Indholdsfortegnelse for 25 Mar 2021 i Huisgenoot

1 ‘EK GLO HAAR STEEDS NIE’ Die Good Morning Britain-aanbieder Piers Morgan het die program verlaat te midde van ’n herrie omdat hy gesê het hy glo nie Meghan Markle se bewerings nie Hy het nog nooit doekies omgedraai oor haar nie. Ek dink as ’n mens moet kant kies, kies dan sy kant. Hy was nog die hele tyd aan die koningsgesin se kant. LEANA Seriously, ek kies niemand se kant nie. Maar Piers se reaksie was onvanpas. Die helfte van ons het niks geweet van Meghan voor sy met prins Harry getrou het nie. STACEY Hy het gekry wat hy verdien. Piers het ’n vendetta teen Meghan omdat sy hom destyds nie teruggebel het nie. En onthou, daar was meer as 40 000 klagtes oor sy houding. ANNA Hy…

VIER jaar gelede was die wêreld nog meegevoer deur die sjarme en selfvertroue van ’n stralende vrou met ’n glimlag so sonnig soos Kalifornië. Dit was maklik om te sien hoekom prins Harry sy hart op die innemende donkerkop verloor het – die res van die wêreld was óók versot op haar. Sy was ’n vars bries in die Britse koningshuis, ’n eeue oue instelling wat dikwels as verstok en bekrompe beskryf is; ’n wêreldwyse Millenniër wat die bloubloedfamilie sou help om die 21ste eeu te betree en hul plek in die toekoms te verseker. Maar hoe skouspelagtig het dié sprokiesverhaal nie misluk nie – en nou word die monargie deur een van die grootste krisisse in sy moderne geskiedenis gekonfronteer. Meghan Markle en prins Harry se onthullende onderhoud met…

IN DIE KOLLIG/REEKSE/MUSIEK/BOEKE/KORTVERHAAL/TV-GIDS/HUISGENOTJIES/BLOKRAAIE 1 Jason was die afgelope twee jaar die aanbieder van die maatsoekreeks The Bachelor South Africa. Vanjaar sit hy ook in die aanbiederstoel van die eerste seisoen van The Bachelorette South Africa, waarin Qiniso van Damme liefde soek. Dit was nogal ontwrigtend om die reeks tydens die covid-19-pandemie op te neem, sê Jason (41). “Ons was baie beperk in terme van wat ons kon doen en waarheen ons kon gaan. Ek, Qiniso, die deelnemers en die produksiespan moes twee maande lank saam in kwarantyn wees.” 2 Hy is in Zimbabwe gebore en het as ’n enigste kind in Durban en Johannesburg grootgeword. “Die eerste paar jare van my lewe was baie interessant. Nie baie mense weet dat my ma ’n enkelouer was en dat dit baie moeilik was nie.…

IN JOU ARMS SLAAP CEZANNE YZELLE Dis die vierde enkelsnit wat dié vlytige Bloemfonteiner binne maande uitreik. Die liedjie is geskryf deur Arno de Wet en die lirieke droom oor intense liefde. Dis dalk nie vir die kommersiële mark bedoel nie, maar luistergenot vir die ernstiger musiekliefhebber wat hou van diepte in hul gesprekke en intieme klanke. SHINE NIANELL Sy het dié liedjie reeds twee jaar gelede geskryf, maar voel nou eers gereed om dit uit te reik, vertel Nianell, wat in September haar 50ste verjaardag vier. “Ek is dankbaar dat ek die moed gehad het om myself toe te laat om te wees wie ek waarlik is. Nou is ek vry om so helder moontlik te kan skyn.” WE’LL BE OKAY WIKUS BOTMA ’n Kontemporêre popliedjie met die boodskap…

