Indholdsfortegnelse for 06 May 2021 i Huisgenoot

1 JIMMY SE NEEFS HET MY BROER VERMOOR Die akteur Kobus Kleynhans se suster, Jeanie Boshoff, vertel Jimmy Abbott was glad nie betrokke nie, maar dat sy dood ou wonde oopgekrap het Ek is baie jammer oor wat met jou broer gebeur het. Maar ek is ook jammer dat Jimmy Abbott se naam nou weer hierby betrek moes word. Hoekom nie net die twee skuldiges by die naam noem nie? ALTA Jeanie, jy moet asseblief weer gaan lees wat met Lot se vrou gebeur het. Moenie omkyk nie. Ons kan niks doen aan dit wat gister gebeur het nie; jy sal dit nooit kan verander of terugkry wat jy verloor het nie. LORRIE Wie van julle is in haar skoene? Wie van julle se kleinboet is vermoor? Moenie haar oordeel…

JY WEET nie wat jy het nie – tot jy dit verloor. Dié besef het die afgelope twee jaar op die harde manier tot Francois Toerien deurgedring. “As die lockdown nie gebeur het nie, was ek nie nou hier nie,” sê die akteur, aanbieder, regisseur en skrywer hier aan die voet van die rooi-en-wit vuurtoring in Mouillepunt, Kaapstad. Toe die inperking verlede jaar aanbreek, was hy op die allerlaagste punt – sonder werk, sonder geld, sy gesondheid geknak deur dwelms en sy huwelik aan skerwe. Hy het dit immers self laat verbrokkel toe hy daar ver in Seattle, Amerika, eensaam geraak en gereken het die liefde moet ander paaie met hom loop – weg van die getroude lewe. Maar vandag lyk Francois (48) strate beter as toe ons laas in…

TINA KNOWLES-LAWSON & BEYONCÉ Jy kry nie sommer ’n cooler ma-en-dogter-duo as dié twee nie! Of hulle ’n draai op die rooitapyt maak of op uitstappies gekiek word – jy kan hulle altyd deur ’n ring trek. GOLDIE HAWN & KATE HUDSON Die Hollywood-ikoon Goldie Hawn en haar dogter, die aktrise Kate Hudson, kry hul styl-inspirasie by mekaar en skroom nie weg van uitrustings wat die koppe laat draai nie. DEMI MOORE & RUMER WILLIS Die Hollywood-aktrise Demi Moore en haar oudste dogter, die aktrise en sangeres Rumer Willis, hou van mooi aantrek. Rumer volg graag in haar ma se styl-voetspore en maak gereeld ’n glansryke draai op die rooitapyt. LISA BONET & ZOË KRAVITZ Nog voor Zoë Kravitz ’n stylikoon uit eie reg geword het, is haar ewe bekende…

BAIE van ons het daardie een vriendin, familielid of vertroueling wat maar alte gou troos as ons liefdesake net nie wil vlot nie. En as dinge moeilik raak, gee daardie een sommer gou raad. Dit klink dalk na wyse raad – en dit laat jou selfs beter voel – maar dit kan jou soms op ’n dwaalspoor neem. Want partykeer veroorsaak dié paaiwoorde dat jy die gesonde oordeel van jou eie binnestemmetjie ignoreer. En dikwels is die wenke wat jou naastes so kwistig uitdeel eintlik nie wafferse raad nie – dis eerder witleuntjies wat met goeie bedoelings gedeel word om jou te vertroos. Verhoudingskenners bespreek die witleuens wat jy liefs met ’n knippie sout moet neem. WITLEUEN 1: ‘Liefde is genoeg’ Hoekom is dit misleidend? Dalk het jy dit al…

A Almal D Dwelms G Geweld Gr Gruwel N Naaktheid O Ouerdiskresie S Seks T Taal V Vooroordeel Wetenskapsfiksieriller. Anthony Mackie en Jamie Dornan is Steve en Dennis, twee beste vriende wat paramedici in New Orleans is – die een ’n rokjagter en die ander getroud met twee kinders. Hulle word ontbied na ’n rits sake van mense wat óf in vreemde omstandighede dood is óf wie se stories net nie klop nie. Dit word als met ’n nuwe dwelm, Synchronic, verbind. Toe Steve hoor hy het kanker en net ses weke om te leef, besluit hy om al die dwelms te koop om ander te beskerm. Hy ontdek dan dié pil laat jou deur tyd reis én steek agter Dennis se dogter se verdwyning. Dis sy enigste hoop om…

