Indholdsfortegnelse for 15 Apr 2021 i Huisgenoot

1 ‘ONS LEER ’N HELE NUWE MENSIE KEN’ Ashlea en Paul Myson was in ekstase toe hul dogtertjie, Stella, op ses jaar oud danksy ’n operasie aan haar larinks haar eerste woord sê Sy’s pragtig! My nefie is outisties. Sy pa het laat begin praat, so hulle het aangeneem my nefie sal ook. Later het hulle besef iets anders skort. Vandag praat hy vlot Engels (in ’n Afrikaanse huis) en is hy verskriklik slim in wiskunde. Sterkte. YOLANDI Ons bid en wag nou amper vyf jaar dat ons seun sal praat. Iets wat ’n mens as so vanselfsprekend aanvaar. Min mense verstaan die eensaamheid, hartseer en stres op die ouer en kind. Elke kind verdien hul plekkie in die son. LENÉ Lené Webb, ek is saam met jou. Ek is…

BUITE knetter die skote soos ’n veldbrand in die nag. En in die hotel waar hulle saam met ander buitelandse kontrakteurs skuil, worstel drie Suid-Afrikaners met ’n besluit wat letterlik lewe of dood kan beteken. Dis nou al twee dae dat die broers Wesley (37) en Adrian Nel (40), hul stiefpa, Greg Knox, en sowat 200 ander mense hier in die Amarula Palma-hotel vasgekeer is. Twee vreesaanjaende dae sedert sowat 2 000 vegters van al-Shabaab, ’n Islamitiese terreurgroep verbonde aan Isis, die dorp Palma binnegeval het. Die vraag waarmee die gespanne groep worstel, is dit: Bly ons hier en hoop dat redders tog sal opdaag? Of probeer ons in ’n voertuigkonvooi vlug? Die drie Suid-Afrikaners werk al sedert Januarie saam hier op Palma as kontrakteurs vir ’n nuwe behuisingsprojek. Adrian…

PATATTERT Soutterte se basis is meestal uie. Patat en ui werk goed saam in hierdie souttert. GENOEG VIR 6 MENSE BEREIDING: 30 MIN. GAARMAAK: SOWAT 60 MIN. VULSEL ◗ 500 g oranje patats, skoongeskrop en in skywe gesny◗ olie◗ sout en peper◗ 2 uie, in ringe gesny◗ 30 ml (2 e) suiker◗ 30 ml (2 e) wit balsemieke of appelasyn◗ 125 ml (½ k) romerige natuurlike◗ jogurt◗ 125 ml (½ k) volroommelk◗ 4 eiers◗ klaargaar broskors (sien resep by groentetert op bl. 31)◗2 wiele fetakaas◗ ’n paar takkies tiemie Voorverhit die oond tot 180 °C. 1 Vulsel Plaas die patats in ’n oondpan, giet ’n bietjie olie oor, geur met sout en peper en oondbraai tot sag. 2 Verhit ’n bietjie olie in ’n pan en braai die uie tot…

GROEN LEWE Groot, welige plante is in die ongebruikte hoek aan die punt van die bad geplaas. Die spatsels swart in die planthouers, nuwe kashandvatsels en vinieldetail op die kaste dra by tot die badkamer se nuwe kontemporêre styl. KLASSIEKE VINIEL Ons het kruise uit viniel geknip (geïnspireer deur die kruis op die noodhulpkissie) en dit op die deure van die kassies geplak. Ons het ook die handvatsels met swartes vervang. OPGEKIKKER Byderwetse bykomstighede gee lewe aan die voorheen asvaal badkamer – bewys dat jy nie nuwe teëls of verf nodig het om ’n groot verskil te maak nie. STORTTYD ’n Stylvolle hangrakkie is ’n slim belegging. MENG EN PAS Bykomstighede in interessante kleure en vorms maak ’n groot verskil. KRY DIT HIER @HOME 0860-666-674; BUILDERS 0860-284-533; H&M 0860-690-707; HANDLES…

