Indholdsfortegnelse for 27 May 2021 i Huisgenoot

1 ‘MOEDERSDAG IN DIE HOSPITAAL’ Estelle van Niekerk se seuntjie, Ayden, is in die hoësorgeenheid opgeneem nadat hy aan ’n stuk “tandsny-biltong” verstik het Iets wat in die keel vassit, is lewensgevaarlik vir oud en jonk. My pa, wat Parkinson se siekte het, het ’n stukkie vleis in sy keel gekry. Hy was ook in ’n koma en het by die dood omgedraai. CECILIE Ek sny al my kind se kos op, van druiwe en malvalekkers tot sy vleis. Ek kap sy harde lekkers, ook biltong, stukkend. Hy het my byna ’n hartaanval gegee toe hy aan ’n stukkie wortel verstik het. WANDIE My ma het gesterf toe sy aan ’n stukkie brood verstik het. Ek was vier jaar oud. Nou is ek obsessief oor kinders wat aan kos kan…

JY RAAK ontsteld of ongeduldig as jy sien mense rondom jou is omgekrap, hartseer of kwaad, en dan gee jy sommer dadelik vir hulle raad oor wat hulle moet doen om dinge te verbeter. Jy hou nie van die stokperdjies wat die mense om jou bedryf nie, en jy karring aan hulle om eerder iets anders te doen wat jy meen beter vir hulle sal wees. Jy dink dikwels jy het die antwoord of oplossing op ’n probleem en glo dis jou plig om dit te deel met die mense wat volgens jou daarby kan baat vind. Klink dit soos jy? As jy jouself in dié voorbeelde herken, is jy dalk ’n beheervraat. En dit het nie net ’n uitwerking op die mense rondom jou nie; dit kan ook jou…

Wat was die inspirasie agter die album? Toe die inperking tref, was ons bedryf een van dié wat die swaarste daaronder gely het. Ons moes ses toere kanselleer en was in skok. Ek het eendag by die klavier gesit en hierdie emosionele weergawe van “Rum & Cola” het net uit my uitgevloei. Ek het dit vir die ouens (Ben Peters en Tim Welsh) gespeel en die idee om ’n akoestiese album op te neem het posgevat. Waaroor gaan ‘Rum & Cola’? Die oorspronklike prettige, vinnige dansliedjie het ’n baie rustige boodskap van in ’n verhouding wees waar dinge net vloei. Maar die unplugged-weergawe is ’n onvergeetlike, amper hartseer, liefdesverhaal. Dit was interessant om te sien hoe ’n liedjie se hele stemming kan verander as jy dit stroop. Waar sien julle…

NO 2 389 As jy vashaak, kan jy gerus ander lesers se raad vra op ons Facebookblad met die naam Huisgenoot Blokraaie. WEN ’N GESKENKPAK VAN TANGLED TREE KOM IN AANMERKING VIR DIE MAANDELIKSE TREKKING VAN R1 000. VRAAG: WATTER KLEDINGSTUK IS TER SPRAKE? Die wenner ontvang ’n geskenkpak met Tangled Tree-wyn ter waarde van R500. Tangled Tree het onlangs sy ekovriendelike reeks na ’n 3 L-kartonverpakking uitgebrei. Die gewilde chardonnay het heerlike geure soos karameltoffie en crème brûlée. Hierdie gehaltewyn uit die Van Loveren-kelder bied onverbeterlike waarde. Nou beskikbaar by jou naaste Spar of Pick n Pay, ofaanlynbyvanloveren.co.za. VolgTanledTreeopInstagramof Facebook @tangledtreewines. NEEM SO DEEL Vul die blokraai korrek in, skryf die letters in die kleurblokke neer en gebruik dit om die antwoord op die vraag te ontrafel. SMS die woord…