1 Sy is die jongste van haar ma, Linda (63), ’n onderwyseres, en pa, Tim (59), ’n skrywer, se kinders. Haar ouer suster, Katherine (31), is ’n bakster. 2 Maude was baie skaam as kind. Die oudleerder van die Hoërskool Linden het eers op hoërskool besluit sy wil ’n aktrise word. “Ek het net op ’n dag besluit ek gaan ’n oudisie aflê vir die ATKV-tienertoneel by die skool. Ek dink nie my ouers was verbaas nie; hulle het geweet hoe baie stories ek kon uitdink en ons het gereeld teater toe gegaan.” 3 Sy het in 2013 haar honneursgraad in drama aan die Rhodes-universiteit in Makhanda voltooi en sê haar rol in Legacy was haar deurbraak in die plaaslike vermaakbedryf. “Ek het voorheen meestal teaterwerk gedoen en met my…

Die vraaglose geloof As ek my hier-en-nou meet aan my komvandaan, voel dit partykeer of daar so min ooreenkomste is dat ek moet wonder of ek een en dieselfde mens is. Die kern van wat ’n mens glo jou self is, is volgens sielkundiges nouliks een aaneengeskakelde kontinuum van jou begin tot jou einde. Is ons weinig meer as ’n voortgesette sameflansing van herinnerings vervaardig deur ’n onbetroubare geheue? Vat nou vir my. As ek voortgevaar het op die koers wat ek so ywerig gekies het in my jeug, was ek nou sendeling iewers op die aardbol. Ek sit wel iewers ver op aarde, maar wat ek nou doen, vra meer verantwoordelikheid vir die liggaam en die intellek as vir die siel. Dalk is dit alles een. Maar toe ek…

BRING EN BRAAI SuidAfrikaners is uiters vreemd. Wanneer ons depressief is, braai en drink ons. Wanneer ons iets vier, braai en drink ons. Wanneer ons niks het om te doen nie, braai en drink ons. Iets is beslis nie reg nie, mense. Bring jul vleis en bier en dan praat ons daaroor… MICHELLE ALBERTS, DURBANVILLE VREESLOOS Tydens ’n besoek aan die dieretuin staan Piet en sy gesin by die gorillas se hok toe ’n klompie gorillas skielik op die heining afstorm en die besoekers uitmekaar laat spat. Maar ’n bejaarde man bly houtgerus daar staan. “Het jy nie geskrik toe die gorillas so op ons afstorm nie?” wil Piet by hom weet. “Nee wat,” verduidelik die oom. “Ek het jare lank ’n skoolbus bestuur…” LOUISE NOETH RAAI-RAAI V: Wat is…

NO 2 386 As jy vashaak, kan jy gerus ander lesers se raad vra op ons Facebookblad met die naam Huisgenoot Blokraaie. WEN ’N GESKENKPAK VAN ELASTOPLAST PLUS KOM IN AANMERKING VIR DIE MAANDELIKSE TREKKING VAN R1 000. VRAAG: Watter soort blomplant is ter sprake? Die wenner ontvang ’n Elastoplast-geskenkpak ter waarde van R500. Met Elastoplast-sorg kan seerplekke gouer gesond word. Volg hierdie driestaproetine: Maak die seerplek skoon met Elastoplast-wondsproei. Beskerm die stukkende plek teen vuilheid, kieme en water met Elastoplast se materiaalpleisters. Wend Elastoplast-wondgeneesmiddel aan om die seerplek twee maal so vinnig te laat herstel en die risiko vir littekenvorming te verminder. NEEM SO DEEL Vul die blokraai korrek in, skryf die letters in die kleurblokke neer en gebruik dit om die antwoord op die vraag te ontrafel. SMS…

Die term beskryf die vele verskillende plante en diere wat op een plek voorkom. Biodiversiteit kan in twee woorde opgebreek word: biologiese diversiteit. Biologies verwys na die studie van lewe en diversiteit beteken baie en verskillend. Besoedeling en klimaatsverandering bedreig baie verskillende spesies plante en diere. VERSTOMMENDE SYFERS 2024 Die jaar waarin argitekte, navorsers en Franse beamptes die herstelwerk aan ’n deel van die Notre-Dame-katedraal in Parys wil voltooi. Dit is ook die jaar waarin die stad die Olimpiese Spele sal aanbied en baie besoekers wil lok. Die Notre-Dame, ’n bekende historiese baken in Parys, het twee jaar gelede aan die brand geraak en sedertdien is hard gewerk om die gebou van amper 900 jaar te herbou. R1,4 miljoen Die verwagte bedrag wat die getekende sokkerstewels van Lionel Messi sal…