NO. 2 380 As jy vashaak, kan jy gerus ander lesers se raad vra op ons Facebookblad met die naam Huisgenoot Blokraaie. WEN ’N GESKENKPAK MET TANGLED TREE-WYN PLUS KOM IN AANMERKING VIR DIE MAANDELIKSE TREKKING VAN R1 000. VRAAG: Watter suiwelproduk is ter sprake? Die wenner ontvang ’n geskenkpak met Tangled Tree-wyn ter waarde van R500. Tangled Tree het onlangs hul eko-vriendelike reeks uitgebrei na ’n 3 L-kartonverpakking. Die immergewilde Cabernet Sauvignon spog met rojale sjokolade-en mokkageure en bied onverbeterlike waarde vir hierdie gehaltewyn uit die Van Loveren-kelder. Nou beskikbaar by jou naaste Pick n Pay, Spar of aanlyn by vanloveren.co.za. Volg op Instagram of Facebook @tangledtreewines. NEEM SO DEEL Vul die blokraai korrek in, skryf die letters in die kleurblokke neer en gebruik dit om die antwoord op…

Baie woorde wat met “re-” begin het iets te doen met “agteruitgang”. Dink maar aan die Engelse woord “reverse”. Resessie is ook in hierdie familie: ’n Resessie is wanneer die ekonomie in trurat is. Maatskappye verloor geld, werkers raak armer en lande moet geld leen om kop bo water te hou. Die woord is in Afrikaans en Engels danksy Frans wat dit by Latyn gekry het – 2 000 jaar gelede was dit “recedere”, wat net beteken: loop terug. Die woord “rekenaar” is gelukkig nie familie van hierdie hartseer groepie nie. SYFERSTORIES 2022 Dis die jaar waarin Egipte die Cairo Eye wil bekendstel. Dit sal die grootste ferriswiel vir toeriste in Afrika wees. Tydens ’n rit op die wiel sal besoekers besienswaardighede soos die Nyl, die Groot Piramide van Giza…

YOUNG ROCK IS VRYDAE OM 19:00 OP M-NET. DIE 10-JARIGE ROCK: ADRIAN GROULX Adrian is 11 jaar oud en van Kanada. Hy speel die jong Dwayne (48) in sy grootwordjare in Honolulu, Hawaii. Dis die jong akteur se eerste groot rol. Adrian is ’n groot aanhanger van Dwayne en hy was mal oor die akteur se Jumanji-flieks. “Dis so snaaks,” sê hy. Adrian moes sy hare in ’n klein afro laat groei om hom vir sy rol voor te berei. Toe Dwayne nog die WWE-rofstoeier The Rock was, het hy altyd ’n oulike truuk gehad waar hy sy wenkbroue op en af beweeg. “Ek het my bes gedoen en kan dit steeds nie doen nie,” erken Adrian. ■ Flitsfeit Adrian hou van adrenalien. Hy boks, rotsklim en speel yshokkie. DIE…

PARASITIESE plante kan met reg beskryf word as die diewe van die plantwêreld wat vat sonder om te vra en sonder om enigiets aan hul onwillige gashere terug te gee! WAT IS ’N PLANTPARASIET? ’n Parasiet, wat ’n plant of dier kan wees, is ’n organisme wat ten koste van ’n ander spesie daarop leef en teer. Die spesie (plant of dier) waarop die parasiet teer, word die gasheer genoem. Die gasheer raak swakker – veral wat sy voortplantingsvermoë betref, en die parasiet word sterker terwyl sy vermoë om te oorleef verbeter. Die parasiet voed dus op die gasheer, maar maak dit nie noodwendig dood nie aangesien die gasheer die parasiet se lewensaar is. VERSKILLENDE SOORTE Plantparasiete maak net meer as 1% van alle plantspesies wat blom uit, met meer as…