STROOM DIT JURASSIC WORLD CAMP CRETACEOUS NETFLIX Dinosourusse en tieners alleen op ’n verlate eiland? Wat kan verkeerd gaan? Duidelik baie! As jy al die vorige twee seisoene van dié animasiereeks gekyk het, moet jy jou regmaak vir nóg opwindende avonture. In die derde seisoen moet ’n groep tieners kophou en kliphard probeer om te oorleef op ’n eiland waar gevaarlike dinosourusse vry rondloop. PODCAST GREEKING OUT SPOTIFY & ITUNES Die slimkoppe by die televisiekanaal National Geographic is verantwoordelik vir hierdie podcast wat gaan oor die geskiedenis van Griekse mitologie. Terwyl jy daarna luister, leer jy sommer ook meer oor antieke Griekse mites en gode, godinne, monsters én helde uit dié tyd. Die vierde seisoen van die podcast is onlangs uitgereik, en jy kan jou regmaak vir hope interessante stories…

DANIEL (nou 31) het ná dié flieks ’n suksesvolle fliek-en TV-loopbaan. Ons het sy stem al ’n paar keer in die animasiereeks The Simpsons gehoor. Hy was ook onlangs in die Netflix-fliek Unbreakable Kimmy Schmidt: Kimmy vs the Reverend te sien. EMMA (nou 31) het mense in 2015 betower in die Disney-fliek Beauty and the Beast en was laas in 2019 te sien in die bekroonde fliek Little Women. Sy speel nog toneel, al is sy deesdae so skaars op die kassie en silwerdoek. RUPERT (nou 32) het ná die Harry Potter-flieks in die teaterwêreld naam gemaak en was laas in die rillerreeks Servant op Apple TV+.…

’N KWART van al die bekende sterre in die heelal is vermoedelik die gasheer vir ’n “volmaakte planeet” – een met dieselfde grootte en temperatuur as die aarde. Daar is sowat ’n “zetta” van hulle… dis ’n triljard – een met 21 nulle. Dit is vermetel om te aanvaar dat ons al intelligente wesens in hierdie uitgestrekte kosmos is. Dit is trouens nie net arrogant om te dink ons is alleen in die ruimte nie, maar ook wetenskaplik gesproke onsin. Op 19 Oktober 2017 het ’n teleskoop op Maui, Hawaii se naasgrootste eiland, die eerste interstellêre besoeker, sover bekend, waargeneem. Hierdie voorwerp het ongetwyfeld van ’n verre sonnestelsel gekom. Was dit ’n natuurlike verskynsel of een wat deur ’n intelligente lewensvorm ontwerp en gebou is? Die eenvoudigste verklaring is die…

MY AFRICANIS-hond, Brody, is omtrent al bekender as my onderneming. Trouens, ek sê graag Brody is nie my hond nie; ek is sy mens. Ek het hom by die DARG-dieretoevlug in Houtbaai gekry toe hy drie weke oud was. Nou is hy sewe en ’n baie gewilde element van die Cape Sidecar Adventures-vloot. Hy was aanvanklik net ons “depot-hond”; hy sou soggens saam met ons werk toe kom. Maar toe hy ’n jaar oud was, het hy eendag skielik verdwyn. Ek was al bekommerd toe een van my drywers bel: “Tim, ek het met ons Waterfront-stop in my syspan se neus gekyk, en daar was Brody, vas aan die slaap.” Hy’t ongesiens by die depot ingespring, maar ’n heerlike tyd gehad. Ek het besef hy hou van die syspan-idee en…

NÁ 23 jaar van kykgenot voel Pasella al soos een van jou oudste huisvriende. Maar nou is dit byna tyd om te groet Gelukkig sal die huidige seisoen van die joernaalprogram, wat op 17 Maart 1998 die eerste keer uitgesaai is, darem nie die heel laaste uitsending wees nie, troos die SAUK Pasella is tans elke Woensdagaand op die kassie, en ’n spesiale huldeblyk-seisoen sal van Januarie 2022 uitgesaai word. “Ons is nou besig met die opname van die huldeblykseisoen. Dit is ’n besonderse seisoen waarin ons by aanbieders van reg deur Pasella se bestaan gaan kuier,” verklap Simone Ross, die vervaardiger. “Dit is ook natuurlik heeltemal gepas dat ons Pasella se laaste episode afsluit met ’n partytjie saam met bekende Pasella-gesigte,” sê sy. Die aktrise Vicky Davis, sedert 2008…

