naam van haar pasgebore baba op Instagram bekendgemaak langs ’n oulike foto waarop die babameisie vas slaap. “Ons is so verlief op ons dogter, Lucia,” sê sy. “Nes jou broers en susters is jy ’n droom wat waar geword het.” Die aankondiging oor die jongste Baldwin-kind se naam kom ’n dag nadat Hilaria haar aanhangers verras het met ’n foto waarop sy tussen al haar kinders sit met ’n piepklein baba op haar skoot. Die egpaar het hul seun Eduardo in September verwelkom. Die tydlyn van baba Lucia se geboorte het mense omtrent laat gons. Oplettendes het opgemerk Hilaria volg die surrogaat-agentskap Alcea Surrogacy van New York op Instagram –…

Katherine Heigl weier om enigiets vir haar aangenome dogters weg te steek. Katherine (42) het in ’n onlangse onderhoud met die tydskrif Parents – waar sy saam met haar man, Josh Kelley (41), en hul kinders, Nancy Leigh (12), Adalaide (8) en Joshua jr. (4), op die voorblad pryk – gesê hul aangenome dogters “het ál meer vrae soos wat hulle ouer word”. “Ons het vir hulle gesê: ‘Dit is jou storie. Ons het nie enige inligting oor jul biologiese pa’s nie, maar ons het ’n bietjie inligting oor jul biologiese ma’s. “As julle meer oor hulle wil praat, kan julle soveel of so min inligting kry as wat julle wil hê.’” Die aktrise het altyd geweet sy wil kinders aanneem. “My suster, Meg, is Koreaans, en my ouers het…

IN HAAR 20 jaar as weduwee het sy nooit gedink sy sal weer voor die kansel staan nie. Nog minder sou sy ooit kon droom dat haar bruidegom, netjies in sy grys pak en wit hemp, haar oorlede ousus se man sou wees nie… Maar toe Kosie Pieterse haar sommer op een slag vra om te kys én te trou, het Sus Jones nie getwyfel oor haar antwoord nie – al is sy reeds 82 en haar nuwe geliefde 95 jaar oud. ’n Mens is tog nooit te oud om lief te hê nie; waarom dan om te trou? “Toe ek myself weer kon vind, is ek in sy arms,” vertel die waardige gryskopvrou met ’n glimlag waar sy knus langs haar nuwe man op ’n rusbank in die sitkamer…

Denim Gemaklike denim is ’n uitstaan-trend van die afgelope jaar. Dit pryk op al wat ’n loopplank is en in glansmense se klerekas. Die noupyp- en verbleiktedenimvoorkoms is dié seisoen moets. Die modebeïnvloeder Steevy Mbala stileer grys geskeurde jeans van Fashion Nova met ’n wit rolnek-oortrektrui en donsige jas van Boohoo, Gucci-skouersak en Converse Run Star-tekkies in ’n fotosessie in sy tuisstad, Parys. Polohemde Preppie met ’n sportiewe kinkel is nou die in ding. Hou dit sjiek met polohemde en kombineer dit met denims of chino’s vir ’n ontspanne gevoel wat vir enige geleentheid geskik is. Die Britse TV-werklikheidster Dan Osborne hou dit preppie en sportief in ’n langmoudwarsstreeptop met ’n Coca-Cola-logo en jeans op ’n uitstappie in Londen. Bo-klere Ligte baadjies en oorklere is ’n moet om die koue…

AL OOIT gewonder hoekom sommige mense kan weglê aan soveel pasta as wat hulle wil en nooit gewig aansit nie? Jy, aan die ander kant, loer net vir ’n stuk brood en dit voel of die skaal jou bekruip. Wel, jy het jouself dalk nie verbeel nie. Hoewel party mense op koolhidrate floreer, moet ander hul inname beperk omdat mense koolhidrate op verskillende maniere verwerk, glo die voorste Ameri-kaanse genetikus dr. Sharon Moalem. “Koolhidrate word al jare lank as die skurk beskou, maar talle van ons voorvaders wat boere was, het vir ons die gene gegee om te gedy op ’n dieet waarvan die helfte op koolhidrate gegrond is,” sê hy. “As jy by jou voorvaders ’n hoë koolhidraatverdraagsaamheid geërf het en probeer om koolhidrate in jou dieet te beperk,…

