Indholdsfortegnelse for 22 Apr 2021 i Huisgenoot

1 'HY WAS ONS BAKEN VAN HOOP’ Sandy en Bradley Arendse was verheug oor die vooruitsig van ’n nuwe baba ná ’n miskraam, maar toe word klein Kayden dood gebore Ek weet baie goed waardeur hulle gaan. Ons het in 2018 ons babaseuntjie vir net twee dae gehad. Hy is op 16 Oktober gebore, en die 18de is hy oorlede. Baie sterkte aan hulle. LUCILLE Ek weet hoe seer dit is. My seun is op 28 Desember 2010 gebore. Ek weet steeds nie wat gebeur het nie. Die dokter het gesê hy’s gesond, maar die volgende dag was hy nie meer daar nie. SARIE My dogter het verlede jaar ook haar babaseuntjie verloor. Klein Mason het net vir twee dae bly leef. Baie sterkte vir julle. Dis die seerste seer…

BLY BAKLEI, MAAR WIL SKEI VERMY V Ek en my man is nou ’n paar jaar getroud en het nog nie kinders nie. Ek stel dit uit, want ek weet nie of ons dit gaan maak nie. Ons baklei maklik en ook voor mense. Dit vat niks vir hom om vir my kwaad te word nie, en ek kan nie anders as om daarop te reageer nie. Ons het mekaar ontmoet nadat ons albei geskei is, en ek wou so graag sorg dat alles hierdie keer mooi en goed is. Ons het wel ’n ruk voor ons getroud is, probeer om die verhouding te laat werk, en dit was lekker, maar lyk my dit was dalk vals. Nou is die werklikheid hier. Alles wat hy op sulke tye vir my…

‘EK GENIET DIT OMDAT EK SOVEEL VERSKILLENDE KARAKTERS KAN SPEEL’ TERUG IN NICCI SE SKOENE Ons het haar leer ken as die vuurvretersakevrou Bridgette Jacobs (Denise Newman) se dogter, Nicci October, in die kykNET-sepie Suidooster. Gerwen Simon was deel van die oorspronklike rolverdeling tot sy in 2017 die sepie gegroet het. Sedertdien het sy gereeld gasverskynings gemaak. Intussen het sy gesig gewys as Valdonia Matthews in die telenovelle Arendsvlei en onlangs was sy Althea Meyer in die boeiende dramareeks Afgrond. Op 22 April keer dié aktrise weer terug na Ruiterbosch. Nicci kom van oorsee af terug en bly net lank genoeg om lekker drama in die sepie te veroorsaak, verklap Gerwen (37). Sy geniet dit baie om in Nicci se skoene te klim. “Die karakter is baie jonger as ek.…

DIEP SPOOR Deur JEANETTE STALS (Penguin, R239*) Wat hierdie roman, wat rondom die tyd van die Groot Trek afspeel, uniek maak, is dat die drie vroulike hoofkarakters onderskeidelik wit, bruin en swart is. Jeanette Stals, die skrywer van Diep spoor, sê sy weet nie van ’n soortgelyke historiese roman waar die hoofkarakters drie van die kultuurgroepe in Suid-Afrika verteenwoordig nie. Sy vertel meer oor Katrien, Dina en Thabisa: “Katrien is ’n fynbesnaarde wit meisie wat taamlik beskermd grootword en as kind skilderlesse by haar peetma kry. Sy trou met Gerrit, ’n onderwyser, en hulle het ’n seuntjie, Fransie. Terwyl sy haar tweede kind verwag, sterf Gerrit in ’n fratsongeluk, en sy verloor ook haar ongebore baba. Sy ontmoet vir Stefaans du Toit, ’n dinamiese boer uit die Oos-Kaap, en verhuis…