OP 1 Maart is verskeie nuwe aftreefondsreëls ingestel om te probeer verseker dat jy genoeg vir jou aftrede spaar. Voorts maak dit die belasting- en annuïteitsvereistes vir alle soorte aftreefondse (pensioen, voorsorg en uittreeannuïteite) eenvormiger. Ons het James Coutinho, Liberty se senior bestuurder van groep-, korporatiewe- en kliëntebelasting, gevra om dit in ’n neutedop te verduidelik. 1 WORD EK DAARDEUR GERAAK? Die nuwe reels behoort jou nie juis te beinvloed as jy reeds afgetree is nie. As jy nog vir jou aftrede spaar, kan dit jou wel raak, en jou aftreefonds moet jou nou daaroor inlig. Jou fondstipe (pensioen-, voorsorg-, pensioenbewarings-, voorsorgbewaringsof uittreeannuiteitsfonds) bepaal hoe jy geraak word. Kyk op jou fondsstaat, of vra jou werkgewer of jou finansiele raadgewer wat jou fondstipe is. Want as jy al van werk…

1 Robert se gunsteling-skurke op die skerm is Jack Nicholson as Jack Torrance in die rillerprent The Shining en Gary Oldman as Drexl Spivey in die romantiese misdaadfliek True Romance. 2 Hy vraatkyk deesdae die plaaslike M-Net-reeks Lioness. “Ek is mal oor Shannon Esra se toneelspel.” Hy geniet ook die Netflix-trefferreeks The Crown en is gaande oor komedies. “Ek is baie lief vir Parks and Recreation en Community, en Schitt’s Creek was ook nogal baie lekker.” 3 Hy is nie bang vir die groot vyf-nul nie. “Ek word binnekort 50. Dan kan niemand my meer enigiets sê nie. Ek gaan lekkers koop en laat uitbly. Ek is dan oplaas ’n grootmens,” sê Robert laggend. 4 Toe hy aan Invictus saam met die regisseur Clint Eastwood gewerk het, het Clint nooit…

DONKER WEB Deur FANIE VILJOEN (Tafelberg, R205*) “Hallo oom, Onderwêreld is die beste boek wat ek nog ooit gelees het. Dit is briljant, maar die einde het my baie nuuskierig gemaak oor Eckardt. Gaan oom ’n tweede boek skryf?” Tessa Erasmus van die Hoërskool Wonderboom was nie die enigste leerder wat by Fanie Viljoen ’n opvolg gesoek het vir sy boek wat met groot sukses vir skole voorgeskryf is nie. Hy het geluister, en hier is Donker web nou – vir al daardie leerders wat Onderwêreld vooruit gelees het, al het hul onderwysers hulle gevra om dit nie te doen nie! “Matrieks wat die afgelope paar jaar Onderwêreld bestudeer het, was nuuskierig oor wat verder sou gebeur. Die karakters en verhaal het geweldig tot hulle gespreek,” vertel Fanie. “Ek moes…

NO 2 383 As jy vashaak, kan jy gerus ander lesers se raad vra op ons Facebookblad met die naam Huisgenoot Blokraaie. WEN ’N GESKENKPAK VAN CLERE PLUS KOM IN AANMERKING VIR DIE MAANDELIKSE TREKKING VAN R1 000. VRAAG: WATTER SOORT GOEDKEURING IS TER SPRAKE? Clere voorsien hierdie week se prys ter waarde van R1 000. Die geskenkpak bevat Clere-produkte en ’n skouersak. Clere bied bevogtigers met vier unieke formules spesiaal vir die verskillende behoeftes van elke vel, en dit is beskikbaar in ’n verskeidenheid verruklike geure. Met Clere is velsorg maklik, lekker en bekostigbaar! Clere is verantwoordelik vir die versending van die prys. NEEM SO DEEL Vul die blokraai korrek in, skryf die letters in die kleurblokke neer en gebruik dit om die antwoord op die vraag te ontrafel.…

SAMESTELLING MET: spring + gety Hoogwater en laagwater is die twee getye wat ons goed ken. Die maan trek die water op die aarde aan en maak ’n knop water aan die een kant. Die land beweeg deur daardie knop van water omdat die aarde draai. Die knop is hoogwater, en wanneer hy verby is, is dit laagwater. Maar so twee keer per maand is die maan net mooi aan die teenoorgestelde kant van die aarde as die son – dan trek die maan een kant toe en die son na die ander kant. Dit maak die knop groter, so hoogwater is hoër en laagwater is laer. Die water spring hemelwaarts in ’n desperate poging om weg te kom. SYFERSTORIES 1962 Die jaar toe Southdale, Suid-Afrika se heel eerste winkelsentrum,…