BRIT AWARDS LONDEN, ENGELAND MTV MOVIE AWARDS LOS ANGELES, KALIFORNIË…

HY HET in die openbare oog grootgeword as die oudste seun van een van ons bekendste destydse glanspare: ’n Suid-Afrikaanse sokkerlegende en sy sosialevlinder-vrou wat die glanslewe versinnebeeld het. As seuntjie was Luke Fish ’n engelgesiggie, die onskuld self met sy deurmekaar hare en kinderglimlaggie. Maar in die jong man wat vandag voor jou sit, herken ’n mens skaars die mens wat die Bafana Bafana-sokkerspeler Mark Fish en sy eerste vrou, Loui, se seun eens was. Hy het ’n ring in sy neus, ’n sigaret in die hand, ’n lapkep op sy kop en tatoeëermerke links en regs op sy arms, hande en borskas. So drasties is sy metamorfose dat hy homself nie eens meer Luke Fish noem nie. Hy het homself herskep en staan nou as Seth Omen bekend.…

GEURIGE SAMPIOENSTROGANOFF Heel, grofgekap of in skyfies gesny – knopiesampioene is die veelsydigste van al die sampioene. Ons gebruik dit in ’n romerige stroganoff gegeur met mosterd, witpeper en paprika. GENOEG VIR 4-6 MENSE BEREIDING: 15 MIN. GAARMAAK: 35-40 MIN. 250 g knopiesampioene300-350 g bees- of volstruisfilet, in repies gesnysout en vars gemaalde peper30 ml (2 e) olyfolie15 ml (1 e) botter2 uie, in kwarte gesny en die lobbe van mekaar afgebreek60 ml (¼ k) witwyn (opsioneel)15 ml (1 e) meel250 ml (1 k) room of suurroom15 ml (1 e) Dijonmosterd2,5 ml (½ t) elk witpeper en paprika1 groen soetrissie, in stukke gesny VIR VOORSIT gaar pasta van jou keusevars pietersielie 1 Sny die groter sampioene rofweg in stukke en hou die kleiner sampioene heel. Geur die vleisrepies met die…

In die kamer skep ’n ontspannende wit palet die regte atmosfeer vir rus en laat die nodige natuurlike lig weerkaats tydens die kouer seisoene. Verskeie teksture en lae komberse en strooikussings verleen ’n luukse voorkoms en gevoel, terwyl die houtaksente teen die wit uitstaan en so warmte verleen. NAGLIG Hanglampe is ideaal vir die slaapkamer – dit gee ’n sagte lig vir ’n rustige atmosfeer en kan ’n dramatiese dekorstelling maak. Maak seker die ligskakelaar is binne bereik van die bed as jy hangligte langs jou bed gebruik. BYKOMSTIGHEDE Vir ’n rustige geheel, kies bykomstighede vir die slaapkamer wat ooreenstem met die voorkoms en gevoel van jou beddegoed en beligting. Sluit items in soos gegeurde kerse, vars of kunsblomme en plante, spieëls en wasgoedmandjies. ’n Stoel is ook ’n baie…

WERKLOSE MAN TEER OP HAAR V Die pa van my kinders dra nie by om vir hulle of vir die huishouding te sorg nie. Ek moet al die geld self verdien, en hy teer boonop op my. Dis moeilik, want ek is ook dikwels werkloos. Hy is al lank werkloos. Hy wil selfs betaling hê om na sy eie kinders te kyk terwyl ek bedags werk. Hy wil net die geld op dwelms uitgee. Ek wil vir my kinders ’n beter lewe gee. D op L A Ek neem aan jy het reeds gesprekke oor rehabilitasie gehad, ultimatums gestel en hy is nie gewillig nie. Ter wille van jul veiligheid en omdat jy nie inkomste het nie, is dit ’n goeie idee om met ’n welsynswerker oor jou opsies te…