BUL 20 APR – 20 MEI Met ’n magdom planete wat jou teken vandeesweek betree, gaan jy die middelpunt van aandag wees. Jou gewone besten-digeen kalm houding is dalk nie in plek nie; berei jouself dus voor vir die onverwagte. Rondom die volmaan kan emosies in ’n verhouding hoog loop, maar dis altyd beter om gevoelens uit te druk eerder as om dit te onderdruk. As jy aanvoel jy het meer vryheid nodig, gee erkenning aan daardie behoefte. GELUKKIGE NOMMERS 38, 48, 27, 9, 3, 11 TWEELING 21 MEI – 20 JUN Heelwat van jou beplanning vandeesweek moet waarskynlik agter die skerms gebeur. Dis nie dat jy geheimsinnig moet wees nie; jy moet eerder onderhandel om jou plan uit te voer. Om vroegtydig op te tree kan jou planne in…

WEN ’N GESKENKPAK VAN CLERE FOR MEN NO 2 130 As jy vashaak, kan jy gerus ander lesers se raad vra op ons Facebookblad met die naam Huisgenoot Blokraaie. VRAAG: WATTER SOORT VERTEENWOORDIGER IS TER SPRAKE? Clere For Men voorsien hierdie week se geskenkpak ter waarde van R1 000. Dit bevat’n rugsak asook Clere For Menvelsorgprodukte. Pak die jaar aan met krag en uithouvermoë, en wees ’n legende! Gebruik Clere For Men se Legend-velsorgreeks en laat jou voorkoms by jou legendestatus pas. Clere For Men is verantwoordelik vir die versending van die prys. NEEM SO DEEL Vul die blokraai in en gebruik die letters in die kleurblokke om die antwoord op die vraag te ontsyfer. SMS “HG” gevolg deur jou antwoord, naam en dorp/stad na 36400. Net een SMS per…

1) Watter land se vlag se bynaam is die “Stars and Stripes”? 2) Wie het volgens die boek deur Dr. Seuss Kersfees gesteel? 3) Wat word ’n bababok genoem? 4) Watter taal praat die meeste mense in Brasilië? 5) Hoeveel milligram is in ’n gram? 1. Die Verenigde State van Amerika2. Die Grinch3. ’n Lam4. Portugees5. 1 000 mg BRONNE NPR.ORG, TRAVELLER.COM.AU, SPACE.COM, EDITION.CNN.COM, BBC.COM, EARTHSKY.ORG, ALJAZEERA.COM, SAHISTORY.ORG.ZA, FORBES.COM, VOANEWS.COM, NEWS24.COM…

SUPER MARIO 3D WORLD + BOWSER’S FURY NINTENDO SWITCH Ouderdomsbeperking: 10 Super Mario 3D World kry eindelik sy tyd om te skitter nadat dit oorspronklik op die Wii U bekendgestel is. Dié konsole het maar swak vir Nintendo gevaar en min spelers het die vreugde van dié Mario-speletjie ervaar. Dié 3D-speletjie spog met ’n mengsel platforms en nuwe kostuums, soos Mario in ’n katkostuum, maar voel steeds so vars en cool soos die dag dat die speletjie die eerste keer uitgereik is. Die speletjie lyk ook skerp op die Switch op sy draagbare skerm én wanneer jy dit in die televisie inprop. Die beste deel van 3D World is dalk nie die 3D-wêreld nie, maar die ekstra speletjie, Bowser’s Fury, wat Nintendo by die pakket ingesluit het. Dit bied ’n…

Danksy die samesyn met ander bere het Nora se geestesgesondheid verbeter en kon sy van die antidepressante en kalmeermiddels afgehaal word. Noudat Hope na die Chicago-dieretuin verskuif gaan word om te paar, sal Nora na Oregon terugkeer as die eerste inwoner van die dieretuin se nuwe Polar Passage-habitat. Daar sal sy in hope ys kan speel en in twee groot soutwaterpoele kan swem. Nog ’n wyfie sal later vanjaar by haar aansluit. Na raming is daar nou sowat 300 ysbere in dieretuine wêreldwyd. Hulle kan nooit vrygelaat word nie, want hulle sal nie in die natuur kan oorleef nie. Al is dit nie ideaal vir hulle om in gevangenskap te wees nie, sê Steven Amstrup, die hoofwetenskaplike by Polar Bears International, kan dieretuine ’n deurslaggewende rol in hul bewaring speel.…