DANKIE, PA! Die sangeres (24) is gebore as Roseanne Park in Auckland, Nieu-Seeland, en het in Australië grootgeword. Haar prokureur-pa, Mason, is die een wat haar aangemoedig het om vir ’n oudisie vir Blackpink te gaan. “Ek was net ’n lomp, verlore 16-jarige meisie,” onthou sy. “My pa het vir my gesê hy sien ek is lief vir musiek en hy wou nie hê ek moet spyt wees as ek ouer is en ek het nie my musiekdrome nagejaag nie.” Sy en haar groep, Blackpink, het sedertdien musiekgeskiedenis gemaak. Hul album van 2020, The Album, was die eerste een deur ’n Koreaanse vrouegroep wat meer as 1 miljoen albums verkoop het. Hulle is tans die vrouegroep met die meeste followers op Spotify, en hul musiekvideo’s kry groot aftrek op YouTube.…

GRETELI FINCHAM (19) “Ek het al iewers ’n ‘it’s the legs for me’ gesien as ’n girl ’n workout of iets gehad het,” vertel die Alles Malan-aktrise. “Die res is Griekse woorde! Ek het in my lewe nog nooit die woorde gebruik nie. Ek het nie ’n idee waarvan hier gepraat word nie. Ek dink ek is in die verkeerde generasie gebore. Ek dink ek is ’n ou tannie vasgevang in ’n 19-jarige se lyf.” JURGEN McEWAN (25) “Ek het al ‘it’s the … for me’ ’n paar keer gebruik,” sê die Arendsvlei-akteur. “Ek ken ook sbwl, periodt, snatched, lowkey en ok, Boomer. Sbwl kom van ’n Xhosawoord wat beteken jy soek iets, maar kan dit nie eintlik bekostig nie. Ek love daai woord. En ok, Boomer verwys na wanneer…

MAANDE lank is die twee dikwels gewaar waar hulle saamsaam op die promenade in Seepunt stap: Marc-en-Marisia, die paartjie wie se name onskeibaar geword het sedert hy háár voor die TV-kameras gekies het. Vertel ’n bietjie van jul verhouding, toe? sou Huisgenoot dan The Bachelor se Marc Buckner en Marisia van Wyk vra. Is alles weer klopdisselboom nadat dit op Instagram gelyk het of die romanse ontspoor? Maar dan was hulle tjoepstil. Byna geheimsinnig. Die paartjie wie se verhouding op die kassie voor die ganse land ontvou het, wou skielik buite die kollig bly. Maar hier gesels hulle nou eindelik met Huisgenoot, en dis duidelik: Die twee is nog smoorverlief, en daar wás ’n goeie rede vir daardie swye. Hulle kyk kort-kort liefdevol na mekaar en maak mekaar se sinne…

Chet (30), die oudste seun van Tom Hanks en Rita Wilson (albei 64), het in 2015 die eerste keer in die spervuur beland nadat hy die n-woord in die byskrif van ’n foto gebruik het. Daarna het hy volgehou hy mag dié rassistiese term gebruik omdat hy “met die swart kultuur identifiseer”. In Januarie 2020 is hy daarvan beskuldig dat hy hom “die Jamaikaanse kultuur toeëien” nadat hy by die Golden Globes in ’n videogreep ’n Jamaikaanse aksent nageboots het. Hy het verskoning gevra en dit as “skoon pret” afgemaak. Nou stook Chet weer kwaad. Hy het onlangs op Instagram gesê hy verwag “a white boy summer”: ’n woordspeling op die rapper Megan Thee Stallion se enkelsnit “Hot Girl Summer”. Sy uitlating het kritiek op Twitter ontlok. “Is ons seker…