WAT die liefde betref, geniet glansmense ’n onregverdige voorsprong bo ons gewone sterflinge. Rolprentstelle, glansryke prysaande en partytjies saam met die bekendstes onder die bekendes is alles belowende jagvelde vir sterre wat op soek is na maats wat ewe ryk, beroemd en beeldskoon is. Maar een kyk na Hollywood se somber egskeidingsyfers laat jou besef dat al sou hierdie verhoudings op ’n huwelik uitloop dit waarskynlik ’n uiters beperkte rakleeftyd sal hê. Die opgeblase ego’s, eindelose stralerjakkersreise en vreemde werkroosters maak dit moeilik vir sterre om hulle aan ’n huwelik toe te wy. Maar tree hulle anders in verhoudings op as die res van ons? As ’n gunstelingegskeidingsprokureur vir die bekendes is Laura Wasser beslis goed gekwalifiseer om ’n antwoord te gee. “Daar is ’n mate van eiegeregtigheid onder welgesteldes…

■ Begin elke boodskap deur die toneel te skik “Om te hoor iemand sit in die sonnigste hoek van hul woonstel of lê op hul bed help om dit te laat voel asof julle is waar julle moet wees: saam in dieselfde ruimte.” ■ Al voel jy ongemaklik of verleë, moet dit nie sê nie Moenie toelaat dat jou gevoelens ’n boodskap bederf nie, sê Gyan. “Om te sê jy voel vreemd sal nie jou eerste boodskap enigsins minder vreemd laat voel nie. Verswyg dit eerder en trek weg met die sappige dele.” ■ Praat oor iets wat jy daardie dag gedoen het “Die lekkerte van ’n stemnota is wanneer jy iets prettigs deel wat jy daardie dag gedoen het.” Gyan stel voor jy deel iets interessants wat jy deur…

Die sangeres Charlize Berg, wat tans swanger is met haar tweede kind, en haar argitek-man, Warren Linden, het onlangs ’n fotosessie voor hul eerste seuntjie se koms gehad. Die kleinman, wat Kailer-Noah John Linden gaan heet, maak na verwagting op 19 April sy opwagting. Die egpaar het reeds ’n tweejarige dogtertjie, Aleiah-Rose. Die foto’s is by die Imperfect Perfection-troulokaal in Pretoria geneem. Charlize het in ’n pers skepping deur Lizan Zondagh Couture gestraal wat haar babamagie mooi beklemtoon het. “Toe ek die foto’s die eerste keer sien, toe dink ek, genade, ek is baie groter as wat ek met my dogtertjie was,” vertel sy laggend. “Hy is regtig so ’n groot seën. Ons het nie gedink ons sal ’n seuntjie en ’n dogtertjie kry nie.” Klein Aleiah-Rose kan nie wag…

KONING EDWARD EN WALLIS SIMPSON Wat gebeur het Wallis Simpson was ’n Amerikaanse sosiale vlinder wat op die koning verlief geraak het. Maar haar status as ’n geskeide vrou het ’n konstitusionele krisis veroorsaak en in Desember 1936 tot Edward se abdikasie gelei om met “die vrou wat ek liefhet” te trou. Destyds het die Anglikaanse Kerk en die Britse parlement nie toegelaat dat hooggeplaaste koninklikes met geskeides trou nie. Hoe die koningshuis dit hanteer het Edward is van sy status as koninklike hoogheid gestroop en tot hertog van Windsor in rang verlaag. Wallis het die hertogin van Windsor geword. Hulle het na Frankryk getrek waar hulle basies uitgewekenes was. Hulle kon nie sonder die toestemming van Edward se broer, die nuwe koning George VI, na Brittanje terugkeer nie. PRINSES…

ALLES-IN-EEN-SONDAGKOS Om op ’n Sondag te kook los dikwels die kombuis toe onder die skottelgoed. Gebruik hierdie slim metode om sommer die hele maaltyd in net een skottel gaar te maak. GENOEG VIR 4-6 MENSE BEREIDING: 20 MIN. GAARMAAK: 1 UUR 15 MIN. HOENDER ◗ 1 heel hoender◗ 30 ml (2 e) hoenderspeserye◗ vars gemaalde peper◗ 1 ui, in kwarte gesny GROENTELAAG ◗ 3-4 groot aartappels◗ 1 botterskorsie, geskil◗ 1 ui, geskil◗ 2 takkies roosmaryn◗ sout en vars gemaalde peper◗ 250 ml (1 k) hoenderaftreksel◗ 60 ml (¼ k) witwyn Voorverhit die oond tot 200 °C. Bespuit ’n diep oondbak met kossproei. 1 Hoender Geur die hoender oral met die hoenderspeserye en vars gemaalde peper. Druk die ui in die buikholte van die hoender. Bind die boudjies met kombuistou vas.…