PUNTE A Almal D Dwelms G Geweld Gr Gruwel N Naaktheid O Ouerdiskresie S Seks T Taal V Vooroordeel IN DIE KOLLIG / REEKSE / MUSIEK / BOEKE / KORTVERHAAL / TV-GIDS / HUISGENOTJIES / BLOKRAAIE SEPIESTER Claudia (28) het in 2018 in die kykNET-sepie Getroud met rugby die rol van die ambisieuse jong aspirantaktrise Candice Johnson begin vertolk. Destyds het nog ’n deur in Candice se gesig toegeklap, onthou Claudia. “Sy het ’n oudisie nie gemaak nie en sy het regtig gevoel sy is vir meer bedoel – sy kan nie net ’n ekstra wees in ’n advertensie nie.” Dis juis om dié rede dat Claudia soveel aanklank by Candice vind. “My droom is om baie groter te wees as wat ek nou is. Ek wil groei en mense…

LYFSKAP: EROTIESE KORTVERHALE Saamgestel deur SOPHIA KAPP en LEONIE VAN RENSBURG (Lapa, R250) “Ná 39 jaar in die boekbedryf weet ek niks prikkel lesers soveel soos ’n bundel erotiese kortverhale nie.” So sê Leonie van Rensburg (foto), eienaar van Graffiti Boeke in Pretoria. En dit was die begin van Lyfskap met sy 25 verhale wat nie almal deur mense onder 18 gelees behoort te word nie. Leonie vertel: “Ek het verskeie skrywers genader om ’n storie te skryf. Die kortverhale het ingestroom. Ek het besef ek benodig ’n ervare hand om te help met die keuringsproses en het Sophia Kapp, skrywer en taaladviseur by die Virtuele Instituut vir Afrikaans, gevra of sy sal help.” Nie al die skrywers het ja gesê nie. Deon Meyer het laat weet: “Ek sou graag…

MEDIESE VERSLAG ’n Vrou bel die hospitaal en vra of iemand moontlik vir haar kan sê hoe dit met een van hul pasiënte gaan. “Ek kan vir jou by die suster uitvind. Gee my net die naam van die pasiënt en die kamernommer,” sê die ontvangsdame hulpvaardig. “Loreen Smit in kamer 103,” sê die stem oor die foon. Ná ’n paar minute is die ontvangsdame terug. “Die suster sê dit gaan goed met Loreen. Haar bloeddruk is normaal, die bloedtoetse het normaal teruggekom en sy kan Dinsdag ontslaan word.” “Baie dankie, dis wonderlik! Ek was so bekommerd,” sê die vrou. “Geen probleem. Is u haar dogter?” vra die ontvangsdame. “Nee, ek is Loreen Smit in kamer 103. En niemand het my enigiets vertel nie!” KAREN, JOHANNESBURG RAAR MAAR WAAR As…

NO. 2 125 As jy vashaak, kan jy gerus ander lesers se raad vra op ons Facebookblad met die naam Huisgenoot Blokraaie. WEN ’N GESKENKPAK VAN CLERE FOR MEN VRAAG: WATTER PLAASDIERE IS TER SPRAKE? Clere For Men voorsien hierdie week se geskenkpak ter waarde van R1 000. Dit bevat ’n rugsak asook Clere For Men-velsorgprodukte. Pak die nuwe jaar aan met krag en uithouvermoë, en wees ’n legende! Gebruik Clere For Men se Legend-velsorgreeks, en laat jou voorkoms by jou legendestatus pas. Clere For Men is verantwoordelik vir die versending van die prys. NEEM SO DEEL Vul die blokraai in en gebruik die letters in die kleurblokke om die antwoord op die vraag te ontsyfer. SMS “HG” gevolg deur jou antwoord, naam en dorp/stad na 36400. Net een SMS…