WANNEER die kleinman in die middel van die nag vir sy bottel melk kwê, lê sy ouers hom tussen hulle neer. En wanneer die honger lyfie die bottel leeggedrink het, raak hy dáár weer salig aan die slaap – met die een handjie op sy pa en die ander op sy ma. Klein Cameron, die glanspaar Ivan Botha (35) en Donnalee Roberts (36) se seuntjie, het verlede maand een geword, en sy ouers kan eenvoudig nie genoeg van hom kry nie. Selfs in die middel van die nag is hy die middelpunt van hul wêreld. “Om pa te wees is amazing,” sê Ivan, ook die trotse pa van ’n dogter, Amélie (11), uit sy eerste huwelik. “Dit is ongelooflik doelgedrewe – ’n onselfsugtige doel. Ja, ek geniet dit om toneel…

HORLOSIES Horlosies is veelsydig en werk goed by ’n informele én deftige voorkoms. Dié bekostigbares in modieuse ontwerpe is klassiek en sportief. Kies ’n silwerhorlosie by ligte kleure en ’n goue een by donkerder kleure. BELDE Gord jou middel in, skep ’n sterk silhoeët of voeg dimensie by met ’n patroon- of gespebelt. ’n Breë belt sal volume skep as jou middel klein is, terwyl ’n smal belt die beste werk vir ’n groter middellyf. WENK As jy nie kurwes het nie, kies ’n smal belt in dieselfde kleur as jou uitrusting. Smal belde kan oor rokke, oortrektruie, jasse en baadjies gedra word. HANDSAKKE Geen voorkoms is afgerond hiersonder nie. Hou dit eenvoudig met byderwetse skouersakke. Dis ideaal vir al jou noodsaaklikhede wanneer jy jou dag-tot-dag-draaie draf. HOEDE EN MUSSE…

PUNTE A Almal D Dwelms G Geweld Gr Gruwel N Naaktheid O Ouerdiskresie S Seks T Taal V Vooroordeel Drama. Dié roerende drama gaan oor ’n pa wat sukkel om weer ’n band met sy vervreemde tienerseun te bou. Toe die 15-jarige Cole (Caleb McLaughlin van Stranger Things) van sy skool in Detroit geskors word, stuur sy ma hom na Noord-Philadelphia om by sy pa, Harp (Idris Elba), te gaan bly. Harp rehabiliteer perde vir cowboys en is ’n prominente figuur in die stad se historiese cowboybeweging. Cole word dan vasgevang tussen ’n lewe van misdaad en sy pa se stedelike cowboy-subkultuur. Hy word gedwing om te kies watter pad hy gaan stap. 2021. 111 MIN. 16. BESKIKBAAR OP NETFLIX ELIZABETH & MARGARET: LOVE AND LOYALTY Dokkie. Dié fliek gee…

Hanneke Strydom van die Hoërskool Overberg, Caledon, skryf: “Dit is die eerste voorgeskrewe boek waar my leerders regop sit, saam lees en saam met my omblaai. Ek het hulle mooi gevra om nie vooruit te lees nie. Vandag het twee seuns vir my kom sê dis die beste boek ooit en hulle kon dit nie help nie, hulle het vooruit gelees!” Romano Hendricks skryf: “Ek wil net sê meneer se boek het my regtig ’n passie gegee om te lees. Ek het Onderwêreld al twee keer deurgelees, en ek is besig om dit vir die derde keer weer deur te lees.” Gabriël Esau skryf: “Dit is vir my ’n plesier om u boek te lees. My ouers het nie baie geld nie, anders sou ek al u ander boeke gekoop…

KENNISSE V: Wat is ’n kennis? A: Dis iemand wat jy goed genoeg ken om iets by te leen, maar nie goed genoeg ken om iets aan uit te leen nie. WOLLIE, PRETORIA ALTE SKULDIG Die getuie voor die Zondo-kommissie het dae lank volgehou hy is onskuldig aan korrupsie. Toe skielik erken hy skuld. “Nou hoekom het jy die kommissie se tyd so gemors?” vra die regter. “Jy het mos die hele tyd geweet jy is skuldig.” “Nooit nie, u edele,” stry die man. “Ek moes eers luister na wat al die ander getuies sê – en hulle het my nou oortuig ek is skuldig.” ANTON, BELLVILLE DOL DEFINISIE V: Wat is ’n parkeerplek? A: ’n Opening wat verdwyn terwyl jy besig is om te draai. L. SAAYMAN, SABIE DUBBELE…