DWEMSLAAF KLOU HAAR VAS V Ek het onwetend deurmekaar geraak met iemand wat dwelms gebruik. Toe ek dit deur sy stelery uitgevind het, was dit te laat. Hy het teen dié tyd al by my ingetrek en al so te sê my lewe oorgeneem. Ek het my bes gedoen om van hom afskeid te neem, maar kon dit telkens nie op my eie regkry nie. Al wat gehelp het, was om na my ouerhuis terug te trek, al het ek ’n werk en ’n blyplek. Steeds wil hy my nie uitlos nie. Ek is nie meer lief vir hom nie – dit weet ek. Ek wil nie my dierbare ouers met die drama opsaal nie. Moet ek wegtrek? A op G A Dwelmslawe is bobaas-manipuleerders. As hul toegang tot dwelms…

SEUNS SONDER PA’S Deur JULIAN JANSEN (Lux Verbi, R230) “As ek aan ons huis in Twaalfdeen Noltestraat dink, kom woorde op soos ‘ysere dissipline’ en ‘lyfstraf’, wat ingevolge vandag se kinderbeskermingswette maklik op blote aanranding en mishandeling sou neerkom. Na buite was ons ’n liefdevolle gesin. Daar is dikwels met bewondering na die ‘lang man’ en ‘juffrou se ses kinders’ verwys. My pa was ’n diaken en ouderling in die Nederduits Gereformeerde Sendingkerk en Sondae het ons ouers met ons ses orrelpypies in die kerk gesit.” So skryf die Rapport-joernalis Julian Jansen in sy aangrypende boek Seuns sonder pa’s. Toe verdwyn Donald Jansen op ’n dag eenvoudig uit sy vrou en kinders se lewe. Byna soos Ivor Swartz in sy boek, Die verlore seun vannie Gaat jie, skryf: “Die Gaatjie…

SWAAR STRAF Seun: “Ma, ons onderwyser het gister vir Neels huis toe gestuur omdat hy nie gebad het nie.” Ma: “En het dit gehelp?” Seun: “Ja, baie. Vandag het niemand gebad nie.” SPOOKHUIS “Ek hoor hulle sê in hierdie huis spook dit,” merk ’n besoeker aan ’n skouhuis op. “Dis vreemd,” kom die antwoord, “ek bly al 150 jaar hier en het nog niks agtergekom nie.” VOSSIE, PRETORIA GOEIE VOORNEME Elke keer wanneer ek probeer om gesond te eet, kom Kersfees, Nuwejaar, Paasfees, winter, Vrydag, Woensdag, Maandag, Donderdag, Dinsdag of die naweek en ruïneer dit. DENISE, PRETORIA KWADE DAG Ek hoop nie pres. Ramaphosa kondig een aand aan ons kan maar ophou maskers dra nie. Want dan moet ons weer ons tande insit en lipstiffie dra. GROMPOT, DURBANVILLE GEVAARLIKE KOORSPEN…

NO. 2 126 As jy vashaak, kan jy gerus ander lesers se raad vra op ons Facebookblad met die naam Huisgenoot Blokraaie. WEN ’N GESKENKPAK MET FOUR COUSINS-WYN VRAAG: WATTER SOORT DIER IS TER SPRAKE? Die wenner ontvang ’n geskenkpak met Four Cousins-wyn ter waarde van R500. Four Cousins, een van Suid-Afrika se mees geliefde handelsmerke, het onlangs hul reeks na ’n edel-kultivarreeks uitgebrei wat nou in ’n 3 L-kartonverpakking beskikbaar is. Die gewilde Merlot spog met lieflike bessie-en vanieljegeure op die neus. Dit is nou by jou naaste Spar beskikbaar of aanlyn by fourcousins.co.za. NEEM SO DEEL Vul die blokraai in en gebruik die letters in die kleurblokke om die antwoord op die vraag te ontsyfer. SMS “HG” gevolg deur jou antwoord, naam en dorp/stad na 36400. Net een…