HARTSTORIES VAN ONS LAND SE BOERE Deur IVOR PRICE EN KOBUS LOUWRENS (Tafelberg, R195*) Dié boek, wat ’n intieme blik gee op die mense wat sorg dat ons te ete en te drinke het, begin met ’n aangrypende vertelling deur Ivor Price van sy oorlede oupa wat altyd gesê het: “Die enigste goeie boer is ’n dooie boer.” Hierdie familiegeheim verklap hy eendag aan ’n wit boer oor wie hulle opnames vir ’n TV-program maak. Die afloop van Ivor se vertelling wys dat die persepsie van Suid-Afrika se boere dikwels ongenuanseerd is. Met Hartstories van ons land se boere kry ’n mens ’n ander, dieper blik op boere van verskillende oortuigings en ras. Ivor het die eerste vier reekse van Landbouweekliks op VIA aangebied. Hy beskryf dit as ’n Damaskuservaring…

NUTTIGE KAT Oom Sarel, ’n sitrusboer van die Oos-Kaap, het met verwondering na die Oscarbekroonde dokumentêr My Octopus Teacher gekyk. Kort daarna daag hy by die akwarium op. “Kan ek by julle ’n seekat of twee koop?” vra hy vir die man wat dié diere versorg. “Maar wat op aarde wil Oom met ’n seekat maak?” vra hy verbaas. “Man, die slim prof. Google sê mos ’n seekat het nege breine – een in die kop en een in elkeen van sy agt arms. Hy het ook drie harte,” begin oom Sarel verduidelik. “Toe het ek gedink ek wil hom in my plaasdam hou tot oestyd. Dink net hoe slim, blitsvinnig en met groot liefde gaan hy my uitvoerlemoene pluk!” ANTON, BELLVILLE EERSTE KEER Pasiënt: “Dokter, ek is bekommerd. Dis…

NO 2 135 As jy vashaak, kan jy gerus ander lesers se raad vra op ons Facebookblad met die naam Huisgenoot Blokraaie. WEN ’N GESKENKPAK VAN FOUR COUSINS VRAAG: WATTER SOORT VRUG IS TER SPRAKE? Die wenner ontvang ’n geskenkpak met Four Cousins-wyn ter waarde van R500. Four Cousins, een van Suid-Afrika se geliefste handelsmerke, het onlangs hul reeks uitgebrei na ’n edelkultivarreeks wat nou beskikbaar is in ’n 3 L-kartonverpakking. Die gewilde merlot spog met lieflike bessie-en vanieljegeure. Dit is nou beskikbaar by jou naaste Spar of aanlyn by fourcousins.co.za. NEEM SO DEEL Vul die blokraai in en gebruik die letters in die kleurblokke om die antwoord op die vraag te ontsyfer. SMS “HG” gevolg deur jou antwoord, naam en dorp/stad na 36400. Net een SMS per deelnemer word toegelaat.…

WOORD VAN DIE WEEK ARGEOLOË wat in Kenia veldwerk doen, het die oorskot van ’n kind gekry wat 78 000 jaar gelede in ’n graf ter ruste gelê is. Dit is die oudste menslike graf waarvan ons weet in Afrika. Ons weet van ander uitgrawings in Europa en Asië dat mense en ons naaste familie, die Neanderthalmense, sowat 130 000 gelede begin het om hul dooies te begrawe. Navorsers het op dié beendere afgekom in die vloer van die Panga ya Saidi-grot in die tropiese hoogland van Kenia. Die verspreiding van bene wys dit was ’n kind wat met haar bene gevou teen haar bors begrawe is en styf in diervel of plantmateriaal toegedraai is. Die kind is Mtoto genoem, die Swahiliwoord vir “kind”. Haar kop is op ’n kussing…