AANBIEDER Gerda Engelbrecht is een van Huisgenoot se gereelde blokraaiopstellers. WANNEER Ons volgende kuier is op 22 April. TYD 20:00 WAT IS DIT? Blokraai Regstreeks is ’n aanlyn speletjiesprogram waar jy ander blokraaigeesdriftiges ontmoet, saam-saam kopkrap oor leidrade en lekker pryse wen. HOE WERK DIT? Deelname is gratis, maar jy moet met ’n e-posadres registreer. Die skakel na die uitsending gaan na daardie e-posadres gestuur word. Gaan na bit.ly/brokraaiapril om jou plek te bespreek vir die April-uitsending. Om 19:55 op 22 April klik jy op die skakel en kry jy toegang tot die uitsending. Ons begin stiptelik om 20:00. ONTHOU Omdat jy leidrade in ’n blokraai moet kan raaksien, werk ’n rekenaar beter as ’n selfoon. Die aanbieder gesels ’n bietjie met die groep en daarna deel sy haar skerm…

Aartsbiskop Desmond Mpilo Tutu is een van ons land se bekendste menseregteaktiviste. Hy kry veral eer vir sy harde werk om ’n einde te bring aan apartheid in Suid-Afrika. Hy het in 1984 die Nobelprys gekry vir sy werk. “The Arch”, soos wat hy onder aanhangers bekend is, is in 1931 in Klerksdorp in die destydse Transvaal gebore. Hy het as onderwyser gewerk tot 1957 voor hy die St. Peter’s Theological College in Johannesburg bygewoon het en in 1960 as Anglikaanse priester georden is. Tutu het altyd uitgepraat as dit by ongelykheid en onregverdige behandeling gekom het. Hy het ook hard daarteen baklei dat mense van mekaar geskei of uit hul huise geskuif word weens die onmenslikheid van die apartheidswette. Hy het internasionale aansien verwerf toe hy die eerste swart…

PODCAST SONG EXPLODER SPOTIFY & ITUNES Is jy nes ons mal oor Billie Eilish se liedjie “Everything I Wanted”? Wikkel jy ook op Dua Lipa se “Levitating”? En raak jou oë ook ’n bietjie nat as jy na Selena Gomez se treffer “Lose You to Love Me” luister? Dan is dié podcast ’n moet-luister. Die musieksterre en die vervaardigers agter hul treffers vertel hoe die liedjies gebore is. Billie en haar broer, Finneas, vertel hulle het so amper nooit “Everything I Wanted” klaargemaak nie. Dit het ’n “hele familierusie” in die ateljee veroorsaak, en Billie het haarself toe in haar slaapkamer toegesluit. Toe kom daar ’n jaar lank niks van die liedjie nie. Kan jy dit glo! Die podcast is so cool dat dit in ’n Netflix-dokkiereeks omskep is wat…

PRAAT van ’n heel nuwe betekenis vir die woord halsoorkop … Zukiswa Tshume van Qonce (voorheen King William’s Town) het haar eers boeglam geskrik toe haar dogter onlangs meteens soos ’n rubberspeelding agteroor begin buig en dubbel vou. ’n Mens verwag dat kinders se spiere nog soepel sal wees, maar toe dié Oos-Kaapse ma die eerste keer sien hoe haar kind agteroor buig tot haar neus naby die agterkant van haar knieë is, het sy besef daar is iets buitengewoons aan haar kind. Zukiswa (47) vertel sy het die jong Sesona (nou 13) selfs al na ’n fisioterapeut geneem om seker te maak sy makeer niks. Maar die terapeut het haar gerusgestel: Sesona het bloot gewrigte wat so buigbaar is en spiere so soepel dat sy haar soos ’n tuinstoel…

WANNEER hy soggens halfsewe se kant wakker word, raadpleeg hy heel eerste die ring aan sy vinger. Hoekom? Want Orlando Bloom gaan slaap nooit sonder sy slimring nie. Dis ’n toestelletjie aan sy vinger wat die gehalte van sy nagrus meet en vir hom wys hoe gereed hy vir die dag is. As hy tevrede is, staan hy op en slaan ’n smoothie aanmekaar van groen poeiers met “breinoktaanolie” (om kosluste te bedwing en breinkrag te verbeter, sê hy), kollageenpoeier om sy hare en naels gesond te hou en proteïen vir woema. Nadat hy dit afgesluk het, is dit tyd om die belangrikste maaltyd van die dag met ’n staptog te verdien, want nes baie gesondheidsbewustes glo hy ontbyt moet eers voorgesit word nadat jy daarvoor gesweet het. En wat…