■ Hier’s ’n maklike manier om jou ruggraat “oop te maak” sonder om uit jou stoel op te staan. Sit agter jou lessenaar en plaas jou voete plat op die vloer. Vat ’n bottel water of ’n potlood en knyp dit tussen jou knieë vas. Sit regop en omhels jouself met jou arms. Draai nou jou ruggraat en skouers na links, maar draai jou kop en kyk na regs. Moenie jou heupe draai nie – knyp daardie bottel of potlood styf vas! Ruil dan kante. Herhaal dit 10 of 15 keer op ’n stadige, ritmiese manier aan elke kant. ■ Lê op jou rug op die bed of op die vloer en plaas jou hande op jou ribbekas. Buig albei knieë effens terwyl jy jou voete op die vloer hou…

DIE dood van ’n geliefde legende, die heengaan van ’n boksikoon. Toe Jimmy Abbott onlangs oorlede is, was dit die woorde wat wyd in huldeblyke en gesprekke gedeel is. En dit wás so. Maar terwyl die res van die wêreld met weemoed van dié voormalige swaargewigkampioen en lekeprediker afskeid geneem het, het die nuus van Jimmy se dood Jeanie Boshoff (69) se bloed laat ys. “Die beeld van my broer se lewelose liggaam was glashelder,” beskryf sy die herinnerings wat weer voor haar geestesoog opgeduik het. “Daardie wrede beeld wat so lank in my geheue ingebrand is.” Jeanie se broer, Kobus Kleynhans, destyds bekend as ’n akteur in 7de Laan, Arende en Sonkring, is 16 jaar gelede grusaam vermoor deur twee rowers wat hom so vermink het dat die meswonde…

Spoed was die oorsaak van die grusame motorongeluk wat Tiger Woods sowat twee maande gelede in die hospitaal laat beland het. Volgens die polisie van Los Angeles het die gholflegende op 23 Februarie 140 km/h in ’n 72 km/hsone gery toe hy beheer oor sy sportnutsvoertuig verloor het. “Die oorsaak vir die ongeluk was bestuur teen ’n onveilige spoed en die onvermoë om die draai in die pad baas te raak,” het Alex Villanueva van die polisiekantoor gesê. Daar was geen teken daarvan dat die 45-jarige gholfspeler besope was nie en sy sitplekgordel het sy lewe gered, sê die polisie. Die skade aan die voertuig was katastrofies en reddingswerkers moes Tiger uit die wrakstukke sny. As hy nie ’n gordel gedra het nie, sou hy waarskynlik nie oorleef het nie.…

Patrick Schwarzenegger (27) doen klaarblyklik baie moeite om ’n verhouding met sy halfbroer, Joseph Baena (23), te bou. Arnold Schwarzenegger se seuns is in Santa Monica, Kalifornië, gewaar waar hulle saam oefen. Dit was die eerste keer dat hulle op ’n uitstappie saam afgeneem is. Dit is sewe jaar sedert die Los Angeles Times onthul het Arnold (73) het ’n affair met sy huishoudster, Mildred Baena (60), gehad en het haar kind, Joseph, in 1997 verwek. Arnie, wat in 2011 van Patrick se ma, Maria Shriver (65), geskei is, is ook die pa van Katherine (31), Christina (29) en Christopher (23), wat net vyf dae voor Joseph gebore is.…