MILJARDE mense gebruik deesdae elke dag ’n masker. Ons sit een aan sodra ons by die voordeur uitstap, of ons nou winkel of skool of werk toe gaan. Maar liewers as om hulle in die asblik te gooi teen die einde van hul leeftyd, het wetenskaplikes ’n skitterende manier bedink om hulle nuwe lewe te gee. ’n Groep Australiërs wil hulle gebruik om… paaie te bou. Hulle het agtergekom – moenie vra hoe nie – dat as hulle weggooibare mediese maskers by die mengsel voeg waarmee ’n mens paaie maak, dan spaar dit hope geld. Die materiaal van die masker maak die pad sterker en buigsamer omdat dit vesels bevat. Dié soort hergebruik sal weer die hoeveelheid afval wat net op vullishope land, help verminder. WOORD VAN DIE WEEK WENTELBAAN…

WELKOM BY DIE BOEKKLUB Die 25-jarige Kapenaar is te sien as die student Debbie in die derde seisoen van Die boekklub. Debbie is ’n student van die letterkunde en het ’n ogie op die hoofkarakter, Tom Niemand (Armand Aucamp). “Sy is baie aangetrokke tot hom. Sy is boekslim en emosioneel intelligent, maar sy kom gou agter dat Tom nie werklik in haar belangstel nie,” vertel Nina. “Sy koester tog baie hoop dat Tom haar sal begin waardeer.” Die reeks wemel van bekende gesigte en speel af op die Karoodorp Merweville naby Beaufort-Wes. “My gunsteling-ervaring was om net op die stel te wees, waar te neem en te leer. Alles was vir my ’n groot leerskool,” sê Nina. Die aktrise was al ’n aanhanger van die reeks nog voor sy ’n…

Hoe lyk die weer? 1 Die woorde in die lys onder is horisontaal, vertikaal of skuins en vorentoe of agtertoe in die rooster versteek. Soek en omkring dit. 2 Vul nou die ongebruikte letters in die oop ruimtes onder in. Begin links bo tot jy ’n gesegde kry wat een soort weer beskryf. ’n Winderige dag Volg die lyne om te sien wie elke vlieër vlieg. Vind 10 verskille Verbind die kolle Reën, reën, gaan weg… … kom terug op ’n ander dag! Kleur die prent in wanneer jy klaar is. Pas die skaduwees Knip & plak Knip al die reëndruppels uit en plak dit in die regte groep in die ruimtes onder die wolke. Knip en plak Knip al die helftes uit en pas die bypassende prente by mekaar. Wees ’n weerman…

DIE kuns van marionette raak al hoe skaarser. Dis dalk omdat dit so moeilik is om te maak en te vervoer. Maar baie mense het nog ’n liefde vir marionette. Ek maak al marionette vandat ek 11 jaar oud is. Ek sou akkerdoppies in die tuin optel en slangetjies en wurmpies daarvan maak en garing aan hulle vasmaak. As kind het ’n onderwyser vir ons gewys hoe om papierpap te maak. Ek was baie opgewonde daaroor. Ek het altyd daarvan gehou om iets met my hande te maak. My eerste pop was ’n handpop. Dit was ’n hanswors. Ek het gou marionette bo handpoppe begin verkies. Een van die hoofredes was die wete dat ’n marionet bene het. Dis ’n volledige figuur wat heeltemal uit die verhoog kan spring. Dit…

Mike Bolhuis vertel sy onderneming, Specialised Security Services, het sedert die begin van die inperking “honderde” klagtes oor diereslenters gekry. Swendelaars maak veral nou misbruik van die feit dat baie mense in dié tyd ’n behoefte ontwikkel het na ’n troeteldier. “Die webtuistes vang jou eers met oulike video’s en foto’s. Jy is reeds emosioneel as jy soekend is na ’n nuwe diertjie. En as die prys reg is, hap jy die hoek nog dieper,” vertel Mike. Sodra jy die deposito vir die dier betaal, volg nog koste wat jy kwansuis eers moet dek voor jy hulle kan kry, byvoorbeeld vir vervoer. Die skurke maak seker hulle verskaf ’n adres ver van jou en dring dikwels later daarop aan om hul eie koerier te gebruik. Maar jou dier daag nie op…