1〉 Op watter vasteland is Bulgarye? 2〉 Watter soort skaap is op die foto hier onder? 3〉 Hoeveel van ons land se amptelike tale verskyn in die landslied? 4〉 Watter mitiese gedierte het ’n mens se kop en die lyf van ’n leeu? 5〉 Hoeveel medeklinkers is daar in die alfabet? ANTWOORDE 1. Europa 2. Merino 3. Vyf 4. Sfinks 5. 21 BRONNE HISTORYPLACE.COM, BBC.COM, NEWS.MIT.EDU, GOODNEWSNETWORK.ORG, BUSINESSINSIDER.CO.ZA, THEGUARDIAN.COM, NEWS.ARTNET.COM…

▶ ’n Teaterproduksie gaan kyk of gaan fliek? Ek hou van movies, maar ek was by ’n buitelugteater en dit was goed. Dis ’n lekker persoonlike touch. Maar ek is ’n sucker vir ’n goeie movie en die reuk van popcorn en die geskud van ys in daai koppies in die cinema. ▶ Sap of koeldrank? No cap, maar Coca-Cola is die pad na my hart. Maar ek drink dit in matigheid. ▶ Instagram of TikTok? Instagram. TikTok is vir my soos ’n klein rabbit hole. ▶ Rillers of romkoms? Ek love scary movies, maar ek kyk maar romkoms saam met my meisie. ▶ Jeans of sweats? Jeans as ek uitgaan om deftig te lyk, maar ek voel tuis en gemaklik in my sweatpants. ▶ Bel of teksboodskappe? Bel. My vriende…

DIE gedagte aan hoeveel nuwe klein mensies op pad is, was dalk oorweldigend, maar alles was gereed vir die groot dag wanneer hulle hul eerste lewenslig aanskou: sewe bababedjies, sewe stootwaentjies, sewe fopspene… Die hoogswanger Halima Cissé van Mali kon nie wag om haar nuwe babas te verwelkom nie, want volgens die dokters was sy sewe maal geseënd. Die ganse Mali het soos trotse peet ouers die dae afgetel, en elders in Wes-Afrika was die komende seweling ook groot nuus. Mali se regeringshoofde het Halima (25) selfs na Marokko laat vlieg omdat sy daar beter mediese versorging tydens die bevalling sou kon kry as in haar tuisland. Op 4 Mei is sy in die teater in Marokko vir die keisersnee ingestoot. En toe begin die babas die een ná die…

Die aktrise Jenine Grobler, wat al byna vyf jaar die rol van Anastasia in die kykNET-sepie Getroud met rugby vertolk, het onlangs met haar jarelange kêrel afgehaak. Sy en Warren O’Reilly, ’n rekenmeester, het mekaar in 2009 ontmoet. “Ons was albei in die Hoërskool Driehoek en het mekaar in Hartenbos raakgeloop en herken van skool. Ek was dadelik verlief,” vertel Jenine. Hulle was nege jaar ’n paartjie voor Warren haar in 2019 gevra het om te trou. Hul trouplanne is deur covid-19 in die wiele gery. Hulle het hul troue toe met ’n jaar tot 9 Mei aangeskuif. Dit is by Duck Point in die Vrystaat gehou. Sy beskryf hul groot dag as ’n sprokiesverhaal. “Dit het al my verwagtings oortref en daar is baie gehuil; trane van blydskap natuurlik.”…

Chrissy Teigen se Cravings-kookgerei is van verskeie Amerikaanse kleinhandelaars se rakke verwyder nadat ’n rits gemene twiets opgeduik het wat sy jare gelede geskryf het. Die model Courtney Stodden beweer Chrissy het destyds vir haar skokkende twiets en boodskappe gestuur waarin sy haar aanmoedig om haar eie lewe te neem toe sy net ’n 16-jarige sangeres was. Chrissy, die ma van twee kinders, Luna (5) en Miles (3), by haar man, die sanger John Legend (42), het in ’n innige verskoning gesê sy is “skaam en verleë” oor haar optrede ’n dekade gelede. Maar dit lyk asof die skade aan die 35-jarige voormalige model se reputasie gedoen is. Internetgebruikers het dieper gaan delf in Chrissy se sosialemedia-verlede en ontdek sy het toe selfs ’n negejarige kinderaktrise en ’n tienerma afgeknou.…