VAN jongs af het sy van ’n blink toekoms as suksesvolle sangeres gedroom, maar Nadia van der Westhuizen het gou besef roem sou vir haar ’n skadukant hê – sy sou moes oop kaarte speel oor ’n groot seer in haar jong lewe. Daarom het sy as 11-jarige deelnemer aan die e.tv-werklikheidsreeks SA’s Got Talent voor die TV-kameras gebieg: “My ma… sy is in die gevangenis en dis eintlik vreeslik moeilik.” Tog het sy bygevoeg: “Maar ek is baie lief vir my ma.” Nou, agt jaar ná die ontboeseming waarmee die klein meisietjie met die groot stem TV-kykers ontroer het, bly Nadia (18) steeds lief vir haar ma, al het Nelmari van der Westhuizen (40) pas weer agter die tralies beland. “Wynland se eie ‘Bonnie en Clyde’ gevang,” het ’n…

DIT is nie aldag dat twee manne só hard werk om die vroue in hul lewe te pamperlang nie. Dag ná dag, maand ná maand het Willem le Grange (33) sy Tornado vertroetel, en Wykes Lamprecht (32) sy Johanna. Maar hulle het geweet die beloning sou groot wees – sommer baie groot. Want die liefdeswerk wat Willem en Wykes so besig gehou het, was om die grootste pampoen in die land te kweek. Die koningin van stingelgroentes, kan jy maar sê. G’n wonder die twee ywerige tuiniers verwys self na hul pampoene as die “vroue” in hul lewe nie… En hul bemindes was omtrént veeleisend, vertel die twee. Vergeet maar van visvangnaweke, drankies saam met vriende of rugby op televisie. “Ou Johanna was nes ’n vingerswaaiende vrou wat elke dag…

DIE emo sionele wipwarit van die lewe saam met haar dogter was al 23 jaar lank haar daaglikse, uitmergelende werklikheid. Tog kon die seer van haar dogter se gedurige aggressie teenoor haar, asook haar eie skuldgevoelens en intense woede oor die beker wat sy as ouer moes drink, nie die vlam van moederliefde in haar hart blus nie. Want al is haar dogter op ’n bloedjong ouderdom deur ’n seldsame breinvirus in ’n vreemdeling verander, is dit steeds haar kind. Maar eendag so drie jaar gelede het sy haar breekpunt bereik. Die dag toe haar reeds volwasse dogter haar so hard met ’n besem geslaan het dat die merk twee maande later nog sigbaar was. “Hierso,” sê Juliana Coetzer (62) en wys na haar heup. “Daar het so ’n rooi…

BANG SKOONFAMILIE ONTSIER MOOI DAG V Ek trou een van die dae met die man van my drome, en met die inperking kan ons natuurlik nou nie meer ’n groot troue hê nie. Ons troue is juis met omtrent ’n jaar uitgestel omdat die inperking toe net begin het. Daar gaan nou net ’n handjievol gaste wees, maar ek is bang my toekomstige skoonfamilie vestig al die aandag op hulle. Hulle is luidrugtig en hou daarvan om gesien te word. Ek het vriende wat kom, maar nie juis familie nie. Omdat ek ekstra lank moes wag, wil ek graag ’n mooi dag beleef. H op L A As jy voel dat jy op jou troudag katvoet sal moet loop, kan voorafbeplanning dit vir jou makliker maak, asook gesprekke waarin jy…