KOUGOM IS TABOE IN SINGAPOER In ’n poging om hul land skoon te hou het amptenare in Singapoer reeds in 1992 besluit om kougom heeltemal te verbied. Mense kon groot boetes en selfs tronkstraf kry as hulle gevang is dat hulle die strate met kougom bemors of dit teen treindeure of-sitplekke vasdruk. In 2004 is ’n nuwe wet goedgekeur waarvolgens mondsorg-en suikervrye kougom met gesondheidsvoordele wel in apteke verkoop mag word. Die land het ook streng wette teen rommelstrooiery, graffiti en spoeg in die openbaar, en mense kan daarvoor swaar beboet word.…

Elke jaar herdenk ons Wêreldtuberkulosedag op 24 Maart. Dit was op dié dag in 1882 dat die Duitse wetenskaplike Robert Koch die wêreld laat weet het van sy groot ontdekking: Hy het die bakterie Mycobacterium tuber  culosis gevind wat die siekte tuberkulose veroorsaak. Voor sy deurbraak het dokters eeue lank gesoek na die rede hoekom so baie mense in Europa die siekte kry en daarvan doodgaan. Presies 100 jaar ná sy aankondiging, in 1982, is die eerste Wêreld-TB-dag gehou. TB is ’n ernstige longsiekte wat vreeslik hoë koors en ’n gehoes veroorsaak. As dit nie behandel word nie, kan dit jou doodmaak. In die 1980’s het ál meer mense dié siekte begin opdoen. Ook hier in Suid-Afrika is honderdduisende mense elke jaar geïnfekteer. Hoewel die siekte behandel kan word, is…

‘EKHET in Switserland grootgeword op ’n dorpie met 500 mense langs die Constancemeer, met net soveel koeie en twee keer soveel appelbome. Ek was meer vertroud daarmee om ’n koei te help kalf as enigiets wat met die stadslewe te make het. My pa, ’n dokter, het ook ses maande van die jaar in ’n praktyk in die berge gewerk. Dus het ek in die winter omtrent altyd ski’s aan my voete gehad. Ek het geweet ek wil geneeskunde studeer, maar anders as my praktisyn-pa, is ek meer van ’n wetenskaplike; iemand wat ’n mediese probleem wil probeer oplos wat miljoene mense kan help. Ek het eers in ’n klein distrikshospitaal gewerk waar ’n jong dokter snags bevallings hanteer en bedags blindedermgevalle; toe op ’n groter plek met long-en hartchirurgie…

OP DIE kassie sien ons haar nou weer as die bobaasbakster van Merweville wat al die dorpenaars se monde met haar tuisgebak volstop. Maar ’n heel ander toneel het in Nicole Holm se eie kombuis afgespeel toe die aktrise, wat Hanli in Die boekklub speel, haar eie bakvernuf op die proef gestel het. Tydens die inperking het sy maande lank die perfekte suurdeegbrood probeer bak, so ewe met ’n gisplantjie wat sy self gekweek het. Maar keer op keer het dit so plat soos ’n pannekoek uit die oond gekom. “Ek het êrens gelees jy moet dit in die oond sit met die liggie aan vir hitte, maar nee, selfs dít het nie gewerk nie,” vertel sy vandag. Gelukkig verknies Nicole (47) haar nie te veel oor die mislukte suurdeegbrode…