WELKOM BY DIE BYL Xulé was onlangs in die nuwe seisoen van die dramareeks Die Byl te sien as Mischa, ’n ondervoede, mishandelde meisietjie wie se paaie met die baasspeurder Piet van der Bijl (Waldemar Schultz) s’n kruis. “My karakter is stom. Dit was ’n lekker uitdagende rol om ’n karakter te speel wat nie woorde mag gebruik nie,” vertel Xulé. Sy het dit geniet om teenoor die oud-7de Laanster Waldemar te speel. “Waldi het my van dag een af baie welkom laat voel en altyd grappies gemaak op die stel om seker te maak dat ek op my gemak is. Ons het ’n cool band gevorm en ek is mal oor hom.” NOEM MY 'ZULEI' Haar regte naam is Maria Elizabeth Engelbrecht. Xulé is haar noemnaam en sy het…

GEEN RATATOUILLE HIER As jy versot is op die fliek Ratatouille met sy klomp rotte en daaraan dink om so ’n diertjie aan te skaf, moet jy liefs nie na die stad Billings in Montana, Amerika, verhuis nie. Daar is dit onwettig om ’n rot as ’n troeteldier aan te hou of te verkoop. GEEN MES EN VURK VIR KIEPIE In die Amerikaanse stad Gainesville word inwoners al sedert 1961 verbied om braaihoender met ’n mes en vurk te eet. Jy moet dit met jou hande eet. In 2009 het ’n vrou agter tralies beland omdat sy dit glo met ’n mes en vurk geëet het. KFC-hoender met ’n mes en vurk? Ag nee! NETFLIX IS NÉT VIR JOU Hoeveel van ons deel nie ons password vir Netflix met ons…

Hasie-woordesoek Die woorde onder is horisontaal, vertikaal of skuins en vorentoe of agtertoe in die rooster versteek. Soek en omkring dit. Verbind die kolle Kleur die prentjie in wanneer jy klaar is. Soek 2 identiese prente Ontsyfer die letters Herrangskik die letters om die name van vyf groente te ontdek. 1 LOKO 2 APPELTAAR 3 SIENIPSA 4 LOOKLOBM 5 ENOBROENG 6 MAPOPEN 7 SEERJIT 8 COLIBROC Groente-sudoku Elk ry en kolom moet een van elke groentesoort hierbo bevat. Vul die oop ruimtes in om die rooster te voltooi. Soek vyf verskille Watter skaduwee pas? Knip & plak Vra toestemming en knip die vorms onder uit. Plaas dit in die regte volgorde op ’n skoon vel papier. Plak dit vas in plek; begin by die onderste dele. Help Hansie die hasie…

CAROLINE-GRACE BRÜSSOW Caroline-Grace en haar man, die oud-Bok Heinrich Brüssow, het ’n dogtertjie, Iza Grace (nege weke), en ’n seuntjie, Marcel Werner (14 maande). “Ma-wees verander jou lewe. Jou tyd en aandag word 100% aan jou kinders gegee om seker te maak hulle is gelukkig, want dit maak jou gelukkig,” sê die sangeres. Die beste deel van ma-wees is om liefde terug te ontvang. “As my seuntjie my ’n stywe drukkie gee of spontaan oopmond soen.” CARINA NEL Die 7de Laan-aktrise vier vanjaar haar eerste Moedersdag. “Wat ’n voorreg om ’n mamma te wees en dit te vier saam met die mense wat ek die liefste het. Dis baie spesiaal,” sê Carina. Die beste ding van ma-wees is om die lewe deur haar 11 maande oue dogtertjie, Carlemi, se oë…

Nadat Brooklyn Beckham (22) in Julie verlede jaar sy verlowing aan Nicola Peltz (26) bekendgemaak het, was aanhangers nuuskierig oor hoe hul families oor die weg sou kom. Die aktrise se familie, die skatryk Peltz-familie, is uiters privaat – presies die teenoorgestelde van die Beckhams, wat in die kollig baai. Maar te oordeel na hul bywoning van ’n sokkerwedstryd tussen LA Galaxy en Inter Miami – die laasgenoemde is David Beckham (45) se klub – kom dié twee uiteenlopende families goed klaar.Die gesinne het gelukkig gelyk terwyl hulle nader gestaan het vir ’n kiekie wat Victoria Beckham (47) op Instagram geplaas het. In die byskrif stuur Brooklyn se ma ewe vir haar seun se toekomstige skoonmense “soene”.…