DIS nie iemand wat jy sommer in die hof wil aanvat nie: Gayaat Salie-Hlophe, die regter wat die opspraakwekkende Jason Rohde-moordsaak aangehoor het. Boonop is sy getroud met die ewe bekende John Hlophe, die omstrede Wes-Kaapse regterpresident van die hooggeregshof in Kaapstad. Maar dié swaargewigregspan skrik Zara Samuels (19) allermins af. Sy is Gayaat se dogter – en sy sleep haar regter-ma hof toe vir onderhoud. Sy beweer haar ma het haar uit die huis geskop toe sy in matriek was en dat sy sedertdien weier om haar te onderhou. Maar Gayaat voer by monde van haar regsverteenwoordiger, Anel Bestbier, aan haar dogter het sélf besluit om die huis te verlaat. Die tiener is nou ’n eerstejaarstudent in sielkunde aan die Universiteit van Kaapstad, maar haar ma dra na bewering…

DONSIGE JASSE Met hierdie winterwenner kan jy slenterdrag strate toe vat. Bly warm en gemaklik wanneer jy uitgaan in ’n sjiek donsige baadjie en jou gunstelingbypassende stel. Wees speels en meng dit met ’n geribde breistofpotloodromp of ’n langbroek-en-top-kombinasie. BYPASSENDE STELLE Die inperkingsgemaksdragneiging word sterk beïnvloed deur bypassende stelle soos geribde breistofstops en sweetpakbroeke saam met kappietopkombinasies. Laat dit deftig of informeel lyk met modieuse skoene en bykomstighede in koel kleurkombinasies. KNUS GEMAK Of jy buite kuier of op die rusbank luier, ontspanningsdrag met ’n slenterdragkinkel, soos gekwilte moulose baadjies en breistofhemde, is perfekte items om met rekbroeke en informele onderstukke te meng. Die gemaklike uitrustings is geskik vir enige geleentheid en veelsydig vir binnenshuise en buitemuurse aktiwiteite. LUUKSE LAE Gee ’n gedempte slenterdragtweestuk diepte en kleur deur jou ontspanne…

MET jul aftrede om die draai besef jy skielik jul neseier is nie na wense nie. Daar sal vinnig plan gemaak moet word … Jul uitgawes ná aftrede behoort net sowat 75% te wees van dit wat julle voor aftrede bestee. Maar as een van julle se aftreegeld julle albei moet onderhou, is dit raadsaam om sommer dadelik jul leefstyl af te skaal. Ingrypende gesprekke oor finansies met jou lewensmaat kan moeilik wees, maar op die duur kan dit jul goue jare – en ook jul persoonlike verhouding – teen geldstres verskans. 1 PRAAT NOU DAAROOR Die eerste hekkie is daardie eerlike gesprek tussen julle as lewensmaats. Dinge kan maklik emosioneel raak, wat dit moeiliker maak om oor praktiese planne ooreen te kom. Oorweeg dit om ’n finansiële beplanner by die…

Pieter Prinsloo van Queenstown: “Ons eerste kleinseun, my naamgenoot, is baie soos ek. Hy is ook mal daaroor om tussen die beeste te wees. En hy praat ook Xhosa. Ons het intussen ’n tweede kleinseun, Dirk, bygekry. Ek hoop hy sal ook die taal van die streek leer praat sodat hy ons band met die grond beter kan verstaan. En dat hy ook gewillig sal wees om langs sy bure te boer, wie hulle ook al mag wees.” Wadea Jappie van Schaapkraal: “Kortom: Ek is ’n Moslem, ’n vrou, ’n moeder en ’n eggenoot, maar jy kan my ook ’n boer noem. Of dit nou toeval is of die noodlot. Inshallah. Soos God dit wil. Dit is regtig nie so ’n groot storie nie, die hele Moslem-vrou-boer-ding. Vroue het hulle…