Lyk dit na ’n winskopie? Pasop, dis dalk ’n slenter. Kyk uit vir dié gevaarligte: ■ Verkopers wat vir jou foto’s of video’s stuur, maar weier dat jy of iemand anders hulle eers besoek om die dier self te sien. ■ Verkopers wat weier dat jy die dier by hul woonplek besigtig. ■ Verkopers wat ’n deposito vra nog voor jy self die dier gesien het. ■ Verkopers wat daarna laat weet hulle benodig nog betalings om die dier aan jou te besorg, hetsy vir inentings of vervoer. ■ Mense wat net per e-pos of WhatsApp kommunikeer. ■ As die verkoper uit die staanspoor daarop aandring om die dier aan jou te koerier. ■ Wees veral bedag op ongewone betaalmetodes soos met Bitcoin of iTunes-koopbewyse.…

OP ’N Karookoppie staan Merweville se nuwe distriksgeneesheer en sing dat haar engelstem tot in die stofstrate van die dorpie weerklink. So asof dit die natuurlikste ding op aarde is. Tog was dit glad nie so maklik vir Nicole Fortuin, wat die singende dokter in die derde seisoen van Die boekklub speel, om daardie lieflike stem van haar voor ander te laat opklink nie. Nie ná die spannende ervaring wat sy as gr. 2’tjie gehad het nie. Die talentvolle donkerkoppie moes destyds by ’n optrede van die koor van die Laerskool Boston in Kaapstad voorsing. Sy het weggeval met die lied, maar toe sy al die mense in die volgepakte saal sien, het sy die res van die woorde vergeet. En op daardie oomblik het sy ’n vrees ontwikkel vir…

DIE voormalige Idols SA-medewenner Sasha-Lee Davids het onlangs haar langverwagte goedvoelliedjie “A Little Love” uitgereik. “Ek het dit in my broer, Laurenzo, se ateljee op my tuisdorp, Atlantis, geskryf,” vertel die sangeres. Die snit is geïnspireer deur ’n tyd in haar lewe toe sy ietwat moedeloos en onder druk in die bedryf gevoel het. Dis een van vele wat sy tydens die inperking geskryf het. Sasha-Lee is weer eersdaags op die kassie te sien as die aanbieder van die leefstylprogram Pasella op SABC2. 5 minute om iets te maak om te eet; wat sal dit wees? Ramen. 4 mense, dood of lewendig, waarmee jy aandete of drankies sal drink? Die voormalige Amerikaanse president Barack Obama, oudpres. Nelson Mandela, die Hollywood-rolprentmaker en akteur Tyler Perry en die countrymusiekster Dolly Parton. 3 sosialemediarekeninge…

Nicolas Cage het onlangs vir die vyfde keer afgehaak en aan verslaggewers gesê hy is “baie bly” om weer ’n getroude man te wees. Die 57-jarige akteur is verlede maand in ’n “baie klein en intieme troue” by die Wynn-hotel in Las Vegas met Riko Shibata getroud. Terwyl nuus van die troue vroeër vandeesmaand bekend geword het, is hulle op 16 Februarie getroud. Die datum is vir die Wild at Heart-ster baie spesiaal. “Die datum is gekies om die verjaardag van die bruidegom se oorlede pa te eer,” sê sy verteenwoordiger. ‘Dis waar en ons is baie gelukkig’– NICOLAS CAGE Nicolas trou graag! Nicolas is nouliks ’n nuweling wanneer dit kom by kere voor die kansel. Patricia Arquette (52) Nicolas trou in April 1995 met die Oscarwenner, en die egpaar…