SAMPIOENKLUITJIES IN GROENTESOP LEWER 18-24 KLUITJIES BEREIDING: 30 MIN. GAARMAAK: 25-30 MIN. KLUITJIES ◗15 ml (1 e) olie◗1 klein wit-of rooi-ui, fyngekap◗2 knoffelhuisies, fyngekap◗250 g gemengde eksotiese sampioene, gekap◗’n groot hand vol babaspinasie, fyngekap◗18-24 velle klaar bereide wontondeeg SOP ◗15 ml (1 e) olie◗5 ml (1 t) sesamolie (opsioneel)◗1 ui, in skyfies gesny◗2 stingeluie, gekap◗10 cm vars gemmer, geskil en in stokkies gesny◗2 knoffelhuisies, geskil en gekneus◗1-2 brandrissies, gekap◗4 bruinsampioene, in skyfies gesny◗500 ml (2 k) hoender-of groenteaftreksel◗15 ml (1 e) sojasous◗5 ml (1 t) vissous◗5 ml (1 t) bruinsuiker◗5 ml (1 t) rysasyn◗100 g boontjiespruite (opsioneel)◗’n hand vol vars babaspinasie vir voorsit 1 Kluitjies Verhit die olie in ’n pan en braai die ui en knoffel tot sag. Voeg die sampioene by en roerbraai tot gaar. Roer die spinasie…

SAKPAS KLEIN GROOT DUURDER PREMIUM WENKE VIR AFDRUKKE KOOP Dewet de Villiers van die aanlyn dekorwinkel KNUS gee raad: ■ Soek iets wat karakter en siel by jou huis sal voeg – gewoonlik ’n werk wat dadelik jou aandag trek wanneer jy dit die eerste keer sien. ■ Maak seker jou afdrukke is op gehaltemateriaal gedruk. As jy ’n afdruk het wat tekstuur toon, oorweeg tekstuurryke papier. As dit uiters modern is, kies ’n glansafwerking. ■ Laat raam jou kuns professioneel vir ’n duur voorkoms of koop professionele rame. Vra jou ramer om die agterkant maklik te maak om te verander sodat jy dit sonder moeite met nuwe afdrukke kan vervang. ■ Stal jou kuns in lae uit deur ’n gallerymuur met verskillende groottes en kleure te skep. Kies monotone…

JY WIL graag meer geld spaar, maar ai, dit sukkel … Moenie moedeloos voel omdat jou spaargeld nie na wense aanwas nie. Waar daar ’n wil is, is daar ’n weg. Ons bekyk vandeesweek drie interessante spaaruitdagings wat jou daardie geldelike hupstoot kan gee. Die beste van als is dat jy nie reusebedrae op ’n slag hoef weg te sit nie. As jy die maklike stappe getrou volg, behoort jy die vrugte te pluk. DIE 52-WEKE-UITDAGING Basies sit jy ’n jaar lank elke week stelselmatig ’n bietjie meer geld weg. Jy begin byvoorbeeld met R10 vir week 1; R20 vir week 2; R30 vir week 3; en so aan. En siedaar, teen week 52 het jy R13 780! As jy weekliks getrou daardie ekstra R10 wegsit, sal dit gou ’n…

22 APRIL OM 20:00 AANBIEDER Gerda Engelbrecht is een van Huisgenoot se gereelde blokraaiopstellers. WANNEER Ons volgende kuier is op 22 April. TYD 20:00 WATISDIT? Blokraai Regstreeks is ’n aanlyn speletjiesprogram waar jy ander blokraaigeesdriftiges ontmoet, saam-saam kopkrap oor leidrade en lekker pryse wen. HOE WERK DIT? Deelname is gratis, maar jy moet met ’n e-posadres registreer. Die skakel na die uitsending gaan na daardie e-posadres gestuur word. Gaan nabit.ly/brokraaiapril om jou plek te bespreek vir die April-uitsending. Om 19:55 op 22 April klik jy op die skakel en kry jy toegang tot die uitsending. Ons begin stiptelik om 20:00. ONTHOU Omdat jy leidrade in ’n blokraai moet kan raaksien, werk ’n rekenaar beter as ’n selfoon. Die aanbieder gesels ’n bietjie met die groep en daarna deel sy haar skerm…