TWEELING 21 MEI – 20 JUNIE Jy is vandeesweek in jou element met dié dat jou planeet, Mercurius, en die grasieuse Venus in jou eie teken in lyn is. Smee die yster terwyl dit nog warm is, want jou sjarme is vandeesweek nogal dodelik. Jou aantrekkingskrag is onweerstaanbaar, veral wat sake van die hart betref. Daarmee saam is jou geldmaakvermoëns ook glad nie te sleg nie en jy sal ’n goeie en positiewe indruk maak as jy hierdie week vir ’n werkonderhoud bestem is. GELUKKIGE NOMMERS 18, 47, 15, 45, 4, 7 KREEF 21 JUN – 21 JUL Met dié dat die liefdesdiva, Venus, vandeesweek by Mars in jou teken aansluit, het jy die aandag van albei verhoudingsplanete. Dit sal net natuurlik wees om sake van die hart te prioritiseer,…

UITSPRAAK: ho-mo sa-pie-ins Dis ons. “Homo” is Latyn vir “mens”, en “sapiens” beteken “wys”. Saam beteken dit “wyse mens”. Dis die naam van ons spesie; en dis die enigste spesie van mens wat nog bestaan. Ons naaste voorgangers was Homo erectus and Homo neanderthalensis. Daar was by tye meer as een spesie van mens op aarde. So het ons byvoorbeeld saam met Neanderthalmense gelewe tot hulle eindelik uitgesterf het. Sulke wetenskaplike name word altyd skuins gedruk en die eerste letter is ’n hoofletter. SYFERSTORIES 27% Dis die persentasie van die wêreld se kweekhuisgasse wat China in 2019 vrygestel het. In ’n nuwe verslag word dié land as die grootste vrysteller van kweekhuisgasse ter wêreld gelys. Dié gasse is baie sleg vir die omgewing. R11 miljoen Dis die waarde van die…

STER VAN DIE WEEK TREFFERMASJIEN Timothy se naam was in April 2017 op almal se lippe toe sy debuutsnit, “Everyday”, 5FM se top-10-trefferlys gehaal en dit sommer 18 weke aaneen op dié lys gebly het. Daarna het nog treffers soos “Start a Fire” en “On Our Own” gevolg. Nou is die 23-jarige sanger terug met “She’s the Type” – die eerste liedjie wat hy sedert die lockdown uitgereik het. Dit gaan oor ’n ou verhouding wat nie uitgewerk het nie. “Dit gaan oor die rooi vlaggies wat opgekom het en hoe ek nie met haar moes wees nie en eerder op my eie lewe en doelwitte moes fokus,” vertel hy. “Dis ’n lekker song om na te luister as jy die sonsopkoms of sonsondergang sit en geniet.” Roem laat hom…

Het jy al gehoor van muggles? Wat van Voldemort? Kry die popcorn reg! Al agt flieks oor die avonture van die jong towenaar Harry Potter en sy pelle Ron en Hermione is nou op Showmax beskikbaar. As jy nog nie die Harry Potter-flieks gekyk het of dié oulike towenaar leer ken het in die gewilde boekreeks deur J.K. Rowling nie, is dit nou tyd vir opvang. Die franchise het van 2001 tot 2011 al meer as R116 miljard wêreldwyd by die loket laat inrol en is een van die mees gekykte fliekreekse op TV. Hier is 10 cool dinge wat jy oor die flieks moet weet voor jy op die kassie op platform 9¾ beland en op ’n magiese reis na die Hogwarts-skool vir heksery en towery gaan. 1. Elke…

STAP1 Besoek die App Store of die Play Store op jou foon om die gratis Netwerk24-app af te laai as jy op jou foon wil lees of daar na die video’s wil kyk. Indien jy op jou tablet, rekenaar of skootrekenaar gaan lees, gaan direk na Huisgenoot of Netwerk24 se webtuiste. STAP 2 Indien ’n volwassene in jou gesin of jou voog reeds ingeteken is op Netwerk24, kan jy die “Meld aan”-knoppie gebruik om jul e-posadres en wagwoord in te vul. As julle nog nie ingeteken is op Netwerk24 nie, sal julle ’n profiel moet skep deur op “Word ’n intekenaar” te klik. Registreer dan deur jul persoonlike besonderhede (naam, van, e-posadres en kontaknommer) in te vul en op “Word ’n intekenaar” te klik. Let op: Daar is nou die opsie van…