Lori Loughlin is uit die tronk en terug in die kollig. Die Full House-ster is onlangs vir die eerste keer in die openbaar afgeneem sedert sy haar vonnis van twee maande in Desember uitgedien het. Lori (56) was besig om vrywilligerswerk vir Project Angel Food te doen. Dié organisasie gee kos aan mense wat lewensbedreigende siektes onder lede het. In Mei het Lori en haar man, die modeontwerper Mossimo Giannulli, skuld beken op aanklagte dat hulle sowat R7,5 miljoen betaal het om vir hul dogters, Olivia Jade (21) en Isabella Rose (22), aan die Universiteit van Suid-Kalifornië plek te kry. Al geniet Lori nou haar vryheid, sal Mossimo (57), wat vyf maande tronkstraf opgelê is, tot 17 April agter tralies bly. En blykbaar gaan dit nie goed met hom in…

Dis geen geheim dat Meghan die kletskoningin nog net een keer ontmoet het toe sy Oprah Winfrey na haar troue in 2018 genooi het nie. Oprah het ook die lys van 200 uitsoekgaste gehaal wat die onthaal die aand bygewoon het, terwyl hegte vriende van Harry en sy stiefbroer en-suster nie daarheen genooi is nie. Daarna het Meghan en Oprah se vriendskap van krag tot krag gegaan. Met Archie se geboorte die volgende jaar het Oprah geskenke gestuur om hom in die wêreld te verwelkom. En verlede Desember het Meghan op haar beurt vir Oprah ’n geskenkpak gestuur met van haar Clevr Blends-veganistiese “super-lattes” daarin. Die huis wat Harry en Meghan in Montecito in Santa Barbara, Kalifornië, gekoop het, is net ’n hanetree van Oprah se landgoed Promised Land. Harry…

DIT was haar grootste nuus ooit, maar ook die grootste geheim wat sy al ooit moes hou. Toe Simoné Pretorius uitvind sy verwag haar eersteling, wou sy die blye nuus aan die hele wêreld uitbasuin. Maar haar man, Andries, het gemaan dit moet dalk eerder vir eers hul geheim bly tot daardie eerste brose stadium van die baba se ontwikkeling veilig agter die rug is. Dit was makliker gesê as gedaan om drie maande lank te swyg, veral omdat Simoné in dié tyd voor die TV-kameras moes verskyn as Krizanda van der Merwe, ’n gewese prostituut, in die dramareeks Swartwater, wat nou op SABC2 te sien is. “My eerste call was in September en ek was toe omtrent agt weke swanger. Dit was eintlik nog ’n geheim en dit was…

DIS asof sy ’n gyselaar is – ’n gevangene in ’n hok van pyn. En al is sy ’n tuisteskepper en ma, kan sy daarvan vergeet om huishoudelike take te verrig. Om die skottelgoed te was of die vloere te mop is ’n onbegonne taak. Om saam met haar kinders winkel toe te stap is nie ’n opsie nie. “Elke dag is vir my ’n uitdaging. Ek is in konstante pyn. Ek kan nie eens beweeg sonder dat ek op my tande kners nie,” sê Rika Ward. Maar dit is nie ’n chroniese siekte wat dié 45-jarige van Brakpan so lamlê nie: Rika dra al jare lank net te swaar aan haar oorgroot borste. Haar borste weeg saam sowat 12 kg en sy dra ’n 44GG-bra. Dié las veroorsaak nimmereindigende…