GEHATE BOOSWIG Sekondes nadat Robert Hobbs sy debuut as Felicity Price (Mary-Anne Barlow) se eksman, James, maak in die telenovelle Legacy op M-Net, kry hy ’n klap. En dis net die begin van die drama. Hy gebruik hul seun, Charlie (AJ Cullinan), en laat hom selfs ontvoer om weer in Felicity se goeie boekies te kom. En daar kom nog hope drama, vertel Robert (49). Sy karakter, James, is immers in die reeks om te “ontstel en ontwrig”. Hy het in November sy eerste tonele geskiet. “Ek was baie opgewonde om saam met Mary-Anne te werk. Ek wou al baie lank saam met haar werk,” sê Robert in ’n Zoom-onderhoud van sy huis in Johannesburg. Ná James en Felicity se egskeiding het Charlie saam met sy pa Engeland toe verhuis.…

GAAN SÊ JOU MENSE Al is Loufi se debuutalbum, Gan sê jou mense, nou eers uitgereik, is dié musikant en rapper al maande nie meer ’n vreemdeling in die plaaslike musiekbedryf nie. Die musiekvideo’s van enkelsnitte soos “Boude”, “Wit skoene” en “Baas vannie plaas” is al miljoene kere op YouTube gekyk. “Ek het regtig nie woorde nie. Ek voel baie nederig wanneer ek dink dat mense meer as ’n miljoen keer na my liedjie wil luister,” vertel Loufi. “Kyk, mense gaan oor jou praat, of dit nou goeie of slegte praatjies is. Of dit oor my gaan of oor my musiek, mense gaan praat. So laat die tonge maar klap en ‘gan sê jou mense’,” sê hy. Loufi, wat deesdae in Johannesburg woon, wil nie sy musiek in een genre…

Ek bekyk weer die transponder wat ek ontvang het. Dis ’n klein stukkie elektroniese toerusting in ’n glasomhulsel. Jy plant dit glo in jou hand in met die inspuiting-meganisme. Die injector kit, noem die webblad dit. Dis bloot ’n skrikwekkende dik naald met ’n handvatsel. Só hack jy jou lyf, want met die transponder in jou hand, het jy nie meer sleutels nodig vir jou huis nie. Jy kan ’n elektroniese slot oopmaak deur net jou hand oor die slot te hou. Jy kan jou gym se toegangskaart hierop sit en jy het nooit weer ’n fisieke kaart nodig nie. Jy kan jou inkopies betaal deur bloot jou hand te swipe – geen kaart wat weer verlore kan raak of gesteel kan word nie. Ek weet nie of ek verstom…

RAM 21 MRT – 19 APR Dit is ’n uitstekende tyd om by ’n buurtveldtog betrokke te raak, veral as dit behels om iets vir minderbevoorregtes te doen. Jy moet dalk selfs die voortou neem en ander mense en hul hulpbronne organiseer. Dit sal nie net jou aangebore leierskapsvaardighede bevestig nie; ’n onselfsugtige daad van goedhartigheid sal iets in jou siel genees. Klop jouself op die skouer dat jy iets kosbaars vir die groter gemeenskap gedoen het. GELUKKIGE NOMMERS 6, 8, 35, 45, 50, 46 BUL 20 APR – 20 MEI Jy is dalk verstom oor waarom jou lewensmaat afsydig is teenoor jou. Wees gerus dat dit waarskynlik iets is wat met hulle verband hou en nie ’n weerspieëling van jul verhouding nie. Dit is die beste om nie in…

FOTOBLORAAI NO 2 129 As jy vashaak, kan jy gerus ander lesers se raad vra op ons Facebookblad met die naam Huisgenoot Blokraaie. WEN ’N GESKENKPAK VAN CLERE FOR MEN VRAAG: WATTER DEURMEKAARSPUL IS TER SPRAKE? Clere For Men voorsien hierdie week se geskenkpak ter waarde van R1 000. Dit bevat ’n rugsak asook Clere For Men-velsorgprodukte. Pak die jaar aan met krag en uithouvermoë, en wees ’n legende! Gebruik Clere For Men se Legend-velsorgreeks en laat jou voorkoms by jou legendestatus pas. Clere For Men is verantwoordelik vir die versending van die prys. NEEM SO DEEL Vul die blokraai in en gebruik die letters in die kleurblokke om die antwoord op die vraag te ontsyfer. SMS “HG” gevolg deur jou antwoord, naam en dorp/stad na 36400. Net een SMS…