OP DIE R364 tussen Clanwilliam en Lambertsbaai sien jy ’n afdraaipad gemerk met wapperende ballonne. “Boer kry sy vrou!” kondig die swart bord onder die ballonne aan. Volg jy vandag daardie pad, kom jy af op ’n toneel wat jou weer aan gelukkige eindes laat glo. Boer Willem se “Klein Pikkewyn”, soos hy haar noem, het nou ’n ring aan haar vinger nadat hulle daar in die prentjiemooi Cederberge getrou het. Hul lewe saam op ’n rooibosplaas in dié geweste lê nou oop voor hulle. Nie dat die paadjie tot hier sonder kronkels was nie. Hulle moes dwarsdeur die inperking wag om trou te beloof in die NG kerk op Clanwilliam, die dorpie wat Sanel Prinsloo (24) nou saam met haar man, Willem Pool (31), haar tuiste noem. Nadat hulle…

Die voormalige Idols-wenners Paxton Fielies (2017) en Yanga Sobetwa (2018) het kragte saamgesnoer vir hul liedjie “Catch Me”. Die liedjie is deur die sangeres Tima Reece geskryf vir Yanga se debuutalbum, Promised Land. Paxton vertel sy was baie opgewonde toe Yanga haar genader het om die liedjie op te neem. “Toe ek die liedjie hoor, was ek dadelik dol daaroor,” vertel Paxton. “Vir my gaan die liedjie oor die koestering en waardering van jou geliefdes. Om jouself oop te stel vir liefde en verhoudings en daarin te floreer.” Om met Yanga saam te werk was ’n groot eer. “Sy stort haar hart en siel in alles wat sy skep en dit opsigself is inspirerend.” 5 minute om iets te maak om te eet; wat sal dit wees? Ek het onlangs…

Aanhangers van Friends onthou waarskynlik toe Lisa Kudrow se karakter, Phoebe Buffay, in die vierde seisoen ingestem het om ’n surrogaat vir haar broer en sy vrou se drieling te wees. Daardie aanhangers was geskok toe hulle uitvind die baba met wie Lisa swanger was – haar enigste seun, Julian – het onlangs sy 23ste verjaardag gevier. Julian is die aktrise (57) en haar man, Michael Stern (63), se seun. Sy en Michael is in Mei 1995 getroud. Tydens’n onlangse bespreking oor die Friends-reünie het Lisa vertel Julian het altyd vir haar op die stel van die sitkom gekuier en dan gedink Jennifer Aniston (52) is sy ma. “Hy was versot op Jen,” het sy aan die geselsprogramaanbieder Conan O’Brien vertel. “Hy het omtrent tot op haar skoot gevlieg. Wel,…

Die aktrise Lily James het ’n gedaanteverwisseling ondergaan vir haar rol as Pamela Anderson vir die nuwe reeks Pam and Tommy, wat op Pamela se lewe gegrond is. Sy is byna onherkenbaar op onlangse foto’s waar sy Baywatch-tonele vir die reeks skiet. Die 32-jarige Brit spog met ’n valse 34DD-borsmaat en ’n lang platinumblonde pruik terwyl sy aan die reeks werk – en sy is die blonde bom se ewebeeld. ’n Mens sou dink ’n reeks oor haar lewe sou haar vlei, maar die regte Pamela is glad nie beïndruk nie. Die 53-jarige aktrise het daarna gekap, en ’n vriend van die ster sê: “Pamela is geensins van plan om na hierdie aaklige reeks te kyk nie, beslis nie. “Sy’t nog nooit gehoor van die akteurs wat haar en Tommy…