PREPPIE-INFORMEEL Lyk deftig maar koel in wit en roomkleur soos die akteur Anton David Jeftha, hier op die stel van die M-Nettelenovelle Legacy. KLEURGROEP-KLEURBLOKKE Hou dit modieus in kleurblokherfskleure soos die voormalige Springbok Francois Hougaard op ’n uitstappie in Londen. SPORTIEF-SJIEK Dra chino’s by ’n polohemp soos die Survivor SA-aanbieder, Nico Panagio. Rond die sjiek voorkoms af met koel skoene of brogues en ’n pofbaadjie vir die kouer weer. KLASSIEKE DENIM Denim is tydloos. Dra dit saam met ’n langmoutop en eenvoudige tekkies soos die gewese Protea-kaptein Faf du Plessis of rond dit af met leeritems vir ’n elegante voorkoms. KRY DIT HIER AMERICAN SWISS 0860-834-834; BRANDEDSUPPLIES.CO.ZA; CAPE UNION MART 0860-333-329; COTTONON.COM; DECATHLON.CO.ZA; EXACT 0860-834-834; MARKHAM 0860-834-834; MRP 0800-21-25-35; OUTLETSTORE.CO.ZA; SPORTSCENE 0860-834-834; SUPERBALIST.COM; TAKEALOT.COM; THE FIX 0860-834-834; TRUWORTHS 021-460-2300; WOOLWORTHS…

WERKLOSE DOGTER STAAN BAKHAND V Ek is ’n wewenaar met ’n dogter. Sy soek al vir ’n paar jaar werk. Sy het ’n bietjie opleiding, maar dit help nie veel nie. Ons woon op ’n afgeleë plek, en ek sal nie wil sien dat sy hier weggaan nie. Dis net ons tweetjies oor. Ek het ’n goeie werk. My dogter bly nie by my aan huis nie. Sy het dikwels geld nodig en vra my daarvoor, maar my vriendin dink dis verkeerd. Sy dink ook my kind is neusoptrekkerig. Ek wil haar regtig nie as ouer in die steek laat nie. H op A A Daar is ’n verskil tussen ware hulp en hulp wat iemand in staat stel om hulpeloos te bly. Met eersgenoemde sorg jy vir noodsaaklikhede terwyl…

Besoek ons webtuiste, huisgenoot.com, vir ’n daaglikse horoskoop. BUL 20 APR – 20 MEI As jy vandeesweek dalk voel jy wil jou van die samelewing onttrek, maak gerus tyd vir jouself. Dink daaraan as ’n noodsaaklike tyd om jou batterye te herlaai en te verhoed dat jy stoom verloor. Probeer om nie met ’n vriend in ’n rusie oor geld betrokke te raak nie. As jy wel vir jouself moet opstaan, moet jy bloot die bul in die glaskas wees. Jy sal dan minstens duidelikheid hê. GELUKKIGE NOMMERS 48, 10, 8, 33, 51, 40 TWEELING 21 MEI – 20 JUN Met dié dat die selfversekerde Mars hom nou behoorlik in jou teken ingeburger het en vandeesweek teenoor jou planeet, Mercurius, stelling inneem, is jy in die bui om met iemand…

1 Wat het jy die meeste in die inperking gedoen? Ek het geworstel met die balans tussen eet en oefen. 2 Jou gunstelingpeuselhappie? My vriende assosieer al popcorn of rosyntjies met my. naam. 3 Wat is iets wat jy doen wat ander irriteer? Ek het my ma gevra en toe WhatsApp sy: “Jy los jou koffiekoppies waar jy dit gedrink het, jy verloor gou belangstelling met inkopies sodra jy self gekry het waarvan jy hou, en jy is met reg altyd reg!” 4 Wat verpes jy? Kougeluide. 5 Is jy ’n hond-of katmens? Hond, maar enige dier het my hart. 6 Jou grootste vrees? Om nie my volle potensiaal uit te leef nie. 7 Wat maak jou gelukkig? Om op ’n koue dag in ’n sonkolletjie te bak. 8 In watter reeks wil jy graag speel? Ek…

WAAR kom die bome en plante in tuine en parkies en op die skoolterrein vandaan? Is dit daar geplant of het dit vanself daar begin groei? Ons fokus dié Ons fokus dié week op twee woorde, naamlik inheems en uitheems. Ons leer jou ook meer oor inheemse bome en plante in Suid-Afrika, van die bekende rooibos tot ’n vleisetende plant van die Wes-Kaap, en uitheemse bome soos Pretoria se jakarandaboom. WAT IS INHEEMS? Wanneer ’n plant of boom binne ’n gebied of ekostelsel deur natuurlike prosesse groei, noem ons dit inheems. Met ander woorde, wanneer ’n plant of boom binne ’n streek voorkom sonder enige hulp van die mens, is dit inheems. Daardie plant of boom groei in daardie spesifieke gebied omdat die klimaat en grond goed is vir daardie…