As Arnie kan, dan kan ek ook, redeneer Caitlyn Jenner skynbaar. Die Olimpiese kampioen en lid van die Kardashian-kliek het pas haar veldtog begin om die volgende goewerneur van Kalifornië te word. Sy’s natuurlik g’n beroepspolitikus nie. Maar nog minder was die Hollywood-ster Arnold Schwarzenegger, wat in 2003 dié pos beklee het. Arnie het toe langer as sewe jaar die septer geswaai. As Caitlyn wen, sal sy die eerste trans persoon word wat die politieke baas van die staat word. Maar Caitlyn (71) se politieke ambisie het dadelik kritiek aanlyn ontlok. Kuberkrete van “Hel, nee!” het opgeklink, en leiers van die LGBTQ+-gemeenskap bestempel Caitlyn se kandidaatskap as ’n “ydelheidsveldtog”. En hulle is nie die enigstes wat teen haar aspirasies gekant is nie. ’n Bron na aan die Kardashians sê hulle…

DIE afgelope vyf jaar is elke oggend vir hom ’n kykweertoneel oor ’n lewe waarvan hy die besonderhede oor en oor moet leer ken: sy eie. “Jy word wakker en jy voel dat hierdie plek jou eie is, maar jy weet nie regtig wat aangaan nie,” vertel Gerrie Kachelhoffer (47). Maar elke oggend is daar genadiglik ook een konstante ding: die mens wie se naam en gesig hy nie bymekaar kan bring nie. Dan stel sy haarself weer aan hom voor: “Ek is jou vrou…” En sowat ’n uur lank, soos elke oggend sedert die traumatiese misdaadvoorval wat hom sy geheue laat onderdruk, vertel Yvonne Kachelhoffer (48) vir haar huweliksmaat van die afgelope 26 jaar oor homself, sy gesin en sy lewenswêreld. “Ek maak altyd seker ek is voor hom…

SAAM het hulle gesit en 109 video’s deurgekyk van vroue wat hul beste voetjie voor die kamera voorsit: jong vroue, ouer vroue, geskeide vroue, enkelma’s; vroue uit ’n verskeidenheid agtergronde en omstandighede. En elkeen met een ding gemeen: Hulle soek ’n plekkie in die akteur Neels van Jaarsveld se hart. Eindelik het Neels (41) en sy akteursvriend Henré Pretorius (44) die getal potensiële vryers tot 12 verskraal. En toe… As jy wil weet wat volgende gebeur, moet jy Donderdagaande op kykNET inskakel vir Op my eish! Want in dié program van 13 episodes kyk Neels – wat doeriejare in kykers se harte ingekruip het met sy Met Eisj-brandewynadvertensies – of hy ’n vrou kan opspoor wat in sy hart sal inkruip. Neels soek weer na die liefde, en hy neem…

VERRAS jou ma hierdie Moedersdag met ’n bederfsessie in die gemak van haar huis – want, kom ons wees nou maar eerlik, die huis is steeds die veiligste plek om te wees. Maak dit ’n eksklusiewe geleentheid vir julle of nooi haar beste vriendin of ’n naby famlielid en geniet ’n dag vol bederfies vir haar om te koester. ’n Bederfsessie sal haar laat ontspan en verseker dat julle gehaltetyd saam deurbring. En of jou begroting knap is en of jy dalk ’n bietjie ekstra geld het om uit te gee, hier is iets vir almal. Die voorbereiding Die eerste stap is om die atmosfeer reg te kry. Jy hoef nie ’n fortuin uit te gee om ’n professionele spa-omgewing te probeer skep nie – gebruik wat jy het om…

V Ek het vanjaar ’n groot liefdesteleurstelling gehad en ook my werk verloor. Ek bly nou by my ouers, wat ongelooflik negatiewe omstandighede is. Ek het ook nie vriende nie. Dis nie die lewe wat ek vir myself toewens nie. Dit klink dramaties, maar ek het regtig niks om voor te leef nie. Elke dag is ’n stryd. Ek soek die lewe waarna ek smag. Ek wil gelukkig wees. Waar begin ek? Of is dit te laat? Jop W A Die blote feit dat jy na ’n ander, beter lewe hunker, is reeds ’n positiewe wegspringblok. Hoe vind ’n mens jou pad na geluk? Soms deur nie daarna te streef nie, maar eerder balans te probeer vind. ’n Liefdesteleurstelling bring ’n verlies aan vertroue in jouself en ander mee. Die…