HY BEWONDER die blonde skoonheid met die vonkelende bruin oë al jare lank – eers net op ’n afstand nadat hy haar in ’n verhoogstuk sien optree het. Toe hul paaie later kruis en hulle eindelik beste vriende word, moes hy steeds sy gevoelens verswyg omdat haar hart reeds aan ’n ander behoort het… Nee, dis geen liefdesverhaal uit die draaiboek van ’n fliek of ’n TV-reeks nie, verseker die akteurs David Louw en Christel van den Bergh ’n mens gou. Want net soos hul karakters in die kykNET-sepie Getroud met rugby nou weer gelukkig saam is, het ook húlle by mekaar liefde gevind. En nes Simon en Renate in die sepie, verwag die akteurspaar hul eersteling. Ja, die magie waarmee haar karakter op die kassie spog, is Christel se…

LAAG OP LAAG Omskep jou somerrokke in warm uitrustings deur hierdie stukke in lae onder en bo-oor dit te dra. T-HEMDE WENK Speel met diepte deur ’n onderhemp met kleur of patrone te kies. HEMDE LANGMOU-EN ROLNEKTOPS BO-KLERE Goeie warmgoed soos baadjies, knooptruie, moulose tops en jasse is ’n moet vir jou klerekas. Hierdie items is ideale byvoegings tot jou laag-op-laag-rokvoorkoms in die koue seisoene. WENK Voeg tekstuur by jou voorkoms met materiale soos denim, kunsleer en vliesstof. WINTERBYKOMSTIGHEDE Gee jou rokvoorkoms ekstra warmte met herfs-en winterbykomstighede soos hoede, musse, serpe en spanbroeke. WARM SKOENE Trap die koue se tjank af met stewels en bonkige winterskoene by jou somerrokke. REG VIR DIE KOUE Ons wys jou hoe om vier verskillende sommerrokke in ’n warm uitrusting te omskep. PATROONBANDJIEROK Laat jou…

KRY DIT HIER @HOME 0860-576 576; BIGGIE BEST 041-402-6834; GAME 0861-4263-2273; K.LIGHT 021-552-4370; KNUS KNUS.CO; MRP HOME 0800-212-535, POETRY 0860-555-529; SHEET STREET 0800-212-535; WOOLWORTHS 0860-022-002 HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE.…

DEUR te begroot leer jy twee dinge: wat regtig met jou geldsake aangaan en hoe om binne jou vermoëns te leef. Tog wil jou persoonlike boeke soms net nie klop nie. Ons kyk na die algemeenste redes waarom jou begroting kan misluk en hoe jy dit kan regstel. 1 JY BESTEE MEER AS WAT JY VERDIEN Die basiesste fout: As jou uitgawes meer as jou inkomste is, gaan jy nie uitkom met jou geld nie. ■ Gaan jou bestedingskategorieë (soos kos, vervoer en jou foon) deur en kyk waar jy kan besnoei. Trek minstens die afgelope drie maande se bankstate nader en kyk of daar ’n patroon is wat wys waar of wanneer jy baie geld uitgee. Dink dan wat jy kan verander. As jy sekere uitgawes nie kan uitskakel nie,…

BEHIND HER EYES Dié splinternuwe sielkundige rillerreeks van ses episodes is gegrond op die Britse skrywer Sarah Pinborough se boek. Louise (Simona Brown) is ’n enkelma en moeg van haar onvervulde rol as ’n sekretaresse. Sy knoop ’n affair aan met haar aantreklike getroude nuwe baas, die psigiater David (Tom Bateman). In ’n vreemde wending knoop sy ook ’n vriendskap aan met David se vrou, Adele (Eve Hewson, dogter van die U2-sanger Bono). Dié onkonvensionele liefdesdriehoek lei daartoe dat Louise haar in ’n gevaarlike web van leuens bevind. 1 SEISOEN. 16 BESKIKBAAR OP NETFLIX WALKER Jared Padalecki is veral bekend vir die wetenskapsfiksiereeks Supernatural waarin hy die demoonjagter Sam Winchester speel. Dié reeks het verlede jaar ná 15 seisoene tot ’n einde gekom. Nou hou die akteur sy lyf…