SO SÊ JY DIT: in-sir-gên-sie Dis ’n gewelddadige opstand wat die doelwit het om die land se regering omver te werp. Mense gebruik gewoonlik dié woord wanneer die algemene gevoel is dat die mense wat in opstand kom verkeerd is, byvoorbeeld as hulle baie wreed is. ’n Slegte regering sal natuurlik enige opstand ’n “insurgensie” noem om hul vyande sleg te laat lyk, maar dis ’n ander saak. VERSTOMMENDE SYFERS 22 Soveel mummies van antieke koninklikes is onlangs tydens die Farao’s se Goue Parade in Kaïro, Egipte, verskuif. Onder hulle was koning Ramses II, een van die land se beroemdste farao’s. Die mummies is van die Egiptiese Museum op die Tahrirplein na die nuwe Nasionale Museum van Egiptiese Beskawing in die stad verskuif. 20 miljoen Suid-Afrika het onlangs ’n ooreenkoms…

VAT SO, BOELIES Gabrielle sê sy het van gr. 4 af onder boelies deurgeloop. Haar debuutliedjie, “Nasty”, wat sy onlangs uitgereik het, gaan juis oor boelies en veral kuberboelies wat jong mense tydens die inperking aanlyn afgeknou het. Gabrielle het verlede jaar van skool verander en is nou ’n gr. 9-leerder aan die Agape Christian School in Johannesburg. Sy het haar nuwe liedjie geskryf om kinders aan te moedig om saam te staan teen boelies en op te hou om ander te haat. Haar raad aan ander kinders wat geboelie word, is: “Praat daaroor en sê vir die boelie as hulle nie ophou nie, gaan jy ’n ouer persoon sê wat die situasie kan hanteer en hulle kan laat ophou.” ROMKOMMEISIE Gabrielle beskryf haarself as “gelukkig, snaaks en gedrewe”. Wanneer…

PODCAST EVERY LITTLE THING SPOTIFY & ITUNES In dié podcast bel luisteraars in met hul vrae, maak nie saak hoe simpel of vreemd jy dink dit is nie. Soos hoe oud is Winnie the Pooh? Hoekom huil mense? En hoekom skiet springmielies wanneer jy dit maak? Dan gaan stel die aanbieders ondersoek in, gesels met kenners en vind die beste inligting om jou vraag te beantwoord. Wanneer hulle die luisteraar se vraag kies, word die luisteraar gebel om op die lyn te bly terwyl hul vraag deur die loop van die episode beantwoord word. Hoe cool is dit! TV-REEKS T.O.T.S. Die junior vlieëniers Pip en Freddy is terug vir nog nuwe avonture in seisoen twee van dié animasiereeks. Van 19 tot 30 April kan jy elke dag nuwe episodes van…

Aardedag-woordraaisel Die woorde onder is horisontaal, vertikaal of skuins en vorentoe of agtertoe in die rooster versteek. Soek en omkring dit. Help Lara om te herwin Pas die skaduwee Trek ’n lyn tussen die bypassende prente. Soek sewe verskille Elke jaar op 22 April vier meer as ’n miljard mense Aardedag met aktiwiteite soos rommel optel en bome plant om ons wêreld ’n gelukkiger en gesonder plek te maak om op te woon. Verbind die kolle Kleur die oseane in wanneer jy klaar is. Knip en plak Vra eers toestemming en knip dan die dele van die vis uit. Rangskik dit in die regte volgorde op ’n skoon vel papier deur ons prent onder as ’n riglyn te gebruik. Begin met die stukke aan die onderkant en plak dit op…

DIE eerste keer toe ek in ’n grot geduik het, was ek vreesbevange. Ek het gedink ek wil dit nooit weer doen nie. Met my 19de verjaardag het my ouers vir my ’n duikkursus geskenk gegee. Dit was die eerste keer wat ek geduik het. My oom, wat vir die lekker geduik het, het dit nog vir hulle aanbeveel. Ek was baie op my senuwees toe ek die eerste keer daardie duikpak aantrek; ek het eintlik gedink die hele duikding is nie vir my nie. Maar ek het die kursus voltooi en meer en meer op duik verlief geraak. Ek kan nie presies vir jou sê waarom ek so mal is daaroor nie. Ek dink dit is die absolute stilte onder die water. Die feit dat niemand met jou praat…