TELEVISIE LUANDRI REYNDERS (24) Luandri is geen vreemdeling op die kassie nie. Sy het in 2019 haar debuut op die klein skerm gemaak as Chanelle in die sepie 7de Laan en was verlede jaar in die tweede seisoen van die kykNET-dramareeks Spoorloos: Heksejag te sien. Deesdae vertolk sy die rol van Karen Kriel, een van die nuwe verpleegsters in die Binneland-kliniek in die sepie Binnelanders. “Sy het in dieselfde tydperk as Gaby Toerien (Maude Sandham) in die kliniek begin werk, en die twee verskil hemelsbreed. Karen is meer teruggetrokke en neem haar werk baie ernstig op,” sê Luandri. “Een van die dae sal kykers meer oor haar te wete kom wanneer sy saam met Gaby in ’n woonstel intrek – en daar iemand is wat haar heeltyd bel.” LEWE OP…

MUSIEK HUL DEBUUT Boer Richann en René het in Desember een aand op Richann se plaas op die Vrystaatse platteland gesit en saamsing terwyl hy kitaar speel toe hulle skielik die behoefte deel om ’n liedjie te skryf en op te neem. So is dié paartjie van die afgelope seisoen van die kykNET-maatsoekreeks Boer soek ’n vrou se eerste enkelsnit, “Vrystaat vlaktes”, gebore, vertel Richann (30). Die lirieke kom uit hul pen, terwyl Murray Lubbe en Shan Read vir die komposisie verantwoordelik was. Dis ’n goedvoelliedjie met ’n lewendige tempo in die folkgenre. Hulle is albei lief vir die platteland, is plaaskinders en woon in die Vrystaat, vertel René (26). “Daar is dus betekenis in die titel van die liedjie. Die boodskap is dat mense weer die platteland moet ervaar…

BUL 20 APR – 20 MEI Wees dié week vrygewig met jou hart en beursie, veral as jy ’n geliefde moet paai of vir ’n onlangse hartseer moet troos. Jou op trede sal nie ongesiens verbygaan nie, maar hou in gedagte dat geld alleen nie alles kan regmaak nie. Met jou planeet, Venus, wat die lighartige Tweeling betree, kan jy dalk ervaar dat hierdie stemming jou huidige gemoed lig. Met kommunikasie wat verbeter, het jy nie ’n verskoning nodig om met ander in verbinding te tree nie. GELUKKIGE NOMMERS 52, 38, 35, 24, 34, 16 TWEELING 21 MEI – 20 JUN Met die sjarmante Venus, die planeet van liefde en verhoudings, wat dié week jou teken betree, is daar ’n goeie kans dat jy meer as net ’n paar bewonderende…

FOTOBLOKRAAI NO 2 132 As jy vashaak, kan jy gerus ander lesers se raad vra op ons Facebookblad met die naam Huisgenoot Blokraaie. WEN ’N GESKENKPAK VAN BRAMLEY VRAAG: WATTER BUITELUGWERKER IS TER SPRAKE? Die wenner ontvang ’n geskenkpak van Bramley. Hul weefseloliereeks is in ’n verskeidenheid soorte beskikbaar: Magnolia, Cocoa Heaven, Pink Blossom, Lavender en Herbal Camphor. Bramley het onlangs ook ’n Afrika-versameling by hul produkreeks gevoeg en bied gehalte wat jy kan vertrou. Bramley-produkte is landwyd by PEP beskikbaar. Besoek www.bramleycosmetics.co.za of /bramleycosmetics op Facebook of Instagram vir nog inligting. NEEM SO DEEL Vul die blokraai in en gebruik die letters in die kleurblokke om die antwoord op die vraag te ontsyfer. SMS “HG” gevolg deur jou antwoord, naam en dorp/stad na 36400. Net een SMS per deelnemer…

1 My gunstelingvak op skool is kuns. Dit is vir my lekker om te teken en kreatief te wees. 2 In my vrye tyd teken ek animasiekarakters en maak video’s daarvan. Ek ry ook skaatsplank. 3 Ek wil graag eendag in ’n reeks soos Stranger Things speel. 4 My rolmodel is Margot Robbie. Sy is ’n goeie aktrise. My gunstelingkarakter wat sy speel, is Harley Quinn in Suicide Squad. Ek wil graag ’n skurk in ’n fliek speel. 5 Ek speel hokkie, netbal en krieket. Ek geniet hokkie en netbal, want ek kan dit saam met my vriende speel en dit was nog altyd ’n groot passie van my. Ek het begin krieket speel omdat ek dit van kleins af saam met my twee broers by die huis speel. 6…

AL WOON hy reeds jare in Amerika, verlang hy steeds huis toe. Dan maak sir Anthony Hopkins graag Google Maps oop en reis deur die strate van Margam, die staaldorp in Suid-Wallis waar hy 83 jaar gelede op Oujaarsaand gebore is. “Ek begin by my oupa se huis, stap in Caernarfonweg op, en ek loop dan oral in Port Talbot rond. Dis net ’n speletjie,” sê hy. As kind het hy graag aan die paal agter op busse gehang wat hom na Port Talbot toe geneem het, ongeduldig dat dinge moes gebeur. En hy is steeds ongeduldig, met die lewe: “Gaan voort. Ons gaan almal doodgaan.” En met homself. “Ek het ’n paar geringe beserings opgedoen van te vinnig beweeg en te veel doen,” vertel hy. “My vrou sê ek…