1 Hoe relatief onbelangrik en betekenisloos histories groot sportgebeure geword het vir die publiek, met die pandemie op sy felste. 2 Hoe die land van ’n pandemie gered word deur “gewone” mense: jou voorsteliniewerkers. 3 Hoe die betekenis van familie weer belangrik geword het tydens die pandemie. 4 Die skielike eindes van ’n geliefde of kennis se lewe weens covid. Dit het naby en hard geslaan. 5 Dat bendegeweld en daaglikse bendeverwante sterftes van jong mans lyk asof dit nie deur die pandemie geraak word nie.…

Besoek ons webtuiste, huisgenoot.com, vir ’n daaglikse horoskoop. BUL 20 APR – 20 MEI Met jou planeet, die liefdesgodin Venus, wat hierdie week onder die son se strale beweeg, sal dit geensins verbasend wees as jy op iemand verlief raak nie. As jou hartstog van ’n afstand af is, is dit ’n goeie idee om dit so te hou pleks daarvan om jou gevoelens uit te blaker wat moontlik onvanpas is. Betoon ook vandeesweek empatie met ’n vriend wat dalk ’n tyd van verwarring en aftakeling beleef. ’n Skouer om op te huil en jou praktiese raad is broodnodig. GELUKKIGE NOMMERS 14, 30, 46, 49, 41, 19 TWEELING 21 MEI – 20 JUN Dié week kan op ’n sosiale vlak aangenaam wees, en jy gaan dalk wil vergoed vir die…

DIE krieketspeler Temba Bavuma is as die eerste swart kaptein van die Proteas aangewys. Dié 30-jarige regshandige kolwer en bouler het leer krieket speel in die strate van Langa, Kaapstad, saam met sy maatjies in die gemeenskap. Hy is later na die South African College Junior School (SACS) vir sy laerskoolopleiding en toe na die St David’s Marist Inanda-hoërskool in Johannesburg. Temba het sy beroepsloopbaan by die Lions begin en daarna ook vir die Cape Cobras gespeel. Sy eerste verskyning in Proteakleure was in ’n toetswedstryd teen die Windies op 26 Desember 2014. Hy was die eerste swart krieketspeler wat ’n honderdtal in ’n toets vir Suid-Afrika aangeteken het. Hy het in 2016 in ’n toets teen Engeland sy 100 lopies gemoker. “Ek wil onthou word as iemand wat ’n…

1 〉 Na wat is die stad Port Elizabeth se naam onlangs verander? 2 〉 Watter klassieke storieboekkarakter se neus word langer elke keer wanneer hy jok? 3 〉 Wat is die vinnigste landdier? 4 〉 Hoeveel neuse het ’n doplose slak? 5 〉 Wat is die langste rivier in Suid-Afrika? ANTWOORDE 1. Gqeberha 2. Pinocchio 3. Die jagluiperd 4. Vier. Twee is vir sien en ruik en die ander twee vir aanraak en proe. 5. Die Oranjerivier. Die rivier is 2 200 km lank. BRONNE REUTERS.COM, ALJAZEERA.COM, BBC.COM, CNN.COM, THEGUARDIAN.COM, DOGONEWS.COM, THESOUTHAFRICAN.COM, INEWS.CO.UK. SMITHSONIANMAG.COM. NATIONALGEOGRAPHIC.COM. DW.COM. MG.CO.ZA. VOCABULARY.COM…

Kom ons maak musiek! Die woorde onder is horisontaal, vertikaal of skuins en vorentoe of agtertoe in die rooster versteek. Soek en omkring dit. Knip en plak Knip die reghoeke uit en plak die bypassende helftes aan mekaar vas. Gaan haal die kitaar Soek die regte skaduwees Kan jy ’n musiekinstrument speel? Teken ’n prent waarop jy jou instrument speel. Soek vyf verskille ANTWOORDE Knip en plak 1-4, 2-8, 3-12, 5-11, 6-10, 7-9. Musiekmaats marakkas 4-C, xilofoon 3-E, trom 1-D, tamboeryn 5-B, simbale 2-A.…