‘DAAR WAS ’N TYD DAT EK MY HARE IN SULKE GROOT KOLLE VERLOOR HET’ SY WEET hoe dit voel om oor haar hare skaam te wees. Eers het sy dit as ’n jong meisie ervaar oor haar kroesies; later as volwassene oor die “stresblesse” wat in haar eens welige krullebol verskyn het. Dit is dié dat Quanita Adams verlede jaar vroeg in die inperking besluit het dis tyd om die storie van hare te vertel, “want ons praat nog steeds oor hare”. Toe begin die aktrise aan die draaiboek skryf van die nuwe Showmax-fliek Swirl: A Letter to Hair on the Cape Flats, waarvan sy toe ook die regie behartig het. Dit is nie noodwendig die verhaal van haar eie reis met haar hare nie, vertel Quanita, maar dele van…

DIT is maklik om jou te verbeel jy’s op die sprokiesmooi stel van ’n sepietroue. Daar’s die romantiese kapel met sy uitsig oor die Bitourivier, vleilande waar die watervoëls lustig koukus, en die kneusblou berge in die verte waaraan 50 gaste – waaronder talle bekendes onder televisiekykers – hulle nou verwonder. En getrou aan enige draaiboek trippel die wagtende bruidegom, alombekend as Binnelanders se dr. Tertius Jonker, senuweeagtig rond terwyl hy op sy bruid wag. Dis egter g’n toneelspel wat maak dat hy sy reeds onberispelike blou pak vir die soveelste keer regtrek nie. Want die akteur en sanger Reynardt Hugo (34) staan vandag nie in sy bekende sepiekarakter se skoene nie, en die vlinders op sy maag is maar alte werklik. Hy wag al immers meer as ’n dekade…

JA VIR ’N JAS MELISSA MCCARTHY (50) APPELFIGUUR As jy ’n appelfiguur het soos die rolprentster Melissa McCarthy, is jy swaarder om die middellyf en het jy ’n breë bolyf en skouers. Vlei jou figuur in toppies, jasse en baadjies wat op die heup of net onder die bobeen eindig. Vermy belde en kies A-lyn-jasse, reguit knielengte-soldatejasse, poncho’s en skouermantels. WENK Kies A-lyn-of empire-styl silhoeëtte wat oor die middellyf val om dit langer te laat vertoon sonder dat dit aan die lyf kleef. NOG OPSIES Melissa skram nie weg van enige kleurblokskakerings nie. Beklemtoon jou middel met ’n plooiromp met ’n hoë middel onder jou jas. PREPPIE-PERFEK OPRAH WINFREY (67) TJELLO-FIGUUR Die praatmagnaat is die perfekte voorbeeld van ’n tjello-figuur. Hulle het groot borste, breë skouers en prominente heupe, boude…

WAAROOR GAAN DIT? As jy in 2017 verward, teleurgesteld of sommer net gefrustreerd uit die teater gestap het, was jy nie alleen nie. Die Joss Whedon-weergawe van Justice League het afgejaag gevoel – asof niemand genoeg oor die karakters omgegee het om hul stories behoorlik te vertel nie. Hulle het geen emosies gehad nie en dit was baie moeilik om by enigeen van hulle aanklank te vind – wat vreemd was, want ons weet hulle het wonderlike agtergrondstories. Dit was dus moeilik om uit te pluis presies wat in daardie fliek gebeur het. In Zack Snyder se “nuwe weergawe” van Justice League sal jy beslis nie aangejaag voel nie. Dit is vier uur lank – en dis nie ’n vinnige vier uur nie. Die tyd vlieg nie verby nie. Agterna…

WEET JY NIE NEIL NACHTREIN Dié enkelsnit is van die sanger se tweede album, Op plekke waar ons eens was, en nes sy ander liedjies bevat dit indrukwekkende kitaarspel. Die liedjie is deurweek met ’n akoestiese folkklank wat perfek saam met Neil se narratiewe lirieke en diep stem werk. Dit neem die luisteraar op ’n musiekreis soos min. TROU MET MY REGGIE PEACE Reginald Hufkie, oftewel Reggie Peace, se jongste enkelsnit het sterk funk-en elektroniese popelemente. Aanhangers van popmusiek uit die 1980’s sal mal wees oor die klank en gevoel van dié liedjie. “Ek dink ons elkeen het ’n hunkering na opregte liefde, en ware liefde is waaroor dié figuurlike storie gaan,” vertel Reggie. BRANDER KIND COFFEE SNOBS Die nuwe enkelsnit van dié musiekduo van die Suid-Kaap-dorpie Mosselbaai is ’n…