GELD was skaars toe Anette Ogden grootgeword het. Al het sy daarna gesmag om met ’n poppie van haar eie te speel, moes sy daarmee tevrede wees om met haar niggie se Barbies te speel wanneer dié kom kuier het. Vermoedelik het die klein meisie toe al vir haarself gesê sy sal eendag al die poppe besit wat haar hart begeer. En kyk nou net. Deesdae spog Anette (63) met meer as 400 poppe wat in drie Wendyhuise in haar agterplaas op Meyerton in Gauteng woon. Haar versameling sluit in Barbies, lappoppe, poppe van papiermaché en ’n baie duur “Reborn”-pop wat soos ’n regte pasgebore baba lyk. Mense noem haar die “poppetannie”. Dit het haar nie lank geneem om dié versameling bymekaar te maak nie. “Ek het eers ná 60…

IN November verlede jaar het dit hom getref: Só kan dit nie aangaan nie. Hy is 46 jaar oud, die pa van ’n vierjarige seuntjie, en die skaal gaan staan stil op 150 kg wanneer hy daarop klim. “Dis toe dat ek besef het ek moet my lewe verander,” vertel die akteur en TV-aanbieder Alvin Bruinders by die World of Golf-klub in Midrand. Anrika, met wie Alvin 14 jaar getroud is, wag op die stoep van die restaurant wat op die gholfbaan uitkyk. Hul seuntjie, Avrick, is by die kleuterskool. Hoewel die restaurant op sy spyskaart onder meer tjips en pasta het, die soort smulkos wat Alvin so graag in die program Konings van kitskos op VIA verorber, gaan hy vandag nie sy mond aan dié vetmaakgoed sit nie. “Ek…

Dis nie aldag dat ’n ster op Hollywood se A-lys met ’n “gewone meisie” uitgaan nie. Aanhangers was dus teleurgesteld toe die akteur Zac Efron met Vanessa Valladares uitgemaak het. Volgens bronne het hy haar afgesê nadat hy verneem het sy onderhandel om in ’n nuwe Netflix-werklikheidsreeks met die titel Byron Baes te verskyn. “Die spyker in die doodskis was bewerings dat hy haar glo help om daar te kom,” vertel ’n bron na aan die akteur. Zac (33) en Vanessa (25) het mekaar in ’n restaurant in Byronbaai ontmoet waar die aspirantmodel gewerk het en ’n romanse het gou ontwikkel. “Hy is ’n goeie mens wat ’n opregte en nederige maat wou hê,” sê ’n vriend. Verlede jaar het Zac dit duidelik gemaak hy was desperaat om die vasgekeerde…

PATAT-ROSTI’S MET GEPOSJEERDE EIER Smullekker en gesond – ons maak hierdie rosti’s met patat pleks van aartappel en sit dit voor saam met saggeposjeerde eiers en vars kruie. GENOEG VIR 2 MENSE BEREIDING: 20 MIN. STAAN: 10 MIN. GAARMAAK: 15 MIN. ROSTI’S ◗ 1 groot patat, skoongeskrop◗ ’n knippie sout◗ 5 ml (1 t) gedroogde tiemie◗ vars gemaalde peper◗ 1 brandrissie, gekap◗ 1 eier◗ 15 ml (1 e) koek- of klappermeel◗ 15 ml (1 e) olyfolie AFRONDING ◗ ’n skeut asyn◗ 2-4 eiers◗ ’n hand vol vars spinasie en/ of kruieblare◗ ½ avokado◗ suurlemoenwiggies 1 Rosti’s Rasper die patat in ’n vergiettes en meng die sout deur. Laat 10 min. staan en druk oortollige vloeistof uit die patat uit. Skep die gedreineerde patat in ’n mengbak. Voeg die tiemie, peper,…

VIR DIE MINIMALIS Vir ma’s met ’n minimalistiese styl gaan dit oor eenvoud en elegansie. Dink aan minder patrone, minder kleurkombinasies, skoner lyne en bruikbaarheid. VIR DIE MAKSIMALIS Dekoritems met hope kleur, tekstuur en patrone wat die aandag trek, is perfek vir die maksimalis. Vir haar is meer altyd beter! KRY DIT HIER @HOME 0860-834-834; BABYLONSTOREN SHOP.BABYLONSTOREN.COM; ESQUE 0861-037-783; GAME 0861-4263-2273; LAVISH’D 011-609-8303; MR PRICE HOME 0800-212-535; MY TABLE SA 060-778-4257; NETFLORIST NETFLORIST.CO.ZA; NIFTY GIFTS NIFTYGIFTS.CO.ZA; SHEET STREET 0800-212-535; WOOLWORTHS 0860-022-002 HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE.…