ELKE jaar op die laaste Sondag in Maart skakel miljoene mense reg oor die wêreld hul ligte af vir “Earth Hour” om hul steun vir ’n beter omgewing te demonstreer. Dié internasionale geleentheid moedig almal aan om vir 60 minute alle nienoodsaaklike toestelle, toerusting en ligte af te skakel om aandag te trek na die klimaatskrisis. Bekende bakens in stede oor die aarde heen neem ook deel. Beroemde plekke soos die Empire State Building in New York, die Eiffeltoring in Parys en die Paleis van Westminster in Londen word in donkerte gehul om hul steun vir die beweging te wys. Earth Hour is op 31 Maart 2007 begin deur die Wêreldnatuur lewefonds wat mense in Sydney, Australië, gevra het om hul ligte vir 60 minute af te sit. In daardie…

1 Watter bergreeks staan danksy sy hoogte as die “dak van die wêreld” bekend? 2 Een van die “Nuwe Sewe Wonders” van die wêreld is in Brasilië. Watter een is dit? 3 Wat word ’n vorm met 10 kante genoem? 4 In watter stad sal jy die Suid-Afrikaanse parlementshuis kry? 5 Hoeveel woestyne is daar in Afrika? ANTWOORDE 1. Die Himalaja 2. Die standbeeld Christus die Verlosser 3. Dekagoon 4. Kaapstad 5. Drie – die Sahara, Kalahari en Namib BRONNE: ALJAZEERA.COM, BBC.COM, NEWS24.COM, THEGUARDIAN.COM, NEWS.SKY.COM, LIVESCIENCE.COM, REUTERS.COM, VOCABULARY.COM, EDITION.CNN.COM, DOGONEWS.COM, BUSINESSINSIDER.CO.ZA…

SNATCHED As jou bestie jou ’n foto stuur van hul OOTD (outfit of the day), kan jy dié term gebruik. Dit beteken dat iemand goed, mooi of perfek lyk. Gebruik dit so: Tammy, jou lewk is snatched! SBWL Dis ’n frase wat kom van die Xhosawoord sabaweli. Dit beteken jy wil iets hê of doen wat jy nie kan of moet kry nie. Gebruik dit so: Julle, ek sbwl ’n Bar-One en heeldag Netflix. “IT’S THE _ FOR ME” / DIS DIE _ VIR MY Dis iets wat ons in die sosiale media sê om kommentaar te lewer oor iets positiefs aan iets of iemand. Gebruik dit so: Dis die glimlag vir my! PERIODT Jy kan dié woord aan die einde van ’n sin of frase byvoeg om jou punt…

‘EK HET NET NIE GEVOELENS GEHAD WAT STERK GENOEG WAS NIE’ EN DAAR bly die TV-boer oor wie kykers vanjaar die meeste gegons het toe droëbek in sy opstal agter. Sonder ’n maat, steeds stoksielalleen op ’n Saterdagaand. Maar dit was darem sý keuse – en dis nie een wat hy berou nie. En waar boer Kobus van Zyl nou nader stap om te kom groet hier op sy plaas in Gauteng se Randfonteindistrik, lyk hy allermins bedroef. Trouens, die glimlag is breed en die groet net so verwelkomend soos die honde wat al rondom sy voete blaf: “Welkom hier!” Beteken daardie vonkel in die oog dalk alles was darem nie heeltemal verlore nadat hy sy twee laaste kuiergaste in Boer soek ’n vrou, Lynette en Maxie, sommer albei gelyk…

Dit lyk asof Miley Cyrus van die waterkar geval het en haar aanhangers is bekommerd. Die 28-jarige popster het vroeër die maand die drankies weggeslaan tydens ’n aandjie uit saam met vriende in Los Angeles. Dit kom vier maande nadat sy beweer het sy is nugter nadat sy vroeg in die pandemie ook vir ’n kort rukkie aan die drink gegaan het. Kort nadat die foto’s aanlyn opgeduik het, het aanhangers hul kommer oor die sangeres in die sosiale media uitgespreek. “Ek dink sy saboteer haarself omdat sy depressief is. Dis ’n jammerte, want sy is ’n baie goeie sangeres,” het een geskryf. “Sy doen soveel skade aan haarself wanneer sy nie nugter is nie. Dis baie hartseer,” het nog een laat hoor. Miley het in ’n onderhoud in Januarie…