INGEPERK Die aandklokreël laat my wonder: Moet die spook van Uniondale ook nou tussen middernag en vieruur soggens tuis wees? DENISE, PRETORIA NETJIESE KOOS Koos val in die tou by die apteek waar die suster aan diens gaatjies in vroue se ore maak vir hul oorringe. “Maak asseblief in elkeen van my polse ’n klein gaatjie,” vra hy die suster toe dit sy beurt is. “Wat op aarde wil jy daarmee maak?” vra sy verbaas. “Dis vir mansjetknope wanneer ek safaripakke dra,” antwoord Koos. ANTON, BELLVILLE SKRALE HOOP Om te verwag die wêreld moet jou regverdig behandel omdat jy ’n goeie mens is, is soos om te verwag dat ’n bul jou nie sal storm nie omdat jy ’n vegetariër is. WOLLIE, PRETORIA GEEN DRUK ’n Versekeringsmakelaar probeer ’n lewenspolis…

NO 2 384 As jy vashaak, kan jy gerus ander lesers se raad vra op ons Facebookblad met die naam Huisgenoot Blokraaie. WEN ’N LABELLO-GESKENKPAK PLUS KOM IN AANMERKING VIR DIE MAANDELIKSE TREKKING VAN R1 000. VRAAG: Watter stoeldeel is ter sprake? Hierdie week se prys is ’n geskenkpak van Labello ter waarde van R500. Labello het onlangs sy 111de verjaardag gevier en sorg al 111 jaar vir sagte, bevogtigde, pragtige lippe! Met natuurlike bestanddele in die verbeterde formule laat Labello lippe nou langer as ooit bevogtig bly – 24 uur se langdurige bevogtiging! Gaan na @labello_za op Instagram en LabelloSouthAfrica op Facebook vir nog inligting. NEEM SO DEEL Vul die blokraai korrek in, skryf die letters in die kleurblokke neer en gebruik dit om die antwoord op die vraag te…

WALLIS MIDDELEEUSE SKAT GEVIND Goud en silwermunte, ringe en persoonlike items is in Powys, Wallis, gevind en onlangs amptelik tot Middeleeuse skat verklaar. Die items het vermoedelik aan ryk families van die negende en 17de eeu behoort en is met ’n metaalverklikker deur lede van die publiek uitgesnuffel. Volgens die Nasionale Museum in Wallis word daar meer as 20 vondste per jaar ontdek en aangemeld. Nadat ’n item tot skat verklaar is, word dit gewaardeer en aan ander museums verkoop; die opspoorder kry die verkoopprys as beloning! GALÁPAGOS-EILANDE BABASKILPAAIE GERED Lughawebeamptes op die Galápagoseilande het op 185 piepklein skilpaaie afgekom, in plastiek toegedraai en in ’n tas versteek. ’n Paar van die kleintjies het nie die stres en skeiding van hul blyplek oorleef nie. Galápagosreuseskilpaaie is die grootste skilpaaie ter…

GUNSTELINGSANGER Justin Bieber. Hy is ’n groot inspirasie vir my en ek hou daarvan dat hy in die openbaar ernstig is oor sy geloof. GUNSTELING-TV-REEKS Survivor SA. Dis soos ’n ware weergawe van die Hunger Games-flieks. SUPERHELD IN WIE SE SKOENE SY WIL KLIM Black Widow. Sy is deel van die Avengers, het ’n motorfiets en sy ken vir Hulk, en hy is cool en baie sterk. DIE KOS WAT SY VIR DIE RES VAN HAAR LEWE KAN EET Soesji, want dit verskaf koolhidrate, groente en proteïen. DIE PERSOON SAAM MET WIE SY OP ’N EI-LAND GESTRAND WIL WEES My ouma Donna Pinetown. Sy maak baie goeie kos en lekker tee! PET PEEVE Wanneer mense nies of hoes. Selfs voor covid-19 het ek net gevoel dis so verkeerd om…