JOU kinderjare, leefomgewing en loopbaan is alles dinge wat kan bepaal watter soort blootstelling aan finansies jy deurlopend gehad het. Dis die grondslag van wat kenners jou “geldpersoonlikheid” noem. Jou geldpersoonlikheid het natuurlik ’n invloed op hoe jy oor geld voel en daarmee werk. Ons gesels met Riana Prins, FNB se sakeadviesafdelingshoof, oor vyf algemene geldpersoonlikhede –en hoe dit vir jou kan werk. 1 DIE ROJALE BESTEDER Jy is nie materialisties nie, maar hou daarvan om ’n standpunt met jou aankope te maak. Voorkoms, die gehalte van jou besittings en die jongste modes is vir jou baie belangrik. Jy maak maklik skuld sodat jy jou doel – om die regte beeld uit te straal – kan bereik. Voordele: Jy het ’n hoe aptyt vir risiko’s en is gewoonlik geinteresseer in…

1 Sy het in Pretoria grootgeword en is haar ouers se enigste kind. “Ek woon steeds in Pretoria en het nog altyd Johannesburg as werk beskou en Pretoria as die huis. Die pad soontoe en terug is die skeiding tussen my persoonlike en beroepslewe.” 2 Luandri en die akteur Gerrit Schoonhoven, wat verlede jaar oorlede is en ook ’n regisseur was by Binnelanders, is familie. 3 Sy is ’n huishen en geniet dit om ná ’n lang dag met ’n boek in die een hand en ’n koppie koffie in die ander te ontspan. 4 Haar stokperdjie is perdry. “Ek het op skool mededingend perdgery en dressuur was die dissipline waarop ek gefokus het. Ek is steeds lief vir die sport, maar kry ongelukkig nie meer so baie tyd om…

BOEKE MAN OP ’N FIETS ÊRENS HEEN Deur FREDERIK DE JAGER (GRAFFITI, R200) As ’n mens jare lank ander skrywers – onder andere Etienne van Heerden, Deon Meyer, Marlene van Niekerk, Karin Brynard en Antjie Krog – se manuskripte blink poets, kan daardie kritiese oog jou seker aan bande lê wanneer jy self skryf. Ja, sê Frederik de Jager, wie se eerste boek, Man op ’n fiets êrens heen, pas verskyn het. Hy is ook ’n ouduitgewer en mede-eienaar van The Talking Table op Lesbos in Griekeland, waar hulle onder meer skryfskole aanbied. “Daardie interne redakteur vreet my sinne op so vinnig soos wat ek hulle geskryf kry,” vertel hy. Sy skryfstukke het voorheen in Vrouekeur verskyn en is dus in rubriekvorm – wat spesifieke eise aan ’n skrywer stel.…

NOU TE KOOP Jou ma se gebraaide lamsboud. Jou ouma se vetkoek. Kerkbasaarpannekoek met kaneelsuiker. Neem jou gesin op ’n nostalgiese reis van onthoukos, koesterkos en gul bederfkos met hierdie splinternuwe uitgawe in Huisgenoot se gewilde kostydskrifreeks. SMUL AAN: ■ KAROOLAMSBOUD■ TAMATIEBREDIE■ KAAPSE BRIJANI■ OUTYDSE VISKOEKIES■ VETKOEK OP 4 MANIERE■ PAMPOENKOEKIES■ SJOKOLADE-MALVAPOEDING■ HERTZOGGIES■ MELKSNYSELS S■ PADKOSBESKUIT BESTEL DIT SO Bel 021-406-4962. Stuur ’n e-pos na koop@huisgenoot.com. Gaan na huisgenootwinkel.com en bestel dit aanlyn.…

1 Mozzarella, gorgonzola en parmesaan is drie soorte van watter kos? 2 Watter voëls, volgens mense wat bygelowig is, is die boodskappers van die dood? 3 Aan watter soort boom groei dadels? 4 Die Sterrenag is ’n skildery deur watter beroemde skilder? 5 Watter land is die kleinste ter wêreld? ANTWOORDE 1. Kaas 2. Uile 3. Palmboom 4. Vincent van Gogh 5. Die Vatikaanstad BRONNE: BBC.CO.UK, USATODAY.COM, THESOUTHAFRICAN.COM, THEGUARDIAN.COM, NEWSFORKIDS.NET, REUTERS.COM, GOODNEWSNETWORK.ORG, EURONEWS.COM, NHM.AC.UK, BUSINESSINSIDER.CO.ZA, KIDS.BRITTANICA.COM…