OP DIE onheilspellende sekuriteitsvideo sien ’n mens agt mans met gewere die gebou binnekom. Dit is duidelik in die middernagtelike ure. Hoër op in die gebou slaap ’n prinses en haar dogter in hul woonstel langs die see. Kort daarna word die nuus bekend: Die prinses en haar dogter is glo ontvoer. Maar dit is ’n ongewone ontvoering dié. Die ontvoerders is nie misdadigers wat ’n losprys eis nie. Hulle is ook nie gewone terroriste wat politieke eise stel nie. Nee, dié prinses is na bewering deur haar eie familie weggevoer om agter die dik mure van ’n tronk toegesluit te word. Terwyl prinsesse in ander lande oor hul verhoudings met hul skoonfamilie of ongewenste paparazzi kla, kan hulle maar op hul knieë dankie sê hulle is die beweerde lot…

■ Meld aanlyn misdaad aan by ispa.org.za/safety/report-cybercrime sodat data oor vermeende swendelaars versamel kan word. ■ As jy ’n slagoffer van ’n diereswendelaar is, gaan na die naaste polisiekantoor met al jou bewyse op WhatsApp, e-pos, foto’s, video’s en bankstate, sê kol. Brenda Muridili van die polisie se hoofkantoor in Pretoria. “Slagoffers moet na vore kom sodat ons ondersoek kan instel,” sê sy. Jy sal ’n saaknommer kry. Die polisie sal dan ondersoek doen na soortgelyke gevalle van bedrog, diefstal en afpersing en soortgelyke gevalle saamvoeg. ■ Kontak Crime Stop by 086-00-10111 of stuur ’n wenk op die MySAPS-app. Alle inligting sal vertroulik hanteer en ondersoek word.…

UITSPATTIGE pruike, belaglike klere, ’n vreemde aksent en ’n ego groter as die dorpie waar sy teen haar sin moet woon. Enigiemand wat al die Kanadese komedie Schitt’s Creek op Netflix gekyk het, sal onmiddellik weet wie hier beskryf word: Dit kan net Moira Rose wees. Moira, die matriarg van die eens stinkryk Rose-gesin – ’n mislukte aktrise wat aan haar vorige, deftige leefstyl vasklou al woon sy nou in ’n vuilerige motel en moet sy by die plaaslike eetplek vir etes aansit. Moira wat so onvergeetlik maar onweerstaanbaar teem: “I’ve been gutted. I’ve been stripped of every morsel of pleasure I’ve earned in this life.” Dié karakter is een van die redes waarom die reeks so ’n wegholsukses is – en dit is net weer bevestig toe sy onlangs…

Amelia Hamlin en Scott Disick se romanse het omtrent vlam gevat, en dis nie net die internet-trolle wat bekommerd is oor hul ouderdomsverskil van 18 jaar nie. Haar ma, die eertydse Days of Our Lives-aktrise Lisa Rinna, is ook bekommerd daaroor dat haar en Harry Hamlin se 19-jarige dogter in ’n verhouding met ’n pa van drie is. Scott en Amelia word sedert Oktober romanties verbind toe hulle by Kendall Jenner se Halloween-partytjie nie hul hande van mekaar kon afhou nie. Scott het drie kinders – Mason (11), Penelope (8) en Reign (6) – by sy eks Kourtney Kardashian (41). Dié het onlangs haar romanse met die Blink-182-rocker Travis Barker (45) bekendgemaak. Dit het verlede week gegons nadat Scott in nuwe beeldmateriaal van Keeping Up With the Kardashians vir Kourtney…