DIE landbou is van groot belang in Suid-Afrika. Ons boere lewer ’n groot deel van die land se uitvoerprodukte en dra ook by tot die binnelandse ekonomie, veral as werkgewers. Maar die landbou is ook baie wisselvallig weens onvoorspelbare weersomstandighede en kwessies soos beskikbare grond. Bewerkbare grond maak omtrent 10% van die land se oppervlak uit en droogtes kom gereeld voor. Nietemin wissel ons land se klimaat van subtropies tot Mediterreens, wat die verbouing van ’n groot verskeidenheid landbouprodukte moontlik maak. WERKVERSKAFFER Sowat 865 000 mense was in 2020 in die landbousektor werksaam. Die landbou se bydrae tot die bruto binnelandse produk (BBP) beloop sowat 2,5%. Die BBP is ’n maatstaf waarvolgens ons die stand van ’n land se ekonomie evalueer. Dis gegrond op die totale waarde van die dienste en…

SY WEEG omtrent soveel soos ’n eekhoring. Haar oë en ore is bottoe. Haar enigste gewaarwording van die wêreld is deur haar reuksin, en haar neus lei haar in een rigting: na die warmte van haar ma, ’n ysbeer van 272 kg genaamd Aurora. Hul lêplek, ’n blok sement, is wit geverf en word deur ’n rooi gloeilamp verlig. Op die vloer is strooi hoog opgestapel. ’n Muskusgeur hang drukkend in die lug wat kunsmatig verkoel word om die Noordpool na te boots. Kort-kort klink die geskree op van Nora, ’n pienk-en-wit bondeltjie wat in die voue van haar ma se pels wriemel. Om negeuur die oggend van Nora se sesde dag staan Aurora op, strek haar uit en drentel by die lêplek uit. Die welpie, volkome afhanklik van haar…

JANEZ VERMEIREN EN GESIN SE EILAND-DOEPA Suikerwit strande, wuiwende palmbome en ’n glashelder see … dis mos die regte doepa vir die inperkingsblues, of hoe? Vra maar die voormalige Top Billing-aanbieder Janez Vermeiren, sy vrou, Juliana, en hul kinders, Vincent (6) en Noah (4). Die gesin het vir sewe luilekker dae op die prentjiemooi Maledive-eilande gaan uitspan. Dit was hul eerste buitelandse reis sedert die begin van die inperking meer as ’n jaar gelede. “Om in die Maledive wakker te word is soos ’n droom. Ons het in strandvillas gebly, en wanneer jy soggens die deure oopmaak, kyk jy vanuit die slaapkamer oor die turkoois oseaan en die mooi wit sand,” vertel Janez. Dit was hul tweede besoek aan hierdie gesogte vakansieparadys. “My vrou het my byna drie jaar gelede…

Dit lyk asof Holly Madison en Kendra Wilkinson nie gereed is om die strydbyl te begrawe nie. Kendra (35) het van haar laat hoor nadat haar Girls Next Door-medester vroeër vandeesmaand oor hul lewe in die Playboy Mansion gepraat het. Holly (41) het laat val hulle praat nie meer met mekaar nie en gesinspeel Kendra het gejok toe sy vroeër gesê het sy was nie met Hugh Hefner intiem voor sy by die Mansion ingetrek het nie. In 2014 het Kendra gesê: “Ek het ingetrek en nie geweet ‘seks’ was betrokke nie. Ek was toe pas klaar met hoërskool.” Holly het vir die podsendingaanbieder Alex Cooper gesê vroue moes eers met Hugh seks hê voor hulle kon intrek. “Ek probeer nie enigiemand sleg maak nie, maar niemand is ooit gevra…