FLIEK LOVE AND MONSTERS NETFLIX Die wêreld wemel van monsters. Toe hulle die wêreld inval, word Joel (The Maze Runner se Dylan O’Brien) van sy hoërskoolliefde geskei. Sewe jaar later vind hy uit sy is net 85 km van hom af. Hy moet dapper wees en die monsters aanvat om by die vrou van sy drome uit te kom. 2021. 109 MIN. 10-12O. BOEKE MURDER ON THE SAFARI STAR M. G. LEONARD EN SAM SEDGMAN Dié boek sal die speurder in jou aanwakker. Dit is die derde aflewering in die gewilde kinderboekreeks Adventures on Trains. In dié opwindende raaiselverhaal gaan ons op ’n reis saam met Harrison Beck en oom Nat op die luukse Safari Star-trein van Pretoria na die pragtige Victoriawaterval. Maar iets vreesaanjaends gebeur op die trein. Is…

HET jy geweet dat duisende vuurspuwende vulkane op die seebodem, nes op land, voorkom? In die natuur werk dit met gesmelte lawa, maar jy kan self ’n onderwatervulkaan met net warm en koue water naboots. BENODIGDHEDE STAP VIR STAP STAP 1 Vul die groter fles sowat driekwart vol water wat lou of kamertemperatuur is. As hierdie houer se water te koud is, gaan die temperature tussen hierdie water en die warm water te veel verskil en gaan die effek wat jy wil hê te vinnig gebeur. STAP 2 Plaas ’n klippie in die kleiner houer. Hierdie klippie moet net ’n bietjie meer gewig daaraan gee en moenie die hele houer vol maak nie. Die klippie verseker net dat die houer, sodra dit vol water is, maklik tot op die bodem…

DR. NADIA SWART, VLUGDOKTER (30) VANDAT ek die eerste keer gesien het wat ’n noodvlug behels, was ek net verlief daarop. Dis ’n werk wat jou fisies, geestelik en emosioneel toets. Dis uitdagend, want dis alleen daar bo. Dit is net jy en jou paramedikus. Maar omtrent ná elke sending voel jy jy het iets bereik. Jy het iemand se lewe beter help maak. Met elke sending is daar nuwe uitdagings, ’n ander tipe pasiënt, ’n nuwe soort geval. Dis wat dit interessant maak. Ek wou nog altyd ’n dokter word. My pa is een – hy is in familiegeneeskunde – en ek het altyd gevoel ek sou in sy spore volg. My passie en dryfkrag vir my werk het ek by hom geleer. Maar ook dat, hoewel jy moeilike…

DIE lentelug in Londen was 10 jaar gelede die ene opwinding en vreugde toe prins William en sy beeldskone bruid uit die Westminster-abdy stap. Die wagtende skare het hulle toegejuig en 2 miljard mense wêreldwyd het vasgenael voor hul TV-skerms gesit Dit was die eerste koninklike troue sedert prins Charles en prinses Diana s’n wat die wêreld se verbeelding so aangegryp het. En anders as sy ouers se huwelik wat op die rotse geloop het, is William en Kate ná 10 jaar van getroude lewe ’n gedugte span – as huweliksmaats en ouers van drie kinders, maar ook as die Britte se toekomstige koning en koningin. Die hertog en hertogin van Cambridge kan met reg ’n glasie klink op hul 10de huweliksherdenking. Hulle het in die eerste dekade van hul…

Dit gis oor die ou saam met wie Billie Eilish onlangs opgemerk is, Matthew Tyler Vorce. Dié twee is gekiek waar hulle in Kalifornië koffie koop en haar geliefde pit bull, Shark, vir ’n wandeling neem. Daar word gefluister dat Matthew Billie se nuwe kêrel is. Die kans dat die streng privaat sangeres van “Therefore I Am” hom binnekort aan aanhangers en die media sal bekendstel, is egter baie skraal. Maar wie is die onbekende man? Volgens Matthew se IMDbblad het hy onlangs rolle in die rolprente Mother, May I Sleep with Danger? en Dark Hours: Typee vertolk. Sy ouderdom is onseker, al vertel die agentskap wat hulle saam afgeneem het hy is 29. Maar Billie is nie haastig om dinge op te klaar nie. “Ek wil beslis my verhoudings…